Par magale par - Other actors
பார் மகளே பார் - சக நடிகர் / நடிகைகளின் பங்கு
நகைச்சுவை நடிகரான வி.கே.ஆர். இதில் மிக முக்கியமான ஒரு பங்கு வகிக்கிறார். நல்ல குணசித்திர வேடம். ஆரம்பத்திலிருந்து அவர் படம் முழுவதும் வருவார் முக்கியமான கட்டங்களில். சொல்லப்போனால் படத்தின் திருப்புமுனையே அவரால் தான் ஏற்படும். நண்பன் தன்னை மதிக்கவில்லையே ( வறுமையின்போது ) , அவன் குடும்பத்திற்கு தான் செய்த உதவிகளை மறந்துவிட்டானே >> என்று கோபமும், ஜானகியிடம் காட்டும் சகோதரபாசமும், நிச்சயதார்த்தின்போது கொதித்துபோவதும் , முடிவில் நடந்ததை எல்லாம் மறந்து பழைய ச்நேகம் காட்டுவதுமாக , அவர் ஒரு நல்ல இயல்பான நடிப்பை வெளியிடுவார். இவரால் இப்படிகூட நடிக்கமுடியுமா என்று வியக்கவைப்பார்.
எம்.ஆர்.ராதா - பாவமன்னிப்பு படத்தில் இவர் தான் முக்கிய நாயகன் . பார் மகளே பாரில் சற்று சுமாரான வேடம் தான். ஆனால் தன்னுடைய முத்திரையை பதித்திருப்பார்.
முத்துராமன், ராஜன், கருணாநிதி , சோ ----- தங்கள் பங்கை செவ்வனே செய்திருப்பர்.
சவ்கார் ஜானகிக்கு ஒரு நல்ல வேடம். கணவனிடம் அன்பு, பயம், மறியாதை , குழந்தைகளிடம் பாசம் என்று திறம்பட்ட நடிப்பு. நிற்க. இவரா பின்னர் பார்த்த ஞாபகம் இல்லையோ என பாடுவார் என்று நம்மை வியக்க வைக்கும் !
விஜயகுமாரி , மற்றும் புஷ்பலதா தங்களின் பங்கை செவ்வனே செய்வர்.
தொடரும்