http://oi68.tinypic.com/2i8vmns.jpg
Printable View
அனைத்து உறவுகளுக்கும் இனிய தீபாவளி நல் வாழ்த்துக்கள்
http://oi67.tinypic.com/f3cav8.jpg
இன்றுடன் 50 ஆண்டுகளை நிறைவு செய்யும் உன்னத சித்திரம் காத்தவராயன். பல்வேறு சிறப்பம்சங்களைக் கொண்ட படம். நடிகர் திலகத்திடம் வந்த பிறகு படத்தின் பார்வையே மிகவும் சிறப்பாக அமைந்தது குறிப்பிடத்தக்கதாகும். சுமார் 12 நிமிடங்களுக்கு இடம் பெறும் பாலையாவுடனான மந்திர தந்திர சவால் காட்சியில் தலைவரின் அட்டகாசமான நடிப்பு இனி எந்த காலத்திலும் யாராலும் கற்பனையில் கூட நடித்து பார்க்க முடியாத அளவிற்கு அம்சமாக இருக்கும். இப்படத்தின் சிறப்புக்களை எழுத எத்தனை பக்கங்கள் கொடுத்தாலும் போதாது.
இன்று ஆண்டு நிறைவு காணும் தேசபக்திக் காவியம் கப்பலோட்டிய தமிழன். தலைவரின் லட்சியப்படம். தன்னுடைய உழைப்பையும் நேரத்தையும் திறமையையும் கண்ட கண்ட மசாலா படங்களில் செலவிடாமல் மக்களுக்கு விடுதலை வீரர்களின் தியாகத்தை உணர்த்தும் வரலாற்றுப்படங்களை அளித்ததன் மூலம் இன்றும் இனி வரும் பல நூறு தலைமுறைகளுக்கும் பாடமாக விளங்குகிறார் நடிகர் திலகம். அவதார புருஷர் என்ற வார்த்தை அலங்காரத்துக்காக இல்லாமல் அது உண்மையாகவே திகழும் உயர்ந்த மனிதர் நடிகர் திலகம். பாடப்புத்தகங்களாகட்டும், கவியரங்கம், பேச்சரங்கமாகட்டும் எங்கும் எதிலும் வரலாற்று நாயகர்களைப் பற்றிய தகவல் சுரங்கமாக விளங்குவது நடிகர் திலகத்தின் படங்களே என்பதற்கு மிகச்சிறந்த உதாரணம் கப்பலோட்டிய தமிழன்.