மனதை கவரும் மதுர கானங்கள்: பாகம் -3

**rajeshkrv** · 15th October 2014, 06:49 AM

Originally Posted by RAGHAVENDRA

வாசு சார்
வானத்திலே வெள்ளி ரதம் ... அருமையான பாடல்... ஆனால் அந்த ஆண் குரல்...

இன்று வரை என்னால் மனோவை ஒரு பாடகராக ஏற்றுக் கொள்ள முடியவில்லை. டிராக் பாடகராகவே தொடர்ந்திருக்கலாமே என பல முறை நினைத்ததுண்டு.
இருந்தாலும் ஒரு சில பாடல்கள் பரவாயில்லை..
குறிப்பாக செந்தமிழ்ப் பாட்டு படத்தில் இடம் பெற்ற கூட்டுக்கொரு பாட்டிருக்கு .... அவர் பாடியதில் நான் விரும்பிக் கேட்ட ஒரு சில பாடல்களில் ஒன்று... (ஒரு வேளை மெல்லிசை மன்னரின் கைவண்ணத்தாலோ என்னவோ இப்பாடலில் குரலில் ஒரு மெச்சூரிட்டி தெரியும்).

இளையராஜாவின் இசையில் மனோ பாடிய பல பாடல்கள் வேறு யாராவது பாடியிருக்கக் கூடாதா என பல முறை நான் நினைத்ததுண்டு.

இது என்னுடைய சொந்தக் கருத்தே தவிர யார் மனதையும் புண்படுத்த அல்ல.

எனக்கு இந்த கருத்தில் உடன்பாடில்லை. தமிழ் உச்சரிப்பிலும் சரி பாடும் விதத்திலும் சரி மிகவும் நன்றாகவே பாடுவார்
விழியில் புது கவிதை படித்தேன், எந்தன் வாழ்க்கையின் அர்த்தம் சொல்ல இன்னும் நிறைய பாடல்கள் ..

இசையமைப்பாளருக்கு உதவியாளர், பாடகர்களுக்கு பாடல் சொல்லிக்கொடுப்பவர் எப்படி பாடத்தெரியாமல் இருப்பார். குலாம் அலி, மெஹந்தி ஹசனின் கசல், தெலுங்கு பத்யங்கள் எல்லாம் பின்னுவார்.

என்னை பொருத்தவரை பாலாவை கொண்டாடும் அதே வேளையில் இவரையும் பாராட்டி கொண்டாடுவேன் .. பாடலை பாடலாக பாடுவார்..
இது என் கருத்து தான் .

**Google Adsense** · 15th October 2014 06:49 AM

**RAGHAVENDRA** · 15th October 2014, 06:50 AM

ராஜேஷ் சார்...
மது பாலா மிகவும் இனிமையான பாடல்.. அக்கால கட்டத்தில் என்னுடைய இசைத் தொகுப்பில் இடம் பெற்ற பாடல்.. ஒலி நாடாவின் ஆயுள் குறைந்து விட்டதால்... பாதுகாக்க முடியவில்லை..
அருமையான பாடல்..

**rajeshkrv** · 15th October 2014, 06:52 AM

Originally Posted by RAGHAVENDRA

ராஜேஷ் சார்...
மது பாலா மிகவும் இனிமையான பாடல்.. அக்கால கட்டத்தில் என்னுடைய இசைத் தொகுப்பில் இடம் பெற்ற பாடல்.. ஒலி நாடாவின் ஆயுள் குறைந்து விட்டதால்... பாதுகாக்க முடியவில்லை..
அருமையான பாடல்..

ஆமாம் ராகவ் ஜி, மிகவும் அருமையான பாடல். இதே பாடல் சித்ராவின் குரலிலும் உண்டு.

**RAGHAVENDRA** · 15th October 2014, 06:54 AM

பொங்கும் பூம்புனல்

சி.க.சார் இது உங்களுக்காகத் தான்...

அதே நீதி பிழைத்தது படத்தில் வாணி ஜெயராம் குரலில் .. துள்ளியாட வைக்கும் பாடல்..

சிக்கு சிக்கா ...

... கட்டி வைச்த தேரு .. இந்த கட்டழகைப் பாரு ....பாட்டு வரிகளெல்லாம் ஒரு மாதிரியாகத் தான் இருக்கு..

வாணி செம மூடில் பாடிய பாடல்..

http://www.inbaminge.com/t/n/Needhi%20Pizhaithadhu/

**RAGHAVENDRA** · 15th October 2014, 06:58 AM

பொங்கும் பூம்புனல்

நெஞ்சிலே துணிவிருந்தால் ...

உடனே நினைவுக்கு சித்திரமே பாட்டு நினைவுக்கு வந்து விடுகிறது..

இப்படத்தில் இன்னொரு இனிமையான பாடல்.. சங்கர் கணேஷ் டிரேட்மார்க் இசையில் பாலா மற்றும் வாணியின் குரலில் ஒரு துள்ளல் டூயட்..

கண்ணி வெச்சேன் கன்னி..

http://www.inbaminge.com/t/n/Nenjil%...vu%20Irundhal/

**RAGHAVENDRA** · 15th October 2014, 07:03 AM

பொங்கும் பூம்புனல்

நெருப்பிலே பூத்த மலர்... இப்படம் பேர் சொன்னால் உடனே ஜெயச்சந்திரனின் எங்கெங்கும் அவள் முகம் நமக்கு நினைவிற்கு வந்து விடுகிறது..

ஆனால் இதே படத்தில் இந்த இனிமையான டூயட் பாடல் ஏன் பிரபலமாகவில்லை எனத் தெரியவில்லை... சொல்லப் போனால் இப்பாடலை சென்னை வானொலி நிலையம் ஒலிபரப்பிய அளவிற்கு கூட இலங்கை வானொலியில் ஒலிபரப்பானதாகத் தெரியவில்லை.

திரை இசைத் திலகத்தின் வித்தியாசமான புதுமையான பாணியில் சூப்பர் பாடல்..

ஜெயச்சந்திரன் வாணி ஜெயராம் . இந்த பிரபலமான பாட்டு ஜோடியின் பட்டியலில் இதற்கு தனியிடம் என்றுமே உண்டு..

இரவினில் பனியினில் இருவரும் விழித்திருப்போம்...கேட்டு மகிழுங்கள் இந்த இனிமையான பாடலை..

http://www.inbaminge.com/t/n/Nerupil%20Pootha%20Malar/

**RAGHAVENDRA** · 15th October 2014, 07:06 AM

பொங்கும் பூம்புனல்

மலேசியா வாசுதேவனின் இசையில் மலையாளத்திலிருந்து தமிழுக்கு வெளி வந்த பாக்கு வெத்திலை படத்தில் இடம் பெற்ற இப்பாடல் இலங்கையில் சக்கைப் போடு போட்ட பாடல்..

கே.ஜே.ஜேசுதாஸ் எஸ்.ஜானகி குரல்களில் சூப்பர் டூப்பர் ஹிட்...

தேன் நிலா வரும் ...சொல்லித் தான் தரும் சுகம்..

கேட்டவுடனே .. ஆஹா.. இதுவா என்று தங்கள் நினைவுகள் அசை போடுவது நிச்சயம்..

http://www.inbaminge.com/t/p/Pakkuvethilai/

**RAGHAVENDRA** · 15th October 2014, 07:09 AM

பொங்கும் பூம்புனல்

ஆஹா.. இந்தப் பாட்டை கேட்டிருக்கிறேனே... என மனம் அசை போடும் அந்நாளைய அருமையான பாடல்களில் ஒன்று..

மெல்லிசை மன்னரின் இசையில் பட்டம் பதவி படத்திலிருந்து இசையரசியும் எஸ்.பி.பாலாவும் பாடிய சூப்பர் டூப்பர் பாட்டு...

வானத்தைப் பார்த்திருந்தேன்...

http://www.inbaminge.com/t/p/Pattam%20Pathavi/

சின்ன இடை... இந்த வார்த்தை எப்படியெல்லாம் அழகு பெறுகிறது இசையரசியின் குரலில்...

**RAGHAVENDRA** · 15th October 2014, 07:14 AM

பொங்கும் பூம்புனல்

பல பாடல்கள் படத்தின் பெயரை அறிந்து கொள்ள மிகவும் உதவுகின்றன. இந்தப் பாட்டால் இந்தப் படம் மக்களிடையே அறிமுகமானது என நாம் நினைக்கக் கூடிய படங்களில் ராஜாங்கம் படமும் ஒன்று.. ராஜாங்கம் படம் என்று யாரிடமாவது சொன்னால் இப்படம் எப்போது வந்தது என பலர் கேட்கலாம் ஆனால் இந்தப் பாடலைச் சொன்னால்... ஓ... இந்தப் பாடல் இந்தப் படத்தில் தானா எனக் கேட்பதுண்டு..

ரோசா மலரே அழுவக் கூடாது... ஜெயச்சந்திரனின் குரலில் ... நெஞ்சைத் தொடும் இனிய பாடல்..

சங்கர் கணேஷ் இசையில்..

http://www.inbaminge.com/t/r/Rajangam/

பாட்டின் கடைசியில் குழந்தையின் குரலில் இந்தப் பாட்டு ஒலிக்கும்.