Nadigar_Thilagam_Sivaji_Ganesan_Part 16

**Russellisf** · 21st August 2015, 09:38 AM

சார் உங்கள் முடிவை நீங்கள் மாற்றி கொள்ளவேண்டும் உங்களை பார்த்து தான் நாங்களும் பொறாமை பட்டு கொள்வோம் உங்கள் அபிமான நடிகரின் மீது இவ்வளவு அன்பா என்று என் அன்னையீடம் உங்களை பற்றி சொல்வேன் ஏன் என்றால் என் அன்னை திரு சிவாஜி அவர்களின் பரம ரசிகை . அப்படி இருக்க நீங்கள் உங்கள் முடிவை மாற்றி கொள்ளுங்கள் உங்களுக்கு எடுத்து சொல்லும் வயதில் நான் இல்லை இருந்தாலும் இந்த சிறியவனின் கோரிக்கை ஏற்பிர்கள் என்று நம்புகிறேன் அதுவம் உங்களின் சரித்திர படம் மறுவெளியீடு காணும் நேரத்தில் இந்த நிகழ்வு எல்லோரையும் பாதிக்கும் கனத்த இதயத்துடன்

Originally Posted by RAGHAVENDRA

நண்பர்களே,
பொறுமைக்கும் ஓர் எல்லை உண்டு. தோல்வியை வைத்து நமது மக்கள் தலைவரை முட்டாள் என்றும் அதிமேதாவி என்றும் நண்பர் பாஸ்கர் எழுதியிருப்பது என் மனதை மிகவும் புண்படுத்தியுள்ளது. ஒரு மாடரேட்டர் இல்லாமலேயே எம்.ஜி.ஆர்.திரி நண்பர்கள் பல பாகங்களை அருமையாக நடத்திச் செல்கிறார்கள். இங்கோ தலைவனையே மிகவும் கேவலமாக விமர்சிப்பது நடைபெறுகிறது. இதற்கு மற்ற நண்பர்கள் சிலர் லைக் போட்டு ஆதரவு வேறு. என்னை தனிப்பட்ட முறையில் பலமுறை விமர்சித்த போது கூட நான் அதையெல்லாம் பொருட்படுத்தாமல் தொடர்ந்து தலைவரின் புகழைப் பாடி வந்திருக்கிறேன். இங்கோ நம் ஒப்பற்ற தெய்வப்பிறவியை, அரசியலிலும் நேர்மையும் தர்மமும் நியாயமும் கடைப்பிடித்த மக்கள் தலைவனை, தலைவன் என்று சொல்வதைக் கூட கேலி செய்யும் பதிவுகள் வருகின்றன.

ஒரு சாராருக்கு ஒரே தீர்மானம் தான். நடிகர் திலகம் புகழ் பாடுகிறோமோ இல்லையோ மாற்று முகாமுக்கு மறுப்பு பதிவு போட வேண்டும் அவர்களை எதிரிகளாக பாவிக்க வேண்டும். இதைத் தவிர வேறு எந்த விதமான பதிவுகளும் வருவதில்லை.

இன்னொரு சாராருக்கு ஒரு குறிப்பிட்ட காலத்துக்கு மேல் அவரைப் பாராட்டக் கூடாது. ஏனென்றால் ஒரு மனிதன் Instalmentல் தான் நல்லவனாக இருப்பான். உலகம் இவ்வளவு தான் படத்தில் நாகேஷ் ஆறு மாதத்திற்கு நல்லவனாகவும் ஆறு மாதத்திற்கு கெட்டவனாகவும் இருக்கும் பாத்திரம். இவர்களுக்கு ஒரு காலகட்டத்திற்கு மேல் நடிகர் திலகத்தின் நடிப்பில் நேர்மையில்லை, தொழிலுக்கு விசுவாசமாயில்லை, கண்ட மேனிக்கு கத்துகிறார், என்று எழுத வேண்டும்.

இன்னொரு சாராருக்கு அவர் ஒரு கால கட்டம் வரையிலும் நல்லவர். அதற்கப்புறம் அவர் சுயநலவாதி. அவர் பணம் சம்பாதிப்பதிலேயே குறியாக இருந்தார் என்று எழுத வேண்டும்.

கடைசி வரையில் தன்னுடைய தொழிலிலும் தன் சமுதாயப் பணியிலும் தான் மேற்கொண்ட அரசியலிலும் நேர்மையாகவும் நியாயமாகவும் தர்மத்தைக் கடைப்பிடித்தும் வாழ்ந்து மறைந்து எல்லா விதத்திலும் ஓர் உதாரண புருஷராக விளங்கிய அந்த ஒப்பற்ற தலைவனுடன் காலம் கழித்த ஒரு பெருமையே எனக்குப் போதும். இதற்கு மேல் இங்கிருக்க எனக்கு மனம் வரவில்லை. யார் வேண்டுமானாலும் எப்படி வேண்டுமானாலும் அவரவர்க்கு தோன்றியதை எழுதிக் கொள்ளுங்கள்.

இதற்கு மேலும் இங்கு பங்கேற்பதில் எனக்கு துளியும் விருப்பமில்லை.