Nadigar Thilagam Sivaji Ganesan Part-18

**vasudevan31355** · 21st July 2016, 08:45 AM

ஆண்டவனை ஆண்டவனே ஆட்கொண்ட தினம் இன்று.

நான் வணங்கும் ஒரே தெய்வமே!
என் உயிர் பிரிந்ததும் இதே நாளில்தான்

**Google Adsense** · 21st July 2016 08:45 AM

**vasudevan31355** · 21st July 2016, 09:16 AM

நடிகர் திலகத்துடன் நான்.

உங்கள் அருகே உங்களுக்கு நிகராக எனக்கு சரியாசனம் தந்து, உங்கள் அருகில் அமரத் தயங்கிய என்னிடம் செல்லக் கண்டிப்பு காட்டி, என்னை உங்களோடு அமரச் செய்து, 'போட்டோ சரியாக விழவில்லை' என்று உங்கள் அனுபவ மதியால் கண்டு பிடித்து, 'மீண்டும் ஒருமுறை எடு' என்று புகைப்படக்காரரை சரியாக எடுக்கச் சொல்லி, என்னை அன்போடு அணைத்து அரவணைப்பு காட்டிய அன்பு தெய்வமே! எவருக்கு கிடைக்கும் இப்பேற்பட்ட பாக்கியம்!

நீ விண்ணுலகில் இருக்க நான் மண்ணுலகில் ஏன் இன்னும் வாழவேண்டும்?

**vasudevan31355** · 21st July 2016, 09:04 AM

நீ பிறந்தாய் உலகம் உன்னதமானது
நீ சிரித்தாய் உலகம் உவகையடைந்தது
நீ நடந்தாய் உலகம் கர்வப்பட்டது
நீ அழுதாய் உலகம் அழுது புரண்டது
நீ பேசினாய் உலகம் அளவளாவி மகிழ்ந்தது
நீ மறைந்தாய் உலகம் இருண்டு போனது

அசையும் பொருளை நிற்கவும், நின்ற பொருளை அசையவும் செய்த அசகாய சூரனே!

மரணம் உன்னை பிரிக்கலாம்
மனதிலிருந்து பிரிக்க எவரால் இயலும்?

கண்களில் கண்ணீரையும், பன்னீரையும் ஒருசேர வரவழைக்க உன் ஒருவனால் மட்டும்தானே இயலும்.

அப்பா.... அம்மா என்று உச்சரித்ததைவிட உன் பெயரைத்தான் அதிகம் உச்சரித்திருக்கிறோம். கோவிலில் தெய்வங்களை பார்த்தத்தைவிட உன்னைத்தானே அதிகம் தரிசித்திருக்கிறோம்.

மரணத்திற்கு மரணம் நிகழலாம்
உனக்கேது?