kavidhaikku kavidhai matrum Pattuku pattu-2

**chinnakkannan** · 21st March 2013, 10:39 AM

பணியில் பணிவு
கொஞ்சம் திறமை
நேரந்தவறாமை
எல்லாம் வேண்டும்
புரிந்ததா..
நான் கேட்ட காப்பி என்னாச்சு
இவ்ளோ லேட் ஆகுது

சர்வர்
சற்று நேரத்தில் எதுவும் பேசாமல்
காப்பி கொண்டுவந்து வைக்க
அது இருந்தது கொதித்து..

**Google Adsense** · 21st March 2013 10:39 AM

**pavalamani pragasam** · 21st March 2013, 10:42 AM

கொதித்து எழுந்தது மாணவர் சமுதாயம்
புரட்சி பிறக்குமா மலருமா மனித நேயம்

**kirukan** · 21st March 2013, 10:51 AM

மனித நேயம்
மண்ணாகி போக
மக்கிய மனிதனை
பார்க்கவோ இல்லை
மிஞ்சிய மனிதனை
பார்க்கவோ!!

-
கிறுக்கன்

**chinnakkannan** · 21st March 2013, 10:56 AM

பார்க்கவோ என எதற்காக
என்னைக் கேட்கிறாய்..

உனது
மாநிறத்திற்கு சிவந்த வண்ணப்
ப்டவை நன்றாக இருக்கும்
எனச் சொன்னேன்..
கரு நீலம் பிடித்தால் எடுத்துக்கோயேன்
எதற்காக்க் கேட்கிறாய்..

ம்ம்
நல்லாத் தான் இருக்கு
கரு நீலமும்..
ஏய் எதற்காக சிவப்பையே எடுக்கிறாய்..

பரவாயில்லைம்மா
உனக்குப் பிடிச்சது நீ எடுத்துக்கோ
இல்லையா
அதுவும் சரி..

சிரித்தபடியே சிவப்பை எடுத்தவள்
மனதுள்
கொஞ்சம் வருத்தம் தான்..

**kirukan** · 21st March 2013, 12:57 PM

தானென்பது தன்னுள் வந்திட தரம்
தாழ்ந்து துயர் சேர்ந்திடும்.

-
கிறுக்கன்

**pavalamani pragasam** · 21st March 2013, 01:17 PM

சேர்ந்திடும் பாவமும் புண்ணியமும்
சித்ரகுப்தன் கணக்குப் புத்தகத்தில்
கண்ணுக்குத் தெரியாத நீதியொன்று
போகுமுன்னே பலனை தந்துவிடும்
விந்தையான பல வழிகளிலே இது போல்-
களைப்பிலே ஆற்றங்கரை மர நிழலிலே
தூங்கிவிட்ட பால்காரன் பணப்பையை
குரங்கொன்று கவர்ந்து கிளை மேலேறி
காசுகளை தரையில் ஒன்றும் ஆற்றில் ஒன்றுமாய்
வீசியதில் தண்ணீர் கலந்து விற்ற பாலின்
லாபக்கணக்கு நேரானது கேட்டதுண்டு
முற்பகல் செய்தது பிற்பகல் விளைந்தது

**chinnakkannan** · 21st March 2013, 03:17 PM

விளைந்தது கொஞ்ச்ம் எனக்
கணக்குக் காண்பித்து
பத்து மூட்டை நெல் கொண்டு வருவான்
குத்தகைக் காரன் முன்பெல்லாம்

எட்டாகி ஆறாகி
நாலு என வந்த போது
அப்பா நீயே வைச்சுக்கோ சொல்லிவிட்டார்..
பின்
கிராமத்துக்கும் போனதில்லை
வயலையும் பார்க்கவில்லை..

போன மாதம் எதேச்சையாக
குத்தகைக் காரனின் பையனைப் பார்த்தேன்
நன்றாகத் தான் இருந்தான்..

அப்பா எப்படி இருக்கார் எனக் கேட்டதற்கு
முகம் வாடியது
எதையுமே சாப்பிட முடியவில்லையாம்
வாயெல்லாம் புண்ணாம்
ஷீகர் வேறு
மிக இளைத்து விட்டானாம்..
என்ன
பிள்ளையால் விவசாயம் பண்ண முடியாமல்
நிலம் விற்றாச்சு..
டவுனுக்கே வ்ந்துட்டேங்க..
ஃபேக்ட்ரில வேலை பாக்கறேன்
நிலத்தை விற்றதில் ஒரு வீடு
ஏதோ வ்ருமானம் ஓடுதுங்க பொழைப்பு

எனச் சொன்னவனின்
கைகளில்
தவழ்ந்திருந்தது ரேஷன் கார்ட்..

**pavalamani pragasam** · 21st March 2013, 08:02 PM

ரேஷன் கார்ட் மட்டும் அங்கீகரிக்கும்
என் குடும்பத்தலைவன் பட்டத்தை
பெயர் விலாசம் படத்தோடு பவுசாக
தலையாட்டும் தஞ்சாவூர் பொம்மையாய்
நானிருக்க மதிமந்திரியாய் அவளிருக்க
குறையொன்றுமில்லை கண்ணா வாழ்விலே

**chinnakkannan** · 22nd March 2013, 09:50 AM

குறையொன்றுமில்லை கண்ணா வாழ்விலே

நெக்குருகி
ஊனுருகி
உயிருருகிப் பாடி முடித்த
பாடகியின்
கண்ணோரம் கோர்த்த நீருக்கு
மட்டும்
தெரியும் அவள் நிலை..

**pavalamani pragasam** · 22nd March 2013, 12:04 PM

நிலை தடுமாறிடலாமோ
நீர்நிலைகள் வற்றலாமோ
நீரின்றி இவ்வுலகு வாழுமோ
நீருக்கு ஏனிந்த சோதனையோ
கண்மாய் மடையடைத்து கல்லூரி
குளமும் ஏரியும் ஆனது குடியிருப்பு
வனமழித்து வான் மழை பொய்த்து
சகல வித கழிவுகளைக் கொட்டி
அம்மம்மா மடமை போதுமம்மா
வளமிதை சேமிக்க வேண்டுமம்மா
சிறு துளியும் கூட வீணாக்காமல்
காப்போம் சந்ததிகள் தவிக்காமல்