கவிதை எழுதுவோம் வாருங்கள்.

[chinnakkannan]

இங்க புச்சு புச்சா தான் எய்தி பாக்கறேன் ஓகேயாங்க்..

[kalnayak]

மசாலா அறைக்கிறத எழுதுறதுல இருந்து
உங்க கைப்பக்குவம் கவிதையில தெரியுது.
சமைக்கத் தெரியாத நான் சமையல பத்தி என்ன சொல்ல?

[chinnakkannan]

ஓய்.. அதெல்லாம் எழுத எழுதத் தானா வந்துடும்.. ஒமக்காக இப்போ ரசத்தக் கொதிக்க வைக்கிறேன்..கொஞ்சம் வெய்ட் பண்ணுங்க..

[kalnayak]

புச்சு புச்சாய் மட்டும் நீங்க எழுதலீங்கோ.
அச்சு அசலாயும் பாங்கா எழுதறீங்கோ.

[kalnayak]

படிச்சு ரசிக்கத்தான் முடியுது ரசமான எழுத்த
குடிச்சு ரசிக்க முடியலயே எழுதுற ரசத்த!!!

[chinnakkannan]

ரசம் (சுடச் சுட)

**

கண்ணை முழிச்சு நேரம் பார்த்தா
மணியோ இப்போ ஆறா அச்சோ..

அம்மா படிச்சுப் படிச்சுச் சொன்னாள்
அத்தை வீடு அண்ணா நகரில்
ஆட்டோ பிடிச்சு ப் போகப் பேசி
மறுபடி வரவும் ஒன்பது ஆகும்

அப்பா ஆறரை வாக்கில் வந்தால்
சூடாய்ச் சின்னதாய் சாம்பார் வச்சு
குக்கரில் இருக்கும் சாதம் எடுத்து
சூடு பண்ணி பின்னே ஃப்ரிட்ஜில்
வெண்டை ஃப்ரைதான் ஓவனில் வைத்து
மெல்லிய சூட்டில் தட்டில் போட்டு
கொடுடி என்றாள் ஓமறந்தேனே
ப்ளஸ்டூ படிக்கிறே சாம்பார் வைக்கத்
தெரியா தென்றால் திட்டுவாள் எனவே
சரியெனத் தலையை ஆட்டிவிட் டாச்சு
இப்போ பேந்த முழிக்கவும் ஆச்சு

ஃபேஸ்புக் ப்ரண்டிடம் கேட்டால் அவளோ
அடியே எனக்கு சாப்பிடத் தெரியும்
சாம்பார் எல்லாம் அம்மா செய்வாள்
என்றே சொல்லி சைன் ஆஃப் பண்ண
என்ன செய்யலாம் என்றே திகைத்தால்

அச்சோ வாசலில் பைக்கின் சத்தம்
அப்பா வந்தாச் என்ன செய்வேன்

உள்ளே வந்த அப்பா சோர்வாய்
என்னடி அம்மா எங்கே எங்கே

அத்தை வீடு போயிருக் காப்பா
இப்போ இதோ வந்தே விடுவாள்
ஆனால் அப்பா சாம்பார் வைக்கச்
சொன்னாள் அம்மா எனக்குத் தெரியாதே.

சரிசரி கவலைப் படாதே நீயும்
வாவா நாமும் ரசமாய்ச் செய்யலாம்

சொன்ன அப்பா உள்ளே சென்று
உடையை மாற்றி பெர்முடாஸ் அ\ணிந்து
ப்ரெஷனப் ஆகி லோஷன் மணக்க
கிச்சனின் உள்ளே புகுந்தே ஃப்ரிட்ஜில்
இருந்த சிலபல தக்காளி எடுத்து
வேக வேகமாய் கட்தான் செய்து
பின்னே சின்னதாய்ப் பாத்திரம் எடுத்து
கடுகு உளூந்து எண்ணெய் விட்டு
சிம்மில் அடுப்பை ஏற்றி விட்டே
கடுகு பருப்பும் பொன்னிறமாக
கொஞ்சம் வெடிக்கும் போதில் பழத்தை
சரிவாய்ப் போட்டுப்பின்னர் ரசத்தின்
பொடியைப் போட்டு சற்றே உப்பு
பின்னர் தண்ணிர் எல்லாம் விட்டு
கொதிக்க வைக்க சற்றைப் போதில்
எங்கும் மணமாய் ஆஹா அழகு..

டைனிங்க் டேபிளில் சமர்த்தாய் நானும்
பாத்திரம் தட்டு கறியும் சாதம்
எல்லாம் வைக்க அப்பா ரசத்தின்
பாத்திரம் வைக்க இருவரும் ஒருகை
பிடித்தே சாப்பிட அடடா அமிர்தம்..

உண்டு முடித்தபின் சொன்னேன் டாடி
ஆஹா பேஷ்பேஷ் சூப்பர் டாடி
அம்மா வைவிட நீதான் பெட்டர்.
கையைப் பிடித்துக் குலுக்க உதறி
அப்பா பட்டார் அழகாய் வெட்கம்!

**

[kalnayak]

சி.க. ரசமான ரசக்கவிதை சூப்பர்!!!


அப்பா வச்ச ரசத்தை குடித்து
மப்பா ஏறாமல் மனது வைத்து
தப்பா எதுவும் வாய் பேசாமல்
நிப்பா இந்த பிளஸ்டூ பாப்பா!!!

[kalnayak]

அழகென்பது பார்வையிலே
அறியாமை மூளையிலே
அச்சமென்பது மனதினிலே
ஆதரவென்பது நீ மட்டுமே
அறிந்து கொண்டேன் அனுபவத்தில்.

[kirukan]

சில்லரை மனிதர்கள் வாங்க முடியாத
மொத்த வியாபாரம் நேர்மை.
-
கிறுக்கன்
Courtesy-Warren Buffett

[kalnayak]

கற்பனையில் வீடு கட்டி கல்லறையில் குடியிருப்போம்
பற்றற்ற வாழ்க்கைதனை பலனன்றி வாழ்ந்திருப்போம்
படைத்தவனும் நேரிலில்லை பலவுருவில் வேண்டுகிறோம்
செய்தவரை காணவில்லை செத்தபின்பா கண்டிருப்போம்.