கவிதை எழுதுவோம் வாருங்கள்.

[chinnakkannan]

கண்ணுக்குள் நீரோட காமாட்சிப் பாட்டியவ
..கலங்கித்தான் பார்த்திருந்தா தொலைக்காட்சிப் பெட்டியதை
என்னாச்சோ ஏதாச்சோ சீரியலில் சோகமென்ன
…என்றபடி எச்சுமியும் எட்டித்தான் பார்க்கையிலே
வண்ணவண்ண சேலைதனை வாகாகக் கட்டிக்கிட்டு
...வக்கணையா மீன்கொழம்பு செய்முறையைச் சொல்லிநிற்க
நன்னாத்தான் இருக்குதுடி ஏதுக்குக் கலங்குறவ
. நன்றாகச் சொல்லிவிடு என்றேதான் கேட்டுவிட

மென்சிரித்தாள் காமாட்சி ஒண்ணுமிலை எச்சுமியே
…மேலாக ஒருநினைவு என்றுசொலி நிறுத்தியவள்
கண்குளமாய்ப் போனகதை நெஞ்சுக்குள் பொங்கியெழ
…காலையிலே மார்க்கெட்டு வெரசாத்தான் தாம்போயி
சின்னமீனு பெரியமீனு நல்லமீனாப் பொறக்கிவந்து
… சிட்டெனவே குழம்புவைக்க மகன்விரும்பி சாப்பிடவும்
பின்னதொரு நாளிலிந்த முதியோரின் இல்லத்தில்
…பிள்ளையவன் சேர்த்ததையும் சொல்லவில்லை அக்கிழவி..