-
14th June 2016, 05:56 PM
#11
Moderator
Diamond Hubber
சின்னத்திரைக்கு வந்தது ஏன்? அரவிந்த்சாமி விளக்கம்
அரவிந்த்சாமி நீண்ட இடைவெளிக்கு பிறகு ;தனி ஒருவன் படத்தின் மூலம் சினிமாவில் வில்லனாக என்ட்ரி கொடுத்தார். அடுத்து போகன் படத்தில் அதே ஜெயம்ரவியுடன் நடிக்கிறார். தனி ஒருவன்; தெலுங்கு ரீமேக்கில் வில்லனாக நடிக்கிறார். இந்தியில் டீயர் டாட் என்ற இந்திப் படத்தில் ஓரின சேர்க்கையாளராக நடித்து பரபரப்பு கிளப்பினார். இதற்கிடையில் விஜய் டி.வியில் நீங்களும் வெல்லலாம் ஒரு கோடி; நிகழ்ச்சியை தொகுத்து வழங்கிக் கொண்டிருக்கிறார்.
இதுபற்றி அரவிந்த்சாமி கூறியிருப்பதாவது: நான் டி.வி ஷோக்கள் அதிகம் பார்ப்பதில்லை. அமிதாப்பச்சன் நடத்திய கோன்பனேக்கா குரோர்பதி தான் நான் கடைசியாக பார்த்த நிகழ்ச்சி. எனக்கு பிடித்த நிகழ்ச்சி. அதே நிகழ்ச்சியை தொகுத்து வழங்க என்னை கேட்டார்கள். எனக்கு பிடித்த விஷயங்கள் அந்த நிகழ்ச்சியில் இருந்ததால் ஒத்துக் கொண்டேன்.
இந்த நிகழ்ச்சியில் வெற்றி பெறுகிற பணம் அவர்களின் கனவுகளை நனவாக்க உதவுகிறது. வெறும் பணம் மட்டும் முக்கியமில்லை. அதையும் தாண்டி பல விஷயங்கள் இருக்கிறது. பதில் தெரிவதை விட விளையாட தைரியம் வேண்டும். அந்த தைரியத்தை பெற அவர்களுக்கு நான் உதவுகிறேன். இந்த நிகழ்ச்சி மூலம் நிறைய மக்களை சந்திக்க முடிகிறது. அவர்களுடைய வாழ்க்கைய கேட்க முடிகிறது. இந்த அனுபவம் எனக்கு பிடித்திருக்கிறது. இந்த நிகழ்ச்சி என் கண்களை பல விதத்தில் திறந்திருக்கிறது. என்கிறார் அரவிந்தசாமி.
நன்றி: தினமலர்
-
14th June 2016 05:56 PM
# ADS
Circuit advertisement
Bookmarks