-
6th June 2009, 07:40 PM
#121
Moderator
Diamond Hubber
சூப்பர் சிங்கர் ஜுனியர்-2
விஜய் டிவியின் சூப்பர் சிங்கர் ஜுனியர் நிகழ்ச்சி மீண்டும் ஆரம்பமாகிறது. கடந்த 2007-ம் ஆண்டு தொடங்கப்பட்ட இந்த நிகழ்ச்சி நேயர்களிடையே மிகவும் பிரபலமடைந்தது. தமிழகத்தின் செல்லக் குரலுக்கான தேடல் ஆரம்பமாகி நாளடைவில் போட்டியில் பங்கு பெற்ற கிருஷ்ணமூர்த்தி, விக்னேஷ், சாய்சரண், அபர்ணா, மேலும் பலர் ஒவ்வொருவரின் வீட்டுச் செல்லப்பிள்ளையாகவே மாறினார்கள்.
இவர்கள் அனைவரும் தமிழகத்தின் தலைசிறந்த பாடகர்களை நேரில் பார்க்கவும், அவர்கள் முன் தன் திறமையை நிரூபிக்கும் வாய்ப்பையும் பெற்றனர் என்பது குறிப்பிடத்தக்கது.
இந்த ஆண்டு நடைபெறவிருக்கும் சூப்பர் சிங்கர் ஜுனியர்-2 இவை எல்லாவற்றையும் மிஞ்சக்கூடிய பிரம்மாண்டத்துடன் துவங்கவிருக்கிறது. தமிழகத்தின் முக்கிய மாவட்டங்களில் நேரடித் தேர்வு நடக்கிறது. சிறந்த குரல் வளம் உள்ள சிறுவர் சிறுமியரை தேர்வு செய்து அவர்களை நேயர்களின் வீட்டு வரவேற்பறைக்கே அழைத்து வரவிருக்கிறது, விஜய் டிவி. ஒவ்வொரு மாவட்டத்திலும் நடைபெறும் நேரடித் தேர்வில் சிறந்த பாடகர்கள் நடுவர்களாக இருந்து தேர்வு செய்வர்.
பல கட்டங்கள் போட்டிகளைத் தாண்டி வெற்றி பெறுபவர் பரிசுத்தொகையான ரூபாய் 25 லட்சத்தை தட்டிச் செல்வார். வரும் 15-ந்தேதி சூப்பர் சிங்கர் ஜுனியர் ஆரம்பமாகிறது.
நன்றி: தினதந்தி
-
6th June 2009 07:40 PM
# ADS
Circuit advertisement
-
11th June 2009, 01:00 PM
#122
Senior Member
Seasoned Hubber
பாய்ஸ் vs கேர்ள்ஸ்
First Published : 11 Jun 2009 11:55:00 PM IST
Last Updated :
விஜய் டி.வி.யில் ஒளிபரப்பாகி வரும் நடன நிகழ்ச்சியான "பாய்ஸ் vs கேர்ள்ஸ்' அரையிறுதிச் சுற்றை எட்டியுள்ளது.
சின்னத்திரை நட்சத்திரங்கள் பங்கு பெறும் இந்த நிகழ்ச்சியில் நடிகர் ஜார்ஜ் தலைமையில் ஆண்கள் ஓர் அணியாகவும், நடிகை பிருந்தா தாஸ் தலைமையில் பெண்கள் ஓர் அணியாகவும் போட்டியில் ஈடுபட்டு வருகின்றனர்.
இரு அணிகளுக்கு இடையே சேலஞ்ச் ரவுண்ட், தனிச்சுற்று, டூயட் போன்ற சுற்றுகளில் பெண்கள் அணியே முன்னிலையில் உள்ளது என்பது குறிப்பிடத்தக்கது.
இனி வரும், அரையிறுதிச் சுற்றில் சேலஞ்ச் ரவுண்ட் போனஸ் சுற்றாக அறிமுகப்படுத்தப்படுகிறது. இதில் எந்த அணி வெற்றி பெறுகிறதோ அந்த அணிக்குக் கூடுதலாக 25 புள்ளிகள் கிடைக்கும்.
இந்தச் சுற்றில் வெஸ்டன், ஃபோக், கிளாசிகல் ஆகிய பிரிவுகளில் போட்டியாளர்கள் தங்கள் நடனத் திறமையை வெளிப்படுத்த வேண்டும். ஓர் அணியிலிருந்து மூன்று நபர்கள் ஒவ்வொரு நடனப் பிரிவிலும் பங்கேற்கலாம். நடிகர் ஸ்ரீகாந்த், நடிகை மும்தாஜ் ஆகியோர் நடுவர்களாக இருந்து புள்ளிகள் வழங்கும் இந்த நிகழ்ச்சி (ஜூன்-12, 13) வெள்ளி மற்றும் சனி இரவு 8 மணிக்கு ஒளிபரப்பாகிறது.
-
15th June 2009, 07:32 AM
#123
Moderator
Diamond Hubber
இன்று விஜய் விருது விழா
சினிமா கலைஞர்களுக்கு விஜய் டிவி விருது வழங்கும் நிகழ்ச்சி இன்று மாலை சென்னை நேரு உள்விளையாட்டு அரங்கத்தில் நடைபெற உள்ளது. ரசிகர்கள் தேர்ந்தெடுத்த சிறந்த நட்சத்திரங்களும் நடுவர்களாக தேர்ந்தெடுக்கப்பட்ட பிரிவில் வென்றவர்களும் விருதுகள் பெறுகிறார்கள் என்பது குறிப்பிடத்தக்கது.
சிறந்த படத்திற்காக அபியும் நானும், அஞ்சாதே, சுப்பிரமணியபுரம், வாரணம் ஆயிரம் ஆகிய திரைப்படங்கள் தேர்வாகியுள்ளன. இவற்றில் இருந்து சிறந்த படம் அறிவிக்கப்படும்.
சிறந்த நடிகருக்கான தேர்வுப்பட்டியலில் இருப்பவர்கள் கமலஹாசன், சூர்யா, தனுஷ், ஜெயம் ரவி ஆகியோர். அசின், ஜெனிலியா, பார்வதி, சிநேகா நடிகையர் பட்டியலில் இருக்கிறார்கள். விழாமேடையில் சிறந்த நடிகர்-நடிகையர் அறிவிக்கப்படுவார்கள்.
விருது வழங்கும் விழா விஜய் டிவியில் வரும் 18, 19 தேதிகளில் இரவு 7 மணிக்கு ஒளிபரப்பாகிறது.
விஜய் விருது விழாவுக்கென நியமிக்கப்பட்டுள்ள தேர்வுக்குழு நீதிபதிகள் இயக்குனர் பிரதாப்போத்தன், நடிகர் ïகிசேது, நடிகை லிசி பிரியதர்ஷன், கார்ட்டூனிஸ்ட் மதன் ஆகியோர் நிகழ்ச்சியில் கலந்து கொள்வதோடு திரைத்துறை தொடர்பன பல சுவாரசிய தகவல்களையும் தருகிறார்கள்.
நன்றி: தினதந்தி
-
19th June 2009, 09:12 AM
#124
Senior Member
Veteran Hubber
Vijay awards
Best Art Director : Thotta Dharani + for Dasavatharam
Best Costume Designer : Gouthami for Dasavatharam
Best Stunt Director : <Name> - Subramaniyapuram
Best Female Singer : Bombay Jeyashree - Yaaro - Dham Dhoom
Best Male Singer : Hariharan - Nenjukul Peidhidum - VA
Best Villain - Kamalhassan - Dasavatharam
Best Supporting Actor - 'Bom' Ramesh - Anjathey
Best Supporting Actress - Simran - VA
Vera updates theriyuma?
-
19th June 2009, 07:24 PM
#125
Senior Member
Diamond Hubber
Indiglitz-la munnAdiyE updates vanthAchu. VA/10A sweep. AnjAthE-kku aappu.
Anyway inga one week delay. Mysskin, Sashi ellAm comedy pannittu irukkAnga. AdhellAm OK, Poo Sasi ellAm periya aaL maadhiri pEsuradhu
-
20th June 2009, 06:21 PM
#126
Moderator
Diamond Hubber
சூப்பர் சிங்கர் ஜுனியர்-2 முதல் கட்ட தேர்வு
விஜய் டிவி நடத்தும் சூப்பர் சிங்கர் ஜுனியர்-2 போட்டியின் முதல் கட்டத் தேர்வு திருச்சியில் நடக்கிறது. கோவையில் சென்ற வாரங்களில் நடைபெற்ற நேர்முகத் தேர்வில் 500-க்கும் மேற்பட்ட சிறுவர் - சிறுமியர் ஆர்வத்துடன் பங்கு பெற்றனர்.
முதற்கட்ட சுற்றில் தேர்வானவர்கள் இரண்டாம் கட்டத்தில் தீபன் சக்கரவர்த்தி, அனிதா குப்புசாமி மற்றும் மஹதி ஆகியோர் முன்பு பாடி தங்களின் திறமையை நிரூபித்தனர். இறுதியாக கோவையிலிருந்து 15 சிறுவர்கள் தேர்ந்தெடுக்கப்பட்டனர் என்பது குறிப்பிடத்தக்கது.
கோவையை அடுத்து திருச்சியில், கடந்த 15-ந்தேதி முதல் 19-ந்தேதி வரை தேர்வு நடந்தது.
முதற்கட்ட நேர்முகத்தேர்வு இன்று காலை 8 மணி முதல் திருச்சி காஜாமலையில் உள்ள எஸ்.ஆர்.எம். ஹோட்டலில் நடக்க உள்ளது.
பல கட்ட போட்டிகள், விறுவிறுப்பான தருணங்களைத் தாண்டி வெற்றி பெறும் சூப்பர் சிங்கர் ஜுனியருக்கு ரூபாய் 25 லட்சம் பரிசாக கிடைக்கும். வரும் திங்கள் முதல் சூப்பர் சிங்கர் ஜுனியர்-2 நிகழ்ச்சியை காணலாம். திங்கள் முதல் வியாழன் வரை தினமும் இரவு 9 மணிக்கு ஒளிபரப்பாகிறது.
நன்றி: தினதந்தி
-
20th June 2009, 06:32 PM
#127
Moderator
Diamond Hubber
பாய்ஸ் அணி வெல்லுமா?
விஜய் டிவியின் பிரம்மாண்ட நிகழ்ச்சியான `பாய்ஸ் அண்ட் கேர்ள்ஸ்' போட்டி அணிக்கான நிகழ்ச்சி இறுதி சுற்றை எட்டியுள்ளது. 20 மதிப்பெண்களின் அடிப்படையில் முன்னிலையில் இருக்கும் பிருந்தாதாசின் தலைமையில் இருக்கும் பெண்கள் அணியினரை வெல்லத் தயாராகியுள்ளனர், ஜார்ஜ் தலைமையில் இருக்கும் பாய்ஸ் அணியினர்.
20 பாயிண்ட்டுகளே பின்தங்கி இருக்கும் பாய்ஸ் அணியினர் இந்த வார இறுதிப் போட்டியில் தாங்கள் வெற்றி பெற கடுமையாக போட்டியிடுகின்றனர். வரும் வாரம் நடைபெறும் இறுதிப் போட்டியில் குரூப் சுற்று, கான்செப்ட் சுற்று, போனஸ் சுற்று, ஸ்பெஷல் சுற்று என பல புதுமையான சுற்றுக்களில் இவர்கள் போட்டியிட உள்ளனர்.
ஸ்பெஷல் சுற்றில் ஏழு பேர் கொண்ட இரு அணியினரும் சேர்ந்து ப்ரீஸ்டைல் பாடலுக்கு நடனமாட தயாராக உள்ளனர்.
ஆண்கள் அணியினர் முதன் முறையாக சர்வதேச நடன முறைகளை தங்களின் நடனத்தில் புகுத்தி ஒரு சிறப்பான போட்டியை தர தயாராக உள்ளனர். பெண்களும், நாங்கள் ஆண்களுக்கு சளைத்தவர்கள் இல்லை என்பதை நிரூபிக்க இந்திய நடன முறைகளையும், பல புதிய அம்சங்களையும் தங்களின் நடனத்தில் புகுத்த தயாராக உள்ளனர்.
நிகழ்ச்சியின் நடுவர்களான நடிகர் ஸ்ரீகாந்த், நடிகை மும்தாஜ் ஆகியோர் இந்த டீம்களின் நடனத்தை விமர்சித்து பாயிண்ட்டுகள் வழங்க உள்ளனர். இன்று இரவு 8 மணிக்கு விஜய் டிவியில் இந்த நிகழ்ச்சி ஒளிபரப்பாகும்.
[html:b152b15b04]
[/html:b152b15b04]
நன்றி: தினதந்தி
-
27th June 2009, 12:23 AM
#128
Senior Member
Veteran Hubber
-
27th June 2009, 06:41 PM
#129
Moderator
Diamond Hubber
"உங்களில் யார் அடுத்த பிரபுதேவா' இறுதிப் போட்டி நேரடி ஒளிபரப்பு
விஜய் டி.வி.யில் ஒளிபரப்பாகி வரும் நடன நிகழ்ச்சியான "உங்களில் யார் அடுத்த பிரபுதேவா' இறுதிப் போட்டியை எட்டியுள்ளது.
கடந்த ஆண்டு ஆகஸ்ட் மாதம் தொடங்கிய இந்த நடனப் போட்டியில் தமிழகம் முழுவதும் இருந்து பலர் பங்கேற்றனர். பல சுற்றுகளுக்குப் பிறகு பிரேம் கோபால், செரிஃப், நந்தா மற்றும் மனோஜ் குமார் ஆகிய நான்கு பேர் இறுதிப் போட்டிக்குத் தேர்வாகியுள்ளனர்.
இந்த நால்வரில் இருந்து ஒருவர் "அடுத்த பிரபுதேவா' ஆகத் தேர்ந்தெடுக்கப்படுகிறார். அவருக்கு ரூ.10 லட்சம் பரிசுத்தொகை வழங்கப்படுகிறது. இந்த நிகழ்ச்சியில் பிரபுதேவா கலந்துகொள்கிறார்.
சென்னையில் வெள்ளிக்கிழமை (ஜூன் 26) நடைபெறும் இந்த இறுதிப் போட்டியை மாலை 6.30 மணியிலிருந்து விஜய் டி.வி. நேரடியாக ஒளிபரப்புகிறது.
-
4th July 2009, 06:29 PM
#130
Moderator
Diamond Hubber
நடனப் போட்டியில் வெற்றி பெறப் போவது யார்?
விஜய் டி.வி.யின் பிரம்மாண்ட `பாய்ஸ் அன்ட் கேல்ஸ்' நடன நிகழ்ச்சியின் இறுதிச் சுற்று கோலாகலமாக மூன்று மணி நேரம் நடந்து முடிந்தது. இதில் வெற்றி பெறப் போவது ஆண்களா? பெண்களா? வரும் வாரம் இது தெரிய வரும்.
ஆட்டத்தில் `நீயா நானா பார்த்துவிடு' என்று களத்தில் குதித்த இவர்களில் வெற்றி பெறுவது யார்? `பாய்ஸ் அன்ட் கேர்ல்ஸ்' நிகழ்ச்சியில் இதுவரை இரண்டு டீம்களுக்கிடையே சேலஞ்ச் ரவுண்டு, தனிச்சுற்று, டூயட், அவுட் ஆப் தி பாக்ஸ், குரூப் சுற்று, கான்செப்ட் சுற்று, போனஸ் சுற்று, ஸ்பெஷல் சுற்று என பல சுற்றுகளில் இவர்களின் திறமைகளை ஏற்கனவே மதிப்பிட்டு விட்டனர், நடுவர்களான நடிகர்கள் ஸ்ரீகாந்த் மற்றும் மும்தாஜ்.
வரும் வாரம் பலவித கொண்டாட்டங்களுடன் இந்தப் போட்டா, போட்டியில் வெற்றி பெறவிருக்கும் அணிக்கு பலவித பரிசுகள் உண்டு. இந்த இறுதிப் போட்டியில் சிறந்த ஆண் நடனக் கலைஞர் மற்றும் சிறந்த பெண் நடனக் கலைஞர் இருவருக்கும் பல வித சிறப்பு பரிசுகள் காத்துக் கொண்டிருக்கிறது என்பது குறிப்பிடத்தக்கது!
அதோடு இதுவரை மேடையில் நடைபெறாத நடன அரங்கேற்றங்களும் வரும் வாரம் நடைபெற உள்ளது. இதில் புதிய நடன அமைப்புகளான சால்சா போன்ற மேற்கத்திய நடன அமைப்புகளும் இந்த சுற்றில் இடம்பெறுகின்றன. ஆண்கள், பெண்கள் இரு அணியினரும், பலவகை நடனங்களை பார்வையாளர்களின் முன்னிலையில் அரங்கேற்ற உள்ளனர்.
இன்று இரவு 8 மணிக்கு விஜய் டிவியில் ஒளிபரப்பாகிறது, இந்த நிகழ்ச்சி.
Bookmarks