Printable View
"ஒரு சிலர் கொஞ்சி கொஞ்சிப் பேசுவாங்க, சிலர் மென்மையாப் பேசுவாங்க, சிலர் கணீர் குரலில் பேசுவாங்க. முதல்ல அவங்க எப்படி பேசுவாங்கங்கறதை கவனிப்பேன். இவங்களுக்கு இப்படிப் பேசினால் நல்லாருக்கும்னு அனலைஸ் பண்ணி அதற்குத் தகுந்த மாதிரி பேசுவேன்' என்கிறார் சின்னத்திரை நடிகைகளுக்கு டப்பிங் கொடுக்கும் ஸ்ரீஜா. தற்பொழுது இவர் சின்னத்திரையில் "அத்திப்பூக்கள்' தொடரில் வரும் கற்பகத்துக்குக் குரல் கொடுத்து வருகிறார்.
Quote:
சுன்சுன் தாத்தா
வீட்டில் தனிமைப்படுத்தப்படும் பிள்ளைகள் எந்த மாதிரி வளர்கிறார்கள் என்பதை விவரிக்கும் குறும் படம் `சுன் சுன் தாத்தா'.
நடிப்பிலும் இயக்கத்திலும் தனக்கென்று தனிமுத்திரை பதித்திருக்கும் நாசர் இயக்கும் இந்தக் குறும் படத்தில், தனிமைப் படுத்தப்படும் சிறுவனாக நடிப்பவர் அவர் மகன் அபி மெஹதி ஹசன். நாசரின் மூன்று வாரிசுகளில் இவர் இளையவர். எட்டாம் வகுப்பில் படிப்பை தொடர்கிறார்.
மலேசியாவில் நிகழ்வது போல் திரைக்கதை அமைக்கப்பட்டிருப்பதால் முழு படப்பிடிப்பும் மலேசியாவிலேயே நடந்தது. அங்கே கணவன்-மனைவி இருவரும் வேலைக்குப் போகிற குடும்பத்தில் தனிமையில் தவிக்கும் அவர்கள் வாரிசு அனுபவிக்கும் நெருக்கடி தான் கதைப்பின்னணி. ஆரம்பத்தில் அந்த சிறுவனுக்கு சுன்சுன் தாத்தா துணையிருக்கிறார். அவன் தனிமையை உணராதவண்ணம் தாத்தா அவனில் கலகலப்பு பக்கமாக இருக்கிறார்.
ஆனால் கொஞ்ச நாளில் தாத்தா இறந்து விட, சிறுவனை தனிமை சூழ்ந்து கொள்கிறது. ஒருநாள் மதியவேளையில் அம்மா தன் அலுவலகத்தில் இருந்து போனில் மகனை தொடர்புகொள்ள, மகனோ உற்சாகமாக பேசுகிறான். பேச்சினூடே `சும்மாயிரு சுன்சுன்' என்கிறான்.
இப்போது அம்மாவுக்கு பயம். சுன்சுன் தாத்தா தான் இறந்து விட்டாரே, பிறகு மகன் சுன்சுன் என்று சொல்வது யாரை? அதேபயத்தில் வீடு வரும் அம்மாவுக்கு மகன் ஒரு வண்ணத்துப் பூச்சியை பிடித்து அதற்கு சுன்சுன் என்று பெயர்வைத்து பொழுதுபோக்கியது தெரிய வருகிறது. இதற்குப் பிறகு அந்த சிறுவனின் பெற்றோர் நிலையில் மாற்றம் ஏற்பட்டதா? சிறுவனுக்கு பெற்றோரின் அரவணைப்பு முழுமையாக கிட்டியதா என்பது கதையின் உச்சக்கட்டம்.
மலேசிய பிரபல நடிகர் ஜமாலிசாதத் முக்கிய கேரக்டரில் நடிக்கிறார். இசை: பிரபாகரன். ஒளிப்பதிவு: வி.சேகர். எழுத்தும் இயக்கமும்: நாசர்.
இந்த குறும்படம் மலேசிய தொலைக்காட்சியில் ஒளிபரப்பாவதை தொடர்ந்து, இங்குள்ள பிரபல சேனலிலும் ஒளிபரப்ப பேச்சுவார்த்தை நடக்கிறது.
நன்றி: தினதந்தி
சின்னத்திரையில் இருந்து...
Quote:
சென்னை தொலைக்காட்சியில் `மனைமாட்சி', `சமையல் கலை' நிகழ்ச்சிகளை தயாரித்து புகழ் பெற்றவர் சியாமளா. தொடர்ந்து தனியார் தொலைக்காட்சியில் `நலம்தானா,' `வாரம் ஒரு ஜோதிடர்' நிகழ்ச்சிகளை வழங்கினார். அதோடு "ஜோடிப்பொருத்தம்'', "மலரும் மொட்டும்'' போன்ற நிகழ்ச்சிகள் தயாரிப்பிலும் பங்காற்றினார்,
அதன்பிறகு இவர் மேற்கொண்டதே தொலைக்காட்சி தொடர்கள் தயாரிப்பு. சின்னச்சின்னஆசை, துளசி, சிரிப்போ சிரிப்பு, துளசி ஆகிய தொடர்களை தயாரித்ததோடு, இயக்கவும் செய்தார். இந்த தொடர்கள் அனைத்தும் விஜய் டி.வி.யில் ஒளிபரப்பாயின.
சின்னத்திரை தொடர்களை இயக்கிய அனுபவம் இவரை பெரியதிரை பக்கமும் நகர்த்தியிருக்கிறது. இப்போது `கலியுக காதல்' என்ற படத்தை இயக்கிக் கொண்டிருக்கிறார்.
"இயக்கும் ஆர்வம் எப்படி வந்தது?''
சியாமளாவைக் கேட்டால்...
"படிப்படியாக என் இயக்கும் திறனை வளர்த்துக் கொண்டேன் என்று தான் சொல்லவேண்டும். சில ஆண்டுகளுக்கு முன்பு என் இயக்கத்தில் "சபாஷ் ராஜா'', "தாய் மாமன்'' போன்ற தொடர்கள் சென்னை தொலைக்காட்சியில் ஒளிபரப்பாகி பெரிய வரவேற்பைப் பெற்றது. அப்போதே என் நட்பு வட்டத்தில் உள்ளவர்கள் `உங்கள் படைப்பில் சினிமாவுக்கான பார்வை இருக்கிறது. பெரிய திரையிலும் இயக்கலாமே' என்றார்கள். அதற்கான நேரம் இப்போது அமைய, காதலை புதிய கோணத்தில் அலசும் `கலியுகக்காதல்' படத்தின் இயக்குனராகி விட்டேன். இந்தப்படத்தில் என்னுடன் பணிபுரியும் தொழில் நுட்பக்கலைஞர்கள் அத்தனைபேரும் பெண்கள் என்பது இன்னொரு சிறப்பு.''
http://www.dailythanthi.com/muthucha...11015/TV10.jpg
நன்றி: தினதந்தி
Quote:
டைரக்டராகும் டெல்லி கணேஷ்
குணசித்ர நடிப்பில் கொடிகட்டிப் பறந்தவர் நடிகர் டெல்லிகணேஷ். இப்போதும் படங்களில் பிசியாக இருப்பதோடு, `செல்லமே' உள்ளிட்ட சில தொடர்களிலும் நடித்துக் கொண்டிருக்கிறார். மேடை நாடகங்களிலும் இவரது அனுபவம் மகத்தானது.
டெல்லிகணேஷ் இப்போது சின்னத்திரையில் ஒரு தொடரை எழுதி இயக்குகிறார். வசந்த் டிவியில் இந்த தொடர் விரைவில் ஒளிபரப்பாகிறது.
நன்றி: தினதந்தி
Quote:
புதிய தலைவர்
சின்னத்திரை நடிகர் சங்கத்துக்கு முதன் முதலாக தேர்தல் நடத்தி நிர்வாகிகளை தேர்ந்தெடுத்தனர்.
2011-2013-ம் ஆண்டுக்கான தலைவராக எம்.ராஜேந்திரன், செயலாளராக ராஜ்காந்த், பொருளாளராக வி.டி. தினகரன், துணைத் தலைவர்களாக மனோபாலா, அபிஷேக், இணைச் செயலாளர்களாக சத்யப்ரியா, சதீஷ், ஆர்த்தி, கன்யாபாரதி தேர்ந்தெடுக்கப்பட்டனர். அதோடு உயர்குழு உறுப்பினர்களும் தேர்வானார்கள். தலைவர் உள்ளிட்ட நிர்வாகிகள் அனைவரும் சங்க அலுவலகத்தில் பதவி ஏற்றுக் கொண்டனர்.
நன்றி: தினதந்தி
Quote:
டிவி நடிகை தற்கொலை வழக்கு : டிவி நடிகர் தேவ் ஆனந்துக்கு 5 ஆண்டு கடுங்காவல் சிறை!
http://cinema.dinakaran.com/cinema/g...ion-new-73.jpg
டிவி நடிகை தற்கொலை வழக்கில் நடிகருக்கு சிறப்பு நீதிமன்றம் 5 ஆண்டு கடுங்காவல் சிறைத் தண்டனை விதித்துள்ளது. Ôசெல்லமேÕ ÔமனைவிÕ உள்ளிட்ட தொலைக்காட்சி தொடர்களில் நடித்தவர் தேவ் ஆனந்த் (34). இவருக்கு ஏற்கனவே திருமணமாகி மனைவி இருக்கிறார். இவருடன் சில டிவி தொடர்களில் நடித்தவர் வைஷ்ணவி. இருவரும் நண்பர்களாய் பழகினர். இந்நிலையில் கடந்த 2006 ஏப்ரல் மாதம் வைஷ்ணவி தனது தாயுடன் மலேசியாவில் நடந்த ஒரு நிகழ்ச்சிக்காக சென்றார். அப்போது, தேவ் ஆனந்த் மற்றும் சக நடிகைகளும் சென்றிருந்தனர்.
அங்கிருந்து திரும்பியதும் ஏப்ரல் 15ம் தேதி வைஷ்ணவியை கிழக்கு கடற்கரை சாலைக்கு தேவ் ஆனந்த் கூட்டிச் சென்றுள்ளார். அங்கிருந்து இரவு 8.30 மணிக்கு வைஷ்ணவி வீட்டுக்கு வந்துள்ளார். அப்போது, அவரது கண், முகம், மூக்கு ஆகியவற்றில் காயம் இருந்துள்ளது. இதுகுறித்து அவரின் பெற்றோர் கேட்டதற்கு தேவ் ஆனந்த், தன்னை 2ம் தாரமாக திருமணம் செய்ய வேண்டும் என்று மிரட்டினார்.
தன்னை திருமணம் செய்யவில்லை என்றால் வேறு யாருடனும் வாழ முடியாது என்று மிரட்டி தாக்கினார் என்று கூறியுள்ளார். இதையடுத்து, அவரை அருகில் உள்ள மருத்துவமனையில் சேர்த்துள்ளனர். இந்நிலையில் 2 நாட்கள் கழித்து வீட்டில் தனியாக இருந்த வைஷ்ணவி தூக்குப் போட்டு தற்கொலை செய்து கொண்டார். இதுகுறித்து அவரது தந்தை அண்ணாநகர் போலீசில் புகார் செய்தார்.
புகாரின் அடிப்படையில் தேவ் ஆனந்த் மீது காயம் விளைவித்தல், தற்கொலைக்கு தூண்டுதல் உள்ளிட்ட பிரிவுகளில் வழக்கு பதிவு செய்யப்பட்டது. இந்த வழக்கு சென்னை மகளிர் நீதிமன்றத்தில் நீதிபதி சேதுமாதவன் முன்னிலையில் விசாரணைக்கு வந்தது. சிறப்பு அரசு வக்கீல் கவுரி அசோகன் ஆஜரானார். வழக்கை விசாரித்த நீதிபதி, குற்றச்சாட்டுகள் நிரூபிக்கப்பட்டதால் தேவ் ஆனந்துக்கு 5 ஆண்டு கடுங்காவல் சிறைத் தண்டனையும் ரூ.10,500 அபராதமும் விதித்து தீர்ப்பளித்தார்.
நன்றி:தினகரன்
Quote:
அமிதாப் பாணியில் சின்னத்திரைக்கு வருகிறார் விஜய்?
நடிகர் விஜய் சின்னத்திரை நிகழ்ச்சி ஒன்றை தொகுத்து வழங்க ஒப்புக்கொண்டுள்ளதாகக் தகவல் கூறுகிறது. பாலிவுட் நடிகர் அமிதாப் பச்சன் நடத்தும் கோன் பனேகா குரோர்பதி நிகழ்ச்சி மிகவும் பிரபலமானது. இந்நிலையில் பிரபல சேனல் ஒன்று கோடீஸ்வரன் போன்று ஒரு நிகழ்ச்சியை பிரமாண்டமாக நடத்த முடிவு செய்துள்ளது. அதை பிரபலமான ஒருவர் தான் நடத்த வேண்டும் என்று நிகழ்ச்சியாளர் நினைத்தார்.
அதன்படி பிரபலங்களின் பட்டியல் தயார் செய்து பரிசீலித்தார்கள். இறுதியில் விஜய்யை தேர்வு செய்து அவரை அணுகியுள்ளனர். ஆனால் கோடி கொடுத்தாலும் வேண்டாம் என்று கூறி விட்டாராம். இருப்பினும் தொடர்ந்து பேச்சுவார்த்தை நடத்தியதில் தற்போது விஜய் தலையை ஆட்டியுள்ளதாக கூறப்படுகிறது. இருப்பினும் இது எந்த ரூபத்திலும் உறுதிப்படுத்தப்படவில்லை.
விரைவில் இதுதொடர்பான அறிவிப்பு வெளியாகலாம் என்று கூறப்படுகிறது. பார்க்கலாம், விஜய் டிவிக்கு வருகிறாரா, இல்லையா என்று.
நன்றி: தினகரன்
Quote:
டிங்குடன் 2வது திருமணம் : நடிகை கவிதா தலைமறைவு!
டி.வி., நடிகர் டிங்குவை சட்டவிரோதமாக 2வது திருமணம் செய்த நடிகை கவிதாவை போலீசார் தேடி வருகின்றனர். ஆனால் அவர் தலைமறைவாகிவிட்டார். அன்புள்ள ரஜினிகாந்த், ஜப்பானில் கல்யாணராமன் உள்ளிட்ட படங்களில் குழந்தை நட்சத்திரமாக நடித்து, தற்போது சின்னத்திரையில் கலக்கி வருபவர் நடிகர் டிங்கு. இவர் சுப்ரியா என்ற பெண்ணை காதலித்து திருமணம் செய்து கொண்டார். ஆரம்பத்தில் இவர்களது காதலுக்கு எதிர்ப்பு தெரிவித்த பெற்றோர், பின்னர் இவர்களது திருமணத்தை ஆடம்பரமாக நடத்தி வைத்தனர். இவர்களுக்கு ஒரு பெண் குழந்தை உள்ளது. இந்நிலையில் கடந்த சில தினங்களுக்கு முன்னர் டிங்குவின் மனைவி சுப்ரியா, தனது கணவர் தனக்கு தெரியாமல் 2வது திருமணம் செய்ததாகவும், வரதட்சனை கேட்டு கொடுமைப்படுத்தியதாகவும் *போலீசில் புகார் கொடுத்தார். சுப்ரியாவின் புகாரையடுத்து நடிகர் டிங்கு, கோர்ட்டில் முன்ஜாமின் கோரி மனுதாக்கல் செய்தார்.* அதுமட்டுமின்றி தனது மனைவி சுப்ரியா கூறுவதில் உண்மையில்லை என்றும் தமது மனுவில் குறிப்பிட்டு இருந்தார். இதுதொடர்பாகன வழக்கு நடந்து வருகிறது. இந்நிலையில் சுப்ரியாவின் புகாரின்பேரில், டிங்குவை சட்டவிரோதமாக 2வது திருமணம் செய்த நடிகை கவிதாவை பிடித்து, விசாரிக்க போலீசார் முயற்சித்தனர். ஆனால் கவிதாவோ தலைமறைவாகிவிட்டார். இதனையடுத்து கவிதாவைக் கைது செய்து விசாரணை நடத்த போலீஸார் திட்டமிட்டுள்ளனர்.
நன்றி: தினகரன்
Quote:
இதுவும் ஆச்சரியம்
டி.வி. நிகழ்ச்சித் தொகுப்பாளர் சிவகார்த்திகேயன் இப்போது மெரினா படத்தின் நாயகன். இவர் நடிகர் சிம்பு, தனுஷ் இருவருக்கும் நண்பன் என்பது இன்னொரு ஆச்சரியம். சிம்புவின் வேட்டைமனிதன் படத்தில் கதை இலாகாவில் முக்கிய பங்கு வகிக்கும் இவர், தனுஷின் `3' படத்தில் அவர் நண்பராக நடிக்கிறார். ஒரே சமயத்தில் இருவருடனும் நட்பு பாராட்டும் இவரை கோலிவுட்டில் ஆச்சரியமாக பர்க்கிறார்கள்.
நன்றி: தினதந்தி
Quote:
இளையராஜாவின் இன்னிசையில் நனைந்த சென்னை நேரு ஸ்டேடியம்!
ஜெயா டி.வி., சார்பில் 6 வருடங்களுக்கு பிறகு என்றென்றும் ராஜா என்ற தலைப்பில் இளையராஜாவின் இன்னிசை கச்சேரி நடந்தது. சென்னை நேரு உள்விளையாட்டு அரங்கில் நடந்த இந்த இசைக்கச்சேரியில் பிரபல பின்னணி பாடகர்கள் எஸ்.பி.பாலசுப்ரமணியம், கே.ஜே.*யேசுதாஸ், பால முரளிகிருஷ்ணா, சித்ரா உள்ளிட்ட பலர் பங்கேற்றனர். பிரகாஷ் ராஜ் நிகழ்ச்சியை தொகுத்து வழங்க சரியாக 6மணிக்கு வெளிநாட்டு இசை கலைஞர்களின் இசையுடன் நிகழ்ச்சி தொடங்கியது. பிறகு இளையராஜா மேடையில் தோன்றிய போது ரசிகர்களின் கரகோஷம் ஸ்டேடியத்தை அதிர செய்தது.
முதல் பாடலாக ஜனனி ஜனனி.. பாடலை பாடினார் இளையராஜா. அதனைத்தொடர்ந்து யேசுதாஸ் பேசும்போது, நாங்கள் எல்லாரும் சின்ன வயசில் சாப்பாட்டுக்கே ரொம்ப கஷ்டப்பட்டோம். அப்போது இந்த *இசை தான் எங்களை காப்பாற்றியது என்று உருக்கமாக கூறினார். பின்னர் தன்னுடைய இனிமையான குரலில் பூவே செம்பூவே பாடலை பாடியதோடு, இந்த பாடல் தனக்கு ரொம்ப பிடித்த பாடல் என்று கூறினார். அதனைத்தொடர்ந்து எஸ்.பி.பி., மறைந்த இளையராஜாவின் மனைவி ஜீவாவுக்கு சமர்ப்பணமாக நானாக நானில்லை பாடலை பாடி அசத்தினார். அவர் பேசுகையில் நானும், ராஜாவும் வேறு வேறு இல்லை. இருவருமே ஒன்று தான் என்றார்.
தொடர்ந்து டைரக்டர் மகேந்திரன் படத்தில் இடம்பெற்ற பாடலை, பாலு பாடி அந்த பாடல் எப்படி உருவானது என்பதையும் மேடையில் விளக்கி அசத்தினார். நிகழ்ச்சியின் இடையே நடிகர் கமல்ஹாசன், இளையராஜாவை வாழ்த்து பேசிய வீடியோ காட்சி ஒளிப்பரப்பட்டது. நிகழ்ச்சியின் ஹைலைட்டாக பிரபல பின்னணி பாடகர் பால முரளி கிருஷ்ணா மேடையில் *தோன்றி, பாலுவுடன் சேர்ந்து சின்ன கண்ணன் அழைக்கிறான் என்ற பாடலை பாடினார். அவரைத்தொடர்ந்து இளையராஜாவின் வாரிசுகள் யுவன், பவதாரணி ஆகியோரும், பிரபல பின்னணி பாடகர்கள் சித்ரா, ஹரிஹரன் உள்ளிட்ட ஏராளமான பிரபலங்களும் பாடி அசத்தினர்.
இசை நிகழ்ச்சிகளுடன் அவ்வப்போது பல சுவாரஸ்யமான தகவல்களையும் இளையராஜா பகிர்ந்து கொண்டார். கவிஞர் கண்ணாதசன் அவர்களுடன் பணியாற்றிய அனுபவத்தை கூறிய ராஜா, இந்த உலகத்திலேயே கவிஞர் கண்ணதாசன் போல இன்ஸ்டன்ட் கவிஞர் யாரும் இல்லை. நான் நிறைய பேர் கூட வேலை பார்த்து இருக்கேன். ஆனால் கண்ணாதாசன் அவர்கள் கூட வேலை பார்த்தது சுவாரசியமான அனுபவம். ஒருமுறை ஸ்டுடியோவில் பாட்டு எழுத வந்தார் கண்ணதாசன். நான் டியூன் போட்டு காட்டினேன். தூ என துப்பினார். ஐயோ இவர் இசையை கேட்டு துப்பினாரா அல்லது கதையை கேட்டு துப்பினாரா என்று புரியல. பிறகு இசையை கேட்டு அப்படியே வரிகளை சொல்ல ஆரம்பிச்சார், அந்த பாட்டு தான் ஆயிரம் மலர்களே மலருங்கள் அமுத கீதம் பாடுங்கள்... என்ற பாட்டு. அதில் தான் மலேசியா வாசுதேவன் அறிமுகமானார் என்றார்.
இந்த இசை நிகழ்ச்சியில் ஏராளமான ரசிகர்களுடன் ஷோபா, விஜய் அண்டனி, ஜேம்ஸ் வசந்தன், தரன், தேவிஸ்ரீ பிரசாத், சரண்யா, ஜெய சித்ரா, பாலு மகேந்திர போன்ற பிரபலங்களும் கலந்து கொண்டனர். கொலவெறிக்கு இசை அமைத்த அனிருத் இடம் கிடைக்காமல் நின்றபடியே இசை நிகழ்ச்சியை ரசித்து பார்த்தார். இரவு 12 மணி வரை நீடித்த இளையராஜாவின் என்றென்றும் ராஜா நிகழ்ச்சி, ரசிகர்களுக்கு இசை விருந்தாக அமைந்தது.
நன்றி: தினமலர்
Quote:
விருது வழங்கும் விழா: ஜோடியாக வந்த சினேகா, பிரசன்னா
ஜெயா டி.வி. சார்பில் திரைப்பட கலைஞர்களுக்கு ஜெயா விருது வழங்கும் விழா கோட்டூர்புரத்தில் உள்ள அண்ணா நூற்றாண்டு நினைவு நூலக அரங்கில் நடந்தது. கார்த்தி சிறந்த நடிகர் விருது பெற்றார். சினேகா, சிறந்த நடிகைக்கான விருதை பெற்றார். இந்த விருதை சினேகாவும், பிரசன்னாவும் ஜோடியாக வந்து பெற்றனர். இருவரும் விரைவில் திருமணம் செய்ய இருப்பது குறிப்பிடத்தக்கது. நடிகர் கரண், நடிகைகள் அஞ்சலி, பூர்ணா, அனன்யா ஆகியோரும் விருது பெற்றனர். சிறந்த இயக்குனருக்கான விருதை ஜெயம் ராஜாவும், இசையமைப்பாளருக்கான விருதை விஜய் ஆண்டனியும் பெற்றனர். டைரக்டர் பார்த்திபன், விஜய், வெற்றிமாறன், ஆகியோரும் விருது பெற்றார்கள். நடிகர் பிரபு, ஏவி.எம்.சரவணன், ஆர்.வி.உதயகுமார், தரணி உள்ளிட்ட பலர் இந்த விழாவில் பங்கேற்றனர்.
நன்றி: தினமலர்
Quote:
சின்னத்திரைக்கு வந்தார் மாமதுரை மிதுனா!
கருத்தம்மா ராஜஸ்ரீயின் தங்கை மிதுனா, மாமதுரை படத்தில் "மதுரை மதுரைதான்... மணக்கும் மல்லிக்கும் மதுரைதான்... " என்ற பாடலில் வாசன் கார்த்திக்குடன் ஆட்டம் போட்டவர். அதன் பிறகு சில படங்களில் நடித்து விட்டு தெலுங்கு பக்கம் போனவர், மறுபடியும் சென்னை வந்திருக்கிறார். இந்த முறை சின்னத்திரையில் நடிப்பதற்காக வந்திருக்கிறார். சாப்ரன் கிரியேஷன்ஸ் தயாரிக்கும், காதம்பரி எனும் மெகா தொடரில் இவர்தான் கதையின் நாயகி. இவருடன் சுதா சந்திரன், லஷ்மிராஜ், காயத்ரி, பாலாஜி, செம்புலி ஜெகன், சுந்தரி, சூரி, தேசிங்கு உட்பட பலர் நடித்து வருகின்றனர். பிரபு சங்கர் கதை, எழுதி, இயக்கும் இந்தத் தொடரின் படப்பிடிப்பு சென்னையை அடுத்த மணிமங்கலம் பகுதியில் நடைபெற்று வருகிறது.
டி.வி., சீரியலில் நடிப்பது குறித்து மிதுனா அளித்துள்ள பேட்டியில், நீண்ட நாட்களுக்கு பிறகு சென்னை வந்திருக்கிறேன். இயக்குநர் பிரபு சங்கர் அழைத்து, காதம்பரி தொடரின் கதையை என்னிடம் சொன்னார். எனக்கு ரொம்ப பிடித்திருந்தது. ஒவ்வொரு எபிசோடுக்கும் எதிர்பார்ப்பை எகிற வைக்கும் காட்சிகள், ஒவ்வொரு காட்சியிலும் சுவராஸ்யம், பிரமாண்டம், அதுவும் காதம்பரி என்கிற டைட்டில் ரோலில் நடிக்கிற வாய்ப்பு. அதான் வந்து விட்டேன். சென்னையில் தங்கி தொடர்ந்து நடித்து வருகிறேன். ஹைதராபாத், திருநெல்வேலி, அச்சன்கோவில், பெங்களூரு போன்ற இடங்களிலும், சில காடுகளிலும், அரண்மனைகளிலும் படப்பிடிப்பு நடைபெற்று வருகிறது. இந்த தொடருக்கு பிறகு என்னை காதம்பரி என்றே அழைப்பார்கள். அந்தளவுக்கு இந்த கதாபாத்திரம் அமைந்திருக்கிறது, என்று கூறியுள்ளார்.
http://img1.dinamalar.com/cini//CNew...0055000000.jpg
நன்றி: தினமலர்
Quote:
சின்னத்திரைக்கு வந்த அசின்...!
பெரிய கனவோடு பாலிவுட்டிற்கு போன நடிகை அசினுக்கு சரியான வாய்ப்புகள் ஏதும் அமையாததால் சின்னத்திரைக்கு வந்துவிட்டார். தமிழ் சினிமாவிற்கு பல நடிகைகள் வந்தபோதிலும், குறுகிய காலத்திலேயே நம்பர்-1 நடிகை என்ற இடத்தை தக்க வைத்தவர் நடிகை அசின். இப்படி நம்பர்-1 நடிகையாக வலம் வந்த அசினுக்கு, கஜினி படம் மூலம் இந்தியில் வாய்ப்பு கிடைத்தது. இந்தியில் அறிமுகமான முதல்படமே சூப்பர், டூப்பர் ஹிட்டானதால் பாலிவுட்டிலேயே கவனம் செலுத்தினார் அசின். ஆனால் அதன்பிறகு அவர் நடித்த எந்த படமும் சரியாக போகவில்லை. இருந்தும் அங்கேய தங்கியிருந்து வாய்ப்பு வேட்டையில் இறங்கினார். ஆனால் முன்னணி நடிகைகளான கரீனா, கத்ரீனா, வித்யாபாலன் ஆகியோர் மட்டுமே தொடர்ந்து ஆதிக்கம் செலுத்தி வருவதால், அசினுக்கு எந்த வாய்ப்பும் அமையவில்லை. தற்போது ஒன்றோ, இரண்டு படம் மட்டுமே கைவசம் வைத்துள்ளார்.
இந்நிலையில் பெரிய திரையில் வாய்ப்புகள் குறைந்துவிட்டதாலோ என்னவோ, சின்னத்திரைக்கு வந்துவிட்டார் அசின். இந்தியில் யு.டி.வி., நடத்தும் சூப்பர் ஸ்டார் சாண்டா என்ற நிகழ்ச்சியில் அசின் நடிக்கவுள்ளார். சின்னத்திரைக்கு வந்தது பற்றி அசின் கூறுகையில், யு.டி.வி.யின் சூப்பர் சாண்டா நிகழ்ச்சியில் நடிக்கிறேன். பெரிய திரையை காட்டிலும், சின்னத்திரை மூலமாக நேரடியாக ரசிகர்களை சென்றடையலாம். இது ஒரு அருமையான நிகழ்ச்சி, நட்பை விளக்கும் உண்ணதமான நிகழ்ச்சி என்று கூறியுள்ளார்.
இதனிடையே சின்னத்திரைக்கு அசின் வந்துவிட்டதால், இனி யாரும் அவரை பெரிய திரையில் நடிக்க கூப்பிடமாட்டார்கள். அசின் அப்படியே மலையாளத்தில் போய் செட்டிலாகி விட வேண்டியதது தான் பாலிவுட்டில் உள்ளவர்கள் முணுமுணுக்க தொடங்கியுள்ளனர்.
நன்றி: தினமலர்
Quote:
புதிய சேனல்
கலைஞர் தொலைக்காட்சி குழுமத்திலிருந்து மற்றுமொரு தொலைக்காட்சியாக வரும் 26-ந்தேதி ``முரசு'' தொலைக் காட்சி தொடங்குகிறது. `என் ஜீவன் பாடுது' என்ற தலைப்பில் காலையில் ஒரு மணி நேரம் பாடகர்களின் தனிப்பாடல்களும், மாலை ஒரு மணி நேரம் பாடகிகளின் தனிப்பாடல்களும், இரவு 10 மணிக்கு அனைத்து நாட்களிலும் கருப்பு-வெள்ளை படங்களில் இருந்து பாடல்களும் இடம் பெறுகின்றன.
ஜனரஞ்சகப்பாடல்கள், அதிரடிப்பாடல்கள், கவிஞர்களின் பாடல்கள், காதல் பாடல்கள், ஒருபடப் பாடல்கள், இசையமைப்பாளர் நேரம் என்று 1980-க்கு முன் வெளியான படப்பாடல்களின் ஒரு இணையற்ற சங்கமமாக தொடர்கிறது, முரசு தொலைக்காட்சி.
நன்றி: தினதந்தி
சென்னைவாசியான சிநேகா நம்பியார்!
நான் பதினோராம் வகுப்பு படிக்கும்பொழுதே கன்னட திரைத்துறையில் கால்பதித்துவிட்டேன். நிறைய கன்னடத் தொடர்களில் நடித்திருக்கிறேன். அதன் பிறகு தெலுங்கு பக்கம் சென்றேன். அங்கிருந்து தமிழுக்கு வந்தேன். "அகல்யா' தொடரில்தான் முதலில் தமிழில் அறிமுகமானேன். இப்போது தமிழ் திரைத்துறையிலேயே செட்டிலாகி சென்னைவாசி ஆகிட்டேன்'' என்று உற்சாகத்துடன் கூறுகிறார் பெங்களுரைச் சேர்ந்த சிநேகா நம்பியார்.
Quote:
ஆனந்தம் தந்த அகாடமி விருது
புதுடெல்லியில் உள்ள இந்திய அரசின் கலாசார அமைச்சகத்தில் சுயேச்சையாக செயல்படும் ஒரு அமைப்பு சங்கீத நாடக அகாடமி. இசை, நாட்டியம், நாடகம் ஆகியவற்றில் சிறந்து விளங்கும் பிரபல கலைஞர்களுக்கு ஆண்டுதோறும் விருது அளித்து கவுரவிக்கிறது.
2011-ம் ஆண்டுக்கான விருதுகளில் நடிப்பு, இயக்கம் ஆகிய பிரிவில் சிறந்தவர்களாக தேர்ந்தெடுக்கப்பட்டிருக்கும் 8 பேரில் தமிழ்நாட்டைச் சேர்ந்த `கலைமாமணி' `ஏ.ஆர்.எஸ்.'சும் ஒருவர். சுமார் அரை நூற்றாண்டு கால அவரது கலைச்சேவையை பாராட்டி, கவுரவிக்கும் விதத்தில் இந்த விருது வழங்கப்பட்டு உள்ளது.
ஒய்.ஜி.பி. மூலம் நாடக உலகத்திற்கு அறிமுகமான இவர் மேடை நாடக உலகில் 47 ஆண்டு கால அனுபவமுள்ளவர். மொத்தம் 39 நாடகங்களுக்காக (தமிழ்-36, ஆங்கிலம்-3) கிட்டத்தட்ட 400 தடவை மேடை ஏறி இருக்கிறார்.
சினிமாவில் நூறு படங்களை நெருங்கும் ஏ.ஆர்.எஸ், சின்னத்திரையிலும் தன் பங்களிப்பை தொடர்ந்து வருகிறார். கே.ஆர்.விஜயாவுடன் `மடிசார் மாமி,' லட்சுமியுடன் `நல்லதோர் வீணை', ஸ்ரீவித்யாவுடன் `கலாட்டா குடும்பம்', ரேவதியுடன் `நிறங்கள்', `ஒய்.ஜி. மகேந்திராவுடன் `துப்பறியும் சாம்பு' குஷ்புவுடன் `கல்கி' உள்ளிட்ட 37 டெலிவிஷன் தொடர்களில் நடித்திருப்பவர். இப்போதும் முக்கிய கேரக்டரில் `அவள்' தொடரில் நடிப்பை தொடர்கிறார்.
ஏற்கனவே இந்த விருது மூலம் தமிழ்நாட்டுக்கு பெருமை சேர்த்த கலைஞர்கள் வருமாறு: 1959-ல் பம்மல் சம்பந்த முதலியார். 1962-ல் டி.கே. சண்முகம். 1968-ல் எஸ்.வி. சஹஸ்ரநாமம். 1992-ல் பூர்ணம் விஸ்வநாதன்.
.
நன்றி: தினதந்தி
படுபிஸியான நடிகை தாரிகா
மெகா தொடர்கள், நடன நிகழ்ச்சிகள், பெரியதிரை படங்களில் ஆயிட்டம் டான்ஸ் என்று படுபிஸியாக இருந்த பிரபல சின்னதிரை நடிகை தாரிகா, பாலிவுட் நடிகையாகியிருக்கிறார். தற்போது இரண்டு இந்திப் படங்களில் நடித்து வருகிறாராம் அம்மணி.
நாடகத்தில் நடிக்கிறார் பத்மப்பிரியா
http://cinema.dinakaran.com/cinema/g...ion-new-83.jpg
நீண்ட இடைவெளிக்குப் பிறகு நாடகத்தில் நடிக்கப் போகிறேன் என்று பத்மப்பிரியா கூறினார். இதுபற்றி அவர் கூறியதாவது; நாடகத்துறையிலிருந்துதான் சினிமாவுக்கு வந்தேன். இங்கு வந்த பிறகு நாடகத்தில் நடிக்கும் வாய்ப்பு கிடைக்கவில்லை. அப்போதுதான் ஒரே எண்ணம் கொண்ட, மலையாள நடிகை ஆன் ஆகஸ்டின், இயக்குனர் வி.கே.பிரகாஷ், எழுத்தாளர் ஜெயப்பிரகாஷ் குலூருடன் நானும் பேசிக்கொண்டிருந்தபோது நாடக எண்ணம் மீண்டும் துளிர்த்தது. சிறந்த நாடகங்களை தயாரித்து அதிகமான ரசிகர்களிடையே கொண்டு செல்ல வேண்டும் என்று நினைத்தோம். அதன்படி, ரஷ்ய எழுத்தாளர் ஆண்டன் செக்காவ் மற்றும் ஜெயப்பிரகாஷ் குலூர் படைப்புகளை நாடகமாக்கியுள்ளோம். நாடகத்துக்கு வந்துவிட்டதால் சினிமா அவ்வளவுதானா என்று கேட்காதீர்கள். தமிழில் 'தங்கமீன்கள்' படத்தில் நடித்துள்ளேன். மலையாளத்தில் மூன்று படங்களில் நடித்துவருகிறேன். நல்ல படங்களில் நடிக்க வேண்டும் என்ற பேராசை கொண்டவள் நான். அதனால் சிறந்த கதைகளைத் தேடித் தேடி நடிக்கிறேன். இவ்வாறு பத்மப்பிரியா கூறினார்.Quote:
நன்றி: தினகரன்
Quote:
சின்னத்திரைக்கு வரும் வில்லன்
ஏற்கனவே வெள்ளித்திரையில் கலக்கிய வில்லன் நடிகர் மகாநிதி சங்கர் சன் டிவியில் ஒளிப்பராகும் 'நாதஸ்வரம்' தொடரில் கலக்கி வருகிறார். இவரை தொடர்ந்து இன்னொரு வில்லன் நடிகரும் சின்னத்திரைக்கு வர இருக்கிறார். வசந்த டிவியில் ஒளிபரப்பு ஆக உள்ள 'கன் பைட் கபாலி' என்ற காமெடித் தொடரில் பொன்னம்பலம் நடிக்கயிருக்கிறார்.
நன்றி: தினகரன்
Quote:
சாதனைப்பெண்கள்
மகளிர் தினத்தில் ஒவ்வொரு துறையிலும் சாதித்த பெண்களை கவுரவித்து விழா எடுத்தது ராஜ் டிவி.
டாக்டர் சரண்யா நாராயண், கல்வியாளர் பத்மினி மணி, சமூகசேவகியும் நடனக்கலைஞருமான ஷோபனா ரமேஷ், நர்த்தகி நட்ராஜ், இயக்குனர் ஜெயதேவி, கவிஞர் விசாலிகண்ணதாசன், சுமா ஹரிஸ் ஜெயராஜ், சத்யபிரேமா ஆகியோர் தங்கள் துறை சார்ந்த சாதனைக்காக விருதுகள் பெற்றார்கள். நடிகர்கள் பார்த்திபன், சேரன், இயக்குனர் வசந்த், நடிகைகள் கவுதமி, தேவயானி சிறப்பு அழைப்பாளர்களாக கலந்து கொண்டார்கள். விரைவில் ராஜ் டிவியில் இந்த நிகழ்ச்சியை காணலாம்.http://www.dailythanthi.com/muthucha...20317/TV04.jpg
நன்றி: தினதந்தி
சீரியல் பாட்டு!
Quote:
சின்னத்திரையில் ஒளிபரப்பாகி வரும் பெரும்பாலான சீரியல்களுக்கு பாட்டு எழுதி வருபவர் கிருதயா. அத்திப்பூக்கள், பெண்டாட்டி தேவை, பைரவி, வினாயகர் திருவிளையாடல், பிள்ளை நிலா, மகாராணி, பாரிஜாதம், காஞ்சனா, சாந்தி நிலையம், எங்கே பிராமணன், பொக்கிஷம் என இப்போது ஒளிபரப்பாகிக் கொண்டிருக்கும் பல சீரியல்களுக்கும் இவர் பாட்டு தான். இந்த வகையில் சின்னத் திரையில் இதுவரை இவர் எழுதியிருக்கும் பாடல்கள் ஐநூறைத் தொட்டிருக்கிறது.
இதில் அதிக பாடல்கள் எழுதியிருப்பது டைரக்டர் கே.பாலசந்தர் இயக்கிய சீரியல்களுக்கு.
`சின்னத்திரையிலேயே செட்டிலாகி விட்டவர், பெரிய திரைக்கு எழுதியிருக்கிறாரா?' கேட்டால் அங்கும் குசேலன், பரமசிவம் உள்ளிட்ட 70 படங்களுக்கு எழுதியிருக்கிறாராம்.
சின்னத்திரையில் இருந்து...
http://dailythanthi.com/muthucharam/...20421/TV06.jpg
Quote:
சன் டிவியில் வரும் `நாதஸ்வரம்' தொடரில் செல்வரங்கம் கேரக்டரில் வந்து ரசிகர்கள் மனதில் பதிந்து போனவர் ரவிராகுல். கதைப்படி இவர் மவுலியின் மூத்த மகள் மகேஸ்வரியின் கணவர். இவர் தடம் மாறிக்கொண்டிருக்கும் காட்சிகள் தான் தொடரின் இப்போதைய `ஹாட் டாபிக்.'
இவருக்கு முன்கதைச் சுருக்கம் அவசியமில்லை. கஸ்தூரிராஜாவால் `ஆத்தா உன்கோயிலிலே' படத்தில் நாயகனாக அறிமுகமானவர். அடுத்து அகத்தியன் இயக்கத்தில் `மாங்கல்யம் தந்துனானே,' முத்துவிஜயன் இயக்கத்தில் தமிழ்ப்பெண்ணு, பிரபுவின் தம்பியாக மிட்டாமிராசு படங்களில் நாயகனாக நீடித்தவர்.
படங்களைத் தொடர்ந்து தேடிவந்த தொடர் வாய்ப்புக்களையும் பற்றிப் பிடித்துக் கொண்டவருக்கு நாதஸ்வரம் 53-வது தொடர். இந்த தொடரில் கிடைத்த பெயர் இதுவரை எந்த தொடரிலும் கிடைத்ததில்லை என்பதை பெருமையாகவே சொல்கிறார். தொடருக்கான படப்பிடிப்பு முழுக்க காரைக்குடியிலேயே நடப்பதால் மாதத்தில் 12 நாள் இவரை காரைக்குடியில் தான் காண முடிகிறது.
இந்த தொடரில் நடிக்க வந்த 6 மாதங்களில் மறுபடியும் பெரிய திரையில் இருந்து `பொல்லாங்கு' படத்துக்கான நாயகன் வாய்ப்புக்கான அழைப்பு. தொடர்ந்து 6 மாதம் கால்ஷீட் கேட்டிருக்கிறார்கள். அதுபற்றி இவர் நாதஸ்வரம் இயக்குனர் திருமுருகனிடம் வாய் திறக்க, அவரோ, `சினிமா வாய்ப்பை விட்டுடாதீங்க. நான் அட்ஜஸ்ட் பண்ணிக்கறேன்' என்று சந்தோஷமாய் அனுப்பி வைத்திருக்கிறார்.
ஆனால் 6 மாத்திற்குப் பதிலாக 7 மாதம் ஆகி விட, திருமுருகன் அழைத்துப் பேசியிருக்கிறார். சினிமா இயக்குனராகவும் இருந்தவர் என்ற முறையில் சினிமாவில் இது மாதிரியான தாமதம் சகஜம் என்பதை புரிந்து கொண்டவர், மறுபடியும் செல்வரங்கம் கேரக்டரில் ரவிராகுலை தொடரில் உலவ விட்டிருக்கிறார்.
இதுபற்றி ரவிராகுல் கூறும் போது, "டைரக்டர் நினைத்திருந்தால் என் கேரக்டரில் `இவருக்குப் பதில் இவர்' என்று ஒரு கார்டு போட்டுவிட்டு இன்னொரு நடிகரை நடிக்க வைத்திருக்கலாம். ஆனால் அவர் அப்படிச் செய்யவில்லை. மாறாக அந்த செல்வரங்கம் கேரக்டரை இன்னும் விரிவுபடுத்தி கதையின்முக்கிய தளத்தில் அதைக்கொண்டு வந்து நிறுத்தியிருக்கிறார். ஒரு தலைசிறந்த படைப்பாளியான அவரது நல்ல மனத்திற்கு நன்றி சொல்ல கடமைப்பட்டிருக்கிறேன்'' என்கிறார்.
Quote:
அபிநயா-17
சின்னத்திரை உலகில் பல வெற்றித் தொடர்களைத் தயாரித்து, தனக்கென ஒரு தனி முத்திரையைப் பதித்திருக்கும் அபிநயா கிரியேஷன்ஸ் நிறுவனம் பதினேழாவது ஆண்டில் அடியெடுத்து வைத்திருக்கிறது. இதற்கான விழாவில், அந்நிறுவன ஆக்கத் தலைவர், மற்றும் கதையாசிரியர் ஜே.கே.வை சந்தித்து உரையாடினோம். இனி, அவரது மனம் திறந்த கலகலப்பான பேட்டி.
பதினேழாம் ஆண்டில் அடியெடுத்து வைத்திருக்கிறீர்கள்? எப்படி உணர்கிறீர்கள்?
"நல்ல கதை இருந்தால் வெற்றி பெறுவோம். அதேபோல் நல்ல நண்பர்களாக இணைந்து ஒரு பிராஜக்ட் செய்யும்போது, பலருடைய ஒத்துழைப்பும் நமக்கு கிடைக்கிறது. எந்த ஒரு தொழிலிலும் அதிகாரம் செய்யக்கூடாது. நட்புதான் சாதிக்கும் என்பதை நான் உணர்ந்திருக்கிறேன்.''
இதுவரை வந்த தொடர்கள் பற்றி?
"1996-ம் ஆண்டு மே 7-ந்தேதி எங்களது முதல் தயாரிப்பாக கோவை அனுராதாவின் `காஸ்ட்லி மாப்பிள்ளை' என்கிற முதல் தொடர் ஒளிபரப்பானது. அதிலிருந்து தொடர்ச்சியாக `மாண்புமிகு மாமியார்', `மகாராணி செங்கமலம்', `கிரீன் சிக்னல்', `செல்லம்மா', `மங்கள அட்சதை', `கேள்வியின் நாயகனே', என் பெயர் ரங்கநாயகி' என வாராந்திர தொடர்களாக 8 தயாரித்தோம். 2002 மே மாதம் `மாங்கல்யம்' என்ற முதல் மெகா தொடரை எடுத்தோம். அது 330 எபிசோட்கள் ஒளிபரப்பானது. அதையடுத்து `ஆடுகிறான் கண்ணன்', `தீர்க்க சுமங்கலி', `செல்லமடி நீ எனக்கு', திருப்பாவை', `அனுபல்லவி', இப்போது ஒளிபரப்பாகி வரும் `வெள்ளைத்தாமரை' என எங்கள் தயாரிப்புப் பணி தொடர்கிறது.
"உங்கள் தொடர்கள் சமூக நோக்கு கொண்டதாக இருக்க காரணம்?
"சமுதாயத்தில் புரையோடிப்போன விஷயங்களை மக்களுக்குப் புரியும்படி எடுத்துச் சொன்னால் அது சரியாகப் போய்ச் சேரும் என்று புரிந்து கொண்டேன். ஒரு தொடர் வரதட்சணை கொடுமையை மையப்படுத்தியது, மற்றொன்று தீண்டாமையைப் பற்றியது. அடுத்தது மாமியார் மருமகள் சண்டை ஏன் உருவாகிறது என்பதை சொன்னது. தம்பதிகளுக்குள் புரிதல் இல்லாமையே கருத்து வேறுபாடுகள் ஏற்படக்காரணம் என்பதை இன்னொரு தொடர் சொன்னது. குடும்ப உறவுகளை மதிக்க வேண்டும், வெறுக்கக்கூடாது என்பதை ஒரு தொடராக்கினோம். கணவன் மனைவிக்குள் இருக்கும் மெல்லிய காதலை சொன்னது `மகாராணி செங்கமலம்'. ஒருவருக்கு ஒருவர் உதவியாக இருக்க வேண்டும் என்பதை மையப்படுத்திச் சொன்னது `கிரீன் சிக்னல்.' கணவன் மனைவிக்குள் ரகசியங்கள் கூடாது என்பதை சொன்னது `மங்கள அட்சதை'. இப்படி எங்களுடைய ஒவ்வொரு தொடரிலும் ஒரு வித்தி யாசமான நல்ல கதையும் மக்களுக்கு நல்ல மெசேஜ×ம் இருக்கும்.
"அவுட்டோர் படப்பிடிப்பில் வித்தியாசமான அனுபவம்?''
http://www.dailythanthi.com/muthucha...0505/TV-07.jpg
"கொடைக்கானலுக்கு ஒரு முறை சூட்டிங் போனோம். சூட்டிங் எடுக்க அனுமதியே கிடைக்கவில்லை. ஒருத்தர் என்ன தொடர் என்று கேட்க, கம்பெனி பேரைச் சொல்லி, தொடரின் பெயர் `தீர்க்கசுமங்கலி' என்று சொன்னதும், உடனே "தீர்க்க சுமங்கலியா? சூப்பர் கதையாச்சே? நீங்க தாராளமாக சூட்டிங் எடுத்துக்கோங்க''ன்னு சொன்னாங்க. இது தான் எங்கள் தொடருக்கான மரியாதை.''
நன்றி: தினதந்தி
என்.டி.டி.வி- இந்து சேனல் தமிழகம் முழுவதும் ஒளிபரப்பு!Quote:
சென்னையில் மெட்ரோ சேனலாக ஒளிபரப்பாகிவந்த என்.டி.டிவி – இந்து தொலைக்காட்சி இனி தமிழ்நாடு முழுவதும் ஒளிபரப்பாகும் என்று அந்த தொலைக்காட்சியின் நிர்வாகிகள் தெரிவித்துள்ளனர்.
என்.டி.டி.வி. இந்து சேனல் இதுவரை சென்னையில் மட்டுமே ஒளிபரப்பாகி வந்தது. இப்போது அரசு கேபிள், எஸ்.சி.வி. கேபிள் மற்றும் டி.டி.எச். மூலமாக தமிழ்நாட்டின் அனைத்து பகுதிகளிலும் என்.டி.டி.வி. இந்து சேனலை பார்க்கும் வசதி ஏற்படுத்திக் கொடுக்கப்பட்டிருக்கிறது. அதுமட்டுமல்லாமல் இதுவரை ஆங்கிலத்தில் ஒளிபரப்பாகி வந்த இந்த சேனல், இப்போது தமிழிலும் செய்திகளையும், நிகழ்ச்சிகளையும் ஒளிபரப்பி வருகிறது.
தமிழ் செய்திகள் காலை 7.30 மணிக்கு தொடங்கி, 8.30, 9.30, முற்பகல் 11 மணி, மதியம் 12 மணி, 1.30, பிற்பகல் 3 மணி, மாலை 6.30, இரவு 7.30, 8.30 ஆகிய நேரங்களில் ஒளிபரப்பாகின்றன. என்.டி.டி.வி இந்து தொலைக்காட்சியில் செய்தி தவிர பல சுவாரசிய நிகழ்ச்சிகளும் ஒளிபரப்பாகி வருகின்றன. அதில் `கோடம்பாக்கம் அக்கம்பக்கம்' நிகழ்ச்சி குறிப்பிடத்தக்க ஒன்று. இதில்
தமிழ்த்திரை உலகின் படவிழாக்கள், சிறப்பு நிகழ்வுகள் மற்றும் திரை பிரபலங்கள் பற்றி இந்த நிகழ்ச்சியில் ரசிக்கலாம். ரேவதி ஞானமுருகன் தொகுத்து வழங்குகிறார்.
சின்னத்திரையில் இருந்து...
Quote:
சின்னத்திரையில் தயாரிப்பாளர் ஜே.கே.யின் அபிநயா கிரியேஷன்ஸ் நிறுவனம் மூலம் உருவான பெரியதிரை இயக்குனர்கள் அதிகம். ஆரம்பத்தில் அபிநயா கிரியேஷன்சில் 7 வருடம் இயக்க பின்னணியில் இருந்த சமுத்திரக்கனி, பின்னாளில் பெரிய திரையில் `நாடோடிகள்' படத்தை இயக்கி பெரும் புகழ் பெற்றார்.
இதே நிறுவனத்துக்கு `மாங்கல்யம், ஆடுகிறான் கண்ணன்' தொடர்களை இயக்கிய பத்ரி, அப்புறமாய் பெரிய திரையில் `வீறாப்பு, தம்பிக்கு இந்த ஊரு' படங்களை இயக்கினார். இங்கிருந்த ஒளிப்பதிவாளர் சித்திரைச்செல்வன் சினிமாவில் `ஆக்ரா' என்ற படத்தை இயக்கினார். வசனகர்த்தா பாலு இப்போது சினிமாவில் வசனகர்த்தாவாக நீடிக்கிறார்.
தீர்க்கசுமங்கலி தொடரை இயக்கிய பிரியன், சினிமாவில் `ஐவர்' படத்தை இயக்கினார். இப்போது விஜய்வசந்த் நடிக்கும் `மதில்மேல் பூனை' படத்தை இயக்கி வரும் ஆனந்த் கூட அபிநயாவின் கண்டுபிடிப்பு தான்.
தொடர்ந்து அபிநயா தொடர்களுக்கு இசையமைத்து வரும் சத்யா, `எங்கேயும் எப்போதும்' படம் மூலம் தேர்ந்த இசையமைப்பாளராக புகழ் பெற்றார்.அபிநயாவின் மக்கள்தொடர்பாளர் பாலனும் இப்போது `ஒத்தவீடு' என்ற படத்தின் மூலம் இயக்குனர் ஆகியிருக்கிறார்.
அடுத்து அபிநயாவில் இருந்து இயக்குனராகப் போகிறவர் பிரசன்னா. இவர் அபிநயா ஜே.கே.யின் இளைய மகன் என்பது குறிப்பிடத்தக்கது. அபிநயாவின் ராசியே ராசி!
Quote:
எம்.ஜி.ஆர். தந்த வாய்ப்பை `கோட்டை' விட்ட வாலி
வசந்த் டிவியில் சனி, மற்றும் ஞாயிற்றுக்கிழமைகளில் இரவு 7 மணிக்கு `வாலி-1000' என்ற தலைப்பில் கவிஞர் வாலியின் சுவாரசிய கலைப்பயண அனுபவங்கள் இடம்பெற்று வருகிறது. வாலியை நடிகை குஷ்பு, டைரக்டர் வெங்கட்பிரபு ஆகியார் சந்தித்து உரையாடிய பகுதிகள் வரும் வாரங்களில் இடம் பிடிக்கிறது.
இந்த நிகழ்ச்சியில் எம்.ஜி.ஆருடனான தனது அனுபவங்களை நெஞ்சம் நெகிழும் விதத்தில் வாலி விவரிக்கிறார். ஒருமுறை எம்.ஜி.ஆர். படம் ஒன்றுக்கு வாலி பாட்டெழுதிக் கொண்டிருந்த நேரத்தில் எம்.ஜி.ஆர். திடீரென வாலியிடம், `உங்க அம்மா பெயர் என்ன?' என்று கேட்டிருக்கிறார். வாலியும் `பொன்னம்மா' என்று அம்மா பெயரை சொல்லியிருக்கிறார். `உடனே உங்கம்மா பெயரில் ஒரு படக்கம்பெனியை சேம்பர்ல பதிவு செஞ்சிடுங்க' என்றிருக்கிறார் எம்.ஜி.ஆர். வாலி புரியாமல் எம்.ஜி.ஆரைப் பார்க்க, அவரோ `நீங்கள்அம்மா பெயரில் ஆரம்பிக்கும் கம்பெனிக்கு நான் கால்ஷீட் தருகிறேன். படத்தில் கிடைக்கும் லாபத்தில் நீங்க நிம்மதியாக செட்டிலாயிடலாம்' என்றிருக்கிறார்.
வாலியின் மேலான பிரியத்தில் எம்.ஜி.ஆர். இப்படிச் சொல்ல, வாலியோ, `அண்ணே... நான் எப்போதும் போல பாட்டெழுதிக்கிட்டு உங்க அன்புக்குரியவனாகவே இருந்திடறேனே' என்று சொல்லியிருக்கிறார். இந்த சம்பவத்தை நினைவுகூர்ந்த வாலி, "எம்.ஜி.ஆர். தனக்குப் பிரியமானவர்களை இப்படி கவுரவிக்க நினைப்பது வழக்கம். ஆனால் எனக்கு பாட்டெழுதுவது தவிர, வேறெதுவும் தெரியாது என்பதால் அவராக தந்த அட்சய பாத்திரத்தை வாங்காமல் தவிர்த்து விட்டேன்'' என்று நெகிழ்கிறார்.
அதுமாதிரி ரஜினிக்காக ஒரு கதை தயார் செய்து ஒரு பிரபல நிறுவனத்திடம் கொடுக்க, அவர்கள் அதில் இன்னொரு நடிகரை போட்டு படம் எடுக்க முடிவு செய்தபோது, ரஜினிக்காக எழுதிய கதையில் அவர் தான் நடிக்க வேண்டும் என்று அந்தக்கதையை வாங்கிக்கொண்டு வந்துவிட்டதையும் நினைவு கூர்ந்தார். ரஜினிக்கான அந்தக்கதை இப்போதும் வாலியிடம் தான் இருக்கிறதாம்!
நன்றி: தினதந்தி
Quote:
ராமருக்கும்... கிருஷ்ணருக்கும்...
பின்னணி பாடகர்களின் மறக்க முடியாத குரலுக்கு சொந்தக்காரர் கண்டசாலா. 1945-1970 பீரியடில் இசையமைப்பாளராகவும் வலம் வந்த அவர், தமிழ், தெலுங்கு, மலையாளம், கன்னடம், மராட்டி, இந்தி, சிங்களம், பெங்காலி என பல மொழிகளில் பத்தாயிரம் பாடல்களுக்கு மேல் பாடி ரசிகர்களின் இதயத்தில் இடம் பிடித்தவர்.
கண்டசாலாவின் இளையமகன் ரத்னகுமார் இதில் கொஞ்சம் மாறுபட்டிருக்கிறார்.அப்பா பாட்டு என்றால் இவர் பேச்சு. தமிழ், தெலுங்கு, கன்னடம், மலையாளம், இந்தி, சமஸ்கிருதம் உள்பட 1076 படங்களுக்கு டப்பிங் பேசியுள்ளார். தொலைக்காட்சி நெடுந்தொடர்களில் ஏறக்குறைய 10 ஆயிரம் எபிசோடுகளுக்கு டப்பிங் பேசியுள்ளார். ஐம்பது டாகுமென்ட்டரி படங்களுக்கும் பேசியுள்ள இவர், மேடைக்கச்சேரி பாடகரும் கூட. 32 வருடமாக இந்தக் கலையை நேசித்து செய்து வருகிறார்.
இவர் டப்பிங் பேசிய படங்களில் கடலோரக்கவிதைகள், கலைஞன், இந்திரன் சந்திரன், தர்மதுரை, ஜீவா, கடமை கண்ணியம் கட்டுப்பாடு, ஜல்லிக்கட்டு, வீடு, முகமூடி முக்கியமானவை.
நடிகர் சங்கம் வழங்கிய `கலைச்செல்வம்', டப்பிங் ïனியன் வழங்கிய `குரல் செல்வம்', ஆந்திர அரசாங்கம் வழங்கிய `நந்தி அவார்டு' ஆகிய விருதுகளை பெற்றுள்ள இவருக்கு, வீணா, வாணி என இரண்டு மகள்கள். இதில் வீணா கல்லூரியில் படித்துக் கொண்டே பாடகியாகவும், அப்பா வழியில் பின்னணி குரல் கொடுப்பவராகவும் இருந்து வருகிறார்.
`தேன்கூடு' என்ற குடும்பப்பாங்கான படத்தையும் தயாரித்து வெளியிட்டுள்ளார். சென்னையில் உள்ள ஆந்திரா கிளப்பின் பொழுதுபோக்கு பிரிவில் செயலாளராகவும் இருக்கிறார்.
இவரது சமீபத்திய சாதனை, இம் மாதம் 4-ம் தேதி நடந்தது. அன்று காலை 10 மணிக்கு டப்பிங் பேச ஆரம்பித்தார். இடைவிடாமல் 8 மணி நேரம் தொடர்ந்து பேசி இந்தியா புக் ஆப் ரெக்கார்டு, ஆசியா புக், ஆப் ரெக்கார்டு, அமேஸிங் வொர்ல்டு ரெக்கார்டு சாதனைக்கு சொந்தக்காரராகி இருக்கிறார்.
தூர்தர்ஷனில் வந்த ராமாயணம் தொடரில் ராமருக்கும், ஸ்ரீகிருஷ்ணர் தொடரில் கிருஷ்ணருக்கும் வருடக் கணக்கில் குரல் கொடுத்து வந்த பெருமையும் இவருக்குண்டு
நன்றி: தினதந்தி
Quote:
சின்னத்திரைக்கு வரும் சூப்பர் ஸ்டார் டைரக்டர்
அண்ணாமலை, பாட்ஷா என்று ரஜினிக்கு மெகா ஹிட் படங்களை கொடுத்த டைரக்டர் சுரேஷ் கிருஷ்ணா இப்போது சின்னத்திரையில் காலடி எடுத்து வைத்துள்ளார். இயக்குநர் சிகரம் பாலசந்தரிடம் உதவியாளராக பணியாற்றியவர் சுரேஷ் கிருஷ்ணா. நடிகர் கமல்ஹாசன் நடித்த சத்யா படம் மூலம் இயக்குநராக அறிமுகமான சுரேஷ் கிருஷ்ணா தொடர்ந்து தமிழ், தெலுங்கு, இந்திய ஆகிய மொழிகளில் படம் இயக்கியுள்ளார். ரஜினியின் மெகாஹிட் படங்களான அண்ணாமலை, வீரா, பாட்ஷா போன்ற படங்களையும், கமல்ஹாசனின் ஆளவந்தான் போன்ற படங்களையும் இயக்கினார். தெலுங்கு நடிகர்கள் சிரஞ்சீவி, வெங்கடேஷ் ஆகியோரையும் வைத்து நிறைய படங்களை இயக்கியுள்ளார். கடைசியாக தமிழில் இளைஞன் படத்தை இயக்கினார். இந்நிலையில் வெள்ளித்திரையில் வாய்ப்பு குறைத்ததும், சின்னத்திரையில் களம் இறங்க முடிவெடுத்து இருக்கிறார். விஜய் டி.வியில் ஆஹா என்ற புதிய தொடர் ஒளிபரப்பாக இருக்கிறது. இந்ததொடரின் டைரக்டர் சுரேஷ் கிருஷ்ணா தான்.
நன்றி: தினகரன்
விஜய் டி.வி விருதுகள் 2012
Quote:
விஜய் டி.வி சார்பில் ஆண்டு தோறும் சிறந்த நடிகர், நடிகைகளுக்கு விருதுகள் வழங்கப்படுகின்றன. இதன்படி 2011-ம் ஆண்டுக்கான விருதுக்குரிய நட்சத்திரங்கள் மற்றும் படங்களை ரசிகர்கள் தெரிவு செய்தனர்.
http://cinema.lankasri.com/photos/fu...awards_003.jpg
இயக்குனர் கே.எஸ்.ரவிக்குமார், யூகிசேது, நடிகைகள் நதியா, லிசி, ஒளிப்பதிவாளர் ரத்தினவேல் ஆகியோர் நடுவர்களாக இருந்தார்கள்.
143 படங்களில் இருந்து 34 விருதுகளுக்கு தெரிவு செய்யப்பட்டார்கள்.
விருது வழங்கும் விழா சென்னை நேரு உள் விளையாட்டு அரங்கில் நடந்தது.
சிறந்த நடிகர்: விக்ரம்.
சிறந்த நடிகை: அஞ்சலி.
சிறந்த திரைப்படம்: எங்கேயும் எப்போதும்.
சிறந்த நகைச்சுவை நடிகர்: சந்தானம்.
சிறந்த நகைச்சுவை நடிகை: கோவை சரளா.
சிறந்த இயக்குனர்: வெற்றி மாறன்.
சிறந்த இசை அமைப்பாளர்: ஜி.வி.பிரகாஷ்
சிறந்த பாடல் ஆசிரியர்: வைரமுத்து.
சிறந்த வில்லன் : அஜீத்பிடித்த நடிகை: அனுஷ்கா.
சிறந்த பொழுதுபோக்கு நடிகர் : தனுஷ்
பிடித்த படம்: கோ.
செவாலியே சிவாஜி கணேசன் விருது: பின்னணி பாடகர் எஸ்.பி.பாலசுப்பிரமணியம்.
விழாவில் கமலின் விஸ்வரூபம் படம் டிரெய்லர் வெளியிடப்பட்டது. மேடையில் தனுஷ், அஞ்சலி, ஸ்ரேயா, வேதிகா ஆகியோர் நடனம் ஆடினார்கள்.
கன்னட 'நீங்களும் வெல்லலாம் ஒரு கோடியில்' ரூ. 1 கோடி வென்ற அதிர்ஷ்டசாலி! வியாழக்கிழமை,
Quote:
கன்னட டிவி சேனலில் ஒன்றின் கோடியாதிபதி நிகழ்ச்சியில் ('நீங்களும் வெல்லலாம் ஒரு கோடி') பங்கேற்ற நபர் ஒருவர் அனைத்து கேள்விகளுக்கு சரியான பதிலைக் கூறி ஒரு கோடி ரூபாய் பரிசினை தட்டிச் சென்றுள்ளார்.
தமிழ்நாட்டில் விஜய் டிவியில் சூர்யா நடத்தும் நீங்களும் வெல்லலாம் ஒரு கோடி நிகழ்ச்சியைப் போல கர்நாடகாவில் ஸ்வர்ணா டிவி சேனல் ஒன்றில் நடிகர் புனித் ராஜ்குமார் கோடியாதிபதி நிகழ்ச்சி நடத்துகிறார். இது 60 எபிசோடுகளைத் தாண்டி வெற்றிகரமாக போய்க் கொண்டிருக்கிறது.
இந்த நிகழ்ச்சியில் பங்கேற்ற ராய்சூர் மாவட்டத்தைச் சேர்ந்த பாம்பண்ணா என்ற நபர் அனைத்து கேள்விகளுக்கு சரியான பதிலைக்கூறி ஒரு கோடி பரிசினை பெற்றுள்ளார். இந்த தகவலை சுவர்னா தொலைக்காட்சி நிறுவனத்தினர் வெளியிட்டுள்ளனர்.
இதுவரை நடந்த நிகழ்ச்சிகளில் ரூ. 25 லட்சத்திற்கும் மேல் யாரும் பரிசுத் தொகையினை வென்றதில்லை. இவர்தான் முதன் முறையாக ஒரு கோடி ரூபாய் பரிசினை வென்றுள்ளார் என்பது குறிப்பிடத்தக்கது.
Quote:
சீரியலுக்குத்தான் முக்கியத்துவம்! புவனேஸ்வரி
நான் சினிமாவை விட சீரியலுக்குத்தான் அதிக முக்கியத்துவம் கொடுப்பேன், என்று நடிகை புவனேஸ்வரி கூறியுள்ளார். சின்னத்திரை சீரியல், சினிமா, என்று சுற்றி வரும் நடிகை புவனேஸ்வரி, நீண்ட இடைவேளைக்குப் பின்னர் சின்னத்திரையில் வாழ்வே மாயம் என்ற சீரியலில் களம் இறங்கியுள்ளார்.
இதுபற்றி அவர் அளித்துள்ள பேட்டியில், சவுபர்ணிகா சீரியல் தொடங்கி வாழ்வே மாயம் வரை 50க்கும் மேற்பட்ட தொடர்களில் நடித்து விட்டேன். பத்துக்கும் மேற்பட்ட திரைப்படங்களில் குறிப்பிடத்தக்க வேடங்களில் நடித்திருக்கிறேன். என் வாழ்க்கையில் எத்தனையோ சவால்களை சந்தித்து, இப்போது மீண்டும் சீரியல் பயணத்தை தொடங்கியிருக்கிறேன். சினிமாவை விட சீரியலுக்குத்தான் நான் அதிகம் முக்கியத்துவம் கொடுப்பேன். எனக்கு நல்ல பெயர் வாங்கித்தரக்கூடிய கதாபாத்திரங்கள் அங்குதான் அமைகின்றன. வில்லி காதாபாத்திரம் தானாக அமைகிறது. இருந்தாலும் அது எனக்கு பிடித்திருக்கிறது. எனக்கு அரசியல் வாழ்க்கை தானாக அமைந்து விட்டது. நடிகையானதை நினைத்து ஒருபோதும் கவலைப்பட்டதில்லை. ஆனால் திருமணமாகி செட்டில் ஆகி இருக்கலாமோ என்று எப்போதவாது நினைத்துக்கொள்வேன், என்று கூறியுள்ளார்.
நன்றி: தினமலர்
Quote:
ஹீரோயினாக பெரிய அளவில் சாதிக்க முடியாது! நீபா
பெருசு படத்தின் மூலம் கதாநாயகியாக தமிழில் அறிமுகமானவர் நீபா. தொடர்ந்து நாயகியாக வாய்ப்பு கிடைக்காததால் சின்னத்திரை பக்கம் திரும்பினார். ஆனாலும் பெரியதிரையில் கிடைக்கும் வாய்ப்புகளை தட்டிக்கழிக்காமல் நடித்து வந்தார். அந்த வகையில் தங்கர்பச்சன் இயக்கிய பள்ளிக்கூடம் படத்தில் சீமானுக்கும், காவலன் படத்தில் வடிவேலுவுக்கு ஜோடியாக நடித்து பாராட்டுக்களை பெற்றார். தற்போது உறவுகள் தொடரில் சுவேதாவாக நடித்தவருக்கு பதிலாக இப்போது நீபா நடிக்கிறார். 750 வது எடிசோடுகளை தாண்டி உறவுகள் போய்க்கொண்டிருக்கிறது. இதற்கிடையில் விக்ரம் நடிக்கும் கரிகாலம் படத்தில் முக்கிய கதாபாத்திரத்தில் நடிக்கவுள்ளாலீர் நீபா.
இது குறித்து அவர் கூறுகையில், ஹீரோயினாக பெரிய அளவில் சாதிக்க முடியும் என எனக்குத் தோன்றவில்லை. அதனால்தான் சீரியல் பக்கம் கவனத்தை திருப்பினேன். சீரியலில் நடிக்க நல்ல வாய்ப்பு உள்ளது. உறவுகள் தொடரில் இன்னும் சுவாரஸ்யமான திருப்பங்கள் நிறைய இருக்கு. ஆயிரம் எபிசோடுகளை நிச்சயம் தாண்டும். காவலன் படத்தில் வடிவேலுக்கு ஜோடியா காமெடியில் கலக்கியதைத் தொடர்ந்து, விக்ரமோட கரிகாலன் படத்துலேயும் ஒரு சூப்பர் ரோல் கிடைச்சிருக்கு என்று கூறினார்.
நன்றி: தினமலர்
Quote:
கே.பாலசந்தரின் அமுதா ஒரு ஆச்சர்யக்குறி!
http://img1.dinamalar.com/cini//CNew...3128000000.jpg
கே.பாலசந்தரின் சாந்தி நிலையம் நெடும் தொடர், ஜெயா டிவியில் வார நாட்களில் ஒளிபரப்பாகி வருகிறது. இத்தொடர் நிறைவடையும் கட்டத்திற்கு வந்துவிட்ட நிலையில், தற்போது கே.பாலசந்தர் எழுதி இயக்கும் நெடுந்தொடர் ஒன்று கலைஞர் டிவிக்காக தயாரிக்கப்பட்டு வருகிறது. கே.பாலசந்தரின் ஆஸ்தான நட்சத்திரங்களான கவிதாலயா கிருஷ்ணனும் ரேணுகாவும் முக்கிய பாத்திரத்தில் நடிக்கின்றனர்.
இந்தத் தொடர் பற்றி அறிந்து கொள்ள ஆர்வமாக இருந்த தி.மு.க. தலைவர் கருணாநிதியை சமீபத்தில் பாலசந்தர் சந்தித்தார். தொடரின் கதையைக் கேட்டறிந்த கருணாநிதி மகிழ்ச்சியடைந்து பாலசந்தரை பாராட்டியதோடு, தொடரின் தலைப்பைப் பற்றிக் கேட்க பாலசந்தர் கமலா ஒரு கேள்விக்குறி என்று கூறியிருக்கிறார். சில வினாடிகள் யோசித்த கருணாநிதி, அமுதா ஒரு ஆச்சர்யக்குறி என்று தலைப்பை மாற்றினால் இன்னும் நன்றாக இருக்கும் என்று கூறியிருக்கிறார். பாலசந்தருக்கும் அந்தத் தலைப்பு மிகவும் பிடித்துவிட மகிழ்ச்சியோடு சம்மதித்து விட்டார்.
நன்றி: தினமலர்
Quote:
சினிமாவில் ஆர்வம் இல்லை! சின்னத்திரை தொகுப்பாளினி ரம்யா பளீச்!!
http://img1.dinamalar.com/cini//CNew...0051000000.jpg
சினிமாவில் நடிக்க நிறைய அழைப்பு வருகிறது; ஆனால் எனக்கு அதில் ஆர்வம் இல்லை என்று சின்னத்திரை தொகுப்பாளினி ரம்யா கூறியுள்ளார். விஜய் டி.வி.யில் பிரபல தொகுப்பாளியாக இருப்பவர் ரம்யா. இவர் தொகுத்து வழங்கும் உங்களில் யார் அடுத்த பிரபுதேவா சீசன் 2, நம்ம வீட்டு கல்யாணம் உள்ளிட்ட பல நிகழ்ச்சிகள், ரசிகர்களை ரொம்பவே கவர்ந்துள்ளது. ஏராளமான ரசிகர்கள் ரம்யாவின் தொகுப்பை புகழ்ந்து தள்ளி கடிதம் எழுதி வருகிறார்கள்.
இது குறித்து ரம்யா அளித்துள்ள பேட்டியில், வைஷ்ணவா கல்லூரியில் விஷூவல் கம்யூனிகேசன் முடித்த பிறகு மாடலிங் செய்து வந்தேன். அப்போதுதான் காம்பயரிங்கில் ஆர்வம் வந்தது. காம்பயரிங் ஒன்றும் சுலபமான வேலை அல்ல. எவ்வளவு பெரிய ஆட்கள் வந்தாலும் எங்களைத்தான் எல்லோரும் கவனிப்பார்கள். காம்பயரிங் செய்யும்போது தமிழில் பேசுவதையே விரும்புகிறேன். சினிமாவில் நடிப்பதற்கு தினமும் அழைப்புகள் வந்த வண்ணம் உள்ளன. ஆனால் அதில் எனக்கு ஆர்வம் சுத்தமாக இல்லை. சினிமாதான் வாழ்க்கையென்று கிளம்பியிருந்தால், இதுவரை நிறைய படங்களில் என்னையும் சராசரி நடிகையாக இந்த உலகம் பார்த்திருக்கும், என்று கூறியுள்ளார்.
நன்றி: தினமலர்
எனக்கு கிளாமர் செட் ஆகாது : மீனாட்சி ஸ்ரீஜா!
http://img1.dinamalar.com/cini//CNew...4041000000.jpg
Quote:
வெள்ளித்திரையில் முன்னணி நடிகர்களாய் வலம் வந்து, பின்னர் வாய்ப்புகள் இல்லாததால் பலர் சின்னத்திரையில் கால்பதித்து முத்திரை பதித்து வருகின்றனர். அந்த வகையில் மலையாள சினிமாவில் அறிமுகமாகி, கிருஷ்ணன் கோவில் கிருஷ்ணா, சகோதரன் சகோதரி, உள்ளிட்ட படங்களில் நாயகியாக நடித்தவர் ஸ்ரீஜா. தொடர்ந்து பட வாய்ப்புகள் இல்லாததால் சின்னத்திரை பக்கம் சென்றார். மதுரை சீரியல் மூலம் அறிமுகமான அவர் தற்போது சின்னத்திரையில் தவிர்க்க முடியாத நடிகையாக மாறி உள்ளார்.
இது குறித்து அவர் அளித்துள்ள பேட்டியில், மதுரை தான் என்னோட முதல் சீரியல். அதிலேயே எனக்கு தமிழக மக்களிடம் நல்ல அறிமுகம் கிடைச்சது. இப்போது முந்தானை முடிச்சு, சரவணன் மீனாட்சின்னு எனக்குஏற்ற கதை அமைஞ்சிருக்கு. என்னதான் கதாநாயகியாக நடித்தாலும் வில்லியாக நடிக்க எனக்கு ரொம்ப பிடிக்கும். ஆனால் என் முகமும், தோற்றமும் பார்ப்பதற்கு ரொம்ப சாந்தமாக இருப்பதால் வில்லி கேரக்டர்கள் எனக்கு கிடைக்கவில்லை. அதேபோல் எனக்கும் கிளாமருக்கும் செட் ஆகாது. வருவாய் கிடைக்கிறது. புகழ் கிடைக்கிறதேன்னு மற்றவங்க முகம் சுளிக்கும் அளவுக்கு நடிக்க மாட்டேன். பிடிக்காத கேரக்டரில் எவ்வளவு கொடுத்தாலும் நடிக்க மாட்டேன், என்று கூறியுள்ளார்.
Quote:
உறவுகள்... கொண்டாடிய உறவுகள்..!
சன் டிவியில் 800 எபிசோடுகளை கடந்த `உறவுகள்' தொடரை தயாரித்த சேன்மீடியா நிறுவனம், அதற்காக சென்னையில் விழா எடுத்தார்கள். தொடரில் நடித்த நட்சத்திரங்கள் மட்டுமின்றி நட்பு முறையிலான நட்சத்திரங்களும், தொழில் நுட்பக்கலைஞர்களும் கலந்து கொண்டனர். இதில் சேன் மீடியா ஏற்கனவே தயாரித்த அகல்யா, பந்தம் தொடர்களில் நடித்த கலைஞர்களும் கலந்து கொண்டார்கள். மஞ்சரி, ரூபஸ்ரீ, ராஜசேகர், சஞ்சீவ், நளினி, பிரீத்தி, தீபக், கன்யா, பூவிலங்கு மோகன், மனோகரன், அகிலா, வெங்கட், பாவனா, ஸ்ரீகுமார், ராஜ்காந்த், தீபக், அமரசிகாமணி, பிலிசிவம், சாந்தி வில்லியம்ஸ் என எங்கெங்கு திரும்பினாலும் நட்சத்திர முகங்கள்.
வழக்கமான விழா என்றால் தொடங்கியதும் ஒவ்வொருவராக பேசுவார்கள். அப்பறமாய் விருது கொடுப்பார்கள். அத்தோடு விழா முடிந்து விடை பெற்றுக் கொள்வார்கள்..
இந்த விழாவில் எல்லாமே மாறுபட்டிருந்தது. நட்சத்திரங்களுக்கு மிïசிகல் சேர் போட்டி நடத்தினார்கள். நாற்காலியை பிடிக்க பெரிய நடிகைகளும் ரவுண்ட் வந்தது கலகலப்பு ஏற்படுத்தியது.
விழாவுக்கு வந்த நட்சத்திரங்களில் யாருடைய காஸ்ட்ïம் சிறப்பு, என்று ஒரு கேள்வியை கேட்டு, அதற்கு உடனடி நடுவராக நளினியை நியமித்தார்கள். நளினி தேர்ந்தெடுத்தது கவிதா பாரதியை.
விழா நடந்த தினம் தான் நடிகர் ராஜ்காந்துக்கும் பிறந்த நாள். அதற்காக திடீர் சஸ்பென்சாய் ஒரு பெரிய கேக்கை மேடைக்கு வரச்செய்து, ராஜ்காந்தையும் அழைத்து கேக் வெட்டச் செய்தார்கள். இந்த திடீர் உபசரணையில் மனிதர் சட்டென கண் கலங்கி, அப்புறமாய் இயல்பானார். அவருக்கு கேக் ஊட்டிய பல நட்சத்திரங்கள் அப்படியே முகத்திலும் கொஞ்சம் பூசி கலாட்டா செய்து விட்டுப்போனார்கள்.
சேன் மீடியா நிறுவனத்தின் முதல் தொடரான `அகல்யா' தொடரில் நடித்த மஞ்சரி சிறப்பு அழைப்பாளராக வந்திருந்தார். இப்போது முத்தாரம் தொடரில் நடித்து வரும் தகவலை சொன்ன மஞ்சரி, `இது குடும்ப உறவுகள். அதனால் தான் முதல் சீரியலில் நடித்த என்னையும் மறக்காமல் அழைத்திருக்கிறார்கள்' என்று நெகிழ்ந்தார்.
மேடையில் சில குத்தாட்டப் பாடல்களை ஒலிபரப்பி அதற்கு நட்சத்திரங்களை ஆடச் சொன்னார்கள். பாவனா, ஸ்ரீகுமார், ராஜ்காந்த் உள்ளிட்ட சிலர் ஆடினார்கள். ஏற்கனவே `மானாட மயிலாட' என இவர்கள் ஆடியிருந்ததால் ஸ்டெப்களிலும் அசத்தினார்கள்.
சேன் மீடியாவின் முன்று தொடர்களிலும் நடித்த ஸ்ரீகுமார் இது `என் தாய் வீடு' என்றார். `பந்தம் சீரியல் தான் எனக்கு நட்சத்திர அந்தஸ்தை முதன்முதலில் கொடுத்தது' என்று உருகினார் தீபக். தொடரில் அப்பாவாக நடித்ததில் இன்று அத்தனை இளைய கலைஞர்களும் என்னை அப்பா என்றே அழைப்பது எனக்கு கிடைத்த பாக்கியம்' என்று உருகினார் அமரசிகாமணி. `பாதியில் வந்ததால் எங்கே என் கேரக்டர் எப்படி பேசப்படுமோ என பயந்தேன். ஆனால் ரசிகர்கள் ஏற்றுக் கொண்டது என் பாக்கியம்' நெகிழ்ந்தார் பாவனா.
மேடையில் உறவுகள் டைட்டில் பாடல் காட்சியை திரையிட்டு, பாடலை மட்டும் மைக் பிடித்து அட்சர சுத்தமாய் பாடிய பாடகி சுதா, இன்னொரு ஆச்சரியம்.
சேன் மீடியாவின் தொடர்களை தொடர்ந்து இயக்கி வரும் இயக்குனர்கள் சிவா, ஹரி, பாலாஜியாதவ் மூவரையும் ஒரேநேரத்தில் மேடையேற்றி விருது கொடுத்தது விழாக்கொண்டாட்டத்தின் உச்சம். ஆஸ்தான கதாசிரியர் குமரேசன் விருதுக்காக மேடையேறியபோது அரங்கு அதிர கரகோஷம். படைப்பாளிக்கு மரியாதை!
நன்றி: தினதந்தி
Quote:
50 தொடர்களை தயாரித்துவிட்ட ஏ.வி.எம்
சினிமா தயாரிப்பு நிறுவனம் சின்னத்திரையில் சாதனை படைப்பது சாதாரண விசயமில்லை.
ஆனால் 175 திரைப்படங்களை இயக்கிய ஏ.வி.எம் நிறுவனம் தென்னிந்திய தொலைக்காட்சிகளில் 50க்கும் மேற்பட்ட தொடர்களை இயக்கி சாதனை படைத்துள்ளது.
1986 ம் ஆண்டு தூர்தர்சனில் ஒளிபரப்பான ‘ஒரு மனிதனின் கதை' தொலைக்காட்சி ரசிகர்களிடையே பெரும் வரவேற்பை பெற்றது.
ரகுவரன், தேவிலலிதா நடித்த அந்த தொடரின் கதை சிவசங்கரியுடையது. ஏ.வி.எம் நிறுவனத்தின் ஆஸ்தான இயக்குநர் எஸ்.பி.முத்துராமன் இயக்கினார்.
இதனை தொடர்ந்து நேற்றைய மனிதர்கள், நாணயம், முத்துக்கள், எனக்காகவா ஆகிய குறுந்தொடர்கள் தூர்தர்சனில் ஒளிபரப்பானது.
சேட்டிலைட் சேனல்களின் வருகைக்குப் பின்னர் சன் தொலைக்காட்சியில் நிம்மதி உங்கள் சாய்ஸ் என தொடங்கிய ஏ.வி.எம், ஆச்சி இண்டர்நேசனல், சொந்தம், கலாட்டா குடும்பம், வாழ்க்கை, என தொடர்ந்தது. பின்னர் சூர்யா, ஜெமினி, பத்துக்கும் மேற்பட்ட தொடர்களை தயாரித்து வெளியிட்டது. கலைஞர் டிவி தொடங்கப்பட்ட பின்னர் வைரநெஞ்சம், வைராக்கியம் என தொடர்கிறது. மா டிவி, ராஜ் டிவியிலும் எ.வி.எம் தொடர்களை தயாரித்து வெளியிட்டுள்ளது.
கடந்த 20 ஆண்டுகளில் ஏவிஎம் நிறுவனம் 50க்கும் மேற்பட்ட தொலைக்காட்சித் தொடர்களை தயாரித்துள்ளது. தென்னிந்திய மொழிகளில் 7500 எபிசோடுகள்வரை ஒளிபரப்பாகியுள்ளன என்று அந்த நிறுவனம் பெருமை பொங்க புள்ளிவிபரங்களை வெளியிட்டுள்ளது குறிப்பிடத்தக்கது.
நன்றி: தினகரன்