நான் சொல்லும் ரகசியம் நகைச்சுவை அம்சம் நிறைந்த படம். குறிப்பாக சந்திர பாபு வைத்தியராக வந்து அதகளம் பண்ணுவார். ஒரு நோயாளி நாய்க்கடிக்கு வைத்தியம் பார்க்க வரும் காட்சி திரையரங்கில் மிக பலத்த ஆரவாரம் பெறும். டி.வி.டியில் அந்தக் காட்சி இருப்பதாகத் தெரியவில்லை. இருந்தாலும் மற்ற காட்சிகளிலும் அவருடைய நகைச்சுவை சிறப்பாக இருக்கும். நடிகர் திலகத்தின் மிக ஸ்டைலான உடையலங்காரம், சொல்லவே வேண்டாம். பாகம் 11ல் வாசு சார் எழுதி வரும் ஆடைகளுக்கென்றே பிறந்த ஆணழகன் தொடரில் நான் சொல்லும் ரகசியம் இடம் பெறும் போது அதைப் பற்றி விரிவாக அறிந்து கொள்வோம்.
பார்க்க வேண்டிய படம் நான் சொல்லும் ரகசியம். ஜி.ராமநாதன் அவர்களின் இசையில் இடம் பெற்ற கண்டேனே உன்னை கண்ணாலே பாடல் நடிகர் திலகத்திற்கு மறைந்த பி.பி.ஸ்ரீநிவாஸ் அவர்கள் பாடியுள்ள டூயட் பாடல் என்பது குறிப்பிடத் தக்கது.
நான் சொல்லும் ரகசியம் வெற்றிப் படமாகும். 100 நாட்கள் ஓடவில்லை என்றாலும் வசூலில் நல்ல பலனளித்தது. இந்த தயாரிப்பாளரின் மறக்க முடியாத காவியங்களில் ஒன்று தான் நடிகர் திலகத்தின் பார் மகளே பார் திரைப்படமாகும்.
இது வரை நான் சொல்லும் ரகசியம் திரைப்படத்தைப் பார்க்காதவர்களின் தகவலுக்காக நெடுந்தகட்டின் முகப்பு இங்கே பகிர்ந்து கொள்ளப் படுகிறது.
http://i1146.photobucket.com/albums/...ps8b3e2383.jpg