-
நமது திரியின் வெற்றிகரமான 100 பக்கங்கள் கடந்த சாதனையை மேலும் அனைவரும் சந்தோஷமுடன் கொண்டாட அடியேனின் சிறப்புப் பதிவு.(1)
கலையுலக ஆண்டவரின் 'அரை நூற்றாண்டு அருஞ்சேவை' என்ற 'ஜெமினி சினிமா'வின் அரிய கட்டுரையான ஆவணப் பதிவு.
கவர் ஸ்டோரி
http://i1087.photobucket.com/albums/...1355/1-127.jpg
http://i1087.photobucket.com/albums/...1355/2-100.jpg
http://i1087.photobucket.com/albums/...31355/3-77.jpg
http://i1087.photobucket.com/albums/...31355/4-60.jpg
அன்புடன்,
வாசுதேவன்.
-
நமது திரியின் வெற்றிகரமான 100 பக்கங்கள் கடந்த சாதனையை மேலும் அனைவரும் சந்தோஷமுடன் கொண்டாட அடியேனின் சிறப்புப் பதிவு (2)
நடிகர் திலகத்தின் ஸ்டைல் சண்டைக் காட்சிகள் (வீடியோ தொடர்) 5.
நமது திரி வெற்றிகரமாக 100 பக்கங்களைக் கடந்து பீடுநடை போட்டு சாதனை புரிந்து வருவதை முன்னிட்ட சிறப்பு சண்டைக்காட்சி பதிவு.
படம்: சொர்க்கம்
வெளிவந்த ஆண்டு: 1970
தயாரிப்பு: T.R.சக்கரவர்த்தி
சண்டைப் பயிற்சி: திருவாரூர் M.S.தாஸ்
http://i1087.photobucket.com/albums/..._000276575.jpg
இயக்கம்: ராமண்ணா
சண்டைக்காட்சியின் அட்டகாசமான நிழற்படங்கள் சில.
http://i1087.photobucket.com/albums/...an31355/s3.jpg
http://i1087.photobucket.com/albums/...31355/Sos2.jpg
http://i1087.photobucket.com/albums/...an31355/s1.jpg
இந்த அற்புதமான சண்டைக்காட்சியை அன்பு முரளி சாருக்கு ஆனந்தத்தோடு சமர்ப்பிக்கிறேன்.
சும்மா பஞ்சு பறக்கும் சண்டைக்காட்சி. அதுவும் ஓடும் ட்ரெயினில். எதிரிகள் இருவரும் தன் இருக்கைக்கு முன் அமர்ந்து இருப்பதை சந்தேகக் கண் கொண்டு பார்க்கும் அந்தப் பார்வையிலேயே நடிகர் திலகத்தின் அற்புதமான இந்த சண்டைக்காட்சி களைகட்டி விடுகிறது. அதுவும் கத்தியோடு வரும் அந்த ஸ்டன்ட்மேனிடம் நம்மவர் மோதும்போது நிஜமாகவே உடல் சிலிர்க்கிறது. தன் மேல் குத்த வரும் எதிரியின் கத்தியை சிம்மக் குரலோன் தலையணையால் லாவகமாகத் தடுக்க, தலையணை கிழிந்து பஞ்சு ரயில் முழுவதும் பறக்க, பின் ரயிலில் உட்காரும் இருக்கையின் மேல் எதிரியின் கத்தியை ஆழப் பதியவைக்க, இருக்கை கிழிந்து கொண்டே வந்து அதிலிருந்தும் பஞ்சு பஞ்சாய்ப் பஞ்சு பறக்க, பஞ்சுத் துகள்களுக்கு மத்தியில் படு அமர்க்களமான சண்டைக்காட்சியில் சிகரங்களைத் தொடுகிறார் நடிகர் திலகம். அமிர்தம் அவர்களின் பிரமாதப்படுத்தும் ஒளிப்பதிவு இந்த சண்டைகாட்சிக்கு ஒரு ப்ளஸ் பாய்ன்ட்.
'சொர்க்கம்' படத்திற்கு முந்தைய படங்களான எதிரொலி, ராமன் எத்தனை ராமனடி போன்ற காவியங்களில் ஆக்ஷன் சீன்களுக்கு வேலை இல்லை. நடிப்பின் ராஜாங்கம் அவைகளில் கொடிகட்டிப் பறந்தது. சொர்க்கத்துடன் வெளிவந்த 'எங்கிருந்தோ வந்தாள்' காவியத்திலும் சொல்லும்படியான சண்டைக்காட்சிகள் இல்லை. எனவே தீபாவளி விருந்தான 'சொர்க்கம்' ஆக்ஷன் சீன் ரசிகர்களுக்கு இந்த குறிப்பிட்ட சண்டைக்காட்சி மூலம் அறுசுவை விருந்தை அள்ளி வழங்கியது. அற்புதமான அதே சமயம் வித்தியாசமான கோணத்தில் எடுக்கப்பட்ட இந்த சண்டைக்காட்சி நம் ரசிகப் பிள்ளைகளின் உள்ளங்கள் மட்டுமல்லாது அனைவரது உள்ளங்களிலும் நிரந்தரமாகக் குடியேறியது.
இந்த அனல் பறக்கும் சண்டைக்காட்சியை நமது திரியின் நூறு பக்கங்கள் கடந்த சந்தோஷத்தின் முழு வெளிப்பாடாக ஸ்பெஷல் பதிவாகப் பதிவிடுவதில் பேருவகை கொள்கிறேன். இனி நம் நடிகர் திலகத்தின் இடித்தாக்குதல்களுக்குத் தயாராகுங்கள்.
முதன்முறையாக இணையத்தில் தரவேற்றி உங்களுக்காக
http://www.youtube.com/watch?list=UU...yer_detailpage
அன்புடன்,
வாசுதேவன்.
-
Dear HARISH Sir, J.Radhakrishnan Sir,
Thanks for your wishes.
-
நமது திரியின் வெற்றிகரமான 100 பக்கங்கள் கடந்த சாதனையை மேலும் அனைவரும் சந்தோஷமுடன் கொண்டாட அடியேனின் சிறப்புப் பதிவு (3)
இதய தெய்வத்தின் இரு அரிய ஒரிஜினல் புகைப்படங்கள்
http://i1087.photobucket.com/albums/...1355/fdghj.jpg
http://i1087.photobucket.com/albums/...31355/hkjl.jpg
அன்புடன்,
வாசுதேவன்.
-
நமது திரியின் வெற்றிகரமான 100 பக்கங்கள் கடந்த சாதனையை மேலும் அனைவரும் சந்தோஷமுடன் கொண்டாட அடியேனின் சிறப்புப் பதிவு (4).
நடிகர் திலகத்தின் நாயகிகள்.(ஒரு விஷுவல் தொடர்)
(தொடர்-6)
நடிகர் திலகத்தின் நாயகிகள் (6) 'நடிகையர் திலகம்' சாவித்திரி
'வணங்காமுடி' தமிழ்த் திரைக்காவியத்தில் கம்பீரத் திலகத்துடன் நடிகையர் திலகம். (மிக அரிய சிறப்புப் புகைப்படம்).
http://i1087.photobucket.com/albums/...an31355/sa.jpg
இவரைப் பற்றி சொல்லித்தான் தெரிய வேண்டுமோ! நடிகையர்களில் திலகம் ஆயிற்றே! தமிழ், தெலுங்கு இரண்டு மொழிகளிலும் வெற்றிக்கொடி நாட்டியவர். அப்போதைய நடிகைகள் முதல் இப்போதைய நடிகைகள் வரைக்கும் அத்துணை நடிகைகளும் பேட்டிகளில் கூறுவது "சாவித்திரியைப் போல் நடித்துப் புகழ் பெற வேண்டும்" என்பதுதான். நடிகர் திலகத்திற்கு பல படங்களில் ஜோடி. அமரதீபம், அன்னையின் ஆணை, காத்தவராயன், எல்லாம் உனக்காக, திருவிளையாடல், நவராத்திரி, அவரே தயாரித்து இயக்கிய 'பிராப்தம்' என்று பல படங்களில் இணையாக நடிகர் திலகத்துக்கு நாயகியாய் ஜொலித்தவர். 'கை கொடுத்த தெய்வம்' இவர் புகழை உச்சிக்கே கொண்டு சென்றது. 'சிவன்' என்றால் நடிகர் திலகம் கண்முன் தோன்றுவது போல 'பார்வதி' என்றால் சட்டென நம் நினைவுக்கு வருபவர். அபூர்வ திறமை கொண்ட அழகிய நடிகை. 'நவராத்திரி' யில் கலக்கியவர். நமது திரி நூறு பக்கங்களை வெற்றிகரமாக கடந்ததால் நடிகர் திலகத்தின் நூறாவது காவியத்தின் நாயகி 'நடிகையர் திலகம்' சாவித்திரி இந்தத் தொடரின் ஸ்பெஷல் கதாநாயகி அந்தஸ்து பெறுகிறார்.
'காத்தவராயன்' கலக்கல் காவியத்தில் கலைக்குரிசிலும், சாவித்திரியும்
http://i1087.photobucket.com/albums/...5/VTS_01_4.jpg
'திருவிளையாடல்' பக்திக் காவியத்தில் சாதனைத் திலகத்துடன் சாவித்திரி.
http://i1087.photobucket.com/albums/...ayadal0008.jpg
நடிகர் திலகமும், நடிகையர் திலகமும் அவர்களும் இணைந்து கலக்கும் அற்புத டூயட் பாடல். இரு திலகங்களின் இளமைத் துள்ளல். 'அன்னையின் ஆணை' காவியத்தில் படுஸ்டைலான டூயட் பாடல். (வீடியோ)
"கனவின் மாயாலோகத்திலே ..
நாம் கலந்தே உல்லாசம் காண்போமே"...
http://www.youtube.com/watch?v=Mtslsb4wJkY&feature=player_detailpage
'பிராப்தம்' படத்தில் மறக்க முடியாத டூயட் பாடல்.
"சொந்தம் எப்போதும் தொடர்கதைதான்... முடிவே இல்லாதது"...
http://www.youtube.com/watch?v=uLmsuXcID7U
(ஜோடிகள் தொடரும்)
உள்ளத்தை உருக்கும் நிழற்படம்.
தன் வாழ்க்கையின் கடைசி நிமிடங்களில் 'கோமா'வினால் உருக்குலைந்து போன நடிகையர் திலகம்.
http://s3.amazonaws.com/picable/2009...f-life_620.jpg
அன்புடன்,
வாசுதேவன்.
-
நடிகர் திலகம் மற்றும் அனைத்து தென்னிந்திய நட்சத்திரங்களுடன் 'நடிகையர் திலகம்' சாவித்திரி.
http://www.cinema24hours.com/images/...to_iiorn_0.jpg
அன்புடன்,
வாசுதேவன்.
-
அனைவருக்கும் அன்பு நல்வாழ்த்துக்களும், நன்றிகளும்.
http://www.easyvectors.com/assets/im...-flower-18.jpg
அன்புடன்,
வாசுதேவன்.
-
டியர் சுப்ரமணியம் சார்,
மோஹன்ராம் அவர்கள் வழங்கிய நிகழ்ச்சி பற்றிய தங்களுடைய பதிவினைப் பற்றி அடியேனுடைய தாழ்மையான அபிப்ராயத்தைக் கூற விரும்புகிறேன். அந்த பதிவில் சில கருத்துக்கள் தங்களால் எடிட் செய்யப் பட்டு விட்டது என நினைக்கிறேன். இருந்தாலும் எந்த அளவிற்கு மோஹன் ராம் சார் இந்த நிகழ்ச்சிக்காக உழைத்திருக்கிறார் மற்றும் ஒவ்வொரு காட்சியிலும் எந்த அளவிற்கு உன்னிப்பாகக் கவனித்திருக்கிறார் என்பதை அவருடைய திருவிளையாடல் காட்சி எடுத்துக் காட்டியது.
மோஹன் ராம் சுட்டிக் காட்டியது போல் நான் பெற்ற செல்வம் திரைப்படத்தில் நக்கீரனாக அவர் பேசிய வசனங்கள் திருவிளையாடல் படத்தில் சிவனாக அப்படியே பேசப் பட்டது அந்தக் கலைஞர்களின் சிறப்பைக் காட்டியது. அதனை மிகச் சரியாக சுட்டிக் காட்டினார் மோஹன் ராம் சார். ஒரு மனிதனுக்கு இயல்பாக இருக்க வேண்டிய உணர்வை உணர்த்தவே அந்த சிவன் வேடத்தை நடிகர் திலகம் கையாண்டிருப்பதாகத் தோன்றுகிறது. உமையவளின் கூந்தலைப் பற்றி, அதாவது சிவனின் மனைவியின் கூந்தலைப் பற்றி நக்கீரன் உரைக்கும் அந்த ஒரு கண நேர உணர்வு அந்த நேரத்தில் அந்த இறைவனையே மனிதனாக மாற்றி அவருக்குள் உணர்ச்சியினைத் தோற்றுவித்து மனைவியைப் பற்றி இன்னொருவர் சொல்வதா என்கிற உணர்வையும் உருவாக்கி அதனை அவர் தான் பின் வாங்கியது போல் உடல் மொழியைக் காட்டியதன் மூலம் பிரதிபலிக்கச் செய்தது மிகச் சிறப்பானது. இவையெல்லாம் எத்தனை பெரிய நடிகர்களானாலும் சிந்தித்திருக்க முடியாத REFLEX ACTION. அதனை மிகச் சிறப்பாக மோஹன் ராம் எடுத்துரைத்தார். அதே போல் prompting பேசும் நடிகர்களிடையே மனப்பாடம் கூட செய்யாமல் ஒரு முறை செவி வழி கேட்டதை வைத்து வசனங்களைப் பேசும் சிறப்புற்ற நடிகர் திலகத்தின் மேன்மையையும் திரு கவிதாலயா கிருஷ்ணன் துணை கொண்டு செய்து காட்டினார்.
இன்னும் சொல்லப் போனால் இந்த நிகழ்ச்சியினை இன்னும் சற்று விரிவாக நாம் எதிர்காலத்தில் நடத்தலாம்.
திரு மோஹன் ராம் அவர்களுக்கு நம் உளமார்ந்த பாராட்டுக்கள்.
-
வெற்றிகரமாக 100-வது பக்கத்தை தாண்டி வெள்ளி விழாவை நோக்கி வெற்றி நடை போடும் திரியின் நாயகன் சுவாமிக்கும், பக்கதுணையாய் விளங்கும் வாசு அவர்களுக்கும், ராகவேந்தர் சார் அவர்களுக்கும் கார்த்திக் அவர்களுக்கும் ஏனைய நண்பர்கள் அனைவருக்கும் உளங்கனிந்த வாழ்த்துக்கள்.
வாசு சார்,
மிக்க மிக்க நன்றி. நான் எப்போதோ ஒரு முறை நடிகர் திலகத்தின் சண்டைக் காட்சிகளில் எனக்கு மிகவும் பிடித்தது [ராஜாவை தவிர்த்து] சொர்க்கம் படத்தில் இடம் பெற்ற ட்ரெயின் சண்டைக் காட்சிதான் என சொன்னதை நினைவில் வைத்துக் கொண்டு அந்தக் காட்சியை இணையத்தில் தரவேற்றி அதை எனக்கு dedicate செய்த உங்களுக்கு என் நெஞ்சார்ந்த நன்றிகள் பல!
Belated Birthday Wishes Chandrasekar Sir!
அன்புடன்
-
அன்புள்ள வாசுதேவன் சார்,
நடிகர்திலகத்தின் சாதனைகளை அள்ளிவரும் நமது திரி 100 பக்கங்களைக்கடந்த மகிழ்ச்சியை பல்வேறு சிறப்புப்பதிவுகளைத் தந்து அற்புதமாகக்கொண்டாடி விட்டீர்கள். அதற்கு நெஞ்சார்ந்த நன்றி.
'ஜெமினி சினிமா' கவரேஜ்......
ஜெமினி சினிமாவில் அழகிய அட்டைப்படத்துடன் வெளிவந்த, நடிகர்திலகத்தைப்பற்றிய் கட்டுரை அருமை. அனைத்து விவரங்களையும் மிக அருமையாக கவரேஜ் செய்து, கண்கவர் படங்களுடன் வெளியிட்டு அசத்தியுள்ளனர். அதனை இங்கு அழகுற பதிவிட்டமைக்கு நன்றி.
'சொர்க்கம்' ஸ்டண்ட் காட்சி.......
நடிகர்திலகம் நடித்த மிக அற்புத ஸ்டண்ட் காட்சிகளில், சொர்க்கம் படத்தில் இடம்பெற்ற ரயில் சண்டைக்காட்சிக்கு எப்போதுமே சிறப்பிடம் உண்டு. மிக வித்தியாசமாகச் செய்யவேண்டும் என்ற முனைப்புடன் ராமண்ணா அவர்களும், ஒளிப்பதிவாளர் அமிர்தம் அவர்களும், முக்கியமாக ஸ்டண்ட் மாஸ்ட்டர் திருவாரூர் தாஸ் அவர்களும் சிரத்தையுடன் செய்ய, அவர்களுக்கு முழு ஒத்துழைப்புக் கொடுத்து 100 சதவீத ஈடுபாட்டுடன் அண்ணன் நடிகர்திலகம் அவர்கள் செய்திருப்பார். பலமுறை பார்த்திருந்த போதிலும், சமீபத்தில் எதிர்பாராமல் கே.டிவியில் பார்த்திருந்ததால் பசுமையாக நினைவில் உள்ளது. (என்னிடம் இருந்த நெடுந்தகடை நண்பர் ஒருவர் வாங்கிப்போய் இன்னும் திருப்பித்தரவில்லை. சிறிது பொறுத்துப்பார்த்து விட்டு வேறு ஒன்றை வாங்கிவிட வேண்டியதுதான்).
அப்படத்தில் எனக்கு குறையாகப்பட்டது, கிளைமாக்ஸ் சண்டைக்காட்சியில் நடிகர்திலகத்துக்குப் போதிய பங்களிப்பு இல்லாமல்போனதுதான். பாலாஜி, நாகேஷ், வாசு அனைவரும் 'கெட்ட' மனோகருடனும், அவரது ஆட்களுடனும் சுறுசுறுப்பாக சண்டையிட்டுக் கொண்டிருக்கும்போது, நடிகர்திலகம் சேற்றில் மூழ்கிக்கொண்டிருக்கும் 'நல்ல'மனோகரைக் காப்பாற்றும் முயற்சியில் ஈடுபட்டிருப்பார். மற்றபடி படம் படுசூப்பர்.
நீங்கள் குறிப்ப்பிட்டதுபோல, அந்த ஆண்டில் வெளிவந்த படங்களில் சண்டைக்காட்சிகள் குறைவே. அதற்குக்காரணம் அவற் ஏற்றிருந்த பாத்திரங்கள். 'எங்க மாமா' கிளைமாக்ஸில் இடம்பெற்ற சூப்பர் சண்டைக்காட்சிக்குப்பின், சொர்க்கம்தான்.
'நாயகிகள்' வரிசையில் நடிகையர்திலகம்....
இனிமேல் இப்படி ஒரு நடிகை வரமுடியுமா என்று எல்லோரும் அதிசயிக்கும் வண்ணம், தன் நடிப்பால் அனைவரையும் கவர்ந்த நடிகையர்திலகம் சாவித்திரி பற்றிய கவரேஜ் சிறப்பாக உள்ளது. அவர் நடிகர்திலகத்துடன் ஜோடி சேர்ந்த படங்களை 'மட்டும்' அழகாகத் தொகுத்துள்ளீர்கள். (தங்கையாக கலக்கிய பாசமலர், அண்ணியாக அருமையாகச்செய்த பாவ மன்னிப்பு மற்றும் படித்தால் மட்டும் போதுமா, தம்பி மனைவியாக வந்த பந்தபாசம், நண்பனின் மனைவியாக தோன்றிய கர்ணன் மற்றும் பார்த்தால் பசிதீரும் போன்றவற்றை கவனமாகத் தவிர்த்திருக்கிறீர்கள்).
ஒரு சின்ன விடுதல் மட்டுமே... 63 தோன்றி இன்றுவரைக்கும் பிரிவுபசார விழாக்கள் என்றாலே தவறாமல் ஒலிக்கும் 'பசுமை நிறைந்த நினைவுகளே' பாடல் இடம்பெற்ற, திலகங்கள் இணைந்து கலக்கிய 'திலகம்' மட்டும் மிஸ்ஸிங்.
அனைத்து கலக்கல் பதிவுகளுக்கும் பாராட்டுக்கள், நன்றிகள்.