Nadigar Thilagam Sivaji Ganesan - Part 7

டியர் முரளி சார், சகோதரி சாரதா & நண்பர் Plum,

1963-ம் ஆண்டு "குங்குமம்" திரைப்படம் வெளியான சமயத்தில் ["குங்குமம்" வெளியான தேதி : 2.8.1963], திராவிட முன்னேற்றக் கழக இதழ் ஒன்றின் கேள்வி-பதில் பகுதியில், கழகக் கண்மணி ஒருவர் ஒரு கேள்வி கேட்டிருந்தார். அந்தக் கேள்வி:

"குங்குமம்" படம் பார்த்தீர்களா?

கேள்விக்கு பதிலளித்தவர் அப்படத்தைப் பற்றி தனது மனதில் பட்ட கருத்தையோ அல்லது நடிகர் திலகத்தின் நடிப்பை விமர்சிததோ அல்லது அப்படத்தில் இடம்பெற்ற மற்ற கலைஞர்களின் பங்களிப்பு பற்றியோ எழுதியிருக்கலாம். அது ஜனநாயக முறை. ஆனால் அவர் என்ன பதில் கொடுத்தார் தெரியுமா?! அதை அறிந்தால் அனைவருக்குமே அதிர்ச்சியாயிருக்கும் ! ஆம், அவர் இந்தக் கேள்விக்கு அளித்த பதில்:

"இந்தப் படத்துடன் சிவாஜி காலி" என்பது தான்.

நமது நடிகர் திலகம் இன்றும் வாழ்கிறார். என்றென்றும் வாழ்வார். பதிலளித்தவர் தான் காலியாகியிருப்பார்.

அவருடைய காலத்தில், அவர் வாழ வேண்டும் என அவரை நேசித்த ஒரு பெரிய கூட்டமும், அவர் வீழ வேண்டும் என அவரைக் கண்டு அஞ்சிய ஒரு கூட்டமும் முழக்கமிட்டு கொண்டிருந்ததது மறுக்க முடியாத உண்மை. அவரைப் பிடிக்காத கூட்டததையும் இரு வகையாகப் பிரிக்கலாம்.

ஒன்று - அவரது சினிமாக் கூட்டத்தை, செல்வாக்கைக் கண்டு ஒரு முகாமுக்கு அச்சம்

மற்றொன்று - அவரது அரசியல் கூட்டத்தை, செல்வாக்கைக் கண்டு இன்னொரு முகாமுக்கு பயம்.

இவை தவிர, கூட இருந்தே குழிப்பறிக்கும் துரோகிகளும் இருந்தனர். எண்ணிலடங்கா எதிர்ப்புகளையும், துரோகங்களையும் சமாளித்து ஜெயக்கொடி நாட்ட அவர் போட்ட எதிர்நீச்சல் இருக்கிறதே, அப்பப்பா.....அது அவரால் மட்டுமே முடியும். ஆரம்பமுதற்கொண்டே கலையுலகிலும் சரி, அரசியலிலும்
சரி, நடிகர் திலகம் எதிர்நீச்சல் போட்டேதான் சாதித்துக் காட்டினார். எந்த நிலையிலும், எந்த சமயத்திலும், எந்தவொரு காலகட்டத்திலும் அவர் தன்னை எதிர்த்தவர்களையோ, துரோகம் செய்தவர்களையோ பழி வாங்கியதில்லை. பழிவாங்கும் எண்ணம் கூட அவருக்கு கிடையாது. அப்பேர்ப்பட்ட ஒரு தெய்வப்பிறவி அவர்.

நமது நடிகர் திலகம் தி.மு.க.வை விட்டு வெளியே வந்தது மார்கழி 1954 [அதாவது 16.12.1954 - 13.1.1955] காலகட்டம். "பராசக்தி" [17.10.1952] வெளியான பிறகு சிவாஜி அவர்கள் சற்றேறக்குறைய இரண்டே கால் வருடங்களே கழகத்தில் இருந்திருக்கிறார். "பராசக்தி" முதல் "தூக்கு தூக்கி" [26.8.1954] வரை அவரது எல்லா பட விளம்பரங்களும், செய்திகளும் கழக ஆதரவு ஏடுகளில் வந்திருக்கிறது. அதன் பின்னர் அத்திபூத்தாற் போலத்தான் அவரது செய்திகளும், பட விளம்பரங்களும். கழகத்தை விட்டு அவர் கிளம்புவதற்கு முன்பு வெளியான படம் "எதிர்பாராதது" [9.12.1954]. எதிர்பாராத விதமாக அவர் திருமலை திருப்பதிக்கு திடீரென புனிதயாத்திரை செல்ல அதன் பின்னர் எதிர்பார்த்தது, அந்தப் பெருமாள் நினைத்தது நல்லபடியே நடந்தது. மொத்தத்தில் திரையுலகிற்கு அவர் வரக் காரணமும் பெருமாள், திரையுலகில் அவருக்கு சிறந்ததொரு திருப்பத்தை ஏற்படுத்திக் கொடுத்ததும் பெருமாள். கழகத்துக்குள்ளே குடத்துக்குள் நீராய் இருந்து வந்த அவர், புதுவெள்ளமாய்ப் பொங்கி "காவேரி"யாய்ப் பெருக்கெடுத்தார். ஆம், கழகத்தை விட்டு வெளிவந்த பின், வெளிவந்த படம் "காவேரி" [13.1.1955]. "காவேரி" 100 நாள் வெற்றிப்படமாகத் திகழ்ந்தது. முந்தைய படமான "எதிர்பாராதது"வும் 100 நாள் வெற்றிப்படம். மேலும், 1955-ல் "மங்கையர் திலக"மும்[100 நாள்], "கள்வனின் காதலி"யும் சிறந்த வெற்றிப்படங்களாக வலம் வந்தன. "முதல் தேதி", "உலகம் பல விதம்", "கோடீஸ்வரன்" ஆகியவை Average ரகத்தில் ஓடியவை.

1956-ல், "அமரதீபம்", "பெண்ணின் பெருமை" இரண்டும் 100 நாள் பெருவெற்றிப்படங்கள். "நான் பெற்ற செல்வம்" நேரடியாக 100 நாள் ஓடவில்லை என்றாலும் வசூலில் சக்கை போடு போட்டது. பல ஊர்களில் 50 நாட்களுக்கு மேல் ஓடியது. பகைமை பாராட்டாமல், ஏற்கனவே கழகத்தில் இருந்த போதே, ஒப்பந்தமாகி நடித்துக் கொண்டிருந்த படங்களான "ராஜா ராணி", "ரங்கோன் ராதா" ஆகிய படங்களை பிரச்னை ஏதுமின்றி முடித்துக் கொடுத்தார் நடிகர் திலகம். "ரங்கோன் ராதா" வெற்றி பெற்றது. தி.மு.கழக முக்கியப் பிரமுகரான ஏ.வி.பி.ஆசைத்தம்பியின் கதை-வசனத்தில் "வாழ்விலே ஒரு நாள்" படத்தில் நடித்தார்.

1957-ல், "வணங்காமுடி" 100 நாள் பெருவெற்றிக்காவியம். அதற்கு அடுத்த நிலையில், "மக்களைப் பெற்ற மகராசி", "தங்கமலை ரகசியம்", "பாக்கியவதி" ஆகியவை அமோக வெற்றியைப் பெற்றன. "புதையல்" நல்லதொரு வெற்றிப்படம். "அம்பிகாபதி" ஓட்டத்தில் OK.

1958-ம் ஆண்டு குறித்து முரளி சாரும், 1959 பற்றி சகோதரி சாரதாவும் கூறி விட்டார்கள். அதற்கு பின்னர் அவர் சாதித்த விண்ணளந்த சாதனைகள் அனைவரும் அறிந்ததே.

அவர் மண்ணை விட்டு மறைந்து பத்து ஆண்டுகள் ஆகப் போகிற நிலையிலும் என்றென்றும் வான்புகழ் கொண்டு,

அவர் வாழ்கிறார் ! வாழ்கிறார் !! வாழ்ந்து கொண்டேயிருக்கிறார் !!!

அன்புடன்,
பம்மலார்.

Murali sir,

Looking for Madurai Central - Raja release details. Saradha madam also written review of Raja in her blog.

Sathish

டியர் பம்மலார், முரளி மற்றும் நண்பர்கள்,
முரளி சாரும் பம்மலாரும் எழுதியதற்குப் பிறகும் நடிகர் திலகத்தின் சாதனைகளைப் பற்றி யாராவது ஐயம் கொண்டிருந்தால் அதற்கு இருக்கக் கூடிய ஒரே காரணம், முன்னதாகவே நடிகர் திலகத்தைப் பற்றிய மாற்றுக் கருத்தோடு மட்டும் அணுகுபவராகத் தான் இருக்க முடியும்.
சோதனை மேல் சோதனை, போதுமடா சாமி என்று அவர் படத்தில் தான் பாடினாரே தவிர, நிஜ வாழ்வில் அனைத்து சோதனைகளையும் தாங்கியும் தாண்டியும் தான் வெற்றி பெற்றிருக்கிறார்.
யாருடைய நிழலிலும் தன் வளர்ச்சியை அவர் உருவாக்கிக் கொள்ள வில்லை. அவர் சார்ந்த அரசியல் இயக்கங்கள் எந்த விதத்திலும் அவருடைய வளர்ச்சியில் பங்கு பெற்றதில்லை. அவருடைய வளர்ச்சியும் வெற்றியும் முழுக்க முழுக்க அவருடையதே.

ஆனால் இன்றும் அவரிடம் நன்றி மறக்காமல் பாராட்டும் பலர் உள்ளனர் என்பது உண்மையிலேயே மனசாட்சி உள்ளவர்கள் இருப்பதால் தான் இந்நாட்டில் மழை பெய்கிறது என்று காட்டுகிறது. இதற்கு சான்று, தற்பொழுது ஜெயா டி.வி. திரும்பிப் பார்க்கிறேன் நிகழ்ச்சியில் எம்.பானுமதி அவர்கள். நடிகர் திலகத்தைப் பற்றிப் பேசும் ஒவ்வொரு கணமும் அவரால் மிகுந்த சிரமப்பட்டுத் தான் உணர்ச்சியைக் கட்டுப்படுத்த வேண்டியுள்ளது. நடிகர் திலகத்தைத் தன் தெய்வம் என்றே நிகழ்ச்சியில் குறிப்பிட்டு வருகிறார் அவர். குறிப்பாக பல புதிய தகவல்கள் அவர் தருகிறார். நடிகர் திலகத்தின் நாடக நாட்களைப் பற்றிக் கூறிவரும் அவர், ஜஹாங்கீர் நாடகத்தில் தான் ஒரு காட்சியையே மிஸ் பண்ணி விட்டதாகவும் அதை நடிகர் திலகம் கவனித்து கேட்டதையும் மறக்காமல் இருக்கிறார். தேன் கூடு நாடகத்தில் இரு பாத்திரங்களில் விவசாயியாகவும் மற்றும் கோட்சூட்டுடன் பணக்காரராகவும் நடித்ததையும் நினைவு கூர்ந்தார். மேலும் வேங்கையின் மைந்தன் நாடகத்தில் அவருடைய தோற்றமும் நடையும் பார்வையாளர்களிடையே மிகப் பெரும் வரவேற்பைப் பெற்றதையும் கூறுகிறார். இவையெல்லாவற்றையும் விட களங்கண்ட கவிஞன் நாடகத்தைப் பற்றிக் கூறும் போது, முழுக்க முழுக்க கவிதை வடிவில் அரங்கேற்றி மிகப் பெரிய வெற்றி பெற்றதையும் நினைவு கூர்ந்தார். [இந்த நாடகத்தை வானொலியில் நானும் கேட்டிருக்கிறேன். நடிகர் திலகத்தின் கம்பீரமான குரலில் அற்புதமான நாடகம். இந்நாடகத்தில் தான் அங்கவை, குந்தவை பாத்திரங்கள் முக்கியத்துவம் பெற்றன. இந்தக் இலக்கிய கதாபாத்திரங்களைத் தான் சமீபத்தில் ஒரு படத்தில் நகைச்சுவையாக சித்தரித்திருந்தனர்].

எம்.பானுமதியின் நினைவுகள் இன்றும் தொடரும்.

அவர்களுக்கு நமது பாராட்டுக்கள்.

அன்புடன்

மதுரை கீரைத்துறை 'நியூடீலக்ஸ்' திரையரங்கில், கடந்த புதன்(12.1.2011) மற்றும் வியாழன்(13.1.2011) ஆகிய இரு தினங்கள் மட்டும், வாழ்வியல் திலகத்தின் "விளையாட்டுப் பிள்ளை" திரைக்காவியம் தினசரி 3 காட்சிகளாக வெளியாகி நல்லதொரு வரவேற்பைப் பெற்றிருக்கிறது.

திரையரங்கில் இக்காவியத்தைக் கண்டு களித்து முடித்து விட்டு வெளியே வந்த ஒருவர், "இப்பெல்லாம் நூறு ரூபாய்க்கு டிக்கெட் வாங்கி படம் பாத்தாக் கூட இந்த மாதிரி நல்ல படங்கள பாக்க முடியலையே" என்று தனது ஏக்கத்தை வெளிப்படுத்தியிருக்கிறார்.

இத்தகவல்களை அளித்த மதுரை அன்புள்ளம் திரு.வேலாயுதம் அவர்களுக்கு கனிவான நன்றிகள்!

அன்புடன்,
பம்மலார்.

Quote:

---

Originally Posted by Murali Srinivas

ராஜா படத்தைப் பற்றி இங்கே பலமுறை பேசும் போது, அந்த படம் 1972 ஜனவரி 26 அன்று வெளியானது என்று சொல்லியிருக்கிறோம். மதுரையில் சென்ட்ரலில் வெளியானது என்று சொல்லியிருக்கிறோம். 39 வருடங்களுக்கு பிறகு அதே ஜனவரி 26, அதே சென்ட்ரலில் விழா கொண்டாட நடிகர் திலகம் வருகை புரிகிறார். ஆம், நாளை முதல் மதுரை சென்ட்ரலில் ராஜா வெளியிடப்படுகிறது. அரங்கம் மீண்டும் விழாக்கோலம் காண விழைவோம்.

அன்புடன்

---

இன்று 21.1.2011 வெள்ளி முதல், மதுரை சென்ட்ரல் சினிமாவில் தினசரி 4 காட்சிகளாக, ஸ்டைல் சக்கரவர்த்தியின் "ராஜா".

அன்புடன்,
பம்மலார்.

MS, Pammalar and Raghavendra, thanks for the updates. Murali avargaL ezhudhiyadhai pOnRa puttu puttu vaikkum background info-kAga dhAn andha kELvi kEttEn.

டியர் ராகவேந்தர்,

திருமதி எம்.பானுமதியின் 'திரும்பிப்பார்க்கிறேன்' நிகழ்ச்சியை நானும் கடந்த இரண்டு நாட்களாகப் பார்த்து வருகிறேன். அவருடைய ஒவ்வொரு வார்த்தைகளும், சத்தியத்தை நினைவூட்டும், நன்றி மறவாத வார்த்தைகளாக வந்து விழுகின்றன. முதல்நாள் தன் குடும்பத்தைப் பற்றிச்சொன்னவர், (பிறந்த ஊர் அன்றைய ஒன்றுபட்டிருந்த தஞ்சாவூர் மாவட்டத்தில் குமபகோணத்துக்கும் மயிலாடுதுறைக்கும் இடையிலுள்ள குத்தாலம்), முத்தாய்ப்பாக, தனது நாட்டிய அரங்கேற்றத்துக்கு நடிகர்திலகம் தலைமை தாங்கி சிறப்பித்ததைச் சொல்லி நிறைவு செய்திருந்தார்.

ஒரே அரங்கில், மூன்று நாட்கள் மூவருடைய நடன அரங்கேற்ற நிகழ்ச்சி ஏற்பாடு செய்யப்பட்டு, அதில் இரண்டாவது நாள் தன்னுடைய அரங்கேற்றம் நடைபெற இருந்ததைச் சொன்னவர், முதல்நாள் வேறொருவரின் அரங்கேற்றத்துக்கு மக்கள் திலகம் திரு எம்.ஜி.ஆர். தலைமை தாங்கவும், மூன்றாவது நாளன்று ஆந்திர சகோதரிகள் அரங்கேற்றத்துக்கு தெலுங்கிலிருந்து ஒரு பெரிய நடிகர் தலைமை தாங்கவும் இருப்பதை அறிந்து, தனது நிகழ்ச்சிக்கு அதுவரை யாரை அழைப்பது என்று முடிவாகாமல் இருந்த நிலையில், தனது நடன அரங்கேற்றம் நடிகர்திலகம் அவர்கள் தலைமையில்தான் நடைபெற வேண்டுமென்று ரொம்ப ஆசைப்பட்டதையும் சொன்னார்.

முன்கூட்டியே ஏற்பாடு செய்யாமல் அவ்வளவு பெரிய கலைஞர் எங்கே வரப்போகிறார், அதுவும் அவருக்கு தோதான தேதியில் நிகழ்ச்சியை வைக்காமல், ஏற்கெனவே தேதியெல்லாம் முடிவுசெய்து விட்டு அழைத்தால் வருவாரா, வருகிறேன் என்று சும்மா சொல்வார், ஆனால் வர வாய்ப்பில்லை என்று பலரும் ஆரூடம் சொல்லியிருக்க, சொன்ன தேதியில் சொன்ன நேரத்துக்கு நடிகர்திலகம் 'டாண்' என்று அட்டெண்ட் பண்ணியதோடு, தன்னுடைய நடனத்தை வெகுவாகப்பாராட்டிப் பேசியதையும் நன்றிப்பெருக்கோடு குறிப்பிட்டு, அந்த கலைமேதைக்கும் தனக்கும் ஏற்பட்ட மிக நீண்ட கலைப்பயணத்தின் அச்சாரமாக அமைந்த அந்த நாளை நினைவு கூர்ந்தார்.

நேற்றைய நிகழ்ச்சி முழுதும், சிவாஜி நாடகமன்றத்தில் தனக்கு ஏற்பட்ட அற்புதமான நிகழ்வுகளை அருமையாக நினைவு கூர்ந்ததை நீங்கள் விவரமாகச் சொல்லியிருக்கிறீர்கள்.

பம்பாய்க்கு நாடகம் நடத்த தொடர்வண்டியில் சென்றபோது, நடன அமைப்பாளர் வரவில்லையென்றறிந்த நடிகர்திலகம், அந்நாடகத்தில் இடம்பெற்ற நாட்டியத்துக்கு தன்னையே நடன இயக்குனராகப் பணியாற்றப்பணித்ததையும் உணர்ச்சியுடன் நினைவு கூர்ந்த பானுமதி, தன்னுடைய வாழ்வு அந்த தெய்வம் இட்ட பிச்சை என்று சொல்லி நெகிழ்ந்துபோனார். (அவர் சொல்வது உண்மையே. 60-களின் மத்தியில் துவங்கி 70-களிலும் 80 துவக்கத்திலும், எம்.பானுமதி இல்லாத நடிகர்திலகத்தின் படங்களைக் காண்பது அபூர்வம். அவ்வளவு நிறைய வாய்ப்புக்கள் கொடுத்தார்).

எம்.பானுமதி அவர்களை ஒருமுறை நான் நேரில் சந்தித்துப்பேசியிருக்கிறேன். அப்போதும் மூச்சுக்கு மூச்சு நடிகர்திலகத்தைப் பற்றியே பேசினார். அதேபோல, முன்னொருமுறை தூர்தர்ஷன் பொதிகைத் தொலைக்காட்சியில் 'அலோ உங்களுடன்' நிகழ்ச்சியில் பங்கேற்றபோதும், நடிகர்திலகத்தை நிகழ்ச்சி முழுக்க நினைவு கூர்ந்தார்.

Quote:

---

Originally Posted by pammalar

Quote:

---

Originally Posted by Murali Srinivas

ராஜா படத்தைப் பற்றி இங்கே பலமுறை பேசும் போது, அந்த படம் 1972 ஜனவரி 26 அன்று வெளியானது என்று சொல்லியிருக்கிறோம். மதுரையில் சென்ட்ரலில் வெளியானது என்று சொல்லியிருக்கிறோம். 39 வருடங்களுக்கு பிறகு அதே ஜனவரி 26, அதே சென்ட்ரலில் விழா கொண்டாட நடிகர் திலகம் வருகை புரிகிறார். ஆம், நாளை முதல் மதுரை சென்ட்ரலில் ராஜா வெளியிடப்படுகிறது. அரங்கம் மீண்டும் விழாக்கோலம் காண விழைவோம்.

அன்புடன்

---

இன்று 21.1.2011 வெள்ளி முதல், மதுரை சென்ட்ரல் சினிமாவில் தினசரி 4 காட்சிகளாக, ஸ்டைல் சக்கரவர்த்தியின் "ராஜா".

அன்புடன்,
பம்மலார்.

---

Murali / Pammalar,

What a great News. NT's Raja never fails to enthrall audience, not just his fans.

Wish you a good luck. Any chances of getting Kalai Chakravarthyin Madurai Kottai Central Cinema Sunday evening show photos / pics?

Regards

M.Banumathi talks about Nadigar thilagam..

She says NT peformed Kalam kanda kavingan Drama and only he can perform.

http://www.youtube.com/watch?v=2K2_SwQsRGY

கேள்வி பிறந்தது! நல்ல பதில் கிடைத்தது! - 171

கே: விருதுகளால் அதை வாங்கும் கலைஞர்களுக்குப் பெருமையா அல்லது சிறந்த கலைஞர்களால் விருதுகளுக்குப் பெருமையா? (எல்.எம்.மங்கை, மதுரை-16)

ப: விருதுகளால் கலைஞர்கள் பெருமை அடைகிறார்கள். சில நேரங்களில் சிறந்த கலைஞர்களுக்கு வழங்கப்படுவதால் அந்த விருதுகள் பெருமை பெறுகின்றன! உதாரணம் - நடிகர் திலகம் சிவாஜி அவர்களுக்கு வழங்கப்படுவதால் 'செவாலியே' விருதுக்கே பெருமை சேர்கிறது!

(ஆதாரம் : சினிமா எக்ஸ்பிரஸ், 1.5.1995)

அன்புடன்,
பம்மலார்.