தொலைக்காட்சிகளில் நடிகர் திலகத்தின் ஆளுமை
இன்று ஒரே நாளில் கிட்டத் தட்ட 7 அலைவரிசைகளில் நடிகர் திலகத்தின் படங்கள்
பாலிமர் டி வி - ஆனந்தக் கண்ணீர் - பிற்பகல் 1 மணி
மெகா டி வி - தீபம் - பிற்பகல் 1.30 மணி
ராஜ் டிவி - சாதனை - பகல் 1.30 மணி
ராஜ் டிஜிட்டல் ப்ளஸ் - ஊரும் உறவும் - பிற்பகல் 1 மணி
கே டிவி - என் ஆச ராசாவே - மாலை 4.30 மணி
வசந்த் டிவி - கந்தன் கருணை - காலை 10 மணி
முரசு டி வி - தெனாலி ராமன் - மாலை 7 மணி
nt rocks
டியர் ராகவேந்திரன் சார்,Quote:
Originally Posted by RAGHAVENDRA
தகவலுக்கு நன்றி! "பார்த்தால் பசிதீரும்" பட வெளியீட்டின்போதே விண்ணப்பத்தினை அளித்துள்ளேன். பரிசீலனை செய்து தகவல் தெரிவிப்பதாக தெரிவிக்கப்பட்டது. அதன் பிறகு 2, 3 திரைப்படஙள் திரையிடப்பட்டபோதும் தகவல் இல்லை. கட்டணம் யாரிடம் செலுத்தவேண்டும் என்ற விபரம் தெரிவிக்கவும்.
நன்றி.
அன்பு பம்மலார் சார்,
ஓணம் பண்டிகை ஸ்பெஷலாக தாங்கள் அளித்துள்ள தலைவரின் புகைப்படம் சூப்பர்.
நடிகர் திலகம் பற்றி கலைவாணர் அவர்கள் 'போர்வாள்' ("பராசக்தி" வெற்றிவிழா மலர்) இதழில் குறிப்பிட்டிருந்த கட்டுரையும், அவரே நடிகர் திலகத்தைப் பாராட்டி தயாரித்து எழுதியிருந்த அந்த ஜனரஞ்சகக் கவிதையும் கலக்கலோ கலக்கல். இப்பேர்ப்பட்ட அரிய பொக்கிஷங்களை அள்ளித் தர தங்களைத் தவிர வேறு யாரையும் கற்பனை செய்து கூடப் பார்க்க முடியவில்லை. சுயலாபமற்ற தங்களின் அர்ப்பணிப்பு சேவைக்கு எத்தனை முறை நன்றிகள் சொன்னாலும் ஈடாகாது. இந்த அரிய பதிவு ஒன்று மட்டுமே போதும் காலம் முழுவதும் தங்கள் பெருமையைப் பறைசாற்ற.
ஆனந்தம் கலந்த நன்றிகளுடன்
டியர் ராகவேந்திரன் சார்,
'பந்தம்' மற்றும் 'கலாட்டா கல்யாணம்' பதிவுகளுக்கான தங்களின் மனமுவந்த பாராட்டுதல்களுக்கு உள்ளம் குளிர்ந்த நன்றிகள். இன்று ஏழோடு முடிந்து விடாமல் எட்டாகத் தொடர்கிறது நடிகர் திலகத்தின் ஆதிக்கம். மெகா 24 தொலைக்காட்சியில் இன்று மதியம் இரண்டு மணிக்கு சூப்பர் காமெடிச் சித்திரம் "கல்யாணம் பண்ணியும் பிரம்மச்சாரி". என்றும், எப்போதும், எங்கும், எதிலும், நெம்பர் ஒன் ராஜா நம் எங்கள் தங்க ராஜா.
டியர் சந்திரசேகரன் சார்,
பதிவுகளுக்கான தங்கள் உயரிய பாராட்டிற்கு என் மனமுவந்த நன்றி! சமூக நலப்பேரவை சார்பாக தஞ்சை ஏகாம்பரேஸ்வரர் காமாட்சி அம்மன் கோவிலுக்கு பஞ்சலோக சுவாமி -அம்பாள் சிலை செய்யப்பட்டு வழங்கப்பட்டது பேரவை அமைப்பு நலப் பணிகளில் மட்டுமல்லாது இறைப்பணியிலும் சளைத்ததல்ல என்பதைக் காட்டுகிறது. பாராட்டுக்கள்.
அன்பு மாடரேட்டர்களுக்கு,
இந்திய நேரப்படி மதியம் மூன்று மணியிலிருந்து கிட்டத்தட்ட ஐந்து மணிவரை திரியில் போஸ்டிங் போடுவது மிக்க சிரமமாய் உள்ளது. நொடிக்கொரு தடவை Log in செய்யச் சொல்லி கேட்கிறது. எத்தனை முறை Log in செய்தாலும் திரும்பத் திரும்ப Log in செய்யச் சொல்கிறது. நீண்ட நாட்களாக இந்தப் பிரச்னை உள்ளது. ஆவன செய்யுமாறு பணிவோடு கேட்டுக் கொள்கிறேன்.
அன்புடன்,
வாசுதேவன்.
அன்புள்ள வாசுதேவன் சார்,
'பந்தம்' திரைக்காவியத்தின் அருமையான காட்சியொன்றினைப் பதிவிட்டு சிறப்புச்சேர்த்துவிட்டீர்கள். ஒரு பார்வை ஓராயிரம் கதைபேசும் என்பதற்கு இக்காட்சி எடுத்துக்காட்டு. அந்தப்படத்தில் தலைவருக்கு வசனங்கள் மிகக்குறைவு. எல்லாமே காட்சிவழி மொழிகள்தான். அதுபோலத்தான், அதே டிரைவரை 'சர்ச்'சில் சந்திக்கும்போது, 'டேவிட்,என்ன வேலை செய்றே?' என்று கேட்க, அவர் மௌனமாகத் தலையசைக்க, சட்டென்று கார் சாவியை எடுத்துக்கொடுத்து 'வண்டியை எடு' என்று சொல்லும் இடமும்.
ராகவேந்தர் சார் சொன்னதுபோல, அவர் தனது கடைசிப்படம் வரை நடிப்பு ராஜாங்கம் நடத்திவிட்டுத்தான் மறைந்தார். குறிப்பிட்ட காலத்தோடு முடிந்துபோனார் என்பதெல்லாம் சிலரின் பேத்தல். உண்மையென்னவென்பது மக்களுக்குத்தெரியும்.
கலைவாணருக்கு தலைவர் அளித்த அஞ்சலி பற்றிய காணொளியும், கலாட்டா கல்யாணம் உருவான கதைபற்றி சித்ராலயா கோபுவின் பேட்டியைத்தாங்கிய கட்டுரையும் மிக அருமையான பதிப்புக்கள்.
தொடர்க தங்களின் சீரிய சேவை.
NTFANS - சார்பில் இன்று திரையிடப்படும் 'கப்பலோட்டிய தமிழன்' திரையீட்டு விழா செவ்வனே சிறக்க என் மனமார்ந்த வாழ்த்துக்கள்.
http://i1087.photobucket.com/albums/...0423607725.jpg
அன்புள்ள ராகவேந்தர் சார் மற்றும் வாசுதேவன் சார்,
இன்று ஒரே நாளில் மட்டும் எட்டு தொலைக்காட்சி அலைவரிசைகளில் நடிகர்திலகத்தின் எட்டு படங்கள். வாவ்.... என்ன ஒரு சாதனை.
அவர் பிஸியாக இருந்த காலத்தில் ஒரு ஏரியாவில் ஏழு தியேட்டர்கள் இருந்தால் அவற்றில் அவரது ஐந்து புதிய படங்கள் ஓடிக்கொண்டிருந்த நிகழ்வு சர்வ சாதாரணமாக நிகழ்ந்து வந்தது. உதாரணமாக 1971 ஜனவரியிலிருந்து ஏப்ரல் வரையான காலகட்டத்தில் மவுண்ட்ரோடு ஏரியாவில் மற்ற படங்களுக்கு தியேட்டர் கிடைக்காத நிலையிருந்தது அனைவரும் அறிந்தது. அதுபோல மதுரையில் பலமுறை ஒரே சமயத்தில் அவரது பல புதிய படங்கள் ஓட்டத்தில் இருந்ததைப்பற்றி முரளியார் அவர்கள் பல்வேறு சமயங்களில் சொல்லியிருக்கிறார் .
இப்போது, தொலைக்காட்சியிலும் அவரது ஆதிக்கம் தொடர்கிறது. ஒரே நாளில் எட்டு படங்கள் இதுவரை வேறு யாருக்கும் நிகழ்ந்ததுமில்லை இனி நிகழப்போவதுமில்லை.
இசைஞானி பாடியது இவரை நினைத்துத்தானோ..... "நேற்று இல்லை இன்று இல்லை, எப்பவும் நான் ராஜா".