Quote:
ஆண் பாவம்
திங்கள் முதல் வெள்ளி வரை தினமும் இரவு 10 மணிக்கு சன் டிவியில் ஒளிபரப்பாகி வரும் புதிய தொடர், "ஆண் பாவம்.''
திருப்பரங்குன்றம் கோபால்சாமியின் மூத்த மகன் 33 வயது மாதவனை பிடித்திருப்பதாக சாத்தூர் அழகர்சாமியின் கல்லூரியில் படிக்கும் கவிதா சொல்கிறாள். கவிதாவை பிடித்திருப்பதாக மாதவனும் சொல்கிறான். பெண் பார்க்கும் படலம் நல்லபடியாக முடிந்ததை கண்ட இரண்டு குடும்பமும் சந்தோஷத்தில் இருக்க, இந்நிலையில் கவிதாவை 5 வருடமாக ஒருதலையாக காதலிக்கும் முருகன் எடுக்கும் முடிவு என்ன?
கோபால்சாமியின் மற்ற 3 மகன்கள் சுந்தர்ராஜன், பத்மநாபன், சீனிவாசன் ஆகி யோரின் நிஜ முகத்தை நேயர் கள் பார்க்கப்போவது மிகப் பெரும் அதிர்ச்சியாக இருக்கும்.
கோபால்சாமியின் தங்கை சாந்தி லாரன்சின் மூத்த மகள் கிரேசுக்கு பார்த்த வரன் தட்டிப்போக, அதற்கு காரணம் மாதவன் என்ற உண்மையை மறைத்த கிரேஸ் எடுக்கும் முடிவு என்ன? இந்த உண்மை தெரியாமல், கிரேஸ் அம்மா சாந்தி லாரன்சின் மற்ற மகள்கள் மேரி லாரன்சும், ஜெனியும் தவிக்கும் தவிப்பும் தொடரின் ஏனைய காட்சிகள்.
அப்பாவாக ராஜேசும், அம்மாவாக மீரா கிருஷ்ணனும் நடிக்கிறார்கள். பரத் கல்யாண், ராஜ்கமல், வெங்கட், சதீஷ் ஆகியோர் பிள்ளைகளாக நடித்திருக்கின்றனர். இவர்களின் ஜோடியாக ஜெயஸ்ரீ, மேகி, கவுரி, ஐஸ்வர்யா நடிக்கிறார்கள்.
இவர்களுடன் முக்கிய கதாபாத்திரங்களில் அழகன்தமிழ்மணி, பாம்பே பாபு, பவானி, சுஜிபாலா, ஜக்குபாண்டி, மகிமா, பரணி, சாய் கோபி ஆகியோரும் உண்டு.
கதை-வசனம்: பொன்காந்திராஜன்; ஒளிப்பதிவு: எம்.ஆர்.சரவணகுமார்; திரைக்கதை, இயக்கம்: டி.சி.பாலா; கிரியேட்டிவ் ஹெட்: டி.ஜி.தியாகராஜன்; தயாரிப்பு: சத்யஜோதி பிலிம்ஸ்.