Quote:
ஜெயா டி.வி.யில் திங்கள் முதல் வெள்ளி வரை தினமும் இரவு 8.30 மணிக்கு ஒளிபரப்பாகவிருக்கும் புதிய தொடர், `கவரி மான்கள்'
கிரானைட் எக்ஸ்போர்ட் செய்யும் பெரிய ஒரு கம்பெனியின் முதலாளி வெங்டேஷ் அவரது மனைவி சாரதா. சமுதாயத்தில் மரியாதைக்குரிய பெரிய குடும்பம்.
மூத்தவன் பாலாஜி. அப்பாவுடன் பிஸினஸில் துணையாக இருப்பவன். அப்பா கிழித்த கோட்டைத் தாண்ட மாட்டான். பெற்றவர்களிடம் பக்தியும், மரியாதையும் கொண்டவன். அவன் மனைவி சத்யா, படித்தவள். பண்பானவள். நடுத்தர குடும்பத்திலிருந்து வந்தவள். தன் நல்ல குணத்தால் குடும்பத்தில் எல்லாரது அன்பையும் பெற்றவள். குடும்பத்துக்காக 24 மணி நேரமும் உழைப்பவள்.
சத்யா மேல் அந்தக் குடும்பத்தில் எல்லாருக்கும் உயிர். மூத்த மருமகளான அவள் சொன்னதுதான் அங்கு வேதம்.
சத்யாவின் 2 கொழுந்தன்களுக்கும் நடக்கும் திருமணம் குடும்ப ஒற்றுமையை விரும்பும் சத்யாவின் கனவை தகர்ப்பதாக அமைகிறது. அது எப்படி என்பது சுவாரசியமான பிற்பகுதிக் கதை.
நடிகர்கள் - சித்தாரா, உமா, நிர்மலா, பிர்லா, ராஜா, சுஹாசினி, வினோத்ராஜ், நடராஜன், விஜயலஷ்மி, தியாகராஜன், ரொசாரியோ, ஹேமா, நாஞ்சில் நளினி, தனுஷ் நம்பியார்.
திரைக்கதை: தேவிபாலா. தயாரிப்பு, இயக்கம்: பிரபு நேபால்.