http://upload.wikimedia.org/wikipedi...henbagapoo.jpg
http://image1.frequency.com/uri/w354..._thumbnail.jpg
பாட்டுக்கள் நன்றாக இருந்தும் மொக்கை போட்ட படம்.
Printable View
http://upload.wikimedia.org/wikipedi...henbagapoo.jpg
http://image1.frequency.com/uri/w354..._thumbnail.jpg
பாட்டுக்கள் நன்றாக இருந்தும் மொக்கை போட்ட படம்.
நண்பர்களே! இவர் யாரென்று ஊகிக்க முடிகிறதா?
http://www.lankanewspapers.com/news/...2653991438.jpg
கே எஸ் ராஜாவை கார்த்திக் சார் நினவு செய்ததற்கு நன்றி
கே.எஸ் ராஜாவின் குரலை கேட்க வைத்ததற்கு வாசு சார் க்கு நன்றி
சவால் படத்தில் கமல் கூட இதை ட்ரை செய்து இருப்பார்
p p ராஜா என்பர் (pp for பிக் பாக்கெட் )
டியர் வாசு சார்,
தேவதை படம் சிவகுமார், லாவண்யா ஜோடியாக நடித்த படம். ஜெயந்திதான் அக்கா. நெசவுத்தொழில் செய்து குடும்பத்தைக் காப்பாற்றுவார். (தறி நெய்யும்போதுதான் 'கலீர் கலீர்' பாட்டு).
ஜெயந்தி மீது தவறான பழிசுமத்தி, அந்த ஊர் வழக்கப்படி வீட்டு வாசலில் சிவப்பு விளக்கைக் கட்டி விடுவார்கள். வெளியிருந்து திரும்பும் சிவகுமார் தன் வீட்டு வாசலில் கட்டப்பட்ட சிவப்பு விளக்கை உடைத்தெறிந்து தன் அக்காவுக்காக ஊர் மக்களிடம் ஆக்ரோஷமாக வாதாடுவார்.
ஜெயந்தியை ஒருவன் கற்பழிக்கும் (?????) காட்சி கூட உண்டு. ஒரு மாதிரி சவசவ கதை. சென்னை அலங்கார் தியேட்டரில் காலைக்காட்சி பார்த்து தலைவலி வந்தது.
மாந்தளிரே மயக்கமென்ன எனக்கு மிகவும் கவர்ந்த பாடல்..ரொம்ப்ப அழகா இருக்கும் அதுவு்ம் இரவில் கேட்டால்...படம் வந்து பலவருடங்களுக்கப்புறம் வீடியோ பார்த்ததில் வாழ்க்கையே வெறுத்து விட்டேன்.. விஷீவல் ரொம்ப்ப்ப சுமா...
கரையெல்லாம் செண்பகப்பூ விகடனில் தொடராக வந்த போது..எங்கள் வீட்டிலிருந்து இரட்டைத் தெருவிலிருந்த என் சகோதரி வீட்டிற்குச் சென்று அங்கு அவரது மாமியார் எடுத்து வைத்திருக்கும் விகடனைப் படித்து வருவேன்..அந்தத் தொடர் தான் படிக்க முதலில் கைகள் செல்லும்..
படம் எடுக்கிறார்கள என்றதும் ஆசை ஆசையாய் இருந்தது..ரிலீசானதும் (மதுரை கல்பனா தியேட்டர்) போய்ப் பார்த்தால் ஏமாற்றமே.. ஏன்.. படத்தின் கதைக்குப் பொருத்தமாய் ஸ்ரீப்ரியா பிரதாப் சுமலதா மனோரமா கிராமம் என எல்லாம் இருந்தது..பட் கதையோட்டத்தில் ஊடாடிய கல்யாண ராமன்(ப்ரதாப்) வெள்ளி(ஸ்ரீப்ரியா) காதலை அப்படியே திரைப்படத்தில் எடுத்து விட்டார்கள். அது தான் ஜீவனே..அதை எடுத்ததால் தான் படம் மொக்கை என ஆகி விட்டது..
இதுவும் அலங்காரில் பார்த்த படம்தான்...., 'இனிக்கும் இளமை' . இயக்குனர் (மறைந்த) எம்.ஏ.காஜாவின் முதல் படம்.
சுதாகர், ராதிகா ஜோடி. ஸ்ரீகாந்துக்கு அருமையான பாத்திரம். பெண்களை விரட்டி, விரட்டி கற்பழித்ததற்கு மாறாக தன்னை விடாமல் துரத்தும் மீராவை விட்டு விலகி விலகி ஓடும் ரோல்.
சுதாகர் ராதிகா வழக்கம்போல மொக்கை.
சங்கர் கணேஷ் இசையில் "இனிக்கும் இளமை என்னிடம் இருக்கு" என்ற பாடல் நினைவில் உள்ளது. படம் சராசரிக்கும் கீழே.
கவிதா கவிதா என்றொரு நடிகை ப்ளஸ் முத்துராமன் நடித்த காற்றினிலே வரும் கீதம்..பாடல்லாம் ரொம்ப ரொம்ப அழகு..
கண்டேன் எங்கும் பூமகள் நாட்டியம்
காண்பதெல்லாமே அதிசயம் ஆனந்தம்
காற்றினிலே வரும் கீதம்
ஒரு வான வில் போலே என் வாழ்விலே வந்தாய்
சித்திரச் செவ்வானம் சிரிக்கக் கண்டேன்
க.எ. ந ஆரம்பித்து அந்த நடிகையைப் பற்றி எதுவும் சொல்லவில்லையே என சிலர் வருத்தப்படுவார்கள் எனில்..அவரும் ஒரு டைப் அழகு தான்..இளமைக் காலத்தில் துள்ளிக் குதித்து துறு துறு கண்களுடன் அங்கும் இங்கும் அலைபாய்ந்து ஓடிடும் சின்னஞ்சிறு கன்றுக் குட்டியைப் போல - அவருடைய அழகும் இளமையில் இருந்தது :)
//இதுவும் அலங்காரில் பார்த்த படம்தான்...., 'இனிக்கும் இளமை' . இயக்குனர் (மறைந்த) எம்.ஏ.காஜாவின் முதல் படம்//
ரொம்பப் பொறுமை தான் உங்களுக்கு கார்த்திக் சார்.. சுதாகரின் படமென்றாலே காததூரம் ஓடிவிடுவேன்/வோம்..அவரது காலகட்டத்தில் இன்னொரு நபர் விஜயன்..
இவர் நடித்திருக்கிறார் என்றே இந்த ஆயிரம் மலர்களே மலருங்கள் பாடல் இடம்பெற்ற படம்- மறந்து போச் - ரொம்பப் பிடித்திருந்தும் பார்க்காமலேயே விட்டுவிட்டேன்..( ஓ ஞாபக்ம் வந்துடுச்சு நிறம் மாறாத பூக்கள்)..அவரை ஹீரோவாகப் போட்டுப் படம் எடுத்ததால் தான் முத்துராமனுக்கு ஏக நஷ்டம் என க் கேள்வி (பணம் பெண் பாசம்)
தப்புத் தாளங்கள் சுந்தர் பற்றி பேச்சு வந்திருந்தது..அவர் காளியிலும் வில்லன்களில் ஒருவராக வருவார்..(ஃபடாபட் பாடும் பாட்டு அழகழகாப் பூத்திருக்கு ஆசை வைக்கத்தெரியலையே நல்ல பாட்டு) பின் கன்னடத்தில் நடிக்கப் போய்விட்டார்.. அவரது மனைவியும் த்மிழ் நடிகைதான்..வைதேகி காத்திருந்தாளில் விஜயகாந்தைக் காதலித்ததால் அல்பாயுசில் இறந்து போகும் ரோலில் நடித்தவர்.. அவரும் கன்னடத்தில் நடிகையாகி செட்டில் ஆகிவிட இருவருக்கும் பிறந்த மேக்னா நாயுடுவோ மேகாவோ - ஒரு பெண் - சில தமிழ்ப் படங்களில் நடித்திருக்கிறார்..
பாபு மகாராஜா இயக்கத்தில், சந்திரபோஸ் இசையில் 1981-ல் வந்த படம் 'தரையில் வாழும் மீன்கள்'
விஜயபாபு-அம்பிகா ஜோடிக்கு இரண்டு டூய்ட்கள்.
'மணிமாளிகை கண்ட மகராணியே' ஜெயச்சந்திரன் சோலோ.
'அன்பே சிந்தாமணி... இன்பத்தேமாங்கனி' மலேசிய வாசுதேவன்-ஜானகி.
ஜானகிக்கு ஒரு தனிப்பாடல் 'அழகான சின்னக்குட்டி ஆட்டம் ஆடுது' . இந்தப்பாடல் படத்தில் உயர்ந்த நடிகை வனிதாவுக்கு.
படம் சுமார், ஓட்டம் சுமாருக்கும் கீழே.
//முற்றிப் போன ஜெயந்தி நன்கு நினைவில் இருக்கிறது. ஜெயந்தியிடம் சிவக்குமார் வாதாடும் காட்சிகளும் நினைவுக்கு வருகின்றன. நன்றி சார்// நான் வயதானதையெல்லாம் நினைவில் வைத்திருக்க மாட்டேன்..ஜெயந்தி என நினைத்தால் நீர்க்குமிழி தான் நினைவுக்கு வரும்.. கன்னி நதியோரம் மின்னி விளையாடும்..பெண்ணழகு மேஏஏனி...என்ன கதை கூறும் (ஒரு பெரிய நாவலே கூறும் :) ) வண்ண விழிமேடை வந்த இளம்பேடை சின்ன இடையோ டு டுடு சேர்ந்து கவிபாடும்..டிஎம் எஸ் அனுபவித்துப் பாடியிருப்பார்..
http://i1.ytimg.com/vi/v0eZrvTp8Ow/maxresdefault.jpg
சின்னக் கண்ணன் சார்,
குடமில்லாமல் நிற்பவர்தானே நீங்கள் சுந்தரின் மனைவியாகக் குறிப்பிட்டது?
கொஞ்சம் தெளிவாகத் தெரியவில்லை..இது வைதேகி காத்திருந்தாள் ஸ்டில் எனில் ஆம்..:)
சின்னக் கண்ணன் சார்,Quote:
ஒரு பெரிய நாவலே கூறும்
தங்களுக்கு குரும்பூர் குப்புசாமி என்று நீங்கள் அனுமதித்தால் பெயர் வைக்கலாம் போல் இருக்கிறதே!
சரி! 'இன்றைய ஸ்பெஷலை' இன்னும் பதிவு செய்யவில்லை. ரெடி பண்ண நேரம் எடுத்து விட்டது. போட்டு விட்டு ஆபீசுக்கு கிளம்புகிறேன்.
இன்றைய ஸ்பெஷல்(6)
இன்றைய ஸ்பெஷலாக வருவது ஒரு மிக மிக மிக அபூர்வ பாடல்.
http://4.bp.blogspot.com/-U7SacxKlPP...am%2B1981.jpeg
1981-இல் வெளிவந்த 'மகரந்தம்' திரைப்படத்தின் மறக்கமுடியாத நம் ஊடகங்களால் மறக்கடிக்கப்பட்ட பாடல். (சிலோனைத் தவிர)
https://i.ytimg.com/vi/vqKNR8kF6qo/mqdefault.jpg
'இயக்குனர் திலகம்' பார்மிலிருந்து முற்றிலுமாக நழுவிய நேரத்தில் இயக்கிய படம் இது.
ராதிகா, அருணா ,மோகன்ராம் ஆகியோர் நடித்திருந்த இப்படத்திற்கு இசை இரட்டையர்கள் சங்கர் கணேஷ்.
சங்கர் கணேஷ் இரட்டையர்களை லேசில் எடை போட்டு விட முடியாது. சமயத்தில் மெல்லிசை மன்னரையே அவர்கள் சமயத்தில் விஞ்ச முயன்று அதில் வெற்றியும் சில சமயம் அவர்கள் கொள்வதுண்டு.
இளையராஜா மண் மணமுள்ள கிராமத்துப் பாடல்களில் அப்போது தூள் கிளப்பிக் கொண்டிருந்தபோது 'கன்னிப்பருவத்திலே' படத்தில் சங்கர் கணேஷ் விஸ்வரூபம் எடுத்தார்கள் மெல்லிசை மன்னர் 'நினைத்தாலே இனிக்கும்' திரைப்படத்தில் எடுத்தது போல.
இரட்டையர்களின் இசையமைப்பில் அவள், வெள்ளிகிழமை விரதம், இதயவீணை, நட்சத்திரம், ஒரு பாடலாக இருந்தாலும் இளையராஜாவிற்கு கொஞ்சமும் குறையாத பாடலை ('நானொரு பொன்னோவியம் கண்டேன்') இவர்கள் கொடுத்த 'கண்ணில் தெரியும் கதைகள்' ('நான் ஒன்ன நெனச்சேன்'...வாலிபக் கவிஞரின் வைர வரிகளுக்கு ) என்று எத்தனையோ படங்களைச் சொல்லலாம். (இதில் இன்னொரு வேதனை. இணையத்தில் இப்பாடலை இளையராஜா இசை அமைத்ததாக சிலர் தவறான தகவல்களைத் தந்து கொண்டிருக்கிறார்கள்)
அதில் குறிப்பிடத்தகுந்தவற்றில் ஒன்று 'மகரந்தம்'.
http://comborice.com/wp-content/uplo...12/03/play.jpg
நம் பாலாவை வெகு அற்புதமாக இப்படத்தில் இவர்கள் பாட வைத்திருப்பார்கள். இரட்டையர்களுக்கு இன்னொரு விசேஷம் என்னவென்றால் சுசீலாவையும், பாலாவையும் இணைந்து இவர்கள் பாட வைத்தார்கள் என்றால் உற்சாகத் துள்ளல் அற்புதமாக களைகட்டும்.
அப்படி ஒரு பாடல்தான் இது.
நீயின்றி நானோ
நானின்றி நீயோ
நிலவின்றி வானோ
இதை நினைவில் கொள்ளாயோ
ஏனிந்தக் கோபம்
இதிலென்ன லாபம்
ஏனிந்தக் கோபம்
இதிலென்ன லாபம்
என் காதல் கீதம் எந்நாளும் நீயன்றோ
வானவில் ஏழு வண்ணக் காட்சியன்றோ
காதலோ கோடி மலராமன்றோ
காட்சியின் சாட்சி மனம்தான் அன்றோ
வானவில் ஏழு வண்ணக் காட்சியன்றோ
வாடாத மேனி (பாலாவின் கொள்ளை சிரிப்பு)
சூடான ராணி
பாடாத தேனீ
பெண் பாவை நீயன்றோ
பாடாத ராகம்
போடாத தாளம்
பாடாத ராகம்
போடாத தாளம்
ஆடாத தீபம்
என் தெய்வம் நீயன்றோ
வானவில் ஏழு வண்ணக் காட்சியன்றோ
காதலோ கோடி மலராமன்றோ
காட்சியின் சாட்சி மனம்தான் அன்றோ
வானவில் ஏழு வண்ணக் காட்சியன்றோ
விரும்பாத எண்ணம்
திரும்பாத வண்ணம்
விரும்பாத எண்ணம்
திரும்பாத வண்ணம்
அரும்பான முல்லை
குறுநகையும் சிந்தாதோ
அரும்பாக மின்னும்
குறும்பான எண்ணம்
அரும்பாக மின்னும்
குறும்பான எண்ணம்
கரும்பாகும் வண்ணம்
கண் பார்வை சொல்லாதோ
வானவில் ஏழு வண்ணக் காட்சியன்றோ
காதலோ கோடி மலராமன்றோ
காட்சியின் சாட்சி மனம்தான் அன்றோ
வானவில் ஏழு வண்ணக் காட்சியன்றோ
வானவில் ஏழு வண்ணக் காட்சியன்றோ
இந்தப் பாடலை பாலாவும் சுசீலாம்மாவும் உச்சரிக்கும் அழகு இருக்கிறதே! நம் சொத்துக்கள் அத்தனையையும் எழுதிக் கொடுத்து விடலாம். என்ன ஒரு தெளிவு! என்ன ஒரு உச்சரிப்பு!
'பாடாத ராகம்.... போடாத தாளம்'... வரிகளை என்று இரண்டாம் முறை உச்சரிக்கையில் பாலா 'போடாத தா..ஆஆஆ ...ளம்' என்று உச்சரிப்பதை எத்தனை முறை கேட்டேனோ தெரியாது. கண்ணியப் பாடகியும் அப்படியே.
அதே போல இரட்டையர்கள் அற்புதமான பின்னிசை அளித்திருப்பார்கள். பாடலின் வரிகள் தெள்ளத் தெளிவாக காதில் தேனருவியாய் வந்து கொட்டும்.
ஒரு சில பாடல்கள் இப்படி மிக மிக அபூர்வமாய் பாடகர்களுக்கும் இசையமைப்பாளர்களுக்கும் அமைந்து விடும்.
நம் வாழ்நாள் முழுதும் இத்தகைய பாடல்களுக்கு நம்மை அடிமை ஆக்கிவிடும்
எத்தனையோ அற்புத பாடல்கள் நினைவுக்கு வந்தும், வராமலும் இருக்கின்றன.
ஆனால் இந்தப் பாடல் தமிழ்ப்பட பாடல்களின் என்னுடைய டாப் 10 பட்டியலில் எப்போதோ இடம் பிடித்து விட்டது.
ஆனால் யாருடனும் பகிர்ந்து கொள்ள முடியவில்லை. (இப்படத்தில் பாலாவின் இன்னொரு அருமையான பாடல் உள்ளது. அதற்கு அப்புறம் வருகிறேன்)
அன்பு ராகவேந்திரன் சாருடன் நேற்று செல்லில் பேசிய போது நாளை இந்தப் பாடலை 'இன்றைய ஸ்பெஷலா' கப் போடலாமா சார்?' என்றதற்கு (இத்தனைக்கும் படத்தின் பெயரை மாத்திரமே அவரிடம் சொன்னேன். பாடலை சஸ்பென்சாக வைத்தேன்) ஆனால் அவரோ எமகாதகர். (செல்லமாக) அரை நொடியில் பாடலின் வரிகளை கொஞ்சமும் யோசிக்காமல் சொல்லி என்னை மிரள வைத்தார்.
அப்போதுதான் புரிந்தது இப்பாடலை நம்மைப் போலவே ரசிக்க நிறையப் பேர் இருக்கிறார்கள் என்று.
இப்பாடல் வெளிச்சத்திற்கு வந்து அனைவர் உதடுகளும் இப்பாடலை உச்சரிக்க வேண்டும் என்று தணியாத தாகம் எனக்கு.
இந்தப் பாடலைக் கேட்டுவிட்டு நிச்சயம் இந்தப் பாடலின் சிறப்பை நண்பர்கள் அனைவரும் பதிய வேண்டும் என்று கேட்டுக் கொள்கிறேன்.
மிகுந்த மன சந்தோஷத்தோடு நான் உணர்வுபூர்வமாய் அளிக்கும், எக்காலத்திலும் அழியாப் புகழ் பெறப் போகும், என் உள்ளமெல்லாம் கொள்ளை கொண்ட 'நீயின்றி நானோ பாடல் இதோ'!
http://www.youtube.com/watch?feature...&v=9eUCXCevRNo
Nice vasu sir..இன்றைய ஸ்பெஷல்..ஆனால் நான்கேட்டதில்லை..வீடுசென்றுகேட்டுச் சொல்லுகிறேன்..:)
அந்த புகைப்படக் காரி யார்.. சுகுமாரியின் சாயல் தெரிகிறது..
வாசு சார்
இந்த பாட்டும் சிலோன் ரேடியோவில் பிரபலமான பாடல் நீங்க சொன்ன மாதிரி
ஏன் இந்த கோபம் யாருக்கு லாபம்
சுசீலாவின் உச்சரிப்பை கவனியுங்கள்
கதாநாயகி அருணா தெரிகிறது
நாயகன் மோகன்ராம் இவர் என்ன ஆனார் பிறகு
rare gem of பாலா
நீங்க சொன்ன மற்றும் ஒரு பாலா பாடல்
"கடலில் அலைகள் பொங்கும் ஆனால் கரையை தாண்டுமோ " சரியா
மகரந்தம் பாலாவின் பாடல் கேட்கும் போது ஒரு நினவு
அர்த்தமுள்ள ஆசைகள் என்று ஒரு படம்
இதன் இசை சங்கர் கணேஷ் ஆ அல்லது கங்கை அமரன் ஆ என்று
ஒரு debate எப்போதும் உண்டு
"கடலோடு நதிக்கு என்ன கோபம்
காதல் கவி பாட விழிக்கென்ன நாணம்
இளம் காற்று தீண்டாத சோலை
மண்ணில் எங்கேயும் பார்த்தாயோ என் தோட்ட பூவே "
முதல் சரணம்
நீல வான மேகம் போல் காதல் வேனில் தவழுகிறேன்
நீரிலாடும் பூவை போல ஆசை நெஞ்சம் மயங்குகிறேன்
ஓடை மீனே ஜாடை பேசு
வனிதாமணி வனமோகினி புதுமாங்கனி சுவையே தனி
புதுவெள்ளம் போலே வாராய்
இந்த சரணத்தில் பாலாவின் குரலை கேட்டு பாருங்கள்
அந்த எழுத்து "நீ" அவர் வாயில் சிக்கி கொண்டு சிரித்து கொண்டு இருப்பதை
அதிலும் இறுதியில் வாராய் என்று முடிக்கும்போது
அதே போல் ஆரம்பத்தில் சோலை என்று ஒரு இழு இழு இழுப்பார்
அடுத்த சரணம் கேளுங்கள்
"மோக வீணை என்று உன்னை நானும் மீட்டி பாடிடவா
பாரிஜாத மாலை போல மார்பில் உன்னை சூடிடவா
தோகை நீயே மேடை நானே
மதன் வீசிடும் கணை பாயுது
மலர் மேனியும் கொதிப்பாகுது
குளிர் ஓடை நீயே வா வா "
கடலோடு நதிக்கு என்ன கோபம்
காதல் கவி பாட விழிக்கென்ன நாணம்
இளம் காற்று தீண்டாத சோலை
மண்ணில் எங்கேயும் பார்த்தாயோ என் தோட்ட பூவே
//வனிதாமணி வனமோகினி// எனக்கு விக்ரம் தான் நினைவில்.. வனிதாமணி வனமோகினி பண்பாடு..உன்கண்களோ திக்கிதிக்கிப் பேசுதடி என் நெஞ்சிலே தக்க திமி தாளமடி ..பாலாதானில்லை..
கடலோடு நதிக்கென்ன கோபமும் நல்ல பாட்டு..
டியர் வாசுதேவன் சார்,
மகரந்தம் படத்தில் இடம்பெற்ற 'நீயின்றி நானோ' பாடலை இப்போதுதான் பார்க்கிறேன். இதற்கு முன் கேட்டதில்லை / பார்த்ததில்லை அதற்கு நான் பொறுப்பல்ல. நமது டி.வி.சேனல்கள்தான் பொறுப்பு.
பிறகென்ன?. பொழுதன்னைக்கும் பழைய பாடல்களை ஒளிபரப்புகிறோம் என்று சொல்லிக்கொண்டு ஒரு இருபது, இருபத்தைந்து பாடல்களையே ஒளிபரப்பிக் கொண்டிருந்தால் இது போன்ற காணக்கிடைக்காத அபூர்வங்களை காண்பது / கேட்பது எப்படி?.
இன்றைய ஸ்பெஷல் என்ற தலைப்புக்கேற்ற அருமையான பாடல். காணச்செய்ததற்கு மிக்க நன்றி வாசு சார்....., ஜமாய்ங்க.
கார்த்திக் சார்
தரையில் வாழும் மீன்கள் பாடல் அனைத்துமே ஹிட்
சந்திர போஸ் ஆரம்ப கால பாடல்கள்
இசைஅமைப்பாளர் தேவா ஒரு பேட்டியில் "நானும் சந்திர போஸ்ம் இணைத்து தான் வேலை செய்து கொண்டு இருந்தோம். சந்திர போசெக்கு சான்ஸ் கிடைச்ச உடன் என்னை கழட்டி விட்டு விட்டார் " என்று கூறி இருந்தார்
1980-82 கால கட்டங்களில் முண்டக்கண்ணி அம்மன் கோயில் திருவிழா நாட்களில் தேவா சந்திரபோஸ் மேடை கச்சேரி கேட்ட நினைவு உண்டு
இந்த சந்திர போஸ் தானே விச்சுவின் இசையில் "ஏண்டி முத்தம்மா "
என்று ஆறு புஷ்பங்கள் படத்தில் பாடினார்
கார்த்திக் சார்
நீங்கள் சொன்னது போல் முரசு மற்றும் சன் லைப் இரண்டுமே
4 அல்லது 5 cd களை வைத்து கொண்டு பஜனை செய்து கொண்டு இருக்கிறார்கள் . உண்மையில் பாடல்களில் இண்டரெஸ்ட் உள்ளர்வர்கள் யாரவது விடியோ ஜாக்கி ஆகவோ அல்லது நிகழ்ச்சி தொகுப்பளராகவோ
வந்தால் தான் ரசிக்கும் போல் இருக்கும்
எங்கம்மா மகாராணி என்று ஒரு மொக்கை படம்
டைரக்டர் m a காஜா என்று நினவு
விஜய் பாபு,ரூபா நடித்து இருப்பார்கள்
ஷங்கர் கணேஷ் மியூசிக்
"மாலையில் பூத்த மல்லிகை பூக்களே "
பாலா வாணியின் சந்தோஷ குரலை இந்த பாடலில் காணலாம்
violin இசை interlude ஆக வரும்
க்ருஷ்ணா சார்..ஏண்டி முத்தம்மா பாட்டு.. பைரவி தேவிதியேட்டர் பொங்கல் என நினைவு.. அந்தப் பாட்டில் அப்போதுகேட்ட வரி இன்னும் நினைவில்.. சுடச் சுடக் காளைப் பசு மேயலாமா.. ஹையாங்க்..இன்னும் எனக்கு அர்த்தம் புரியலை :)
அம்மம்மா ... என்ன வேகம் .... யாருக்கு பதில் சொல்றதுன்னு தெரியலியே..
எல்லோருக்கும் பொதுவாக பாராட்டுக்கள்...
நீங்கள் எல்லோருமே இந்தப் பாட்டைக் கேட்டு விட்டு இந்த பல்லவியைப் பாடுவீர்கள் என்று நிச்சயம் எனக்குத் தெரியும்..
என்னதான் சொல்லுங்கள்.. மெல்லிசை மன்னரின் இசையே தனிதான்...
என்ன நான் சொல்லுறது..
இதைத் தான் ரொம்ப ரசிச்சேன்... எங்க ஊர் கண்ணகி...
http://www.inbaminge.com/t/e/Enga%20Oor%20Kannagi/
1970களின் இறுதியில்தொடங்கப் பட்டு 80ல் வெளிவந்த பம்பாய் மெயில் 109 படத்தின் இந்தப் பாடல் காலம் காலமாக என்னைக் கட்டி வைத்த பாடல். சுசீலாவின் குரலில் மெய் மறக்கச் செய்யும் பாடல். முன்னொரு முறை ரவிச்சந்திரனுக்கான திரியில் பகிரந்து கொள்ளப் பட்டுள்ளது. வித்தியாசமான தாளக் கட்டில் பாங்கோஸ் அமர்க்களமாக உடன் வர வயலின் புல்லாங்குழல் என இசைக் கருவிகள் நம்மைக் கட்டிப் போட...
கட்டுவேன் பாட்டில் உன்னை என்று மெல்லிசை மன்னர் சொன்ன பாடல்...
http://youtu.be/QxbFZsh-DrM
பம்பாய் மெயில் பாடலில் ரவிச்சந்திரன் சங்கீதா ஜோடியைப்பார்த்ததும், ஜெய்சங்கர் சங்கீதா நடித்த 'நெஞ்சுக்கு நீதி' நினைவுக்கு வந்து விட்டது. இதுவும் அலங்காரில் காலைக்காட்சியில்தான். (நண்பகல் காட்சியில் ரஜினியின் பிரியா ஓடிக்கொண்டிருந்தது).
சங்கர் கணேஷின் இசையில் "சோழனின் மகளே வா.. சுந்தரத்தமிழே வா" என்ற பாடலில் ஜெய்யும் சங்கீதாவும் ராஜாராணி உடையில். டி.எம்.எஸ். - வாணிஜெயராம். 'இது நீரிலாடும் மீனும் இல்லையே' வரியில் வாணி கொஞ்சுவார்.
இன்னொன்று கட்சிப்பாட்டு. எல்லோருக்கும் பிடிக்காது.
வேந்தர் சார்
நீங்கள் வந்தால் தான் சபை களை கட்டுகிறது
கார்த்திக் சார் சொன்னது போல் சங்கீதா ஜெய் ஜோடி, சங்கீதா ரவி ஜோடி,
சங்கீதா ரஜினி ஜோடி, சங்கீதா கமல் ஜோடி என்று ஒரு ரவுண்டு சங்கீதா வந்தார்கள் . ஆனால் பிற்காலத்தில் ராஜேந்தர் படத்தில் அவர்களை வில்லியாக பார்க்கும் போது சற்று மனம் கஷ்டப்பட்டது
எங்க ஊர் கண்ணகி பாடல் எனக்கு மிகவும் பிடித்த பாடல் சார்
"இதை இதை தான் எதிர்பார்த்தேன் உங்களிடம் இருந்து "
1979 கால கட்டத்தில் மகாலட்சுமி என்று ஒரு திரைப்படம் நினவு
ஜெய் சங்கீதா ஜோடி பட்டாபிராமன் direction விச்சு மியூசிக்
சுசீலாவின் ஒரு சாங் உண்டு சார்
"ஆகாய குளத்தில் தாமரை மலரும் காலையிலே அதிகாலையிலே"
இந்த படம் ஒரு ஹிட் தெலுகு படத்தின் தமிழ் ரீமேக்
"முத்தியால முக்கு " என்று நினவு
பாகேஸ்வரி(பாகேஸ்ரீ?)
எனக்கு சிறு வயதில் ஒரு obsession உண்டு.(இன்றும்).நான் விரும்பும் பொருளையோ,ரசிக்கும் விஷயங்களையோ,நண்பிகளையோ இன்னொருவர் விரும்பினாலே பொத்து கொண்டு வரும்.அந்த ஒரு குறிப்பிட்ட பாடலில் எனக்கு அப்படி ஒரு மோகம். அந்த பாடலில் வேறு ஒருவன் துர்பாக்ய நிலையை உணர்த்த அதிகபட்சமாய் நிகழ்ந்திருக்க கூடிய சாத்திய கூறு ஒன்று அழகாக வரைய பட்டிருக்கும்.அந்த வைர வரிகள் "அமைதியில்லாத நேரத்திலே அந்த ஆண்டவன் எனையே படைத்து விட்டான்". இந்த பாடல் என்னவோ எனக்கே சொந்தம் என்று நினைத்து கொண்டாடி கொண்டிருந்தேன், இன்று எந்த டி.வீ யை பார்த்தாலும் தெரிகிறது தமிழ்நாடே இன்றும் கொண்டாடி களிக்கும் பாடல் என்று.
என் மகன் ஒரு பாடலை கேட்டு பாடகருக்கு ரசிகனாகி ,எனக்கு அவரை தெரியும் என்று கண்டு,சென்னை வரும் போது நேரம் ஒதுக்கி என்னை கூட்டி அவரை பார்க்க ,அப்போது இடி படாத உட்லண்ட்ஸ் drive -in சென்றோம். பீ.பீ.எஸ் அவர்களை கண்டு சுமார் இரு மணிநேர அரட்டை.12 வயது பையனிடம் அந்த 80 வயது மனிதர் பேசிய குதூகல பேச்சு. (நிலவே என்னிடம் நெருங்காதே)
பாக்யஸ்ரீ ராகத்தில் அமைந்த இப்பாடல் "ராமு" ராகம் என்றே குறிக்க படுவதாக எம்.எஸ்.வீ என்னிடம் குறிப்பிட்டார்.எல்லாமே சரியாக அமைந்த classic இன்று வரை தமிழறிந்த எந்த குடிமகன் எந்த வயதில் இருந்தாலும் ஈர்ப்பதில் அதிசயம் என்ன? இந்த ராகம் உங்கள் மனதில் உங்களாலேயே அறிய படாத இடத்தை போய் நிரப்பி ,வருடும் சுகத்தை வார்த்தைகளில் வர்ணிக்க இயலுமா?
இந்த ராகத்தில் அமைந்த மற்ற பாடல்கள்.
காணா இன்பம் கனிந்ததேனோ?- சபாஷ் மீனா.
கலையே என் வாழ்க்கையை திசை மாற்றினாய்-மீண்ட சொர்க்கம்.
பொன்னெழில் பூத்தது புது வானில்- கலங்கரை விளக்கம்.
மழை வருது மழை வருது- ராஜா கைய வச்சா
போலீஸ்காரன் மகள் படத்தில் இடம் பெற்ற நிலவுக்கு என் மேல் என்னடி கோபம் - இந்த பாடலில் பாடகரின் இனிய குரலும் மெல்லிசைமன்னர்களின் இசையும் பாடலில் நடித்த பாலாஜி - புஷப்லதா நடிப்பும் ரசிகர்களின் உள்ளங்களை
கொள்ளை கொண்ட மதுர கானமாகும் .
http://youtu.be/BBEHY5WAbSc