Quote:
பாய்ஸ் வெர்ஸஸ் கேர்ல்ஸ் சீசன் 2
விஜய் டிவியின் பிரபலமான பாய்ஸ் வெர்ஸஸ் கேர்ல்ஸ் நிகழ்ச்சி சமீபத்தில் முடிவடைந்தது. இதில் கேர்ல்ஸ் அணியினர் வெற்றி மகுடம் சூட்டிக் கொண்டு, 7 லட்சம் பரிசுத் தொகையையும் வென்றுள்ளனர். கேர்ல்ஸ் அணியினர் வெற்றி பெற்றாலும், இந்த `நீயா? நானா?' போட்டா போட்டி முடியவில்லை! எனவே சீசன் 2 வை துவக்க தயாராகி விட்டது விஜய் டிவி.
இம்முறை 10 பாய்ஸ் மற்றும் 10 கேர்ல்ஸ் அணியுடன் துவங்கவிருக்கும் இந்த சீசனில் போட்டிக்கான புதிய களம் தயார், புதிய நடனகலைஞர்கள் தயார்!.
சின்னத்திரை நட்சத்திரங்கள் பலரும் தங்களின் நடனத் திறமையை ரியாலிட்டி ஷோக்களில் நிரூபித்து விட்டனர். இந்த இரண்டாம் சீசனில் பிரம்மாண்டமான அரங்கத்தில், பாய்ஸ் குழுவின் சார்பாக வெங்கட், சதீஷ், நேத்ரன், காமெடி பாலாஜி, சிவகார்த்திகேயன், மைக்கேல், ராம், மாஸ்டர் ரின்சன் மற்றும் மாஸ்டர் பிரனவ் ஆகியோர் இடம் பெறுகின்றனர். கேர்ல்ஸ் குழுவில், பேபி அபிநயா, பேபி கிருத்திகா, சான்ரா, ஐஷ்வரியா, பிரியா, ஹேமா, ஆஷா, மிஷா ஆகியோர் உள்ளனர். இருபது நட்சத்திரங்கள் பங்குபெறும் இந்த நடனயுத்தத்திற்கு நடுவர்களாக தமிழ்த்திரை உலகின் பிரபல நட்சத்திரங்கள் வரவிருக்கின்றனர்.
சோலோ, டூயட் சுற்றுக்களை தவிர, பெட்டிங் சற்று, சேலஞ்ச் சுற்று, கான்செப்ட் சுற்று, அவுட் ஆப் தி பாக்ஸ் என பல புதுமையான சுற்றுக்களும் இந்த இரண்டாவது சீசனில் அறிமுகப்படுத்தப்படுகிறது. சீசன்-1 ல் புகுத்தப்படாத பல புதுமைகளும் இந்த இரண்டாம் சீசனில் வரவிருக்கிறது.
நிகழ்ச்சியை வரும் வெள்ளி, சனிக்கிழமைகளில் இரவு 8 மணிக்கு காணலாம்.