தேடிப்போய் வாய்ப்பு கேட்கிற நிலையில் விக்ரம்!!
http://tamilcnn.com/upload-files/jan...ot/vikrams.jpg
இனி ஷங்கரை விட்டால் தன்னை காப்பாற்ற ஆளே இருக்காது என்ற முடிவுக்கு வந்துவிட்ட விக்ரம், தானே தேடிப்போய் அவரிடம் வாய்ப்பு கேட்டதாக பேசிக் கொள்கிறார்கள் கோடம்பாக்கத்தில்.
எத்தனையோ ஹிட்டுகள் கொடுத்த ஹீரோ என்பதாலும், தனக்கும் தற்போது உடனடியாக ஒரு ஹீரோ கிடைக்கப் போவதில்லை என்பதாலும் இந்த வேண்டுகோளை சட்டென்று ஏற்றுக் கொண்டார் ஷங்கர். விஜய், அஜீத், சூர்யா, யாருமே இப்போது உடனடி கால்ஷீட் தருகிற நிலையில் இல்லையல்லவா?
அதற்காக தனுஷ், சிம்பு போன்ற சின்னப்பசங்களுடன் சேர்கிற எண்ணமும் ஷங்கருக்கு வராது என்பதால்தான் இந்த விக்ரம் கூட்டணி.
இந்த படத்தை தனது சொந்தப்படமாக தயாரிக்கலாம் என்ற எண்ணம் இருந்ததாம் ஷங்கரிடம். ஆனால் இப்படியொரு காம்பினேஷன் என்றவுடன் விக்ரமை வைத்து சுட்டுக் கொண்ட ராஜபாட்டை தயாரிப்பாளரே மீண்டும் முயற்சி செய்தாராம். ஆனால் எப்போதும் கம்பீரமாக செலவு செய்து கண்ணியத்தோடு படம் எடுத்து வரும் ஏ.ஜி.எஸ் நிறுவனம் இந்த முயற்சியில் வெற்றியடைந்திருக்கிறது.
இந்த படத்தை தயாரிக்கப் போவது அதே ஆணானப்பட்ட ஏஜிஎஸ்சேதான்.
பின்குறிப்பு- விஜய் இயக்கும் தாண்டவம் படத்தை முடித்துவிட்டுதான் இப்படத்தில் நடிக்கப் போகிறார் விக்ரம்.
http://tamilcnn.com/moreartical.php?...rent&subcat=11