Quote:
அமுதா ஒரு ஆச்சரியக்குறி!
திங்கள் முதல் வியாழன் வரை தினமும் இரவு 7 மணிக்கு கலைஞர் தொலைக்காட்சியில் ஒளிபரப்பாகி வரும் புதிய தொடர் `அமுதா ஒரு ஆச்சரியக்குறி.' பிரபல இயக்குனர் கே.பாலச்சந்தர் இந்த தொடரை இயக்குகிறார்.
அமுதா ஒரு சராசரி நடுத்தர குடும்பத்துப் பெண். கணவன், ஒரு ஆண் குழந்தைஎன சின்னக் குடும்பம். சென்னையில் சொந்த இடம் வாங்கி அதில் ஒரு ஓட்டலை நடத்த வேண்டும் என்பதை நீண்ட நாள் எண்ணமாகவும், தன் கணவனின் தொப்பையைக் குறைக்க வேண்டும் என்பதை நீண்ட கால லட்சியமாகவும் கொண்டவள்.
எவ்வளவு துயரமான பிரச்சினைகள் என்றாலும் அதை சிரித்துக் கொண்டே கடக்க முயற்சி செய்யும் அமுதாவின் வாழ்க்கையிலும் ஒரு துயரம் வந்து குடியேறுகிறது. அதை சிரித்தபடி கடக்கிறாளா? இல்லை வெகுண்டு எழுகிறாளா? என்பதை சுவாரஸ்யமாக சொல்வதுதான் `அமுதா ஓர் ஆச்சர்யக்குறி.'
இந்தத் தொடர் மூலம் பல வருடங்களுக்குப்பின் மீண்டும் சின்னத்திரையில் தோன்றுகிறார் நடிகை ரேணுகா. இவருடன் கவிதாலயா கிருஷ்ணன், அப்சர், காவ்யா, ஷில்பா, வசந்த், வெங்கட், விஜயகிருஷ்ணராஜ், சுஜாதா, சுருதி, கனிகா, மாஸ்டர் சரண் ஆகியோர் நடித்திருக்கின்றனர்.
தொடரின் முகப்பு பாடலை கவிஞர் வாலி எழுத, அதற்கு இசையமைத்திருக்கிறார் `தமிழ் படம்' புகழ் கண்ணன். ஒளிப்பதிவு தமிழ்மாறன். இயக்கம் கே.பாலச்சந்தர், மற்றும் அஷ்வின் பாஸ்கர். தயாரிப்பு: கவிதாலயா சார்பில் புஷ்பா கந்தசுவாமி.