Originally Posted by
balaajee
’அனேகன்’ ஓடும் தியேட்டர்களில் முற்றுகையிடுவோம் - சலவை தொழிலாளர்கள் அறிவிப்பு! - vikatan
காதலர் தின சிறப்பாக ஒரு நாள் முன்பே வெளியாக உள்ள ‘அனேகன்’ படம் உலகம் முழுக்க வரும் பிப்ரவரி 13ம் தேதி வெளியாக உள்ளது. கே.வி.ஆனந்த் இயக்கத்தில் தனுஷ், அமைரா தஸ்தூர் , கார்த்திக் நடிப்பில் ஹாரிஸ் ஜெயராஜ் இசையில் உருவாகியுள்ள இப்படத்திற்கு ரசிகர்கள் மத்தியில் ஏகோபித்த எதிர்பார்ப்புகள் உருவாகியுள்ளது.
உடன்குடி, வில்லிக்குடியிருப்பில் திருகுறிப்பு தொண்டர் மகாசபையின் சங்க செயல் விளக்க கூட்டம் நடந்தது. கூட்டத்திற்கு கணேசன் தலைமை தாங்கினார். திருச்செந்தூர் நயினார் முன்னிலை வகித்தார்.
மாநில தலைவர் மாரிச்செல்வம், தூத்துக்குடி மாவட்ட தலைவர் மாயாண்டி ஆகியோர் சிறப்பு விருந்தினராக கலந்து கொண்டு சங்க வளர்ச்சி மற்றும் செயல்பாடுகள் பற்றி பேசினர்.
கூட்டத்தில் நடிகர் தனுஷ் நடித்த ‘அனேகன்’ படத்தில் சலவை தொழிலாளர்களை இழிவுபடுத்தும் காட்சிகள் உள்ளது. அதை உடனடியாக நீக்க வேண்டும். இல்லையேல் ‘அனேகன்’ படம் ஓடும் தியேட்டர்களில் குடும்பத்துடன் முற்றுகையிட்டு போராட்டம் நடத்துவது என தீர்மானம் நிறைவேற்றப்பட்டது.
