Printable View
Dear Mr.Chandrasekar
This is a timely reminder to TN Govt by you during the 1000th year celebrations of the "Big Temple" bulit by Raja Raja Cholan.
May God grant success in your sincere and untiring efforts to get our Thalaivar's Manimandapam project moving.
Regards
Shivram
டியர் முரளியண்ணா,
உங்களின் நீண்ட விவரமான கட்டுரை, இமயம் படம் வெளியான கடந்த காலத்துக்கே இட்டுச்சென்றது. கடந்தகால நினைவலைகளை அசைபோடுவது போன்றதொரு சந்தோஷமான விஷயம் வேறெதுமில்லை என்பது எனது பலமான கருத்து. அதற்கு பெரிய வலு சேர்க்கிறது உங்களின் வரலாற்றுத்தொகுப்பு. 'தச்சோளி அம்பு' பட விபத்தினால் பல்வேறு படங்களின் வெளியீடுகளில் குளறுபடி ஏற்பட்டது பற்றி, பாடல்கள் பலவிதம் திரியில், நீங்கள் பதித்த 'எந்தன் பொன் வண்ணமே' பாடல் ஆய்விலும் குறிப்பிட்டிருந்தீர்கள். (இப்போது அந்த திரியையே காணவில்லை. நல்லவேளை எனது கணினியில் அதை சேமித்து வைத்துள்ளேன்).
நடிகர்திலகம் - ஸ்ரீவித்யா வின் ஜோடிப்பொருத்தம் பற்றி, அடுத்த பக்கத்தில் இன்னொரு பதிவு இட்டிருந்தேன் படித்திருப்பீர்கள். அவர் நடிகர்திலகத்துடன் மேலும் பல படங்களில் சேர்ந்து நடிக்கவில்லையே என்ற ஆதங்கம் எனக்கு உண்டு. ஒருவேளை நீங்கள் சொன்னது போல, இப்படம் வெற்றியடைந்து, கே.ஆர்.விஜயா, சுஜாதா, ஸ்ரீபிரியா போல ராசியான ஜோடி என்ற பெயர் ஏற்பட்டிருந்தால் ஏற்பட்டிருந்தால், தயாரிப்பாளர்கள் கன்ஸிடர் பண்ணியிருப்பார்களோ. (இதுபோல ஏங்க வைத்த இன்னொருவர் விஜயநிர்மலா. காரணம் 'அம்மா கண்ணு சும்மா சொல்லு ஆசையில்லையோ' பாடலில் அவர் நடிகர்திலகத்துடன் காட்டிய கெமிஸ்ட்ரி, ஃபிஸிக்ஸ், பையாலஜி எல்லாம்).
தவிர நடிகர்திலகத்தைப் பொறுத்தவரை தொடர்ந்து பல படங்களில் ஒரே நாயகியைப் பிடித்து தொங்கிக்கொண்டிராதவர். அந்த ஆண்டுகளில் வந்த படங்களின் ஜோடிகளைப்பார்த்தால் தெரியும்.
அந்தமான் காதலி - சுஜாதா
தியாகம் - லட்சுமி
என்னைப்போல ஒருவன் - சாரதா, உஷா நந்தினி
புண்ணிய பூமி - வாணிஸ்ரீ
ஜெனெரல் சக்ரவர்த்தி - கே.ஆர்.விஜயா
பைலட் பிரேம்நாத் - மாலினி பொன்சேகா
ஜஸ்டிஸ் கோபிநாத் - கே.ஆர்.விஜயா
திரிசூலம் - கே.ஆர்.விஜயா, ஸ்ரீபிரியா, ரீனா
கவரிமான் - பிரமீளா
நல்லதொரு குடும்பம் – வாணிஸ்ரீ
இமயம் - ஸ்ரீவித்யா
(இவர்களில் பிரமீளாவைப்பற்றி குறிப்ப்பிட வேண்டும். 'கவரிமான்' முதல்நாள் மாலைக்காட்சிக்கு மிட்லண்ட் தியேட்டர் வந்திருந்தார். (இயக்குனர் எஸ்.பி.எம். மற்றும் ஒளிப்பதிவாளர் பாபு ஆகியோரும் வந்திருந்தனர்). பட்டுப்புடவை சரசரக்க காரில் இருந்து இறங்கும்போதே அனைவருக்கும் வணக்கம் போட்டார். எல்லோருடனும் சகஜமாக சிரித்துப்பேசினார். இடைவேளை யின்போது பெண்களின் மத்தியில் வந்துநின்று பேசிக் கொண்டிருந்தவர், 'இப்படம் நன்றாக ஓடி தங்கப்பதக்கம் போல தனக்குப்பெயர் பெற்றுத்தரும் எனவும், தொடர்ந்து சிவாஜிசாருடன் ஜோடியாக நடிக்கும் பெரிய வாய்ப்புக் கிடைக்கும்' எனவும் ரொம்ப நம்பிக்கையுடன் பேசினார். பாவம், அவர் நம்பிக்கையும் ஆசையும் பொய்யாகிப்போனது).
அன்றைய காலகட்டத்தில் நிலவிய அரசியல் சூழலைப்பற்றிய தங்கள் விவரிப்பும் மிகவும் சுவையாக உள்ளது. நாகை இடைத்தேர்தல் தோல்வி எம்.ஜி.ஆருக்கு அதிர்ச்சியைத் தந்தது. முதன்முதலாக தோல்வி என்ற வார்த்தையைக் கேட்டார். ஆனால் தஞ்சையில் அன்பிலின் தோல்வி கலைஞரை பாதிக்கவில்லை. 1973-ல் திண்டுக்கல்லில் துவங்கி தொடர்ந்து தோல்விகளையே பார்த்து வந்த அவருக்கு இது பத்தோடு பதினொன்று. அவ்வளவுதான். எனவே வழக்கம்போல முந்தைய தேர்தலுக்கும் இந்த தேர்தலுக்குமான ஓட்டு சதவீத கணக்குகளைச் சொல்லிக்காட்டி தொண்டர்களை உற்சாகப் படுத்திக் கொண்டிருந்தார். நாகையில் அவரது அணியின் வெற்றி அவருக்கு தெம்பைத் தந்திருந்தது.
இதை மனதில் கொண்டே, 80 நாடாளுமன்ற தேர்தலில் காங்கிரஸுடன் கூட்டு சேர்ந்து 40-க்கு 38 என்ற வெற்றிக்கணக்கில் எம்.ஜி.ஆருக்கு மேலும் பெரிய அதிர்ச்சி வைத்தியம் தந்தார். முகத்தைக்காட்டினால் போதும் ஓட்டுக்கள் குவியும் என்ற ஆரூடங்கள் தகர்த்தெறியப்பட்டன. அந்த அளவில் நின்றிருந்தால் அதிர்ச்சி நிலைத்திருக்கும். ஆனால் இந்திராவும், கலைஞரும் சேர்த்து தங்க முட்டையிடும் வாத்தின் வயிற்றை அறுக்கும் முயற்சியாக, தேவையில்லாமல் தமிழக சட்டமன்றத்தைக் கலைக்கப்போக, அது வினையாக முடிந்தது. அடுத்து வந்த சட்டமன்ற தேர்தலில் கலைஞர் பெரிய அளவில் ஏமாந்தார். 'யார் முதல்வராவது?' என்ற காங்கிரஸாரின் குழப்பவாதமும் ஒரு காரணம். (அந்த சட்டமன்ற தேர்தலின்போதுதான், நடிகர்திலகத்தின் மீது மூன்று அங்குல விட்டமுள்ள இரும்பு நட் வீசப்பட்டு, நெற்றியில் காயம் அடைந்தார்).
மதுரை திரையரங்க நிகழ்வுகளைச் சொல்லியிருந்தீர்கள். சென்னையில் அத்தகைய (திரையங்கு கிடைக்காத) சூழ்நிலை இல்லை. சாந்தியில் திரிசூலம் ஓடிக்கொண்டிருக்க, மிட்லண்டில் கவரிமான் ஓடிமுடிந்து எடுக்கப்பட்டு 'ஆறிலிருந்து அறுபது வரை' படமும், அலங்காரில் கல்யாணராமனும் ஓடிக்கொண்டிருந்தன. 'நல்லதொருகுடும்பம்' சத்யம் அரங்கில் எடுக்கப்படும் நிலையில்தான் இருந்தது. 'நான் வாழ வைப்பேன்' படத்துக்காக சித்ரா ஒப்பந்தம் செய்ப்பட்டிருந்தது. பாரகனில் 'ஆடுபாம்பே' ஓடிக்கொண்டிருந்தது. இருப்பினும் வேண்டுமென்றே செய்வதுபோல சாந்தி, கிரௌன், புவனேஸ்வரியில் நன்றாக ஓடிக்கொண்டிருந்த திரிசூலம் 175 நாட்களில் எடுக்கப்பட்டு 'இமயம்' திரையிடப்பட்டது ரசிகர்களை சோர்வடையச்செய்தது.
சாரதா மேடம், முரளி சார்,
இமயம் திரைப்படப் பதிவுகளும், இமயம் NT அவர்கள் தொடர்புடைய அந்தக்கால அரசியல் நிகழ்வுகளும் காலப்பெட்டகங்கள்.
Thanks Murali and Saradha madam. All of totall new news about "Imayam". Particularly "Imayam" released at Madurai Central when "Nallothoru Kudumbam" running well instead of New Cinema theatre.
I wish at least a NT movie will be released in Shanthi theatre on NT's birth day. Hope Mr. Ramkumar and Prabhu will fullfil our request.
Cheers,
Sathish
முரளி சார் மற்றும் சகோதரி சாரதா அவர்களின் பதிவுகள் என்னை 1979க்கே அழைத்துச் சென்று விட்டன. சாரதா கூறியது போல் அன்று நானும் அங்கு எஸ்.பி.முத்துராமனுடன் பேசிக் கொண்டிருந்தேன். கவரிமான் படம் பிரமீளாவுக்கு மிகப் பெரிய நம்பிக்கையைத் தந்திருந்தது. கவரிமான் படம் மிகப்பெரிய எதிர்பார்ப்பை ஏற்படுத்தியதற்கு இன்னொரு காரணம் இளையராஜாவின் இசையில் பாடல்கள் மிகப் பெரிய ஹிட். இதில் சோகம் என்ன என்றால் கேசட்டிலும் இசைத்தட்டிலும் முதலிடம் பிடித்த பாடல்கள் படத்தில் இடம் பெறவில்லை என்பது. அதில் ஒன்று நடிகர் திலகம் பாடுவதாக வர இருந்த ஆங்கிலப் பாடல்.
1978-79 ஆண்டு கால கட்டம் 1971-72ன் பிரதிபலிப்பு எனலாம். சற்று நெருக்கமான இடைவெளியில் படங்கள் வெளியானது சற்று வருத்தமே.
போதாக்குறைக்கு அரசியல் தன் பங்கை சேர்த்துக் கொண்டது. காங்கிரஸார் தி.மு.க.வுடன் போட்டியில் ஈடுபட்டது ஒரு புறம் என்றால், காங்கிரஸுக்குள்ளேயே நடிகர் திலகத்தை எதிர்த்து ஒரு கோஷ்டி அரசியல். அப்போது நடிகர் திலகத்தை காங்கிரஸுக்குள்ளேயே எதிர்த்த ஒரு தலைவர் பின்னாளில் அவருடனேயே சேர்ந்து பணியாற்றினார் என்பது தனிக்கதை.
இதில் இமயம் பாதிக்கப்பட்டதும் வருத்தத்திற்குரியது. படம் சுமார் என்றாலும் கூட. முரளி சார் சொன்னது போல் ஒரு நல்ல வாய்ப்பை, காங்கிரஸார் தவற விட்டனர் என்பதே உண்மை.
பி.கு.
டியர் முரளி சார்,
சுஜாதாவின் கணவர் பெயர் ஜெயகர். ஒரு படப்பிடிப்பின் போது அவருடன் உரையாடும் சந்தர்ப்பம் கிடைத்தது. அவரும் நடிகர் திலகத்தின் ரசிகரே.
திரு சந்திரசேகர் சார்,
நடிகர்திலகத்தின் மனிமன்டபம் தொடர்பாக தாங்கள் எடுத்து வரும் முயற்ச்சிகளுக்கு நன்றியும் பாராட்டுக்களும் தெரிவித்து கொள்கிறேன்.என் மனதில் தோன்றிய ஒரு எண்ணம்,பத்திரிக்கை அறிக்கை மூலமாக கோரிக்கை வைப்பதைவிட அக் 1ம் தேதியன்று சிவாஜி சமூக நல பேரவையின் சார்பில் ஒரு ஊர்வலமாக கோட்டைக்கு சென்று(முடிந்தால் திரு பிரபு அல்லது திரு ராம்குமார் அவர்களது தலைமையில்)முதல்வர் அவர்களை நேரில் சந்தித்து ஒரு கோரிக்கை மனு அளித்தால் நிச்சயம் பலன் கிடைக்கும் என்று நம்புகிறேன்
:exactly:Quote:
Originally Posted by HARISH2619
ராகவேந்திரன்Quote:
நடிகர் திலகம் பிறந்த நாள் நிகழ்ச்சி
நாள் 01.10.2010
இடம் காமராஜர் அரங்கம், அண்ணா சாலை, தேனாம்பேட்டை, சென்னை 18
நேரம் மாலை 5.45 மணி
நடிகர் திலகம் சிவாஜி கணேசன் 82வது பிறந்த நாள் விழா
மக்கள் கலைஞர் ஜெய்சங்கர் நினைவு சிறப்பு அஞ்சல் உறை வெளியீடு
மற்றும்
கலைஞர்களை கௌரவித்தல்
அஞ்சல் உறை வெளியீடு
திருமதி சாந்தி நாயர்
தலைமை அஞ்சல் அதிகாரி, தமிழ்நாடு வட்டம்
டாக்டர் சிவாஜி நினைவுப் பரிசு பெறுவோர்
திரு M.பீதாம்பரம் - ஒப்பனைக் கலைஞர், தயாரிப்பாளர்
திரு V.பாண்டியன் - ஒப்பனைக் கலைஞர், நடிகர்
திருமதி C.ராஜசுலோச்சனா - நடிகை, நடனக் கலைஞர்
திரு A.L.ராகவன் - இசையமைப்பாளர், நடிகர்
சிறப்பு விருந்தினர்
மாண்புமிகு மத்திய கப்பல் துறை அமைச்சர் திரு G.K.வாசன்
சிறப்புரை
திரு V.C. குகநாதன் - தலைவர், தென்னிந்திய திரைப்படத் தொழிலாளர்கள் சங்கம்
நடிகர் திலகத்தின் நினைவு நாளன்று போஸ்டரில் "சிவாஜி தன்னை உலகினிற்கே தந்து வான் புகழ் கொண்ட தமிழ்நாடு" என்று எழுதி அனைவரின் கவனத்தை ஈர்த்த திரு ஸ்ரீனிவாசன் அவர்கள் இம்முறை பிறந்த நாள் போஸ்டருக்கு மீண்டும் ஒரு அழகான வாக்கியத்தை எழுதியுள்ளார். "கலைத்தாயின் மானிட வடிவம் சிவாஜி"!
இது போல் மேலும் பல புதுமைகளை அவர் புரிய ஆண்டவன் அருள் புரியட்டும்.
அன்புடன்
செப்டம்பர் 29
என்றும் இனிமை மாறாத
என்றும் புதுமை குறையாத
எப்போது பார்த்தாலும்
எண்ணிலடங்கா சந்தோஷ வித்துக்களை
எல்லோர் மனத்திலும் விதைக்கும்
எங்கள், உங்கள், நம் அனைவரின்
வசந்த மாளிகைக்கு
இனிய 38-வது பிறந்த நாள் வாழ்த்துகள்.
அன்புடன்
சிவாஜி 83
1. சிவாஜி என்கிற வி.சி.கணேசன் பிறந்த தேதி : 1.10.1928, திங்கட்கிழமை. இந்த தேதியில் விழுப்புரத்தில் மாலை 4:30 மணியளவில் ராஜாமணி அம்மாள் - சின்னையா மன்றாயர் தம்பதியருக்கு நான்காவது மகனாகப் பிறந்தார்.
2. தன்னுடைய ஏழாவது அகவையில், திருச்சி சங்கிலியாண்டபுரத்தில், தனது வீட்டுக்கு அருகாமையில் நடைபெற்ற "கம்பளத்தார் கூத்து" நாடகத்தில், ஒரு நாள் வெள்ளைக்கார சிப்பாய் வேடத்தில் நடித்ததற்காக, சுதந்திரப் போராட்ட வீரரான தனது தந்தையின் கடுங்கோபத்திற்கு ஆளாகி கன்னத்தில் அறையும் வாங்கினார்.
3. இவர் சேர்ந்த முதல் நாடகக் கம்பெனி, யதார்த்தம் பொன்னுசாமியின் 'மதுரை ஸ்ரீ பால கான சபா'. இவரது முதல் நாடக வேடம், 1935-ல், திண்டுக்கல்லில் "இராமாயண" நாடகத்தில் பாலஸ்திரீபார்ட்டாக, 'இளம்பருவ கன்னிமாட சீதை' வேடம்.
4. நாடகமேடையில், இவர் ஏற்று நடித்த முதல் ராஜபார்ட் ரோல் "மனோகரா" நாடகத்தின் 'மனோகரன்'. கொல்லங்கோட்டில் நடைபெற்ற இந்நாடகத்தில், விசிகணேசனின் 'மனோகரன்' நடிப்பைக் கண்டு மயங்கிய கொல்லங்கோடு மஹாராஜா, இவருக்கு 'வெள்ளித் தட்டு' ஒன்றை பரிசாக அளித்தார். சில தினங்களுக்குப் பின், அந்த வெள்ளித் தட்டை விற்றுப் பணமாக்கி, 4 நாட்களுக்கு, தன் பசி மட்டுமல்லாது தனது சக நாடக நடிகர்களின் பசியையும் போக்கினார் விசிஜி.
5. 1945-ன் இறுதியில், தந்தை பெரியாரின் தலைமையில், சென்னையில் நடைபெற்ற ஏழாவது சுயமரியாதை மாநாட்டில், அண்ணாவின் "சிவாஜி கண்ட இந்து சாம்ராஜ்யம்" நாடகம் மேடையேற்றப்பட்டது. மாவீரன் சத்ரபதி சிவாஜியாகவே, கணேசன் உருமாறி, வீரமுழக்கம் செய்தார். நாடகம் முடிந்ததும் பெரியார், கணேசனின் நடிப்பை வியந்து பாராட்டி, "இன்று முதல் நீ வெறும் கணேசனல்ல, சிவாஜி கணேசன்" என்று பட்டம் சூட்டினார். இந்த நாடகத்தை, பார்வையாளர்களில் ஒருவராக, எம்.ஜி.ஆரும் பார்த்து ரசித்தார் என்பது குறிப்பிடத்தக்கது.
6. 1946 முதல் சற்றேறக்குறைய 4 வருடங்களுக்கு, சக்தி கிருஷ்ணசாமியின் 'சக்தி நாடக சபா'வில், பல நாடகங்களில் பல தரப்பட்ட வேடங்களில் வெளுத்து வாங்கினார் சிவாஜி. அவற்றில் அவருக்கு தலையாய புகழ் கொடுத்த வேடம், 'நூர்ஜஹான்' நாடகத்தில், அவர் ஏற்று நடித்த அழகுக்கிளி 'நூர்ஜஹான்' வேடம். அந்த நாடகத்தையும், அதில் அவரது அந்த ஸ்திரீபார்ட் வேட நடிப்பையும் பார்த்து பாராட்டாத பிரபலங்களே இல்லை.
7. சிவாஜி, சக்தி நாடக சபாவில் இருந்த போது, ஏ.பி.நாகராஜனும் அங்கே பணியாற்றிக் கொண்டிருந்தார். ஒரே நாடகத்தில், ஏபிஎன்
ராஜபார்ட்டாகவும், அவரது ஜோடி ஸ்திரீபார்ட்டாக சிவாஜியும் நடித்திருக்கிறார்கள்.
8. "பராசக்தி" படத்தில் நடிக்கும் போது சிவாஜிக்கு மாத சம்பளம் தான். சற்றேறக்குறைய இரண்டு வருடங்கள் தயாரிக்கப்பட்ட அப்படத்தின் கதாநாயகனான சிவாஜிக்கு மாதந்தோறும் 250 ரூபாய் சம்பளமாக வழங்கப்பட்டது.
9. "பராசக்தி" படத்தில் நடித்துக் கொண்டிருக்கும் போதே, "பணம்", "பூஙகோதை" படங்களில் ஒப்பந்தமாகி நடித்துக் கொண்டிருந்தார். "பராசக்தி" வெளியான மறுதினமே "திரும்பிப் பார்" திரைப்படத்திலும், "மனோகரா"விலும் கதாநாயகனாக நடிக்க ஒப்பந்தம் செய்யப்பட்டார்.
10. 1952-ன் இறுதியில் தமிழகமெங்கும் கடும்புயல், பெருமழை காரணமாக பலத்த சேதங்கள் ஏற்பட்டு, நிவாரணப் பணிகள் அரசால்
மேற்கொள்ளப்பட்டன. புதுமுக நடிகரான சிவாஜி, நிவாரண நிதியாக ரூ.1000/- வழங்கினார். அப்போதிருந்த சீனியர், நட்சத்திர நடிகர்களெல்லாம் சிவாஜியை விட குறைவாக ரூ.100/-ம், ரூ.200/-ம் நிவாரண நிதியாக வழங்கினார்கள். இதனைக் குறிப்பிட்டு அப்போது, 'குண்டூசி' சினிமா இதழ், சிவாஜியைப் புகழ்ந்தும், குறைவாகக் கொடுத்த நடிகர்களை கிண்டல் செய்தும் செய்தி வெளியிட்டிருந்தது.
11. 1953 பொங்கல் திருநாளிலிருந்த்து, தான் அமரராவதற்கு முன் வந்த 2001 பொங்கல் திருநாள் வரை, ஒவ்வொரு பொங்கலன்றும், வேலூருக்குச் சென்று, தன்னை வாழ வைத்த தெய்வம் பெருமாள் அவர்களுக்கு மரியாதை செய்து, அவருக்கும், அவரது குடும்பத்தினருக்கும் புத்தாடைகள் வழங்குவதை ஒரு வழக்கமாகக் (கடமையாகக்) கொண்டிருந்தார். பெருமாள் தம்பதியரை வணங்கி ஆசி பெறுவார். 1979-ல் பெருமாள் அமரரான பின்னரும் கூட, ஒவ்வொரு பொஙகலன்றும் வேலூருக்கு சென்று, அவரது மனைவியை வணங்கி ஆசி பெற்று புத்தாடைகளை அளித்து வந்தார். சிவாஜியின் மறைவுக்குப் பின்னரும், அவரது குடும்பத்தினர், ஒவ்வொரு பொங்கலுக்கும் வேலூர் சென்று, பெருமாள் அவர்களின் குடும்பத்தினருக்கு மரியாதை செய்து புத்தாடைகளை வழங்கி வருகின்றனர்.
12. சென்னை மாநகரில், முதன்முதலில் 5 திரையரங்குகளில் [சித்ரா, ஸ்ரீகிருஷ்ணா, உமா, ராஜகுமாரி, லட்சுமி] வெளியான படம் "மனோகரா(1954)". அதே போன்று சிங்காரச் சென்னையில், 6 திரையரங்குகளில் [அசோக், சன், ஸ்ரீமுருகன், நூர்ஜஹான், கபாலி, பிரைட்டன்] வெளியான முதல் படம் "நானே ராஜா(1956)".
13. 1955-ன் தொடக்கத்தில் திருப்பதிக்கு சென்று வெங்கடாஜலபதியை தரிசித்து அவர் அருளால் சிறந்ததொரு திருப்பத்தை ஏற்படுத்திக் கொண்ட சிவாஜி தீவிர பிள்ளையார், ஐயப்ப பக்தர். பல ஆண்டுகள் தொடர்ந்து சபரிமலைக்குச் சென்று பயபக்தியுடன் ஹரிஹரஸுதனை தரிசித்து வணங்கியிருக்கிறார். மாரியம்மனிடமும் சிவாஜிக்கு அளவற்ற பக்தி உண்டு.
14. 1957 முதல் 1961 வரை, "வீரபாண்டிய கட்டபொம்மன்" நாடகத்தை இந்தியாவெங்கும், சற்றேறக்குறைய 112 முறை நடத்தி, அதன் மூலம் வசூலான தொகையில், நாடகச் செலவு, தனது சிவாஜி நாடக மன்ற உறுப்பினர் சம்பளம் போக, கிட்டத்தட்ட ரூ.32,00,000/-த்தை (ரூபாய் முப்பத்து இரண்டு லட்சங்களை), பல்வேறு ஆக்கப் பணிகளுக்கு நன்கொடையாக வழங்கினார். குறிப்பாக, தென்னகமெங்கும், பல பள்ளிகள், கல்லூரிகள், நூலகங்கள் இந்நாடகம் மூலம் அளிக்கப்பட்ட நன்கொடைகளால் தான் உருவானது.
15. "ராணி லலிதாங்கி" திரைப்படம் வெளிவந்த சமயம், படத்தைப் பார்த்து விட்ட கழகத் தோழர் ஒருவர், அதில் சிவாஜியின் நடிப்பையும், நாட்டியத்தையும் கழகத் தலைவர் அண்ணாவிடம் வானளாவப் புகழ, அன்று இரவுக்காட்சியே யாரும் அறியாவண்ணம், மாறுவேடம் பூண்டு, முண்டாசு எல்லாம் கட்டிக் கொண்டு படத்தை பார்த்து விட்டு வந்தார் அண்ணா.
16. "சம்பூர்ண ராமாயணம்" திரைப்படத்தை கண்டு களித்த மூதறிஞர் ராஜாஜி "சிவாஜியின் நடிப்பில் பரதனைக் கண்டேன்" என்று வியந்து பாராட்டினார். "கப்பலோட்டிய தமிழன்" திரைப்படத்தை பார்த்து ரசித்த வ.உ.சி.யின் புதல்வர் சுப்ரமண்யம் "நடிகர் திலகத்தின் ரூபத்தில் எனது தந்தையாரை தரிசித்தேன்" என உருக்கத்துடன் புகழ்ந்துரைத்தார். இந்த இரு பாராட்டுக்களைத் தான், தனக்கு நெருக்கமானவர்களிடம் பெருமையோடு கூறி, இன்புறுவார் சிவாஜி.
17. மத்திய அரசு கொண்டு வந்த, பள்ளிக் குழந்தைகளின் மதிய உணவு திட்டத்திற்கு, 1959-ம் ஆண்டு, தமிழக முதல்வர் காமராஜர் முன்னிலையில், பாரதப் பிரதமர் நேருவிடம் ரூ.1,00,000 /- தொகையை வாரி வழங்கிய முதல் இந்திய நடிகர் வள்ளல் சிவாஜி.
18. நடிகர் திலகத்தின் முதல் கறுப்பு-வெள்ளைப் படமும் (பராசக்தி) வெள்ளிவிழாக் கண்டுள்ளது. அவரது முதல் வண்ணப்படமும் (வீரபாண்டிய கட்டபொம்மன்) வெள்ளிவிழாக் கொண்டாடியுள்ளது. உலக சினிமா சரித்திரத்திலேயே - ஒரு கதாநாயக நடிகருக்கு - இது ஒரு அபூர்வமான சாதனை.
19. இந்தியத் திரையுலகக் கலைஞர்களில், அதிக அளவில் உலக விருதுகளை வென்ற மாபெரும் சாதனையாளர். 1960-ல் எகிப்து நாட்டின் கெய்ரோ நகரில் நடைபெற்ற ஆசிய-ஆப்பிரிக்க பட விழாவில் "வீரபாண்டிய கட்டபொம்மன்" திரைப்படத்திற்காக ஆசிய-ஆப்பிரிக்க கண்டங்களின் சிறந்த நடிகர் என கௌரவிக்கப்பட்டு வெள்ளிப்பருந்து சிலையையும் பரிசாகப் பெற்றார். 1995-ல், பிரான்ஸ் நாடு இவருக்கு தனது நாட்டின் மிக உயர்ந்த விருதான செவாலியே விருது வழங்கி கௌரவித்தது.
20. 1960-ல் தமிழகம் கடும்புயல், பெருமழை மற்றும் வெள்ளத்தால் பாதிக்கப்பட்ட பொழுது, முதல்வர் காமராஜர் அவர்களின் மேற்பார்வையில், சிவாஜி அவர்கள் தனி மனிதனாக பாதிக்கப்பட்ட மக்களுக்கு, 1 லட்சம் உணவுப் பொட்டலங்களையும், 800 மூட்டை அரிசியையும் தானமாகக் கொடுத்தார்.
21. 1961-ல் தனது 'அன்னை இல்ல'த்தில், ஒரு பிள்ளையார் கோவிலை உருவாக்கினார் இந்த கலைப்பிள்ளையார். 2010-ல் பொன்விழா தொடக்கத்தைக் காணும் இப்பிள்ளையார் கோவிலின் கும்பாபிஷேகம் சில மாதங்களுக்கு முன்னர் அவரது அருந்தவப்புதல்வர்களால் மங்களகரமாக நடத்தப்பட்டது. 50 ஆண்டுகளாக இந்த வழியாக போவோர், வருவோர் எல்லாம் இந்த விநாயகரை வழிபட்டு வாழ்வில் மேன்மை பெற்றுள்ளனர்.
22. சிங்காரச் சென்னையில், முதன்முதலாக, ரூபாய் பத்து லட்சத்திற்கும் மேல் மொத்த வசூலை அளித்த திரைப்படம் "பாவமன்னிப்பு". தமிழ்த் திரைப்பட வரலாற்றிலேயே ஒரு ஏசி டீலக்ஸ் திரையரங்கில் வெள்ளிவிழா கண்ட முதல் திரைப்படம் "பாவமன்னிப்பு". [திரையரங்கம் : சென்னை - சாந்தி]
23. 1962-ல், அமெரிக்க அரசின் அழைப்பை ஏற்று, இந்தியாவின் கலைத்தூதுவராக, அமெரிக்கா மற்றும் பல உலக நாடுகளுக்கும் விஜயம் செய்து பற்பல பாராட்டுக்களையும், கௌரவங்களையும் பெற்றார். அமெரிக்க பயணத்தின் போது, நியூயார்க் மாநிலத்தில் உள்ள எழில் கொஞ்சும் நகரமான நயாகரா நகரின், ஒரு நாள் கௌரவ மேயராக, தங்கச்சாவி கொடுத்து கௌரவிக்கப்பட்டார். பிரதமர் நேருவிற்குப் பிறகு, இந்த கௌரவத்தை பெற்ற ஒரே இந்தியர் சிவாஜி.
24. 1962-ல் சீனப் படையெடுப்பின் போது ரூ.40,000/-, 1965-ல் பாகிஸ்தான் ஆக்கிரமிப்பின் போது ரூ.1,15,000/- மற்றும் 600 பவுன் தங்கம், 1999-ல் கார்கில் போரின் போது ரூ.1,00,000/-, யுத்த நிதியாக தாய்நாட்டிற்கு வழங்கியுள்ளார்.
25. 1964-ல் பம்பாயில் சத்ரபதி சிவாஜி சிலை, 1968-ல் சென்னையில் தெய்வப்புலவர் திருவள்ளுவர் சிலை, 1972-ல் ஆப்பனூரில் பசும்பொன் முத்துராமலிங்கத் தேவர் சிலை ஆகியவற்றை தன் சொந்த செலவில் நிறுவினார்.
26. 1965-ல், இந்திய - பாகிஸ்தான் யுத்தத்தின் போது, போரில் காயமுற்ற நமது ராணுவ வீரர்களை உற்சாகப்படுத்தும் விதமாக, சிவாஜி அவர்கள், தமிழகத்தின் பல முன்னணிக் கலைஞர்களை போர்முனைக்கே அழைத்துச் சென்று, பல கலைநிகழ்ச்சிகள் நடத்தி, வீரர்களை மகிழ்வித்தார்.
27. 1965-ன் இறுதியில், இந்திய தேசிய காங்கிரஸ் பேரியக்கத்தின் உறுப்பினரானார். அதிலிருந்து 1988 ஜனவரி வரை, கிட்டத்தட்ட 23 வருடங்கள், காங்கிரஸ் பேரியக்கத்திற்கு தனது உடல், பொருள், ஆவி ஆகியவற்றை கொடுத்திருக்கிறார்.
28. 1966-ல் பத்மஸ்ரீ, 1982-ல் ராஜ்யசபை எம்.பி., 1984-ல் பத்மபூஷன், 1997-ல் தாதா சாகேப் பால்கே விருது என தாய்த்திருநாடும் தன் தலைமகனை கௌரவித்திருக்கிறது.
29. 1971ல் கயத்தாறில் வீரபாண்டிய கட்டபொம்மன் தூக்கிலிடப்பட்ட இடத்தில், 47 சென்ட் நிலம் வாங்கி, அதில் கட்டபொம்மன் சிலையை நிறுவினார். தமிழகமெங்கும் பல ஊர்களில், பெருந்தலைவர் காமராஜர் சிலைகளை, தன் சொந்த செலவில் நிறுவியிருக்கிறார். சென்னை கோடம்பாக்கத்தில் அண்ணல் அம்பேத்கருக்கு சிலை அமைத்தார். பல இடங்களில் அம்பேத்கர் சிலைகள் அமைய தாராளமாக நிதியுதவி செய்தார்.
30. சிவாஜியின் தாத்தா சின்னசாமி காளிங்கராயர் (அம்மாவின் அப்பா), அக்காலத்திலேயே, குழந்தைகளுக்கு தமிழ்ப்பற்றும், இறையுணர்வும் வரவேண்டும் என்கின்ற நல்லெண்ணத்தில் தனது சொந்த செலவில் விழுப்புரத்தில் தேவாரப் பாடசாலை நடத்தி வந்தார். அந்தத் தேவாரப் பள்ளியில் மாணவராகப் பயின்றவர் தான், பிற்காலத்தில் தமிழிசைக்கு அருந்தொண்டு புரிந்த தமிழிசை மாமேதை இசையரசு எம்.எம்.தண்டபாணி தேசிகர்.
31. விருந்தோம்பலில் சிறந்தது அன்னை இல்லம். அன்னை இல்லத்தில் சாப்பிடாதவர்களே இல்லை. சாதாரண ரசிகர்கள் முதல் உலகப் பிரபலங்கள் வரை அனைவரும் கமலா அம்மாள் கையால் உண்டு மகிழ்ந்திருக்கிறார்கள். அதே போன்று, ஷூட்டிங் ஸ்பாட்டிற்கு, சிவாஜிக்கு வரும் மதிய உணவும் அங்குள்ள அனைவரும் (குறைந்த பட்சம் 10 பேராவது) சாப்பிடும் அளவுக்கு ருசியாக நிறைய செய்து அனுப்பி வைப்பார் கமலா அம்மாள்.
32. "உத்தமபுத்திரன்" திரைப்படத்தில் 'யாரடி நீ மோகினி' பாடல் காட்சியில் நடிக்கும் போது 102 டிகிரி ஜுரத்துடன் நடித்தார். "பாலும் பழமும்" படத்தில் கண்பார்வை இழந்தவராக படுக்கையில் படுத்துக் கொண்டு அவர் நடித்த காட்சிகளின் போதும் அவருக்கு High Fever. அதே போன்று "கலாட்டா கல்யாணம்" திரைப்படத்தில் வரும் 'அப்பப்பா நான் அப்பனல்லடா' பாடல் காட்சி படமாக்கப்பட்ட போதும் காய்ச்சலுடன் நடித்தார். "இரு துருவம்" படத்தின் வெளிப்புறக் காட்சிகள் ஷூட்டிங்கின் போதும் கூட கடும் காய்ச்சலுடன் நடித்துக் கொடுத்தார். தன்னால் படத்திற்கு,
படப்பிடிப்பிற்கு எந்தவிதத்திலும் பங்கம் வந்துவிடக் கூடாது என்கின்ற உயர்ந்த கொள்கை கொண்டவர்.
33. தமிழ்த் திரைப்பட வரலாற்றிலேயே முதல் முறையாக "உத்தமபுத்திரன்" திரைப்படத்தில் தான் படமாக்கத்தில் Zoom Lens
உபயோகப்படுத்தப்பட்டது. 'உன்னழகை கன்னியர்கள்' பாடலுக்கு இந்த யுக்தி கையாளப்பட்டது. "உனக்காக நான்" திரைப்படத்தில், நடிகர் திலகம் தனது கண்களுக்கு சிறப்பு லென்ஸ் அணிந்து கொண்டு நடித்தார்.
சிவாஜி 83
34. "திருவருட்செல்வர்" திரைப்படத்தில் அவர் வாழ்ந்து காட்டிய "அப்பர்" வேடத்திற்கு இன்ஸ்பிரேஷன் (Inspiration), காஞ்சி மகா பெரியவர் ஸ்ரீ சந்திரசேகரேந்திர சரஸ்வதி சுவாமிகள்.
35. இயக்குநர் ஸ்ரீதருக்கு கை விரல் நகங்களைக் கடிக்கும் பழக்கம் உண்டு. அவரது அந்த மேனரிஸத்தை, நடிகர் திலகம், தான் நடித்த "தெய்வமகன்" விஜய் கதாபாத்திரத்திற்கு பயன்படுத்திக் கொண்டார். அவரது மிக நெருங்கிய நண்பர் தொழிலதிபர் டிவிஎஸ் கிருஷ்ணாவின் மேனரிஸங்களை "கௌரவ"த்தின் பாரிஸ்டர் ரோலில் பார்க்கலாம். இன்னொரு நெருங்கிய நண்பரான இண்டியா சிமெண்ட்ஸ் நாராயணசுவாமியின் மேனரிஸங்கள் பிரஸ்டீஜ் பத்மநாப ஐயர் [வியட்நாம் வீடு] பாத்திரத்தில் இருக்கும்.
36. உலகப் பெரும் சினிமா நிறுவனமான 20th Century Fox நிறுவனம், உலகம் முழுவதும் உள்ள திரையரங்குகளிலும், தொலைக்காட்சிகளிலும் விளக்க உரையுடன் வியாபார ரீதியாக வெளியிட உரிமை பெற்ற முதல் தமிழ்ப் படம் "தில்லானா மோகனாம்பாள்".
37. சிங்கப்பூர் நாடு கண்டுபிடிக்கப்பட்ட 150வது ஆண்டு விழாவில் திரையிடுவதற்காக, சிங்கப்பூர் அரசால் அதிகாரப்பூர்வமாக தேர்ந்தெடுககப்பட்டு, சிங்கப்பூர் வெளி விவகார மந்திரி முன்னிலையில், சிறப்புக் காட்சியாக காட்டப்பட்ட திரைப்படம் "தங்கச்சுரங்கம்".
38. ஹிந்தி நடிகர் ராஜேந்திரகுமார், சிவாஜியைப் பார்க்கும் போதெல்லாம், "நீங்கள் ஒரு ஹிந்திப் படத்திலாவது அவசியம் நடிக்க வேண்டும். உங்களது தமிழ்ப் படங்களைப் பார்த்தே உங்களுக்கு இந்தியாவெங்கும் எவ்வளவு ரசிகர்கள் தெரியுமா! உங்கள் ஹிந்திப் படம் வெளியாகும் நாளில் பம்பாயில் பூகம்பமே ஏற்படும்." என்றார். சில வருடங்கள் கழித்து, தர்த்தி திரைப்படத்தில், சிவாஜி நடித்தார். தர்த்தி வெளியான தினத்தன்று [6.2.1970], பம்பாயில் நிஜமாகவே லேசான நிலநடுக்கம் ஏற்பட்டது.
39. முதல் வெளியீட்டில், வாழ்வியல் திலகத்தின் "வசந்த மாளிகை" திரைப்படத்தினுடைய முடிவு, தமிழகத்தில் சுபமாகவும், கேரளத்தில் சோகமாகவும் காண்பிக்கப்பட்டு, இரு மாநிலங்களிலுமே பெரும் வெற்றி. "பராசக்தி"க்குப் பிறகு, தமிழ் சினிமா சரித்திரத்திலேயே, இந்தியாவிலும், இலங்கையிலும் என இரு நாடுகளில் வெள்ளி விழா கொண்டாடிய படம் "வசந்த மாளிகை". [இந்தியா - 200 நாள், இலங்கை - 287 நாள்]
40. இந்திய அரசினால், நெகடிவ் உரிமை வாங்கப்பட்டு, இந்திய முக்கிய மொழிகள் அனைத்திலும் மொழி மாற்றம் செய்யப்பட்டு, இந்தியா முழுவதும் திரையிடப்பட்ட முதல் தமிழ்த் திரைப்படம், தேசிய திலகத்தின் "பாரத விலாஸ்".
41. "கௌரவம்" திரைப்படத்தை ஹிந்தியில் தயாரிப்பதற்காக, ராஜேஷ் கன்னாவிடம் போட்டுக் காட்டப்பட்டது. படத்தைப் பார்த்த பின் ராஜேஷ் கன்னாவின் வாக்குமூலம்: "கண்ணன் ரோலை வேண்டுமானால் நான் முயன்று பார்க்கலாம். ஆனால் அந்த பாரிஸ்டர் ரோலை நான் மட்டுமல்ல, பாலிவுட்டிலே கூட யாரும் நடிக்க முடியாது. இன்னும் சொல்லப் போனால், ஹாலிவுட்டிலே கூட சிவாஜி போல் நடிக்க அங்குள்ள எவராலும் முடியாது. இந்தப் படத்தை தயவு செய்து எந்த மொழியிலும் ரீமேக் செய்ய வேண்டாம். அப்படிச் செய்தால் விஷப்பரீட்சையாகி விடும்."
42. தமிழ் சினிமா சரித்திரத்தில், எண்ணிலடங்கா சாதனைகளின் கருவூலம் "திரிசூலம்". தமிழ்த் திரைப்பட வரலாற்றிலேயே, முதன்முதலில், பத்து திரையரங்குகளில் [தமிழகத்தில் 8 திரையரங்குகள், இலங்கையில் 2 திரையரங்குகள்] வெள்ளிவிழாக் கொண்டாடிய முதல் படம் "திரிசூலம்".
43. பாரதியாரின் கவிதைகள் என்றால் இவருக்கு உயிர். பாரதி பாடல்களில் 'பாரத சமுதாயம் வாழ்கவே', 'நெஞ்சு பொறுக்குதில்லையே' All time favourites. கண்ணதாசனின் 'மலர்ந்தும் மலராத', வாலியின் 'அழகு தெய்வம் மெல்ல மெல்ல' ஆகிய பாடல்களையும் அடிக்கடி முணுமுணுப்பார். வைரமுத்துவின் பாடல்களும் பிடிக்கும்.
44. பாரதிதாசனார் ஒரு சிவாஜி வெறியர். தனது குயில் பத்திரிகையில் நடிகர் திலகத்தைப் பற்றி பல தருணங்களில் வானளாவ புகழ்ந்து கவிதைகளும், செய்தி கட்டுரைகளும் வரைந்திருக்கிறார்.1962-ல் அவரது படைப்பான 'பாண்டியன் பரிசை', அதே பெயரில் நடிகர் திலகத்தை கதாநாயகனாகக் கொண்டு படமாக்கும் முயற்சிகள் மேற்கொள்ளப்பட்டன. படத் தொடக்க விழாவும் நடைபெற்றது. ஆனால், அதற்குப் பிறகு, பற்பல காரணங்களினால், படப்பிடிப்பு நடைபெறாததால், படம் வளரவில்லை.
45. கர்மவீரர் காமராஜர், கலைக்குரிசிலின் சில திரைப்படங்களை, பிரத்யேக சிறப்புக் காட்சியாக கண்டு களித்து, நடிகர் திலகத்தை பாராட்டியுள்ளார். அப்படி அவர் பார்த்து பாராட்டிய திரைப்படங்கள் : வீரபாண்டிய கட்டபொம்மன், கப்பலோட்டிய தமிழன், கர்ணன், நவராத்திரி, ராஜபார்ட் ரங்கதுரை, சினிமா பைத்தியம் [வீர வாஞ்சிநாதனாக சிவாஜி நடித்த காட்சிகள் மட்டும்].
46. சிவாஜி ஆங்கிலப் படங்களை அதிகம் விரும்பிப் பார்ப்பார். சென்னை காஸினோ திரையரங்கில் இரவுக்காட்சியாக ஆங்கிலப்படம் கண்டு களிப்பது அவருக்கு மிகவும் பிடித்தமான ஒன்று. ஹிந்திப் படங்களில் அவரை மிகவும் கவர்ந்தவை, "ஜனக் ஜனக் பாயில் பாஜே" மற்றும் "ஷோலே". எம்.ஜி.ஆர் படங்களில் "ஆயிரத்தில் ஒருவன்", "நாடோடி மன்னன்", "அடிமைப் பெண்" ஆகிய படங்கள் ரொம்பப் பிடிக்கும்.
47. சில தமிழக விஐபிக்களுக்கு மிகவும் பிடித்த சிவாஜி படங்கள்:
எம்.ஜி.ஆருக்கு பிடித்த சிவாஜி படம் "ஆலயமணி"; கலைஞருக்கு பிடித்த தனது நண்பரின் படம் "தில்லானா மோகனாம்பாள்"; மூப்பனாருக்கு பிடித்த நடிகர் திலகத்தின் திரைப்படம் "முதல் மரியாதை"; மு.க.அழகிரியின் மனதைக் கவர்ந்த திரைப்படம் "இருவர் உள்ளம்"; பா.ம.க. நிறுவனத் தலைவர் ராமதாஸுக்கு பிடித்த படம் "பாசமலர்".
48. பாலிவுட் பிரபலம் அமிதாப்பச்சனுக்கு மிகவும் பிடித்த நடிகர் நமது நடிகர் திலகம். சிவாஜியை எங்கு எப்பொழுது பார்த்தாலும் அவரது காலில் விழுந்து வணங்குவார் அமிதாப். இன்னொரு பாலிவுட் பிரபலமான அமீர்கான் நடிகர் திலகத்தின் "கர்ணன்" திரைக்காவியத்தைப் பார்த்து விட்டு அப்படியே ஆடி அசந்து மிரண்டு போய் விட்டாராம்.
49. தங்களது தந்தையார் நடித்த திரைப்படக் கதாபாத்திரங்களில், மூத்த மகன் தளபதி ராம்குமாருக்கு பிடித்த ரோல் 'பாரிஸ்டர் ரஜினிகாந்த்' [கௌரவம்]. இளைய மகன் இளைய திலகம் பிரபுவுக்கு பிடித்த வேடம் 'அப்பர்' [திருவருட்செல்வர்].
50. 1990களில், எம்.எஸ்.சுப்புலட்சுமி அவர்கள் உடல் நலம் குன்றியிருந்த சமயம், அவரைக் காண, மனைவி கமலாவுடன் சிவாஜி, எம்.எஸ். அவர்களின் இல்லத்திற்குச் சென்றார். எம்.எஸ்., அவரது கணவர் சதாசிவம் ஆகியோரைக் கண்டு உடல் நலம் விசாரித்தார் சிவாஜி. கிளம்புவதற்கு முன், சிவாஜி சதாசிவத்தை நோக்கி, "எம்.எஸ். அவர்களை ஜாக்கிரதையாக பார்த்துக் கொள்ளுங்கள். அவர் பூரண உடல் நலம் பெற வேண்டும். அவரது குரல் இந்த தேசத்திற்கே சொந்தம்" என்றார். அதற்கு சதாசிவம் சிவாஜியிடம்,"உங்களுக்கும் உடம்பு சரியில்லை என்று கேள்விப்பட்டேன். எங்களால் வந்து உங்களை பார்க்க முடியவில்லை. தவறாக எண்ண வேண்டாம். எம்.எஸ்.ஸின் குரல் மட்டும் தான் இந்த தேசத்திற்கு சொந்தம். ஆனால், உங்கள் உடம்பே இந்த நாட்டிற்கு சொந்தம். ஆகையால், உங்கள் உடம்பையும் ஜாக்கிரதையாக பார்த்துக் கொள்ளுங்கள்" என்று கூறினார். மேன்மக்கள் என்றென்றும் மேன்மக்களே!
சிவாஜி 83
51. நடிகர் திலகம், காருக்குறிச்சி அருணாசலத்தின் நாதஸ்வர இசையை விரும்பிக் கேட்பார். 1962-ல், அமெரிக்க அரசின் அழைப்பை ஏற்று உலகப்பயணம் செய்த போது, காருக்குறிச்சியாரின் இசைத்தட்டுகளை மறக்காமல் எடுத்துச் சென்றார்.
52. ஹாலிவுட் படங்களின் இசையமைப்பு, BGM, Sound Effects இவையெல்லாம் நடிகர் திலகத்துக்கு நிரம்பப் பிடிக்கும். "மியூசிக்கிலேயே மிரட்டுறாங்க பாரு" என்று புகழ்ந்துரைப்பார். ஹிந்தியில், லதா மங்கேஷ்கரின் குரலுக்கு அதி திவீர ரசிகர். சிவாஜியின் மனைவி கமலா, ஆஷா போன்ஸ்லேவின் விசிறி. [லதா, ஆஷா இருவருமே சிவாஜி பக்தைகள்!]. தென்னகத்தில் சுசீலா, ஜானகி, ஈஸ்வரி, வாணி ஜெயராம் எல்லோர் குரலும் பிடிக்கும். கே.பி.சுந்தராம்பாளின் கணீர்க்குரல் இவர் மனம் கவர்ந்த ஒன்று. 'திருவிளையாடல்' திரைப்படத்தில் வரும் 'ஞானப்பழத்தைப் பிழிந்து' பாடலின் பரம விசிறி. இப்பாடலை 'சர்பத் பாட்டு' என்று தான் செல்லமாக அழைப்பாராம்.
53. ஜி.ராமநாதன் அவர்களின் இசையமைப்பைப் பற்றி புகழ்ந்து கூறுவார். "உங்கள் இசை எப்பொழுதுமே நன்றாகத் தானிருக்கும்" என்று அவரிடமே பாராட்டுத் தெரிவித்திருக்கிறார். கே.வி.மகாதேவன், எம்.எஸ்.விஸ்வநாதன் ஆகியோரது இசையையும் சிலாகித்துக் கூறுவார். "என் படங்களை விட அண்ணன் (எம்.ஜி.ஆர்.) படங்களுக்குத் தான் நீ தூக்கலாக இசையமைத்துக் கொடுக்கிறாய்! உன்னை கவனித்துக் கொள்கிறேன்' என செல்லமாக, உரிமையுடன் எம்.எஸ்.வியிடம் கடிந்து கொள்வதும் உண்டு. இளையராஜா இசையமைத்த பாடல்களில் சிவாஜிக்கு மிகவும் பிடித்தவை "செந்தூரப்பூவே" [பதினாறு வயதினிலே] மற்றும் "மாஞ்சோலைக்கிளிதானோ" [கிழக்கே போகும் ரயில்].
54. "தூக்கு தூக்கி"யில் டி.எம்.எஸ். பாடி பதிவு செய்யப்பட்ட பாடல்களை கேட்டு, அவர் தனக்குப் பாடுவதற்கு பச்சைக் கொடி காட்டினார் சிவாஜி. "பெரிய பாகவதர் போல பாடியிருக்கிறீர்கள். உங்களுடைய அருமையான, வளமான குரல் எனக்கு பொருத்தமாக இருக்கும். தொடர்ந்து நீங்களே எனக்கு பின்னணி பாடுங்கள்" எனக் கூறிப் பாராட்டினார். பின்னொரு சமயத்தில், "உங்கள் குரலும் என் குரலும் ஒன்று போலத் தான் இருக்கிறது. நான் நடிப்பில் கொடுக்கும் பாவத்தை நீங்கள் பாட்டில் கொடுக்கிறீர்கள். ஆகையால் பாடலின் போது வரும் வசனங்களை அந்தந்த பாவங்களைக் கொடுத்து நீங்களே பேசுங்கள்." என்றார். டி.எம்.எஸ் இதைப் பலரிடம் சொல்லி பெருமைப்படுவாராம்.
55. "பொட்டு வைத்த முகமோ" பாடலை முதன்முதலாக எஸ்.பி.பி. தனக்கு பின்னணி பாடிய போது, 'நீ உன் குரலிலேயே பாடு, நான் அட்ஜெஸ்ட் பண்ணி நடித்துக் கொள்கிறேன்' எனப் பெருந்தன்மையோடு கூறினார் சிவாஜி. எஸ்.பி.பி., ஜேசுதாஸ், ஜெயச்சந்திரன் ஆகியோரின் பாடல்கள் பிடிக்கும். நேரம் கிடைக்கும் போதெல்லாம், காலை வேளைகளில், சீர்காழி கோவிந்தராஜன் பாடிய பக்திப் பாடல் ஆல்பங்களை கேட்டு பரவசப்படுவார். தனக்கு முதன்முதலில் பின்னணி பாடிய சிதம்பரம் ஜெயராமனின் குரல் ரொம்பப் பிடிக்கும்.
56. வானொலி மற்றும் தொலைக்காட்சியில் வரும் நேயர் விருப்ப திரைப்படப் பாடல்கள் நிகழ்ச்சியில், அன்று முதல் இன்று வரை, அதிக நேயர்கள் விரும்பிக் கேட்ட / கேட்கின்ற பாடலாக இருப்பது "பாசமலர்" திரைக்காவியத்தின் 'மலர்ந்தும் மலராத' பாடல்.
57. சிவாஜி அவர்கள், எம்.ஜி.ஆரை 'அண்ணன்' என்றும். எஸ்,எஸ்.ஆரை 'ராஜூ' என்றும், ஜெமினியை 'மாப்ளே' என்றும், ஸ்ரீகாந்தை 'வெங்கடா' என்றும், பீம்சிங்கை 'பீம்பாய்' என்றும், பந்துலுவை 'பிஆர்பி(BRB)' என்றும், முக்தா சீனிவாசனை 'சீனு' என்றும், பத்மினியை 'பப்பி' என்றும், சாவித்திரியை 'தங்கச்சி / சிஸ்டர்' என்றும், சௌகார் ஜானகியை 'பார்ட்னர்' என்றும், சரோஜாதேவியை 'சரோ' என்றும், அஞ்சலிதேவியை 'பாஸ்(Boss)' என்றும், ஜெயலலிதாவை 'அம்மு' என்றும், வெண்ணிற ஆடை நிர்மலாவை 'ஸ்வீட் கேர்ள்(Sweet Girl)' என்றும் அன்பாகவும், செல்லமாகவும் அழைப்பார்.
58. கலைஞர் கருணாநிதி எழுதும் திரைப்பட வசனங்கள் மிகவும் சிறப்பானவை என மனதாரப் பாராட்டும் சிவாஜி, தனக்கு அவர் எழுதிய திரைப்பட வசனங்களில் தனக்கு மிகவும் பிடித்தது "திரும்பிப் பார்" படத்தின் வசனங்கள் என்றும் கூறியிருக்கிறார். கலைஞரை சிவாஜி "மூனாகனா" என்று தான் அழைப்பார். அவர் இவரை "கணேசு" என்பார்.
59. எந்த மேக்கப்மேன் சிவாஜிக்கு மேக்கப் போட்டு விட்டாலும், புருவத்தை மட்டும் தானே தான் எழுதிக் கொள்வார். "திருவருட்செல்வர்" அப்பர், "தெய்வமகன்" கண்ணன், சங்கர், "நவராத்திரி" குஷ்டரோகி இன்னும் இது போன்ற பல கதாபாத்திரங்களின் மேக்கப்பிற்காக, பல மணி நேரங்கள் உடலை வருத்திக் கொண்டதுண்டு.
60. படப்பிடிப்பின் போது, எந்தவொரு காஸ்ட்யூமை தான் அணிந்து கொண்டு நடித்தாலும், அந்த உடை கசங்காமல், அழுக்காகாமல் இருப்பதற்கு மிகுந்த சிரத்தை எடுத்துக் கொள்வார்.
61. தன்னுடன் நடிக்கும் நடிக, நடிகையர் நன்றாக நடிக்கும் போது மனம் திறந்து பாராட்டுவார். பல சமயங்களில் கூட நடிப்பவர்களுக்கு, காட்சிக்கு ஏற்றாற் போல், நடிப்பு சொல்லிக் கொடுத்து, ஊக்கப்படுத்தி நடிக்கச் செய்வார். பானுமதி, சாவித்திரி, சௌகார் ஜானகி, மனோரமா ஆகியோருடன் நடிப்பது பற்றி இப்படிக் கூறுவார். "இவங்க கூட நடிக்கும் போது ரொம்ப ஜாக்கிரதையா, கவனமா இருக்கணும். நாம கொஞ்சம் அசந்தா போதும், இவங்க performanceஸால நம்மளையே தூக்கி சாப்பிட்டுடுவாங்க."
62. ஷுட்டிங் முடிந்து நள்ளிரவில் வீட்டுக்கு எத்தனை மணிக்கு வந்து படுத்தாலும் காலை ஆறு மணிக்கு எழுந்து விடுவார். காலை ஆறு மணிக்கு மேல் அவர் உறங்கியதாக சரித்திரமே இல்லை. 1990களில் தாடி வைப்பதற்கு முன் வரை, தினமும் ஷேவ் செய்வார். சபரிமலை யாத்திரைக்குச் செல்லும் போதும், சூரக்கோட்டைக்கு விடுமுறையாகச் செல்லும் போதும் மட்டும் தான் ஷேவ் செய்யாத சிவாஜியைப் பார்க்க முடியும். தினமும் இரு வேளை குளிப்பார். எந்த சீசனாக இருந்தாலும் குளியல் பச்சைத் தண்ணீரில் தான்.
63. குளிர்ந்த மோர், காபி, அதிலும் பிளாக் காபி (Black Coffee) ஆகியவை இவர் விரும்பி அருந்துகின்ற பானங்கள். வேர்க்கடலை உருண்டைகளை விரும்பிச் சாப்பிடுவார். காலைச் சிற்றுண்டியாக விரும்பிச் சாப்பிடும் பலகாராங்கள் - இட்லி, பொங்கல், உப்புமா (ஏதேனும் ஒன்று). மதிய உணவில் கண்டிப்பாக அசைவம் இருக்க வேண்டும். டின்னரில் சில சமயங்களில் அசைவம் இடம்பெறும். மூன்று வேளைகளிலுமே அளவோடு தான் சாப்பிடுவார்.
64. ஸ்டேட் எக்ஸ்பிரஸ் 555 - இவர் புகைக்கும் சிகரெட். தம்பி ஷண்முகத்தின் மறைவுக்குப் பிறகு, மனைவி கமலாவின் அன்பு வேண்டுகோளை ஏற்று, கிட்டத்தட்ட 35 வருடங்களுக்கும் மேலாக தன்னிடம் இருந்த புகை பிடிக்கும் பழக்கத்தை, ஒரே நாளில் கைவிட்டார். அதற்குப்பின், ஒரு நாள், ஒரு வேளை, ஒரு தடவை கூட சிகரெட் பிடித்ததில்லை. What a Will Power!
65. தினந்தோறும் காலை, மாலை என இரு வேளைகளிலும் செய்தித்தாள்களை வாசிப்பார். தொலைக்காட்சி நிகழ்ச்சிகளிலும் செய்திகளுக்கே முதலிடம் கொடுப்பார்.
66. சிவாஜி விமானப் பயணத்தின் போது மட்டும் அதிகம் பேச மாட்டார். பல சமயங்களில், விமானத்தில் ஏறி அமர்ந்த உடனேயே, கண்களை மூடிக் கொண்டு உறங்கி விடுவார்.
67. காரில் பயணம் செய்யும் போது சினிமா, அரசியல், பொதுவான விஷயங்கள் என நிறைய பேசுவார். மிக நீண்ட தூர கார் பயணத்தின் போது, நிறைய பாடல்கள் கேட்பார். அதில் "கப்பலோட்டிய தமிழன்" படப் பாடல்கள் நிச்சயம் இருக்கும்.
68. சிவாஜிக்கு தமிழ் தவிர, தெலுங்கு, கன்னடம், மலையாளம், ஹிந்தி, ஆங்கிலம் ஆகிய மொழிகள் சரளமாகப் பேசத் தெரியும். அந்தந்த மொழிக்காரர்களிடம் அவரவர்களது மொழியிலேயே பேசி அசத்துவார்.
69. சிவாஜி எந்த இடத்திற்கு சென்றாலும் சுற்றுப்புறத்தை கூர்மையாக கவனிப்பார். வீட்டிலோ, வெளியிலோ எந்த இடத்திலும் அமர்வதற்கு முன் தான் உட்காரப் போகும் இருக்கை, தலை மேல் சுழலும் மின்விசிறி என ஒரு பார்வை பார்த்து விட்டுத் தான் உட்காருவார்.
70. ரஷ்யா தவிர, கிட்டத்தட்ட அனைத்து முக்கிய வெளிநாடுகளுக்கும் சென்றிருக்கிறார். ஒவ்வொரு நாட்டின் மக்கள் அணியும் விதவிதமான தொப்பிகளை சேகரித்து 'அன்னை இல்ல'த்தில் பத்திரமாக பொக்கிஷம் போல் வைத்திருந்தார்.
சிவாஜி 83
71. எந்த ஊர், எந்த மாநிலம், எந்த நாடு சென்றாலும் அந்தப் பகுதியினுடைய சிறப்பம்சங்கள், அங்குள்ள மக்கள், அவர்கள் செய்யும் தொழில், அந்தப் பிரதேசத்தினுடைய சிறப்பு உணவு வகைகள் என்கின்ற தகவல்களை அளித்து உடன் வருவோரை அசத்துவார். புவியியல் அறிவில் புலி இவர்.
72. திருவானைக்காவல் அகிலாண்டேஸ்வரி கோவிலுக்கும், தஞ்சைப் பெரிய கோயிலுக்கும், புன்னைநல்லூர் மாரியம்மன் கோவிலுக்கும், மதுரை மீனாட்சி அம்மன் கோயிலுக்கும், திருப்பதி கோயிலுக்கும், சிவாஜி அவர்கள், யானையை காணிக்கையாகத் தந்துள்ளார். நாகை மாவட்டம் அன்னை வேளாங்கன்னி ஆலயத்திற்கு, ஆலயமணியை தன் சொந்த செலவில் அமைத்துக் கொடுத்தார்.
73. 1982-ல், தமிழக அரசு கொண்டு வந்த சத்துணவு திட்டத்திற்கு, இளைய திலகம் பிரபு, தன் சார்பில் ரூ.25,000/-மும், நடிகர் திலகத்தின் சார்பில் ரூ.1,00,000/-மும், முதல்வர் எம்.ஜி.ஆர். அவர்களிடம் வழங்கினார்.
74. 1986-ல் பெல்ஜியம் பல்கலைக்கழகமும், சிதம்பரம் அண்ணாமலைப் பல்கலைக்கழகமும் அவரது கலைச்சேவைக்காக, 'டாக்டர்' பட்டம் வழங்கி சிறப்பித்தது.
75. தமிழ்த் திரையுலகில், எம்.கே.டி. பாகவதருக்குப் பின், கறுப்பு-வெள்ளையில், ஐந்து வெள்ளிவிழாப் படங்களை [பராசக்தி, பாகப்பிரிவினை, பாவமன்னிப்பு, பாசமலர், பட்டிக்காடா பட்டணமா] கொடுத்த ஒரே நடிகர் சிவாஜி. ஒரே காலண்டர் வருடத்தில்(1961), கறுப்பு-வெள்ளையில், இரு வெள்ளிவிழாப் படங்களை [பாவமன்னிப்பு, பாசமலர்] கொடுத்த ஒரே தமிழ் நடிகர் சிவாஜி. தமிழ்த் திரைப்பட வரலாற்றிலேயே, கறுப்பு-வெள்ளைப் படங்களில், முதல் வெளியீட்டிலேயே ஒரு கோடி ரூபாய்க்கு மேல் மொத்த வசூல் அளித்த ஒரே படம் "பட்டிக்காடா பட்டணமா".
76. 2593 இருக்கைகளைக் கொண்ட ஆசியாவின் மிகப் பெரிய திரையரங்கமான மதுரை தங்கம் திரையரங்கில், 'மூன்று' 100 நாட்களுக்கு மேல் ஓடிய படங்களையும், 'ஒன்பது' 50 நாட்களுக்கு மேல் ஓடிய படங்களையும் கொடுத்துள்ள ஒரே உலக நடிகர் நடிகர் திலகம். [ஆக மொத்தம், மதுரை தங்கத்தில் 'பன்னிரண்டு' 50 நாட்களைக் கடந்த படங்கள்]
77. நமது இந்தியத் திருநாட்டின் மகத்தான தினங்களான சுதந்திர தினத்தன்று 7 சிவாஜி படங்களும், குடியரசு தினத்தன்று 13 சிவாஜி படங்களும் வெளியாகியுள்ளன.
78. 'பண்டிகை தின ஹீரோ' என்றாலும் அது சிவாஜி தான். பொங்கல் வெளியீடுகளாக 23 திரைப்படங்களும், தமிழ்ப் புத்தாண்டு வெளியீடுகளாக 26 திரைப்படங்களும், தீபாவளி வெளியீடுகளாக 42 திரைப்படங்களும் கொடுத்துள்ளார்.
79. கிரிக்கெட், கால்பந்து இரண்டு விளையாட்டுக்களும் மிகவும் பிடித்தமானவை. கிரிக்கெட்டில் கவாஸ்கர், கபில்தேவ், ஸ்ரீகாந்த் ஆகியோரின் தீவிர ரசிகர். சென்னையில் கிரிக்கெட் போட்டி நடைபெறும் சமயங்களில் நேரில் சென்று கண்டு, களித்து, ரசித்து மகிழ்வார். Indoor விளையாட்டுக்களில் மிகவும் பிடித்தது கேரம். டென்னிஸ் மேதை ராமநாதன் கிருஷ்ணனுக்கு, அவரது டென்னிஸ் ஆர்வத்தை கண்டு வியந்து, ஊக்கத் தொகை அளித்து உயர்த்தியுள்ளார்.
80. சென்னை தியாகராய நகரில் உள்ள நல்லியில் தான் தனது வீட்டிற்கு, வீட்டு விசேஷங்களுக்கு தேவையான பெரும்பாலான ஜவுளிகளை வாங்குவார். "நான் சம்பாதிப்பதில் ஒரு பெரிய பகுதியை உன் கடைக்குத் தான் கொடுக்கிறேன்" என நல்லி குப்புசாமியிடம் ஜோக்காகவும் கூறுவார்.
81. நடிகர் திலகம் தனது ரசிகர்களை "பிள்ளைகள்" என்று தான் கூறுவார். ரசிகர், ரசிகர் மன்ற கடிதங்களையெல்லாம் தம்பி ஷண்முகம் தான் கவனித்துக் கொள்வார். சில சுவாரஸ்யமான, வித்தியாசமான, முக்கியமான கடிதங்களை மட்டும் அண்ணனின் கவனத்திற்கு கொண்டு செல்வார்.
82. ஒரு நடிகருக்கு, இரு அரசுகள், சிலை அமைத்த பெருமை, நடிகர் திலகத்துக்கே. புதுவை அரசு சார்பில், முதல்வர் ரங்கசாமி, 11.2.2006 அன்று புதுச்சேரியில், சிவாஜிக்கு சிலை அமைத்தார். தமிழக அரசு சார்பில், முதல்வர் கலைஞர், 21.7.2006 அன்று சென்னையில், தன் ஆருயிர் நண்பனுக்கு சிலை அமைத்தார்.
83. நடிகர் திலகத்தின் மறைவுக்குப் பிறகு, ஆண்டுதோறும் அவரது நினைவு மற்றும் பிறந்த தினங்களில், சிவாஜி - பிரபு சாரிட்டீஸ் ட்ரஸ்ட் சார்பில், நடைபெறும் சிவாஜி நிகழ்ச்சிகள், விழாக்களில், திரையுலக முன்னோடிகளுக்கும், திரையுலக சாதனையாளர்களுக்கும் சிவாஜி விருதுகள் வழங்கப்படுகின்றன. அமரத்துவம் அடைந்த முன்னோடிகள், சாதனையாளர்களுக்கு சிறப்பு அஞ்சல் உறைகள் வெளியிடப்படுகின்றன.
அன்புடன்,
பம்மலார்.
Dear Pammalar sir,
Excellent & wonderful post. All the 83 points are 83 gems of our NT.On the eve of his 83 rd birthday, my memory goes back to his birthday celebrations in Boag road evey year when he was physically with us.
We used to assemble on 30th September afternoon, do all the pandal and other decorations, have a good chat till late evening and also have darshan of NT if possible.
Who can forget the long serpentine queue right from early morning in Boag road on Oct 1st with NT's songs blaring around in all sweetness. It will be a festive atmosphere.After praying to his mother and father's potrait and spending some time with family members, Our deivam along with Kamala ammal will come out of his house at exactly 7am to the Pillaiyar temple to workship vinayagar. It will be total celebrations from fans on seeing NT with crackers bursting and slogans praising him renting the air. The Fans just surge ahead breaking the barricades of police to get the blessings of NT.
Then NT will get on to the stage and receive his pillaigal's wishes who would have converged to Chennai from all parts of TN, Blore and other places. In between lots of film personalities and Politicians will also visit NT to convey thier wises. Our NT will be on the dias almost till 1.00 pm and ensure that all the fans met him and do not back disappointed without seeing him.
All these memories just linger in my mind now and brings tears in my eyes that NT is not around with us now.. But I always console myself with the following lines;
"NT IS NIRANDARAMANAVAR AZHIVATHILLAI
ENTHA NILAYILUM AVARKKU MARANAMILLAI"
LONG LIVE NT.
Regards
Shiv
பம்மலார் :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap:
thats 83 claps. :D
டியர் பம்மலார்,
உங்களது 'சிவாஜி - 83' க்கு எத்தனை நன்றிகள் சொல்வது?. 83 ஆயிரம்..?. 83 லட்சம்..?. 83 கோடி..?. ஊகும் போதாது. பிடியுங்கள் 83 ஆயிரம் கோடி நன்றிகள்.
என்ன ஒரு உழைப்பு, என்ன ஒரு சேகரிப்பு, என்ன ஒரு தொகுப்பு....வாவ்.
நடிகர்திலகத்தின் வரலாற்றையே 83 கேப்ஸ்யூல்களில் அடைத்து தந்து விட்டீர்கள்.
உங்களுக்கு டாக்டர் பட்டம் கொடுப்பதற்காகவே நான் ஏதாவது ஒரு பல்கலைக்கழகத்தின் துணை வேந்தராகியே தீர வேண்டும்.
சாரதா ஒரு தீர்க்கதரிசியே. 'உங்களை ரசிகராக அடைய நடிகர்திலகம் தவம் செய்திருக்க வேண்டும்' என்று நான் ஏற்கெனவே சொன்னது எத்தனை உண்மை. :clap: :clap: :clap: :clap: :clap:
டியர் பம்மலார் சார்,
சிவாஜி 83 பார்க்கும் போது என் கண்களில் ஆனந்த நீர் துளிகள், எவ்வளவு சிரமப்பட்டு தகவல்களை கொடுத்து இருக்குறீர்கள். அதிலும் அவரின் நன்கொடைகள் பற்றிய செய்தி பிரமிப்பூட்டியது
டியர் பம்மலார், நடிகர்திலகத்தின் 83 வது பிறந்த நாளில், 83 அம்சங்களை பதிவு செய்திருப்பது மிகவும் அருமை.
மணிமண்டபம் சம்பந்தமாக வாழ்த்து மற்றும் ஆலோசனை வழங்கிய நண்பர்களுக்கு நன்றி.
கண்டிப்பாக
காலம் ஒரு நாள் மாறும் - நம் கவலைகள் யாவும் தீரும்.
பம்மல் சார்.. ஒரே வார்த்தையில் சொல்வதென்றால்.. அற்புதம்
Rakesh..... gone thru your blog & enjoyed. .. ""with actors mistaking getup change for good acting"" ... apt observation..
இன்றைய தேதியில் பம்மலாரைப் பார்த்து நடிகர் திலகம் பாடக் கூடிய பாடல்
பொன்னை விரும்பும் பூமியிலே
என்னை விரும்பும் ஓருயிரே
புதையல் தேடி
அலையும் உலகில்
இதயம் தேடும் என்னுயிரே
ஆலயமணி நடிகர் திலகத்தின் 83வது படம் என்பது குறிப்பிடத் தக்கது
தான் 82 வயது முடிந்து 83ல் நுழையும் போது பம்மலார் என்ற ரசிகர் தன்னைப் பற்றி 83 குறிப்புகள் அளிப்பார் என்று நடிகர் திலகம் யூகித்து வைத்திருந்தாரோ
வெல்டன் பம்மலார்
Thanks for reading, Mahesh. Prabhu thread inactive, and I am guilty your honour :?
சிவாஜி - THE BOSS - விகடன் பொக்கிஷம்
சிவாஜி 'பராசக்தி'யில் நடித்துக்கொண்டிருந்த போதே 'மனோகரா' படத் தயாரிப்பு வேலைகள் நடந்து கொண்டிருந்தன. அதற்கு நான் திரைக்கதை வசனம் எழுதிக்கொண்டிருந்தேன்.
அந்தச் சமயத்தில், 'மனோகரா'வில் கே.ஆர்.ராமசாமியை மனோகரனாக நடிக்க வைப்பதாக இருந்தது. ஆனால், சில காரணங்களால் அவரால் அந்தப் படத்தில் நடிக்க இயலவில்லை. 'பராசக்தி'யில் சிவாஜியின் நடிப்பும், வசன உச்சரிப்புகளும் சிறப்பாக இருந்ததைக் கண்கூடாகக் கண்டதனால், சிவாஜியையே மனோகரனாக நடிக்க வைக்கலாம் என்று தயாரிப்பாளரான ஜூபிடர் சோமுவிடம் சொன்னேன். அதற்கான ஒப்பந்தம் ஒன்றும் போடப்பட்டது. அதற்கிடையே, சிலர் ஜூபிடர் சோமுவிடம் சென்று அவரது மனத்தைக் குழப்பினார்கள். அந்தச் சமயம், 'பராசக்தி' 1952 தீபா வளியன்று வெளிவந்தது. சென்னை அசோக் தியேட்டரில் 'பராசக்தி' வெளியான அன்றே - முதல் நாள் - அதுவும் மாட்னி காட்சிக்கு நானும் ஜூபிடர் சோமுவும் கிருஷ்ணன் பஞ்சுவுமாகப் போய்ப் பார்த்தோம்.
படம் முடிந்தது. சிவாஜியின் உணர்ச்சிமிக்க நடிப்பைப் பார்த்துவிட்டு, 'யார் என்ன சொன்னாலும் சிவாஜி கணேசன் தான் மனோகரனாக நடிக்கிறார்' என்று மெய்சிலிர்க்கச் சொன்னார் ஜூபிடர் சோமு."
- கலைஞர் மு.கருணாநிதி (21.8.88)
"சிவாஜிகணேசன் ஒரு 'தெய்வ மலர்'. திரு 'கல்கி' அவர்கள் 'சிவகாமியின் சபத'த்தில் சிவகாமி பற்றி கூறும்போது, 'அவளும், அவளுடைய கலையும் தெய்வத்திற்கே அர்ப்பணமானவை. மனி தர்களால் தொடமுடியாது' என்கிறார். நானும் அதையே சொல்கி றேன். திரு. கணேசன் அவர்களின் கலை, தெய்வத்திற்கு அர்ப்பண மானது! நாம் தூரத்தே நின்று ரசிக்கலாம்; ஆனால் அது நமக்கும் அப்பாற்பட்டது. திருஞான சம்பந்தருக்கு பாலூட்டிய தாய், இந்த நடிப்புக் கடலுக்கும் ஒரு துளி ஊட்டியிருப்பாளோ? அதனால்தான் இவர் பேசும்போது தமிழ் அவ்வளவு இனிக்கிறதோ! நான் இவரது நடிப்புத் திறனைக் கண்டு வியக்காத நாளே இல்லை. கோலார் பொன் சுரங்கம் வற்றி விட்டது என்று சொல்கிறார்களே, கிம்பர்லி வைரச் சுரங்கங்கள் வெறுமையாகிவிட்டன என்று சொல்கிறார்களே... இந்த நடிப்புச் சுரங்கம் மட்டும் வற்றுவதில்லையே!
இந்த உயர்ந்த நடிகரின் வெற்றி இவரது உழைப்பில்தான் இருக்கிறது. 'தெய்வ மகன்' படத்தில் மூன்று சிவாஜிகளும் தோன்றும் ஒரு காட்சியை நான் முதன்முறையாகப் பார்த்தபோது, எனக்கே மூன்று தனிப்பட்டவர்கள் நடிப்பதாக ஒரு பிரமை ஏற்பட்டது! அன்று அவர் நடிப்பின் பூரணத் துவத்தைக் கண்டேன். ஆனால் அந்த உயர்ந்தவரிடம்தான் எத்தனைப் பணிவு, எத்தனைப் பண்பு!"
- டைரக்டர் ஏ.சி.திருலோக்சந்தர் (21.9.69)
"சிவாஜி கணேசனை நான் மிகவும் மதித்து, போற்றிப் பாதுகாக்கும் காரணம், அவரை எதற்கும் எப்பொழுதும் அணுகி, எதைப் பற்றி வேண்டுமானாலும் பேசலாம். அவருக்கு அவ்வளவு விஷயங்கள் தெரியும்! எனக்கு எந்தச் சந்தேகம் வந்தாலும் நான் அவரிடம் சென்றுதான் நிவர்த்தி செய்து கொள்வேன். தீர ஆலோசித்து, பொறுமையாக விஷயத்தை விளக்குவதில் அவருக்கு ஈடு அவரேதான்.
படப்பிடிப்பு என்று வந்து விட்டால், சிவாஜி காரியத்தில் மிகவும் கண்ணாக இருப்பார். தம்மால் மற்றவர்களுக்கு ஒரு சிறு துன்பம் வருவதையும் சகியார். என் வாழ்வில் இவர் என்றுமே மறக்க முடியாதவர்; மறக்கவும் இயலாதவர்."
- நடிகை உஷாநந்தினி (22.7.73)
"சாதாரணமாக யாருடனாவது பேச ஆரம்பிக்கும்போது, முதலில் அவர்கள் குடும்பத்தைப் பற்றி அக்கறையாக விசாரிப்பார் சிவாஜி.
மற்றவர்களின் 'மேனரிஸ'ங்களை உன்னிப்பாகக் கவனித்து வைத்துக்கொள்வார். ஒருவர் சிகரெட் பிடித்தால் கூட எப்படிப் பிடிக்கிறார் என்று பார்த்துக் கொள்வார். ஒரு முறை எந்தெந்தக் குணாதிசயங்கள் உள்ளவர்கள் எப்படி சிகரெட் பிடிப்பார்கள் என்று சுமார் 15 வகையாக சிகரெட் பிடித்துக் காட்டினார்!
ஷூட்டிங்கில் தன் பாகம் எடுத்து முடிக்கும்வரையில் செட்டை விட்டு வெளியே ஒரு அடிகூடப் போகமாட்டார்.
"சிவாஜி சார்! நீங்கள் மற்ற நடிகர்களோடு நடித்தால் ஷாட்டில் அவர்களை ஏன் 'ஓவர் ஷேடோ' செய்கிறீர்கள்? அவர்கள் அத்தனைக் கஷ்டப்பட்டு நடித்த பிறகு உங்கள் செய்கையால் அது ஒன்றுமில்லாமல் போய் விடுகிறதே!" என்று ஒரு முறை அவரிடம் துடுக்காகக் கேட்டுவிட்டேன்.
சிவாஜி என்னை ஒரு முறை ஏறிட்டுப் பார்த்தார். "யூ ஆர் கரெக்ட்! ஆனால், அதென்னவோப்பா...காமிரா முன்னால் நிற்பதை நான் ஒரு பாக்ஸிங் ரிங்கில் நிற்பது போலவே கருதுகிறேன். என்னோடு யார் நின்றாலும் அவர்களை நான் 'வின்' பண்ணத்தான் முயலுவேன். எனக்கு அது ஒரு 'சாலஞ்ச்' மாதிரி" என்றார்.
இது போன்ற தர்மசங்கடக் கேள்விகளை இவரிடம் எவ்வளவு வேண்டுமானாலும் கேட்கலாம். இவருக்குக் கோபமே வராது.
செட்டில் இவரைச் சந்திக்கச் சென்றால், உடனே கூப்பிட்டு விறுவிறு என்று விஷயத்தைப் பேசிப் பத்திரிகையாளர்களை அனுப்பி விடுவார். பத்திரிகை அவசரம் தெரிந்தவர்!"
- நிருபர் பாலா (16.11.80)
"இனி நடிகர்களைப் பாராட்டி ஏதாவது பட்டம் கொடுக்க வேண்டுமானால் 'வி.சி.கணேசன்' என்ற பட்டத்தைக் கொடுங்கள். அதுதான் மிக உயர்ந்தது!"
- சத்யராஜ் (12.10.86)
"'நான் நடித்துக் கொண்டே சாக வேண்டும்' என்று அண்ணன் ஏதோ ஒரு பத்திரிகையில் பேட்டி அளித்ததைப் படித்தேன். இதைப் பார்த்துவிட்டு எல்லாருமே 'நான் நடித்துக்கொண்டே சாக வேண்டும்' என்று சொல்ல ஆரம்பித்து விட்டார்கள். அண்ணன் மட்டும் தான் அப்படிச் சொல்லலாம். அவருக்குத்தான் அந்தத் தகுதி உண்டு. மத்தவங்க நடிக்கறதைப் பார்த்துட்டுத்தான் ஆயிரக்கணக் கான பேர் தினம் தியேட்டர்ல சாவறானே, போதாதா?"
- நாகேஷ் (12.10.86)
"'தேவர்மகன்' ஷூட்டிங்... அப்ப நான் சினிமாவுக்கு வந்த புதுசுங்கறதால, சூப்பரா நடிக்க ணுங்கற நினைப்புல ஓவர் ஆக்ஷன் பண்ணிடுவேன். அந்தப் படத்தில், கமல்ஹாசனோட அப்பா சிவாஜி சார் இறந்து போகிற ஸீன்! சிவாஜி இறந்து கிடப்பார். பக்கத்தில் குழந்தைகள்... கால்மாட்டில் நானும் சங்கிலி முருகனும். கமல் சார் கொஞ்சம் தூரத்திலிருந்து ஓடி வருவார். எல்லோரும் சேர்ந்து அழணும். கமல் சார் என்னிடம், 'தத்ரூபமா அழணும்பா' என்றிருந்தார். 'ஷாட் ரெடி!' என்று குரல் கேட்டதுமே... 'ஐயோ! எங்களை விட்டுப் போயிட்டீங்களேய்யா... ஐயா!' என்று எட்டுப்பட்டிக்கும் கேட்கிற மாதிரி குய்யோ முறையோ என ஓலமிட்டு அழ ஆரம்பித்தேன். பத்து செகண்ட்கூட ஆகியிருக்காது. 'கட், கட்' என்றபடி பிணம் எழுந்துவிட்டது. சிவாஜி சார் தான்! என்னைப் பார்த்து, 'இங்க வாடா' என்றார் முறைத்தபடி. நான் பயந்துகொண்டே நெருங்கினேன். 'நீ ஒருத்தன் அழுதா போதுமா... மத்தவன் யாரும் அழ வேண்டாமா? என் மகனா வர்ற கதாநாயகனே மெதுவா அழறான். நீ ஏண்டா இந்தக் கத்துக் கத்தற? நீ கத்தற கத்தில் உன் உசுரும் போயிடப்போகுது! துண்டை வாயில் வெச்சுக்கிட்டு கமுக்காம விசும்பி அழு, போதும். ஓவர் ஆக்ஷன் பண்ணா உதைபடுவே படுவா!' என்றார். சிவாஜி சாரைக் கோபப்பட வைத்த எனது அந்த ஓவர் ஆக்ஷனை நினைத்தால், இப்போதும் சிரிப்பு வரும் எனக்கு!"
- வடிவேலு (9.3.97)
"மெட்டுக்குப் பாட்டா, பாட்டுக்கு மெட்டா என்று கேட்டால், பாட்டுக்கு மெட்டு என்பது தான் சிறந்தது. அந்தக் காலத்தில் கண்ணதாசனும் மெல்லிசை மன்னரும் அப்படித்தான் செய் தார்கள். 'புதிய பறவை'யில் ஒரு புதுமை. படத்தில் வரும் ஒரு சோகப் பாட்டுக்கு சிச்சுவேஷ னைச் சொல்லிவிட்டுப் போய்விட் டார் டைரக்டர். கண்ணதாசனால் எவ்வளவோ முயன்றும் பாடல் எழுத முடியவில்லை. 'நீங்கள் முதலில் மெட்டமையுங்கள். அதற்குப் பாட்டெழுதுகிறேன்' என்று எம்.எஸ்.வி-யைக் கேட் டார். அவராலும் மெட்டமைக்க முடியவில்லை. இறுதியில் நடிகர் திலகத்தை அழைத்து, 'இந்த சிச்சு வேஷனுக்கு ஒரு பாடல் வந்தால், நீங்கள் எப்படி நடிப்பீர்கள்?' என்று கேட்க, அவர் பாடல் வரிகளே இல்லாமல் அற்புதமாக நடித்துக் காட்டினார். அதைப் பார்த்துத்தான் கண்ணதாசன் பாட்டெழுதினார். அந்தப் பாடல் தான் 'எங்கே நிம்மதி'!".
கவிஞர் வைரமுத்து (4.2.90)
Grouch :thumbsup:
நேற்று இரவு 12 மணி. வசந்த மாளிகையின் பிறந்த நாள் பற்றி பதிந்து விட்டு தூங்கலாம் என்று நினைக்கும் போது சுவாமியின் அழைப்பு. சாதாரணமாக நாங்கள் இருவரும் இரவில் [பெரும்பாலும்] உரையாடுவது வழக்கம் என்றாலும் இந்த நேரத்தில் கூப்பிட மாட்டார். நேற்று ஒரு ஐந்து நிமிடம் பேசலாமா என்று கேட்டு விட்டு இப்படி ஒரு பதிவு வர இருப்பதை சொன்னார். முதலில் ஒரு சில பாயிண்ட்-களை மட்டும் சொல்கிறேன் என்று சொன்னவர் கிட்டத்தட்ட 45 நிமிடம் எடுத்துக் கொண்டு அனைத்து பாய்ன்ட்களையும் சொல்லி முடித்து உரையாடலை முடித்தார். முதலில் தூக்க கலக்கத்தில் கேட்க ஆரம்பித்த நான் போக போக அவர் சொன்னவற்றில் மூழ்கி விட்டேன். அவரிடம் நான் சொன்னது ஒன்றுதான். நமது ஹப்பில் நமது திரிதான் Thread of the Hub என்று அழைக்கப்படுகிறது. அதற்கான காரணமே இது போன்ற தகவலார்ந்த பதிவுகள்தான். Hats Off to you Swami!
இந்த 83-ஐயும் 83-வது படமான ஆலய மணியையும் அழகாக இணைத்த ராகவேந்தர் சாருக்கும் வாழ்த்துகள்.
என் பங்குக்கு ஒன்றை சேர்த்துக் கொள்கிறேன். 83 -ஐ மாற்றிப் போட்டால் 38. நடிகர் திலகத்தின் 83 பற்றி 38 வயது சுவாமி எழுதுவதும் முன்னரே தீர்மானிக்கப்பட்ட ஒன்றோ?
நாளை முதல் ஒரு வாரத்திற்கு சென்னை நட்ராஜ் அரங்கில் ஒவ்வொரு நாளும் ஒவ்வொரு நடிகரின் படம் திரையிடப்படுகிறது. அவ்வகையில் ஞாயிறுக்கிழமை நடிகர் திலகத்தின் நாளாக அறிவிக்கப்பட்டு அன்று ஆண்டவன் கட்டளை திரையிடப்படுகிறது. ஞாயிறு மாலை களை கட்டி விடும்! அன்று இரண்டு படங்கள் மினி மோட்சத்தில் பதிய பறவை, நட்ராஜில் ஆண்டவன் கட்டளை.
அன்புடன்
ஆண்டுக்கு ஆண்டு தேதிக்கு தேதி
ஆயிரம் இருக்குது சுபதினம்
ஆனால் நடிகர் திலகத்தின் ரசிகர்களை பொறுத்தவரை
அக்டோபர் 1 என்றும் சுபதினம்.
தமிழ்நாட்டு கலை உலகின் திலகத்திற்கு பிறந்த நாள்.
கலைத்தாயின் தவப்புதல்வனே
கலையுலம் உள்ளவரை
உன் பெயர் வாழும்!
உன் புகழ் வாழும்!
அன்புடன்
PS: NOV, Rakesh,
I have been keeping you on tenterhooks for a long time regarding the NT movie that would be released in theatres in Malaysia!
இன்று நடிகர் திலகத்தின் பிறந்த நாளை முன்னிட்டு அந்த இனிய செய்தி இதோ!
2011-ல் உலகளாவிய அளவில் தியேட்டர்களில் திரையிடப்பட உள்ள அந்த படம் கர்ணன்.
டியர் ஷிவ்ராம் சார்,
பாராட்டுக்கு நன்றி! நடிகர் திலகத்தின் பிறந்தநாள் பற்றிய மலரும் நினைவுகள் அருமை.
டியர் நௌ சார்,
83 கரவொலிகளுக்கும் என் இனிய நன்றிகள்!
சகோதரி சாரதா,
தங்களின் இதயபூர்வமான, ஆத்மார்த்தமான, தீர்க்கமான பாராட்டுக்களுக்கு எனது 83 லட்சம் கோடி பணிவான நன்றிகள்!
டியர் ஜேயார் சார்,
தங்களின் உணர்வுபூர்வமான பாராட்டுக்களுக்கு எனது உளப்பூர்வமான நன்றிகள்!
டியர் சந்திரசேகரன் சார்,
பாராட்டுக்கு நன்றி! தங்களது முயற்சிகள் வெற்றிக் கனிகளைத் தட்டிப் பறிக்கட்டும்!
டியர் மகேஷ் சார்,
அற்புதமான பாராட்டுக்கு அன்பான நன்றிகள்!
டியர் ராகவேந்திரன் சார்,
சிவாஜி 83 பதிவுகளை சிவாஜியின் 83வது படப்பாடல் மூலம் பாராட்டியமைக்கு பல கோடி நன்றிகள்!
83வது படத்தின் இன்னொரு பாடல் நடிகர் திலகத்திடமிருந்து உங்களுக்காக:
"கல்லெல்லாம் மாணிக்க கல்லாகுமா
கலையெல்லாம் கண்கள் சொல்லும் கலையாகுமா
சொல்லெல்லாம் தூயத் தமிழ் சொல்லாகுமா
டாட்காம் எல்லாம் நடிகர்திலகம்.காம் போலாகுமா"
டியர் முரளி சார்,
தங்களின் மனம் திறந்த பாராட்டுக்களுக்கு மனமார்ந்த நன்றிகள்!
அன்புடன்,
பம்மலார்.
Dear Rakesh,
Excellent write-up. The present generation should read this piece.
Dear RC,
Thanks a lot for Vikatan 'Sivaji' Pokkisham.
Warm Wishes,
Pammalar.
டியர் பம்மலார்,
தங்களின் பாராட்டுக்கள் என்னை நெகிழ வைக்கவும் அதே சமயம் இன்னும் சிறப்பாக செய்ய வேண்டும் என்கிற கடமையுணர்வைத் தூண்டவும் செய்தன. மிக்க நன்றி. இதோ நமக்காக நடிகர் திலகத்தின் வரிகள்
ஆலமரத்தின் விழுதினைப் போலே
அணைத்து நிற்கும் உறவு தந்தாயே
வாழைக் கன்று அன்னையின் மடியில்
வாழ்வது போலே வாழ வைத்தாயே
இந்த மனமும் இந்த குணமும்
என்றும் வேண்டும் என்னுயிரே
நம் உயிரின் உயிரான நடிகர் திலகத்தின் பிறந்த நாளில் நம் அனைவரின் வாழ்த்துக்களும் சேரட்டும்.
அன்புடன்
ராகவேந்திரன்
டியர் ராகேஷ்,
தங்களின் பதிவுக்கு என்னுடைய உளப்பூர்வமான பாராட்டுக்கள்.
டியர் முரளி, சாரதா, நவ், ஜேயார், கேசிசேகர் மற்றும் நண்பர்களுக்கு,
ஒவ்வொருவரும் மற்றவருக்கு சளைத்தவரல்ல என்ற அளவில் அனைவரும் தத்தம் பதிவுகளில் கலக்கி வருகிறீர்கள்.
இதையெல்லாம் பார்ப்பதற்கென்று நடிகர் திலகம் நம்மிடையே மீண்டும் வரவேண்டும்
அன்புடன்
ராகவேந்திரன்
கேள்வி பிறந்தது! நல்ல பதில் கிடைத்தது! - 141
கே: இந்தியாவிலேயே சிறந்த நடிகர் யார்? (எம்.ஆர்.பிரேமா-வசந்தா, சென்னை - 7)
ப: சிவாஜி கணேசன். 'உலகிலேயே சிறந்த நடிகர்' என்று "வசந்த மாளிகை" வெள்ளி விழாக் கொண்டாட்டத்தின் போது ஏ.நாகேஸ்வரராவ் கூடக் கூறியிருக்கிறார்.
(ஆதாரம் : பேசும் படம், மே - ஜூன் 1973)
நேற்று 29.9.2010, காலத்தை வென்ற காதல் காவியம் "வசந்த மாளிகை"யின் 39வது ஜெயந்தி தினம்.
அன்புடன்,
பம்மலார்.
கேள்வி பிறந்தது! நல்ல பதில் கிடைத்தது! - 142
கே: சிவாஜியும், ஜெய்சங்கரும் சேர்ந்து நடித்த "அன்பளிப்பு" தோல்விப் படமாயிற்று. ஆனால், எம்.ஜி.ஆரும், ஜெய்சங்கரும் சேர்ந்து நடித்தால் அப்படம் அமோக வெற்றி பெறும் என்கிறேன் நான். ஆசையை நிறைவேற்றுவார்களா? (ஜா.பன்னீர்செல்வன், சேத்துப்பட்டு)
ப: சிவாஜியும், ஜெய்சங்கரும் சேர்ந்து நடித்த "குலமா குணமா" படம் மகத்தான வெற்றி பெற்றதை தங்களுக்கு நினைவூட்டக் கடமைப்பட்டிருக்கிறேன்.
(ஆதாரம் : பேசும் படம், செப்டம்பர் 1971)
நாளை 1.10.2010 வெள்ளியன்று, சிவாஜி - பிரபு சாரிட்டீஸ் ட்ரஸ்ட் சார்பில், சென்னையில் நடைபெறுகின்ற கலையுலக மகானின் 83வது ஜெயந்தி விழாவில், திரையுலக சாதனையாளர், நடிகர் திலகத்தின் ஆருயிர் நண்பர், மக்கள் கலைஞர் அமரர் ஜெய்சங்கர் அவர்களின் சிறப்பு தபால் உறை வெளியிடப்படுகிறது. நடிகர் திலகத்தின் பிறந்தநாளில், மக்கள் கலைஞரின் நினைவையும் போற்றும் வகையில் அவருக்கு சிறப்பு செய்யும் அஞ்சல் துறைக்கும், சிவாஜி - பிரபு சாரிட்டீஸ் ட்ரஸ்டிற்கும் நமது நெஞ்சார்ந்த நன்றிகள்!
அன்புடன்,
பம்மலார்.
கேள்வி பிறந்தது! நல்ல பதில் கிடைத்தது! - 143
கே: அக்டோபர் முதல் தேதி 70வது பிறந்த நாள் காணும் கலையுலக முதல்வர் சிவாஜி அவர்களுக்கு வாழ்த்துக் கூறுங்களேன். (பி.சிவக்குமார் பிரபு, திருப்பூர்)
ப: அவர் முதல்வர். தமிழ்த் திரையுலக சரித்திரத்தின் முதல் வரி. நடிப்புலகத்தின் முகவரி. அவரை ஒரு முறை வாயார வாழ்த்தியவர் வார்த்தைகள், ஒரு நாள் வீதம் பலித்தாலே, அவர் இன்னும் ஆயிரமாயிரம் ஆண்டுகள் வாழ்வாரே!
(ஆதாரம் : நியூ பிலிமாலயா, அக்டோபர் 1997)
நாளை 1.10.2010, நமது இதயதெய்வம் நடிகர் திலகத்தின் 83வது ஜெயந்தி தினம்!!!
அன்புடன்,
பம்மலார்.
சினிமா சாம்ராட் சிவாஜி அவர்களின் 83வது ஆண்டு ஜெயந்தியை முன்னிட்டு, நாளை 1.10.2010 வெள்ளி முதல், சென்னை புரசைவாக்கத்தில் உள்ள மினிமோட்சம் திரையரங்கில், தினசரி 4 காட்சிகளாக, கலைச் சக்கரவர்த்தியின் "புதிய பறவை".
அன்புடன்,
பம்மலார்.
கலைச்சூரியனுக்கு 83வது உதயம்!!!
பரமபக்தன்,
பம்மல் ஆர். சுவாமிநாதன்.
WISH YOU ALL A VERY VERY HAPPY SIVAJI JAYANTHI !!!
Deivame,
Happy birth day.
Dear Swami,
What a details, hats off to you sir.
oh my god! :shock:Quote:
Originally Posted by Murali Srinivas
I will definitely bring my friends to watch several times!
anbargal anaivarukkum iniya nadigar dhina nal vaazhththukkal!
[html:783883b94c]
http://2.bp.blogspot.com/_tHu5vip2qp...mMc/sivaji.jpg
[/html:783883b94c]