-
ஆவணத் திலகம் பம்மலாரின் பொக்கிஷத்திலிருந்து விளம்பர நிழற்படங்கள்
-
புனர் ஜென்மம் சிறப்புச் செய்திகள்
1. நடிகர் திலகத்தின் மிகச் சிறந்த Subtle நடிப்பிற்கு மற்றுமோர் உதாரணம், புனர் ஜென்மம்.
2. ஸ்ரீதரின் வசனங்கள் புனர் ஜென்மம் படத்திற்கு மற்றுமோர் பலம். தன் தாயைப் பற்றி உணர்ந்து பிறகு மனம் வருந்தி நடிகர் திலகம் பேசும் வசனம் அந்தக் காலத்தில் மிகவும் பிரபலமானது. எனக்கு ஒரு நல்ல தாயைக் கொடுத்த இறைவன், உனக்கு ஒரு நல்ல மகனைக் கொடுக்கத் தவறி விட்டானே என்ற வசனம் காஸினோ தியேட்டரில் அமர்க்களமான வரவேற்பைப் பெற்றது. அதுவும் அந்த வசனத்தை நடிகர் திலகம் பேசும் போது அதில் உள்ள அந்த ஜீவன், அந்த வேதனை, தாயைப் பற்றிய அருமையை அறிந்த பின் ஏற்படும் உணர்வு, என்றென்றும் மறக்க முடியாததாகும். இதனை விளம்பரத்திலும் குறிப்பிட்டிருந்தார்கள். அந்த விளம்பர நிழற்படம் நமது அருமை பம்மலார் தயவால் நமக்குக் கிடைத்து மேலே தரப் பட்டுள்ளது. அவருக்கு மிக்க நன்றி
3. பத்மினி சிவாஜி - கன்னத்தில் அறையும் காட்சி மிகவும் பிரசித்தம் மிகவும் சிறப்பான காட்சியாக அமைந்து விட்டது.
4. நடிகர் திலகத்தின் படங்களில் சுப்பு ஆறுமுகம் எழுதிய ஓரிரு படங்களில் ஒன்று. என்றும் துன்பமில்லை பாடலை பட்டுக்கோட்டையார் எழுத, எங்கும் துன்பமில்லை என்ற பல்லவியுடன் தொடங்கும் பாடலை சுப்பு ஆறுமுகம் எழுதியுள்ளார் என பாட்டுப் புத்தகம் கூறுகிறது.
5. ஏ.எம்.ராஜா, டி.எம்.எஸ்., பி.பி.ஸ்ரீநிவாஸ் மூவருமே இப்படத்தில் நடிகர் திலகத்திற்குப் பின்னணி பாடியுள்ளனர்.
-
சலபதி ராவ் அவர்களின் இசையமைப்பில் புனர் ஜென்மம் திரைப்படத்தின் பாடல்கள் காலத்தை வென்று இன்றும் ஹிட்டாக ஒலித்துக் கொண்டுள்ளன.
உள்ளங்கள் ஒன்றாகி துள்ளும் போதிலே பாடலை எத்தனை முறை கேட்டாலும் பார்த்தாலும் சலிக்காது. இப்பாடலி்ல் நடிகர் திலகம் பத்மினி இளமை துள்ளும் கெமிஸ்ட்ரி, காதல் பாடல்களுக்கு ஓர் எடுத்துக் காட்டு. கோபால் சாரின் ஆய்வில் நிச்சயம் இடம் பெறும் என்பது என் நம்பிக்கை.
http://youtu.be/Z8f3IAZ3GY0
-
புனர் ஜென்மம் படத்தின் சிறப்புகளுள் ஒன்று என்றும் சொந்தமில்லை பாடலாகும். இரண்டு மூன்று முறை படத்தில் இடம் பெறும். ஒரு முறை இப்பாடல் பி.பி.ஸ்ரீநிவாஸ் அவர்களின் குரலில் ஒலிக்கும். அதன் காணொளி இதோ
http://youtu.be/aGW8Bzl3Akg
-
துள்ளிக் குதித்து ஓடி வருவதாகப் படித்திருக்கிறோம். ஆனால் நடையிலேயே துள்ளலைக் காண்பித்த மனிதர் நடிகர் திலகம். லட்சக் கணக்கான முறை பார்த்தாலும் கூட மீண்டும் மீண்டும் பார்க்கத் தூண்டும் பாடல் காட்சி. அந்த கருப்புக் கண்ணாடியுடன் அந்தப் பாலத்தின் கைப் பிடிச்சுவரில் அவர் அமர்ந்தவாறே பாடுவதைக் காணக் கண் கோடி வேண்டும். நீங்களும் பாருங்கள்.
http://youtu.be/FEjfMal_UvY
-
இசையரசியின் குரலில் என்றும் துன்பமில்லை பாடல் உயிர்த்தெழுவதைக் கேளுங்கள், பாருங்கள்.
http://youtu.be/EHjFCXZp6dc
-
திருச்சி லோகநாதன், ஜிக்கி குரல்களில் இதுவும் சூப்பர் ஹிட் பாடலாக்கும்
http://youtu.be/pN84Ejxyv1E
-
காலத்தைக் கடந்து நிற்கும் இசையரசியின் பாடல்களில் இது குறிப்பிடத் தக்கதாகும்
http://youtu.be/uWUd1yaV6fU
-
டியர் ராகவேந்தர் சார்,
புனர்ஜென்மம் பற்றிய தகவல்கள், விளம்பர ஆவணங்கள், பாடல்களின் வீடியோ அனைத்துக்கும் மிக்க நன்றி.
இப்படத்தை முதன்முதலில் பார்த்தது மைலாப்பூர் காமதேனு தியேட்டரில் 1973 மறு வெளியீட்டின்போது. அப்போதுதான் வசந்தமாளிகை சக்கைபோடு போட்டு முடிந்திருந்த நேரம். அதனால் புனர்ஜென்மம் போஸ்ட்டர்களில் 'நடிகர்திலகத்தின் கடந்தகால வசந்தமாளிகை' என்று விளம்பரப்படுத்தியிருந்தனர். 1961-ல் பாவமன்னிப்பு, பாசமலர், பாலும் பழமும் என்ற முப்பெரும் 'பா'க்களின் நடுவில் சிக்கி தவித்த படங்களில் இதுவும் ஒன்று. இன்னொன்று 'எல்லாம் உனக்காக'.
பீம்சிங் நடிகர்திலகத்தை அருமையான கௌரவமான ரோல்கள் கொடுத்து அற்புதமாக மோல்டு பண்ணிக்கொண்டு வந்துகொண்டிருந்த வேளையில் இதுபோன்ற பொறுப்பில்லாதவன், குடிகாரன், ஊதாரி போன்ற ரோல்களில் அவரை காண்பித்தது ரசிகர்களுக்கும், பொதுமக்களுக்கும் பிடிக்கவில்லை. அதனால் கௌரவமான ஒரு வெற்றியை பெற முடியவில்லை.
முதன்முதலில் 'உள்ளங்கள் ஒன்றாகி' பாடலைக் கேட்டபோது, அது ஏ.எம்.ராஜா குரலில் இருந்ததால் ஜெமினி கணேசனின் ஏதோ ஒரு படத்தில் என்று நினைத்திருந்தேன். பின்னர் வானொலியில் படத்தின் பெயரோடு கேட்டபோதுதான் 'அடடே, நம்ம தலைவர் படம்' என்று குதூகலித்தேன். (இதேபோல் ஏமாந்த இன்னொரு பாடல் 'இடை கையிரண்டில் ஆடும்' - விடிவெள்ளி).
புனர்ஜென்மம் நடிகர்திலகம், கண்ணாம்பா, பத்மினி ஆகியோரின் சிறந்த நடிப்பில் உருவான நல்ல படம். (இப்படத்துடன் பத்மினிக்கு நடிகர்திலகத்துடன் முதல் இன்னிங்க்ஸ் முடிந்தது என்று நினைக்கிறேன். திருமணம் செய்துகொண்டு அமெரிக்கா போய்விட்டார். இரண்டாவது இன்னிங்க்ஸ் சரஸ்வதி சபதம் (ஜோடியில்லாமல்), பேசும் தெய்வம் (ஜோடியாக) என்று தொடர்ந்து 'லட்சுமி வந்தாச்சு' வரை நீடித்தது)....
-
PUNARJENMAM..... collections very nice. Grand music with melodious songs coupled with fine performances of NT PADMINI and kannamba made the film a memorable one
unfortunately it has not acheived expected level of success rate. for me it is always a great movie. bradway madras attracted huge ladies crowds till closing day.