-
வாசு சார்
அட்டகாசமான தேர்வு. மெல்லிசை மன்னருக்கு புதியதாக ரசிகர்களைத் தேடித்தந்த பாடல். உங்கள் தேர்வினை நான் எப்படிப் பாராட்ட..
பொன்னென்றும் பூவென்றும் தேனென்றும் சொல்வேனோ..பதிவைப் பார்த்தால் சொல்லத்தோன்றும் இன்னும் நூறாயிரம்...
மேலே தாங்கள் பதிவிட்டுள்ள பாடலைப் பாடியவர் ராதாவே தான்.
ராதா என்றதும் பலர் குழம்பிப் போவார்கள்.. அவர்களுக்காக..
இவர் பிரபல பின்னணிப் பாடகர் மறைந்த கே.வீரமணி அவர்களின் குழுவில் பக்திப்பாடல்களைப் பாடியவர். ஈஸ்வரி பாடி பிரபலமடைந்த அம்மன் பாடல்களை மேடையில் ராதா தான் பாடி வந்தார். இசைத்தட்டிற்காக ஈஸ்வரி அவர்கள் பாடினார்கள்.
இவர் அதிகம் சினிமாவில் பாடவில்லை. மேடையில் அதுவும் கே.வீரமணி அவர்களின் குழுவில் மட்டுமே பாடியுள்ளார்.
-
நன்றி ராகவேந்திரன் சார்!
'ராதா' பற்றிய விவரங்களுக்கு நன்றி. அப்போதேல்லாம் மேடைக் கச்சேரிகளில் வீரமணியும், ராதாவும் சேர்ந்து பாடுவதை நானும் கேள்விப் பட்டிருக்கிறேன். எங்கள் உறவினர் வீட்டுக் கல்யாணம் ஒன்று சென்னையில் அப்போது நடந்தது. அங்கு வீரமணி, ராதா இன்னிசைக் கச்சேரி நடந்ததாம். அப்போது இது பெரிய விஷயம்.
வீரமணியுடன் ராதா சேர்ந்து பாடிய பாடலை இப்போது கேட்டு ராதாவை நினைவு படுத்திக் கொள்ளலாம்.
'உலகெங்கும் ஆட்சி செய்யும் அஷ்டலஷ்மி'
நல்ல குரல் வளம் ராதாவிற்கு.
https://youtu.be/xONAtbUA6W0
-
வாசு,
என்ன இது பொன்னென்றும் பூவென்றும் போட்டு விட்டு,சபதமிட்டு, சுமதி என் சுந்தரியுடன் , உத்தரவின்றி உள்ளே வந்து, அவளுக்கென்று ஒரு மனம் உள்ளதை அறியலாமே?
-
கோ,
நான் 5 பதிவுகளில் போட நினைத்திருப்பதை ஐந்தே வார்த்தைகளில் போட்டால் எப்படி.? நான் விளங்கச் சொல்லி சுருங்க வைக்கும் கேஸ்.
நீங்கள் சுருங்கச் சொல்லி சுருள வைக்கும் கேஸ்.:) என்ன இருந்தாலும் நீங்களும் ஒரு 'டாக்ஸி டிரைவர்'தானே!:) பொழுது சாய்ந்ததும்.:)
-
Citizen Kane - Orson Welles -1941.
சில படங்களை பற்றி யாரை கேட்டாலும் சிலாகித்தே பேசுவார்கள். (உருளை கிழங்கு போல யாராலும் வெறுக்க முடியாது)அப்படி எல்லோரும் கொண்டாடிய ஒரு படம். வந்த காலத்தை மீறி நின்ற படம். தமிழிலும் அப்படி அந்தநாள்,புதியபறவை,காதலிக்க நேரமில்லை,தில்லானா மோகனாம்பாள் போன்ற படங்களும், ஹிந்தியில் மொகலே ஆசம் ,பியாசா,guide ,அமர்ப்ரேம் படங்கள் இப்படி பட்டவை. நூற்றுக்கு நூறு பேரால் விரும்ப படுபவை. ஒரேயடியாக துர் நடவடிக்கைகளில் neo noir வன்முறைகளில் திளைத்து, வாசுவிடம் டாக்ஸி டிரைவர் கெட்ட பெயர் வாங்கி விட்டோமே என்று மென்மையான இந்த படத்தை எடுத்து ஆராய்ந்து நற்பெயருக்கு முயல்வேன். (பழையதையும் நினைவு படுத்த வேண்டாமா ? அடுத்த நான்கும் 40,50,60 களின் கொடிதான்.கருப்பு-வெளுப்பு பொற்காலமே )
ஆர்சன் வெல்ஸ் ,தானே இயக்கி ,கேன் பாத்திரத்திலும் நடித்த இந்த படம் ,வந்த நாள் முதல் இன்று வரை சிறந்த உலக பத்துக்களில் ஒன்றாக கொண்டாட படுகிறது.இந்த படம் நமது சிறு வயதின் உன்னத ,மனதுக்கு நெகிழ்வான நினைவலைகளை அசை போட செய்யும் மென்மையுணர்வை கிளறி விடும். ஒரு மனிதனின் முன்னேறும் துடிப்பு, தேர்ந்தெடுக்கும் குறுக்கு வழிகள், செய்யும் தவறுகள் இவற்றை மீறி சாதித்தும் ,வெறுமையுணர்வு மிஞ்சி ,குழந்தைமையின் நேர்மையான, அப்பாவி சந்தோஷ நினைவுகளில் திளைத்து உயிர் விடும் மனிதனின் கதை.
ஆனால் ரோஷமான் படத்தின் கூறுகளாய் ,அவரை சுற்றி இருப்பவர் பார்வையில் கதை விரியும். இறுதி வரை மென்மை புதிர் விடுபடாது. இயக்குனரின் இறுதி காட்சி காணும் வரை.
இந்த படம் அப்போதைய March of Time என்ற பிரபல பத்திரிகையின் Dynamic எடிட்டிங், investigative reporting ,மிக குத்தலான ,கொழுப்பான பத்திரிகை நடவடிக்கைகளின் அங்கத சாடலாக சொல்வாரும் உண்டு. (கதாநாயகன் பத்திரிகை அதிபரும் கூட) வில்லியம் ,ஹென்றி என்று அப்போதைய பத்திதிகை ஆட்களை சாடும் முயற்சி என்று அர்த்த படுத்துவோரும் உண்டு.
பலவித யூகங்களுக்கு ஆட்படுத்தும் வித்தியாச, சுவாரஸ்ய, வினோத திரைக்கதையமைப்பு,நம்மை இப்போது பார்த்தாலும், இன்றைய தலைமுறை பார்த்தாலும் கட்டி போடும்.
-
வாசு சார் இரண்டு நாளில் ஒரு ஊர்த்தவ தாண்டவமே ஆடிவிட்டீர்கள் . என்ன பதிவுகள் !! என்ன அலசல்கள் !! மாய மோதிரத்தின் சக்தியைக் மலைத்துவிட்டேன் . நெய்வேலியில் இருப்பதால் , கண்டுகொள்ளாத பாடல்களை தோண்டிக்கண்டுபிடித்து அந்த கரியை எல்லோரும் புகழ காசாக்கும் திறமை -- என்னமோ போங்க -- எழுதவே முடியவில்லை இதற்குமேல் .....
நம் மதுரகான திரியில் இதுவரை எல்லோரையும் வாங்க வாங்க என்று சொல்லி அன்புடன் எல்லோரும் அழைப்பது மட்டுமே எனக்குத்தெரியும் - யாரையும் வெளியில் போ என்று சொல்ல இங்கு யாருக்கும் மனதும் வாராது , சொல்லவும் மாட்டர்கள் - அப்படி ஒரு எழுதாத சட்டத்தை வைத்திருக்கும் நாம் , திரு கோபாலை " கோ " என்று குறிப்படுவதர்க்குப்பதில் "கோபால்" என்றே அழைக்கலாமே ! - எனது சிறிய வேண்டுகோள் - தவறாக நினைக்காதீர்கள் - கடலூரை தாண்டி செல்லும்போது உங்கள் நினைவு வந்ததை 100 km வேகத்திலும் தடுக்க முடியவில்லை .......
-
கோபால்
சிட்டிஸன் கேன் படத்திற்கு சற்றும் குறையாத இன்னும் சொல்லப் போனால், படம் பார்த்து முடிந்த பின் நீண்ட நேரத்திற்கு Hangover உண்டாக்கும் Bicycle Thief சொல்லாமல் விட்டால் எப்படி...
-
ரவி
வாசு சார் கோபாலை go என்று சொல்லவில்லை. வல்லினமாக 'ko' என்று தான் அழைக்கிறார். தமிழில் வல்லிய கோவுக்கு அரசன் என்று ஒரு பொருள் உண்டே.
-
திரு கோபால் - உங்கள் பதிவுகள் , பல முறை பார்த்து ரசித்த படங்களை , அடாடா - இந்த கோணத்தில் பார்க்கத்தவறி விட்டோமே - அப்படி யோசிக்க தோணவில்லையே என்று ஏங்க வைக்கின்றன - அதே சமயத்தில் என் பதிவுகள் உங்கள் வேகத்தை தடுக்கக்கூடாதே என்ற கவலையும் வருகிறது ...... எல்லா சுவையும் திரிக்குத்தேவை என்பதால் சற்றே மெதுவாகத்தொடருகிறேன் ... அருமை என்ற ஒரு வார்த்தைக்குள் கட்டுப்படக்கூடிய பதிவுகள் அல்ல உங்களுடையவைகள் ----- தொடருங்கள்
HM ஆகா இங்கு வந்து CK வின் விடுமுறையை cancel பண்ணியதற்கு மிகவும் நன்றி ....
-
என் தமிழுடன் விளையாட வந்த நீங்கள் முக்கண் முதல்வனே ஆகட்டும் -----