Manidharul Punithar, Maha-Avatar RAJINIKANTH News and Update

வெற்றி நிச்சயம் இது வேத சத்தியம் – (சிறுகதை) பகுதி -2
2010-Dec-03

அன்பு வாசக நெஞ்சங்களுக்கு,

01 டிசம்பர் 2010 அன்று வெளியான "வெற்றி நிச்சயம் இது வேத சத்தியம்" சிறுகதையின் இரண்டாவது பகுதி இது.

முதல் பகுதியை இது வரை படிக்காதவர்கள் இங்கே சென்று படியுங்கள்

இரு பகுதிகளையும் படித்துவிட்டு தங்கள் மேலான கருத்துக்களை பதியுங்கள்

ஆசிரியர்....
************************************************** ***********************************
"சீக்கிரம் கிளம்புடி, ப்ளேன் வர்ற நேரமாச்சு. இங்கின இருந்து வேன் போறதுக்கே ஒரு மணி நேரமாகுமாம். சுணங்காம கிளம்பு". வேலுவின் தாயார், அரக்க பரக்க அடுப்படிக்கும் தாழ்வாரத்துக்குமாய் நகர்ந்து கொண்டிருந்தார்.

வேலுவின் அக்கா, அந்த அதிகாலையிலேயே குளித்திருந்தார். வீட்டுக்கு உடுத்தும் சேலை கட்டியிருந்தார். அம்மாவை பார்த்து "ஏம்மா, வேலு எவ்வளவு காசு கொண்டு வர்றதா சொன்னான்" என லேசான கவலையுடன் கேட்டாள். அம்மா திரும்பி அவளை பார்த்து, "நீயேண்டி கவலை படுறே, காசு பிரச்சனைய பாத்துக்கிறது எங்க வேலை. எல்லாம் நல்லபடியா நடக்கும்". இடைமறித்து அக்கா சொன்னாள், "இல்லம்மா நகையும் ரொக்கமுமா மூணு லட்சம் முகூர்த்ததுக்கு முன்னால கொடுத்துறலாம்ன்னு அவன் சொன்னானே அதுக்கு கேட்டேன்."

"எல்லாம் சரியா இருக்கும்டீ. பணம் வர வேண்டிய நேரத்துல கரெக்ட் டைமுக்கு வந்து சேரும்."

***

விமானம் கிளம்பி, வானத்தில் மிதந்ததும், மனமும் லேசாகி, எண்ணமும் கூட இறக்கை கட்டி அந்த விமானத்துடன் பறந்தது. "சோதனைகள் தாண்டினால் தான்யா சாதனை" என்று ரஜினி அவர்கள் ஏதோ ஒரு விழாவில் சொன்னாரே... அது எவ்வளவு நிதர்சனமான உண்மை... இப்போது என் மனம் எதையோ சாதித்து விட்டதை உணர்கிறதே. விர்ரெனும் விமான ஓசையும், உயர்தர உணவும் உறக்கத்தை அன்பளிப்பு செய்தன. கால் நீட்டி, உடலை குறுக்கி வேலு உறங்கினான். உறங்கும் போது தொடர்பில்லாமல் நிறைய கனவுகள் அலை மோதின.

கனவில் ரஜினி வந்தார், பட்டென்று கை பிடித்து, படபடவென நிறைய அறிவுரைகள் கூறினார்.... பல பழைய படங்களில் இருந்து தன்னம்பிக்கை ஊட்டும் பல பாடல்களை கேட்க சொன்னார்.... இன்னமும் என்னன்னவோ நிகழ்வுகள் வரைமுறையின்றி மனதுள் சுழற்றி அடித்தது...

திருச்சியில் விமான பணிப்பெண் தட்டி எழுப்பிய பின் தான் விழித்தான்.., நினைவுகளை தட்டி எழுப்பினான்... துள்ளி எழுந்தான்.. எல்லா சம்பிரதாயங்களும் முடிந்து தன்னுடைய பெட்டிகளுடன் தாய் மண்ணில் கால் வைத்தான்.... உடல் சிலிர்த்தது....கம்பீரமாக நடை போட்டு வாசல் நோக்கி விரைந்தான். அன்றைய காற்றுக்கு உயிர் இருந்தது. மெல்ல அவன் உடலை வருடி கொடுத்தது.... பாசமாய் தலை கலைத்தது.... முன் நெற்றியில் விழுந்த முடிக்கற்றையை மெல்ல விலக்கினான்.... பார்வை பளிச்சிட்டது....

வரவேற்க யார் வந்திருப்பார்கள் என கண்ணாடி தடுப்பின் வழியே பார்க்க முயற்சித்தான். வாசலில் வேலுவின் குடும்பத்தார் யாரும் கண்ணுக்கு தென்படவில்லை,, ஆனால் மிகவும் பரிச்சயமான ஒரு முகம், துளசி, துளசியா? ஆம் அது துளசிதான். அந்த முகத்தை எப்படி மறக்க முடியும்.... சாமான்யனான என்னை எவ்வளவு கவிதைகள் எழுத வைத்த முகம் அது.... இந்த மூன்று வருடங்களில் இன்னும் பூசினது போல் இருக்கிறாள். அருகில் யார் புதுசாய் இருக்கிறதே? இவ்வளவு நெருக்கமாக இருப்பதை பார்த்தால், அது துளசியின் கணவனா….. இவர்கள் சேர்ந்து வரவேற்க வந்ததைப் பார்க்கும் போது,இருவருக்கும் திருமணம் ஆகிவிட்டதா ? இங்கு ஏன் வந்தார்கள். கேள்விகள் கண்ணாமூச்சி ஆடியது. . நெஞ்சு லேசாக வலித்தது போல் உணர்வு.. தொண்டை அடைத்தது.... பளிச்சிட்ட கண்களில் லேசாக இருள் சூழ்ந்தது...அருகில் வந்தாகிவிட்டது..

"நான்தான் சரவணன்", துளசியின் அருகில் இருந்தவன் தான் தொடங்கினான், "வாங்க வேலு" ரொம்ப நேரமா காத்துக்கிட்டுருக்கோம்.. துளசி எந்த சலனமும் இல்லாமல் உடன் வந்தாள். கண்ணில் மட்டும் மகிழ்ச்சி மின்னியது. வேலுவுக்கும் வார்த்தைகள் சண்டித்தனம் செய்தன. "நல்லாயிருக்கீங்களா சரவணா,"

பளிச்சென்று மின்னியது. சரவணா…. சரவணா,,,, சரவணகுமார் என் தங்கைக்கு பார்த்திருந்த மாப்பிள்ளை அல்லவா, ஆம் அவர்கள் அனுப்பிய போட்டோவில் வந்த முகம்தான். நேரில் பார்க்க மிகவும் வித்தியாசமாக இருக்கிறது. சரி இவர் எதற்காக உள் வந்தார் மற்றவர்கள் எங்கே. துளசி எப்படி உடன் வந்தாள்.

கேள்விகள் விடை காணாது நிற்க, வாசலுக்கு வெளியே வந்தாகிவிட்டது.. அதோ அம்மா, அக்கா , கூட்டத்தில் தள்ளிக்கொண்டுவருகிறார்கள்..

"அம்மா எப்படிம்மா இருக்கீங்க.." வார்த்தை வரவில்லை, உதடுகள் துடித்தன, இதயம் பொங்கியது, நெஞ்சடைத்தது, வார்த்தை முட்டியது. கண்களால் அதை கேட்க, தாயுள்ளம் அதை புரிந்து அவனை அணைத்து கொண்டது. இத்தனை நாள் பார்க்காத ஏக்கம் கண்ணீராய் எட்டி பார்த்தது. உடல் குலுங்கியது. தாய் தன் மகனை தோள் தடவி ஆசுவாசப் படுத்தினாள். "ஜம்முன்னு ராஜா மாதிரி இருக்கேடா, வெள்ளக்கார துரை மாதிரி பூட்டிஸ், முழுக்கை சட்டை எல்லாம். துளசி ரொம்ப கொடுத்து வைச்சவ." கடைசி வார்த்தையில் நிமிர்ந்து வேலு தன் தாயை பார்த்தான்.

"துளசி இங்கே வாம்மா" - இது அம்மா.. "என்னடா வேலு பாக்கிறே . 'உன் துளசி' டா. உன்னை பாக்கணும்னு பிடிவாதமா சண்டை போட்டுவந்தா.. சரவணன் தான் இங்க யாரோ பிரண்ட பிடிச்சு, நான் உள்ளே கூட்டிட்டு போறேன்ன்னு கூட்டிட்டு போனான். வேலு முதல்ல துளசியை பாக்கட்டும்னு சொன்னான்."

"எனக்கும் வயசாயிருச்சு, இந்த கல்யாணத்தோட, உன் கல்யாணத்தயும் முடிச்சுறலாம்ன்னு யோசனை. உனக்கு சரின்னா, துளசிக்கும் உனக்கும் அதே முகூர்த்தத்தில ஒரே மேடையில கல்யாணம். என்ன அம்மா சொல்றது ரைட்டுதான." சிரித்தாள் அம்மா,

துளசி வெட்கத்தால் தலை குனிந்தாள், குனியும் அந்த ஒரு நொடியில் வேலுவின் கண்ணை சந்தித்தாள். உலகின் உச்சகட்ட சந்தோசம் அவர்கள் இருவருக்கும் வாய்த்தது. இதுதான் காதலின் உன்னதம். புனிதம்.

அனைவரும் வாடகை வேனில் அமர, டிரைவர் வண்டியை ஸ்டார்ட் செய்து, டேப்பை ஒலிக்க விட்டார், உச்ச பட்ச குரலில் ஒரு அட்டகாசமான சூப்பர் ஹிட் பாடல் ஒலித்தது.

சிங்க நடை போட்டு சிகரத்தில் ஏறு ,
சிகரத்தை அடைந்தால் வானத்தில் ஏறு

வேலு தலை திருப்பி, துளசியை பார்த்தான், துளசியின் கனிந்த பார்வையில் அவன் சிகரத்தை அடைந்தான். வாழ்க்கை அர்த்தமும் இனிமையாகவும் உள்ளதாய் வேலு உணர்ந்தான்.

….முற்றும்….

************************************************** ************************************************** ***************

கதாசிரியர்கள் லாரன்ஸ் & கோபி இருவருமே சென்னைக்காரர்கள். தற்போது வசிப்பது துபாய். இருவரும் இணைந்து இணையத்தில் எழுதிய ஏராளமான கதைகள், கட்டுரைகள், கவிதைகள் மூலம் பெரிய அளவில் அறியப்பட்டவர்கள். இவர்கள் வளைகுடா ரஜினி ரசிகர்களின் முகங்கள். துபாய் ரேடியோ மற்றும் ரஜினிபேன்ஸ்.காம் இணைந்து நடத்திய சிறப்பு நிகழ்ச்சிகளை முன்னெடுத்துச் சென்றவர்கள்.தங்களது எண்ணங்களை எழுத்துக்களாக்குவதன் மூலமாக வளைகுடா வாழ் தமிழர்களின் மனதில் பெரும் கவனத்தை பெற்று வருகிறார்கள்

http://rajinifans.com/latest_news_detail.html?rId=1558

ரஜினியை வாழ்த்திய ரஜினி..!
2010-Dec-03

கோடம்பாக்க ஹீரோ ஒருவருக்கு கொட்டியது டும்டும்... அந்த புதுமாப்பிள்ளை, 'வெண்ணிலா கபடி குழு' 'பலே பாண்டியா' ஹீரோ விஷ்ணு. பூர்வீகம் வடநாடு. அப்பா ரமேஷ் குடவாலா, திருவண்ணாமலை மாவட்ட ஐ.ஜியாக இருக்கிறார்.

மணமகள் திருநாமம் ரஜினி. எம்.பி.ஏ முடித்துவிட்டு ஜீ-தமிழ் சேனலில் நிகழ்ச்சி தொகுப்பாளராக பணியாற்றினார். திருமணத்துக்காக ஒரு வருஷத்துக்கு முன்பே வேலையில் இருந்து நின்றுவிட்டார். அவருடைய அப்பா, 'அன்புள்ள ரஜினிகாந்த்' வள்ளி படங்களின் இயக்குநர் கே. நட்ராஜ்.

சூப்பர்ஸ்டார் மேல் இருக்கும் அபரிதமான அன்பின் காரணமாக தன்மகளுக்கு 'ரஜினி' என்று பேர் சூட்டிய நெருங்கிய நண்பர்.

டிசம்பர் 2-ம்தேதி கிழக்கு கடற்கரைச்சாலை பகுதியில் இருக்கும் ஸ்டார் ஒட்டலில் திருமணம் நடந்தது. வடாட்டு ஸ்டையிலில் இரவு 11 மணிக்கு கல்யாணம் நடந்தது.

கல்யாண வைபத்துக்கான ஏற்பாடுகளை மௌனமாக செய்துவந்த விஷ்ணுவிடம் அட்வான்ஸாகவே, கை கொடுத்து கங்கிராட்ஸ் சொன்னோம்.

கல்யாணக் கதையின் ஃப்ளாஷ்பேக்கை சொல்ல ஆரம்பித்தார்.

"எஸ்.ஆர்.எம். காலேஜ்ல எம்.பி.ஏ. படிச்சேன். அங்கேதான் முதன்முதலா ஜூனியர் ஸ்டுடன்டான ரஜினிய பார்த்தேன். பார்த்த உடனேயே எனக்குள்ள 'மொழி' படம் மாதிரி பெல் அடிச்சுச்சு... கலர்கலரா பளபளப்பா பட்டாம்பூச்சி பறந்துச்சு. அவங்க பளிச்முகம் மனசுக்குள்ள பச்சக்னு பெவிக்கால் போட்ட மாதிரி ஒட்டிக்கிச்சு. அடிக்கடி சந்திச்சு பேசும்போது வார்த்தைகள்ல ஜெனியூன் சிதறுச்சு.

சின்னச்சின்ன விஷயத்துக்கு எல்லாம் டென்ஷனே ஆகாம அவங்க காட்டின நியாயம் பிடிச்சது. எனக்கு ரஜினி மனைவியா கிடைச்சா நல்லா இருக்கும்னு மனசு அடிக்கடி அடிச்சு சொல்லுச்சு. என்னோட எதிர்கால சினிமா ஃகேரியருக்கு ஹெல்ப்ஃபுல்லா இருப்பாங்கன்னு தோணுச்சு. ஏன்னா அவங்க அப்பா சினிமா டைரக்டரா இருக்கறதால ஃபிலிம் இண்டஸ்ட்ட்ரிய நல்லா புரிஞ்சு வச்சுருக்காங்க.

காலேஜ்ல பார்த்து, பழகறதோட நிக்கலை. விஷயத்தை எங்கம்மா காதுலதான் முதல்ல போட்டேன். ஆரம்பத்துல ஷாக் ஆனாங்க. "உன் மனசுக்கு பிடிச்சிருந்தா... எனக்கு ஒ.கே"னு சொன்னாங்க. அதுக்கு அப்புறமா என்னோட வீட்டுக்கு ரஜினியை அழைச்சுட்டு போனேன். அம்மா, அப்பாகிட்டே அறிமுகம் செஞ்சேன். என்னைவிட அவங்க ரெண்டு பேருக்கும் ரஜினிய ரொம்ப பிடிச்சுப் போச்சு. ரஜினி வீட்டுக்கும் எங்க விவகாரம் தெரியும். அவங்களும் எங்களோட உணர்வுகளை புரிந்து ஒப்புக்கிட்டாங்க. ரெண்டு குடும்பத்தோட ஹேப்பியான ஃப்ளஸ்ஸிங் எங்களுக்கு இருக்கு.

சூப்பர் ஸ்டார் ரஜினிசாரை நேர்ல பார்க்கணும்னு ரொம்பநாள் ஆசை. 'வெண்ணிலா கபடிக்குழு' படத்தை பார்த்துட்டு பாராட்ட்னார். அப்போ யூனிட்டோட இருந்தேன். பர்ஸனலா பார்க்கணும்னு ஆசை. நிச்சயதார்த்தம் நிகழ்ச்சி எல்லாம் நடக்கலை ஸ்ட்ரைட்டா கல்யாணம்தான் ரெண்டு வீட்லயும் முடிவு பண்ணினாங்க. மேரேஜ் டேட் ஃபிக்ஸ் ஆனவுடன் திடீர்னு ஒருநாள் நானும், ரஜினியும் சூப்பர் ஸ்டாரை சந்திச்சது சர்ப்ரைஸா இருந்துச்சு. எங்களை பார்த்ததும் அன்பா வரவேற்றவர், "ஹாய் ஹவ் ஆர்யூ கங்கிராட்ஸ்..."னு சொன்னவர், "கவலையே படாதீங்க நான் உங்களுக்கு எப்பவுமே ஹெல்ப்பா இருப்பேன்..." என்று சந்தோஷமா வாழ்த்தினார்," என்று நெகிழ்ந்தார் விஷ்ணு.

திருமண வரவேற்பில் நேரில் வந்தும் மணமக்களை வாழ்த்திச் சென்றார், ரஜினி !

நாமும் வாழ்த்துவோம். வாழ்க வளமுடன் !

செய்தி : விகடன்

http://rajinifans.com/latest_news_detail.html?rId=1560

A report on Thalaivar's speech at Kalaingar's Ilaiyngan isai veLiyeedu. The tidbit about Ilaiyaraaja will interest the usual suspects :-)

http://onlysuperstar.com/?p=9528

After Vaali 1000, its Vairamuthu 1000 now.

Rajini and Kamal to receive Vairamuthu's 1000

Dec 06, 2010
Home > More news
Vairamuthu began his career by penning the lyrics Idhu Oru Ponmalai Pozhudhu for Nizhalgal and has so far written about 7000 songs for various films, the last being Arima Arima for Endhiran. Of these 7000 songs, the lyricist has selected 1000 best songs to have it published as a book.

What is significant about this book is that each song will have a summary. The book will be released on January 2nd 2011 by the Tamil Nadu Chief Minister M Karunanidhi and it will be received by Rajinikanth and Kamal Haasan. Noted celebrities including Mani Ratnam, Shankar, Vaali, and AR Rahman, will deliver speeches during this function. A music program in which SP Balasubramaniam, KJ Yesudas, P Suseela, Janaki and others will render songs penned by Vairamuthu has been arranged.

Quote:

---

Originally Posted by Nerd

After Vaali 1000, its Vairamuthu 1000 now.

Rajini and Kamal to receive Vairamuthu's 1000

Dec 06, 2010
Home > More news
Vairamuthu began his career by penning the lyrics Idhu Oru Ponmalai Pozhudhu for Nizhalgal and has so far written about 7000 songs for various films, the last being Arima Arima for Endhiran. Of these 7000 songs, the lyricist has selected 1000 best songs to have it published as a book.

What is significant about this book is that each song will have a summary. The book will be released on January 2nd 2011 by the Tamil Nadu Chief Minister M Karunanidhi and it will be received by Rajinikanth and Kamal Haasan. Noted celebrities including Mani Ratnam, Shankar, Vaali, and AR Rahman, will deliver speeches during this function. A music program in which SP Balasubramaniam, KJ Yesudas, P Suseela, Janaki and others will render songs penned by Vairamuthu has been arranged.

---

shdnt IR be the chief guest at this function ?? :poke: i am escape :boo:

தமிழ் வழி தனி வழி - பகுதி 1
2010-Dec-07

தமிழ் மொழிக்கும் தமிழர்க்கும் தனியொரு வரலாறு என்ற ஒன்று இல்லாமலே செய்து விட வேண்டும் என்ற ஆசை, சிலருக்கு சங்க காலம் தொட்டு இருந்து வருவது ஒரு வேதனை என்றால் இம்முயற்சியில் சில தமிழர்களே அவ்வப்போது ஈடுபடுவது தான் கொடுமை.

பழங்காலத்தில் பிற மொழி இலக்கியங்களுக்கும் தமிழ் இலக்கியங்களுக்கும் போட்டி வைப்பார்களாம். எப்படி? தத்தம் மொழியில் எழுதப்பட்ட ஓலைச்சுவடிகளை ஆற்றில் வீசி எறிந்து, அவற்றுள் நீரோட்டத்தை எதிர்த்து வருபவையே நல்லவை என்று போட்டி. அடப்பாவிகளா... நல்ல இலக்கியத்தை படிச்சி பாத்தா தெரியுமே.. எதுக்கு ஆத்துல வீசனும் ? இந்த சூழ்ச்சியை நம்பிய நம் முன்னொர்களின் அறியாமையால் எத்தனை நிகரற்ற தமிழ் இலக்கிய நூல்கள் அழிந்தனவோ?

இவ்வாறு வரலாற்றை அழித்து தன் தலையில் தானே மண்ணை அள்ளிப் போட்டுக் கொள்வதில் பழந்தமிழனுக்கு தற்காலத் தமிழன் சற்றும் சளைத்தவன் இல்லை. எங்கோ ஒன்றாக மலைப் பாறைகளுள் ஒளிந்து கிடக்கும் வரலாற்று சிறப்பு மிக்க கல்வெட்டுக்களை கொஞ்சம் கூட கவலைப்படாமல் கல் குவாரிகள் அமைத்து தன் வரலாற்றுக்கு தானே வேட்டு வைத்து வருகிறான் (மேலதிக தகவல்)

இப்படி தமிழ் மொழிக்கும் தமிழருக்குமான வரலாற்றை அழிக்க நினைப்போர் கணினி/இணைய வெளியை மட்டும் விட்டுவிடுவார்களா என்ன? அப்படி முயற்சிக்கும் சிலரின் முயற்சிகள் பற்றியும் அவற்றை நாம் ஏன், எப்படி எதிர்க்க வேண்டும் என்பது பற்றியும் இந்த கட்டுரைத் தொடரில் நாம் விரிவாக அலசப் போகிறோம்.

அதற்கு முன்பு, இது தொடர்பான சில நுட்பங்களைப் பற்றி சுருக்கமாக பார்க்கலாம்.

ஒருங்குறி (Unicode): இப்போ நீங்க தமிழ்ல படிச்சிக்கிட்டு இருக்கீங்களே, இந்த கட்டுரையே ஒருங்குறியில எழுதுனது தான். ஒருங்குறின்னா ஒன்னுமில்லீங்க. உலகத்துல இருக்கும் எல்லா மொழி எழுத்துக்களுக்கும் கணினி புரிந்து கொள்ளுமாறு எண்களை ஒதுக்கி தரும் ஒரு முறை. இதனால என்ன பலன்னு பாத்தீங்கன்னா, இந்த ஒருங்குறி விண்டோஸ் லினக்ஸ் மாதிரி எல்லா இயங்கு தளங்களிலும்(Operating Systems) முன்கூட்டியே இருக்கறதல, தமிழ் எழுத்துக்களை படிக்க தனியா எழுத்துருக்களை (Fonts) நிறுவ வேண்டியதில்லை

இந்த ஒருங்குறியில் பயன்பாட்டில் இருக்கும் எல்லா மொழி எழுத்துக்களுக்கும் (உ.ம்: தமிழ், ஆங்கிலம், அரபி) BMP - Basic Multilingual Plane என்ற வரிசையில் எண்களை ஒதுக்கி தந்திருக்காங்க .

பயன்பாட்டில் இல்லாத வழக்கொழிந்து போன மொழி எழுத்துக்களுக்கும் (உ.ம்:எகிப்து கல்வேட்டு எழுத்துக்கள், பிராமி, பர்சியா, கோதிக் போன்றவை) SMP - Supplementary Multilingual Plane என்ற வரிசையில் எண்களை ஒதுக்கி தந்திருக்காங்க .

ஒருங்குறி சேர்த்தியம்(Unicode Consortium): இந்த பொது நல அமைப்பு தான் மேலே சொன்ன ஒருங்குறி(Unicode) ஐ வடிவமைத்து வருகிறது. புதுசா ஒரு எழுத்தை சேர்க்கனும்னா இவங்க கிட்ட அவங்க கேக்குற விதிகளுக்கு உட்பட்டு சொல்லி சேக்கலாம். (மேலதிக தகவல்)

தமிழ் வரிவடிவம்: இப்போ நாம தமிழை எழுதும் எழுத்து வடிவத்தை தான் தமிழ் வரி வடிவம் அப்படின்னு சொல்றோம். அதாவது ஒவ்வொரு உச்சரிப்புக்கும் உரிய எழுத்தை வரிவடிவம் என்று அழைக்கின்றோம்.(மேலதிக தகவல்)

கிரந்தம் வரிவடிவம்: இது பழங்காலத்தில் பயன்பட்டு வந்த ஒரு எழுத்து வடிவம். பெரும்பாலும் இதை சமஸ்கிருத மொழி உச்சரிப்புகளை தென்னிந்திய மொழிகளில் எழுத பயன்படுத்தினார்கள். கி.பி 6ஆம் நூற்றாண்டில் இருந்து கி.பி. 16 ஆம் நூற்றாண்டு வரை பயன்பாட்டில் இருந்த இந்த கிரந்த எழுத்துக்கள், சமஸ்கிருதத்தை எழுத 'தேவநகரி' என்ற இந்தி போன்ற எழுத்துமுறை (வரிவடிவம்) ஏற்றுக் கொள்ளப்பட்ட பின் இப்போது முற்றிலும் வழக்கொழிந்துவிட்டன. (மேலதிக தகவல்)

எழுத்துக்களுக்கும் மொழிக்குமான தொடர்பு: எந்த ஒரு மொழியையுமே எழுதனும்னா ஒரு எழுத்து வடிவம் தேவை இல்லையா? ஆனா ஒரு மொழிக்கு ஒன்றுக்கும் மேற்பட்ட எழுத்துமுறை (வரி வடிவம்) இருக்கலாம். அதே மாதிரி ஒரே எழுத்துமுறை (வரி வடிவம்) பல மொழிகளை எழுதப் பயன்படலாம்..

புரியலை இல்லை? சரி விரிவா பார்க்கலாம்..

ரகுபதி அப்படிங்கற பேரை ஆங்கிலத்துல எழுதினா 'RAGHUPATHY' அப்படின்னு எழுதலாம்.அதையே ப்ரெஞ்சுல எழுதினா 'RAGOUBADY' அப்படின்னு எழுதுவாங்க. இங்கே கவனிச்சீங்கன்னா ஆங்கிலம், ப்ரெஞ்சு, ரெண்டுலயுமே பயன்படுவது லத்தீன் எழுத்துமுறை (வரிவடிவம்). ஆனா ஆங்கில உச்சரிப்பும் ப்ரெஞ்சு உச்சரிப்பும் வேற வேற... இப்படித்தான் ஒரே எழுத்துமுறை (வரி வடிவம்) பல மொழிகளில் பயன்படுது

எப்படி கிரந்தம், தேவநகரி என்று இரு எழுத்து முறைகளை (வரிவடிவம்) சமஸ்கிருதம் எழுத பயன்படுத்தினார்களோ அதே போல பழங்காலத்துல தமிழ் என்ற ஒரே மொழியை எழுதுவதற்கு வட்டெழுத்து (மேலதிக தகவல்) தமிழ் ப்ராமி/தமிழி (மேலதிக தகவல்) போன்ற பல்வேறு எழுத்துமுறைகளை (வரிவடிவம்) பயன்படுத்தினாங்க. இது போக தமிழில் சமஸ்கிருத உச்சரிப்புகளை எழுத கிரந்த எழுத்துக்களை (மேலதிக தகவல்) பயன்படுத்தினாங்க.

இப்படி பல எழுத்து முறைகளை வைத்து எழுதிக் கொண்டிருந்த தமிழ் பிற்காலத்துல இன்றைக்கு நாம் பயன்படுத்தும் எழுத்துமுறைக்கு வந்தது.

புரிஞ்சதுங்களா?

சரி, இப்போது இச்சிக்கல் குறித்து பார்க்கலாம்.

கொஞ்ச நாளுக்கு முன்னாடி நீங்க தொலைக்காட்சி செய்திகள்ல "தமிழ் ஒருங்குறி அமைப்பதை தள்ளி வைக்க மத்திய அரசுக்கு தமிழக முதல்வர் கடிதம்" அப்படின்னு ஒரு செய்தி பார்த்திருப்பீங்க. அது பத்தி தான் நாம இங்கே பேசப் போறோம்.

வேடிக்கை என்னன்னா தமிழ் ஒருங்குறியெல்லாம் எப்பவோ அமைச்சாச்சு, அதைத்தான் நாம பயன்படுத்துறோம். நீங்க உங்க கணினியில எந்த ஒரு ஃபாண்ட்(font)டையும் நிறுவாம(install) இந்த கட்டுரையை படிச்சிக்கிட்டு இருக்கீங்கன்னா அது இந்த கட்டுரையை ஒருங்குறியில எழுதியிருக்கறதால தான்.

அந்த செய்திக்கு காரணமான சிக்கல் என்னன்னா தமிழ் ஒருங்குறியில சிலர் கேட்டிருக்கும் மாற்றங்கள் தான். அதைத்தான் தள்ளி வைக்கனும்னு மத்திய அரசை கேட்டிருங்காங்க. இந்த சிக்கல் என்ன? இதுக்கு நாம ஏன் மத்திய அரசை கேக்கனும்? நேரடியா ஒருங்குறி சேர்த்தியதையே கேக்க முடியாதா? அப்படின்னு இங்கே பார்க்கலாம்.

இந்த தமிழ் ஒருங்குறி தொடர்பா 4 வகையான மாற்றங்கள் ஒருங்குறி சேர்த்தியத்திடம் கோரப்பட்டன.

முதல்ல ஸ்ரீ ரமண சர்மா அவர்களின் 'விரிவுபடுத்தப்பட்ட தமிழ்' முன்மொழிவு: இதற்கும் கிரந்த வரிவடிவங்களுக்கும் எந்த தொடர்பும் இல்லை. இந்த முன்மொழிவில் கிரந்த/வடமொழி உச்சரிப்புகளை தமிழில் எழுதுவதற்காக, தமிழ் எழுத்துக்களுடன் 2,3,4 முதலிய எண்களை superscript ஆக சேர்த்து க² க⁴ ஜ² த⁴ ப³ என்றவாறு எழுதுவதற்கு ஏதுவாக அந்த எழுத்துக்களை தமிழ் ஒருங்குறி வரிசை இருக்கும் BMP (Basic Multilingual Plane - அடிப்படை பன்மொழி வெளி) வரிசையில் தனியாக சேர்க்க கோரப்பட்டுள்ளது.

இதை நிறைய பேர் கிரந்த எழுத்துக்களை தமிழோட சேர்க்கனும்னு தப்பா புரிஞ்சிகிட்டு போராட்டமெல்லாம் நடத்துறாங்க. இந்த கோரிக்கை கிரந்த எழுத்துக்களை தமிழோட சேர்க்க இல்லை, தமிழ் எழுத்துக்களோட 1,2,3 போன்ற எண்களை மேற்கோள்களாக (superscript) சேர்க்க.

அதாவது, தமிழில் வடமொழி போன்றவற்றில் இருக்கும் உச்சரிப்புகளை எழுத "இலத்தீன் எழுத்துக்களை grave, accent, caret போன்ற துணைக்குறியீடுகளை இணைத்து புதிய ஒலிகளை குறிப்பிடுவது போலத்தான். உதாரணமாக, e என்ற எழுத்து è é ê ë என்றவாறாக பல்வேறு துணைகுறியீடுகளை ஏற்றுக்கொண்டு பல்வேறு ஒலிகளை வெளியிடுவது போல" இந்த 1,2,3,4 மேற்கோள்களுடன் கூடிய எழுத்துக்களும் தேவை அப்படின்னு மாற்றம் கேட்டாங்க. இதை "விரிவுபடுத்தப்பட்ட தமிழ்" (Extended Tamil) அப்படின்னு இப்ப தமிழ் இருக்கும் வரிசையுடன் தனியாக ஒருங்குறியில சேர்க்கனும் அப்படிங்கறாங்க.

இந்த மாதிரி 1,2,3,4 மேற்கோளையும் இலத்தீனின் grave, accent, caret போன்ற குறியீடுகளையும் ஒப்பிட கூடாது. ஏன்னா ஆங்கில எழுத்துக்களோட இலத்தீனின் grave, accent, caret இதெல்லாம் தனியா சேக்க முடியாது. ஆனா 1,2,3,4 மேற்கோளை தமிழ் எழுத்துக்களோட தனித்தனியா சேத்து இவங்க கேக்குற மாற்றம் இல்லாமலேயே இந்த எழுத்துக்களை கொண்டு வர முடியும்

அதாவது 'க' இருக்கா, அது கூட ' ² ' சேர்த்துங்க... க² வந்துடுச்சில்ல.. அவ்வளவுதான். ஆக, அச்சுக்கும், இணையத்துக்கும் ஏணைய தேவைகளுக்கும் இவங்க கேட்கும் இந்த மாற்றம் இல்லாமலே இப்போ இருக்கும் ஒருங்குறி எழுத்துக்களை வச்சே எழுத முடியும். அப்புறம் எதுக்கு 'க' வையும் ' ² ' ஐயும் சேர்த்து புதுசா க² அப்படின்னு இன்னோரு தனி எழுத்து..? அதுவும் தமிழ் வரிசையில?

சரி, இந்த கோரிக்கைன்னால தமிழுக்கு என்ன கேடு வந்துடப் போவுது? வடமொழி உச்சரிப்பை எழுதத் தானே இப்படி புது எழுத்துக்களை கேட்கறாங்க.. குடுத்தா என்ன? அப்படீங்கறீங்களா? இப்ப வடமொழி உச்சரிப்பை எழுதக் கேட்டவங்க தமிழையே அப்படி எழுத ஆரம்பிச்சா என்ன ஆகும்?

என்னுடை³ய பெ¹யர் த¹க³டூ³ர் கோ³பி¹, இந்த³ வலைத்¹த¹ளம் ரசி³னி ரசி¹க³ர்க³ளுக்¹கா¹க³ ரசி³னி ரசி¹க³ர்க³ளால் நடத்¹த¹ப்¹ப¹டு³கி³றது³. ரசி³னியின் பு¹தி³ய ப¹ட³ம் எந்தி³ரன் உலக³ அளவில் ப¹ல பு¹தி³ய சா¹த³னைக³ளைப்¹ ப¹டை³த்¹து¹ள்ளது¹

மேலே சொன்ன ஏதாவது புரியுதா? தமிழில் ஒலிப்பு இந்த மாதிரி 1,2,3,4 கொண்டு கட்டுப்படுத்தப்படுவதில்லை. தமிழ் ஒலிப்பு முற்றிலும் தமிழ் இலக்கண விதிகளால் கட்டுப்படுத்தப்படுகிறது.

அதாவது, 'க' அப்படிங்கற எழுத்து தங்கம் என்ற சொல்லில் க³ (ga) ஒலிப்புடன் இருக்கனும், அகம் என்ற சொல்லில் ஹ (ha) ஒலிப்புடன் இருக்கனும், கவிதை என்ற சொல்லில் க¹ (ka) ஒலிப்புடன் இருக்கனும் இது ஒரு தமிழ் இலக்கண விதி. இது போல எந்த இடத்தில் வரும் தமிழ் எழுத்தை எப்படி உச்சரிக்கனும்ங்கறதுக்கு பல விதிகள் இருக்கு. மற்ற மொழி எழுத்துக்கள் போல ஒவ்வொரு ஒலிப்புக்கும் தமிழில் தனி எழுத்து தேவையில்லை, இலக்கணம் இருக்கு, அதனாலதான் தமிழ் மிகக் குறைந்த அடிப்படை எழுத்துக்களுடன் கூடிய தனித்துவம் வாய்ந்த மொழியா இருக்கு.

இலக்கணம் படிக்க சோம்பேறித்தனப்பட்டு இப்படி 1,2,3,4, போட்டு எழுத ஆரம்பிச்சா இப்படித்தான் தமிழ் மாறிப்போயிடும்னு தமிழ் உணர்வாளர்கள் பயப்படுறாங்க.

ஆனா நான் அப்படியெல்லாம் மாறிடும்னு பயப்படலை. ஏன்னா, வெளி மாநிலத்திலயும் வெளிநாடுகள்லயும் வாழும் தமிழ் குழந்தைகள் இப்ப இருக்குற 30 + 1 (உயிர் 12, மெய் 18, ஆயுதம் 1) அடிப்படை தமிழ் எழுத்துக்களையே எழுதப் படிக்கத் தெரியாம வளர்றாங்க. அவங்க பேசுறது மட்டும் தான் தமிழ், அதைக்கூட ஆங்கிலம் போன்ற பிற மொழி எழுத்துக்களில் தான் எழுதிப் படிக்கறாங்க. அதனால புதுசா இந்த 1,2,3,4 மேற்கோள் கொண்ட எழுத்துக்கள் அப்படியெல்லாம் தமிழைக் கெடுக்க முடியாது.

இந்த 1,2,3,4 மேற்கோள் கூட்டின தனி எழுத்துக்கள் நமக்கு எதுக்குமே தேவையில்லை, வடமொழி எழுத்தை எழுத விரும்புறவங்க மேலே நான் சொன்ன மாதிரி தமிழ் எழுத்துடன் தனித்தனியே மேற்கோள்களை சேர்த்து எழுதிக்கலாம்.

இதைத் தான் தமிழ் மேல அக்கறை இருக்கும் எல்லாரும் ஒருங்குறி சேர்த்தியத்துக்கு சொல்லியிருக்காங்க. ஆக, இந்த கோரிக்கை நிராகரிக்கப்படும்னு நம்புவோம்.

சரி இது போக இன்னும் மூன்று கோரிக்கை இருக்குன்னு சொன்னேன் இல்லையா? அதை எல்லாம் அடுத்து வரும் பகுதிகளில் பார்க்கலாம்.

----- தொடரும்.
-----------------------------------------------------------------------------------------------------------------------------------------------------------------------------------------


"கட்டுரையாளர் தகடூர் கோபி, தர்மபுரிக்காரர். தற்போது ஐதராபாத்தில் வசித்து வரும் இவர் ஒரு ரஜினி ரசிகர், ரஜினிஃபேன்ஸ்.காம் தளத்தின் தொழில்நுட்ப ஆலோசகர். தமிழ் வலைப்பதிவு சமூகத்தில் நன்கு அறியப்பட்ட ஒரு கணினி தொழில்நுட்பவியலாளர். தமிழ் மென்பொருள்கள் பலவற்றை வடிவமைத்து தயாரித்து அவற்றை இலவசமாகவும் கட்டற்ற முறையிலும் தமிழ்க் கணிமை சமூகத்துக்கு அளித்து வருபவர். கட்டுரையில் சொல்லப்பட்டுள்ள கருத்துகள் அவரது சொந்த கருத்துக்களே."

http://rajinifans.com/latest_news_detail.html?rId=1563

மதுரையில் சாலை விபத்தில் பலியான ரசிகர் கார்த்திக்கின் குடும்பத்துக்கு ரூ 4 லட்சம் நிதியுதவி..
2010-Dec-06

மதுரையில் சாலை விபத்தில் பலியான ரசிகர் கார்த்திக்கின் குடும்பத்துக்கு ரூ 4 லட்சம் நிதியுதவி செய்தார் தலைவர். விபத்தில் காயம்பட்ட இரு ரசிகர்களுக்கும் தலா ரூ 20000 நிதி வழங்கினார்.

மதுரையில் நடந்த மத்திய அமைச்சர் முக அழகிரியின் மகன் திருமணத்தில் கலந்து கொள்ள குடும்பத்துடன் சென்றிருந்தார் தலைவர். அப்போது அவரது காரைப் பின் தொடர்ந்து கார்கள் மற்றும் வாகனங்களில் சென்றனர் மதுரை ரசிகர்கள். அப்போது எதிர்பாராதவிதமாக ரசிகர்கள் வந்த டாடா சுமோ கவிழ்ந்துவிட, அதில் பயணம் செய்த கார்த்திக் என்ற ரசிகர் பரிதாபமாக இறந்தார். உடன் வந்தவர்களில் இரு ரசிகர்களுக்கு காயம் ஏற்பட்டது.

உடனடியாக இந்த விஷயம் தலைவரின் கவனத்துக்குக் கொண்டு வரப்பட்டது. மிகவும் மனம் வருந்திய தலைவர், கார்த்திக்கின் மரணத்துக்கு இரங்கல் தெரிவித்து அறிக்கை வெளியிட்டார். அதில், கார்த்திக்கின் குடும்பத்தினரை விரைவில் சந்தித்து ஆறுதல் கூறவிருப்பதாகவும், உதவி செய்யப் போவதாகவும் கூறியிருந்தார்.

அதன்படி நேற்று கார்த்திக்கின் குடும்பத்தினர் அனைவரையும் சென்னை ராகவேந்திரா மண்டபத்துக்கு அழைத்து வர ஏற்பாடு செய்திருந்தார். மதுரை மாவட்ட மன்ற நிர்வாகிகள் அவர்களை அழைத்து வந்தனர்.

கார்த்திக்கின் தாய் தந்தைக்கு ஆறுதல் கூறிய தலைவர், அவர்களிடம், "உங்கள் இழப்புக்கு ஈடாக எதையுமே யாராலும் செய்ய முடியாது. இருந்தாலும் இப்போது சிறிய நிதியுதவியை அளிக்கிறேன்" என்று கூறி, ரூ 4 லட்சத்தை வழங்கினார்.

இந்தத் தொகையில் கார்த்திக்கின் இரு சகோதரிகளுக்கும் தலா ஒரு லட்சம் வங்கியில் வைப்புத் தொகையாக செலுத்தி அதற்கான ஆவணங்களைத் தந்தார். கார்த்திக்கின் பெற்றோரிடம் ரூ 2 லட்சம் ரொக்கத்துக்கான காசோலையை வழங்கினார்.

கார்த்திக் பற்றிய விவரங்களைக் கேட்டறிந்த தலைவர், அவரது புகைப்படங்களையும் வாங்கிப் பார்த்தார். ரசிகர்கள் பொறுமையுடனும் நிதானத்துடனும் செயல்படவேண்டும் என்றும் அவசரப்பட்டு இதுபோன்ற விபத்துக்களில் சிக்கிக்கொள்ளாமல் கவனத்துடன் செல்ல வேண்டும் என்றும் அறிவுரை கூறினார்.

எதிர்காலத்தில் தேவைப்படும் உதவிகளைச் செய்வதாகவும் அவர்களுக்கு ஆறுதல் கூறி அனுப்பி வைத்தார்.

http://rajinifans.com/latest_news_detail.html?rId=1562

'இளைஞன்' ஆடியோ வெளியீட்டு விழாவில் தலைவர் ..
2010-Dec-06

முதல்வர் கருணாநிதி கதை, திரைக்கதை, வசனம் எழுதியிருக்கும் புதிய படம், 'இளைஞன்.'

பொங்கல் வெளியீடாக திரைக்கு வரவுள்ள இந்தப் படத்தின் பாடல்கள் வெளியீட்டு விழா, சென்னை சத்யம் தியேட்டரில் ஞாயிற்றுக்கிழமை நடந்தது. பாடல்களை முதல்வர் கருணாநிதி வெளியிட, அதை தலைவர் பெற்றுக்கொண்டார்.

இந்நிகழ்ச்சியில் தலைவர் பேசுகையில், ''நல்ல குணம் இருப்பதால்தான் முதல்வர் கருணாநிதி இவ்வளவு காலமாக பொதுவாழ்க்கையில் இருக்கிறார். அவர் எப்போதுமே மெயின் ரூட்டில் ஊருக்குள் போகிறவர். ஊருக்கு வெளியே பைபாசில் போவதில்லை. ஊருக்குள் போகிற நல்ல குணம் அவருக்கு இருக்கிறது.

என்னை வித்தியாசமாக காட்டிய டைரக்டர் சுரேஷ்கிருஷ்ணா. 'அண்ணாமலை' படத்தில் ஒரு வித்தியாசமான ரஜினிகாந்தை காட்டினார். தொடர்ந்து பாட்ஷா, வீரா ஆகிய படங்களில் என்னை மாறுபட்ட கதாபாத்திரங்களில் காட்டினார்.

இந்த படத்தின் டிரைலர் பார்த்தேன். ஷங்கர் படங்கள் அளவுக்கு பிரமாண்டமாக இருந்தது. ஒரு நல்ல நடிகராக பா.விஜய்யை பார்த்தேன். இந்த வயதிலும் இளைஞர்களுக்கு வாலி பாட்டு எழுதுகிறார். அதேபோல் இந்த சின்ன வயதில் வாலி அளவுக்கு பாட்டு எழுதும் பா.விஜய்யை பாராட்டுகிறேன்.

எனக்கு நடிகர் நம்பியாரை ரொம்ப பிடிக்கும். அவர் எப்போதுமே சந்தோஷமாக இருப்பார். அவரிடம், உங்களுக்கு வயது என்ன ஆகிறது? என்று கேட்டேன். ''என் உடம்புக்கு வயது 80. மனசுக்கு வயது 18'' என்றார்.

அதேபோல் தான் கலைஞரும் இளைஞராக இருக்கிறார். கலைதான் அவரை இவ்வளவு சந்தோஷமாக, ஆரோக்கியமாக வைத்து இருக்கிறது. அவருடைய பேனாவுக்கு இன்னும் வயது ஆகவில்லை. இன்னும் அவர் நீண்டகாலம் வாழ்ந்து நாட்டுக்கும், கலைக்கும் சேவை செய்ய வேண்டும்," என்றார்.

http://rajinifans.com/latest_news_detail.html?rId=1561

டிசம்பர் 10-ல் ரஜினி - லதா தம்பதிக்கு அறுபதாம் கல்யாணம்!

சூப்பர் ஸ்டார் ரஜினிகாந்துக்கும், அவருடைய மனைவி லதா ரஜினிகாந்துக்கும் அறுபதாம் கல்யாணம் வருகிற 10ந் தேதி (வெள்ளிக்கிழமை) சென்னையில் நடக்கிறது.

ரஜினிக்கு வருகிற 12ந் தேதி 60 வயது முடிவடைந்து, 61-வது வயது பிறக்கிறது. இதையொட்டி அவருக்கும், அவருடைய மனைவி லதா ரஜினிகாந்துக்கும் அறுபதாம் கல்யாணம் செய்து வைக்க அவரது மகள்கள் மருமகன்கள் மற்றும் உறவினர்கள் முடிவு செய்திருக்கிறார்கள்.

அதன்படி, ரஜினிகாந்த் - லதா ரஜினிகாந்த் தம்பதியின் அறுபதாம் கல்யாணம் வருகிற 10ந் தேதி (வெள்ளிக்கிழமை) சென்னை போயஸ்க கார்டனில் உள்ள அவர்களின் வீட்டில் நடக்கிறது.

அன்று காலை 10 மணிக்கு நிகழ்ச்சிகள் தொடங்குகிறது. புரோகிதர்கள் மந்திரம் ஓத, மங்கள வாத்தியங்கள் முழங்க, ரஜினிகாந்துக்கும் லதா ரஜினிகாந்துக்கும் அறுபதாம் கல்யாணம் நடக்கிறது. இந்த விழாவில், நெருங்கிய உறவினர்களும், நண்பர்களும் கலந்து கொள்கிறார்கள்.

http://thatstamil.oneindia.in/movies...ini-latha.html

Rajini and Dharam at this event!
V Lakshmi, TNN, Dec 8, 2010, 12.01am IST

It was one of those rare occasions when two of the biggest names in the Indian film industry celebrated their birthdays together.

Bollywood's macho man Dharmendra and Kollywood's Superstar Rajinikanth, whose birthdays fall on December 8 and 12 respectively, cut the cake and wished each other amidst loud cheers from their fans on Monday evening at the anniversary celebration of the school founded by Latha Rajinikanth. What's more, Latha took this opportunity to pay a tribute to director Shankar and his team for giving film buffs this year's biggest hit, Endhiran. Several school children swayed to the tunes from the film, as Shankar fondly looked on.

Dharmendra, who referred to Latha and Rajini as his younger siblings, said that this birthday was special to him, not only because it marked his 50th year in the film industry, but also because he and his wife, Hema Malini were awarded by Latha.

The evening also saw Rajini's close friend Bahaddur share the stage with the Superstar. Bahaddur reminisced about his days with Rajini and said, "Rajini is as close to me even now as he was when I was the driver and he, the conductor of bus in Bangalore. It's rare to come across such a humble person."

Among others to be awarded at the event were S Venkatraghavan, Vietnam Veedu Sundaram, K Viswanath and C Rajasulochana.

http://timesofindia.indiatimes.com/e...#ixzz17WorBEZF