Nadigar Thilagam Sivaji Ganesan - Part 5

Quote:

---

Originally Posted by Murali Srinivas

மகாராஜன் உலகை ஆளலாம் - ராகம் கரகரப்ரியா

படத்தில் இடம் பெறாமல் போனாலும் ஏராளமான மக்கள் மனதில் நிரந்தரமாக தங்கியுள்ள பாடல். அதிலும் நடிகர் திலகம் - தேவிகா ஜோடி எனும் போது பாடல் காட்சி மிக பிரமாதமாக வந்திருக்கும்.

---

டியர் முரளி,
மிகச்சரியாகச்சொன்னீர்கள். நமக்குத்தான் கொடுப்பினையில்லை.

Quote:

---

Originally Posted by Murali Srinivas

ஒரு சில படங்களில் பதிவு செய்யப்பட்ட நல்ல பாடல்கள் இடம் பெறாமல் போவது வருத்தத்துக்குரிய விஷயம். உதாரணத்திற்கு இரத்த திலகம் படத்தில் தாழம்பூவே தங்க நிலாவே, வசந்த மாளிகையில் அடேயப்பா ராசப்பா சங்கதி என்ன போன்றவற்றை குறிப்பிடலாம்.

---

அப்படி விடுபட்டுப்போன இன்னொரு அருமையான பாடல்
'தென்றல் வரும் சேதி வரும்
திருமணம் பேசும் தூது வரும்' (பாலும் பழமும்)

வசந்தமாளிகையில் இடம்பெறாமல் போன 'அடியம்மா ராசாத்தி சங்கதி என்ன' பாடல் பற்றிச் சொல்ல வேண்டும்.

ஒருமுறை பிலிமாலயா இதழில் பாலமுருகன் சொல்லியிருந்தார். இப்பாடல் மலைவாழ் மக்களிடையே சிவாஜியும் வாணிஷ்ரீயும் ஆடிப்பாடும் காட்சிக்காக எழுதி இசையமைக்கப்பட்டதாம். பாடலின் இடையே காதலர்கள் பாடிக்கொள்வதுபோன்ற வரிகள் இடம் பெற்றிருந்ததாம். ஆனால் அந்தக்காட்சி வரும் சமயத்தில் சிவாஜிக்கும் வாணிக்கும் இடையில் காதல் உண்டாகியிருக்கவில்லை (அதுவரை 'இளைய ஜமீன்தார் - செக்ரட்டரி' உறவுதான்). சிவாஜிக்காவது வாணி மீது ஒருவித ஈர்ப்பு ஏற்பட்டிருக்கும், ஆனால் வாணிக்கு அப்படி ஒரு எண்ணமே அதுவரை வந்திருக்காது. அந்த சமயத்தில் இந்தப்பாடலை வைத்தால் அபத்தமாக இருக்கும் என்பதாலும், ஏற்கெனவே சிவாஜி பற்றி வாணி இப்படிப்பட்ட காதல் வரிகளைப்பாடிவிட்டால், பின்னர் 'வசந்தமாளிகை கண்ணாடிக்காட்சி'க்கு ("என் இதயத்தில் குடியிருக்கும் அந்த தேவதையைப்பார்க்க வேண்டுமா?. உள்ளே சென்று பார். அங்குதான் அவள் இருக்கிறாள். என் இதயமும் இருக்கிறது") அவ்வளவு எஃபெக்ட் இருக்காது என்று கருதியதாலும், எல்லோரும் முடிவு செய்து இப்பாடலை நீக்கிவிட்டு, அதற்கு பதிலாக வெறும் இசைக்கு ஆடுவதாகக் காட்டிவிட்டார்களாம்.

சரியாகச்சொன்னீர்கள் திரு முரளி . நம் நடிகர் திலகத்தின் பார் மகளே பார் திரைக்காவியத்தில் ஒரு அற்புதமான பாடலான
என்னை தொட்டு சென்றன கண்கள். ஏக்கம் தந்தே சென்றன கைகள்.

கைவிடப்பட்டது. பி.பி.எஸ். மற்றும் சுசீலாவின் குரலில் அமைக்கப்பட்ட இப்பாடல் ஒரு மேற்கத்திய இசையான வால்ட்ஸை போல இருக்கும்.

Once my brother said one of the Vasantha Maaligai version had 'Adiyamma Raasaathi sangathiyenna' song like its -ve climax scene. Is it true?

படத்திலிருந்து நீக்கப் பட்ட பாடல்கள், வேறு படத்துக்கு பயன்படுத்தப் பட்ட பாடல்கள், முதலில் இடம் பெற்று பின்னர் நீக்கப் பட்ட பாடல்கள், இப்படி பல வகையில் ரசிகர்கள் நெஞ்சில் இடம் பெற்ற பாடல்கள் பல உண்டு. முரளி சார் குறிப்பிட்டது போல், இதில் முதன்மை வகிப்பது மஹராஜன் பாடல் தான். அதே போல் வசந்த மாளிகை படத்தில் இடம் பெறாமல் போன அடியம்மா ராசாத்தி பாடல் படமாக்கப் படவில்லை. பாடல் மட்டும் பதிவு செய்யப் பட்டது. இப் பாடலுடன் இன்னொரு பாடலும் இதே இருவர் குரலில் பதிவு செய்யப் பட்டு பின்னர் வேறொரு படத்தில் பயன் படுத்தப் பட்டது. அப் பாடல் நெருங்கி நெருங்கி பழகும் போது என்று துவங்கும் நேற்று இன்று நாளை படப் பாடல். இப் பாடல் தற்செயலாக இப் படத்தில் இடம் பெற்றது. இதன் கூட பதிவு செய்யப் பட்டு பயன்படுத்தப் பட்ட மற்றொரு பாடலும் உண்டு. அது பட்டிக் காட்டுப் பொன்னையா படத்தில் இடம் பெற்றது. இந்த மூன்று பாடல்களும் ஒரே சமயத்தில் பதிவு செய்யப் பட்டன. ஒரு தயாரிப்பாளருக்காக உருவாக்கிய பாடல் வெவ்வேறு தயாரிப்பாளர்களால் பின்னர் பயன்படுத்தப் பெற்றன.
அதே போல் பார் மகளே பார் படத்தில் என்னைத் தொட்டு பாடலும் படத்தில் இடம் பெற்ற பாடல் தான். நானே அப்பாடலைப் பார்த்திருக்கிறேன். நெகடிவ் பிரதி எடுக்கும் போது அப்பாடல் மிகவும் பலவீனமாக இருந்ததால் அப்பாடலை மறு பிரதி எடுக்க முடியாமல் கைவிட்டதாகவும் கேள்வி. தாழம்பூவே பாடல் படமாக்கப் படவில்லை எனவும் கேள்விப் பட்டிருக்கிறேன்.

ராகவேந்திரன்

நன்றி சாரதா.

வசந்த மாளிகையில் அடியம்மா ராசாத்தி பாடல் இடம் பெறாத காரணம் பற்றி பாலமுருகன் சொன்னது சரியான பாயிண்ட்.

ராகவேந்தர் சார்,

பார் மகளே பார் படத்தில் என்னை தொட்டு சென்றன பாடல் முதலில் இடம் பெற்றது என்ற செய்தியை நான் இப்போது தான் கேள்விப்படுகிறேன். முத்துராமன் விஜயகுமாரி டூயட் பாடலா அது?

நன்றி ஹேஸ்டிங்ஸ்

அன்புடன்

முரளி சார்,

இப்படத்தில் இரு இளம் ஜோடிகள். ஒன்று, ஏ.வி.எம்.ராஜன் - புஷ்பலதா . மற்றும் முத்துராமன் - விஜயகுமாரி.

அக்காலத்தில் முத்துராமனுக்கு ( ஜெமினியை தவிர ) பி.பி.எஸ். அதிகம் பாடியுள்ளார். எனவே, நான் இப்பாடலும் முத்துவிர்கு தான் என எண்ணுகிறேன்.

இப்படத்தின் ஒரு வியத்தகு அம்சத்தை பார்த்தீர்களா !! நம் நடிகர் திலகத்தின் வயது மிக மிக சிறயது அப்போது. ஆனால் அவர் செய்த வேடமோ ஒரு 45-50 வயது தந்தை. இது ஒன்றே போதும், அவர் காலத்தை வென்றவர் என்பதற்கு.

ஓரு வேண்குகோள் விடுக்கிறேன். என்னால் முடிந்தவரை இத்திரைகாவியத்தினை பற்றி எழுதுகிறேன் சகோதரி சாரதாவின் அனுமதியோடு. பகுதி பகுதியாக எழுதுகிறேன். நன்றி.

Quote:

---

Originally Posted by Irene Hastings

என்னால் முடிந்தவரை இத்திரைகாவியத்தினை பற்றி எழுதுகிறேன் சகோதரி சாரதாவின் அனுமதியோடு. பகுதி பகுதியாக எழுதுகிறேன். நன்றி.

---

Dear Irene Hastings,

இந்த வரிகளை எதற்கு எழுதினீர்கள் என்பதுதான் தெரியவில்லை.

சர்ச்சைகளுக்குள் விழாத வகையில், மாடரேட்டர்களின் ஆட்சேபத்துக்கு ஆளாகாத வகையில் இங்கு யார் வேண்டுமானாலும் எதைப்பற்றி வேண்டுமானாலும் யாரைப்பற்றி வேண்டுமானாலும் எழுதலாம். அதற்கு யாருடைய அனுமதியும் தேவையில்லை. அதிலும் போயும் போயும் என்னுடைய அனுமதி......????????. நான் யார் உங்களுக்கோ மற்றவர்களுக்கோ அனுமதி அளிக்க...????.

எழுத விரும்பியதை நீங்க எழுத வேண்டியதுதானே...!!.

நன்றி ராகவேந்தர் சார் மற்றும் முரளி சார் அவர்களுக்கு.. திரு Hestings அவர்களுக்கு உங்களின் எழுத்தில் 'பார் மகளே பார்' பார்த்திட காத்திருக்கிறேன்.

டியர் முரளி,
பாடல் பதிவுபெற்று படத்தில் இடம்பெறாத பாடல்களில் இன்னொன்று, "யாரோடும் பேசக்கூடாது.... ஆகட்டும்" (ஊட்டிவரை உறவு). பி.பி.எஸ்., ஈஸ்வரி குரல் என்பதால் அது நிச்சயம் முத்துராமன் - எல்.வி. ஜோடிக்காகத்தான் இருக்க வேண்டும்.

ஒரு பாடலுக்கு பதிலாக வேறொரு பாடல் இடம்பெற்றதும் சிலமுறை நடந்ததுண்டு....

'பொம்பளையா லட்சணமா பொடவையைக்கட்டு' பாடலுக்கு பதிலாக, 'சிங்கார தேர் கூட திரை மூடிப் போகும்' (இளைய தலைமுறை)

'என் மனது ஒன்றுதான் உன் மீது ஞாபகம்' பாடலுக்கு பதிலாக 'அம்மானை... அழகு மிகும் கண்மானை' (அவன் ஒரு சரித்திரம்)

உயர்ந்த மனிதன் படத்தில் வரும் 'என் கேள்விக்கென்ன பதில்' பாடல், படத்தில் வந்த VERSION வேறு, இசைத்தட்டில் வந்த VERSHION வேறு. (இசைத்தட்டு வெர்ஷனில் பாங்கோஸ் பயன்படுத்தப்பட, படத்தில் தபேலா பயன்படுத்தப்பட்டிருக்கும். மனதைக்கவர்வது இசைத்தட்டு வடிவம்தான்).

டியர் ராகவேந்தர்,

'நெருங்கி நெருங்கி பழகும்போது' (நே.இ.நாளை) பாடலில் கே.வி.எம் முத்திரை நன்றாகத்தெரிகிறது. முதலில் கே.வி.எம். மாமாவை புக பண்ணிவிட்டு அப்புறம் எம்.எஸ்.வி. அவர்களிடம் மாறினார்களோ என்று நினைத்தேன். நீங்க சொன்னபின் உண்மை புரிந்தது.

Oh! My God !!! so much of informations !!! To be honest, I was not at all aware that so many wonderful gem of songs have been deleted from NT's films. Especially, " Maharajan..". What a song !

Thank you Murali sir, Raghavendra sir, Saradha mam & Irene.