நீங்கள் சொல்வது உண்மை. உண்மையைத்தவிர வேறொன்றுமில்லை.Quote:
Originally Posted by Prabhu Ram
மற்ற படங்களில் என்றால் அதிக பட்சமாக கதாநயகன், நாயகியின் பாத்திரப்பெயர்கள் மட்டுமே நினைவில் இருக்கும். மற்றவைகள் எல்லாம் நடிகர்களின் உண்மைப்பெயரிலேயே நினைவுக்கு வரும். ஆனால் தில்லானா மோகனாம்பாளில், நெருக்கி அனைத்து கலைஞர்களுமே, பாத்திரப்பெயருடனேயே நினைவுக்கு வருவர்.
உதாரணமாக... சிக்கல் சண்முக சுந்தரம் (நடிகர்திலகம்), நாகரத்தினம் (ஏவிஎம் ராஜன்), வைத்தி (நாகேஷ்), வடிவாம்பாள் (சிகேசரஸ்வதி), மோகனா (பத்மினி), மிட்டாதார் நாகலிங்கம் (சகாதேவன்), வரதன் (டி.ஆர்.ஆர்), முத்துராக்கு (பாலையா), ரோசாராணி என்கிற ஜில்ஜில் ரமாமணி என்கிற கருப்பாயி (மனோரமா).... இதுபோக பெயரில்லாமல் அடைமொழியோடு சிங்கபுரம் மைனர் (பாலாஜி), மதன்பூர் மகாராஜா (நம்பியார்), வெத்தலைப்பெட்டி, நட்டுவாங்கம் (தங்கவேலு) ஒவ்வொன்றும் எவ்வளவு ஜீனுள்ள பாத்திரங்கள்...!!!. அத்துடன் சாரங்கபாணி, சகஸ்ரநாமம், நாகையா போன்ற பழுத்த அனுபவசாலிகள். 'தில்லானாவின்' மாபெரும் வெற்றிக்கு, ஏபி.என். 'பாத்திரமறிந்து கலைஞர்களை இட்டதும்' ஒரு பெரிய காரணம். ஏனென்றால் இவர்கள் அனைவரும் நடிக்கவில்லை. கதாபாத்திரங்களாக வாழ்ந்தார்கள்.
இது வெறும் கூற்று அல்ல உண்மை...
சிக்கலார், வைத்தி, வடிவு, ஜில்ஜில்ரமாமணி, மோகனா ரோல்களுக்கெல்லாம் இவர்களைத்தவிர வேறு யாரையும் பொருத்திப்பார்க்கவே முடியாது.