new serials/programs

Polimer TV, which is trying its best like most of its contemporary regional television channels to stay afloat amid stiff competition, is
all set to broadcast the Tamil dubbed version of the popular Hindi television serial Madhubala from 18th February onwards.

Quote:

---

Of late, many Hindi serials are increasingly being dubbed into Tamil and are aired on various regional channels. The richness of costumes of the artistes and the overall ‘majestic’ look these dubbed tele-serials have around them are unmistakable. Polimer TV is now bringing on air from next Monday the dubbed version of the hugely popular Hindi teleserial Madhubala.

Starring the amazingly beautiful Drasthi Dhami in the title role, the serial’s script revolves around the life of a girl born on the sets of a film’s shoot. The serial went on air in its Hindi version on Colors TV last year to commemorate the 100-odd years of the rich and varied tradition of India films. The serial’s TRP ratings have hardly come down all these months and it is one of the most-liked soaps among the Hindi-speaking populace.

Madhubala, despite being born in filmy backdrop, is neither interested in films nor willing to becoming an actress. In fact, she is apprehensive of the tinsel town as she wants to pursue her dreams in an entirely different field other than films. However, she faces a
compulsion wherein she is forced to take to films. The script analyzes in detail the dreams and aspirations of a middle-class Indian
girl and the hurdles she faces in realizing the same.


Watch it for pretty Dhami and her awesome expressions if not for anything else!

---

விடைபெறும் திருமதி செல்வம்

Quote:

---

சன் டிவியில் குமரன் இயக்கத்தில் 2007-ம் ஆண்டு முதல் ஒளிபரப்பாகி வரும் திருமதி செல்வம் தொடர் விரைவில் சுபம் போட இருக்கிறது. மறுபடியும் திருமதியிடம் சேரப்போகிறான் செல்வம். தன்னை நேசித்த பெண் தன்னை வீசி பிடித்தது வஞ்சக வலையால் என்பதை புரிந்த பிறகு, மனைவி தானே புகலிடம். செல்வமும் அதைத்தான் கிளைமாக்சில் செய்யப் போகிறான். தொடரில் சஞ்சீவ்-அபிதா ஜோடி நிஜத் தம்பதிகள் போல் அத்தனை கச்சிதம் என்பதே இந்தத் தொடருக்கான முதல் வெற்றி. இந்த தொடரைத் தொடர்ந்து குமரன் இயக்கும் தெய்வத்திருமகள் என்ற புதிய தொடர் வரவிருக்கிறது.

---

பேசும் படம்

Quote:

---

ஜெயா டிவியில் பேசும் படம் என்ற புதிய நிகழ்ச்சி இன்று முதல் ஒளிபரப்பாகிறது. திரையரங்குகளில் படம் பார்த்தபடியே விமர்சனம் செய்வது போல் வடிவமைக்கப் பட்டிருக்கிறது இந்த நிகழ்ச்சி. திரைக்கு வரும் புதிய தமிழ்ப் படங்கள் மட்டுமின்றி தெலுங்கு, இந்திப் படங்கள், அதோடு ஹாலிவுட் படங்களும் இந்த நிகழ்ச்சியில் விமர்சனம் செய்யப்படுகின்றன என்பது சிறப்பு. விமர்சிக்கப்படும் படங்களில் நடித்திருக்கும் நடிகர்-நடிகைகளும், இயக்குனர்களும் இந்த விமர்சன நேரத்தில் அரங்கில் இடம் பெறுகிறார்கள். நடிகர்அபிஷேக் நிகழ்ச்சியை தொகுத்து வழங்குகிறார்.

---

ஸ்வர்ண சங்கீதம் சீசன்-2

Quote:

---

ராஜ் டிவியில் சனி மற்றும் ஞாயிற்றுக்கிழமைகளில் இரவு 9.30 மணிக்கு ஒளிபரப்பாகி வரும் ‘ஸ்வர்ண சங்கீதம் சீசன்-2’ நிகழ்ச்சி, பிரமாண்ட மேடையில் பரபரப்பான போட்டிகளால் இன்னும் சூடு பிடித்திருக்கிறது. நிகழ்ச்சியை பிரபல நடிகை அனுஜா ஐயர் தொகுத்து வழங்குகிறார். பிரபல கர்நாடக இசைப்பாடகர்கள் பாபநாசம் அசோக் ரமணி, சவும்யா நடுவர்களாக இருந்து நிகழ்ச்சியின் ரசனையை இன்னும் அதிகரித்திருக்கிறார்கள். ஒவ்வொரு சுற்றிலும் சிறப்பு நடுவர்களாக சுதா ரகுநாதன், நித்யஸ்ரீ, உன்னி கிருஷ்ணன், ரஞ்சனி காயத்ரி, மஹதி, சின்ன பொண்ணு, அபிஷேக் ரகுராம், பிரியா சகோதரிகள், சிக்கில் குருசரண், ஓ.எஸ்.அருண் ஆகியோர் மெருகூட்ட, இறுதி சுற்றுக்கு இசை உலக ஜாம்பவான் டாக்டர் பாலமுரளி கிருஷ்ணா வருகிறார். போட்டிக்காக கோயம்புத்தூர், சேலம், ஓசூர், மதுரை, திருச்சி, சென்னை, பெங்களூர் என்று எல்லா நகரிலும் குரல் தேர்வில் நூற்றுக்கணக்கான இளம் ஆண்கள், பெண்கள் பங்கேற்றனர். அதிலிருந்து சிறந்த 12 குரல்கள் தேர்ந்தெடுக்கப்பட்டுள்ளன. போட்டியில் பாடகர்கள் தேர்வு பெற்ற நிகழ்ச்சியை வரும் வாரங்களில் காணலாம்.

---

விஜய் டி.வியில் என் தேசம் என் மக்கள்! 7

Quote:

---

விஜய் டி.வி.யில் ஞாயிறு தோறும் காலை 10 மணிக்கு ஒளிப்பரப்பாகும் புத்தம் புதிய புதுமையா நிகழ்ச்சிதான் என் தேசம் என் மக்கள். அன்றாடம் நாம் சந்திக்கும் பிரச்னைகளை வேடிக்கை மட்டும் பார்க்காமல், அவற்றை *எதிர்த்து கேள்வி *கேட்கும் பக்குவத்தை நாம் அ*டைந்துவிட்டால் அந்த பிரச்னை நாளடைவில் காணாமல் போகும் வாய்ப்புள்ளது. நமக்கிருக்கும் பிரச்னை நம் குடும்பத்தினுடையது. நம் குடும்பத்தின் பிரச்னை நம் சமுதாயத்தினுடையது, இந்த சமுதாயத்தின் பிரச்னை நம் நாட்டினுடையது. நாம் பாதிக்கப்பட்டிருக்கிறோம் என்று நாமே ஏற்றுக் கொள்கிறது பத்து முக்கியமான பிரச்னைகளுக்கு நாமே நேரடியாக ஒரு முற்றுப்புள்ளி வைக்கப்போகிற நிகழ்ச்சிதான் என் தேசம் என் மக்கள்.


ஒவ்வொரு ஞாயிறும் காலை 10 மணிக்கு விஜய் டி.வியில் முக்கிய சமுதாய பிரச்னைகளுக்கு தீர்வு காணப்போகும் புதுமையான நிகழ்ச்சிதான் என் தேசம் என் மக்கள். நீயா நானா கோபினாத் இந்நிகழ்ச்சியை தொகுத்து வழங்குகிறார்.

---

Quote:

---

மலேசியாவில் நாதஸ்வரம்

சன் டிவியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வரும் நாதஸ்வரம் தொடர், மலேசிய கதைக் களத்தில் பயணிக்கவிருக்கிறது. இதற்காக தொடரின் இயக்குனர் திருமுருகன் உள்ளிட்ட குழுவினர் மலேசியாவில் காட்சிகளை படமாக்கி வருகின்றனர். கதைப்படி நாதஸ்வரம் வாசிக்க வந்த அழைப்பை சொக்கலிங்கம் குடும்பம் ஏற்கிறது. அதற்காக சொக்கலிங்கமும் கோபியும் மலேசியாவுக்கு தங்கள் குழுவினருடன் பயணப்பட வேண்டும். இந்த பயணத்தில் தன்மனைவி மலரை எப்படியாவது அழைத்துப் போய் விடலாம் என கோபி முயற்சி மேற்கொள்கிறான். ஆனால் அந்த முயற்சியை தன் சாமர்த்தியத்தால் தடுத்து விடுகிறாள் கோபியின் தாயார். மலேசியாவுக்கு போனபிறகு தான் அம்மாவின் இந்த திட்டமிட்ட தடுப்புக்குப் பின்னான விஷயம் கோபிக்கு தெரிய வருகிறது. அதாவது அம்மாவுக்கு மலேசியாவுக்கு வர வேண்டும் என்ற ஆசை உள்ளூர இருந்திருக்கிறது. இதனால் அம்மாவின் அந்த உணர்வுக்கு மதிப்பளிக்கும் வகையில் கோபி தன் அம்மா மலேசியா வர எற்பாடு செய்கிறான்.

மலேசியாவில் தான் கோபியின் குடும்பத்திற்குள் அதுவரை நிகழாத ஒரு திருப்பம் ஏற்படுகிறது. காணாமல் போன கோபியின் அண்ணனை கோபி அங்கே தான் சந்திக்கிறான். இதில் முக்கியமான விஷயம், கோபிக்கு அவர் தான் தன் அண்ணன் என்பது தெரியாது. அண்ணனுக்கும் அதே நிலை தான். யாரென்று தெரியாமலே அவர்கள் நட்பு பாராட்டுகிறார்கள். ஆனால் அவர்கள் இருவரும் அண்ணன்-தம்பி என்பது தொடரை பார்க்கும் நேயர்களுக்குத் தெரியும். திருப்பமான இந்த காட்சியில் அடுத்தடுத்து சந்திப்பு தொடரும்போதாவது அவர்கள் அண்ணன்-தம்பி தான் என்பதை தெரிந்து கொண்டார்களா? அதற்கான வாய்ப்பு அமைந்ததா? கோபியின் அண்ணன் வருகைக்குப் பிறகு தொடர் இன்னொரு கோணத்தில் விறுவிறுப்பை தக்க வைத்துக் கொண்டு தொடர்கிறது என்கிறார், தொடரின் இயக்குனர் திருமுருகன். இந்த தொடரில் கோபி வேடத்தையும் இயக்குனரே செய்வது சிறப்பு.

---

நன்றி: தினதந்தி

Quote:

---

காற்றினிலே வரும் கீதம்


ரெட்சன் புரொடக்ஷன்ஸ் சார்பில் ஜே.கே.ஆனந்த் தயாரிக்கும் புதிய சின்னத்திரை தொடர், காற்றினிலே வரும் கீதம். இந்த தொடரை சுந்தர் கே.விஜயன் இயக்குகிறார். இவர் சன் டிவியில் ஒளிபரப்பான கேள்வியின் நாயகனே, என் பெயர் ரங்கநாயகி, அலைகள், செல்வி போன்ற மெகா தொடர்களை இயக்கியவர். அன்னக்கிளி, கிழக்கே போகும் ரெயில், முதல் மரியாதை, அலைபாயுதே உள்ளிட்ட ஏராளமான வெற்றிப்படங்களுக்கு கதை, வசனம் எழுதிய ஆர்.செல்வராஜ், இந்த தொடருக்கு கதை, திரைக்கதை, வசனம் எழுதுகிறார். எங்கேயும் எப்போதும் படத்தின் இசையமைப்பாளர் சத்யா இந்த தொடருக்கு இசையமைக்கிறார். காதல்மதி எழுதிய முகப்பு பாடலுக்கு பாடியவர் காயத்ரி. ஒளிப்பதிவு: ராஜா நடிகை வாணி விஸ்வநாத் முதன்முதலாக நடிக்கும் சின்னத்திரை தொடர் இது. அவருடன் சுனில், திவ்யா, ரவி நடிக்கிறார்கள். தொடருக்கான தொடக்க விழாவில் தயாரிப்பாளர் ராதா கிருஷ்ணசாமி குத்து விளக்கேற்றி விழாவை தொடங்கி வைத்தார். இயக்குனர்கள் மணிபாரதி, வீறாப்பு பத்ரி, சில்லுன்னு ஒரு காதல் கிருஷ்ணா மற்றும் தொழில் நுட்பக்கலைஞர்கள் கலந்து கொண்டார்கள். விரைவில் சன் டிவியில் ஒளிபரப்பாக விருக்கிறது, இந்த தொடர்.

---

நன்றி: தினதந்தி

காதம்பரியில் இரட்டை வேடத்தில் கலக்கும் மிதுனா

Quote:

---

கருத்தம்மா படத்தில் நடித்த ராஜஸ்ரீயின் தங்கை மிதுனா சின்னத்திரையில் காதம்பரி என்ற நெடுந்தொடரில் அறிமுகமாகியுள்ளார்.
இதில் அவருக்கு இரட்டை வேடம் முன் ஜென்மம், மறு ஜென்மம் என இரண்டு கதாபாத்திரத்திலும் கலக்கியிருக்கிறாராம் மிதுனா. நடிகை மிதுனா மாமதுரை' படத்தில் அறிமுகமானவர்.
தமிழிலும், தெலுங்கிலும் பல திரைப்படங்களில் நடித்தவர் இப்போது சின்னத்திரையிலும் அடியெடுத்து வைத்திருக்கிறார். சாப்ரன் கிரியேஷன்ஸ் தயாரிக்கும் காதம்பரி' மெகா தொடரில் இவர்தான் கதையின் நாயகி. பிரபு சங்கர் கதை எழுதி இயக்கும் இந்த தொடரின் படப்பிடிப்பு சென்னையை அடுத்த மணிமங்கலம் பகுதியில் நடைபெற்று வருகிறது.

இந்த தொடர் குறித்து மிதுனாவிடம் பேச்சுக்கொடுத்ததில் அவருடைய கதாபாத்திரம் பற்றி கிலாகித்து கூறினார். காதம்பரி தொடர் முன்ஜென்மத்தையும், மறு ஜென்மத்தையும் இணைக்கும் தொடர். 200 ஆண்டுகளுக்கு பிறகு மறுஜென்மம் எடுத்து சந்திக்கும் காதம்பரியின் வாழ்க்கை சம்பவம் கொஞ்சம் மிரட்டலாகத்தான் இருக்கிறது.
முன் ஜென்ம வேடத்திற்காக ஜாக்கெட் அணியாமல் சேலை கட்டி, கொண்டை போட்டு, அந்த கால நகைகளை மாட்டிக்கொண்டு நடிப்பது புது அனுபவமாக இருக்கிறதாம் மிதுனாவிற்கு. இந்த தொடருக்கு பிறகு என்னை காதம்பரி என்றே அழைப்பார்கள் என்று பெருமிதத்துடன் கூறியுள்ளார். இதில் காதம்பரிக்கு எதிராக மிரட்டலான பாத்திரத்தில் சுதா சந்திரன் நடித்திருக்கிறார் என்றார் மிதுனா. இவருடன் லஷ்மிராஜ், காயத்ரி, பாலாஜி, செம்புலி ஜெகன், சுந்தரி, சூரி, தேசிங்கு உட்பட பலர் நடித்துள்ளனர்.

---

சன் டிவியில் மதுரை முத்து-தேவதர்ஷினியின் புதிய காமெடி நிகழ்ச்சி

Quote:

---

விஜய் டிவி யின் கலக்கப்போவது யாரு நிகழ்ச்சியில் தொடங்கி சில வருடங்கள் சன் டிவியின் அசத்தப்போவது நிகழ்ச்சியில் அசத்திய நகைச்சுவை பேச்சாளர் மதுரை முத்து. திடீர் விபத்தினால் சில மாதங்கள் ஓய்வில் இருந்த முத்து சன் டிவியில் புதிய நகைச்சுவை நிகழ்ச்சியின் மூலம் களம் இறங்கியுள்ளார்.
மதுரை முத்து உடன் இணைந்து காமெடியில் கலக்குபவர் தேவதர்ஷினி.
ஞாயிறுதோறும் காலையில் ஒளிபரப்பாகும் இந்த காமெடி நிகழ்ச்சியில் போலீஸ் கான்ஸ்டபில் வேடத்தில் தேவதர்ஷினியும், திருடனாக மதுரை முத்துவும் சேர்ந்து காமெடி செய்ய முயற்சி செய்தனர்.
இதேபோல நிகழ்ச்சி சில பல வருடங்களுக்கு முன்பு நம்மநேரம் என்ற பெயரில் ஒளிபரப்பானது போல நினைவுக்கு வருகிறது. எது எப்படியோ காலை நேரத்தில் நிகழ்ச்சிக்குப் பஞ்சம் வந்தால் என்ன செய்வது பழைய நிகழ்ச்சியின் கருவை எடுத்து புதிய நடிகர்களை நடிக்க வைத்து தூசு தட்டி புதுசு போல ரெடி செய்து ஒளிபரப்பவேண்டியதுதானே.


சினிமாவிலேயே பழைய திரைப்படங்களை ரீமேக் செய்யும்போது தொலைக்காட்சியில் பழைய நிகழ்ச்சிகளை ரீமேக் செய்யக்கூடாதா என்ன? என்று யாரோ கேட்பது காதில் விழுகிறது. ஞாயிறுக்கிழமை காலை 10.30 மணிக்கு ஒளிபரப்பாகும் இந்த கலக்கல் காமெடி நகைச்சுவை பிரியர்களுக்கு ஏற்ற நிகழ்ச்சி என்கின்றனர் இதனை பார்த்து ரசித்த காமெடி பிரியர்கள்.

---

Quote:

---

அத்திப்பூக்கள் ‘அஞ்சலி’ ‘இந்திரசேனா’ ஆகிறார்


சரிகம இண்டியா நிறுவனம் தயாரிப்பில் சன் டிவியில் ஒளிபரப்பான, “அத்திப்பூக்கள்” மெகா தொடரில் அஞ்சலி கதாபாத்திரத்தில் நடித்து தனி முத்திரை பதித்தவர் ராணி. தற்போது இதே நிறுவனம் தயாரிக்கும் புதிய மெகா தொடரான ‘வள்ளி’ சன் டிவியில் மதியம் 2 மணிக்கு ஒளிபரப்பாகி வருகிறது. புதிய தொடர் பற்றி சரிகம இண்டியா நிறுவனத்தின் தென்மண்டல ஜெனரல் மேனஜர் பொறுப்பேற்றிருக்கும் பி.ஆர்.விஜயலட்சுமி கூறியதாவது:


கிராமத்து பெண்ணான வள்ளி தனக்கு பிடிக்காத திருமணத்தால் ஊரை விட்டு ஓடி விடுகிறாள். விவாகரத்து பெற்று தன் நான்கு வயது மகனுடன் வாழும் சுப்ரமணி வள்ளிக்கு அடைக்கலம் கொடுக்கிறான். இதனால் பலவித சிக்கல்கள் எழுகின்றன. வேறு வழியில்லாமல் வள்ளியும், சுப்புவும் கணவன் மனைவியாக நடித்துக் கொண்டிருக்கின்றனர். இந்நிலையில் வள்ளியைத் தேடி வரும் அவள் தாய்மாமன் கோட்டைச்சாமியால் சுப்புவின் குடும்பம் துன்பத்துக்கு ஆளாகிறது. இதனால் வள்ளி அங்கிருந்து வெளியேறி சென்னை வருகிறாள். சென்னையின் கொடூர முகம் தெரியாத வள்ளி, ஒரு விபசார கும்பலிடம் சிக்குகிறாள். அங்கிருந்து தப்பிக்கும் போது அந்த கும்பல் துரத்துகிறது.


அப்போது இந்திரசேனா அங்கே வர, அவளைப் பார்த்ததுமே ரவுடி கும்பல் பயந்து ஓடி விடுகிறது. காரணம் இந்திர சேனா ஒரு லேடி டான். சென்னையின் நிழல் உலக தாதாக்களில் அவளும் ஒருத்தி. வள்ளிக்கு இது தெரியாது. ஆனால் அவளை சந்தித்த பிறகு வள்ளியின் வாழ்க்கையில் பல அதிரடி மாற்றங்கள் நடக்கின்றன. இந்திரசேனா ஏன் தாதாவாக மாறினாள்? அவள் பின்னணியில் புதைந்திருக்கும் மர்மங்கள் என்ன? பரபரப்பை தக்கவைத்தபடி தொடர்கிறது, தொடர். அத்திப்பூக்களில் அஞ்சலி என்ற பெயரில் வில்லத்தனமான நடிப்பில் கலக்கிய ராணி, வள்ளியில் இந்திரசேனா என்ற அதிரடி கேரக்டரில் களமிறங்குகிறார். இவர் கதைக்குள் வந்ததும் எதிர்பாராத அதிர்ச்சிகளும் ஆச்சரியங்களும் காத்திருக்கின்றன, நேயர்களுக்கு. தொடரில் ராம்ஜி, உமா, இந்திரஜா, வி.எஸ்.ராகவன், வாசுகி, சிவன் சீனிவாசன், ப்ரியா, மாஸ்டர் பாஷா நடிக்கிறார்கள்.

---

நன்றி: தினதந்தி