https://scontent.fybz1-1.fna.fbcdn.n...aa&oe=5A7929A3
Printable View
https://scontent.fybz1-1.fna.fbcdn.n...47&oe=5A6F4DC5
Vaannila Vijayakumaran
ஒருமுறை மக்கள் கலைஞர் ஜெய்சங்கரின் படத்திற்கு விமர்சனம் எழுதிய குமுதம் வாரஇதழ் பின்வருமாறு குறிப்பிட்டிருந்ததாம்... " ஜெய் கற்றது கைம்மண்ணளவு; கல்லாதது சிவாஜி அ...ளவு! " என்று.
திருவருட்செல்வர் படத்திற்கு விமர்சனம் எழுதிய THE HINDU நாளிதழ், "ஆயிரம் முகம் கொண்ட ஒரே நடிகர் சிவாஜிதான்! "என்று எழுதியதாம்.
Sundar Rajan
https://scontent.fybz1-1.fna.fbcdn.n...bd&oe=5A871374
Sundar Rajan அன்பிற்குரிய சிவாஜியவாதிகளே,
மக்கள்தலைவரின் 89வது பிறந்தநாளை முன்னிட்டு தமிழகத்தின் பல மாவட்டங்களிலும் நமது நடிகர்திலகத்தின் திரைப்படங்கள் தொடர்ந்து திரையிடப்ப...ட்டு வருகின்றது.
மதுரை சென்ட்ரல் தியேட்டரில் பாசமலர்,
சென்ற வாரம் கோவை ராயலில் சிவாஜி வாரம்,
தற்போது நாளை 13.10.2017 வெள்ளி முதல் சேலம் மக்களை மகிழ்விக்க வருகிறார் ராஜா.
சேலம் வாழ் அன்பு இதயங்களே, கலையுலக ராஜாவை வரவேற்க தயாராகுங்கள்,
சேலம் என்றும் சிவாஜி கோட்டை என்பதை நிரூபியுங்கள்.
உங்கள் ஆரவாரம் கேட்டு விண்ணிலிருக்கு நம் மக்கள்தலைவர் பரவசமடையட்டும்.
Vasu Devan
'மன்னவன் வந்தானடி' சண்டைக் காட்சி ஸ்டில் புதிர் விளக்கம்.
புதிர் ஸ்டில் ரொம்ப அற்புதமான ஸ்டில். நான் ரொம்ப ரசித்து போட்ட தலைவரின் ஸ்டன்ட் காட்சி ஸ்டில்.
நடிகர் திலகம் 'ஸ்டைல்' சந்திரமோகனாக சுகுமாரியை நம்பியாரின் ரகசிய இடத்திலிருந்து மீட்டு கொடைக்கானலுக்கு இட்டு செல்வார். அங்கே ஒரு அட்வகேட் வீட்டிற்கு சுகுமாரியை உயில் சம்பந்தமாக அழைத்து செல்வார். ஒரு சின்ன சுவாரஸ்யம் இந்த இடத்தில். அட்வகேட் வீட்டின் கேட்டில் என்ன பெயர்ப்பலகை இருக்கும் தெரியுமா? 'கே.எஸ்.குற்றாலிங்கம்' பி.ஏ.பி.எல்.என்று பெயர்ப் பலகையில் பெயர் பொறிக்கப்பட்டிருக்கும்.
(கே.எஸ்.குற்றாலிங்கம் அவர்கள்தான் பொன்னூஞ்சல், அவன் ஒரு சரித்திரம், ஊருக்கு ஒரு பிள்ளை போன்ற தலைவர் நடித்த படங்களைத் தயாரித்தவர் என்பது நமக்குத் தெரியும்தானே! சிவக்குமார் நடித்த 'பெருமைக்குரியவள்' படத்தைத் தயாரித்தவரும் இவரே. இவர் படங்களுக்கு நடிகர் திலகம் பணமே வாங்காமல் நடித்துக் கொடுத்து விடுவாராம். அவ்வளவு நட்பாம் குற்றாலிங்கம் அவர்கள் திலகத்திற்கு. காங்கிரஸ் தீவிரவாதியும் கூட) வக்கீலாக வருபவர் கோகுல்நாத். அதாங்க...என் 'முரட்டுப் பயலை' கட்டிப் போட போராடிய பாதிரியார்.
ஒரிஜினல் உயில் நடிகர் திலகத்திடம் போய் விட்டதை கோகுல்நாத்திடம் அறிந்து நம்பியார் கொதித்து, வீட்டில் ரகசிய இடத்தில் சுகுமாரியுடன் இருக்கும் நடிகர் திலகத்துடன் வாக்குவாதம் பண்ணிக்கொண்டிருக்கும் போதுதான் ஒரு அடியாளுடன் இந்த சண்டைக் காட்சி.
வெகு அருமையான சண்டைக் காட்சி. தலைவரோ லைட் பச்சை கலந்த ப்ளூ கலரில் அம்சமான கோட்டுடன், எவரும் எட்ட முடியாத அழகுடன் அப்படியே ஜொலிப்பார். வெற்றுடம்பு முரட்டு அடியாளுடன் அவர் ஸ்டைலாக மோதுவது நமக்கு கொள்ளை விருந்து. இந்த சண்டைக் காட்சியில் சில இடங்கள் ரொம்ப சுவாரஸ்யம் அளிப்பவை.
1. ஒரு கட்டத்தில் அந்த அடியாள் கை மடக்கி நடிகர் திலகத்தை நோக்கி வரும் போது திலகம் அருகில் கிடைக்கும் இரும்பு ராட் ஒன்றை எடுத்து அவனை அடிப்பார். அந்த ராட் அந்த அடியாள் கையில் பட்டு வளைந்து விடும். அதைப் பார்த்துத் திகைக்கும் நடிகர் திலகம் கொஞ்ச நேரம் ஒன்றும் செய்வதறியாது திகைத்து அண்ணாந்து மேல் நோக்குவார். மேலே ரூஃபில் அலங்கார சரடு விளக்கு ஒன்று தொங்கிக் கொண்டிருக்கும். (கிட்டத்தட்ட கிணற்று சொரடு வடிவம் போல பெரிதாக) அது கட்டப்பட்டிருக்கும் கயிற்றை திலகம் அவிழ்த்து விட்டுவிட, அது சரியாக அதன் கீழே நிற்கும் அந்த அடியாளின் தலையைப் பதம் பார்க்க, நமக்கு உற்சாகம் பீறிடும். இந்த உத்தி அருமையாய் இருக்கும்.
2 .தலையில் சரடு விளக்கு விழுந்ததும் அதை எதிர்பார்க்காத அடியாள் அது விழுந்த அதிர்ச்சியில் வாய்பிளக்க, நடிகர் திலகம் படுஸ்டைலாக அங்கிருக்கும் சாத்துக்குடி பழம் ஒன்றை கரெக்ட்டாக தூக்கி எறிய, அந்தப் பழம் அடியாள் பிளந்த வாய்க்குள் தஞ்சம் புகுவது செம கலாட்டா. அந்தப் பழம் எறியும்போது நடிகர் திலகத்தின் வாயைப் பார்க்க வேண்டுமே! அவ்வளவு அம்சம்.
3. அதன் பிறகு நடக்கும் மோதலில் நடிகர் திலகம் படுத்தும், புரண்டும், எதிரிக்குத் தண்ணி காட்டியும் அற்புதம் நிகழ்த்துவார். லாங் ஷாட்களில் மட்டும் டூப் உபயோகப்படுத்தியிருப்பார்கள். ஆனால் சில ஷாட்களில் நடிகர் திலகம் அந்த டூப்பையே மிஞ்சி விடுவார் பாருங்கள். அதான் டாப்போ டாப்.
'மெல்லிசை மன்னரி'ன் பின்னணி கொஞ்சம் கொஞ்சமாக உச்சம் நோக்கிப் பயணிக்கும். ஆர்ப்பாட்டம் அதிகரித்துக் கொண்டே போகும். அற்புதமான இந்த சண்டைக் காட்சியை அமைத்துக் கொடுத்தவர் நடிகர் திலகத்தின் பின்னாளைய ஆஸ்தான ஸ்டன்ட் இயக்குனர் ஏ.டி.வெங்கடேஷ் அவர்கள்.
நடிகர் திலகத்தின் இரு கால்களும் வசமாக எதிரியின் கழுத்தில் மாட்டிக் கொள்ள, அப்படியே அவரைத் தூக்கி அடியாள் பந்தாட, டூப்பே இல்லாமல் அற்புதம் நிகழ்த்தியிருப்பர் மன்னவர். காற்றில் பறப்பது போல அந்தரத்தில் பிடி இல்லாது பறந்து, அங்கிருக்கும் உத்திரம் ஒன்றை பிடித்து பிடித்து எகிறுவது அருமை.
4. இப்போதுதான் அசர வைக்கும் ஸ்டில் காட்சி. அப்போது எவரும் செய்யாதது. கொஞ்சமும் யாரும் எதிர்பார்க்காதது. நடிகர் திலகம் தன்னுடைய அசாத்தியத் திறமையால் நம் யாவரையும் அசர வைப்பது. ஒரு சில வினாடிக் காட்சிகள்தான். திலகம் கீழே தரையில் படுத்தவாறு அந்த ஸ்டன்ட் மேனின் கழுத்தை தன்னுடைய கால்களால் கிடுக்குப் பிடி போடுவார். போட்டவர் அப்படியே வலதும் இடதுமாக, அந்த அடியாள் கழுத்தை லாவகமாக ஒருமுறை, தன்னுடைய கால்களால் அப்படியும் இப்படியும் திருப்பி, பின் போஃர்ஸாக இடப்பக்கம் விசிறி வீசுவார். அடடா!
இந்த ஒரு காட்சி உங்கள் எல்லோரையும் சென்றடைய வேண்டும் என்றுதான் அந்த ஸ்டில்லையே ஆனந்தமாகப் பதிவிட்டேன் புதிராக.
அப்படி கால்களால் பிடி போட்டு வீசும் போது மிக அழகாக அந்த சாதுர்யத்தையும், சாமர்த்தியத்தையும் அந்த முகம் காட்டும். ஒரு செகண்ட்...ஒரே ஒரு செகண்ட்... ஏன் அது கூட இல்லை.. அந்த கால் கிடுக்கிப்பிடி லாவகம், அதற்கேற்ற அந்த முகபாவம்...அலட்சியம்...கவனம் என்று 'மன்னவன்' ரகளையான ரகளை.
அவரைப் போலவே அவரது இந்த சண்டைக் காட்சியும் வெகு அழகு. நேர்த்தி அண்ட் ஸ்டைல்.
https://scontent.fybz1-1.fna.fbcdn.n...ca&oe=5A8509A2
https://scontent.fybz1-1.fna.fbcdn.n...93&oe=5A3F3CCD
https://scontent.fybz1-1.fna.fbcdn.n...6b&oe=5A72071F
https://scontent.fybz1-1.fna.fbcdn.n...ef&oe=5A3B14C6
https://scontent.fybz1-1.fna.fbcdn.n...6e&oe=5A43B6AA
https://scontent.fybz1-1.fna.fbcdn.n...11&oe=5A3E8ADF