new serials/programs

http://cdn2.supergoodmovies.com/File...--a6547319.jpg

வாரம் தோறும் சனிக்கிழமை இரவு 7.05 மணிக்கு சென்னை தூர்தர்ஷன் பொதிகை தொலைக்காட்சியில் திரைப்படத்துறையில் தொழில்நுட்பத்தைப் பற்றிய நிகழ்ச்சி, திரைக்கலையில் ஒரு நுண்கலை என்ற தலைப்பில் ஒளிபரப்பாகி வருகிறது. இன்றைய நிகழ்ச்சியில், 09.03.2013, புரொஜக்டர் முறையிலிருந்து க்யூப் சிஸ்டத்திற்கு மாற்றித் திரையிடுவதில் வெற்றிகரமான முன்னோடியாகத் திகழும் கர்ணன் திரைப்படத்தை வழங்கிய திவ்யா பிலிம்ஸ் திரு சொக்கலிங்கம் அவர்களின் பேட்டி இடம் பெறுகிறது. மேலும் சில வாரங்களுக்குத் தொடரக் கூடும். இதில் க்யூப் சிஸ்டம் என்றால் என்ன, எம்முறையில் படங்களின் திரையீடு திரையரங்குகளில் நடைபெறுகிறது போன்ற தொழில் நுட்ப தகவல்கள் இடம் பெறக் கூடும். அனைவரும் தவறாமல் காண வேண்டிய நிகழ்ச்சி.

மறக்காதீர்கள், 09.03.2013, சனிக்கிழமை, இரவு 7.05 மணி, தூர்தர்ஷன் சென்னை, பொதிகை தொலைக்காட்சி.

Quote:

---

அமுதா ஓர் ஆச்சரியக்குறி!


கலைஞர் தொலைக்காட்சியில் திங்கள் முதல் வியாழன் வரை தினமும் இரவு 8 மணிக்கு ஒளிபரப்பாகும் “அமுதா ஓர் ஆச்சரியக்குறி” தொடர், 150 எபிசோடுகளைக் கடந்து தொடர்கிறது. கவிதாலயா தயாரிப்பு நிறுவனம் சார்பில் டைரக்டர் கே.பாலச்சந்தர் இயக்கி வரும் இந்த தொடரில், கதையின் நாயகியாக ரேணுகாவும், நாயகனாக ‘கவிதாலயா‘ கிருஷ்ணனும், கதாநாயகியின் மனம் கவர்ந்த நண்பனாக சாக்ஷி சிவாவும் முக்கிய கதாபாத்திரங்களில் நடிக்கிறார்கள். மற்றும் சோனியா, காவியா, அப்சர் என்று சின்னத்திரை பிரபலங்களும் உண்டு. பிரிந்து வாழும் கணவனா? அல்லது மனம் கவர்ந்த நண்பனா? என்ற போராட்டத்தில் அடுத்த கட்ட முடிவுக்கு வராமல் தடுமாறிக் கொண்டிருக்கும் இளம்பெண்ணின் மனஉணர்வுப் போராட்டத்தை தனக்கே உரிய பாணியில் கையாண்டு கே.பாலச்சந்தர் இயக்கி வருகிறார்.

---

நன்றி: தினதந்தி

Quote:

---

தந்தி கருவூலம்


தந்தி தொலைக்காட்சியில் தினந்தோறும் ஒளிபரப்பாகும் வெவ்வேறு நிகழ்ச்சிகளிடையே அவ்வப்போது நம்மை ஆழமாக கவனிக்க வைக்கும் நிகழ்ச்சி, ‘தந்தி கருவூலம்‘. மற்ற தொலைக்காட்சிகளில் காணமுடியாத அறிவுபூர்வமான, பயனுள்ள நிகழ்ச்சியும் கூட. ஒரு நிமிடத்தில் உலக வரலாற்றை நேர்த்தியாக சொல்லும் இந்த நிகழ்ச்சி. சூரியனுக்கு கீழே உள்ள அத்தனை விஷயங்களையும் மக்களிடம் சேர்க்கும் நேர்மையான முயற்சி. ராமாயணத்திலிருந்து கும்பமேளா வரை, பித்தோவனிலிருந்து பீட்சா வரை நேற்றைய, இன்றைய வரலாறு ஒவ்வொன்றையும் சுருக்கமாக ஒரே நிமிடத்தில் சொல்லும் போது, அதற்குண்டான காட்சிகளும் அழகாக திரையில் விரியும். கருவூலத்தின் இன்னொரு சிறப்பம்சம், அந்த எளிய தமிழ்! பழைய வரலாற்றை சொல்லும்போது பார்ப்பவர்களை கவரும் யதார்த்த நடையில் அனைவரும் ரசிக்கும் வண்ணம் வர்ணனை அமைந்துள்ளது சிறப்பு. ‘தந்தி கருவூலம்’ தலைமுறை கடந்து பெரிய கருத்துப்பெட்டகமாக அமையும் என்பதில் எள்ளளவும் சந்தேகமில்லை.

---

நன்றி: தினதந்தி

Quote:

---

காவல் நிலையத்தில் காதல் ஜோடிகள்


சன் டிவியில் திங்கள் முதல் வெள்ளி வரை தினமும் மாலை 6.30 மணிக்கு ஒளிபரப்பாகி வரும் உதிரிப்பூக்கள் தொடர், எதிர்பாராத திருப்பங்களில் விறுவிறுப்பை தக்க வைத்துக் கொண்டிருக்கிறது. மகன் லட்சுமிபதி, சக்தியை காதல் திருமணம் செய்து கொண்டதே அலமேலுக்கு உள்ளூற உறுத்தலாக இருந்து கொண்டிருந்தது. என்றாலும் பெரிதாக எதிர்ப்பு தெரிவிக்கவில்லை. ஆனால் மகள் கர்ணா திடீரென்று ஒரு இளைஞனுடன் காதலான கதை தெரிந்தபோதே கிட்டத்தட்ட அவள் எரிமலையாகி விட்டாள். இந்தக்காதலுக்கு உடந்தையாக இருந்தவள் தன் மருமகள் சக்தி என அலுமேவுக்கு தெரிந்ததும் பொங்கி விட்டாள். காதலனுடன் மகள் கர்ணாவை அவ்வப்போது போனில் பேச வைத்து காதல் வளர்த்ததே சக்தி தான் என்பது தெரிந்ததும், அலமேலு ஆவேசமாகிறாள். மருமகள் சக்தியை வீட்டை விட்டு துரத்துகிறாள்.


இதற்கிடையே காதல் ஜோடிகள் போலீஸ் நிலையத்திற்கு அபயம் தேடி வர, அங்கே வரவழைக்கப்பட்ட அலமேலுவோ மனதைக் கல்லாக்கிக் கொள்கிறாள். காலில் விழுந்த மகளிடம் என்னை மீறி உங்க கல்யாணம் நடந்தா அது என் பிணத்து மேல தான் நடக்கும் என்கிறாள். இதனால் பஞ்சாயத்து பண்ண இருந்த போலீஸ் குழம்புகிறது. இப்போது இருதலைக் கொள்ளி எறும்பின் நிலையாய் தவிக்கும் காதல் ஜோடிகளை போலீஸ் சேர்த்து வைத்ததா? அல்லது அலமேலுவின் பிடிவாதம் வென்றதா? இதற்கிடையே வீட்டைவிட்டு துரத்தப்பட்ட சக்தி தன் வளர்ப்பு அப்பா சிவநேசனை சந்திக்க விரும்பாமல் கால் போன போக்கில் போகிறாள். வளர்ப்புத் தந்தைக்கு தன் விஷயம் தெரிந்தால் துடித்துப்போவார் என்பதால் இந்தமுடிவு. இப்படி தன்னை மறந்து அவள் போய்க் கொண்டிருக்கும் போது அவள் சாலை விபத்தில் சிக்குகிறாள். அவள் உயிருக்குப் போராடிக் கொண்டிருந்த அந்த நேரத்திலும், அவள்அணிந்திருந்த நகைகளை மட்டும் கழற்றி எடுத்துக் கொண்டு அவளை அம்போ என விட்டு விட்டுப் போய்விடுகிறது, அங்கே வந்த கூட்டம்.


இந்நிலையில் சக்தி சாலை விபத்தில் இறந்து விட்டாள் என்ற தகவல் அலமேலு குடும்பத்துக்கு கிடைக்கிறது. அப்போது அலமேலு எடுக்கும் முடிவு என்ன? சிவநேசன் வீட்டுக்கு இப்போது மகள் என்ற பெயரில் இளம்பெண் ஒருத்தி வந்திருக்கிறாள். அந்தப்பெண்ணின் பின்னணி என்ன என்பது இன்னொரு சுவாரசியம். தொடரின் நட்சத்திரங்கள்: சேத்தன், வடிவுக்கரசி, மானசா, எல்.ராஜா, ஸ்ரீலேகா, மகாலட்சுமி, ஸ்ரீதர், ரேவதிப்பிரியா. திரைக்கதை: முத்துச்செல்வன். வசனம்: சம்யுக்தா ஆனந்த். ஒளிப்பதிவு: சாகித்யா சீனு. இயக்கம்: விக்ரமாதித்தன். ஹோம் மீடியா மேக்கர்ஸ் சார்பில் தயாரிப்பு: சுஜாதா விஜயகுமார்.

---

நன்றி: தினதந்தி

Quote:

---

மாயா-100


ஜெயா டிவியில் ஒளிபரப்பாகி வரும் மாயா தொடர் 100-வது பகுதியை எட்டியுள்ளது. தன் மகள் மாயாவைக் காப்பாற்றிய பிரதாப்புக்கு நன்றி சொல்ல சந்திரசேகர் மருத்துவமனைக்கு செல்லும்போது அவர் பரமேஸ்வரியை சந்திக்க நேர்கிறது. அவளுடைய குத்தலான பேச்சுக்கள் சந்திரசேகரை சங்கடப்படுத்த, சீக்கிரமே மாயாவின் திருமணத்தை நடத்தப் போவதாக சந்திரசேகர், பரமேஸ்வரியிடம் சவால் விடுகிறார். தன் நண்பன் பாலு மூலமாக மாயா அரவிந்தன் இருவரின் சம்மதத்தையும் பெற்று அவர்களுக்கு திருமணம் செய்ய சந்திரசேகர் தேதி குறிக்கிறார். இரண்டு முறை தடைபட்ட மாயாவின் நிச்சயதார்த்தம், கல்யாணம் இந்த முறை நடக்குமா? இந்த கட்டத்தில் சில திகைக்க வைக்கும் எதிர்பாராத திருப்பங்கள். மாயாவின் திருமணத்திற்கு யார் தடை என்ற உண்மை வெளிப்பட தொடர் புதிய கோணத்தில் பயணத்தை தொடர்கிறது. தயாரிப்பு: சத்யஜோதி பிலிம்ஸ். இயக்கம்: பி.நித்யானந்தம், கதை: இந்திரா சவுந்தர்ராஜன். நட்சத்திரங்கள்: ஈஸ்வரிராவ், அபிஷேக், வாணி, மோகன்ராம், ஜெகதீஷ் ராமன்.

---

நன்றி: தினதந்தி

தெய்வ மகள்
http://05.wir.skyrock.net/wir/v1/res...86wb.jpg&w=600

http://05.wir.skyrock.net/wir/v1/res...QunD.jpg&w=600
http://www.youtube.com/watch?v=A3HXo...layer_embedded

Quote:

---

மறக்க முடியாத திருமதி செல்வம்




சன் டிவியில் ஒளிபரப்பாகி வந்த திருமதி செல்வம் தொடர் விடைபெற்றுக் கொள்வதைத் தொடர்ந்து அதே நேரத்தில் அதே குழுவினரின் தெய்வமகள் சீரியல் தொடங்குகிறது. திருமதி செல்வத்தை இயக்கிய குமரனே இந்த தொடரையும் இயக்குகிறார். இதற் கான படப்பிடிப்பு தொடங்கி வேகமாக நடந்து வருகிறது. செல்வம் மாதிரியான சபல கணவனின் தான்தோன்றித்தனமான செயல்பாடுகளால் பாதிக்கப்பட்ட பெண்கள், மீண்டும் கணவன் திருந்தி வந்து அழைக்கும்போது அவனுடன் சேர்ந்து வாழலாமா? வேண்டாமா? இந்த கேள்விக்கு கிளைமாக்சில் இன்றைய தலைமுறையில் பாதிக்கப்பட்டிருக்கும் அர்ச்சனா மாதிரியான பெண்களுக்கு ஒரு எச்சரிக்கை அலாரமே அடித்து பாடம் நடத்தியிருக்கிறாள், இந்த திருமதி செல்வம். தொடரில் செல்வமாக சஞ்சீவ், அர்ச்சனாவாக அபிதா, நந்தினியாக ரிந்தியா, அம்மாவாக வடிவுக்கரசி, வில்லியாக வந்த கவுதமி, குடிகாரராக வந்த ஜெயமணி இப்படி அத்தனை கேரக்டர்களும் இன்னும் பல ஆண்டுகளுக்கு மனதில் நிற்பார்கள்.

---

நன்றி: தினதந்தி

Quote:

---

பார்த்த ஞாபகம் இல்லையோ?


கலைஞர் தொலைக்காட்சியில் திங்கள் முதல் வியாழன் வரை, தினமும் இரவு 8.30 மணிக்கு ஒளிபரப்பாகும் “பார்த்த ஞாபகம் இல்லையோ?”தொடர், 200 எபிசோடுகளைக் கடந்து பயணிக்கிறது. இதில் கதாநாயகி ஓவியாவாக நடிக்கும் குஷ்பு கூறுகையில், இனி வரும் வாரங்களில், புதுப் பொலிவுடன் சுவாரஸ்ய கதைப் போக்குடன் தொடர் மிளிர உள்ளது” என்றார். குஷ்புவின் அவ்னி டெலிமீடியா தொடரை தயாரிக்கிறது. தொடரில் கார்த்திக்-ரகுநாத் என இரட்டை வேடத்தில் சீனு நடிக்கிறார். மேலும் மாமனார் வேடத்தில் டெல்லி குமார், மாமியாராக டி.ஆர்.லதா நடிக்கிறார்கள். மாமியார் வேடத்தில் இதுவரை நடித்துவந்த நடிகை பானுமதி சமீபத்தில் காலமானதைத் தொடர்ந்து, டி.ஆர். லதா, மாமியார் வேடமேற்றுள்ளார்.

---

நன்றி: தினதந்தி

Quote:

---

சிந்து பைரவி-700


ராஜ் டி.வியில் திங்கள் முதல் வெள்ளி வரை தினமும் இரவு 7 மணிக்கு ஒளிபரப்பாகி வரும் ‘சிந்து பைரவி’ தொடர், 700-வது எபிசோடை எட்டவிருக்கிறது. சிந்துவும் வீருவும் நீண்ட நாட்களுக்குப் பிறகு இணைந்து வீடு வந்து சேருகிறார்கள். அவர்களை பெற்றோர் பாசத்தோடு வரவேற்கிறார்கள். குறிப்பாக தாய்மையடைந்த சிந்துவை பாசத்துடனும், பரிவுடனும் பார்க்கிறார்கள். சிந்துவுடன் வந்த குழந்தையை (பைரவிக்கும் ராத்தோடுக்கும் பிறந்த குழந்தை) தத்தெடுக்க முயற்சிக்கிறார்கள். ஆனால் அது பைரவியின் குழந்தை என்று அவர்களுக்கு தெரியாது. இதற்கிடையே சிந்துவுக்கும் வீருவுக்கும் இடையே சிறுசிறு ஊடல்களும் காதல் பரிமாணங்களும் தொடருகின்றன. வீருவின் தாய் மட்டும் சிந்துவிடம் உள்ள குழந்தை யாருடையது என்பதை கண்டுபிடிக்க முயற்சிக்கிறாள். கண்டுபிடித்தாளா? பரபரப்பை தக்கவைத்துக் கொண்டு தொடர்கிறது, தொடர்

---

நன்றி: தினதந்தி

Quote:

---

துளசி-300


திங்கள் முதல் சனி வரை தினமும் இரவு 7.30 மணிக்கு ஜீ தமிழில் ஒளிபரப்பாகும் துளசி தொடர் 300-வது எபிசோடை நிறைவு செய்திருக்கிறது. துளசியை பிரசன்னா கடத்தி வைத்திருக்கிறான். அதற்கு காரணம் துளசி மீது அவன் வைத்திருக்கும் காதல். அவள் மேல் கொண்ட அதீத அன்பால் பிரசன்னா சைக்கோவாக மாறுகிறான். துளசி எங்கும் தப்பித்து போய் விடாமலிருக்க அவளின் காலை உடைத்து அறையில் அடைத்து வைக்கிறான். துளசி அடைபட்டுக் கிடக்கும் உண்மையறிந்து செல்வா அன்று இரவே அவளைக் காப்பாற்றச் செல்கிறான். துளசியை காப்பாற்றும் வேளையில் செல்வாவை பிரசன்னா துப்பாக்கியால் சுடுகிறான். காலில் சுடப்பட்ட செல்வா மயங்கி விழுகிறான். பிரசன்னாவே அவனை மருத்துவமனையில் சேர்த்துக் காப்பாற்றுகிறான். அவனிடம் இனி என் விஷயத்தில் தலையிட்டால் உனக்கும் அவளுக்கும் தொடர்பு இருக்கிறது என்று கூறி உன் வாழ்வில் நிம்மதி இல்லாமல் செய்து விடுவேன். அதோடு உன் மனைவி தாமரையும் விதவை ஆகி விடுவாள் என்று மிரட்டுகிறான்.


பிரசன்னாவின் சுயரூபம் தெரிந்து கொண்ட செல்வா, துளசியின் பெற்றோரிடம் விஷயம் சொல்ல, பதறித் துடித்த அவர்கள் துளசியைப் பார்க்க, பிரசன்னா வீட்டிற்குச் செல்கின்றனர். செல்வா கூறிய விபரங்கள் அனைத்தும் உண்மைதான் என்று உணர்ந்து கொண்டவர்கள் துளசியை பிரசன்னாவிடமிருந்து காப்பாற்ற போலீசில் புகார் செய்கிறார்கள். போலீஸ் விசாரணையில் பிரசன்னா குற்றவாளி என்பது தெளிவாகிறது. வன்கொடுமை சட்டத்தின் கீழ் பிரசன்னா கைது செய்யப்பட்டு கோர்ட்டுக்கு அழைத்து வரப்படுகிறான். பிரசன்னாவிற்கு தண்டனை கிடைத்ததா?.. துளசி வாழ்வில் நிம்மதியடைந்தாளா...? அவளின் வயிற்றில் வளரும் குழந்தையின் நிலை என்னவாயிற்று? அதிரடி திருப்பங்களுடன் தொடர்கிறது, தொடர். திரைக்கதை: ராஜ்பிரபு, வசனம்: பாபா கென்னடி, இயக்கம்: பாலாஜி யாதவ்..

---

நன்றி: தினதந்தி