Nadigar Thilagam Sivaji Ganesan Part 11

அன்புள்ள திரு. வாசுதேவன் அவர்களே,

எனக்கு இன்று காலை 11.00 மணி முதல் மாலை வரை ஒரு முக்கிய மீட்டிங் இருந்தது. அதற்காக சில ஸ்லைடுகளை தயார் செய்து கொண்டிருந்தேன்.
இருப்பினும், பொறுக்க முடியாமல் இந்த சிறிய பதிவினை பாதி எழுதி மீட்டிங்கிற்குச் சென்று மீதியை எழுதிப் பதிகிறேன்.

"ஞான ஒளி" - இது உங்கள் உள்ளத்தில் எந்த அளவிற்கு ஊடுருவி இருக்கிறது என்பது தங்கள் "கொடைக்கானல்" பதிவு சாட்சி.

இது தங்களுக்கு மட்டுமல்ல. எனக்கும் அதே தான். நான் ஏற்கனவே "நடிகர் திலகத்தின் படங்கள் - அசல் தமிழில் - மொழியாக்கம் வேறு மொழிகளில்" என்ற தலைப்பில், பத்து படங்களைப் பற்றி விரிவாக எழுதியதில் "ஞான ஒளி" பற்றி மூன்று பாகங்களாக எழுதியிருந்தேன். மறுபடி ஒரு சிறிய பதிவு.

ஒரு முறை என் வீட்டிற்கு முக்கிய விருந்தினர் வந்திருக்கும் போது, (1996) அப்போது தான் ரொம்ப நாளைக்கப்புறம் அந்தப் படத்தை டிவியில் பார்க்கிறேன்.

அந்தோணி கைதாகி, பின்னர், பரோலில், லாரன்சுடன் மறுபடி, அடைக்கலம் பாதிரியாரின் விருப்பத்தின் பேரில் (அவர் இறக்கப் போகிறார் என்று அவருக்கே தெரிந்து அதற்கு முன், தான் எடுத்து வளர்த்த முரட்டுப்பயலை ஒரு முறையாவது பார்த்து விட வேண்டுமென்று மேஜரிடம் சொல்லியதால்), வீட்டிற்கு வர, வாயிற்படியருகே நின்று கொண்டிருக்கும், முரட்டுப் பயலை, "ஏண்டா அங்கேயே நிக்கிற? வாடா!" என்று பாதிரியார் அழைக்க, ஒரு குழந்தை போல் ஓடோடிச் சென்று, உட்கார்ந்து கொண்டிருக்கும் பாதிரியாரின் மடியில் முகத்தைப் புதைத்து குலுங்கிக் குலுங்கி அழுவாரே!! என் கண்களில் அருவி போல் கண்ணீர் கொட்டிக் கொண்டிருந்தது!!! என் மனைவி என்னருகே வந்து "விருந்தினர் இருக்கிறார்கள்" என்று காதோரம் கிசு கிசுத்த பின்னரும், என்னால் அழுகையை அடக்க முடியவில்லை. மேலே பார்க்க முடியவில்லை. பிறிதொரு சந்தர்ப்பத்தில் பார்க்கும்போது, இடைவேளைக்குப் பின்னர் (முன்னர் சொன்ன காட்சியை மறுபடி பார்க்கும்போது மறுபடியும் தொண்டை அடைக்க அழுதாகியாயிற்று), அதே போல் அழுது விட்டேன் - மகள் மேரி தந்தை அந்தோணியைப் (இப்போது அருண்) பார்க்க அவர் வீட்டிற்குப் போகும் போது, மகளைப் பார்த்து, "அம்மா உன்னை உனது வீட்டில் பார்த்தபோது, உன்னை மகளே என்று கூட சொல்ல முடியவில்லை - லாரன்ஸ் உடனே வந்துட்டான் - இப்போ" என்று கூறி, மகளை பாசத்துடன் தழுவும் காட்சி! ஏக்கம், நெடு நாள் கழித்துப் பார்க்கும் போது தொனிக்கும் பாசம், விதி நம்மை இத்தனை நாள் பிரிந்து விட்டதே எனும் சோகம் இன்னும் எத்தனையோ எண்ணங்கள்... அத்தனையையும் வெளிப்படுத்தி, பின்னர் பிரிஜ்ஜைத் திறந்து பழங்களை எடுத்து (இரண்டு கைகளிலும் பொருட்களை எடுத்துக் கொண்டு, பிரிஜ்ஜைக் காலால் மூடும் சமயோசிதம் கலந்த ஸ்டைல்! வாவ்!!) மேசையில் வைத்து, இவர் மட்டும் கஞ்சியை சாப்பிடும் போது, மகளைப் பார்த்து "உனக்கும் வேண்டுமா" என கேட்டு, அவருக்கும் பரிமாறும் போது, கண் கலங்குவாரே - மகளுடன் சேர்ந்து! இதயம் என்ற ஒன்று இருக்கும் எந்த மனிதனும் அழாமல் இருக்க முடியுமா? இதோ இப்போது இதை டைப் செய்யும் போதும், கண்களில் கண்ணீர் பீறிடுகிறது!

சிறு வயதில் "ஞான ஒளி"யைப் பார்க்கும் போது இடைவேளைக்குப் பின், ஸ்டைலில் பின்னும், "அருணை"தான் ரசித்திருக்கிறேன் (றோம்?). புத்தி தெளியத் தெளிய, வாழ்க்கை புரியப் புரிய, இது போன்று எத்தனையோ படங்களில் (நடிகர் திலகத்தின் படங்கள் தான்!), எத்தனையோ காட்சிகளை ரசிக்கத் துவங்குகிறேன் (றோம்?)

ஒன்று கவனித்தீர்களா? (நானே கவனிக்கவில்லை!) மேலே எங்கேயாவது, நடிகர் திலகம் என்று எழுதியிருக்கிறேனா என்று! அந்தோணி என்று தான் எழுதியிருக்கிறேன். கதாபாத்திரமாகவே அல்லவா மாறியிருக்கிறார்!

என் இதயத்தை ஊடுருவிய படங்களில் என்றும் "ஞான ஒளி" முதல் இடத்தில் தான் எப்போதும் இருக்கும்.

எனக்குத் தெரிந்து அவருடைய most intense பங்களிப்புகளில், முதல் இரண்டு இடம் "ஞான ஒளி" மற்றும் "ஆலய மணி"க்கே கிடைக்கும்.

அன்புடன்,

இரா. பார்த்தசாரதி

அன்புள்ள திரு. கார்த்திக் அவர்களே,

நீங்களும் என்னை பலத்த அலுவலுக்கிடையில், எழுத வைத்து விட்டீர்கள்.

ரொம்ப நாளைக்கப்புறம் "ஆண்டவன் கட்டளை" உங்களை இங்கு பெரிய அளவில் வரவழைத்திருக்கிறது. அற்புதம்.

முதலில், தியேட்டரில் இந்தப் படத்தை "ராம்" தியேட்டரில் 1982-ல் என் நண்பனுடன் பார்த்த போது, அரங்கில் எழுந்த ஆர்ப்பரிப்பு இன்னும் நினைவில் இருக்கிறது. எல்லா முக்கிய காட்சிகளையும் குறிப்பிட்டிருக்கிறீர்கள். மேலும் ஒரு காட்சி. அவர் மனதில் காதல் பிறந்தவுடன் உடை, சிகை அலங்காரம் மாறி, கல்லூரிக்கு கையில் குடை இல்லாமல் இரண்டு புத்தகங்களை மட்டும் (அதை அவர் பிடித்துக் கொண்டிருக்கும் ஸ்டைல் - 1964-ல்!) வைத்துக் கொண்டு, வகுப்பறைக்குள் வந்து அந்தப் புத்தகங்களை மேஜையில் லாகவமாக போட்டு விட்டு, மாணவர்களைப் பார்த்த ஸ்டைல் - எனக்குத் தெரிந்து, ஆபரேட்டர் கூட படம் ஓட்டுவதை மறந்து கைத் தட்டி இருப்பார்!.

படம் பார்த்து விட்டு வீட்டிற்கு வந்து hang over போகாமல், டைரியில் "இன்று ஆண்டவன் கட்டளை பார்த்தேன். இந்தப் படத்தில், நடிகர் திலகம் தான் நடிக்க வேண்டும் என்பது ஆண்டவன் இட்ட கட்டளை போலும்!" என்று எழுதி வைத்தேன். இன்னும், அதை பத்திரமாக வைத்திருக்கிறேன்.

நினைவுகளை அசை போட வைத்ததற்கு நன்றிகள் பல.

அன்புடன்,

இரா. பார்த்தசாரதி

ஆண்டவன் கட்டளை பதிவைப் பாராட்டிய வாசுதேவன் சார், (இரண்டாவதாகப் பாராட்டிய) கோபால் சார், கல்நாயக் சார், சந்திரசேகர் சார், சித்தூர் வாசுதேவன் சார், பார்த்தசாரதி சார் அனைவருக்கும் என் மனமார்ந்த நன்றி.

கோபால் சார், இப்போது துப்பறிய வந்தால் தங்களுக்கு எந்த தடயமும் கிடைக்காது. ஏனென்றால் இப்போது பிரபாத் தியேட்டரும் இல்லை. அந்த ஏரியாவில் இருந்த சிறுவனும் இப்போது கர்நாடகாவில் ரெய்ச்சூர் மாவட்டத்தில்.

அன்புள்ள வாசுதேவன் சார்,

நடிகர்திலகத்தின் உடையலங்காரம் தொடர் முதல் பதிவே களைகட்டுகிறது. ஒவ்வொரு ஸ்டில்லுக்கும் நீங்கள் தரும் விளக்கம் அருமை. போகப்போக எப்படி அசத்த்ப்போகிறது என்பதற்கு முதல் பதிவே அத்தாட்சியாக அமைந்துள்ளது.

நாயகியர் தொடர், ஸ்டண்ட் காட்சிகள் தொடர் இவற்றோடு ஆடையலங்காரத் தொடரும் சேர்ந்து திரியை (எங்களையும்) ஒரு வழி பண்ணப்போகிறது.

தொடர் சிறக்க வாழ்த்துக்கள்.

அன்புள்ள பார்த்தசாரதி சார்,

'ஞானஒளி' ஒரு அற்புத சுரங்கம், தோண்டத் தோண்ட வந்துகொண்டேயிருக்கும். ஒரு அருமையான காட்சியை விவரித்துள்ளீர்கள். மகள் கூழ் குடிக்கும் காட்சியைப் பார்த்து நடிகர்திலகம் கண்களில் பாசம் பொங்க ரசிக்கும் காட்சி பார்க்கப்பார்க்க திகட்டாதது. முன்பு நானும் இக்காட்சி பற்றிய குறிப்பொன்றை எழுதியிருந்தேன். வேலைப்பளுவுக்கு நடுவில் தங்களின் பங்களிப்புக்கு நன்றி.

ஆண்டவன் கட்டளையில் நீங்கள் சொன்ன அக்காட்சி முக்கிய தருணங்களில் ஒன்று. புரொபஸரிடம் கணப்படும் மாற்றத்தை, மாணவர்களில் ஒருவரான சந்திரபாபு சந்தேகம் கலந்த வியப்போடு பார்ப்பார். நடை உடைகளில் மாற்றம் மட்டுமல்லாது, வகுப்பிலும் காதலின் உயர்வு பற்றிப் பாடமெடுப்பார்.

Quote:

---

Originally Posted by NTthreesixty Degree

பாகம் - 2 : அனைவராலும் காப்பியடிக்கப்பட்ட நடிகர் திலகத்தின் ஸ்டைல் மற்றும் உடை அலங்கார நளினம்..!

"நடிகர் திலகம் - நடிப்பிற்கும் மேல் !! திரி நண்பர்கள் அனைவரும் இது எப்படி இருக்கிறது என்ற உங்களுடைய மேலான கருத்தினை, மற்றும் இந்த முயற்சியின் நிறை குறைகள் இருப்பின் அதனையும் சுட்டிக்காட்டினால் இன்னும் நன்றாக இதுபோல விஷயங்களை மேம்படுத்தமுடியும் என்று நம்புகிறோம். !



http://www.youtube.com/watch?v=i1GVP...m-upload_owner

---

கோபால் சார்
இடும் பதிவுக்கு கருத்து சொல்ல சொன்னால் ஒன்னும் சொல்றதில்ல ....ஆனா நீங்க போடற பதிவுக்கு மட்டும் நாங்க பதில் சொல்லனுமா?

என்ன ஞ்யாயம் சார் இது !!

நன்றி முரளி சார். ஞான ஒளி நம்மிடையே ஏற்படுத்தியிருக்கும் தா(க்)கத்தை தணித்துக் கொள்ள அருமையானதொரு வழியை சொல்லி மிகக் குஷியடையச் செய்து விட்டீர்கள். நம் நமது NT FAnS அமைப்பின் சார்பாக ஞான ஒளியை தரிசனம் செய்வதற்கு தாங்கள் முயற்சி செய்வதாகக் கூறியிருப்பதைக் கண்டு என்னைவிட சந்தோஷப் படுபவர்கள் இருக்கவே முடியாது. அதற்காக தங்களுக்கு என் கோடானுகோடி நன்றிகள். சித்தூராரும் வருகிறேன் என்று சொல்லியிருக்கிறார். அவருக்கும் என் நன்றிகள். எனதருமை செல்லமும் வியட்நாம் விட்டு தற்காலிக விடுதலை பெற்று ஒளியின் ஜோதியில் கலக்க இருப்பதாய் சொல்லி இருக்கிறது. ராகவேந்திரன் சார், பம்மலார் பற்றி சார் கேட்கவே வேண்டாம். அமர்க்களப் படுத்தி விடுவோம் நமது NT FAnS அமைப்பின் சார்பாக திரையிடப்பட்ட படங்களில் இப்படி ஒரு படத்திற்கு இதுவரை இம்மாதிரி ஒரு அமர்க்களம் நடக்கவில்லை என்று சொல்லுமளவிற்கு. காத்துக் கிடக்கிறேன்.

ஆ.பி.ஆணழகன் தொடருக்கு உற்சாக வரவேற்பு தந்த அருமை நண்பர் வினோத் சார், கோபால்ஜி, கல்நாயக் சார், சித்தூர் வாசுதேவன் சார், பார்த்தசாரதி சார், கார்த்திக் சார் அனைவருக்கும் என் மனமார்ந்த நன்றிகள்.

கல்நாயக் சார்,

நிச்சயம் தாங்கள் கூறியபடி முயற்சி செய்கிறேன் சார். நேரம்தான் பெரும் பிரச்சனை. ஒவ்வொரு பதிவிற்கும் நிறைய நேரம் பிடிக்கிறது. ஒரு சண்டைக் காட்சி தொடருக்கோ, நாயகியர் தொடருக்கோ அல்லது ஆடைகள் தொடருக்கோ அதை முழுமையாய் பதிவிட குறைந்தது மூன்று மணி நேரமாவது பிடிக்கிறது. இந்தத் தொடர்கள் அல்லாது நிறைய பதிவுகள் அதாவது ஆய்வுப் பதிவுகள், ஸ்டில் பதிவுகள், வீடியோப் பதிவுகள், நம் நண்பருடன் ஒரு ரிலாக்ஸுக்காக சில அரட்டைப் பதிவுகள், கருத்துப் பரிமாற்றங்கள் என்று ஒரு நாளின் பெரும்பான்மையான நேரத்தை நமது திரிக்காக சந்தோஷத்துடன் செலவிட்டு வருகிறேன். இதுவல்லாமல் filmography, school of acting திரிகளில் வேறு பதிவிட வேண்டியுள்ளது. ஆபிஸ் போய்விட்டு வரும் நேரம் போக, தூங்கும் நேரம் போக மீதி பெரும்பான்மையான நேரங்களை நமது திரியே ஆக்கிரமித்துக் கொள்கிறது. இதில் எனக்கு பூரண மனதிருப்தியே!

பார்த்த சாரதி சார்,

நன்றி! 'ஞானஒளி' யின் அற்புதக் காட்சிகளை எழுதி ஏகத்துக்கும் டென்ஷனை ஏற்படுத்தி விட்டீர்கள். அதுவும் அந்த பிரிட்ஜை மூட முடியாமல் கால்களால் மூட முயற்சிக்கும் கண்கொள்ளாக் காட்சி. நேற்று பலமுறை அந்தக் காட்சியையே போட்டுப் போட்டுப் பார்த்துக் கொண்டிருந்தேன். தங்களைப் போலதான் எனக்கும். பாசமலருக்குக் கூட அழாத கல்லுளிமங்கன் என்னை ஆண்டனி அரைநொடியில் கரைத்து விடுவான். கதற வைத்து விடுவான். அவனுக்குள்ள சக்தியே தனி. சக்தியே தனி. சக்தியே தனி. அவனைக் கண்டால், அவன் பட்டதையெல்லாம் நினைத்தாலே போதும். கண்களில் கங்கை வழிந்தோடும். முரட்டுப் பயல் மட்டுமல்ல எதற்குமே கொடுத்து வைக்காத பாவி. அவனைப் போல வேதனைப் பட்டவனை உலகத்தில் எங்கும் காண முடியாது. அவனுக்கு யாருமே இல்லை. மகளே இருந்தும் இல்லை. தனி மரமாய்த் தவித்தவன்.

ஆனால் அவனுக்கு நான் இருக்கிறேன். நீங்கள் இருக்கிறீர்கள். நாம் எல்லோருமே இருக்கிறோம். அதை அவனும் உணர்ந்தே இருக்கிறான்.

இருந்தாலும்

கண்களில் கண்ணீருடன் அவனையே நினைத்து உருகும் அவன் பக்தனான பித்தன்.

நெய்வேலி வாசுதேவன் இல்லை இல்லை கடலூர் வாசு(தேவன்)

ஹாய் சவுரி சார்!

நேற்றைய நாளை மறக்க முடியாமல் செய்து விட்டீர்கள். நன்றி!

நேற்று சவுரி சார் நெய்வேலிக்கு எங்கள் வீட்டிற்கு வந்திருந்து என்னை குதூகலிக்க வைத்து விட்டார். நேற்று மதியம் முதல் இரவு வரை ஒரே ஜாலிதான். வேறு என்ன செய்திருப்போம்? தலைவரைத் தவிர வேறு ஏதும் பேசியிருப்போமா! பேசித் தீர்த்து விட்டோம். நிறைய வீடியோக் காட்சிகள் பார்த்து மகிழ்ந்தோம். முக்கியமாக என் ஞான ஒளி, கருடா சௌக்கியமா, தங்கப் பதக்கம், காத்தவராயன், சாந்தி, முக்கியமாக ராமன் எத்தனை ராமனடி, என்மகன், ராஜா, கல்தூண், தியாகம் என்று மதியம் இரண்டு மணிக்கு கம்ப்யூட்டர் முன்னாடி உட்கார்ந்தவர்கள் இரவு எட்டு மணிக்கு மேல்தான் அவ்விடத்தை விட்டே நகர்ந்தோம். நல்லா என்ஜாய் பண்ணினோம். வியட்நாமிலிருந்து கோபால் போன் செய்து சவுரி சாரிடம் பேசினார். இரண்டும் என்னென்னவோ பேசிக் கொண்டன. (அவுங்களுக்குள்ள 1000 இருக்கும். நமக்கென்ன!)

பிறகு சவரி சார் ஒன்பது மணிக்கு ஊருக்குப் புறப்பட்டு விட்டார். நிஜமாகவே பிரிய மனமில்லாமல் பிரிந்தோம்

நன்றி சவுரி சார்.

இப்படி நாமெல்லோரும் ஒரு நாள் முழுக்க ஒரு தனி ரூம் எடுத்து தங்கினால் எவ்வளவு மகிழ்ச்சியாய் இருக்கும். ஏற்பாடு செய்து விடவா?

கார்த்திக் சார்,

கைகளில் மாய, வசியக் கோல் பிடித்து எழுதுவீர்களோ! திரும்பத் திரும்ப தங்களின் ஆண்டவன் கட்டளைப் பதிவைப் படிக்க வைத்துக் கொண்டே இருக்கிறீர்களே!

எங்கள் குலம் தழைக்க வைக்க வந்த கோமகன்.

http://i1087.photobucket.com/albums/...47817683_n.jpg

ஸ்டில் புதிர்

நடிகர் திலகம்

ஸ்ரீராமனாக

வில்லை எடுத்து

http://i1087.photobucket.com/albums/..._006721919.jpg

வளைத்து

http://i1087.photobucket.com/albums/..._006722919.jpg

பின் வில்லை முறித்து

http://i1087.photobucket.com/albums/..._006725319.jpg

சீதையைப் பார்த்து வெற்றிப் புன்னகை புரியும் காட்சி எந்தத் திரைப்படத்தில்? (ராமன் என்ன ஒரு அழகு!)

http://i1087.photobucket.com/albums/..._006724239.jpg

ஆடைகளுக்கென்றே பிறந்த ஆணழகர் (தொடர் 2)

'பணம்' படத்தின் வித்தியாசமான ஜமீன்தார் டைப் உடையில் நடிகர் திலகம்.

http://i1087.photobucket.com/albums/...fd4f3bb7a1.jpg

வீட்டில் வேட்டி சட்டையுடன் பரண்மேல் அமர்ந்திருக்கும் நடிகர் திலகம்.

http://i1087.photobucket.com/albums/...rt%20-2/pa.jpg

சாதரணமான ஷர்ட்டில்.

http://img231.imageshack.us/img231/9...0509h57m00.png

வித்தியாசமான மேலாடை அதிகமில்லாத கிராமப்புற ஆடை.

http://i1087.photobucket.com/albums/...t%20-2/p-1.jpg

Father's day (16-6-2013)

http://www.oocities.org/thirunallar/siv28.jpg

Quote:

---

Originally Posted by NTthreesixty Degree

கோபால் சார்
இடும் பதிவுக்கு கருத்து சொல்ல சொன்னால் ஒன்னும் சொல்றதில்ல ....ஆனா நீங்க போடற பதிவுக்கு மட்டும் நாங்க பதில் சொல்லனுமா?

என்ன ஞ்யாயம் சார் இது !!

---

செஞ்சோற்று கடன் தீர்க்க சேராத இடம் சேர்ந்து வஞ்சத்தில் வீழ்ந்தாயடா.

Quote:

---

Originally Posted by Gopal,S.

செஞ்சோற்று கடன் தீர்க்க சேராத இடம் சேர்ந்து வஞ்சத்தில் வீழ்ந்தாயடா.

---

இது வல்லவன் வகுத்ததடா
வருவதை எதிர் கொள்ளடா

ஆடைகளுக்கென்றே பிறந்த ஆணழகர் (தொடர் 3)

''பரதேசி' தெலுங்குப் படத்தில் நாகேஸ்வரராவுடன் தலைவர். நடிகர் திலகம் அணிந்திருக்கும் ஷர்ட்டில் இரு பாக்கெட்டுகளிலும் டிசைன் வைத்து தைத்திருப்பதைப் பாருங்கள்.

http://i1087.photobucket.com/albums/...an31355/pa.jpg

'பராசக்தி' யில் மேலும் ஒரு உடையழகைக் காட்டும் ஸ்டில்

http://upload.wikimedia.org/wikipedi...akthi_cast.jpg

இன்று தந்தையர் தினம் :

நம்முடைய தந்தையார் போல உள்ள, என்றும் நம் நினைவிலும் மனத்திலும் நீங்காமல் இருக்கும் நமது திரை உலக சித்தர் நடிகர் திலகத்தின் திரைப்படங்களில் இருந்து சில பாடல்கள் நம் திரி நண்பர்கள் பார்வைக்கு !

என்றும் நம் அன்புள்ள அப்பா !

மகளுக்கு மணமுடிக்கும் தந்தை அவரின் மனநிலை - புதிய உறவு வருகின்ற சந்தோஷம் மற்றும் மகளை பிரிய போகிறோமே என்ற ஒரு வருத்தம்...!

நம் சிம்மத்திற்கு கிடைத்த அருமையான மற்றும் ஒரு தந்தையார் வேடம் ! சித்தரின் சிறப்பை கேட்கவேண்டுமா ? பின்னி இருப்பார் பின்னி !!!

https://www.youtube.com/watch?v=vEOryOab15I



https://www.youtube.com/watch?v=MNx6Oz7KDxc

good very nice

சிறிது சிந்தித்தோமேயானால் சில வருடங்களுக்கு முன்பு கிட்டத்தட்ட இதே காட்சியமைப்பில் வந்த மற்றும் ஒரு பாடல்.

அதுவும் திரை உலக சித்தர் நம் நடிகர் திலகத்தின் நடிப்பில் வெற்றிகண்ட " நீதிபதி " திரைப்படத்தில் வரும் பாசமலரே அன்பில் விளைந்த ஆசை மலரே ...மணமுடிக்கும் நாள் வந்ததோ...என்ற பாடல்...!

இதில் தனது மருமகனிடம் தன் மகளின் நிலை குறித்து விளக்கி கண் போல காக்கவேண்டும் என்பதை உரைக்கும் வரியில்...கண்களால் அந்த அர்த்தத்தை புரியவைக்கும் திறன்.....அடேயப்பா ! எந்த நடிகனால் முடியும் ? நாம் இந்த பாடலில் காண்பது நடிகர் திலகம் என்ற கலைஞனை அல்ல !
ஒரு நல்ல தந்தையை என்றே கூறவேண்டும் !

தலைமுறையை தாண்டும் நடிப்பு !! நம் திரி நண்பர்களுக்காக !

https://www.youtube.com/watch?v=YKo4y7B1iWI

திரி நண்பர்களுக்கு

நேற்றைய முன்தினம் நம் நண்பர் திரு.நெய்வேலி வாசுதேவன் அவர்கள் இல்லம் சென்றது மறக்க முடியாத ஒரு நிகழ்ச்சி. பேருந்தை விட்டு இறங்கியவுடன் தயாராக என்னை அழைத்துசெல்ல வந்திருந்தார் நமது நெய்வேலியார்.

விருந்தோம்பல் என்றால் இதுதான் என்று கூறுகின்ற அளவிற்கு அப்படி ஒரு கவனிப்பு ! நான் நன்றாக உண்பவன் என்று எதை வைத்து நினைத்தாரோ தெரியவில்லை. அவ்வளவு உணவு வகைகள்...! கிட்டத்தட்ட

https://www.youtube.com/watch?v=YhvySbMt2tw


நினைவுபடுத்துவது போல.

எனக்கோ வெறும் சாம்பார் பொரியல் இருந்தாலே போதுமே..! என்னால் அவ்வளவு உணவுவகைகளை உண்ணமுடியவில்லையே என்ற ஒரு குறைதான் !

நெய்வேலியாரே ! என்னே உமது விருந்தோம்பல் ! பலே !

உணவருந்திவிட்டு...கணினி முன்பு உட்கார்ந்ததுதான் இரவு 8 மணி ஆனதே தெரியவில்லை. ! ஹ்ம்ம்..! காத்தவராயன் முதல் போப்பிலிராஜா வரை...ஒரு அலசல் !
நீண்ட நாட்களுக்கு பிறகு ஒரு relaxation எனக்கு ! தெம்பாக உள்ளது இப்போது..!

நெய்வேலியாரே ! நீங்கள் கூறியது போல நான் தயார்..! ஒரு வெள்ளிகிழமை மதியம் கிளம்பி இரவு வந்துவிடுகிறேன்..Return ஞாயிறு மாலை .!
2 நாட்கள் தூள் கிளப்பி விடலாம் !

Quote:

---

Originally Posted by Gopal,S.

செஞ்சோற்று கடன் தீர்க்க சேராத இடம் சேர்ந்து வஞ்சத்தில் வீழ்ந்தாயடா.கர்ணா ...

---

வஞ்சகன் கண்ணனடா ! (அவருக்கு இன்னொரு பெயரும் உண்டு இனிஷியலுடன் ?)

நமது திரியில் அதிகம் விவாதிக்கப் படாத ஸாரி, அறவே விவாதிக்கப் படாத 'ஜெனரல் சக்ரவர்த்தி' யின் 36-வது ஆண்டு துவக்க நாள். (16.06.1978 - 16.06.2013)

நடிகர்திலகம், புன்னகையரசி, கவிதா மற்றும் பலர் நடித்த திரை ஓவியம்.

100 நாட்களைக் கடந்து ஓடிய வெற்றிக்காவியம்.

டி.யோகானந்த் இயக்கத்தில், அகில இந்திய சிவாஜி ரசிகர்மன்ற தலைவர் சின்ன அண்ணாமலை அவர்கள் தயாரிப்பு.

மெல்லிசை மன்னரின் இசையில், 'ஓ மைடியர் டாக்டர்' , 'அழகிய கிளிகளின் ஊர்வலம்', 'நீ என்ன கண்ணனா நான் என்ன கம்சனா' போன்ற இனிய பாடல்களைக் கொண்ட படம்.

நமது ரசிகர்கள் இத்திரைக்காவியம் குறித்த தங்களது விமர்சனங்களை, கருத்துக்களை, அனுபவங்களை, காட்சிகளை, விளம்பரங்களை பகிர்ந்து கொள்ளலாமே.

இதே போல, வரும் 26-ம் தேதி, நமது திரியில் கண்டுகொள்ளபடாத இன்னொரு காவியம் 'உத்தமன்' 38-வது ஆண்டு உதய தினம். அதைக் கொண்டாட இப்போதே தயாராவோம்...

அன்புள்ள முரளி சார்,

தாங்கள் குறிப்பிட்டிருந்த வரலாற்றுப்பதிவைப் படித்தேன். அசந்து போனேன் என்பதே உண்மை. தியாகம் திரைக்காவியம் மதுரை சிந்தாமணியில் வெளியான மார்ச் 4 முதல் அது வெள்ளி விழாவைப் பூர்த்தி செய்யும் வரை, நடிகர்திலகம் படங்கள் மட்டுமல்ல, தமிழில் வெளியான மொத்தப்படங்கள் என்னென்ன, அவை எந்தெந்த நாட்களில் வெளியாயின. தமிழ்ப்படங்கள் மட்டுமல்லாது பிறமொழிப்படங்களும் கூட மதுரையில் எப்படியெல்லாம் தியாகத்துக்கு அச்சுறுத்தலாக, சவாலாக விளங்கின. புதிய தமிழ்ப்படங்கள், பிறமொழிப்படங்கள் மட்டுமல்லாது நடிகர்திலகத்தின் பழைய படங்களே கூட எப்படி போட்டிக்கு வந்தன. அவையனைத்தையும் புறங்கண்டு தியாகம் எப்படி அரங்கு நிறைந்த காட்சிகளாக ஓடி, வெள்ளிவிழா கொண்டாடி ரசிகர்கள் வயிற்றில் பால் வார்த்தது என்ற வரலாற்று ஏட்டினை, தங்களால் மட்டுமே பதிக்க முடியும் என்பதை கல்வெட்டில் பொறித்து விட்டீர்கள்.

வருங்கால தலைமுறையை விடுங்கள். அப்போது வாழ்ந்த தலைமுறைக்கே தெரியாத விவரங்கள் இவை. நீங்கள் ஒரு வரலாற்றுச்சுரங்கம் என்பதில் எள்ளளவும் ஐயமில்லை. எப்படி சின்னச் சின்ன விவரங்களைக்கூட விட்டுவிடாமல் தங்களால் தொகுக்க முடிகிறது என்பது உண்மையில் ஆச்சரியமே.

எனது இந்தப்பதிவு நான் அடைந்த வியப்பின் ஒரு சிறிய வெளிப்பாடு மட்டுமே.

சென்னையில் இந்தப்படத்துக்கு எதிரியாக வந்த படத்துக்கு இன்று உதய தினம் அதைத்தான் சென்ற பதிவில்கூட நினைவூட்டியிருக்கிறேன். எல்லாப்படங்களையும் சிவாஜியின் தம்பியே கெடுத்துக்கொண்டிருந்தால் எப்படி?. மன்றத்தலைவர் நான் எதற்கு இருக்கிறேன். என் பங்குக்கு நானும் கெடுக்க வேண்டாமா என்று களமிறங்கிய நாள் இன்று.

சாந்தியில் தியாகத்தை தொடர்ந்து ஓட விடுமாறு அதன் விநியோகஸ்தர்களான 'ஜே.சி.எஸ்.என்டர்பிரைசஸ்' எப்படியெல்லாம் கெஞ்சினார்கள் என்று எங்களுக்குத் தெரியும். நேரில் பார்த்தவர்கள் நாங்கள். தூக்கிக்கடாசி விட்டார்களே பாவிகள். அந்தக்கோபத்தில்தான், நன்றாக ஓடிக்கொண்டிருந்த கிரௌனிலும் அடுத்த வாரத்திலேயே (111 நாட்களில்) படத்தை எடுத்து விட்டனர் விநியோகஸ்தர்கள். (1967-ல் ஊட்டிவரை உறவுக்குப்பிறகு, சாந்தி, கிரௌன், புவனேஸ்வரி காம்பினேஷன் மாறி சாந்தி, மகராணி, அபிராமி என்ற காம்பினேஷனில் வந்த படம் ஜெனரல் சக்ரவர்த்தி (தியாகத்தின் சத்ரு) ...

சுப்பு,
நல்ல முயற்சி. நன்கு ரசித்தேன். பூங்கா wrong choice .நீங்களரியாமல் கசடுகள் பின்னணியில் வந்து விடும்.பின்னணியை நீலமாக்கி,வேண்டிய background பின்னால் சேருங்கள். உங்களுக்கும்,நண்பருக்கும் நன்றி,வாழ்த்துக்கள்.

கார்த்திக் சார்,
தங்களின் வயிற்றெரிச்சல் நம் எல்லோருக்குமே உண்டு. ஆனாலும் தியாகம் அந்த வருடத்தின் highest grosser ஆனது நமக்கெல்லாம் பெருமையே. புதிய பறவைக்கும், சிவந்த மண்ணுக்கும் சாந்தி theatre மறுக்க பட்டதில் இருந்தே ..... திரும்ப யோசித்தால் நாம்தான் தலைசுற்றி கீழே விழுவோம்.

திரை உலக சித்தர் சிவாஜிகணேசன் -
நடிகர் திலகத்தின் இசை அறிவை பற்றியும் அவர் வெளிபடுத்தும் நுனுகங்களின் சிலவற்றை இங்கே தொகுத்து வழங்குகிறோம்.Part 2.விமர்சனங்கள் வரவேற்கபடுகிறது....

http://www.youtube.com/watch?v=i3AXdlCYAXU

Sowri,
Thoroughly enjoyed Part 2 .(Rather enjoying midway).You could have included pasamalar piano. I happened to watch a channel while I was in U.S. They telecasted a piano play and finguring style is 100% Pasamalar.What a perfection.
As I have mentioned in one of my earlier postings, miruthanga chakravarthi 1)Lost touch with Miruthangam.2)Tension due to competition and challenge with his own son.3)Age Factor. 4)Anxiety and you observe his lip sync with thala. The oozing blood could have been avoided.

புதிய நண்பர் ரமேஷ் சத்யநாராயணன் அவர்களே,
தங்களுடைய முதல் பதிவினையே நம் நடிகர் திலகம் திரியில் இட்டு பெருமை பெற்று விட்டீர்கள். நமக்கெல்லாம் பெரு மகிழ்வை யூட்டி விட்டீர்கள். தங்களைப் பற்றி அறிய ஆவலாயுள்ளோம். தங்களுடைய வரவு இங்கே, good, very nice

நண்பர்களே,
சொந்த வேலை காரணமாக சில நாட்கள் வெளியூர் சென்றிருந்த படியால் இங்கு பங்கேற்க முடியவில்லை. அதற்குள் .... வியப்பையூட்டும் மலைப்பூட்டும் வண்ணம் அருமையான பதிவுகள்.

வாசு சார்,
முக்கியமாக குறிப்பிட வேண்டியது வாசு சாரின் ஆடைகளுக்கென்றே பிறந்த ஆணழகன். ... தொடர் ... இது வரை இல்லாத அளவிற்கு புதிய அளவில் இத்தொடர் வரவேற்பைப் பெறப் போவது உறுதி. அதற்கு நம் அனைவரும் உறுதுணையாய் இருப்போம். வாசு சார் ஜமாயுங்கள்..

சாரதி சார்,
ஞான ஒளி பற்றிய தங்கள் பதிவும் வாசு சாரின் பதிவும் கண்களைக் குளமாக்கி விட்டன. நடிகர் திலகம் என்றாலே உணர்ச்சி மயம் தானோ...

கோபால் சார்,
தொடருங்கள் தங்கள் உலக அதிசயத்தை..

கார்த்திக்,
எல்லா ரசிகர்களைப் போலவே தங்களுடைய ஆதங்கத்தைப் பகிர்ந்து கொண்டுள்ளீர்கள்.

சௌரி சார்,
தங்களுடைய வீடியோக்களை நான் இனிமேல் தான் பார்க்க வேண்டும். நிதானமாக எழுதுகிறேன்.

பெயர் விட்டுப் போன மற்ற நண்பர்களனைவருக்கும் வாழ்த்துக்கள்.

அன்புடன்

ஜெனரல் சக்ரவர்த்தி
1978 ல் நம்மவருக்கு பல படங்கள் வெளிவந்தது . கிட்ட தட்ட 8 படங்கள் . வெற்றியின் விகிதம் மிக அதிகம் முதலில் வந்த அந்தமான் காதலி 100 நாட்கள் , தியாகம் கேட்கவே வேண்டாம் அப்படி ஒரு ஓட்டம் அதுக்கு அப்புறம் வந்த என்னை போல் ஒருவன் சாராசரி வெற்றி படம் , ஆனால் புண்ணிய பூமி மட்டும்அந்த வருடம் ஏமாற்றிவிட்டது.
இந்த நிலையில் தான் சின்ன அண்ணாமலை நம்மவர் வை ஒரு மாறுப்பட படத்தில் நடிக்க வைத்து , வெற்றி பட இயக்குனர் யோகானந்த் அவர்களை ஒருங்கிணைந்து ஒரு படம் தயாரிட்டார் .
அந்த படம் தான் ஜெனரல் சக்கரவர்த்தி

இந்த படம் சிறந்த குடும்ப சித்திரம்

ஜெனரல் சக்கரவர்த்தி மிக சிறந்த குடும்ப தலைவர் , மனைவி KR விஜய ஒரு டாக்டர் , மகள் கவிதா காலேஜ் படிக்கிறார் . நன்றாக இருக்கும் குடும்பத்தில் கவிதாவினால் ஒரு பிரச்சனை வருகிறது , அவர் கல்யாணம் ஆகும் முன்பே கருவுற்றகிறார், அதுக்கு காரணம் மோகன் (மோகன் ஷர்மா, கோலங்கள் தொடரில் வரும் தேவயானியின் தந்தை) அவர் இறந்து விடுகிறார். இதை அறிந்த KR விஜயா தான் கர்ப்பமாக இருபதாக அனைவரையும் நம்ப வைக்கிறார் , இதை NT கண்டு பிடித்து விடுகிறார் , இந்த பிரச்னையை NT எப்புடி தீர்வு காணுகிறார் என்பதே கதை

இந்த படத்தில் என்னக்கு பிடித்த காட்சி :

NT வெவ்வேறு மாநிலங்களில் இருந்து வரும் தன் நண்பர்களை கலாய்க்கும் காட்சி , மிக சரளமாக வெவ்வேறு பாஷையை பேசுவார் , இந்த காட்சியின் பாதிப்பு தான் கமல் நடித்த பஞ்சதந்திரம் காட்சி
இந்த படத்தில் காமெடி என்ற பெயரில் நம்மளை சோதித்து இருப்பார்கள் , அதுவும் அந்த கட்டபொம்மன் காமெடி , கிட்ட தட்ட ஒரு parody அந்த காட்சியை அனுமதித்தது நடிகர் திலகத்தின் விசாலா மனசை காட்டுகிறது ,
நீ என்ன கண்ணனா நான் என்ன கம்சனா பாடல் காட்சியில் நம்மவர் காட்டும் உக்கரம் , கண்களில் இருக்கும் ஒரு வித பரபரப்பு , அதை எதிர்கொள்ள பயப்படும் KR விஜயா , கவிதா வின் நடிப்பு அந்த படலை வேறு ஒரு தளத்துக்கு கொண்டு செல்கிறது .
படத்தின் மிக பெரிய பலம் திரைக்கதை , ஒரு குடும்ப கதையை ஒரு வித த்ரில்ளீர் போல கொண்டு சென்று இருப்பார்

ஆரம்பத்தில் சாதரணமாக செல்லும் படம் , அதுவும் நம்மவர் ஆப்ரிக்கா சென்ற உடன் ஆமை வேகத்தில் நகரும் , நம்மவர் திரும்பி வந்த உடன் கொஞ்சம் வேகம் பிடிக்கும் , நம்மவர்க்கு ,உண்மை தெரிந்த உடன் சுடு பிடிக்கும் கதை , இறுதி வரை அதே வேகத்தில் முடிகிறது

கோபால்,

ஸ்டில் புதிர் ஒன்று போட்டிருந்தேனே! எங்கே பதிலைக் காணோம்? நழுவி தப்பிக்க வேண்டாம். பதில் சொல்லு. அது ஒண்ணும் வேற்றுமொழிப் படமில்லை. ஒரிஜினல் தமிழ்ப்படம்தான்.

Quote:

---

Originally Posted by ragulram11

என்னை போல் ஒருவன் சாராசரி வெற்றி படம்

---

ராகுல்,

தவறு. விவரம் தெரியாமல் எழுத வேண்டாம். எ.போல்.ஒருவன் வசூலில் நிமிர்த்து கட்டிய ஒரு படம். பேய் வசூலை வாரிக் குவித்த படம். இத்தனைக்கும் தியாகம் 04.03.1978 அன்று வெளியாகி சக்கை போடு போட்டுக் கொண்டிருக்கும் போதே என்னைப் போல் ஒருவன் 19.03.1978 அன்று வெளியாகி வசூல் பிரளயம் செய்தது. இத்தனைக்கும் நீண்ட நாள் தயாரிப்பில் வேறு இருந்த படம். நீண்ட நாள் தயாரிப்பில் இருந்த படங்கள் வசூலில் தோற்றுத்தான் போய் இருக்கின்றன. ஆனால் எ.போல்.ஒருவன் மாதிரி சில படங்கள் விதிவிலக்கு. எங்கள் கடலூரிலேயே கிட்டத்தட்ட ஒரு மாதத்திற்கு ஓடி கலக்கியது. அதனுடைய வசூல் விவரங்கள் நமது ரசிகர் மன்ற நோட்டீஸ்களில் கொடுக்கப்பட்டது என்னிடம் உள்ளது. ரசிகர் மன்ற நோட்டீஸ் வசூல்களை வெளியிட்டால் சில பிரச்னைகள் வரும் என்று நான் வெளியிடுவதில்லை.

தயவு செய்து விவரமறியாமல் எழுத வேண்டாம்.

நாகிரெட்டியார் சொன்னது.....

உழைப்பாளி' படப்பிடிப்பு மும்முரமாக நடைபெற்றுக் கொண்டிருக்கும்போதே "பைரவதீபம்' (தெலுங்கு), கறுப்பு வெள்ளை (தமிழ்) படங்களுக்காக தயாரிப்பாளர் பி.வெங்கட்ராம ரெட்டியால் திட்டமிடப்பட்டது.

கறுப்பு வெள்ளை படத்தை இயக்குநர் கே.எஸ்.சேதுமாதவன் டைரக்ட் பண்ண, சிவாஜிகணேசன் அவர்கள் முக்கிய வேடத்தில் நடிக்க ஒப்புக்கொண்ட நிலையில், அவர் உணர்ச்சிகரமான காட்சிகளில் நடிக்கக்கூடாது, நடிக்க முடியாது என்று மருத்துவர் ஆலோசனை வழங்கினார். எனவே, நடிகர் திலகம் நடிக்கவில்லை என்றதும் எங்களுக்கு பெருத்த ஏமாற்றத்தையும் மனவருத்தத்தையும் ஏற்படுத்தியது. அதனால் அவரது கதாபாத்திரத்தில் மாறுதல் செய்து, கறுப்பு வெள்ளை படத்தில் மலையாள நடிகர் திலகன் நடித்தார். கே.எஸ். சேதுமாதவனுக்குப் பதிலாக மனோபாலா படத்தை இயக்கினார்.

புதிர் போட்டிகளில் ,இனி கலந்து கொள்வதில்லை என்ற கொள்கை முடிவை எடுத்துள்ளேன். புதியவர்களுக்கும், ஆரம்ப நிலை ரசிகர்களுக்கும் உரிய வாய்ப்பை வழங்கும் எனது முடிவை மற்ற ரசிகர்களும் வரவேற்பார்கள் என்று திடமாக நம்புகிறேன்.
ஜெய் ஹிந்த் ....

Nadigar Thilagam's films in TV Channels this week

Channel Date Time Movie

J MOVIES
19.6.13 6 AM PANAM
22.6.13 1 PM VIETNAM VEEDU
18.6.13 5 PM AVAN THAN MANITHAN

JAYA TV
18.6.13 10 AM UTHAMA PUTHIRAN
19.6.13 10 AM NEELA VAANAM
22.6.13 10 AM ETHIROLI
19.6.13 8.30 PM PUDHIYA PARAVAI

K TV 18.6.13 1 PM ETHIROLI

MEGA 24 20.06.13 6.30 PM VETRIKKU ORUVAN

MEGA TV 19.06.13 12.00 NOON VAA KANNA VAA

MURASU TV
18.06.13 7.30 PM MOHANA PUNNAGAI
22.06.13 7.30 PM UTHAMA PUTHIRAN

POLIMER TV 23.06.13 1.00 PM JALLIKKATTU

RAJ DIGITAL PLUS
21.06.13 10 AM MANGAIYAR THILAKAM
18.06.13 1 PM PATHI BAKTHI

VASANTH TV
19.06.13 2 PM JALLIKKATTU
20.06.13 2 PM NEETHIPATHI
23.06.13 2 PM MARUTHA NATTU VEERAN

ZEE TAMIL 20.06.13 2 PM RISHI MOOLAM

Quote:

---

Originally Posted by Gopal,S.

புதிர் போட்டிகளில் ,இனி கலந்து கொள்வதில்லை என்ற கொள்கை முடிவை எடுத்துள்ளேன். புதியவர்களுக்கும், ஆரம்ப நிலை ரசிகர்களுக்கும் உரிய வாய்ப்பை வழங்கும் எனது முடிவை மற்ற ரசிகர்களும் வரவேற்பார்கள் என்று திடமாக நம்புகிறேன்.
ஜெய் ஹிந்த் ....

---

.......