http://oi65.tinypic.com/2cwn9ky.jpghttp://oi65.tinypic.com/wi4h7p.jpg
நன்றி வான்நிலா விஜயகுமாரன்
Printable View
http://oi65.tinypic.com/2cwn9ky.jpghttp://oi65.tinypic.com/wi4h7p.jpg
நன்றி வான்நிலா விஜயகுமாரன்
"பாத்தூண் மரீஇ யவனைப் பசிஎன்னும்
தீப்பிணி தீண்டல் அரிது " ( குறள் - 227)
தான் பெற்ற உணவைப் பலரோடும் பகுத்துண்ணும் பழக்கம் உடையவனைப் பசியென்ற நோய் தீண்டுவதில்லை என்கிறார் தெய்வப்புலவர்.
ஒவ்வொரு பருக்கையிலும் எவனோ ஒருவனின் பசி அடைபட்டிருப்பதை அறிந்தேதான் உண்டானது அன்னதானம் என்றால் மிகையல்ல....
இல்லாதார்க்கு ஈயும் அந்த ஒரு பிடி கவளச் சோற்றினாலும் பிழைத்துக் கொண்டிருக்கிறது உலகெங்கும் பலவுயிர்கள்....
அதனால்தான் கோபத்துடனும், ஏக்கத்துடனும் சொன்னான் நம் தேசியக்கவி..."வயிற்றுக்குச் சோறிடல் வேண்டும் இங்கு வாழும் உயிர்கட்கெல்லாம்...!"என்று.
அந்தச் சீரிய சிந்தனையின் அடிப்படையிலேதான் துவங்கி, இன்று பதினெட்டாம் வாரத்தை எட்டியுள்ளது
நடிகர்திலகத்தின் 90வது பிறந்தநாளை முன்னிட்டு குரூப்ஸ் ஆஃப் கர்ணனின் 52 வார தொடர் அன்னதான நிகழ்ச்சி.
( 27:01:2019 )இன்று நடைபெற்ற அன்னதான நிகழ்ச்சியின் உபயதாரராக பங்கேற்றவர்கள் சென்னையைச் சேர்ந்த பிரசன்ன வெங்கடேஸ்வரா கேட்டரிங்கைச் சேர்ந்த திரு. BP.ராகவன் அவர்கள், மற்றும் கனடாவில் வசிக்கும் இலங்கையை சேர்ந்த, திரு வல்லிபுரம் சிவானந்தன் அவர்கள்.
இன்றைய நிகழ்ச்சிக்கு சிறப்பு விருந்தினர்களாக வருகை தந்து நிகழ்ச்சியைச் சிறப்படையச் செய்த எழுத்தாளர் மற்றும் இயக்குநர் திரு.ராசி. அழகப்பன், திரைப்பட நடிகர் திரு.கணேஷ்பிரபு, திரைப்பட இயக்குநர் திரு.சலீம், பிரபல எழுத்தாளர் திரு. சுந்தரபுத்தன், திரைப்பட தயாரிப்பாளர் திரு.இசக்கி முத்தைய்யா, கோவை மாவட்ட சிவாஜி மன்றத்தைச் சேர்ந்த திரு.துளசிராஜ், அகில இந்திய சிவாஜி மன்றத்தின் CS.குமார் ஆகியோர் என்றென்றும் எம் நன்றிக்குரியவர்களாவர்.
இவ்வார உபயதாரர்களுக்குரிய நினைவுக்குறிப்பேடுகளை திரு. இசக்கிமுத்தைய்யா வழங்க வல்லிபுரம் திரு.சிவானந்தன் சார்பாக திரு.முரளி ஸ்ரீநிவாஸ் அவர்களும், திரு.CS.குமார் அவர்கள் வழங்க திரு.BP.ராகவன் சார்பாக அம்பத்தூர் சுப்பிரமணியன் அவர்களும் பெற்றுக்கொண்டனர்.
வருகை புரிந்த சிறப்பு அழைப்பாளர்களுக்கு குரூப்ஸ் ஆஃப் கர்ணன் சார்பாக புத்தகங்களை மன்றத்து நண்பர்கள் வழங்கினர்.
பின்னர், சிறப்பு அழைப்பாளர் திரு. ராசி.அழகப்பன் அவர்கள் அன்னதானத்தைத் துவக்கி வைத்தார். அவரோடு, திரைப்பட நடிகர் கணேஷ்பிரபு, இயக்குநர் திரு. சலீம், எழுத்தாளர் திரு.சுந்தரபுத்தன், திரு.இசக்கிமுத்தைய்யா ஆகியோரும் பொதுமக்களுக்கு உணவைப் பரிமாறினர்.
திரு. ML.கான் அவர்கள் நிகழ்ச்சியை ஒருங்கிணைத்திட, திரு. RS.சிவா, திரு. ஏழுமலை, திரு. பாண்டியன், திரு. நவீன், திரு. பாலாஜி, திரு. காமராஜ், திரு.சங்கர், திரு.நட்ராஜ், திரு. ராமஜெயம், திரு. துவாரகேஷ், திரு. நந்தகுமார், அம்பத்தூர். திரு. வெங்டேசன், திரு. KS. நரசிம்மன், திரு. சுகுமார், திரு. தணிகாசலம், திருமதி. ஜெயாதணிகாசலம், திரு.ராமசாமி GH, திரு.குமார், கொச்சினைச் சேர்ந்த திரு.தேசிகன், திரு.தீனன், தம்பி. தங்கமாரியப்பன் என்று ஏராளமான சென்னை நகர்வாழ் நடிகர்திலகத்தின் அன்பு இதயங்களோடு பொதுமக்களும் பெருமளவு கலந்து கொள்ள நிகழ்ச்சி இனிதே நிகழ்ந்தேறியது.
அடுத்த பத்தொன்பதாம் வார அன்னதானத்தின் உபயதாரர் அரபு மண்ணான மஸ்கட்டில் வசிப்பவரும் நடிகர்திலகத்தின் ரசிகையுமான திருமதி.சாவித்திரி அவர்கள் என்பதை மகிழ்வோடு தெரிவித்துக் கொண்டு விடைபெறுவது....
வான்நிலா விஜயகுமாரன்.
http://oi65.tinypic.com/2qn5dp2.jpghttp://oi64.tinypic.com/2s1lytd.jpg
நன்றி வான்நிலா விஜயகுமாரன்.