Nadigar Thilagam Sivaji Ganesan - Part 5

அவன் தான் நடிகன் (சிவாஜி இசை விழா - பாகம் 4)
(சென்னை காமராஜர் அரங்கம் ; 3.1.2010 - ஞாயிறு ; மாலை 6:30 முதல் 10:00 வரை)

பிரார்த்தனைப் பாடலாக வீரபாண்டிய கட்டபொம்மனிலிருந்து "வெற்றி வடிவேலனே" பாடல் காட்சி (தொகையறா மட்டும்) திரையில் ஒளிர்ந்தது. நடிகர் திலகத்திற்கு இசை மேதை வி.என்.சுந்தரம் பாடிய அபூர்வ பாடல். ஆரவாரத்தால் அரங்கம் அதிர்ந்தது.

திரைக்காட்சி முடிந்த பின்னர் ஒய்.ஜி. தொடர்கிறார் :
"நமக்கு கட்டபொம்மன்னா சிவாஜி சார் தான். நிஜ கட்டபொம்மனை யாருக்குமே தெரியாது. இன்னிக்கி வீரபாண்டிய கட்டபொம்மனோட 250வது பிறந்த நாள். இதை எனக்குச் சொன்னவர் திரு. ராகவேந்தர். சிவாஜி சாருக்கு நடிகர் திலகம்.காம் என்கிற வெப்சைட்டை ரொம்ப சிறப்பா நடத்துறாரே அவர் தான். எனக்கு இதை அவர் தான் சொன்னார். அதுனால தான் கட்டபொம்மனிலிருந்து முதல் காட்சி. அதே சமயம் சென்ற ஆண்டு மறைந்த இரண்டு மாபெரும் கலைஞர்களுக்கு நாம காட்சிகள் மூலமாவே அஞ்சலி செலுத்துவோம்."

உடனே ஒளித்திரையில் கட்டபொம்மனிலிருந்து "மனம் கனிந்தருள் வேல்முருகா" பாடலின் முதல் சில வரிகள் மறைந்த மாபெரும் நடிகை எஸ். வரலக்ஷ்மிக்காகக் காட்டப்பட்டன. தொடர்ந்து, மறைந்த மாபெரும் நகைச்சுவைச் சக்கரவர்த்தி நாகேஷுக்காக அவர் நடித்த திரைப்படங்களிலிருந்து நிழற்படங்களாக காட்சிகள் காட்டப்பட்டன. நாகேஷ் பிரபல கலைஞர்களுடன் இணைந்திருக்கும் புகைப்படங்களும் திரையில் காண்பிக்கப்பட்டன. நாகேஷ் காட்சிகளுக்கு பின்னிசையாக, "அப்பப்பா நான் அப்பனல்லடா" பாடலின் ஆரம்ப பின்னணி இசை இழையோடியது. அஞ்சலி அம்சமாக அமைந்தது.

இனி ஒய்.ஜி. "எப்பேர்ப்பட்ட அற்புதமான கலைஞர்கள். ஹேட்ஸ் ஆஃப் டு தெம். நம்ப நிகழ்ச்சியின் முதல் பாடலும் ஒரு பிரேயர் சாங். என்ன பாடல்னு நீங்களே பாருங்க. அதுக்கு முன்னாடி இந்தப் பாட்டப் பாடப் போறவங்களப் பத்தி நான் சொல்லியாகணும். பாடலை பாடப் போறவங்க பாக்யஸ்ரீ, விசாலின்னு இரண்டு மராத்தி பெண்கள். இவங்களுக்கு கொஞ்சம் கூட தமிழ் பேசத் தெரியாது. நான் இவங்கள இதுக்காக தமிழ்ல திட்டியும் பாத்தேன். அவங்களுக்கு புரியலை, தெரியலை. அதுனால சுத்தமா தமிழ் தெரியாதுன்னு தெரிஞ்சுக்கிட்டேன். இவங்க பம்பாய்லேந்து நல்ல தமிழ் பாட்டுக்களை, அதுவும் சிவாஜி சார் பாட்டுக்களை பாடணும்னு ஆர்வத்தோட, மராட்டிய சிவாஜி மாநிலத்துலேந்து நமக்காக வந்திருக்காங்க. இவங்க ஆர்வத்த ஊக்குவித்தவர் இவங்களோட குரு கணேஷ். சமீபத்துல வந்த ஸ்லம் டாக் மில்லியனேர் படம் பாத்திருப்பீங்க. பம்பாயில, அந்த மாதிரி ஒரு ஏரியாவிலேந்து பிறந்து வளர்ந்து, கஷ்டப்பட்டு முன்னேறி, இன்னிக்கி சிறந்த பாடகிகளா ஜொலிஜொலிக்கிறாங்க. அவங்களுக்கும், அவங்க குருவுக்கும் மனமார்ந்த பாராட்டுக்கள். அவங்க பாடறத கேளுங்க. தமிழ் உச்சரிப்ப கவனிங்க. நீங்களே அசந்து போவீங்க. இனி முதல் பாடல் பாக்யஸ்ரீ, விசாலி குரல்களில்.
"

கந்தன் கருணை திரைக்காவியத்தில் இடம்பெற்ற "திருப்பரங்குன்றத்தில் நீ சிரித்தால்" பாடலை, பிரார்த்தனைப் பாடலாக (முதல் பாடலாக) இரு மராட்டிய பாடகிகளும் ரொம்பப் பிரமாதமாகப் பாடினர். சிறந்த தமிழ் உச்சரிப்பு. செந்தமிழ் மொழியின் ழகர,ளகர, லகரங்களெல்லாம் அவர்கள் நாவில் நயமுற உட்கார்ந்து ஒளி வீசின. அவர்கள் பாடியதும் கஷ்டமான பாடல். அதன் ஏற்ற இறக்கங்களும், பாடலில் உள்ள கார்வைகளும், கமகங்களும், அசைவுகளும் அவர்களுக்கு வெகு சரளமாக வந்தன. மொத்தத்தில் சிம்ப்லி சூப்பர்ப். எல்லாம் கலைமகள் அருள். கலையுலகின் தலைமகன் சிவாஜி அருள். தமிழ் தெரியாதவர்கள், தமிழ்ப் பாடலை இத்தனை சிறப்பாகப் பாடியமைக்காக அவர்கள் இருவருக்கும் மனமார்ந்த பாராட்டுக்கள், வாழ்த்துக்கள், நன்றிகள். தமிழே தெரியாது, தமிழ் எனக்கு வராது, தமிழ் உச்சரிப்பு சரியா வராது என்றெல்லாம் குதர்க்கம் பேசுவோர், இவர்கள் இருவரையும் உதாரணமாகக் கொண்டு, நல்ல தமிழைக் கற்க வேண்டும் அல்லது கற்றுக் கொள்ள சிறிதளவு முயற்சிகளையாவது மேற்கொள்ள வேண்டும். இந்த இரு சிறந்த பாடகிகளையும் நமக்கு அறிமுகப்படுத்திய ஒய்.ஜிக்கு நன்றி கலந்த பாராட்டுக்கள் !

தொடரும் ....

அன்புடன்,
பம்மலார்.

THIRU MURALI SIR,
சுமார் 20 வருடங்களுக்கு முன்பு நான் பார்த்த என் தம்பி படத்தை என் மூளையின் ஒரு ஓரத்தில் கொஞ்சம் மங்கலாக ஞாபகப்படுத்தி வைத்திருந்தேன்.ஆனால் அந்த படத்தை மீண்டும் ஒரு முறை வெள்ளித்திரையில் பார்த்த அனுபவத்தை தங்கள் பதிவு கொடுத்தது.நான் எப்போதும் சொல்வது போல நடிகர்திலகத்தின் ரசிகர் சமூகம் தங்களுக்கு என்றென்றும் கடமைப்பட்டிருக்கிறது. :notworthy:



திரு பம்மல் சார்,
நடிகர்திலகம் சம்பந்தப்பட்ட நிகழ்ச்சிகளை எப்போதும் எங்களுக்கு முரளி சார் அவர்கள்தான் விலாவரியாக விவரிப்பார்.இப்போது நீங்களும் முனைந்திருப்பது மிகுந்த மகிழ்ச்சி.அடுத்த பாகம் எப்போது வரும் என்று ஏங்க வைத்து விட்டீர்கள்.தயவு செய்து வசந்தமாளிகை இதழை மீண்டும் கொண்டு வருமாறு பணிவோடு கோருகிறேன்

சாரதா,

நன்றி. நடிகர் திலகத்தின் நடிப்பைப் பற்றி சொல்லும்போது பாடல்களின் நடுவே நடக்கும் நிகழ்வுகளை எழுதியதால் தனியாக அந்த பாடல்களைப் பற்றி விளக்கமாக எழுதவில்லை.

Third Party Distribution மதுரையில் ஒரு காலத்தில் பிரமாதமாக நடந்தது. விநியோகஸ்தரைப் பொறுத்த வரை பெட்டிக்குள்ளே இருப்பதை விட இது போன்ற ரிலீஸ்-கள் அவர்களுக்கு உட்கார்ந்த இடத்தில் பணத்தைக் குவித்துக் கொண்டிருந்தது. சென்னையில் இது நடைமுறையில் இருந்ததா என்பது எனக்கு சரியாக தெரியவில்லை. ஆனால் ராகவேந்தர் சாரிடம் பேசிக்கொண்டிருந்த போது, இது சென்னையிலும் இருந்தது என்று சொன்னார். ரோஜாரமணியை சந்தித்தது பற்றி நீங்கள் ஏற்கனவே சொல்லியிருந்த போதிலும் மீண்டுமொரு முறை படிப்பதற்கு சுவையாகவே இருந்தது.

செந்தில்,

நன்றி. உணர்ச்சி மிகுதியால் கடமைப்படுவது போன்ற வார்த்தைகளை சொல்கிறீர்கள். இந்த சிவாஜி சேனாவில் நானும் ஒரு அணில்.

நேற்று நடந்த இசை விழாவிற்கு தவிர்க்க முடியாத காரணங்களால் என்னால் செல்ல இயலவில்லை. நண்பர் சுவாமி அவர்கள் அதை அழகாக வர்ணனை செய்திருக்கிறார். நன்றி சுவாமி. செந்தில் சொன்னது போல அடுத்த பகுதிக்காக காத்திருக்கிறோம்.

அன்புடன்

டியர் முரளி சார்,

தங்களது பாராட்டுக்களுக்கு அன்பான நன்றிகள் !

"என் தம்பி" தங்கக்கம்பி என்பார்கள். நமது நடிகர் திலகத்தின் திரைப்படத்திற்கு மட்டுமல்ல, தங்களது நேர்த்தியான திறனாய்வுக்கும் இது பொருந்தும்.

பூக்கடைக்கு விளம்பரம் தேவையில்லை. நடிகர் திலகம் நன்றாக நடிக்கிறார் என்று கூறினால், அவர் நடிப்பதற்கு கேட்கவா வேண்டும் என்பார்கள். அது போல, தங்களின் திறனாய்வு பிரமாதமாக இருக்கிறது என்றால், அது எப்போதுமே எப்போதும் போல் பிரமாதமாகத் தானே இருக்கும் என்றே கூறுவார்கள். தங்களது எந்தவொரு திறனாய்வையும், யார் படித்தாலும் நான் மேற்கூறியதையே முன்மொழிவார்கள். நானும் அதையே வழிமொழிகிறேன்.

மூன்று பாகங்களும் முக்கனிகளாய் இனிக்கிறது.

மொத்தத்தில் தங்களது என் தம்பி திரைப்படக் கண்னோட்டம் / திறனாய்வு அருமை, செழுமை, முழுமை.

தங்களுக்கு எனது பாசமிகு பாராட்டுக்கள், நயமான நன்றிகள், வளமான வாழ்த்துக்கள் !

அன்புடன்,
பம்மலார்.

டியர் ஹரீஷ் சார்,

தங்களது பாராட்டுக்களுக்கு பற்பல நன்றிகள் !

வசந்த மாளிகை (இதழ்), தற்காலிகமாகத் தான் பூட்டப்பட்டுள்ளது. கடவுள் அருளாலும், கலைக்குரிசிலின் ஆசிகளாலும், தங்களைப் போன்றோரது வாழ்த்துக்களாலும், அதன் திறவுகோல் , என்னிடம் பத்திரமாக உள்ளது. அதைக் கொண்டு, வசந்த மாளிகை மீண்டும் விரைவில் வெற்றிகரமாகத் திறக்கப்படும்.

காலம் கனியும் காத்திருப்போம் !

காத்துக் கிடப்பதில் இன்பம் உண்டு !! காக்க வைப்பதில் சுகம் உண்டு !!!

அன்புடன்,
பம்மலார்.

மதுரை சென்ட்ரலில், சிவாஜி பெருமானின் திருவிளையாடல், வரலாறு படைத்துளளது. முதல் 5 நாட்களில் (வெள்ளி, சனி, ஞாயிறு, திங்கள், செவ்வாய்), அதாவது 25.12.2009 முதல் 29.12.2009 வரை, மொத்த வசூலாக ரூ. 40000 /- (ரூபாய் நாற்பதாயிரம்) அளித்துள்ளது. பழைய படங்களைப் பொறுத்த வரை இது இமாலய சாதனை.

வைகுண்ட ஏகாதசி (28.12.2009) அன்று, நடுநிசிக் காட்சியை தரிசித்தவர்கள் 192 பக்தர்கள். அந்த ஒரு காட்சிக்கு மட்டும் மொத்த வசூல் ரூ. 2200 /- (ரூபாய் இரண்டாயிரத்து இருநூறு). இதுவும், பழைய படங்களுக்கு ஒரு சிறப்பான சாதனையே.
( 5 நாள் மொத்த வசூல் தொகையில், நடுநிசிக் காட்சி வசூலும் அடங்கியுள்ளது.)

அன்புடன்,
பம்மலார்.

பார் மகளே பார் - கதாநாயகன் - சிவாஜி கணேசன்

http://i949.photobucket.com/albums/a...ofImage066.jpg


http://i949.photobucket.com/albums/a...s/Image026.jpg

http://i949.photobucket.com/albums/a...s/Image012.jpg

http://i949.photobucket.com/albums/a...s/Image007.jpg

http://i949.photobucket.com/albums/a...Image005-1.jpg

http://i949.photobucket.com/albums/a...ofImage048.jpg

http://i949.photobucket.com/albums/a...ofImage067.jpg

http://i949.photobucket.com/albums/a...Image075-1.jpg

http://i949.photobucket.com/albums/a...Image076-1.jpg

http://i949.photobucket.com/albums/a...Image080-2.jpg


http://i949.photobucket.com/albums/a...Image071-1.jpg

http://i949.photobucket.com/albums/a...Image073-1.jpg

http://i949.photobucket.com/albums/a...Image081-2.jpg


http://i949.photobucket.com/albums/a...Image085-2.jpg


இப்படம் முற்றிலும் நடிகர் திலகத்தை பல கோணங்களில் காணலாம்:

முதல் காட்சியிலேயே நம்மை கவர்ந்துவிடுவார் ! நண்பர்களுடன் பில்லியர்ட்ஸ் ஆடுவது போல துவங்கம் அவர் வரும் காட்சி. ஒரு நடனமங்கை உங்களை பார்க்கவேண்டுமென்று விரும்புகிறார் என்று பணியாளர் சொன்ன உடனே முகபாவம் சற்று கோபமாக மாறி அந்த மனிதரை அனுப்பிவிடும் விதமே நமக்கு ஒரு செய்தி தரும்.....இவர் மற்றவர்களை போல இல்லை..மாறுபட்டவர் என்று !

தன் மனைவிக்கு ப்ரசவ வேதனை என்று செய்தி கிடைத்ததும் ஒரு வேகம்....

மருத்துவமனையில் தன் மனைவியை கண்டதும் ஒரு அன்பான அரவணைப்பு...

அருகில் 2 குழந்தைகளை கண்டதும்...." ஓ இரட்டை பிறவிகளா " என்று உற்சாகம்.

நண்பனின் போக்கு பிடிக்கவில்லை என்பதில் ஒரு தீர்மானமான முடிவு...அவர் அதில் காட்டும் கடுமை..ஒரு கைதேர்ந்த தொழிலதிபர் என்பதற்கு ஒரு எடுத்துக்காட்டு...

குழந்தைகளிடம் அளவற்ற அன்பு....அதே சமயம் அவர்களிடம் ஒரு கண்டிப்பு...அவர்களை வளர்க்கும்விதத்தில்

தானாக வளர்த்துகொண்ட அந்தஸ்து என்ற பிடிவாத குணம்....அதனால் வெளிப்படுத்தும் ஒரு பெரிய மனிதனை போன்ற நடை, உடை , பாவனை

பணியாளர் கருணாநிதியிடம் முதலில் கண்டிப்பு.....

தன் பெண் ஒரு நல்ல குடும்பதை சேர்ந்த வாலிபனை மணக்க விரும்புகிறாள் என்றதும் ஒரு உற்சாகம், முத்துராமனிடம் சாதாரணமாக உரையாடத்துவங்கி உடனே தன் போக்கை மாற்றிக்கொள்ளும் விதம்..

ஒரு பெண் தன்னுடையவள் இல்லை என்று வி.கே.ஆர். சொன்னதும் ஒரு சீற்றம்..அதிற்ச்சி...

தன் அருமை மனைவி கூட தன்னிடம் மறைத்துவிட்டாளே என்று வெறுப்பு...

முதல் பெண் விஜயகுமாரி தன் மகள் இல்லை என்ற செய்தி கிடைத்ததும் ஒரு நிம்மதி..

பின் அவளை பற்றிய செய்தி அனைத்தும் தவறானது என்றதும் மீண்டும் பொங்கி எழும் ஒரு தந்தையின் பாசம். அன்பு.

ஆனால் அவள் இறந்து விட்டாளே என்று தாங்கமுடியாத சோகம்..அவலை நினைத்து நினைத்து வாடுவது... மனைவி படுத்த படுக்கையாகிவிட்டாளே என்று துயரம்..இயலாமை....

முடிவில் தன் பெண்ணை கண்டதும் சந்தோஷம்..மகிழ்ச்சி...

நண்பணிடம் மன்னிப்பு கேட்டுகொண்டு பழைய நட்பின்படி, தன் பெண்ணை நண்பனின் மகனுக்கே மணமுடித்தல்.............


இப்படி ஒரு கம்பீரத்துடன் துவங்கும் அவர், படிபடியாக தளர்ந்து தான் கொண்ட அந்தஸ்து, கவுரவம்..என்ற கோட்பாட்டிலிருந்து வரும் அவர் தான் படத்தின் நாயகன்...

உண்மையிலேயே தன் சொந்த பெண்ணை பறிகொடுத்தவர் போல துடிக்கும் காட்சி தான் தலை சிறந்த நடிப்பு...

மின்னல் வேகத்தில் அவர் காட்டும் முகமாற்றம் இப்படத்தின் சிறப்பு..

அவருடைய நடை , உடை , பாவனையிலேயே ஒரு பணக்கார தொழிலதிபரின் எல்லா குணாதிசயங்களையும் காணலாம்.

படத்தின் 3/4 பகுதி புகை பிடிப்பது போல ஒரு அமைப்பு... அதில் பாதி பகுதி அதை பிடித்துக்கொண்டே பலவிதமாக பேசும் ஸ்டையில் !

வடநாட்டு ஆடையான குர்தா-பைஜாமா ...இந்த உடையை அவர் பொது வாழ்க்கையில் எப்போதும் பயன்படுத்துவார்...இப்படம் முழுவது அதுதான் அவரின் உடை ! ஒரு அழகான குருந்தாடி கூட.!

34 வயதில் ஒரு நடுத்தர/ வயதான வேடம் செய்ய யாருக்கு தான் துணிச்சல் வரும்...

காதலி...மனைவியுடன் ஆடிப்பாட காதல் பாட்டு கிடையாது....

இப்படி படம் முழுவதும் ஆக்ரமித்துக்கொள்ளும் நம் நடிகர் திலகத்தின் திறமையை பற்றி எழுத ஒரு கட்டுரையே வேண்டும்
காலத்தை வென்ற நடிப்பு... நடிகர்களின் திலகம் தான் இவர் !

நன்றி.

அவன் தான் நடிகன் (சிவாஜி இசை விழா - பாகம் 5)
(சென்னை காமராஜர் அரங்கம் ; 3.1.2010 - ஞாயிறு ; மாலை 6:30 முதல் 10:00 வரை)

பாக்யஸ்ரீ, விசாலிக்கு "திருப்பரங்குன்றத்தில் நீ சிரித்தால்" பாடலுக்காக ஆடியன்சிடமிருந்து அபார அப்ளாஸ். ஒய்.ஜி. தொடர்ந்தார்:

"அடுத்த பாடல் ஒரு டூயட். இன்னிக்கி நிகழ்ச்சில நாம பெரும்பாலும் சிவாஜி சாருடைய ரொமான்டிக் ஹிட்ஸ், அதாவது அவரது காதல் பாடல்களத் தான் அதிகம் பாக்கப் போறோம். இதுக்கு முன்னாடி நடந்த நிகழ்ச்சிகளில் எல்லாம் சிவாஜி சாருடைய தெய்வீகம், தத்துவம், சோகம், வீரம் இழையோடிய பாட்டுக்கள பாடிருக்கோம். அதுனால இந்த நிகழ்ச்சில மெஜாரிட்டி அவருடைய காதல் ஹிட்ஸ். என்னமோ அவருக்கு காதலிக்கவே தெரியாதுங்குற மாதிரி சில பேர் பேசறாங்க. அவருக்கா! காதலிக்க தெரியாதா!? இப்போ நீங்க கேக்கப் போற பாட்டுக்கள் மூலமா அவரு எவ்வளோ பெரிய ரொமான்டிக் ஹீரோன்னு புரியும். அங்க அசைவுகளுக்கே போக வேண்டாம். தனது பார்வையாலேயே காதல், காமம் எல்லாத்தையும் காட்டக் கூடியவர், கொடுக்கக் கூடியவர் அவர். வைரமுத்து எழுதிய வரிகள் அவருக்கு நிச்சயமாப் பொருந்தும். "ஓரக்கண்ணால் பாத்தாலே நான் புள்ளத்தாச்சி" அப்பிடின்னு வைரமுத்து எழுதினார். சிவாஜி சார் ஓரக்கண்ணால பாத்தாலே புள்ளத்தாச்சி தான். அவரோட காதல் நடிப்பு அப்படி இருக்கும். இப்ப பாடப் போற காதல் டூயட் எனக்கு, என் மனதுக்கு மிகவும் பிடித்த சிவாஜி டூயட். இதைப் பாடப் போறவங்க எங்களின் டி.எம்.எஸ், புவர் மேன்ஸ் டி.எம்.எஸ் கோவை முரளி மற்றும் பர்த்டே பேபி போல இருக்கும் சைந்தவி."

வரகவி வாலியின் வைர வரிகளில் மினுமினுவென்று மின்னி ஜொலிஜொலிக்கும் உயர்ந்த மனிதன் திரைக்காவியத்தில் இடம்பெற்ற "வெள்ளிக்கிண்ணந்தான் தங்கக்கைகளில்" பாடல் மிக அற்புதமாகப் பாடப்பட்டது. கோவை முரளி நகல் டி.எம்.எஸ். சைந்தவியின் "ஹஹ்ஹஹ்ஹஹ்ஹஹ்ஹா" ஹம்மிங் "ஓஹோ ஒஹோ" ரேஞ்ச். மொத்தத்தில் பாடல் பாடிய விதம் மனதுக்கு நிறைவு. பாடல் முடிந்ததும் பலத்த கைத்தட்டல். ஒய்.ஜி.க்கு மட்டுமா, நமக்கும் ரொம்பப் பிடித்த டூயட் ஆயிற்றே இது. தமிழ் சினிமாவின் தலைசிறந்த 100 டூயட்டுக்கள் என்ற பட்டியலிட்டால் அதில் "வெள்ளிக்கிண்ணந்தான்" நிச்சயம் இடம்பெறும். ஓவர் டு ஒய்.ஜி.

"அடுத்த பாடல் சிவாஜி சார் நடிக்காத படத்துலேந்து. புரியலையா!? அவர் நடிக்காமல் நடிச்ச படத்துலேந்து. யெஸ்! முதல் மரியாதையே தான். அவருக்கு non-acting வரும், subtle acting வரும். எல்லா வகை ஆக்டிங்கும் அவருக்கு வரும். இதோ இதப் பத்தியெல்லாம் சொல்ல வருகிறார் ஏ.ஆர்.எஸ்."

நடிகர் திலகத்தின் தீவிர ரசிகர், பராசக்தியை 17.10.1952 அன்றே சென்னை பாரகனில் பார்த்த பெருமைக்குரியவர், நாடக , திரைப்பட நடிகர் ஏ.ஆர். சீனிவாசன் என்கிற ஏ.ஆர்.எஸ். ஸ்மார்ட்டாக ஹீரோ போல் மேடைக்கு வந்தார். பேசத் தொடங்கினார்:

"எல்லோருக்கும் வணக்கம் ! மகேந்திரா சொன்னா மாதிரி சிவாஜி சாருக்கு தெரியாத ஆக்டிங்கே கிடையாது. முதல் மரியாதை படத்தோட முதல் 2 நாள் ஷுட்டிங் ஷெட்யூல் முடிஞ்சிருந்த சமயம் சிவாஜி சார ஷுட்டிங் ஸ்பாட்லேயே சந்திக்கற வாய்ப்பு எனக்கு கிடைச்சுது. அப்ப என்ன பாத்து சிவாஜி சொன்னார், 'முன்னல்லாம் நெறய நடிப்பேன், கொஞ்சம் பணம் குடுப்பாங்க. இப்ப கொஞ்சம் தான் நடிக்கறேன், ஆனா நெறய பணம் குடுக்கறாங்க.'அப்படின்னார். அதுக்கு அவர்கிட்ட நான் சொன்னேன், 'முன்னாடி நடிச்சதுக்கும் சேத்து இப்போ வட்டியும் மொதலுமா வாங்கிக்குங்க' அப்படின்னு சொன்னேன். அவர் முதல் மரியாதைல செஞ்சது non-acting. Subtle acting கிறது வேற. அவரு subtleலா எவ்ளோ படத்துல ஆக்ட் பண்ணிற்கார் தெரியுமா! அவர மாதிரி subtleலாவும் யாரும் ஆக்ட் பண்ண முடியாது. அவர பத்தி சில பேர் குறை சொல்லுவாங்க ஓவர் ஆக்டிங்னு. அவங்களுக்கு நான் சொல்றேன். ஆக்ட் பண்ண தெரிஞ்சா தான் ஓவர் ஆக்ட் பண்ண முடியும். அவருக்கு ஆக்டிங் தெரிஞ்சதுனால தான் அவரால கதை, பாத்திரத்தின் தன்மைக்கேற்ப அங்கங்க தேவையான இடத்துல ஓவர் ஆக்டிங்கும் பண்ண முடிஞ்சுது. இப்ப இருக்கிறவங்களெல்லாம் non-actors. அவங்களெல்லாம் அவரோட ஓவர் ஆக்டிங் பத்தி பேச தகுதி கிடையாது. இனி முதல் மரியாதை பாடலுக்குப் போவோம். இந்தப் பாடலப் பாடப் போறவங்க அனந்து, கல்பனா."

அனந்து,கல்பனா இரு குரலிசையில் "பூங்காற்று திரும்புமா" பாடல் மிக அருமையாகப் பாடப்பெற்றது. "அடி நீதானா அந்தக்குயில்" வரி வந்த போது விசேஷக் கைத்தட்டல். பாடல் நிறைவுற்றதும் பலத்த கைத்தட்டல்.

சிறந்த பாடல். சிறப்பாகப் பாடப்பட்டது. மக்கள் மனங்கள் மகிழ்ச்சியில் மிதந்தன.

தொடரும் ......

அன்புடன்,
பம்மலார்.

Pammalar sir,

you are bringing the function in front of us, by giving detailed explanation for each song.

we feel of sitting in the centre hall of kamarajar arangam.

thanks a lot.

டியர் பம்மலார்,
நடிகர்திலகத்தின் இசை நிகழ்ச்சி பற்றிய விழா வர்ணனைகள் மிக அருமை. தொடர்ந்து ஒவ்வொரு பாடலுக்கும் உங்களின் விளக்கவுரையை எதிர்பார்க்கிறோம்.

நேற்று வசந்த் டி.வி.யின் 'சிங்கத்தமிழன் சிவாஜி' நிகழ்ச்சியில் பங்கேற்ற, மூவேந்தர் முன்னேற்றக் கழக தலைவர் திரு வ.மு.சேதுராமன், கந்தன் கருணை படத்தில் நடிகர்திலகத்தின் 'வீரபாகுத்தேவன்' ரோலை ரொம்ப சிலாகித்துப்பேசினார். அதன் தொடர்பாக படத்தில் வந்த நடிகர்திலகம் மற்றும் அசோகன் வாதம் செய்யும் காட்சிகள் (அபூர்வமாக) காண்பிக்கப்பட்டன.

விருது வழங்கும் கமிட்டியில் இருந்தவர்களின் சுயநலப்போக்கை வன்மையாக சாடினார். நடிகர்திலகம் தன்னுடைய ரசிகர்மன்றத்தை பிஸினஸ் நோக்கில் பயன்படுத்திக்கொள்ளவில்லை என்று ஆணித்தரமாகச் சொன்னார். நடிகர்திலகத்தின் வரலாற்றுப்புத்தகங்கள் மலிவு விலையில் பதிப்பிக்கப்பட வேண்டும் என்றும் அதற்கு தங்கள் இயக்கம் வேண்டிய உதவிகளைச்செய்யும் என்றும் கூறினார். காங்கிரஸ்காரர்கள் நடிகர்திலகத்தை தங்கள் சுயநலத்துகுப் பயன்படுத்திக்கொண்டு பின்னர் கண்டுகொள்ளாமல் விட்டு விட்டனர் என்று ஆதங்கப்பட்டார். இறுதியாக, நடிகர்திலகத்துக்கு 'பாரத ரத்னா' விருது வழங்கவேண்டும் என்று கேட்டுக்கொண்டார்.