Nadigar Thilagam Sivaji Ganesan - Part 5

Excerpts from Kutti Padmini's "Thirumbi Paarkiren" on 06/01/10.

'during the shooting of "Thiruvarutchelver" on a particular day a scene was to be shot in which NT was required to fall at the feet of KP, a 4 to 5 year old kid. Everyone in the set, including director APN, was sceptical that NT would agree to this. NT came and the scene and the dialogues were described to him. APN instructed the cameraman not to stop in between and go on filming till NT moves out of the field.

The shot began. After the wordy dual between the two, NT confesses his ignorance and screaming "AMMA THAYE!" FELL AT THE FEET OF THE KID to the disbelief of all others including KT herself.

Avandhan nadigan!!!

அசல் - அலசல்

அஜீத்-சரண்-பரத்வாஜ் கூட்டணியில் சிவாஜி ப்ரொடக்ஷன்ஸுக்காக இளைய திலகம் பிரபு தயாரிப்பில் விரைவில் வெளிவர இருக்கும் அசல் திரைப்படப் பாடல்கள் மிகவும் எதிர்பார்ப்பை உண்டாக்கி உள்ளன. அதை ஏமாற்றாத வகையில் இசை குறுந்தகடு விற்பனையில் புதிய சாதனை படைக்கும் வகையில் வேகமாக விற்பனையாகிக் கொண்டிருப்பது வரவேற்கத் தக்கதாகும். 6 பாடல்கள் அதில் இரு விதமாக வரும் ஒரு பாடலை சேர்த்தால் மொத்தம் 7 பாடல்கள். அனைத்துப் பாடல்களும் அனைவரையும் கவரும் வகையில் இருப்பது பாராட்டுக்குரியது. அசல் தல போல வருமா என்ற பாடலுடன் தொடங்குகிறது இசைத்தகடு. சுனிதா மேனன் பாடியுள்ளார். அஜீத் அவர்களின் ரசிகர்களின் பெருத்த ஆரவாரத்தை இப்பாடல் பெறும் என்பதில் ஐயமில்லை. தொடர்வது குதிரைக்கு தெரியும் என்கிற பாடல். சுர்முகி மற்றும் ஸ்ரீசரண் பாடியுள்ளனர். இப்பாடலில் புதிய பாணியில் இசையமைத்துள்ளார். இப்பாடல் ராகத்தை அடிப்படையாக வைத்து அதே சமயம் புதிய வகை இசையையும் இணைத்து மிகவும் அருமையாக உடனே ஹம் செய்யும் மெட்டில் படைத்துள்ளார். டொட்டொடெய்ங் என்ற அடுத்த பாடல் மேற்கத்திய இசையையும் நம்முடைய தொல்லிசையினையும் கலந்து உருவாக்கப் பட்டு மிகவும் வேகமாக பிரபலமாகக் கூடிய மெட்டில் அமைக்கப்பட்டுள்ளது. எங்கே எங்கே என்ற பாடல் எஸ்.பி.பாலசுப்ரமணியம் ஒரு முறையும் கார்த்திகேயன் குழுவினர் ஒரு முறையும் பாடியுள்ளனர். இந்தப்பாடல் மிகவும் ஆழ்ந்த கருத்துக்களை உள்ளடக்கிய பாடல் என்றாலும் ஹிட்டாக தாமதமாகும்.

குறுந்தகடின் சிறப்பம்சம் எம் தந்தைதான் என்று துவங்கும் பாடல். இப்பாடலின் ஒவ்வொரு வரியும் படத்தில் பாத்திரத்தைப் பொருத்தி எழுதப்பட்டாலும் உண்மையில் வார்த்தைக்கு வார்த்தை நடிகர் திலகத்தை எண்ணி எழுதப் பட்டுள்ளது. அப்பாடலிலிருந்து சில வரிகள்-
...
வீரத்தின் மகனென்று விழி சொல்லுமே
வேழத்தின் இனமென்று நடை சொல்லுமே
நிலையான மனிதன் எனப் பேர் சொல்லுமே
நீதானே அசல் என்று ஊர் சொல்லுமே
உன் போல சிலர் இன்று உருவாகலாம் - உன்
உடல் கொண்ட அசைவிற்கு ஈடாகுமா

..

எப்போதும் தோற்காது உன் சேனைதான்
இருந்தாலும் இறந்தாலும் நீ யானை தான்
கண்டங்கள் அரசாளும் கலைமூர்த்தி தான்
கடல் தாண்டிப் பொருளீட்டும் உன் கீர்த்தி தான்
..
தலைமுறைகள் கடந்தாலும் உன் பேச்சுத்தான்


இப்பாடலை பரத்வாஜ் அவர்கள் பாடியுள்ளார்.
-

குறுந்தகடின் மிகப் பிரபலமாக அமையக்கூடியது
துஷ்யந்தா என்று துவங்கும் பாடல்தான். சுர்முகி மற்றும் குமரன் பாடியுள்ள இப்பாடல் புதுமையாகவும் எளிமையாகவும் இனிமையாகவும் அமைந்துள்ளது. வரிகளும் வார்த்தைகளும் நீண்ட நாட்களுக்குப் பின் இப்படத்தில் ஒன்றுக்கொன்று போட்டி போட்டுக்கொண்டு ரசிகர்களை ஈர்க்கின்றன. இப்பாடல் பார்த்த ஞாபகம் இல்லையோ பாடலுடன் ரீமிக்ஸ் செய்யப் பட்டுள்ளது. ஆனால் எங்கேயும் தற்போதைய ரீமிக்ஸ் கலாச்சாரம் போல் கெடுக்காமல் அழகாக ராகத்துடன் இணைக்கப் பட்டு சஞ்சாரம் செய்து பார்த்த ஞாபகம் இல்லையோ பாடலில் வந்து முடிவடையும் போது இப்படிப் பட்ட ரீமிக்ஸ்களை வரவேற்பதில் தவறில்லை எனத் தோன்றுகிறது. இன்னும் சொல்லப் போனால் இந்தப் பாடலை ரீமிக்ஸ் எனசொல்வது கூடத் தவறு. இரு வெவ்வேறு பாடல்களின் இணை இசை என சொல்லலாம்.

மொத்தத்தில் பிரபு-அஜீத்-சரண்-பரத்வாஜ் கூட்டணியில் 2010ன் தொடக்கம் தமிழ்த்திரையுலகிற்கு நம்பிக்கை அளிக்கின்ற படமாக அசல் திகழும் என்பதற்கு இக்குறுந்தகட்டின் பாடல்கள் கட்டியம் கூறுகின்றன.

இக்குறுந்தகட்டினைப் பொறுத்தமட்டில் இசையின் அடிப்படையில் பாடல்களை வரிசைப் படுத்த வேண்டுமானால் கீழ்க்கண்டவாறு அமையலாம் -

முதலிடம் - துஷ்யந்தா
இரண்டாமிடம் - குதிரைக்குத் தெரியும்
மூன்றாமிடம் - எம் தந்தைதான்
நான்காமிடம் - எங்கே எங்கே
ஐந்தாமிடம் - டொட்டொடெய்ங்
ஆறாமிடம் - தல போல வருமா

இது பிரபலமாகக் கூடிய வரிசை என்று அடிப்படையில் வரிசைப்படுத்தவில்லை. ஆனால் என்னுடைய தனிப்பட்ட கருத்தின் அடிப்படையில் தான் அமைத்துள்ளேன்.

ராகவேந்திரன்

நடிகர் திலகத்தின் மதுரை ரசிகர்கள் இப்போதும் மிக ஆக்டிவாக இருப்பவர்கள் என்பதை பல முறை பல ஆதாரங்களோடு இங்கே சொல்லியிருக்கிறோம். அதிலும் குறிப்பாக காமராஜர் சாலை அரசமரம் பிள்ளையார் கோயில் குரூப்ஸ் என்றைழைக்கப்படும் மன்றங்கள் இதில் முதன்மையாக இருப்பார்கள். இவர்கள் வருடா வருடம் அக்டோபர் மாதத்தில் நடிகர் திலகத்தின் பிறந்த நாளை சிறப்பாக கொண்டாடுவது வழக்கம். இந்த வருடம் மதுரையில் சிலை திறப்பு விழா அந்த நேரத்தில் நடைபெற்றதால் தள்ளி வைக்கப்பட்ட அந்த பிறந்த நாள் விழா இந்த மாதம் 10-ம் தேதி, வரும் ஞாயிறன்று நடத்தப்படுகிறது. நமது சுவாமி சிறப்பு அழைப்பாளராக கலந்துக் கொள்கிறார்.

இந்த மாதத்திலேயே நடிகர் திலகம் சம்பந்தப்பட்ட வேறு ஒரு நிகழ்ச்சி முக்கியமான நகரத்தில் நடைபெற உள்ளது. விவரங்கள் விழா உறுதியானதும்.

அன்புடன்

Quote:

---

Originally Posted by Murali Srinivas

இந்த மாதத்திலேயே நடிகர் திலகம் சம்பந்தப்பட்ட வேறு ஒரு நிகழ்ச்சி முக்கியமான நகரத்தில் நடைபெற உள்ளது. விவரங்கள் விழா உறுதியானதும்.

அன்புடன்

---

:bluejump:

நண்பர்களே,

6வது பகுதியை நோக்கி வெற்றிப்பயணம் செய்யப்போகும் நம் நடிகர் திலகத்தின் திரியில் யாராவது ஆலயமணி பற்றி எழுதியுள்ளார்களா என்று தெரியவில்லை. இல்லையெனில் நான் விரைவில் அதை பற்றி எழுதுகிறேன், பொங்கல் சேர.

முரளி சார்,

நீங்கள் எழுதிய என் தம்பி பற்றிய தொகுப்பு மிகவும் அருமை. இதை போல பழைய படங்களை பற்றி எழுதவேண்டும் என்பது என் அவா. இப்படத்தில் நடிகர் திலகம் ஒரு வித்தியாசமான வேடத்தில் வருவது எனக்கு பிடித்த ஒன்று. முத்து நகையே பாடலில் அவர் நடிப்பு அற்புதம்.

நன்றி.

Sivaji Stays On...from The Hindu:
http://www.hindu.com/fr/2010/01/08/s...0851491200.htm

Quote:

---

Originally Posted by Murali Srinivas

நடிகர் திலகத்தின் பிறந்த நாள் விழா இந்த மாதம் 10-ம் தேதி, வரும் ஞாயிறன்று நடத்தப்படுகிறது.

---

மதுரை விழா தவிர்க்க முடியாத காரணத்தால் தள்ளிப் போடப்பட்டிருக்கிறது. விரைவில் மாற்று தேதி அறிவிக்கப்படும் என செய்தி வந்துள்ளது.

நன்றி ஹேஸ்டிங்ஸ்.

அன்புடன்

ஜோ,

சென்ற வார விகடனில் ஞான ஒளி விமர்சனம் வந்திருந்தது. அதை இங்கே பதியும்படி கேட்டுக் கொள்கிறேன்.

அவன் தான் நடிகன் (சிவாஜி இசை விழா - பாகம் 6)
(சென்னை காமராஜர் அரங்கம் ; 3.1.2010 - ஞாயிறு ; மாலை 6:30 முதல் 10:00 வரை)

முதல் மரியாதை பாடலுக்குப் பின் ஒய்.ஜி. சிவாஜிக்கு ராஜ மரியாதை செய்ய நினைத்தார் போலும்! ஆடியோவிலிருந்து வீடியோவுக்கு மாறினார். (சிவாஜி பக்தர் என்பதிலிருந்து என்றுமே மாறாதவர்)

"இப்போ ஸ்கிரீன்ல சில கிளிப்பிங்ஸ்" என ஒய்.ஜி. உரைத்தவுடன் விசில் பறந்தது.

"இங்க நீங்க பாக்கப் போறது 2 காட்சிகள். 2 படத்துலேந்து. ரெண்டுமே சிவாஜி சார் சாப்படற சீன்ஸ். முதல் காட்சியா நீங்க பாக்கப் போறது உயர்ந்த மனிதன் படத்துல வர சாப்பாடு சீன். காட்சியை நல்லா கவனிச்சு பாருங்க!"

உயர்ந்த மனிதன் திரைக்காவியத்தில் உள்ள உணவு உண்ணும் காட்சி ஒளித்திரையில் ஓடியது தான் தாமதம். உடனே பார்வையாளர்களின் பலத்த கரகோஷம். சிவகுமார் உணவைப் பரிமாற சிவாஜி சாப்பிடுகிறார். "நல்ல சாப்பாடு சாப்பிட்டு ரொம்ப நாளாச்சு." எனக் கூறிக் கொண்டே சிவாஜி ரசித்து, ருசித்து சாப்பிடும் அழகு, ஆஹா! ஆஹா! அவரது அபரிமிதமான நடிப்பு என்னும் கலை உணவை நாம் உட்கொள்ளும் போது நமது தாகம், பசி எல்லாம் தானாகத் தீர்ந்து விடுகிறது. உண்மை! அவர் நடிப்பைப் பார்த்தால் நம் பசி நிச்சயம் தீரும் ! ஆம் !! அவர் தான் நடிகர்!!!

காட்சி முடிந்ததும் ஒய்.ஜி. தொடர்ந்தார்.
"எவ்ளோ அனுபவிச்சு, ரசிச்சு, சுவைச்சு சாப்படறார் பாருங்க. இப்போ இந்த சீனப் பாருங்க. அதே சாப்படற சீன். ஆனா போன சீனுக்கும் இந்த சீனுக்கும் எவ்ளோ வித்தியாசம்னு பாருங்க."

முதல் மரியாதை மீன் சாப்பிடும் சீன் திரையில் நடைபெற்றது. கேட்கவே வேண்டாம். விசில் விண்ணைப் பிளந்தது. திரைக் காட்சி முடிவடையும் தருவாயில், உயர்ந்த மனிதனில் சாப்பாடு சாப்பிடும் அழகும், முதல் மரியாதையில் மீன் சாப்பிடும் நேர்த்தியும், அந்த ஒரே திரையில் வகுத்து, இடதுபுறமும், வலது புறமுமாகக் காட்டப்பட்டது. கம்பீரமான கரவொலி. இரண்டு சாப்பிடும் சீன்களை, இரண்டு வெவ்வேறு விதமாக செய்யும் நடிகர், உலகிலேயே நடிகர் திலகம் ஒருவராகத் தான் இருக்க முடியும். அதைப் பற்றி ஒய்.ஜி. கூறுவதையே கேளுங்கள்.

"அவர மாதிரி இழுத்துப் பாக்கறதுக்கு இங்க நமக்கு எதாவது மீன் துண்டு கிடைக்காதான்னு இருக்கு. ரெண்டு சீனையும் எவ்ளோ வித்தியாசமா பண்ணிருக்கார் பாருங்க! உயர்ந்த மனிதன்ல ஒரு பெரிய பணக்காரர், ஒரு பிரமுகர் எப்படி சாப்பிடுவாரோ அந்த மாதிரி. முதல் மரியாதைல , ஒரு கிராமத்து பெரியவர், எப்படி சாப்பிடுவாரோ அந்த மாதிரி. பாத்தீங்க இல்லையா ! அதுனால தான் சொல்றேன். அவன் தான் நடிகன் ! இனி அடுத்த பாடல். பாடப் போறது கோவை முரளி அண்ட் கல்பனா. இந்தப் பாடல் மெல்லிசை மன்னர் எம்.எஸ்.வி. அமைத்த one of the best duets. கேளுங்க!"

ராஜபார்ட் ரங்கதுரையிலிருந்து "மதன மாளிகையில்" என விருத்த நடையில் கோவை முரளி உச்சஸ்தாயியில் முழங்கிய போது காமராஜர் அரங்கமே கிடுகிடுத்தது. தொடர்ந்து "அன்பே ! அன்பே !" எனத் தன் குரல் என்னும் மயிலிறகால் மனங்களை வருடினார் கல்பனா. ஆரவார ஆரம்பம். தொடர்ந்து பாடல் பாங்குற பாடப்பட்டது. நிறைவடைந்தும் கூட நெஞ்சை விட்டு நீங்காமல் நின்றது. டி.எம்.எஸ்சையும் , சுசீலாவையும் அப்படியே நகல் எடுத்திருந்தார்கள் கோவை முரளியும், கல்பனாவும். பாடல் வரிகளைக் காதுகள் கேட்கக்கேட்க, நமது கண்களில் கலைக்குரிசில் காட்டும் காதல் கனிரசம், காதல் சிருங்காரம் காட்சிகளாகக் களை கட்டின. ரியல் ரொமான்டிக் ஹீரோ ரியலி அவர் மட்டும் தான்.

தொடரும் .....

அன்புடன்,
பம்மலார்.

அவன் தான் நடிகன் நிகழ்ச்சியை ஒவ்வொருவரும் அனுமதிச் சீட்டு இன்றி அரங்கம் தேடிச் செல்லாமல் அமர்ந்த இடத்திலேயே அனுபவிக்க வைக்கின்ற பம்மலாரை இனி நாம் இப்படி அழைக்கலாமே ...
"அவன் தான் ரசிகன்"

இன்று 09.01.2009, சனிக்கிழமை, 61வது ஆண்டில் அடியெடுத்து வைக்கும் குழந்தை Y.Gee.மகேந்திரா அவர்களுக்கு நம் அனைவர் சார்பிலும் அனைத்து சிவாஜி ரசிகர்கள் சார்பிலும் உளமார்ந்த வாழ்த்துக்கள். அவர் நீண்ட ஆயுளும் நிறைந்த செல்வமும் பெற்று நீடூழி வாழ எல்லாம் வல்ல இறைவனை வேண்டுவோம்.

ராகவேந்திரன்.

ஞான ஒளி (விகடன் இதழில் இருந்து)

'ஏழை படும்பாடு' காலத்தி லிருந்து நமக்கு அறிமுகமான 'கைதி-போலீஸ் இன்ஸ்பெக்டர்' போராட்டம்தான் என்றாலும், ஒரே பாதிரியாரின் பராமரிப்பில் வளர்ந்த நண்பர்க ளான முரட்டு இளைஞன் அந் தோணியையும், போலீஸ் இன்ஸ் பெக்டர் லாரென்சையும் பாச உணர்ச்சியைக் குன்றவிடாமல், கடமைக்காகப் புத்தி தீட்சண்யத் துடன் மோதிக்கொள்ள வைத்தி ருப்பது கதையின் சுவையான இழையோட்டம். பிற்பகுதியில் இந்தப் போராட்டம் விறுவிறுப் பாக இருக்கிரது. குற்றவாளி கண் ணெதிரே இருக்கிறான். அவனைப் பிடிக்கக்கூடிய இன்ஸ்பெக்டரும் அருகிலேயே இருக்கிறார். ஆனாலும் பிடிக்க முடியவில்லை. 'இதோ, அதோ' என்ற பரபரப்புக் கிடையே இருவருடைய சாமர்த் தியங்களும் மோதிக்கொள்ளும் இடங்கள் கதைக்குப் புதிய புதிய திருப்பங்களையும், சுவையையும் ஊட்டுகின்றன.

பட்டை தீட்டப்பட்ட ஜாதி வைரத்துக்கு உவமானம் சொல்ல வேண்டுமானால், சிவாஜியின் நடிப்பைச் சொல்லலாம்.

அந்த வைரம் சரியான இடத் தில் (கதையில்) இணைய வேண் டும். அப்படி இணைந்துவிட் டால், அதன் ஒளி வீச்சே அலாதி யாக இருக்கும். அப்படி அமைந்த ஒரு படம், ஞான ஒளி.

படம் நெடுகிலும் பளபளக் கிறது அவருடைய நடிப்பு. குறிப் பாக மேஜரிடமிருந்து எவர்சில்வர் டம்ளரைக் கிண்டலாகப் பேசிப் பெறும் காட்சியில் அவருடைய முத்திரை முத்தாகத் திரையில் விழுகிறது.

பிற்பகுதியில் சிவாஜிக்கு ஈடு கொடுத்துக் கம்பீரமாக நிமிர்ந்து நிற்கிறார் சுந்தர்ராஜன்.

எம்.ஆர்.ஆர்.வாசு - ஐ.எஸ்.ஆர். நகைச்சுவைப் பகுதி நன் றாக இருந்தாலும், வேண்டு மென்றே படத்தில் திணிக்கப்பட் டிருப்பது போலிருக்கிறது. வி.கே.ஆர். திரும்பி வந்து 30 பிஸ்கெட் என்னாச்சு என்று கேட்கிற இடம் அருமை.

சாரதாவின் உருக்கம் மிக்க அமைதியான தோற்றம், மேரியின் பாத்திரத்துக்கு அழகாகப் பொருந் துகிறது. ஆனால், காதல் காட்சி யில்..? பாவம், அவருக்குப் பொருந் தாத சூழ்நிலைகளையெல்லாம் உருவாக்கியிருக்கிறார்கள்.

நண்டு, கழுகு போராட்ட உவ மானம் ஆரம்பத்தில் சாதாரண மாகத் தோன்றினாலும், கடைசி யில் நண்டு வளையை விட்டு வெளி வரும்போது டைரக்டரின் சிறப்பும் வெளிப்பட்டது.

படத்தில் சில குறைகள் ஆங் காங்கே தென்பட்டாலும், அவற் றையெல்லாம் மறக்க வைக்கும் ஒரு சக்தி படத்தில் இருக்கிறது. அதுதான் ஜீவன்!