Nadigar Thilagam Sivaji Ganesan Part 12

Quote:

---

Originally Posted by g94127302

இணைய நண்பர்களுக்கு ஒரு வேண்டுகோள் - எவ்வளவோ வேலைகளுக்கு நடுவில் கிடைத்த இடைப்பட்ட நேரத்தில் , NT யின் மீது உள்ள பாசத்தினாலும் , மரியாதையினாலும் நாம் நம் பதிவுகளை -போடுகிறோம் - பதிவுகளை பார்த்தாலே அதில் எவ்வளவு உழைப்பு இருக்கு என்பது தெரியும் அன்புடன் ரவி

---

டியர் ரவி சார்,
இத்திரியின் பங்கேற்பாளர்களின் உழைப்பை என்றுமே, யாரும் குறைத்து மதிப்பிடமுடியாது. தங்களைப் போன்றவர்கள் திரி மற்றும் இணையதள பதிவுகள் மூலம் நடிகர்திலகத்தின் புகழுக்கு பெருமை சேர்ப்பதுபோல, என்னுடைய அலுவலகப் பணிக்கிடையே, நடிகர்திலகம் சிவாஜி சமூகநலப்பேரவை பணியின் காரணமாக திரியின் ஆய்வுகளில் பங்கேற்க இயலவில்லை. என்னைப்போன்ற பலரும் திரைப்பட ஆய்வுகள் / அலசல்களில் பங்கேற்காவிட்டாலும், தொடர்ந்து திரியின் பார்வையாளர்களாக, ரசிகர்களாக இருக்கிறார்கள்.

புதிய(பழைய)பறவை கோபால் அவர்களின் மீள் வருகை அறிவிப்பும் நமக்கு புதுத் தெம்பூட்டியுள்ளது. இதுபோல மற்ற பதிவர்களும் வருவார்கள் என்று நம்புவோம்.

தாங்கள் ஒவ்வொரு முறையும் தெரிவிக்கும் கருத்துக்கள், ஆலோசனைகள் திரியின் நன்மை, வளர்ச்சிக்காகவே என்பதை அனைவரும் அறிவர். இருந்தாலும் சில சமயம் ஆர்வ மிகுதியில் சிலர் இத்தகைய பதிவுகளை இடுவதும் வருங்காலங்களில் தவிர்க்கப்படும் என்று நம்புவோம். நன்றி.

Quote:

---

Originally Posted by ragulram11

தன் காதலியின் தந்தை தன்னை அவமானம் செய்யும் பொது கத்தி யை எடுத்து விட்டு , உறையில் வைக்கும் காட்சியில் , அவர் முகத்தை காண கண் கோடி வேண்டும் அதுவும் அவர் பெயர் வைக்கும் காட்சி அருமை , ஒரு யானைக்கு கணேசன் என்று பெயர் வைத்து விட்டு அவர் சிரிக்கும் சிரிப்பில் தான் எத்தனை அர்த்தங்கள். வயசானவராக மாறிய உடன் அவர் குரல் , body language ல் தான் எத்தனை மாற்றங்கள். வித்தியாசமான படத்தை எல்லோரும் ரசிக்கலாம்

---

டியர் ராகுல் ராம்,

தங்கமலை ரகசியம் பற்றிய தங்களுடைய விமர்சனம் அருமை. தங்களுடைய ரசனை - எங்களையும் ரசிக்கவைக்கிறது. தொடருங்கள்......

Thanks for your comments KC Sekar sir and Ravi Kiran Surya sir

http://i1273.photobucket.com/albums/...ps40458dfb.jpg

அன்புள்ள ரவிகிரண் , KC Sekhar சார் , சுப்பிரமணியம் ராமஜெயம் அவர்களுக்கும் , வாசுதேவன் சார் எல்லோருக்கும் - என் பணிவான நன்றிகள் - நீங்கள் எல்லோரும் பாராட்டியே ஆக வேண்டும் என்ற எண்ணத்தில் நான் பதிவுகளை போடுவதில்லை - என் மன சந்தோஷத்திற்காக மட்டுமே நான் இங்கு பதிவுகளை இடுகிறேன் - நான் சொல்லவந்ததே வேறு - இந்த திரி ஒரு "Relay race "ஆக இருந்தால் மிகவும் நன்றாக இருக்குமே என்ற ஒரு ஆசையில் தான் என் சொந்த கருத்துக்களை பதிவிட்டேன் - ஒருவர் ஒரு பட அலசலை முடித்தவுடன் அதை தொடர்ந்து - அந்த பட கதை , பாடல்கள் , அந்த படம் ஏற்படுத்திய தாக்கம் இவைகளை ஒவ்வருவராக அலசலாமே - திரியின் வேகமும் கூடும் , அந்த படமும் முழுவதும் ஆராயப்படும் - உதாரணத்திற்க்கு காவல் தெய்வத்தை எடுத்துகொள்வோம் - என் சிறிய அலசலுடன் அந்த படத்தின் அலசல் முடிந்துவிட்டதே - இதுதான் என் வருத்தம்.

அந்த படத்தில் ஆராய எவ்வளவு விஷயங்கள் இருக்கின்றன - அந்த மாதி ஒரு side ரோல் , புகழின் உச்சியில் இருக்கும் எவராவது பணம் வாங்காமல் நடிப்பார்களா ? தன் மகள் தான் உலகம் என்று இருந்தவனை ஏன் தூக்கு கயிறு மட்டுமே வரவேற்க வேண்டும் ? எவ்வளவு அர்த்தமுள்ள வசனங்கள் , பாடல்கள் - இப்படி என்னும் அலசலை தொடர்ந்திருக்கலாமே !! ப்ராப்தம் கதையில் , வர்த்தக ரீதியில் தொய்வு கண்டு இருக்கலாம் - ஆனால் அந்த படத்தை பற்றி பேச நிறைய விஷயங்கள் இருக்கின்றன - ராகுல்ராமின் அற்புதமான பதிவுகள் - நீரோடை போன்ற அவருடைய எண்ணங்கள் - ஆனால் அவர் பாட்டு எழுதிக்கொண்டே செல்கிறார் - நாமும் எங்கோ மழைபெய்வது போல வேறு விஷயத்தில் கவனம் செலுத்துகின்றோம் - ஏன் இந்த "DISCONNECT "???? -

NT யின் படங்களில் மட்டுமே அறிந்துக்கொள்ள , ஆராய , விவாதிக்க , உற்சாகபடுத்திகொள்ள எராளமான விஷயங்கள் இருக்கும் - ஒவ்வரு பாடலும் , கதையும் , நடிப்பும் ஒரு திரிக்கு சமமானவை . வெறுமனே படித்து செல்லாமல் ஒவ்வருவரும் , நேரம் கிடைக்கும் போது சில வார்த்தைகள் இருந்தாலும் போதும் - அவரவர்களின் எண்ண ஓட்டத்தை எழுத்து மூலம் தெரிவித்தால் - இந்த திரியின் வேகத்தை யாராலும் தடுக்க முடியாது - சமபந்தமே இல்லாமல் பதிவுகள் வரும் பொழுதுதான் - இந்த திரியின் ஆரோக்கியம் பாதிக்க படுகின்றது

என்னை பொருத்தவரையில் , NT யின் வெற்றி படங்களை விட அவருடைய வெற்றி இல்லாத படங்கள் தான் அதிகம் அவருடைய நடிப்புக்கு தீனி போட்டன - படங்கள் தோல்வியை சந்திக்கலாம் என்று தெரிந்தும் அவர் தன் நடிப்பில் , ஈடுபாட்டில் துரோகம் செய்ததே இல்லை , மாறாக இன்னும் நன்றாகவே தன திறமையை வெளி படுத்திருப்பார் - யாருக்கு இந்த நல்ல மனம் வரும் ? கொடையாளிகள் என்று சொல்பவர்கள் எல்லாம் இவரிடம் பிச்சை வாங்க வேண்டும் - இப்படி உள்ள சில படங்களை ஏன் நாம் முழுவதும் அலசிய பின் வேறு தலைப்புக்கு செல்ல கூடாது ? இதுதான் என் ஆதங்கம் !!

அன்புடன் ரவி

திரியின் வேகத்தை எப்படி அதிகரிப்பது - ஒரு கற்பனை பதிவு - பெயர்கள் உட்பட


அசோக் : நமது 6வது திரி இந்த பதிவுடன் மிகவும் வெற்றிகரமாக முடிவடைகின்றது - அடுத்த பாகத்தை நமது நண்பர் , ராஜ ராஜ தொண்டைமான் அவர்கள் துவக்கி வைக்க வேண்டும் என்று வேண்டி கேட்டுக்கொள்கிறேன்

முத்து : அருமையான யோசனை அசோக் அவர்களே !- தொண்டைமான் தான் சரியான நபர் - இந்த திரியில் அவர் உழைத்தது போல நம் தலைவர் கூட படத்தில் உழைத்திருக்க மாட்டார்.

கார்த்தவராயன் : அப்படி சொல்ல வேண்டாமே முத்து அவர்களே !- தொண்டைமானே தொவக்கட்டும்

ராஜு , ஸ்ரீதர் , செல்வ பாண்டியன் , கரும்தேள் கண்ணன் , முக்காடு மூவேந்தன் - ஆமாம் , ஆமாம் தொண்டைமானே தொவக்கடும் - தலைவர் புகழ் தாரணி எங்கும் பரவட்டும் - தமிழ் ஓங்கட்டும் - வருக வருக தொண்டைமான் அவர்களே !!

6வது திரி இப்படியே 350பக்கங்களை தொட்டு விட்டது

தொண்டைமான் : முத்து உங்களுக்கு தெரிந்திருக்கும் - "விட்டேனா உன்னை " என்ற படத்தில் தலைவர் தண்ணீரில் நின்று கொண்டிருப்பார் - அப்போது ஒரு பெரிய மீன் தன குட்டிக்கு , நீந்த சொல்லிகொடுக்கும் - அந்த குட்டி நீந்த முடியாமல் தவிக்கும் - நம் தலைவர் அதை கையில் எடுத்து தரையில் விடுவார் - தலைவா அப்படி செய்யாதீர்கள் என்று நாம் திரை அரங்கில் கத்தினோமே ! - பிறகு தான் தெரிய வரும் - அதுதான் அந்த சின்ன மீனுக்கு நீந்த சரியான வழி - தாய் மீன் உடனே தலைவரின் காலை தொட்டு முத்தமிடும் - அந்த காட்சியில் அழாதவர்களே கிடையாது தயாரிப்பாளர்கள் உள்பட -

முத்து : எப்படி மறக்கமுடியும் இந்த படத்தை - படம் 239.5 அரங்குகளில் 567 நாட்கள் ஓடி சுமார் 10 லட்சம் அந்த காலத்திலேயே சம்பாதித்து கொடுத்ததே - அதில் வரும் பாடல் ஒன்று உங்களுக்காக

பகலில் சந்திரன் வருவதில்லை
இரவில் சூரியனை காண்பதில்லை
ஏழையின் வீட்டிலோ உணவில்லை
மாடி விட்டிலோ அமைதி இல்லை "

அசோக் : அதே மாதிரி தலைவர் - "வரியா , வரவில்லையா " படத்தில் ஐஸ் கிரீம் சாப்பிடுவார் - சாப்பிட்டுவிட்டு அந்த கோனை ஒரு ஏழை பாட்டிக்கு தரும் போது கைத்தட்டல் வானை பிளக்கும்


தொண்டைமான் : இந்த திரி இவ்வளவு சீக்கிரமாக முடிவடையும் என்று நினைக்கவே இல்லை - இதுவரை சுமார் 45,47,78,001 பேர் இந்த பதிவை படிக்கிறார்கள் என்று நினைக்கும் போது தலைவர் தலைவரே , அவரை வெல்ல அவரால் தான் முடியும் என்று சத்தம் போட்டு சொல்ல தோன்றுகின்றது -----

அன்புடன்
ரவி

இப்படி நாம் நம் திரியை வளர்க்கவில்லை - அப்படி ஒரு வேலை வளர்த்திருந்தால் - இந்த நேரம் திரி 120வது பாகத்தை தொட்டிருக்கும் - என்ன உழைப்பு , எவ்வளவு கருத்துக்கள் , எத்தனை எண்ண ஓட்டங்கள் , எந்த மாதிரியான ஆவணங்கள் , எத்தனை ஆணி தரமான உண்மைகள் - இதையெல்லாம் மீறி எத்தனை பக்தி , dedication , hard work ? ஆனால் முயல் போல அதிகமாக உறங்கிவிடுகின்றோம் - அலசவோ ஆயிரம் விஷயங்கள் இருக்கின்றது - எழுதவோ ஏகப்பட்ட உண்மைகள் உள்ளது - இரண்டு மனம் எல்லோருக்கும் இருந்தால் - ஒன்று படிப்பதற்கு , இன்னும் ஒன்று நிறைய எழுதுவதிற்கு - இந்த திரி எவ்வளவு இன்னும் பிரகாசமாக எரியும் -------

அன்புடன் ரவி

நன்றி வினோத் சார் - உங்களை பற்றி நினைக்காத நாளே இல்லை - இங்கும் தொடருங்கள்

அன்புடன்
ரவி

நடிகர் திலகத்தின் திரைப்படங்கள் தமிழகத்திலே எங்கே எப்போது திரையிடப்பட்டாலும் அவை அனைத்தும் பரவலான ரசிகர்களை சென்றடைந்து நல்ல வசூலைப் பெற்று, வெளியிட்டவருக்கும் அரங்க உரிமையாளருக்கும் லாபத்தை ஈட்டிக் கொடுப்பதை நாம் இந்த திரியில் பல முறை செய்திருக்கிறோம். அந்த சந்தர்பங்களிலெல்லாம் நாம் உண்மையான விவரங்களை மட்டுமே பதிவு செய்கிறோம். தவறான dataவோ உண்மையில் வந்ததை விட அதிகப்படுத்தப்பட்ட வசூலோ நாம் சொல்வதில்லை.

இங்கே இதை குறிப்பிட காரணம் சென்ற வாரம் சென்னை மகாலட்சுமி திரையரங்கில் வெளியான சந்திப்பு திரைப்படம் ஓடிய ஒரு வார காலத்தில் 3804 பார்வையாளர்களை அரங்கிற்கு வரவழைத்திருக்கிறது. காசு கொடுத்து டிக்கெட் வாங்கி பார்த்தவர்கள் எண்ணிக்கை 3804. அந்த அரங்கில் டிக்கெட் கட்டணம் ருபாய் 20/- மற்றும் 25/- ஆகும். அப்படியென்றால் என்ன வசூல் உத்தேசமாக வந்திருக்கும் என்பதை நமது திரி வாசிப்பாளர்களே உணர்ந்துக் கொள்ளலாம். 2014-ல் அந்த அரங்கில் வெளியான எந்த படமும் இந்த வசூலை பெறவில்லை எனபதை அரங்க உரிமையாளர் சொல்கிறார்.

எல்லா புகழும் நடிகர் திலகதிற்கே!

அன்புடன்

சென்ற 2013-ம் ஆண்டு ஆகஸ்ட் மாதம். ராஜு என்ற மில் தொழிலாளி தன கடுமையான உழைப்பால் ராஜசேகரன் என்ற மில் முதலாளியாக மாறி தங்கைக்காகவே வாழ்ந்து மறைந்த கதை, காவியமாக திரையரங்குகளில் வலம் வர தொடங்கிய போது பல பல காரணங்களால் அந்த வலம், அந்த உலா தடைப்பட நேர்ந்தது. அதைப் பற்றிய பின்னணி தகவல்களும் காரண காரியங்கள் பற்றியும் ஒரு நீண்ட பதிவை நான் இங்கே பதிந்திருந்தது நண்பர்களுக்கு நினைவிருக்கும். அந்த பதிவில் நிறைவாக இந்தப் படம் சரியான முறையில் முன்னெடுத்து செல்லப்பட்டால் படம் நல்ல முறையில் வரவேற்கப்படும் என்றும் முதலீடு செய்தவர்களுக்கு அவர்களின் முதல் திருப்பிக் கிடைக்கும் என்றும் சொல்லியிருந்தேன்.

இப்போது படத்தை மூடியிருந்த இருள் விலகி மீண்டும் வெளிச்சக் கீற்று விழுவதற்க்கான அறிகுறிகள் தெரிய ஆரம்பித்து விட்டன. அதைப் பற்றிய கூடுதல் விவரங்கள் விரைவில்.

நடிகர் திலகத்தின் படங்கள் மறு வெளியீடு செய்யப்படுவதில்லை. அப்படி செய்தாலும் வரவேற்பு இல்லை/இருக்காது என்பது போன்ற ஒரு பொய் பிரச்சாரம் பரவலாக சில பல ஆண்டுகளாக செய்யப்பட்டு வருகிறது. நாம் அப்போதெல்லாம் அதற்கு அளித்த பதில் நடிகர் திலகத்தின் படங்கள் மீண்டும் திரையரங்குகளில் மறு வெளியீடு செய்யப்பட்டால் அவை நிச்சயமாக பெரிய வரவேற்ப்பை பெறும் என்று உறுதிபட கூறினோம். அதற்கேற்றாற் போல் 2010-11 ஆண்டுகளில் ஆரம்பித்து கர்ணன் மூலம் அது தமிழகமெங்கும் பரவி இன்று வெளியாகும் அனைத்து ஊர்களிலும் நடிகர் திலகத்தின் படங்களுக்கு கிடைக்கும் வரவேற்பு அதை உறுதி செய்கிறது. இதன் காரணமாகவே சிவாஜி படங்களின் வெளியீட்டு உரிமையையும் பிரிண்டையும் வைத்துக் கொண்டிருக்கும் நபர்கள் இப்போது அரங்க உரிமையாளர்களை அணுகி சிவாஜி படங்களை வெளியிட்டு வருகிறார்கள். இந்த பின்னணியில், வெகு நாட்களாக உரிமை வைத்திருந்த ஒருவர் மகாலட்சுமி திரையரங்கை அணுக அவருக்கு வெளியிடும் வாய்ப்பு வழங்கப்பட்டிருக்கிறது. இதன் மூலம் அடுத்த வாரத்தில் மகாலட்சுமி அரங்கில் நடிகர் திலகத்தின் இரு துருவம் நண்பகல் காட்சியாக திரையிடப்படுகிறது. இதே நபர் அதே அரங்கில் எங்கிருதோ வந்தாள் படத்தை விரைவில் ரெகுலர் காட்சிகளில் திரையிடப் போகிறார்.

அது போன்று கோவை மாநகரில் மார்ச் 7-ந் தேதி முதல் நடிகர் திலகத்தின் சொர்க்கம் திரையியிடப்படப் போவதை சொல்லியிருந்தோம். அதில் ஒரு சின்ன மாற்றம். அது மார்ச் 14- ந் தேதி மாற்றி வைக்கப்பட்டிருக்கிறது. அதில் ஒரு surprise சந்தோஷம் ஒளிந்திருக்கிறது என செய்தி வந்திருக்கிறது. விவரங்கள் விரைவில்

அன்புடன்