Printable View
டியர் முரளி சார்,
இரும்புத்திரை, கர்ணன், பழநி, எங்க மாமா பார்ததால் பசி தீரும். வீரபாகுவை தரிசித்து, கந்தன் கருணை கிடைக்க, வாழ்வில் என்றுமே சாந்தி தான்!
தங்களது முத்தாய்ப்பான தகவல்கள், பொங்கல் கரும்பை விடவும், சர்க்கரைப் பொங்கலைக் காட்டிலும் தித்திக்கின்றது !!
பாராட்டுகள்! வாழ்த்துக்கள்!! நன்றிகள்!!!
அன்புடன்,
பம்மலார்.
மண்ணை நம்பி உழுது வச்சு
மழையை நம்பி விதை விதைச்சு
வயலை நம்பி வாழ்ந்திருந்தா கண்ணம்மா - ஒரு
பயலை நம்பத் தேவையில்லே சின்னம்மா - ஒரு
பயலை நம்பத் தேவையில்லே சின்னம்மா
போட்டது முளைச்சுதடி கண்ணம்மா
கேட்டது கிடைச்சுதடி சின்னம்மா - கை நிறைய
கேட்டது கிடைச்சுதடி சின்னம்மா
நான் தினமும் சோற்றில் கைவைக்க, வயல் காட்டில் சேற்றில் கால் வைக்கும் அத்தனை உழவர் பெருமக்களுக்கும் உழவர் திருநாள் நல்வாழ்த்துக்கள்.
டியர் முரளி & பம்மலார்...Quote:
Originally Posted by pammalar
'இருதுருவம்'(1971) மட்டுமல்ல, எத்துருவமும் 'அவன் ஒரு சரித்திரம்'(1977) என்று பாராட்டிய நமது அண்ணனின் 'மோகனப் புன்னகை'(1981) தமிழ்த்திரைக்கே 'திருப்பம்'(1984) ஏற்படுத்தி, 'ராஜமரியாதை'(1987) கிடைக்கசெய்த பொங்கல் திருநாளில், அவர் நினைவைப்போற்றுவோம்.
(அந்தந்த ஆண்டின் பொங்கல் வெளியீடுகள்)
பொங்கல் வெளியீடுகளாக வெளிவந்த சிங்கத்தமிழனின் பொங்கல் திரைக்காவியங்கள்:
(திரைப்படம் - வெளியான தேதி - ஓடிய நாட்கள் என்கின்ற ஃபார்மெட்டில்)
1. பரதேசி (தெலுங்கு) - 12.1.1953 - வெற்றிக் காவியம்
2. காவேரி - 13.1.1955 - 100 நாட்கள்
3. நான் பெற்ற செல்வம் - 14.1.1956 - 55 நாட்கள்
4. நல்ல வீடு - 14.1.1956 - 34 நாட்கள்
5. பராசக்தி (தெலுங்கு) - 11.1.1957 - வெற்றிக் காவியம்
6. பொம்மல பெள்ளி (தெலுங்கு) - 11.1.1958 - வெற்றிக் காவியம்
7. தங்கப்பதுமை - 10.1.1959 - 94 நாட்கள்
8. இரும்புத்திரை - 14.1.1960 - 155 நாட்கள்
9. பார்த்தால் பசி தீரும் - 14.1.1962 - 110 நாட்கள்
10. கர்ணன் - 14.1.1964 - 108 நாட்கள்
11. பழநி - 14.1.1965 - 57 நாட்கள்
12. கந்தன் கருணை - 14.1.1967 - 125 நாட்கள்
13. எங்க மாமா - 14.1.1970 - 58 நாட்கள்
14. இரு துருவம் - 14.1.1971 - 50 நாட்கள்
15. மனிதனும் தெய்வமாகலாம் - 11.1.1975 - 42 நாட்கள்
16. அவன் ஒரு சரித்திரம் - 14.1.1977 - 90 நாட்கள்
17. மோகனப்புன்னகை - 14.1.1981 - 44 நாட்கள்
18. பெஜவாடா பொப்பிலி (தெலுங்கு) - 14.1.1983 - 100 நாட்கள்
19. திருப்பம் - 14.1.1984 - 105 நாட்கள்
20. சாதனை - 10.1.1986 - 132 நாட்கள்
21. ராஜ மரியாதை - 14.1.1987 - 67 நாட்கள்
22. ஞான பறவை - 11.1.1991 - 63 நாட்கள்
23. மன்னவரு சின்னவரு - 15.1.1999 - 28 நாட்கள்
சாதனைகள் எனும் சாம்ராஜ்யத்திற்கு நிரந்தர சக்கரவர்த்தி சிங்கத்தமிழன் சிவாஜி ஒருவரே!
அன்புடன்,
பம்மலார்.
The no. 1 pongal song :thumbsup:
பொங்கும் மங்களம் எங்கும் தங்குக!Quote:
பச்சை வண்ணச் சேலை கட்டி முத்தம் சிந்தும் நெல்லம்மா
பருவம் வந்த பெண்ணைப் போலே நாணம் என்ன சொல்லம்மா
அண்ணன் தம்பி நால்வருண்டு என்ன வேணும் கேளம்மா
அறுவடைக் காலம் உன்தன் திருமண நாளம்மா
ஆரோடும் மண்ணில் எங்கும் நீரோடும்
ஏரோடும் என்றும் நம்ம தேரோடும்
போராடும் வேலை இல்லை யாரோடும் பேதம் இல்லை
ஊரோடும் சேர்ந்துண்ணலாம்
அனைவருக்கும் பொங்கல் நல்வாழ்த்துக்கள்!
:cheer: :cheer: :cheer: :cheer: :cheer:
அனைவருக்கும் உளமார்ந்த பொங்கல் மற்றும் புத்தாண்டு நல்வாழ்த்துக்கள். முரளி அவர்களும் பம்மலார் அவர்களும் இங்கு இடும் பதிவுகளைப் படிக்கும் போது எனக்கு ஒரு தவிர்க்க முடியாத நினைவும் கனவும் ஒரு சேர வருகின்றன. சற்று உணர்ச்சி மயமாக இருந்தாலும் அதை பகிர்ந்து கொள்வதில் தவறில்லை என எண்ணுகிறேன்.
ஆம், நடிகர் திலகம் அவர்கள் வாழ்ந்த காலத்தில் கிடைக்காத பேரும் புகழும் அதை விட தற்பொழுது அவர் பெற்று வருகிறார். அதிலும் குறிப்பாக முரளி சாரும் பம்மலார் அவர்களும் இன்னும் சற்று 10 அல்லது 15 வயது முன்னதாக பிறந்திருந்தார்களானால் பல சாதனை விவரங்கள் தகுந்த நேரத்தில் வெளியாகி நடிகர் திலகத்தின் செல்வாக்கை அவர் இருக்கும் பொழுதே உலகெங்கும் பறைசாற்றியிருக்கும். என்றாலும் காலத்தை வென்று அவர் நிற்க வேண்டும், நிற்பார் என்பதை உணர்ந்து இறைவன் இவர்கள் இருவரையும் நம்மிடையே அனுப்பியிருக்கிறார் என்றே தோன்றுகிறது. இறைவனை அறிய நமக்கு அடியார்கள் தேவைப்பட்டது. சிவ பெருமானின் பெருமைகளை உணர நாயன்மார்கள், விஷ்ணுவின் பெருமைகளை உணர ஆழ்வார்கள் போன்று, நடிகர் திலகம் என்கின்ற இறைவனின் பெருமைகளை உணர இவர்கள் இருவரும் இருக்கிறார்கள் என்றே தோன்றுகிறது.
குறிப்பாக பொங்கல் தினத்தையொட்டி வெளியிடப் படும் நடிகர் திலகத்தின் திரைப்படங்கள் பெரும் வெற்றி பெற்றதில்லை என்று ஒரு கூற்று உண்டு. அதில் சிலர் சில வகையான நம்பிக்கைகளையும் கலந்து கூறியதும் உண்டு. அதையும் மீறி இரும்புத்திரை, அவன் ஒரு சரித்திரம் போன்ற படங்கள் வெற்றி பெற்றுள்ளன. அவன் ஒரு சரித்திரம் படம் வெற்றியடைந்த படம். ஆனால் அதை முறியடிக்க திட்டமிட்டு செய்யப் பட்ட பிரச்சாரங்களுக்கும் பலன் கிடைத்தது என்பதையும் நாம் ஒப்புக் கொள்ள வேண்டும். இப்படி பல நேரங்களில் பல வகையான பிரச்சாரங்கள், வதந்திகள் உள்ளிட்ட எதிர்ப்புகளை எதிர்கொண்டு தான் நடிகர் திலகம் அவர்கள் பல சாதனைகளைப் படைத்துள்ளார் என்பதை அறியும் பொழுது எந்த அளவிற்கு தமிழர் நெஞ்சில் இடம் பிடித்துள்ளார் என்பது புலனாகிறது.
அப்படிப் பல சாதனைகளை வெளிக் கொணரும் இவர்கள் இருவரின் பணி மென் மேலும் சிறக்க வேண்டும், இவர்கள் மட்டுமல்ல அனைவரும் எல்லா நலனும் பெற்று இன்புற்று வாழ இப் பொங்கல் திருநாளில் எல்லாம் வல்ல இறைவனை வேண்டிக் கொள்கிறேன்.
அன்புடன்
ராகவேந்திரன்
டியர் ராகவேந்திரன் சார்,
கலை தெய்வமாக விளங்கும் நடிகர் திலகத்தின் பல கோடி பக்தர்களில் நானும் ஒருவன்.
தாங்களே அவரது தலையாய பக்தர். இதய தெய்வத்திற்கு தாங்கள் கர்ம சிரத்தையோடு நடத்தி வரும் இணையதளமான நடிகர்திலகம்.காம் ஒன்று போதும், தங்களின் ஈடு இணையற்ற பங்களிப்பை பறைசாற்றுவதற்கு. தங்களுக்கு விண்ணுலக கணேசரின் அருளும், கலையுலக கணேசரின் அருளும் பரிபூரணமாக இருக்கிறது. அதன் மூலம், தங்களின் திருத்தொண்டு மென்மேலும் சிறந்து விளங்கும்!
தங்களுக்கு இந்த எளியேனின் இதயங்கனிந்த நல்வாழ்த்துக்கள்!!
தங்களது மனம் திறந்த பாராட்டுகளுக்கு எனது சிரம் தாழ்த்திய நன்றிகள் !!!
அன்புடன்,
பம்மலார்.
திரு. ராகவேந்திரன் அவர்களைப் பற்றி மேலும் சில வரிகள்:
சிங்கத்தமிழனின் சிலை திறப்பு விழாவினையொட்டி, மதுரை ரேஸ் கோர்ஸ் ரோடு, இளைஞர் விடுதியில் இரண்டு நாட்களுக்கு (3.10.2009 மற்றும் 4.10.2009), நடிகர் திலகத்தின் புகைப்படக் கண்காட்சி நடைபெற்றது. இந்நாள் 'இதயக்கனி', 'இதயக்கனி சினிமா ஸ்பெஷல்' மாத இதழ்களின் ஆசிரியர், அந்நாள் 'எங்கள் சிவாஜி' இதழாசிரியர், தீவிர சிவாஜி ரசிகர், ராஜபாளையம் எஸ். விஜயன் அவர்களின் பெரு முயற்சியில், கடின உழைப்பில் கண்காட்சி களை கட்டியது. சற்றேறக்குறைய 400 கிடைத்தற்கரிய கலைக்குரிசிலின் புகைப்படங்கள் கண்களுக்கு விருந்தளித்தன.
ரகுகுல ராமருக்கு ஆஞ்சநேயர் போல், நமது நடிகர் திலகத்திற்கு ராகவேந்திரர். ராம நாமத்தை உச்சரிப்போருக்கு, அனுமார் தோன்றி உதவிகள் செய்வது போல், நடிகர் திலகம் எனும் நாமத்தை நா நவிலும் நல்லோருக்கு, நல்லிதயம் ராகவேந்திரர் நேர்த்தியான, நல்ல பல உதவிகளைச் செய்தார், செய்கிறார், செய்வார். ஆம்! கண்காட்சியை நிர்மாணித்த திரு. விஜயன் அவர்களுக்கு, அந்தக் கண் போன்ற உதவிகளை கிட்டத்தட்ட 5 நாட்கள் அவருடனேயே தங்கி இருந்து செய்திருக்கிறார் திரு. ராகவேந்திரன். அவரது சிவாஜி பக்தி மெச்சத் தகுந்தது. போற்றுதலுக்குரியது.
16.5.2009 அன்று வீரபாண்டிய கட்டபொம்மன் திரைக்காவியத்தின் பொன்விழா சென்னை ரஷ்ய கலாச்சார மையத்தில் நடைபெற்றது. அன்று அங்கே திரு. ராகவேந்திரன் அவர்களே வீரபாண்டிய கட்டபொம்மன் நாடக மற்றும் திரைப்படக் கண்காட்சியை நிர்மாணித்து கண்களுக்கு கண்கொள்ளா விருந்தளித்தார். அக்கண்காட்சியைப் பார்த்து பாராட்டாதவர்களே இல்லை. வீரபாண்டிய கட்டபொம்மன் பொன்விழாவில், திரு. ராகவேந்திரன் அமைத்த கண்காட்சி பொற்கிரீடத்தில் பதித்த வைரக்கல்லாக மின்னியது.
வாழ்க, வளர்க, வெல்க அவரது திருத்தொண்டு!
அன்புடன்,
பம்மலார்.
இன்று (14.1.2010 - வியாழன்) இதயவேந்தரின் காலத்தை வென்ற காவியமான "இரும்புத்திரை"க்கு பொன்விழா நிறைவு.
இரும்புத்திரை திரைக்காவியம் இதயராஜாவின் 59வது திரைக்காவியம். 58வது கருப்பு-வெள்ளைக் காவியம்.
வெளியான தேதி : 14.1.1960 (வியாழன்) [பொங்கல் வெளியீடு]
(என்னே ஒரு கிழமை ஒற்றுமை! முதல் வெளியீடு வியாழக்கிழமையில்!! பொன் விழா பூர்த்தியும் வியாழக்கிழமையில்!!!)
பிரம்மாண்ட படங்களுக்கு பிரசித்தி பெற்ற ஜெமினி ஸ்டூடியோஸ் நிறுவனத்தின் மகத்தான தயாரிப்பு. இயக்கம் : எஸ்.எஸ். வாசன்
இசை : எஸ்.வி. வெங்கட்ராமன் ("நெஞ்சில் குடியிருக்கும் அன்பருக்கு நானிருக்கும்", டி.எம்.எஸ், பி.லீலா இணையில் இன்றும் இனிக்கும் கிளாசிக் பாடல்)
கதை : ஜெமினி கதை இலாகா, வசனம் : கொத்தமங்கலம் சுப்பு
பாடல்கள் : பாபநாசம் சிவன், பட்டுக்கோட்டை கல்யாணசுந்தரம், கொத்தமங்கலம் சுப்பு
கதாநாயகனான நடிகர் திலகத்துக்கு இணை கதாநாயகி வைஜயந்திமாலா
மற்றும் சரோஜாதேவி, பண்டரிபாய், எஸ்.வி.சுப்பையா, எஸ்.வி.ரங்காராவ், ஜாவர் சீதாராமன், தங்கவேலு, டி.எஸ்.துரைராஜ் இன்னும் பலர் நடித்திருந்தனர்.
தொழிலாளர் பிரச்சினைகளை முன்னிலைப்படுத்தி, அவர்தம் நலன்கள் காக்கப்பட வேண்டும் என்பன போன்ற கருத்துக்களை உயர்த்திக் காட்டிய உயர்ந்த படம், இரும்புத்திரை.
"இரும்புத்திரை"யின் சாதனைகள்:
இரும்புத்திரை, 14.1.1960 பொங்கலன்று, சென்னையில் வெலிங்டன், பிரபாத், சரஸ்வதி ஆகிய 3 அரங்குகளிலும் மற்றும் தென்னகமெங்கும் வெளியானது.
சென்னையில் வெலிங்டனில் 14.1.1960லிருந்து 24.3.1960 வரை 71 நாட்கள் ஓடி சிறந்த வெற்றி பெற்றது. 25.3.1960 அன்று வெலிங்டனில், "ஜிம்போ" என்றொரு டப்பிங் படம் வெளியானது.
பிரபாத்தில் (1277 இருக்கைகள்) 14.1.1960 முதல் 17.3.1960 வரை 64 நாட்கள் ஓடி பெரும் வரவேற்பைப் பெற்றது. 18.3.1960 அன்று பிரபாத்தில், நடிகர் திலகத்தின் "சபாஷ் மீனா" மறுவெளியீடாக வெளியானது.
சரஸ்வதியில் (974 இருக்கைகள்) 14.1.1960 முதல் 17.3.1960 வரை 64 நாட்கள் நல்ல வரவேற்புடன் ஓடியது.
ஆக, இரும்புத்திரையின் சென்னை சாதனைகள்:
வெலிங்டன் - 71 நாட்கள்
பிரபாத் - 64 நாட்கள்
சரஸ்வதி - 64 நாட்கள்
மேலும், கோவை கர்னாடிக் திரையரங்கில் 14.1.1960 லிருந்து 16.6.1960 வரை 155 நாட்கள் ஓடி இமாலய வெற்றி கண்டது.
மதுரை சென்ட்ரல் சினிமாவில் (1662 இருக்கைகள்) 14.1.1960 முதல் 12.4.1960 வரை 90 நாட்கள் ஓடி சூப்பர்ஹிட்டானது. 13.4.1960 அன்று தமிழ்ப் புத்தாண்டு வெளியீடாக, சென்ட்ரல் சினிமாவில், இதயதெய்வத்தின் "தெய்வப்பிறவி" வெளியானது.
நாகர்கோவில் பயோனீர்பிக்சர்பேலஸ் திரையரங்கில் (1088 இருக்கைகள்) 14.1.1960 முதல் 17.3.1960 வரை 64 நாட்கள் ஓடி பெரும் வெற்றிப்படமானது.
திருநெல்வேலி பார்வதி திரையரங்கில், 14.1.1960 முதல் 3.3.1960 வரை 50 நாட்கள் ஓடி அமோக வெற்றி கண்டது.
ஆக மொத்தம் , ஏ சென்டர்களில் 9 முதல் 13 வாரங்களும், பி சென்டர்களில் 6 முதல் 9 வாரங்களும், சி சென்டர்களில் 4 முதல் 5 வாரங்களும் ஓடி மகோன்னத வெற்றியைப் பெற்ற படம் "இரும்புத்திரை".
சாதனைகள் எனும் சாம்ராஜ்யத்திற்கு, நிரந்தர சக்கரவர்த்தி, சிங்கத்தமிழன் சிவாஜி ஒருவரே!
அன்புடன்,
பம்மலார்.
நடிகர்திலகத்தைப் பொறுத்தவரையில், அவரது பொங்கல் வெளியீடுகளை விட, ஜனவரி 26 குடியரசு தின வெளியீடுகள் பெரும் வெற்றிகளைப்பெற்றுள்ளன. அதனால் நன்றாக ஓடக்கூடிய படங்கள் என்று தயாரிப்பாளர்களும், வினியோகஸ்தர்களும் கணிக்கும் படங்கள் யாவும், ஜனவரி 26 வெளியீடுகளாக (12 நாட்கள்தானே என்று) தாமதப்படுத்தி வெளியிடப்பட்டு, அவை எதிர்பார்த்தபடியே பெரும் வெற்றிகளையும் சாதித்துள்ளன. இவ்வகை வெளியீடுகளில் நடிகர்திலகத்தின் ஆப்த நண்பரும், தயாரிப்பாளருமான திரு. பாலாஜி அவர்களின் படங்களான ராஜா, தீபம், நீதிபதி உட்பட பல படங்கள் பெரும் சாதனை புரிந்துள்ளன (ஜெமினி வாசனின் 'மோட்டார் சுந்தரம் பிள்ளை' உட்பட).Quote:
Originally Posted by RAGHAVENDRA