Quote:
குலதெய்வம்: வட இந்தியாவில் படப்பிடிப்பு நடத்த அனுமதி இல்லை
நாதஸ்வரம் தொடருக்கு பின் திருமுருகன் இயக்கி வரும் தொடர் குலதெய்வம். தற்போது சீரியலை வெளியூரில் எடுப்பது டிரண்ட் என்பதால் தனது நாதஸ்வரம் தொடரை காரைக்குடியில் எடுத்தார். குலதெய்வம் தொடர் சென்னை, குற்றாலம், தஞ்சாவூர் பகுதிகளில் நடந்து வந்தது. கதை எந்த பகுதியில் நடக்கிறதோ அங்கேயே சென்று படப்பிடிப்பு நடத்துவதையே வழக்கமாக வைத்திருந்தார்.
தற்போது கதை வடநாட்டில் நடக்கிறது. இதனால் ராஜஸ்தான், டில்லி, பஞ்சாப் உள்ளிட்ட பகுதிகளில் படப்பிடிப்பு நடத்த ஏற்பாடு செய்யப்பட்டது. ஆனால் அங்கு அனுமதி கிடைக்கவில்லை. வட நாடுகளில் ஹோலி பண்டிகை உள்ளிட்ட பல பண்டிகைகள் தொடர்ச்சியாக வருவதால் அங்கு படப்பிடிப்பு நடத்துவது தேவையில்லாத பிரச்சினைகளை உருவாக்கும் என்ற கூறி அனுமதி தர மறுத்துவிட்டனர்.
இதனால் கதையை அண்டை மாநிலங்களில் நடப்பதாக மாற்றி தற்போது மைசூரில் படப்பிடிப்பு நடத்தி வருகிறார்கள். அங்குள்ள நஞ்சுண்டபுரம் கோவில், அரண்மனை, பிருந்தாவன் ஆகிய பகுதிகளில் நடப்பிடிப்புகள் நடந்து வருகிறது.