Congrats for Part 6 nearing completion and ALL THE BEST for Part 7.
Thanks to one and all. Let's continue to rock. :thumbsup:
Printable View
Congrats for Part 6 nearing completion and ALL THE BEST for Part 7.
Thanks to one and all. Let's continue to rock. :thumbsup:
Hi friends, it is great to see that this thread is going to reach its 7th part. Thanks and congrats to all of you for making it happen. Special thanks to Saradha, Murali, Ragavendra and Pammalaar.
I just would like to share something which I happened to see recently. As we know NT never acted in Devarīs films. Still it was NT who gave the address of Devar to R Thiyagarajanīs family who were close friends of NT. During R. Thiyagarajan ( who replaced M.A.Thirumugam as director of nearly all Devar films) and Devarīs daughters marriage, NT acted as pillai veetukaaran and MT acted as pen veetukaaran during the betrothal and exchanged the plate containing the marriage things.
That was NTīs generosity to other film world members, even though they neglected him
ஒரே நாளில் நிறைய விஷயங்கள் நடந்திருக்கின்றன. அவற்றுக்குள் நுழையும் முன் இங்கே பங்களிப்பு நல்கும் அனைத்து நல் இதயங்களின் சார்பாக ஒரு வேண்டுகோள் வைக்கிறேன்.
சாரதா,
நடிகர் திலகத்தின் புகழ் பாடும் இத்திரியின் 7-ம் பாகத்தை துவக்கி வைக்கும்படி கேட்டுக் கொள்கிறேன். நீங்கள் எந்த மறுப்பும் சொல்லாமல் இதை செய்ய வேண்டும் என்பது எங்கள் அனைவரின் எதிர்பார்ப்பு வேண்டுகோள். மாடரேட்டர்களையும் சேர்த்தே சொல்கிறேன். கோலாகலமாக துவக்கி வையுங்கள்.
அன்புடன்
வருக வருக சிவராம் அவர்களே
நல்ல இடம் நீங்கள் வந்த இடம்;
உங்கள் பாராட்டுகளுக்கு என் நன்றி.
அவன்தான் மனிதன் என்றும் மனதில் நீங்கா இடம் பிடித்த படம். பள்ளி நாட்களிலே மதுரை சென்ட்ரலில் முதல் 5 வாரத்தில் 5 முறை பார்த்த படம். ஊஞ்சலுக்கு பூச்சூட்டி பாடல் ஸ்டைலுக்கே பார்க்கலாம். எப்போது இந்த படத்தை பார்த்தாலும் மூன்றாவது சரணத்தில் வரும் இலக்கிய ரசத்தோடு வரிக்காக தியேட்டரே எதிர்பார்த்து நிற்கும். அந்த ஸ்டைல்! தியேட்டரே அலறும். கடைசியாக தியேட்டரில் 2001 பிப்ரவரி மாதம் [11ந் தேதி ஞாயிற்றுக்கிழமை என நினைக்கிறேன்] பார்த்தபோதும் எவ்வளவு அலப்பறை!
அது போல எங்கிருந்தோ ஒரு குரல் வந்தது பாடல். வாணி ஜெயராமின் குரல் ஜெஜெ-வுக்கு மிகவும் பாந்தமாக இருக்கும். இந்த பாடலில் ஒரு மெசூர்ட் லவ் வெளிப்படும்.[பிற்பாடு அது அப்படி அல்ல அது நம்முடைய கற்பனையே என்று புரிந்தாலும் கூட].
அண்மையில் ஒருவரிடம் பேசிக் கொண்டிருந்த போது கூட இந்தப் படத்தை பற்றி பேச்சு வந்தது. நான் குறிப்பாக நடிகர் திலகம் ஜெஜெ-விடம் தன்னை வெளிப்படுத்தும் காட்சி பற்றி பேசும் போது அந்த வசனங்களையும் காட்சியமைப்பையும் வரிசையாக சொன்னபோது [அதாவது 'லலிதா நீ படிச்சவ பண்பு நிறைஞ்சவ உன்னை மனைவியா அடையற அளவிற்கு" என்று நடிகர் திலகம் சிறிது இடைவெளி விட, "சந்துரு தகுதியில்லாதவர் என நினைக்கிறீங்களா" என்று ஜெஜெ பதில் சொல்வதிலிருந்து, ஜெஜெ-வை அனுப்பி விட்டு படியேறும் நடிகர் திலகத்திடம் "எஜமான் எல்லாம் பேசி முடிச்சிடிங்களா" என்று கேட்கும் மேஜரிடம் "ஆஹா" என்றபடியே திரும்புவாரே, அதுவரை] அந்த நண்பர் அடைந்த சந்தோஷத்திற்கு அளவே இல்லை. அவன்தான் மனிதன் பற்றி பேசிக் கொண்டே போகலாம்.
மகேஷ்,
காட்சிகளும் வசனங்களும் மனதிலே இன்றும் இருப்பதற்கு காரணம் அன்று நடிகர் திலகத்தின் மீதும் அவர் படங்களின் மீதும் ஏற்பட்ட எல்லையற்ற ஈர்ப்பு. குறிப்பாக சிவந்த மண் வெளி வந்த காலக்கட்டம்தான் நான் ஒரு தீவிர சிவாஜி ரசிகனாக உருவான நேரம். இதை அந்த நாள் ஞாபகம் தொடரிலே எழுதியிருக்கிறேன். இப்போதும் சொல்கிறேன், 1969 நவம்பர் 9-ந் தேதி மதுரை சென்ட்ரல் திரையரங்கின் வாசலில் கூடிய கூட்டத்தைப் போல் ஒன்றை நான் என் வாழ்நாளில் ஒரு சினிமாவிற்கும் பார்த்ததில்லை. என் மனதிற்கு மிகவும் பிடித்த படங்களில் சிவந்த மண்ணிற்கு ஒரு தனி இடம் உண்டு.
அன்புடன்
கேள்வி பிறந்தது! நல்ல பதில் கிடைத்தது! - 97
கே: சிவாஜி கணேசன் இ.காங்கிரஸ் தலைவராக வேண்டும் என்று கூறி நீர் கோஷ்டிப் பூசலைக் கிளப்பி விடுகிறீரா? (இ.கே.முத்து, செங்கல்பட்டு)
ப: கோஷ்டிப் பூசலை இ.காங்கிரசுக்குள் இனியொருவர் உருவாக்கத் தேவையில்லை. அது அவர்களுடைய தேசிய நீரோட்டம். இன்னமும் அழுத்தமாகச் சொல்கிறேன். காங்கிரசின் நெடுநாளைய சரித்திரத்தை ஊன்றிப் பார்த்தவர்களுக்கு நன்றாகப் புரியும். பிராந்திய அளவில் செல்வாக்கு பெற்றவர்களாகவும், அடிமட்டத் தொண்டர்களின் அபிமானத்தைப் பெற்றவர்களாகவும் இருக்கும் தலைவர்களால்தான் காங்கிரஸ் வளர்ச்சி அடையும்.
இன்று அந்த அளவுகோலின் படிப் பார்த்தால், மூலை முடுக்கெல்லாம் அறிமுகமானவர், மக்கள் செல்வாக்குள்ள இ.காங்கிரஸ் தலைவர் சிவாஜிதான். 'ஒரு சினிமா நடிகர் தலைவராவதா?' என்ற அடிமனத் துவேஷம் இன்னும் பெரிய புள்ளிகளுக்கு நீங்காமலிருப்பதுதான் கோஷ்டிப்பூசலை விசிறி விடப் போகிறது. தற்காலிகமாக, எத்தனை மூடி மறைத்தாலும், இன்று இ.காங்கிரசுக்கு சிவாஜியை விட்டால் ஒரு செல்வாக்குள்ள தலைவர் கிடைக்கப் போவதில்லை. திண்ணைப் பேச்சு தலைவர்கள் சற்று இடம் விட்டு, ஒரு துடிப்பான இளைஞர் கூட்டத்தை செயல்படச் செய்வது விவேகம்!
(ஆதாரம் : இதயம் பேசுகிறது, 4.3.1984)
அன்புடன்,
பம்மலார்.
நடிகர் திலகம் மக்களை கவர்ந்தவர் நமக்கு தெரியும்1
மட்டுமல்ல மகான்களை கவர்ந்தவர் நமக்கு தெரியும்!
மட்டுமல்ல தெய்வங்களையும் கவர்ந்தவர் என்பதற்கு இதோ
ஆந்திர மாநிலம் ஓங்கோல் நகரத்தில் பகவான் சாய்பாபா கோவில் ஒன்று அமைக்கப்பட்டு வருகிறது. அங்கே பிரதிஷ்டை செய்யப்படப் போகும் பாபாவின் திரு உருவம் அங்கிருந்து ஷிர்டி செல்ல இருந்த நேரத்தில் சிலையை வடித்தவர் கனவில் பாபா தோன்றி ஷிர்டி செல்வதற்கு முன் தன்னை சென்னை போக் ரோட்டில் உள்ள சிவாஜி வீட்டிற்கு சென்று மூன்று தினங்கள் வைத்திருக்கும்படியும் பிறகு ஷீரடிக்கு செல்லலாம் என்று சொல்ல, அந்த ஸ்தபதி அன்னை இல்லத்தை தொடர்பு கொண்டு விஷயத்தை சொல்ல, அவர்கள் மிகுந்த மன மகிழ்ச்சியோடு பாபாவின் திரு உருவத்தை வரவேற்று அன்னை இல்லத்தின் வரவேற்பறையில் வைத்திருக்கிறார்கள். இன்று வியாழன் என்பதால் சிறப்பு பூஜைகளும் பஜன்களும் நடைபெற்றன. நாளையும் அன்னை இல்லத்திலே காட்சி அளிக்கப் போகும் சாய்பாபா சனிக்கிழமை காலை ஷிர்டி புறப்படுகிறார்.
பாபாவின் விக்கிரகத்தைப் இன்று இரவு நேரில் பார்த்த போது உயிருடன் நம் முன்னே அமர்ந்திருப்பதைப் போலவே தோன்றியது
தெய்வத்தின் பரிபூர்ண அருள் பெற்றவர் நடிகர் திலகம் என்பதற்கு வேறு சான்றுகளும் வேண்டுமோ!
அன்புடன்
[html:33194ca965]
http://farm5.static.flickr.com/4078/...c50a5dd549.jpg
[/html:33194ca965]
கேள்வி பிறந்தது! நல்ல பதில் கிடைத்தது! - 98
கே: காமராஜர்-சிவாஜி நட்பு பற்றி...? (ஆர்.சண்முகராஜ், திருவொற்றியூர்)
ப: அலை அடித்தும் விலகாதது! புயல் அடிக்க வைத்தும் பிரியாதது!!
(ஆதாரம் : ராணி, 8.8.2010) [லேட்டஸ்ட் ராணி வார இதழ்)
அன்புடன்,
பம்மலார்.
கேள்வி பிறந்தது! நல்ல பதில் கிடைத்தது! - 99
கே: இப்போது உள்ள நடிகைகளில் யார் நன்றாக டான்ஸ் ஆடுகிறார்கள்? (கே.எம்., தஞ்சாவூர்)
ப: 'ஷண்முகசுந்தரங்கள்' இல்லாத திரையுலகில் 'மோஹனாங்கிகளை' ஏன் தேடி அலைய வேண்டும்.
(ஆதாரம் : சினிமா எக்ஸ்பிரஸ், 16-30 ஜூன் 2006)
அன்புடன்,
பம்மலார்.
கேள்வி பிறந்தது! நல்ல பதில் கிடைத்தது! - 100
கே: 'நவராத்திரி'யில் நடிகர் திலகத்தின் நடிப்பு எப்படி? (ஆர்.எம்.பாலகிருஷ்ணன், வேவள்ளி, இலங்கை)
ப: நவமான நடிப்பு! நயமான நடிப்பு!
(ஆதாரம் : பேசும் படம், ஜனவரி 1965)
அன்புடன்,
பம்மலார்.
சகோதரி சாரதா,
தங்களது பாராட்டுக்கு பற்பல நன்றிகள்! பத்திரிகைகளில் கேள்விகளைக் கேட்ட அன்புள்ளங்களும், அதற்கு பதில்களை அளித்த ஆசிரியர்கள் மற்றும் அவர்தம் குழுவினரும், சிவாஜி என்கின்ற ஒரு வரலாற்றின் வரலாறோடு பின்னிப் பிணைந்து விட்டார்கள். அவர்களுக்கும் நமது நன்றிகள்!
[தங்களை 'சிவந்த மண்' சாரதா என அடைமொழியிட்டு அழைக்கலாம் எனத் தோன்றுகிறது. ஆனால் கோபித்துக் கொள்வாரோ 'என்னைப் போல் ஒருவன்']
அன்புடன்,
பம்மலார்.