MGR_ன் மூன்றெழுத்துக்கள் - ..........._ புகழ்.- 3 . திறமை.3 _ பாடல் - 3 கட்சி, - 3 பதவி 3 ஆட்சி - 3 வெற்றி _ 3 வசூல் 3. தமிழ் - 3 சினிமா - 3........... Thanks mr. Albert..
Printable View
MGR_ன் மூன்றெழுத்துக்கள் - ..........._ புகழ்.- 3 . திறமை.3 _ பாடல் - 3 கட்சி, - 3 பதவி 3 ஆட்சி - 3 வெற்றி _ 3 வசூல் 3. தமிழ் - 3 சினிமா - 3........... Thanks mr. Albert..
என்றென்றும் திரையுலக, கலையுலக வசூல் சக்கரவர்த்தி மக்கள் திலகம் எப்பொழுதும் பிரகாசிக்கும் "ஒளிவிளக்கு " காவியம் ... கோர்ட் மூலமாக உத்திரவு பெற்று மிக பெரிய விலை மதிப்போடு டிஜிட்டல், Qube வடிவில் வெளி வர உள்ளதாக நண்பர்கள் தகவல் கேட்டு எல்லையில்லா மகிழ்ச்சி பிரவாகம்...
மற்றும் சமீபத்தில் டிஜிட்டல் முறை சரியாக உருவாக்காமல் வெளியிடப்பட்டும்... நல்ல வெற்றி கண்ட வசூல் சக்கரவர்த்திகளின்... சக்கரவர்த்தி புரட்சி நடிகர் அளிக்கும் " ரகசிய போலீஸ் 115 " இப்போது மீண்டும் அருமையான முறையில் டிஜிட்டல் வடிவில் உருவாக்கப்பட்ட இக்காவியம் சென்னை & nsc ஏரியா களுக்கு மிக பெரிய விலை பேசப்பட்டுக் கொண்டிருக்கிறது...எனும் தகவல் அறிந்து மிக்க மகிழ்ச்சி ...
குடியிருந்த கோயில் !...
_______________________
தொலைகாட்சி நிகழ்ச்சி ஒன்றில், இசையமைப்பு திலகம் M S. விஸ்வநாதன் அவர்களுடன் நடிகை ஶ்ரீ வித்யா அவர்கள் கலந்துரையாடலில் கூறியது... இதை நானும் பார்த்தேன் ...
இயக்குனர் K சங்கர் அவர்கள் மக்கள் திலகத்திடம் இதில் பாங்கரா நடனம் உள்ளது நீங்கள் ஆட வேண்டும் என்றார் சிந்தனையில் மூழ்கிய மக்கள் திலகத்திடம் உடன் L விஜயலஷ்மி ஆடுகிறார் என்றார் வெகுண்ட மக்கள் திலகம் என்ன விளையாடு கின்றிரா ? அவர் எவ்வளவு பெரிய டான்சர் என்னால் முடியவே முடியாது என்று உறுதியுடன் மறுத்தார்
குழம்பிய இயக்குனர் காட்சியின் முக்கியத்துவத்தை விளக்கி சிரமத்துடன் சம்மதிக்க வைத்தார்
மக்கள் திலகமும் அரைமனதுடன் சம்மதித்தார்
காட்சி படமாக்கப் பட்டது
திரையில் நாங்கள் L விஜயலஷ்மியை எங்கே பார்த்ததோம் மக்கள் திலகத்தைதானே பார்த்தோம் !
.......... Thanks mr.Hayath...
கடமை தவறாத காவல் துறை அதிகாரியாக வலம் வந்த திரைப்படங்கள்
பரிசு
http://i68.tinypic.com/hwhag2.jpg
முகராசி
http://i66.tinypic.com/3448plc.jpg
சிரித்து வாழ வேண்டும்
http://i66.tinypic.com/sm93y1.jpg
என் கடமை
http://i66.tinypic.com/33usi75.jpg
தேர்த்திருவிழா
http://i68.tinypic.com/1055ijp.jpg
பல்லாண்டு வாழ்க .
http://i63.tinypic.com/15cmyoo.jpg
http://i67.tinypic.com/2hcng9g.jpg
ரகசிய போலீஸ் 115
http://i63.tinypic.com/11h6l8y.jpg
http://i65.tinypic.com/2ibnfhl.jpg
http://i66.tinypic.com/9j2dft.jpg
http://i65.tinypic.com/ej8r2f.jpg
http://i64.tinypic.com/1230b2p.jpg
ஓவியங்கள் உதவி :திரு.சாமுவேல், சத்தியமங்கலம்
ஆட்களை கூட்டி கொண்டு வராமல், ஆள் இல்லாமல் டிக்கெட் கிழித்து, பொய்யான விளம்பரம் செய்து ஒட்டாமல்... உண்மையிலேயே மகத்தான 2 இரண்டாவது வாரமாக ...தென்காசி - தாய்பாலா dts திரையரங்கில் தினசரி 4 காட்சிகள் வெற்றிகரமாக நடைபெறுகிறது... வசூல் சக்கரவர்த்தி புரட்சி நடிகர் வழங்கும் பிரம்மாண்ட தயாரிப்பு " அடிமைப்பெண் "... இதுதான் நிகழ்கால உண்மை சாதனை...
மற்றுமொரு சிறப்பு தகவல்......... இறைவனால் ஆசிர்வதிக்கப்பட்ட நடிகர் / தலைவர்... வசூல் சக்கரவர்த்தி என சொல்லப்படுவதற்கு உண்மையான தகுதி வாய்ந்த ஒரே திலகம் மக்கள் திலகம் அவர்களின் இணையில்லா அக்மார்க் தயாரிப்பான " அடிமைப்பெண் " காவியம்... சென்னை - அகஸ்தியா 70mm திரையரங்கில் ஒரு வாரம் இரண்டு காட்சிகள் வசூல்... ரூபாய் 113000.00 ஆகி புதிய வரலாறு படைத்திருக்கிறது எனும் உன்னத தகவலை உங்களோடு பகிர்வதில் நிறைவான மகிழ்ச்சி... ...
இன்று மக்கள் திலகம் தடைகளை தகர்த்தெறிந்து மாபெரும் வெற்றி கண்ட " நேற்று இன்று நாளை " வெளியான திருநாள்...
அன்று விஜயவாகினியில் எம்.ஜி ஆர்.ன் " பாக்தாத் திருடன் ", படப்பிடிப்பு .........
கதைப்படி குழந்தை எம்ஜிஆரை எதிரிகள் கொலை செய்ய திட்டமிடுகின்றனர் இத அறிந்த தாய் எஸ்.ன் லட்சுமி குழந்தை எம்ஜிஆரை பசு மாட்டு மடியில் கட்டி, மாட்டை விரட்டி தப்பிக்க செய்துவிடுகிறார்
அதே நேரம் பின்னாலிருந்து ஒரு புலி வந்து எஸ். என் .லட்சுமியை துரத்தி கொண்று விடும் புலியோடு எஸ் ஏன் லட்சுமி மோதிப்புறளும் இந்த காட்சியில் டூப்பாக துணை நடிகை சூர்ய குமாரி புலியோடு சண்டை போடுகிறார்
உண்மையிலே எதிர்பாராத விதமாக புலி சூர்யகுமாரியின் நெஞ்சை குதறி விடுகிறது
செய்தி அறிந்த எம்ஜிஆர் உடனடியாக விரைந்து வந்து சூர்ய குமாரியை மருத்துவ மனையில் சேர்த்து தீவிர சிகிச்சை அளிக்க செய்கிறார்
மூன்று மாத சொந்த சிகைச்சையில் தாய் தந்தை இல்லாத சூர்யகுமாரியை கவனிக்க பகலுக்கு ஓர் ஆளையும் இரவுக்கு ஓர் ஆளையும் வைத்து சொந்த செலவில் வைத்தியம் பார்க்கிறார் எம்ஜிஆர்
சிகிச்சை முடிந்து வீட்டுக்கு போகிற பொழுது இனி வாடகை பிரச்சனை வயிற்று பிரச்சனை எப்படி சமாளிப்பது என்று சூர்யகுமாரி கவலையுடன் சென்று கொண்டிருந்நபோது
கார்; கோடம்பாக்கம் தாண்டி டிரஸ்ட் புரம் செல்கிறது
உடனே சூர்யகுமாரி எனது வீடு இங்கில்லை
வடபழனியை தாண்டி செல்லுங்கள் ....என்கிறார்
அப்பொழுதுதான் உடன் வந்தவர்கள் , இனி நீங்கள் வாடகை வீட்டில் தங்க அவசியம் இல்லை "டிரஸ்ட் புரம் நாலாவது தெரு உள்ள நான்காம் நம்பர் வீட்டை எம்ஜிஆர் உங்களுக்கு வாங்கி கொடுத்திருக்கிறார் என்ற இனிப்பான செய்தியை சொல்கிறார்கள்
மூன்று மாத ராஜ உபச்சாரனை அளித்து , வீட்டு வாடகைக்கு என்ன செய்வது ,தன் எதிர்காலம் என்ன ஆகுமோ என்று பயந்த சூர்யகுமாரி அதிர்ச்சி சாக் ஆகிறார்
தன் தாய் தந்தையை விட எம்ஜிஆரை தெய்வமாக போற்றி புகழ்கிறார்......... Thanks ...
எம்.ஜி.ஆரை வைத்து படம் எடுத்த சில தயாரிப்பாளர்கள் அவரது ‘கால்ஷீட்’ தாமதமாக கிடைக்கிறது என்றும் தொல்லைப்படுவதாகவும் சோவிடம் குறைபட்டுள்ளனர். ஆனால், ‘‘அப்படி என்னிடம் குறைபட்டவர்களே பின்னர் அடுத்த படத்தை எம்.ஜி.ஆரை வைத்தே தயாரித்தனர்’ என்று கூறும் சோ, அதற்கு சொல்லும் காரணம், ‘‘ எம்.ஜி.ஆரை வைத்து படம் எடுப்பது கஷ்டமானது. ஆனால், வேறு எந்த நடிகரையும் வைத்து படம் எடுப்பதை விட எம்.ஜி.ஆரை வைத்து படம் எடுப்பது லாபகரமானது.’’
‘விளம்பரத்துக்காகத்தான் எம்.ஜி.ஆர். பிறருக்கு உதவி செய்கிறார்’ என்ற விமர்சனங்களை சோ கடுமையாக மறுத்திருக்கிறார். ‘‘விளம்பர நோக்கம் இல்லாமல் எம்.ஜி.ஆர். பிறருக்கு உதவு வதை பார்த்திருக்கிறேன். திரைப்படத் துறையில் அவருக்கு எதிராக இயங்கிய வர்களுக்கு கூட அவர் உதவியிருக் கிறார்’’ என்று கூறும் சோ, ஒருமுறை கேட்ட கேள்வி பொருள் பொதிந்தது. சோவின் கேள்வி இது...‘‘அப்படியே விளம்பரத்துக்கு என்று வைத்துக் கொண்டாலும் எத்தனை பேருக்கு விளம்பரத்துக்காகவாவது பிறருக்கு உதவும் மனம் இருக்கிறது?’’
எம்.ஜி.ஆரின் கருணை உள்ளத்துக்கு உதாரணமாக சோ ஒரு சம்பவத்தை குறிப்பிடுவார். சட்டாம்பிள்ளை வெங்கட் ராமன் என்பவர் பழம்பெரும் நடிகர். பல படங்களில் நடித்துள்ளார். அவரது தாயார் மறைந்தபோது கையில் பணம் இல்லாத நிலையில், எம்.ஜி.ஆரின் வீட்டுக்குச் சென்றுள்ளார். அவரை அடை யாளம் கண்டு விசாரித்த எம்.ஜி.ஆரிடம் நிலைமையை கூறினார். வெளியே புறப் பட்டுக் கொண்டிருந்த எம்.ஜி.ஆர்., அந்த அவசரத்திலும் வீட்டில் உள்ளவர்களை அழைத்து, ‘‘வெங்கட்ராமனுக்கு ஒரு வேனையும் தேவைப்படும் பணத்தையும் கொடுத்திடுங்க’’ என்று சொல்லிவிட்டு புறப்பட்டார்.
பின்னர், சட்டாம்பிள்ளை வெங்கட் ராமன் சோவை சந்தித்தபோது, ‘‘வீட்டிலே உலையை வெச்சுட்டு இன்னிக்கு சோறு பொங்கும் என்ற நம்பிக்கையோட ஒருவரின் வீட்டுக்கு போகலாம் என்றால் அது எம்.ஜி.ஆரின் வீடுதான்’’ என்று கூறியிருக்கிறார்......... Thanks...
நேற்று இன்று நாளை - ........
1970 ல் துவங்கப்பட்ட படம் பொருளாதார பிரச்சனைகள் - அசோகனின் மெத்தனம் - பின்னர்
1972ல்மக்கள் திலகம் அதிமுக ஆரம்பித்த போது அசோகனின் போக்கில் மாறுதல்கள் என்ற பல
சூழ்நிலையில் நீண்ட இடைவெளிக்கு பிறகு 1974 துவக்கத்தில் தொடர்ந்து படப்பிடிப்பு நடந்தது .
நடிகர் அசோகனுக்கு எந்த வித நஷ்டமின்றி லாபத்துடன் படம் வியாபாரமாகி நல்ல வசூலை
பெற்று அதிக பட்சமாக மதுரை - நெல்லை நகரகங்களில் 125 நாட்கள் ஓடி சாதனை புரிந்தது .
12.7.1974 தமிழகமெங்கும் திரைக்கு வந்த நேரத்தில் பல வன்முறை சம்பவங்கள் - திரை சீலை
போஸ்டர்ஸ் - கிழிப்பு சம்பவங்கள் நடந்தேறின .
எல்லா எதிர்ப்புகளையும் மீறி மக்கள் திலகத்தின் நேற்று இன்று நாளை - பிரமாண்ட வெற்றி......... அது மட்டுமல்ல... இன்று வரை இந்த " நேற்று இன்று நாளை " காவியத்தின் விநியோக உரிமைகள் தான் எங்கள் குடும்பத்தை வாழ வைக்கிறது... மக்கள் திலகம் தான் காக்கின்றார்... எனவும் மறைத்திரு S A . அசோகன் அவர்கள் மகனும், இன்றைய திரைப்பட நடிகருமான திரு வின்சென்ட் அசோகன் கூறியுள்ளார் என்பதும் குறிப்பிடத்தக்கது... Thanks...
" நேற்று இன்று நாளை "..........
திரைப்படம் வந்தபோது விகடனில் வந்த விமர்சனம். நன்றி, விகடன்!
மூன்று கதாநாயகிகள் இருக்கும்போது இரண்டு கதாநாயகர்களாவது வேண்டாமா? நண்பனும் (சற்று நேரம்) கதாநாயகனுமாக எம்.ஜி.ஆர். தோன்றுவது சற்று வித்தியாசமான உத்தி.
ஆரம்பத்திலிருந்து கடைசி வரை எம்.ஜி.ஆரின் நடிப்பில் துள்ளலும் துடிப்பும் முனைப்பாக உயர்ந்து நிற்கின்றன. காதல் காட்சிகளில் எத்தனை கலகலப்பு! இவற்றுக்கு மேலே நகைச்சுவையையும் அவர் விட்டு வைக்கவில்லை.
மூன்று கதாநாயகிகளில் யாரும் சளைத்தவராக இல்லை. ஆப்பக்கார அன்னம்மா மஞ்சுளா. அசல் ‘பேட்டை’யாகவே மாறியிருக் கிறார்.
ராஜஸ்ரீ பைத்தியமாகிப் படாதபாடு படுத்துவது நல்ல தமாஷ்!
நடிகையாகத் தோன்றும் லதா கவர்ச்சியோடு நிற்காமல், சில கட்டங்களில் உணர்ச்சியைக் கொட்டியிருக்கிறார்.
‘வினை விதைத்தவன் வினை அறுப்பான்’ என்பது கதை. நேற்றைய கதைகளின் சாயலும், இன்றைய நடப்புகளும் பின்னிக் கிடக்கின்றன.
கதாநாயகன் குடிக்கவேண்டிய விஷத்தை மற்றவர்கள் குடித்து மடிவது புதியதல்லவே! காதலனை அடையமுடியாத லதா, தற்கொலை செய்துகொள்வதற்குக் குன்றின் உச்சிக்குத்தான் வர வேண்டுமா?
“மெட்ராஸிலேயே ரொம்ப நல்ல சபா ஐ.நா.சபைதாங்க” என்று சுகுமாரி விளாசித் தள்ளுவது அருமை. தேங்காய் சீனிவாசன், திகில் சீனிவாசனாக மாறியிருக்கிறாரே!
“விஷ ஊசி போட்டுக் கொலை செய்யப்போறோம்னு நான் சொல்லமாட்டேனே!” என்று குடி போதையில் உளறிக் கொட்டும்போதும், ஆவேசமாகச் சண்டையிடும்போதும் அசோகன் ‘சபாஷ்’ பெறுகிறார்.
ராஜஸ்ரீக்கு விஷம், லதாவுக்கு கன்னியாஸ்திரீ உடை, மஞ்சுளாவுக்கு மணமாலை என்று முடிவு கொடுத்திருப்பது சாமர்த்தியமான சமாளிப்பு.
கதைக்குக் கதை, நகைச்சுவைக்கு நகைச்சுவை, விறுவிறுப்புக்கு விறு விறுப்பு, கண்கவரும் வண்ணம், காதுக்கினிய கீதங்கள்........ Thanks...
…
‘�
வருடம் 1965 - தீபாவளி.
மக்கள் திலகமும், சரோஜாதேவி அம்மாவும் இலங்கை வந்திருக்கிறார்கள். "எங்க வீட்டுப் பிள்ளை" படம் இவர்களின் வருகையை முன்னிட்டு இலங்கையிலும், தமிழ்நாட்டில் திரையிடப்பட்ட அதே நாளில் வெளியிடப்படுகிறது.
கொழும்பு நகரில் இன, மத பேதமில்லாது மக்களின் பலத்த வரவேற்பைப் பெற்றுக் கொண்ட மக்கள் திலகம், தனது பிறப்பிடமான கண்டி செல்கிறார். தான் பிறந்த மண்ணை விழுந்து வணங்கி, கண்கள் கலங்க முத்தமிடுகிறார். கைக்குழந்தையாக தாய், அண்ணன் இவர்களோடு இந்தியா சென்றவர் மறுபடியும் இலங்கை வந்தது இப்போதுதான் என்பது சிறப்பு.
மறுநாள் மலையகத்தின் நுவரெலியா நகரில் குதிரைப்பந்தயத் திடலில் மக்கள் திலகம் கலந்து கொள்ளும் பொதுக்கூட்டம். இந்திய வம்சாவழித் தேயிலைத் தோட்டத் தொழிலாளர்கள் செறிந்து வாழும் அழகிய மலைநகரம். தொழிலாளப் பெண்களுக்கிடையே 'மலையக அழகிப் போட்டி' - சரோஜாதேவி அம்மா நடுவராகவும், மக்கள் திலகம் பரிசு வழங்குபவராகவும் அறிவிக்கப்பட்டிருக்கிறது.
திடலின் மேடையைச் சுற்றிலும் பல மீட்டர்கள் தூரத்தில் பாதுகாப்புக்காக தடுப்புக்கட்டை வேலி அமைக்கப்பட்டிருக்கிறது. கூட்டம் ஆரம்பிக்க அரை மணி நேரத்திற்கு முன்பதாக மக்கள் திலகமும், சரோஜாதேவி அம்மாவும் மேடைக்கு வருகிறார்கள்.
மக்கள் திலகத்தைப் பார்த்த தொழிலாளத் தோழர்களோடு (நானும் இந்திய வம்சாவழித் தொழிலாளக் குடும்பத்தில் பிறந்தவன்தான். அப்போது 1965ல் எனக்கு பதினான்கு வயது. ஒன்பதாம் தரம் படித்துக் கொண்டிருக்கிறேன்.) மற்றைய அவரது ரசிகர்கள், அபிமானிகளின் கரஒலியும், "மக்கள் திலகம் வாழ்க" கோஷமும் விண்ணைப் பிளக்கின்றது.
மேடை முன்னால் நின்று கரங்களை உயர்த்தி, உணர்ச்சி வசப்பட்டு வணங்குகிறார். ஆனால் சுற்றுமுற்றும் பார்த்த அவரது முகத்திலே சிறிது கலவரம். கூட்ட ஒருங்கிணைப்பாளரை சைகை மூலம் அழைக்கிறார்.
"என்ன பண்ணிருக்கீங்க? எதுக்காக மக்கள் நிக்கற இடத்திற்கு முன்னாடி இவ்வளவு தடுப்புக் கட்டைகள் போட்டிருக்கீங்க?" - சிறிது கோபம் அவர் முகத்தில்.
"இல்லே சார், மேடைக்கு ரொம்பக் கிட்டே மக்கள் வந்துட்டா, உங்களைத் தொடறதுக்கு முண்டியடிப்பாங்க. காவல் துறைக்குக் கூட அவங்களை கன்ட்ரோல் பண்ண முடியாது. அதனாலேதான் பாதுகாப்புக்காக..............,"
இழுக்கிறார்.
"ஒன்னு சொல்றேன். இத்தினி வருஷம் கழிச்சு நான் பிறந்த நாட்டுக்கு வந்திருக்கேன். இங்கே என்னைப் பார்க்க வந்திருக்க இவங்க எல்லாமே என் சொந்தங்கள். அவங்க ஆதரவாலேதான் நான் இன்னைக்கு இந்த நிலைமைலே இருக்கேன். அவங்க இல்லேன்னா நான் இல்லே. என்ன செய்வீங்களோ தெரியாது. கொஞ்ச நேரத்திலே இந்தத் தடுப்புக் கட்டைங்கள எல்லாம் கழட்டிட்டு, மக்களை மேடை கிட்டே வரவிடுங்க. இல்லே, நான் திரும்பிப் போய்டுவேன்" - கணீரென்ற குரலில் உறுதியாகச் சொல்கிறார். (இரக்கம் மிகுந்த நம்பிக்கையூட்டும் குரலல்லவா அது?)
திகைத்த கூட்ட ஒருங்கிணைப்பாளரும், மற்றவர்களும் மளமளவென்று தடுப்புக்கட்டைகளை அகற்ற, "முன்னாடி வாங்க" என்று மக்கள் திலகம் கைகளை நீட்டி மக்களை அழைக்கிறார்.
உணர்ச்சி மேலீட்டால் கண்ணீர் விட்டு அழுத மக்கள் கூட்டத்தின் கரஒலியும், "மக்கள் திலகம் வாழ்க", "புரட்சி நடிகர் வாழ்க", "எங்க வீட்டுப் பிள்ளை வாழ்க" கோஷங்களும் விண்ணில் பட்டு எதிரொலிக்கின்றன.
அழகு ராணிப் போட்டி நிறைவு பெறுகிறது. மக்கள் திலகத்துடன், சரோஜாதேவி அம்மாவும் பரிசுகளை வழங்குகிறார். தொடர்ந்து சுமார் அரை மணி நேரமாக மக்கள் திலகம் நன்றி உரை நிகழ்த்துகிறார்.
அலை கடலென வந்த மக்கள் கூட்டம் மிக அமைதியாக அவரது உரையைக் கேட்டுக் கொண்டிருக்கிறது.
நிகழ்வின் இறுதியில் மேடையை விட்டிறங்கிய மக்கள் திலகம் கூட்டத்தினரின் அருகிலே சென்று அவர்களை வணங்குகிறார். தன்னைத் தொட்ட மக்களை புன்முறுவலோடு மீண்டும், மீண்டும் வணங்கி நன்றி கூறியபின் கொழும்பு புறப்படுகிறார்.
"இருந்தாலும் மறைந்தாலும்
பேர் சொல்ல வேண்டும்
இவர் போல யாரென்று
ஊர் சொல்ல வேண்டும்"
#தன்_பாடல்_வரிகளுக்கு_
#தானே_முன்னுதாரணமாக_வாழ்ந்து_
#மறைந்தவர்
#நம்_மக்கள்_திலகம்_மட்டுமே♥♥♥
(படத்தில் அப்போதைய இலங்கைப் பிரதமர் அமரர் டட்லி சேனநாயக்க அவர்களுடன் மக்கள் திலகம்)........... Thanks...
1976 ஆம் ஆண்டு ஏபி நாகராஜன் இயக்கத்தில் "நவரத்தினம்" படம் ஊட்டியில் எடுக்கப்பட்ட போது அண்ணன் பெரியவர் திரு.ராமச்சந்திரன் - டிவி நடிகர் அன்று எடுத்துக்கொண்ட புகைப்படம்.
அண்ணன் திரு.. ராமச்சந்திரனை கோவையில் உள்ள ஒரு பிளாட்டில் மூன்று வருடங்களுக்கு முன் சந்தித்தேன்..
' கல்தூண்" படத்தில் சிவாஜி கணேசன் உடன் நடித்துள்ளார். அந்த படத்தில் நாகேஷ் - இவரும் சேர்ந்து காமெடி ரோலில் கலக்கி இருப்பார்கள்.
அண்ணன் திரு ராமசந்திரன் தான் எனக்கு நடிகர் சத்தியராஜ் அவர்களையும் அறிமுகம் செய்தார்.
நடிகர் சத்திய்ராஜ் அவர்களுடன் என்னை அறிமுகம் செய்து பேசிக்கொண்டேன்.
அண்ணன் ராமசந்திரன் தனது மக்கள் திலகத்துடன் சந்தித்த அனுபவங்களை என்னுடன் பகிர்ந்து கொண்டார்.
1976 ஆம் ஆண்டு ஏபி நாகராஜன் இயக்கத்தில் "நவரத்தினம்" படம் ஊட்டியில் எடுக்கப்பட்ட போது நான் ஒரு டெலிபோன் operator பார்க்கும் வேலையில் இருந்தேன். எம்ஜிஆர் தங்கி இருந்த அறையில் போன் வேலை செய்யவில்லை என்பதால் என்னை அழைத்தனர்.
மக்கள் திலகத்திடம் என்னை அறிமுகம் செய்து வைத்தவர் சாண்டோ எம் எம் சின்னப்பா தேவர் அவர்கள்தான்..
மக்கள் திலகம் தங்கி இருந்த அவர் அறையில் உள்ள டெலிபோன் வயர் மற்றும் இயக்கம் சரி செய்து கொடுத்து உள்ளேன்.
. மக்கள் திலகத்துடன் ஒரு போட்டோ எடுக்கணும் என்று விரும்பி அவரிடம் கேட்டேன். அங்கு யாருக்கும் அனுமதி இல்லை. ஆனால் என் விருப்பத்தை அன்று நிறைவேற்றினார் மக்கள் திலகம்,.அன்று எடுத்த புகைப்படம்தான் இது ..
மேலும் எனது சமகால நண்பன் நடிகர் சத்தியராஜ் தங்கை திருமணம் கோவையில் பிரமாண்டமாக 1987 ஆம் ஆண்டு நடைபெற்றது. அப்போது எம்ஜிஆர் / சிவாஜி இருவரும் பக்கத்தில் அமர்ந்து பேசிக்கொண்டு இருந்தனர்.
நான் அருகில் சென்று இருவருக்கும் வணக்கம் சொன்னேன். அப்போது மக்கள் திலகம் என்னை அடையாளம் கண்டுகொண்டு ,, அன்று பேச இயலாத நேரத்திலும்.. இரண்டு கைகளையும் கூட்டி ( வயர் சுற்றி, டெலிபோன் டையல் செய்வது போல காண்பித்து) அவர்தானே நீங்கள்.."? என்று என்னை கேட்டார் மக்கள் திலகம்.
நான், "அண்ணே.. நானேதான் என்று அவர் காலில் விழ சென்றேன் என்னை தாங்கி பிடித்து வாழ்த்தினார். சம்பவம் நடந்தது 1976 / என்னை அடையாளம் கண்டு வாழ்த்தியது 1987ல்" என கூறி மக்கள் திலகத்துடன் உள்ள சந்திப்பை கூறினார்.
அண்ணே.. நான் வரேன்.." என்று புறப்பட்டபோது, என்னை மீண்டும் சந்திக்க சொன்னார். இன்றும் தொடர்பில் உள்ளேன். அருமையான சந்திப்பு . நிறைய கருத்துக்கள் சொல்வார். நிறைய அனுபவங்களை பகிர்ந்து கொள்வோம்.
நன்றி..!.......... Thanks...
தெய்வம் மனிதவடிவில்! .........
_________________________
லண்டன் வீதிகளில்,
மலேஷியா போன்ற நாடுகளில் வீடுகளில் எம் ஜி ஆர் தோன்றிக் கொண்டே இருக்கிறார்
வாட்ஸாப் , முகநூல் போன்றவற்றில் அவருடைய செய்திகள் வந்த வண்ணம் உள்ளன இது எப்படி சாத்தியம்
தான் வாழம் காலத்தில் உதவி செய்பவர்கள் வள்ளல்கள்
ஆனால் மக்கள் திலகம் குறிப்பறிந்து தாய் உள்ளத்துடன் உடல் நலிவுற்ற நிலையிலும் உதவி செய்து கொண்டே இருந்தார் இதற்கு மறுக்க முடியாத சான்றுகள் உள்ளன ...
உண்டு ரசித்தவர்கள் நாங்கள்
உண்ணவைத்து ரசித்தவர் மக்கள் திலகம் ...ஒருவரே !
தெய்வம் மனிதவடிவில்
இதற்கு சான்று கால் உனமுற்ற நிலையிலும் ...
இவரின் மக்கள் திலகத்தின் பாதிப்பு பாரிர்.....!!!... Thanks........
கெலவரப்பள்ளி அணை :
இந்த அணை எம்.ஜி.ஆரின் தொடர் முயற்சிகளால் கட்டப்பட்ட அணை.
கர்நாடகாவில் உற்பத்தியாகும் தென்பெண்ணை ஆறு கிருஷ்ணகிரி, தர்மபுரி, திருவண்ணாமலை மாவட்டங்கள் வழியாக ஓடிவந்து கடலூர் வழியாக வங்கக் கடலில் கலக்கிறது.
1977ம் ஆண்டு நடந்த சட்டசபை தேர்தலில் அ.தி.மு.க., வெற்றி பெற்று முதல் முறையாக முதல்வராக பொறுப்பேற்ற எம்.ஜி.ஆர்.,ஓசூர் தாலுகா விவசாயிகள் நலனுக்காக ஓசூர் அருகே தென்பெண்ணை ஆற்றின் குறுக்கில் அணை கட்டப்படும் என அறிவித்தார். அறிவித்தபடியே அணையை கட்ட ரூபாய் 5 கோடியே 51 லட்சம் பணத்தையும் ஒதுக்கீடு செய்தார்.
1978ம் ஆண்டு அணையின் கட்டுமான பணிகள் துவங்கின.
1982ம் ஆண்டு பெங்களூருவை சேர்ந்த கமலாம்மாள் என்பவர், திடீரென இந்த அணை கட்டும் இடம் தன்னுடைய இனாம் நிலம் எனவும், அதனால், அணை கட்டக்கூடாது எனவும் கூறி உச்சநீதிமன்றத்தில் தடை உத்தரவு வாங்கினார். தடையுத்தரவால் அணை கட்டும் பணி பாதியில் நிறுத்தப்பட்டது.
தொடர்ந்து நான்கு ஆண்டு கிடப்பில் போடப்பட்ட கெலவரப்பள்ளி அணையை கட்டியே தீர வேண்டும் என நினைத்த எம்.ஜி.ஆர்., 1987ம் ஆண்டு ஓசூருக்கே நேரடியாக வந்து தங்கினார்.
சிறப்பு அவசர கால பிரகடனம் திட்டம் மூலம் தடையானை வாங்கிய கமலாம்மாளிடம் இருந்து அணை கட்டப்படும் இனாம் நிலத்தை அதிரடியாக மீட்டார்.
அதன் பின் மீண்டும் 1987ம் ஆண்டு கெலவரப்பள்ளி அணை கட்டும் பணி துவங்கியது. ஆனால், இந்த திட்டத்தை துவங்கிய எம்.ஜி.ஆர் அதே ஆண்டு டிசம்பர் 24ம் தேதி மறைந்தார்.
அவர் மறைந்தாலும் இந்த திட்டத்தில் எந்த தடையின்றி கட்டுமான பணி நடந்து 1995ம் ஆண்டு வெற்றிக்கரமாக கட்டி முடிக்கப்பட்டது.
இடது மற்றும் வலது புற காய்வாய் வெட்டி பாசனத்துக்கு அணையில் தண்ணீர் தேக்க நடவடிக்கை எடுத்த போது, மீண்டும் கமலம்மாள் மகன் சத்தியநாராயணராவ் மூலம் அணைக்கு சோதனை வந்தது. அணையில் நீர் தேக்கினால் எங்களுடைய நிலங்கள் மூழ்கும் எனக்கூறி அவர் உச்ச நீதிமன்றத்தில் வழக்கு தொடர்ந்து அணையில் நீர் தேக்க தடை உத்தரவை பெற்றார்.
இதனால், 2002ம் ஆண்டு வரை கெலவரப்பள்ளி அணையில் நீரை தேக்கி வைக்க முடியவில்லை.
2002ம் ஆண்டு இரண்டாம்முறை முதலமைச்சராக அம்மா பதவிக்கு வந்தபிறகு இந்த அணை விவகாரத்தை விரைந்து முடிக்கக்கோரி அபூர்வா IAS அவர்களை ஓசூர் சப் கலெக்டராக நியமித்து உத்தரவிட்டார். அவர் கெலவரப்பள்ளி அணையில் தண்ணீர் தேக்க சிறப்பு அதிகாரிகள் நிபுணர் குழுவை அமைத்தார். அந்த குழுவின் அறிக்கையை தமிழக அரசு உச்சநீதிமன்றத்தின் கவனத்திற்கு கொண்டு சென்று அணையில் தண்ணீர் தேக்க வைக்கப்பட்டிருந்த தடையை உடைத்தது.
2005ம் ஆண்டு தமிழக அரசு மீண்டும் ஒரு கோடியே 75 லட்சம் ரூபாய் நிதியை ஒதுக்கி கெலவரப்பள்ளி அணையின் வலது மற்றும் இடது புற கால்வாய்களை வெட்டி அணையில் தண்ணீரை தேக்கியது.
ஓசூர் தொழிப்பேட்டைக்கு நீர் ஆதாரமாகவும்,
முத்தாலி, தொரப்பள்ளி, பேரண்டப்பள்ளி, காமன்தொட்டி, அட்டகுறிக்கி உள்ளிட்ட 22 கிராமங்களில் உள்ள 8 ஆயிரம் ஏக்கர் புன்செய் நிலங்களின் விவசாய நீராதாரமாகவும் இந்த அணை உள்ளது.
கிருஷ்ணகிரி மாவட்டம் (ஓசூர்) கெலவரப்பள்ளி அணையிலிருந்து பாசனத்துக்காக இன்றுமுதல் தண்ணீர் திறக்கப்படுகிறது. அணையின் மொத்த நீர்மட்ட அளவான 44.28 அடிகளில், தற்போது 40.07 அடி நீர் இருப்பு உள்ளது.
1978 முதல் 2005வரை பல்வேறு தொடர்ச்சியான சட்டப்போராட்டங்களை முன்னெடுத்து இந்த அணையை கட்டிக்கொடுத்த முதல்வர்கள் #MGR & #JJ
.....
#Krishnagiri | #KelavarapalliDa
...
...
Nambikai Raj......... Thanks...
நான் சொல்வதெல்லாம்
விஞ்ஞான உண்மை !..........
_________________________
சென்னையில் வசிப்பவர் குலதெய்வ கோவில் திருநெல்வேலியில் உள்ளது நான் செல்கிறேன் என்பார் என்னுள் கேள்வி இங்கு கோவில்கள் இல்லையா?
புத்தகம் ஒன்றில் இதற்கு விஞ்ஞான உண்மை அறிந்தேன்
நம்முடைய முன்னோர்கள் வழிவழியாக அக்கோவிலில் வழிபட்டு வந்திருப்பர் நம்முடைய சந்ததியினர் நலம்பெறவேண்டி மனம் உருகி வேண்டியிருப்பர் அந்த கோவிலில் நாம் வணங்கினால் நமக்கு பலன் எளிதில் ஈடேறும்
இதற்கு காரணம் நம் முன்னோரகளின் பிரார்த்தனை vibration...
எண்ண அலைகள்தான் காரணம் !
இதை நான் விளக்க காரணம் எனக்கும் இந்த அனுபவம் ஏற்பட்டது 1997 - ல் முதன் முதலில் மக்கள் திலகம் வீடு சென்றேன்
என்னுள் விவரிக்கமுடியாத ஓர் உணர்வு இது தான் என் இடமோ எனற நினைப்பு
சொல்லோண்ணா மெல்லிய இழையாக ஓர் சிலிர்ப்பு இது கதையல்ல நிஜம் !.........
........... Thanks to mr. Hayath...
2017 ஜூலை மாதம் அதிநவீன தொழில்நுட்பத்தில் வெளியிடப்பட்ட " அடிமைப்பெண் " திரைகாவியம் 2 வருடங்களாக தொடர்ந்து ஊர்கள்தோறும் வெற்றிப்பவனி வருகிறது..... இன்றைய இளைஞர்களுக்கும் ஆணழகன் எம்.ஜி ஆர்., தான்.......... Thanks...
2 வருடத்தில் 4 வது தடவையாக தற்போது கோவை - சண்முகா DTS., தினசரி 4 காட்சிகள்...ஆர்ப்பரிக்கும் கூட்டத்தால் நாளை மாலை ரசிகர்கள் விழா எடுக்க உள்ளனர்.( 1969 லிருந்து சுமார் இரண்டு அல்லது மூன்று ஆண்டுகூட இடைவெளியில்லாமல் திரையிடப்படும் காவியம் அடிமைப்பெண் என்பது குறிப்பிடத்தக்கது......... Thanks to mr. Samuel... Covai...
அன்புக்கு நான் அடிமை , தமிழ் பண்புக்கு நான் அடிமை என்னும் பாடல் வரிகளில் குடிக்கும் நீரை விலைகள் பேசிக் கொடுக்கும் கூட்டம் அங்கே என்று 1976-77 ல் லேயே பாடி வைத்தார். .....உண்மையை அன்றே சொல்லிவிட்டு சென்ற ஒரே தலைவன்... யார் எங்க M. G R., ........ Thanks...
நண்பர்கள்... பகைவர்கள் ... யாரென்றும் நல்லவர் கெட்டவர் யாரென்றும் பழகும்போது தெரிவதில்லை பாழாய் போன இந்த பூமியில் அருமையான வைர வரிகள்... " நாடோடி" காவியத்தின் புரட்சி நடிகர் பாடல் இறவா புகழ் நவரத்தின வரிகள்........
ஆளே இல்லாத கடையில் ... டீ ஆத்துவது போல்...☺️ மிக குறைந்த ஆட்களை வைத்து படம் ஓட்டுவது ,பிரியாணி போடுவது ,புடவை தருவது இப்படி எல்லாம் செய்தும் எதிர்பாராத வெற்றியும் /,வசூலும் இல்லாத பட்சத்தில் இந்த விழா அவசியமா ,யாருக்கு புகழ் சேர்க்க பாடுபடுகிறார்கள் தெரியவில்லை... (இது மக்கள் திலகம் சார்ந்த பதிவல்ல....)
ஒரே வசூல் சக்கரவர்த்தி .......... எம்ஜிஆர்! .........
பொன்விழா ஆண்டில் "அடிமைப்பெண்! " (14.07.2019 கோவை சண்முகா DTS., வெற்றிவிழா சிறப்பு தொகுப்பு)...
புரட்சித்தலைவர் எம்.ஜி.ஆர் தயாரிப்பில் வரலாறு படைத்த காவியம் ...அடிமைப்பெண். 1969ம் ஆண்டு வெளிவந்த இந்தப் படம் பொன்விழா ஆண்டில் பயணிக்கிறது. எம்ஜிஆர் உடன் ஜெயலலிதா, எஸ்.ஏ.அசோகன், ஆர்.எஸ்.மனோகர், ஜே.பி.சந்திரபாபு, சோ, ஜோதிலட்சுமி, ராஜஸ்ரீ, பண்டரிபாய், ஓ.ஏ.கே.தேவர் உள்பட பலர் நடித்திருந்தார்கள். கே.வி.மகாதேவன் இசை அமைத்திருந்தார், வி.ராமமூர்த்தி ஒளிப்பதிவு செய்திருந்தார். எம்.ஜி.ஆர் தயாரித்திருந்தார், அன்றைய பிரமாண்ட இயக்குனர் கே.சங்கர் இயக்கி இருந்தார்.
எஸ்.பி.பாலசுப்பிரமணியம் பாடகராக அறிமுகமான படம். "ஆயிரம் நிலவே வா..." பாடல் இன்றும் இனிமையாக ஒலித்துக் கொண்டிருக்கிறது. "அம்மா என்றால் அன்பு..." என்ற பாடல் மூலம் ஜெயலலிதாவும் பாடகியாக அறிமுகம் ஆனார். இதுதவிர "காலத்தை வென்றவன் நீ, காவியம் ஆனவன் நீ...", "தாயில்லாமல் நானில்லை, தானே எவரும் பிறந்ததில்லை...", "உன்னை பார்த்து இந்த உலகம் சிரிக்கிறது...", "ஏமாற்றாதே ஏமாற்றாதே, ஏமாறாதே ஏமாறாதே...", போன்ற இனிமையான பாடல்களை கொண்ட காவிய படம். ........
இன்றைக்கு பிரம்மாண்ட படமாக கொண்டாடப்படும் படங்களுக்கு சற்றும் குறைவில்லாத முன்னோடி படம் ...அடிமைப்பெண். இன்றைக்காவது கிராபிக்ஸ் வசதிகள் இருக்கிறது. அப்படி எதுவும் இல்லாத காலத்தில் பிரமாண்டமாக தயாரான படம் அடிமைப்பெண். மன்னரான தந்தை கொல்லப்பட்ட பின்னர் மகன் அதற்குப் பழிவாங்குகிறான். 25 ஆண்டுகளாக அடிமைச் சங்கிலியில் கட்டுண்டு கிடக்கும் தனது தாயை மீட்கிறான். இதுதான் அடிமைப்பெண்ணின் கதை.
முதன் முதலாக எம்.ஜி.ஆர் ஒரு நிஜ சிங்கத்துடன் சண்டை போட்டார். இதற்காக அவர் அந்த சிங்கத்தை தனது வீட்டில் வளர்த்து அதனுடன் பழகினார். படத்தின் பெரும்பாலான காட்சிகள் ஜெய்ப்பூர் அரண்மனையில் படமாக்கப்பட்டது. ராஜஸ்தான் பாலைவனத்தில் ஒட்டகச் சண்டைக் காட்சிகளைப் படமாக்கியிருந்தார்.
அதேப்போல மிகப் பெரிய அரண்மனை செட் போட்டும் பிரமாண்ட சண்டைக் காட்சியையும் சிலிர்க்க வைக்கும் வகையில் படமாக்கியிருந்தார். எம்.ஜி.ஆர். போட்ட கத்திச் சண்டை இந்தப் படத்தில் ரொம்ப பிரபலம். எம்.ஜி.ஆர் இதில் இரண்டு வேடத்தில் நடித்திருப்பார்.
1969 ல் தமிழகம், கேரளா, ஆந்திரா, கர்நாடகம் உள்ளடங்கிய தென் இந்தியாவில் 46 ஏ சென்டர்களில் முதல் வெளியீட்டில் ரூ.1 கோடிக்குமேல் வசூல் சாதனை படைத்த வெள்ளிவிழா காவியம். சென்னையில் திரையிட்ட முதல் நாள் தொடங்கி 400 காட்சிகள் ஹவுஸ்புல் ஆன முதல் காவியம். பல ஊர்களிலும் இதே புரட்சி செய்த காவியம். மதுரை 175 நாட்களும் கோவை, திருச்சி, சேலம், சென்னை ( 4 சென்டர்) நெல்லை, நாகர்கோவில், தூத்துக்குடி ,வேலூர் , ஈரோடு , கர்நாடகா ( 7 சென்டர்) கேரளா (6 சென்டர்) ஆந்திரா, இலங்கை உள்ளிட்ட இடங்களில் 100 நாட்களை தாண்டி வசூல் சக்கரவர்த்தி எம்ஜிஆர் என மீண்டும் நிரூபித்த காவியம். தொடர்ந்து 1970 ல் பி மற்றும் சி சென்டர்களில் 100 நாட்கள், 50 நாட்கள் என ஓடி வசூல் பிரளயத்தை ஏற்படுத்தியது. தொடர்ந்து இன்றுவரை 50 ஆண்டுகாலமாக திரையரங்குகளில் அடிமைப்பெண் வெற்றிச் சரித்திரம் படைப்பது உலகம் அறிந்தது. 35 எம்எம், சினிமாஸ்கோப், டிஜிட்டல் போன்ற பல வெளியீடுகளில் புரட்சிசெய்து வந்த இக்காவியம் 2017 ல் மீண்டும் டிஜிட்டல் தொழில்நுட்பத்தில் வெளியிடப்பட்டு 100 நாட்கள் ஓடியது. 2 ஆண்டுகளாக ஊர்கள்தோறும் வெற்றிச் சரித்திரம் படைத்துவரும் அடிமைப்பெண் 2 ஆண்டுகளில் கோவைக்கு இதோ 4 வது தடவையாக வந்து ரசிகர்களை கொண்டாட வைத்துள்ளார். இன்றும் தம் காவியங்கள் மூலம் பலபேர் வாழ்வில் ஒளியேற்றிக் கொண்டிருக்கும் காலத்தால் அழிக்க முடியாதவர்- நம் புரட்சித்தலைவர் ஆங்கில படங்களுக்கு இணையாக தந்துவிட்டுச் சென்ற அடிமைப்பெண் காவியம் என்றும் பேசப்படும். புரட்சித்தலைவர் நாமம் வாழ்க. எம்ஜிஆர் பக்தர்கள் வாழ்க, வளர்க......... அன்புடன் சாமுவேல்......... Thanks...
புரட்சித்தலைவர் பக்தர்கள் / ரசிகர்கள்.........
உண்மையான ரசிகர் / பக்தன் உலகம் முழுவதும் இருக்கிறார்கள் என்பதற்கு ஆதாரம்:
1) புரட்சித்தலைவர் படம் (காவியங்கள்) எங்கு வந்தாலும் பணம் செலவு செய்து பார்க்கிறவன்.
2) திரையரங்கில் அவர் படம் வைத்து வழிபட்டு தலைவர் தோன்றும் காட்சியில் பூ தூவி மகிழ்பவன்.
3) தனது வருமான மிகவும் குறைவாக இருந்தாலும் அதற்கு தங்குதபோல பழம், ஊதுபத்தி, பூ வாங்கி புரட்சித்தலைவருக்கு காணிக்கை செலுத்துபவன்.
4) இல்லை என்று தெரிந்தால் தன்னால் முடிந்த அளவுக்கு உதவி செய்பவன்.
5) புரட்சித்தலைவர் காவியங்களின் பொன்விழா/ வைரவிழா., இப்படி விழா எடுப்பவன்
நாளை சந்திரமண்டலத்தில் விழா நடக்கிறது என்று வைத்து கொள்வோம். நான் அங்கு செல்கிறேன் என்றால் சந்திரமண்டலத்தில் புரட்சித்தலைவர் பக்தர்கள் இருக்கிறார்கள் என்பதற்கு நான் செல்லுவது தான் ஆதாரமா அல்லது அங்கு இருப்பவர் விழா எடுப்பது தான் ஆதாரமா?
புரட்சித்தலைவர் புகழ் பாடும் உண்மையான பக்தர்கள் இந்தியாவில் மட்டும் அல்ல சிங்கப்பூர், மலேசியா, ஆஸ்திரேலியா, பிரான்சு, இங்கிலாந்து, பிலிப்பைன்ஸ், கத்தார், குவைத், பஹ்ரைன், ஐக்கிய அரபு அமீரகம் [ 1980 ஆம் ஆண்டு தலைவர் ரசிகர் மன்றம் துவக்கப்பட்டது, தலைவர் தமிழக முதல்வர் ஆன பிறகு] போன்ற பல நாடுகளில் இரத்தத்தின் இரத்தங்கள் இருக்கிறார்கள்.
எனவே, தன்னிடம் இருக்கும் செல்வத்தின் அடிப்படையில் செயல்படுபவர்கள் , புரட்சித்தலைவரை படங்களில் பார்த்தால் தன்னையும் அறியாமேல் கண்ணீர் சிந்துபவர்கள், திரை கவிஞர்களின் பொன்விழா / வைரவிழா , பிறருக்கு உதவி செய்பவர்கள், கடமையில் தவறாதவர்கள், உண்மையை பேசுபவர்கள், “நினைவு தெரிந்த நாள் முதல் [ பிறப்பு முதல்]” தினமும் அந்த சத்திய புருஷனை வணங்குபவர்கள் தான் புரட்சித்தலைவர் புகழ் உலகமெங்கும் உள்ளது என்பதற்கு ஆதாரம். . ........... Thanks mr. Sailesh Basu...
ஆட்சிக்கு வந்து ஏழை எளியவர்கள், பொது மக்கள், கட்சிக்காரர்கள் , நண்பர்கள். போன்றவர்களுக்கு செய்த உதவிகள் கொடைகள் ஆயிரம் இருந்தாலும் தான் நடிகராக இருந்து வியர்வை சிந்தி உழைத்த பணத்தை அள்ளி கொடுத்த வள்ளல் நம் பொன்மனம் மட்டுமே. கட்டி கொடுத்த வாங்கி கொடுத்த வீடுகள் அடுத்தவர்களுக்கு ஏராளம்....அந்த வரிசையில் அந்த காலத்தில் திரையுலகினர் அடகு வைத்து பின் மீட்க முடியாமல் வாத்தியார் மீட்டு கொடுத்த வீடுகள் வரிசை...இதோ.. நாகர்கோவிலில் என்.எஸ். கிருஷ்ணன் வாழ்ந்த வீடு, சென்னையில் நடிகை கண்ணம்மா வீடு, நடிகை குமுதினி வீடு , நடிகர் நாகேஷ் வீடு, நடிகர் எஸ்.வி. சுப்பையா வீடு , கவியரசு கண்ணதாசன் வீடு, மருதகாசி வீடு, இயக்குனர் டி.ஆர்.ராமண்ணா வீடு, ஐசரிவேலன் மறைந்த பின் அவர் வாழ்ந்த வீடு...கடைசியில் சொன்னா நம்ப மாட்டீங்க. நம்ம சுருளிராஜன் வீடு...தெரிந்தவரைக்கும் இவை...இன்னும் தெரியாதவை எத்தனையோ.... அது எப்படி ஒரு மனிதனுக்குள் இவ்வளவு இரக்கம்...காரணம் அவர் மனிதர் இல்லை இறைத்தூதர் எம்ஜியார். அப்படித்தான் தோன்றுகிறது...வாழ்க எம்ஜியார் புகழ்...இன்னும் வெளியே வராத புது புது உண்மை நிகழ்வுகளுடன்...உங்கள் சார்பாக தொடருவேன்...நன்றி..
V P சிவகுமார் NKL........... Thanks...
உயர்ந்தவர்கள் எழுதிய கடிதங்களை விட சாமானியர் கடிதங்களை விரும்பி படிப்பார் எம்ஜிஆர்.. அந்த வகையில் 1978 இல் சென்னை திருவல்லிக்கேணி மிகவும் ஏழை பிராமண குடும்பத்தை சேர்ந்த மாணவி கௌரி தனக்கு வீணை வாசிக்கும் ஆர்வம் பற்றியும் ஆனால் சொந்தமாக ஒரு வீணை இல்லாததால் இரவல் வீணை கொண்டு தன் திறமையை வெளிக்கொண்டு வர முடியவில்லை நீங்கள் பண வசதி இல்லாமல் தங்கள் சின்ன வயதில் நாட்டிய பயிற்சி கர்நாடக சங்கீதம் என்னால் கற்று கொள்ள முடியவில்லை என்று ஒரு பேட்டியில் சொல்லி இருந்ததை படித்தேன்...எனக்கும் வீணை மீது ஆர்வம் இருக்கு வாங்க வசதி இல்லை என்று கடிதத்தில் முடிக்க வழக்கம் போல உதவியாளர் வசம் சொல்லி ஒரு வீணை மைசூரில் இருந்து வாங்க சொல்ல உதவியாளர் பணம் அனுப்பியும் மைசூரில் இருந்து அந்த வீணை வராமல் நிற்க...இனி. 1980 சென்னை கலைவாணர் அரங்கில் அனைத்து பள்ளிகள் இடையே நடந்த பல்வகை போட்டிகள் அதில் வெற்றி பெற்ற மாணவர் மாணவியர் களுக்கு பரிசு அளிக்கும் நிகழ்வு எம்ஜிஆர் தலைமை......நிகழ்வுக்கு ஒப்புக்கொள்ளும் மன்னன் நிகழ்ச்சி நிரல் அழைப்பிதழை படிக்க வீணை இசைக்கருவி போட்டியில் முதல் பரிசு கௌரி என்று படிக்க தூக்கி வாரி போட்ட மாதிரி உடனே உதவியாளர் வசம் ரொம்ம நாட்களுக்கு முன்னால் வீணை ஒரு மாணவிக்கு கொடுக்க சொன்னது என்ன ஆனது என்று கேட்க அவர் வீணை மைசூரில் இருந்து வரா நிகழ்வை சொல்ல தலைவர் கோபமாக நீ.. போ... என்று சொல்லி நிகழ்ச்சிக்கு வந்து விட நிகழ்வு ஆரம்பம் ஆகி வரிசை ஆக எல்லோரும் பரிசு பெற வீணை கௌரி பெயர் வாசிக்க பட அவரும் தலைவர் அருகில் வந்து தலை குனிந்து ஒரு துண்டு சீட்டை நீட்ட அதில் இன்னமும் இரவல் வீணைதான் என்னை மறந்து விட்டீர்களா என்று எழுதி இருந்ததை படித்து மனம் வருந்திய நம் மன்னன் மேடையில் ஒருவருக்கு சைகை காட்ட அடுத்த சில நிமிடங்களில் வெளியே வாகனத்தில் இருந்து ஒரு புதியவீணை பூம்புகாரில் வேறு ஒருவர் மூலம் வாங்க பட்டு அதை அப்போதே அந்த கௌரி வசம் கொடுக்கிறார் நம் இறைவன்.. கௌரிக்கு மயக்கம் வாராத குறை.....யாருக்கும் எதுவும் புரியவில்லை நடந்தது நம் வாத்தியாருக்கும் கௌரிக்கும் அந்த உதவியாளருக்கும் மட்டுமே தெரியும்...எப்படி பட்ட தலைவனின் தொண்டர்கள் நாம்.
இதயவீணையின் புகழை நித்தம் மீட்டுவோம்...நன்றி...........வீணை பேசும்..பேசியது...வாழ்க எம்ஜிஆர் புகழ்......தொடரும்...........
பின்குறிப்பு...பின்னாளில் அந்த கௌரி சிறந்த வீணை இசைக்கலைஞர் ஆகி தமிழ்நாடு இயல் இசை நாடக மன்றத்தில் அரும் பெரும் தொண்டுகள் ஆற்றியது துணை நிகழ்வு......... Thanks mrs. Janani medam...
நேற்று சென்னை தி.நகரில் ஹபிபுல்லா சாலையில் உள்ள அரைமணி நேர அரங்கில் மாலை 5.00 மணி முதல் 7.00 மணி வரை நடைபெற்ற தலைவர் புகழ்பாடும் நிகழ்ச்சிகளை உள்ளடக்கிய நிகழ்வுகளின் ஆலோசனை கூட்டம் சிறப்பாக தலைவரின் அமைப்புகள் ............பக்தர்கள் .........சார்பாக இனிதே நடந்தேறியது. இந்நிகழ்ச்சியில் 5 முக்கிய நிகழ்வு பற்றி பேசபட்டது. மேலும் வரும் செப்டம்பர் 22ம் தேதிசென்னை சர்.பிட்டி தியாகராயர் அரங்கில் ஞாயிறு அன்று நடைபெறும் தலைவரின் நம்நாடு திரைப்பட பொன்விழா பற்றியும் அதற்கான ஒத்துழைப்பு பற்றியும் பேசபட்டது. இக்கூட்டத்தில் அண்ணன் திரு. முத்து அவர்கள் திரு. துரைகாருணா அவர்கள் திரு. எம்.ஜி.சி. பிரதீப் அவர்கள். சைதைகலையுலக பேரோளி எம்.ஜி.ஆர். தலைமை மன்றத்தின் சார்பாக திரு. சைதை எஸ். மூர்த்தி மக்கள் திலகம் எம்.ஜி.ஆர் மன்றம் (எழும்பூர் பகுதி) திரு. டி.தேவசகாயம், திரு.கே.ராமு திரு. மகாலிங்கம் திரு.பாண்டியன் திரு. எஸ்.பி. ராஜன் ஆயிரத்தில் ஒருவன் இறைவன் எம்.ஜி.ஆர். பக்தர்கள் திரு. இ. பாண்டிய ராஜ் பொன்மனச்செம்மல் எம்.ஜி.ஆர். நற்பணி சங்கம் சார்பாக திரு.ஏ. பாஸ்கரன் திரு. எஸ். தாமஸ் திரு. ஏ.கே. ராஜோந்திரன் திரு.பி.மோகன் திரு. பி.ஜி.சேகர் திரு பி.ஏ. நடராஜன் திரு. ஏ.டி. சந்திரபாபு திருமதி. சி. திலகவதி பாபு திரு எஸ். சோமசுந்தரம் திரு. டி. பத்ரிநாத் திரு.ஆர். கிரி திரு. எம்.ஜி.ஆர் ராஜன் திரு. ஆழ்வை திரு. உதயகுமார் திரு. எஸ். விஸ்வநாதன திரு. முகப்பேர் சி. நந்தா திரு. சங்கையா இவர்களுடன் உரிமைக்குரல் ராஜு கலந்து கொண்டவர்கள். மற்றும் சூழ்நிலை காரணமாக வராதவர்கள்முன் கூட்டியே சொன்னவர் திரு. வி.டி. சேஷன் . திரு. தம்பாச்சாரி திரு. பி. ரவிசங்கர் திரு. ஏம்.எஸ். மணியன் திரு. ஸ்ரீதர் பெருமாள் திரு. வி.எஸ். ராஜு திரு. ஆர். இளங்கோவன் திரு. கே.எஸ். மணி திரு. இ. பாலகுரு திரு. எல் பொன்னுசாமி திரு. ஆர். லோகநாதன் திரு. எம் தேவா திரு. வி. கிருஷ்ணசாமி திரு. சேர்மக்கனி திரு. குப்பன் திரு. ஜெ. சங்கர் திரு. ஜெய்சங்கர் திரு. கே. தேவராஜ் திரு. கவிஞர் கவிகுமரன் திரு. முருகன் திரு. கணேசன் திரு. கிருஷ்ணகுமார் திரு. மாம்பலம் குமார் அழகிரி திரு. ராஜு திரு. ஜமீல் திரு. நஸீர் திரு. ரவி மற்றும் சிலர். வந்த திருவாளர்களுக்கும் சூழ்நிலை காரணமாக வரமுடியாது தகவல் சொன்ன திருவாளார்களுக்கும் நிகழ்ச்சிக்கு உதவிய அன்பு உள்ளங்களுக்கும் விழாவுக்கு ஒத்துழைப்பு தருகிறேன் என்று சொன்ன நல்லவர்களுக்கும் நன்றி! நன்றி! நன்றி! என்றும் தலைவர் புகழ்பாடும் ஒலிக்கிறது... உரிமைக்குரல் ராஜு...... Thanks...
பாசம்!........
________
இந்த பாடலை பிடிக்காதவர் எவரும் இலர்,
தலைவர்கள் பாராட்டியுள்ளனர் நடிகர்கள் இது போல் பாடல் தமக்கும் வேண்டும் என்று வலியுறுத்தியுள்ளனர்...
நடிகருக்கு உடல் கட்டு கோப்பாக இருக்க வேண்டும் நம் மக்கள் திலகத்திற்கு கட்டு கோப்பாகவும்
flexible ஆகும் இருப்பதை காணுங்கள்..... கடற்கரை மணலில் பின் பக்கமாக வளைந்து சர்வசாதரணமாக எழந்து செல்வார் ...
மாட்டு வண்டியில் அமர்ந்தவாறு
எல்லாம் எனக்குள் இருந்தாலும்
என்னை தனக்குள் வைத்திருக்கும்
அன்னை மனமே என் கோவில் அவளே என்றும் என்தெய்வம் !
இந்த காட்சியில் மக்கள் திலகம் தன் அன்னையை உருகி வணங்குவது
நெகிழ்ச்சியின் எல்லை !
........ Thanks ..........
புரட்சித்தலைவரின் மனிதநேயத்தை என்றும் எக்காலத்திலும் பறைசாற்றும் விதமாக புதிய அமைப்பு ...... நம் தலைவரின் அபிமானிகள் பக்தர்கள் பல அமைப்பிலும் செயல்படுபவர்கள் அங்காங்கே இருப்பவர்கள் தனியாக செயல்படுபவர்கள் இப்படி தலைவர் மீது பற்றுள்ள உண்மை உள்ளங்கள்...... தென்னகமெங்கும் உள்ள பொன்மனச் செம்மலின் விசுவாசிகளை இணைக்கும் ஒரே நல் அமைப்பு .... "எம்.ஜி.ஆர்.புகழ் பரப்பும் இயக்கம் " நல்லவர்களின் ஆதரவுடன் விரைவில் .. இந்த அமைப்பில் செயலாளர்கள் மட்டும் (மாவட்டம் வாரியாக) பொருளாளர் மற்றும் செயற்குழு பொதுக்குழு உறுப்பினர்கள் மட்டுமே! (தலைவர் துணைத் தலைவர் யாரும் கிடையாது) இன்னும் பல தீர்மானங்கள் ஒலிக்கிறது உரிமைக்குரல் மாதஇதழில் இடம் பெறும். நம் தலைவர் எந்த ஜாதியோ....... எந்த மாதத் தலைவரோ.... எந்த மொழி போதகரோ. கண்டிப்பாக கிடையாது.
மனிதரை மனிதராக நேசித்த பாராட்டிய பெருமை சேர்த்த மனித புனிதர் உலகில் தலைவர் மட்டுமே! நன்றி! உரிமைக்குரல் ராஜு............ Thanks...
மக்கள் திலகம் எம்ஜிஆர் நடித்த நேற்று இன்று நாளை 12-7-1974 வெளியானது.
சென்னை பிளாசா 105 நாள் மகாராணி 105 நாள் சயானி 69 நாள் கிருஷ்ணவேணி 77 நாள் மதுரை சிந்தாமணி 124 நாள் நெல்லை பார்வதி 124 நாள் ஓடியது. காஞ்சிமாநகரில் லட்சுமி திரையரங்கில் 50 நாள் ஓடியது.
நேற்று இன்று நாளை படத்தை வெளியிட திரையரங்குகளுக்கு மிரட்டல் விடுத்தது கருணாநிதி அரசு. அப்போதிருந்த திரைப்பட தயாரிப்பாளர் சங்கத் தலைவர் திரு.ஏ.எல்.சீனிவாசன் மூவி மேக்கர்ஸ் கவுன்சில் யாவும் வாய் மூடி மவுனியாக இருந்தார்கள். புரட்சித்தலைவர் தன்னந்தனியாக கருணாநிதி யின் திட்டங்களை தவிடு பொடி ஆக்கினார்.
இப்படத்தின் தயாரிப்பாளர் எஸ்.ஏ.அசோகன் கோபாலபுரம் கருணாநிதி வீட்டில் போய் உட்கார்ந்து கொண்டார். பிறகு எம்ஜிஆர் அவர்களை தாக்கி கருணாநிதி வசனம் எழதிய வண்டிக்காரன் மகன் மற்றும் ஜெய்சங்கருடன் சேர்ந்து எம்ஜிஆர் அவர்களை தாக்கி நடித்தார். எதுவும் எடுபட வில்லை.
: விஸ்வரூபம் பட பிரச்சனை வந்த போது கமல்ஹாசன் நாட்டை விட்டே போகிறேன் என்று சொல்லி மறு வாரமே ஜெயா தொலைக் காட்சி வந்து உட்கார்ந்தார். இன்னொரு நடிகர் அஜீத் என்னை விழாவுக்கு வர மிரட்டுகிறார்கள் என்று தைரியமாக முதல்வர் கருணாநிதி முன் பேசி விட்டு மறு நாள் கோபலபுரம் சென்றார். இன்னோரு சூரப்புலி விஜய் என்ற நடிகர் தலைவா என்று பெயர் வைத்து ஆளும் கட்சி கோபத்துக்கு ஆளாகி கொட நாடு வரை சென்று முதல்வரை பார்க்க முடியாமல் திரும்பினார்.
: இன்னொரு நடிகர் 1996 முதல் அரசியலுக்கு வருகிறேன் என்று பூச்சாண்டி காட்டி வருகிறார். வந.தால் தெரிந்து விடும் இவருடைய செல்வாக்கு !
: புரட்சித்தலைவர் ஒருவர் தான் ஆளும் கட்சியை எதிர்த்து தைரியமாக தன்னந்தனியாக போராடி 1972 முதல் 1976 வரை ஜெயித்தார்!
: இப்போது வாரிசு அரசியல் பேசப்படுகிறது. 1974 ல் கவிஞர் வாலி மூலம் மக்கள் நலம் மக்கள் நலம் என்று சொல்லுவார். தன் மக்கள் நலம் ஒன்றே தான் மனதில் கொள்ளுவார். என்று அன்றே கருணாநிதி யின் முகமூடியை கிழித்தார்.
: No one is equal to mgr.
நேற்று இன்று நாளை திரைப்படம் வெளியாகி 45 ஆண்டுகள் நிறைவு ஆனது .
இனிமையான பாடல்கள், நகைச்சுவை காட்சிகள் , பொழுது போக்கு அம்சங்கள்
அரசியல் நெடி நிறைந்த வசனங்கள் நிறைந்த ஜனரஞ்சக படமாக அமைந்தது .
ஒரு கதாநாயகன்,மக்கள் திலகம் எம்.ஜி.ஆர். (ஆனால் இரட்டை வேடம் ) மூன்று கதாநாயகிகள் , மஞ்சுளா, லதா, ராஜஸ்ரீ , திரைக்கதை நேர்த்தியாகவும், பல திருப்பங்களுடன் கிளைமாக்சில் இயக்குனர் ப.நீலகண்டன் திறம்பட இயக்கி
இறுதியில் சுபமாக முடித்தார். நடிகர்கள் அசோகன், நம்பியாரின் வில்லத்தனம் அபாரம். பெரியவர் எம்.ஜி.சக்கரபாணி சில காட்சிகளில் நடித்திருந்தார் .
நடிகர் தேங்காய் ஸ்ரீநிவாசன், சுகுமாரி, மற்றும் ஐசரிவேலன் தமது நகைச்சுவையால் நன்கு சிரிக்க வைத்தனர் . வி.கே.ராமசாமி, பண்டரிபாய், கரிக்கோல் ராஜு மற்றும் பலர் நன்கு சோபித்தனர் .
பாடல்கள் :
1. பாடும்போது நான் தென்றல் காற்று ( அருமையான காதல் பாடல் )
2. தம்பி நான் படித்தேன் காஞ்சியிலே( அந்த காலத்தில் அரசியலில் ஊழல் மற்றும்
ஆளும் கட்சியின் நிர்வாக சீர்கேடுககளை அப்பட்டமாக தோலுரித்து காட்டிய து )
3.நீ என்னென்ன சொன்னாலும் கவிதை ( காதல் பாடல் )
4. நெருங்கி நெருங்கி பழகும்போது (காதல் பாடல் )
5. பாடும்போது நான் தென்றல் காற்று ( 2 வது முறை -காதல் பாடல் )
6.அங்கே வருவது யாரோ (காதல் பாடல் )
7.ரோமியோ ஜூலியட் - இன்னொரு வானம் , இன்னொரு நிலவு
(இனிமையான காதல் பாடல் )
மெல்லிசை மன்னர் எம்.எஸ். விஸ்வநாதன், எத்தனை முறை கேட்டாலும் சலிக்காத வகையில் மிக இனிமையாக பாடல்கள் வடிவமைத்தார்
நான் முதன் முறையாக குரோம்பேட்டை வெற்றியில் முதல் நாள் மேட்னி காட்சியில் பார்த்து ரசித்தேன் வெற்றியில் 50 நாட்கள் ஓடியிருந்தது
பிறகு பிளாசா, மகாராணியில் (மூன்று முறை ) கிருஷ்ணவேணியில் பார்த்து மகிழ்ந்தேன் .பிளாசாவில் ரிசர்வேஷனில் 54 காட்சிகளும் , மகாராணியில் 63 காட்சிகளும் வெளியாகும் முன்பு அரங்கு நிறைந்தது எதிர்க்கட்சிகளின் சதியால் சயானி அரங்கில் வெள்ளித்திரை கிழிக்கப்பட்டது .இருப்பினும் அதை சரிசெய்து
திரைப்படம் ஓடியது . பார்வையாளர்களுக்கு தீப்பெட்டி, பீடி, சிகரெட் , சிகர்லைட்
போன்றவை கொண்டு செல்ல அனுமதிக்கவில்லை இந்த மாதிரி கட்டுப்பாடுகள்,
கெடுபிடிகள் ,ஆளும் கட்சியின் எதிர்ப்புகள் , போஸ்டர் விளம்பரங்கள் அனுமதி மறுப்பு எல்லாவற்றையும் மீறி வெற்றிநடை போட்டது குறிப்பிடத்தக்கது .இந்த நிலைமை எந்த தமிழ் படத்திற்கும் நேர்ந்ததில்லை என்பது வரலாறு என்பதை
நினைவில் கொள்ள தக்கது .