Nadigar Thilagam Sivaji Ganesan Part 9

அன்பு பம்மலார் சார்,

'பாட்டும் பரதமும்' படத்துக்கான தங்கள் பதிவு பரமானந்தம். சைட் போஸில் கலக்கும் தலைவரின் கருப்பு வெள்ளை புகைப்படம் அட்டகாசம். கிட்டத் தட்ட அதே போஸில் இருக்கும் 'பேசும்படம்' (கலர்) அட்டைப் படமும் அருமை! அதுவும் தீபாவளி மலரின் அட்டையை அலங்கரிப்பது இன்னும் சிறப்பு.

இன்று முதல் முரசொலி விளம்பரம் லைனிங் ஆர்ட்டில் பின்னி எடுக்கிறது. முதல் வெளியீட்டு விளம்பரம் கம்பீரக் கலக்கல் என்றால் ஆனந்தவிகடன் விளம்பரம் சாந்தம் தவழும் அழகு.

ஆனந்த விகடன் விமர்சனம் வியப்பு. பின்னே! ஒருகுறை கூட இல்லாமல் வெளிவந்த விமர்சனமாய் இருக்கிறதே! உண்மையாகவே ஆனந்த விகடன் விமர்சனம் ஆனந்தம் தான்.

தங்களின் இந்த அற்புதப் பதிவுகளால் மனம் ஆனந்த பரதமாடுகிறது. பாட்டும் பரதமும் போல ஆவணங்களும் பம்மலாரும் இணைந்திருப்பது இவ்வையகம் பெற்ற பாக்கியம். நன்றி!

அன்பு கார்த்திக் சார்,

'பாட்டும் பரதமும்' பற்றிய பம்மலார் மற்றும் அடியேனுடைய பதிவுகளை உடனே பார்த்த மாத்திரத்தில் பாராட்டியதற்கு உளமார்ந்த நன்றிகள்.

1978-ம் ஆண்டில் வெளிவந்த நடிகர்திலகத்தின் எட்டு படங்களையும், அவை வெளியான அரங்குகளையும் பதிவாக அளித்து நீங்கள் ஒரு 'மனித கம்ப்யூட்டர்' என மீண்டும் நிரூபித்துள்ளீர்கள். என்ன ஒரு அபார நினைவாற்றல்! நானெல்லாம் அடிக்கடி மறந்துவிடுவேன். இந்த விஷயத்தில் உங்கள் மேல் எனக்கு கொஞ்சம் ஏன் அதற்கு ஒரு படி மேலேயும் பொறாமைதான். (சும்மா ஜாலியாகத்தான் சொன்னேன்) அநேகமாக படிப்பிலும் நீங்கள் சூரப்புலியாகத்தான் இருந்திருக்க வேண்டும்.

இரண்டு 'நாத்' களும் அடுத்தடுத்து வரிசையாக வந்ததில் 'first is the best' என்பது போல முதல் 'நாத்' நாட் அவுட். ஓரளவிற்கு நன்றாக இருந்தும் கூட இரண்டாவது 'நாத்' திற்கு not response. விதியாகப் பட்டது வலியது...அதை யாரும் வெல்ல முடியாது...( அதே சொர்க்கத்தின் சொல்லாதே யாரும் கேட்டால் இடையில் வரும் வசனம் போல)

நீங்களும் உங்கள் நண்பர்களும் லிபர்ட்டியில் ஜஸ்டிஸ் வருவாரா அல்லது வரமாட்டாரா என்று குழம்பிப் போய் நின்ற கதை 'குபீர்' சிரிப்பை வரவழைத்து விட்டது.

தேங்காய் ஸ்ரீனிவாசன், அவர் ஜோடியாக வரும் அபர்ணா காட்சிகளில் கொஞ்சம் கத்தரி வைத்து கதையிலும், காட்சி அமைப்புகளிலும் இன்னும் கொஞ்சம் கூடுதல் கவனம் செலுத்தியிருந்தால் படம் நல்ல வெற்றி கண்டிருக்கும். ஏனோ நெஞ்சில் ஒட்டவில்லை. ரஜினி தலைவர் முகத்தைப் பார்த்துப் பேசக்கூட சற்று அச்சப் படுவார். (தலைவருடன் முதல் படமாயிற்றே!)

"நானா சொன்னேன் தீர்ப்பு" பாடல் T.M.S. இன் கணீர்க் குரலில் அட்டகாசமாகவே இருந்தது.( இந்தப் பாடல் காட்சியில் நடிகர் திலகத்தின் சிகரெட் ஸ்டைல் செம கலக்கல் )

"அட என்னாங்க இது பொல்லாத்தனம்" பாடல் அப்படியே ஜெனரல் சக்கரவர்த்தியின் "ஒ...மை டியர் டாக்டர்" பாடலின் கார்பன். குறைந்த இடைவெளியில் மறுபடியும் அதே போன்ற பாடலைக் கேட்க சற்று சலிப்பு ஏற்பட்டது உண்மை. அதே ஜோடி. அதே இயக்குனர் வேறு. (D.யோகானந்த் என்றாலே இப்படித்தான் பாடல் எடுப்பார் போல. 'கிரஹப்பிரவேச'த்திலும் கூட "எங்க வீட்டு ராணிக்கிப்போ இளமை திரும்புது" பாடல்) அதனால் பாடலும் அதே ரகமாய் போயிற்று.

"நமது காதல் என்றும் என்றும் மாறாதது" ரஜினி சுமித்ரா டூயட் சாங் தியேட்டர் கேண்டீன்காரர்களுக்கு மிகவும் பிடித்தமான பாட்டு. டீ, சிகரெட்,சோடா இந்தப் பாடலின் போது அமோக விற்பனை.

வயதான ரோலில் வரும் போது நடிகர் திலகத்தின் அந்த குறுந்தாடி அவருக்கு கன கச்சிதம். அந்த குறுந்தாடி அவர் மேல் ஒரு கம்பீரமான மரியாதையை ஏற்படுத்தும்.

கார்த்திக் சாருக்கு நன்றிப் பதிவு போடப் போக விஷயம் 'ஜஸ்டிஸ்' பக்கம் திரும்பி விட்டது. எல்லோரையும் அவர் பக்கம் திருப்பித்தானே அவருக்குப் பழக்கம். (நன்றி: 'தங்கப்பதக்கம்' மகேந்திரனுக்கு).

கார்த்திக் சார்! கவலை வேண்டாம். ஜஸ்டிஸ் கோபிநாத் கிடைத்தால் அவசியம் ஒருமுறை பார்த்துவிட்டு மீண்டும் உங்கள் சுவையான பதிவைப் பதியுங்கள். கிடைக்காவிட்டால் நான் உங்களுக்கு DVD அனுப்பி வைக்கிறேன்.

விறுவிறுப்பான நகைச்சுவையுடன் கலந்த பதிவை எங்களுடன் கலந்து கொண்டமைக்கு மகிழ்ச்சி நன்றிகள் சார்!

அன்புடன்,
வாசுதேவன்.

http://www.jointscene.com/ahtees/adm...GOPINATH10.jpg http://icdn1.indiaglitz.com/tamil/ga...inath/main.jpg

'ஜஸ்டிஸ் கோபிநாத்' படத்தில் வரும் "அட என்னாங்க இது பொல்லாத்தனம்" அரிய,அபூர்வ வீடியோப் பாடலுக்கு கீழே உள்ள லிங்க்கை க்ளிக் செய்யவும் .

http://www.tamilflix.tv/videos/3012/...anesan%29-Hits

அன்புடன்,
வாசுதேவன்.

அன்புள்ள கார்த்திக் சார்,

'ஜஸ்டிஸ் கோபிநாத்'தில் குறுந்தாடியுடன் நடிகர் திலகம் வருவது அசத்தல் காவியமான 'பார் மகளே பார்' படத்தின் அவரது தோற்றத்தை நினைவு படுத்தும்.(பார் மகளே பார் என்றதும் அன்பு முரளி சார் தான் நினைவுக்கு வருகிறார்) ஜஸ்டிஸ் கோபிநாத்தில் முகவாய்க்கட்டையில் ஒரு சிறு குறுந்தாடி. மீசை இதில் மெல்லியதாக வரையப்பட்டது.

'பார் மகளே பார்' படத்தில் முகவாய்க்கட்டைக்கு சற்று மேலிருந்து கீழாக படர்ந்த குறுந்தாடி. மீசை இதில் அடர்த்தி.

இரண்டிற்கும் வித்தியாசம் பாருங்கள்.

பார் மகளே பார்
http://i1087.photobucket.com/albums/...g?t=1323955215

ஜஸ்டிஸ் கோபிநாத்
http://i1087.photobucket.com/albums/..._001740119.jpg

பார் மகளே பார்
http://i1087.photobucket.com/albums/...g?t=1323955882

அன்புடன்,
வாசுதேவன்.

ஒரு சில நாட்கள் வெளியூர் பயணம் காரணமாக நமது ஹப்பில் பங்கேற்கவில்லை. அதற்குள் மாற்றங்கள்... நீண்ட திரியினை அமைப்பில் மாறுபடுத்தி வெளியிட்ட மாடரேட்டர் அவர்களுக்கு பாராட்டுக்கள். முரளி, பார்த்தசாரதி, வாசுதேவன், கார்த்திக், ராமஜெயம், சந்திரசேகர், பம்மலார் உள்ளிட்ட அனைவரும் அட்டகாசமாக கருத்துக்களையும் ஆவணங்களையும் பகிர்ந்து கொண்டு உலகம் போற்றும் உத்தமனின் புகழ் பாடி பரவசப் படுத்தி வருகின்றனர்.

கார்த்திக் சொன்னது போல் ஜஸ்டிஸ் கோபிநாத் லிபர்டியில் வெளியிடப் படுவது கடைசி நேரத்தில் தான் வெளியானது. அந்தக் காலத்தில் எதேச்சையாக அதே சமயம் பிடிவாதமாக இப்படத்தின் விளம்பரங்களை கத்தரித்து ஒரு நோட்டில் ஒட்டி வைத்து பாதுகாத்து வந்தேன். குறிப்பாக லிபர்டி திரையரங்கம் சேர்க்கப் பட்ட விளம்பரம் மட்டும் கிடைத்த பத்திரிகைகளிலிருந்து எடுத்து வைத்தேன். அதனுடைய மகத்துவம் இப்போது....

அந்த விளம்பரங்களை பார்க்கும் போது கார்த்திக் சொன்னவற்றை நீங்கள் புரிந்து கொள்ளலாம்

http://i872.photobucket.com/albums/a...s/JGAd01fw.jpg

http://i872.photobucket.com/albums/a...s/JGAd02fw.jpg

http://i872.photobucket.com/albums/a...s/JGAd03fw.jpg

http://i872.photobucket.com/albums/a...s/JGAd04fw.jpg

http://i872.photobucket.com/albums/a...s/JGAd05fw.jpg

இதில் லிபர்டி திரையரங்கின் பெயர் மட்டும் தனித்து தெரிவதையும், முதலில் இடம் பெற்றிருந்த கிரௌன் திரையரங்கின் பெயர் எடுக்கப் பட்டு கிருஷ்ணா திரையரங்கின் பெயர் சேர்க்கப் பட்டதையும் அதனையும் விளம்பரத்தில் குறிப்பிட்டிருந்ததையும் பார்க்கலாம்.

அது மட்டுல்ல, ரவிராஜ் பிக்சர்ஸ் மற்றும் செஞ்சுரி பிலிம்ஸ் என்கிற பெயர்களில் படம் வெளியிடப் பட்டிருப்பதையும் அறிந்து கொள்ளலாம்.

அன்புடன்

Quote:

---

S-superb
i-imagination unlimited
v-valuable
a-attractive
j-jovial
i-impressive

tat is "sivaji"-the legend..

---

from the facebook...

http://www.facebook.com/permalink.ph...00001481766300

http://i1087.photobucket.com/albums/...n31355/3-8.jpg

http://i1087.photobucket.com/albums/...31355/2-11.jpg
http://i1087.photobucket.com/albums/...31355/1-10.jpg

அன்புடன்,
வாசுதேவன்.

அன்புள்ள வாசுதேவன் சார்,

'ஜஸ்டிஸ் கோபிநாத்' பற்றிய எனது பதிவுக்கு பதிலளிக்கும் விதமாக அப்படம் பற்றிய மேலதிக விவரங்களை அள்ளி அளித்தமைக்கு மிக்க நன்றி. கூடவே பாடல் காட்சிகளில் வீடியோக்களையும் தந்து அசத்தி விட்டீர்கள். உண்மையைச்சொன்னால், அப்படத்தின் பாடல்கள் எதுவுமே மனதில் நிற்காமல் போய்விட்டன. படம் சரிவர ஓடாததால் பாடல் நிலைக்கவில்லை என்று சொல்ல முடியாது. சரியாக ஓடாத அன்பே ஆருயிரே, வைரநெஞ்சம் போன்ற படங்களின் பாடல்கள் என்றைக்கும் தேன் குடங்களாக நம் நெஞ்சில் நிலைத்து நிற்கின்றனவே. அவையும் மெல்லிசை மன்னர் அளித்தவைதான்.

(முந்தாநால் இரவு காவியப்பாடல்கள் வரிசையில், அவன் ஒரு சரித்திரம் படத்தில் இடம்பெற்ற 'மாலையிட்டான் ஒரு மன்னன்' பாடலை ஒளிபரப்பினர். என்ன ஒரு அருமையான மெட்டமைப்பு, காட்சியமைப்பு).

தங்களின் மகத்தான பதிவுக்கு, மேலான நன்றிகள்.

அன்புள்ள ராகவேந்தர் சார்,

சிறிய இடைவெளிக்குப்பின் தங்களின் பதிவைப்பார்ப்பது மிகவும் மகிழ்ச்சியளிக்கிறது. அதுவும் ஜஸ்டிஸ் கோபிநாத் திரைப்படத்தின் ஆவணப்பொக்கிஷங்களுடன் வந்து கலக்கிவிட்டீர்கள். அப்படத்தின் விளம்பர வரிசை அமர்க்களம்.

என்னுடைய முந்தைய பதிவில் குறிப்பிட்ட நிகழ்வுகளுக்கு வலு சேர்க்கும் விதமாக ஆவணங்கள் அமைந்திருப்பது மிகவும் தெம்பூட்டுகிறது. தாங்கள் அன்றைக்கு சிரமப்பட்டு சேகரித்த ஆவணங்கள் இன்று அப்படத்தின் வெளியீட்டை நினைவு கூற பேருதவியாக இருக்கிறது.

நாமெல்லோரும் கூடி 'ஜஸ்டிஸ் கோபிநாத்' வெளியீட்டை மறவாமல் கொண்டாடி விட்டோம் என்ற மகிழ்ச்சி மனதில் நிறைகிறது. பொக்கிஷப்பதிவுகளுக்கு நன்றிகள்.

'பிலிம் நியூஸ்' ஆனந்தன் அவர்கள் விகடன் இதழுக்கு(10-11-11)அளித்த பேட்டியின் ஒரு பகுதி.

http://i1087.photobucket.com/albums/...-2011www-1.jpg
அன்புடன்,
வாசுதேவன்.