Nadigar Thilagam Sivaji Ganesan Part 9

எப்போது படித்தது

எழுதியவர் பார்த்தா


"சிவாஜி .......
இது
மராத்திய மன்னனின் பெயர்
நீ வரும் வரை ---


சிவாஜி
இது
நடிப்பின் மறு பெயர்
நீ வந்த பின்பு ----

21 / 07 /2001 இல் ---
உலகமே ஒன்று திரண்டு வியந்தது !!!

மரணம் மனிதர்களக்கு தானே ;
நடிப்பின் கடவுளுக்குமா என்று ???

உன் தமிழ் பிரவாகத்தில் ;
தடம் புரண்டிருபர்களே
உன்னை படைத்தவர்கள் -

தண்ட வாளங்களுக்கு நடுவே வைத்து
தமிழ் பேசுபவர்களுக்கு மத்தியில் -
தமிழை தமிழாக பெசியவனே ;

எத்தனையோ வேடங்களில்
எங்கள் முன் வாழ்ந்தாய் -

உன்
மரணமும் ஒரு நடிப்பு தானே ?

உண்மை சொல் .............

அன்பு பார்த்த சாரதி சார்,

தங்கள் மனமுவந்த பாராட்டிற்கு என் நெஞ்சார்ந்த நன்றிகள்.

சி.எஸ்.ஜெயராமனும் ஏ.எம்.ராஜாவும் நடிகர் திலகத்திற்கு பின்னணிப் பாடியுள்ளதை பாடல் ஆய்வுச் செம்மலான நீங்கள் நினைவு கூர்வது மிகப் பொருத்தமே!

'எதிர்பாராதது' தெலுங்குப் பதிப்பை நான் பார்த்ததில்லை. இந்திப் பதிப்பான சாரதாவை இன்றுதான் பார்த்தேன். சிற்சில இடங்களில் தமிழிலிருந்து இந்திக்கேற்றவாறு கதையில் மாறுபாடுகளுடன் பார்ப்பதற்கு நன்றாகவே இருந்தது.

அன்புடன்,
வாசுதேவன்

அன்புள்ள பம்மலார் சார்,

தாங்கள் அளித்துள்ள 'வெற்றிக்கு ஒருவன்' விளம்பர ஆவணத்தைப்பார்த்ததும், படம் வெளியான கால நினைவுகள் மனதில் அலைமோதுகின்றன. இப்படத்துக்கு முதலில் சூட்டப்பட்டிருந்த பெயர் 'கண்ணே கண்மனியே'. இப்படத்தின் தலைப்பு ஏற்கெனவே வெளியான நடிகர்திலகத்தின் 'அன்பே ஆருயிரே' படத்தை நினைவூட்டியதாக நமது திரியிலேயே முன்னர் தெரிவித்திருந்தனர். படம் ஓட்டத்திலும் அப்படியே ஆகும் என்பது யாரும் எதிர்பார்த்திராத ஒன்று.

நடிகர்திலகத்தின் ஒவ்வொரு படமும் வெளியாகும்போது, அன்றைக்கு காலைக்காட்சி ஸ்பெஷல் காட்சியாக, தலைமை ரசிகர்மன்ற நிதிக்காக நடத்தப்படுவது வழக்கம். அதற்கு கட்டணம் சற்று அதிகம். வெற்றிக்கு ஒருவனுக்கும் அதுபோன்ற சிறப்புக்காட்சி, சேத்துப்பட்டு ஈகா திரையரங்கில் டிசம்பர் 9 அன்று காலை நடத்தப்பட்டது. ரசிகர்கள் மிகவும் ஆவலுடன் வந்து கூடியிருந்தனர்.

நான் வாழவைப்பேன் சித்ராவில் 70 நாட்களைக்கடந்து ஓடிக்கொண்டிருக்கும்போது, தீபாவளிக்கு சாந்தியில் பட்டாக்கத்தி பைரவன் வெளியானது. பட்டாக்கத்தி ஓடிக்கொண்டிருக்கும்போதே நான் வாழ வைப்பேன் 100 நாட்களைக்கடந்து ஓடி, நவம்பர் இறுதியில் சித்ராவிலிருந்து எடுக்கப்பட்ட பின், பட்டாக்கத்தி பைரவன் சாந்தியில் 51 நாட்களைக்கடந்து ஓடிக்கொண்டிருக்கும்போது, திருவல்லிக்கேணி நெடுஞ்சாலையிலுள்ள ஸ்டார் தியேட்டரில் 'வெற்றிக்கு ஒருவன்' வெளியானது.

ஏற்கெனவே எஸ்.பி.முத்துராமன், பஞ்சு அருணாச்சலம், இளையராஜா, பாபு கூட்டணி நடிகர்திலகத்தோடு இணைந்து தந்திருந்த 'கவரிமான்' தரமான படமாக இருந்தும் ஓட்டத்தில் சுமார் நிலையையே எட்டியது. அதற்கு திரிசூலம் சுனாமி காரணமாக இருந்திருக்கலாம். அந்த காம்பினேஷனில் வெளிவரும் இரண்டாவது படமென்பதால் இப்படத்துக்கு ரசிகர்கள் மத்தியில் அதிக எதிர்பார்ப்பு இருந்தது. (படம் பார்த்தபின் இக்கூட்டணியின் மீது இருந்த நம்பிக்கை தளர்ந்து போனது தனி). ஆனால் இதற்கு அடுத்த படமாக இதே காம்பினேஷனில் வெளிவந்த 'ரிஷிமூலம்' சென்னை மற்றும் மதுரையில் நான்கு அரங்குகளில் 100 நாட்களைக்கடந்து வெற்றியடைந்தது.

சிறப்புக்காட்சிக்காக ஈகாவில் கூடியிருந்த ரசிகர் கூட்டம் ஆரம்பத்தில் மிகுந்த ஆரவாரத்துடன் படம் பார்க்கத்துவங்கியது. ஆனால் படத்துவக்கத்தில் நடிகர்திலகம் ரொம்பவே கோழையாக, பயந்த சுபாவமுள்ளவராகக் காண்பிக்கப்பட்டது ரசிகர்கள் மத்தியில் சிறிது அதிருப்தியை ஏற்படுத்தியது. ஆனால் தந்தையின் மரணக்காட்சியில், தன் கண்முன்னேயே அவர் கொலை செய்யப்பட்டு அவரது ரத்தம் கார் கண்ணாடியின் மீது தெறிக்கும் காட்சியை திரும்பத்திரும்ப நினைத்துப்பார்க்கும் அவருக்குள் ஒரு வேகமும் தைரியமும், பழிவாங்கும் எண்ணமும் கொஞ்சம் கொஞ்சமாக விஸ்வரூபம் எடுப்பதை நன்றாக சித்தரிந்தார் இயக்குனர் எஸ்.பி.எமுத்துராமன். நடிகர்திலகமும் அதை உணர்ந்து பெர்ஃபாமென்ஸில் கலக்கியிருந்தார்.

ஒளிப்பதிவாளர் பாபுவின் ஒளிப்பதிவு ஒரு இடத்தில் சிறப்பாக அமைந்தது. நடிகர்திலகத்தின் தந்தையைக்கொல்வதற்காக, மோகன்பாபு கையில் துப்பாக்கியுடன் எதிரேயிருக்கும் உயரமான அடுக்குமாடி கட்டிடத்தில் மாடிப்படியில் ஏறும்போது, கேமராவும் அவர் கால்களை மட்டும் காண்பித்தவாறு கூடவே மாடிப்படியில் போய்க்கொண்டேயிருக்கும். நீளமாக எடுக்கப்பட்ட இக்காட்சி எவ்வித வெட்டல், ஒட்டல் இன்றி ஒரே ஷாட்டாக எடுக்கப்பட்டிருக்கும்.

நம்பியார், ஸ்ரீபிரியா, ஒய்.ஜி.பார்த்தசாரதி போன்ற திறமையான நடிகர்கள் இருந்தும் திரைக்கதை சரியில்லாததால் படம் உற்சாகமளிக்கவில்லை. இப்படத்திலும் ஜஸ்டினுடன் ஒரு சண்டைக்காட்சி இருந்தது. படம் துவங்கும்போது ரசிகர்களுக்கிருந்த ஆர்வம் முடியும்போது இல்லை. இருப்பினும் மாலைக்காட்சியின்போது ஸ்டார் தியேட்டர் முன்பு கூடினோம். காலையில் ஏற்பட்ட ஏமாற்றத்தை ரசிகர்கள் வெளியில் காட்டிக்கொள்ளவில்லை. ஆனாலும் ஓப்பனிங் கொண்ட்டாட்டங்கள் வழக்கம்போல கிராண்ட்டாக இருந்தன. அதில் ஒன்றும் குறை வைக்கவில்லை.

But, even with this un-happy result, the movie has crossed 50 days.

'வெற்றிக்கு ஒருவன்' படம் தியேட்டர்களில் மறு வெளியீடுகளில் அவ்வளவாக வலம் வரவில்லையென்று நினைக்கிறேன். அதுபற்றி கூடுதல் விவரம் தெரிந்தவர்கள் தெரிவியுங்கள்.

Quote:

---

Originally Posted by NOV

Done!
Murali, please do the necessary. :)

---

Dear Mr.NOV,

My sincere & heartiest thanks for your magnanimous gesture !

Warm Wishes & Regards,
Pammalar.

Quote:

---

Originally Posted by RAGHAVENDRA

THANK YOU SO MUCH, NOV SIR.
THIS IS THE BEST BIRTH DAY GIFT TO OUR ARCHIVE SUPER STAR PAMMALAR.

Thank you once again

---

Dear Raghavendran Sir,

Thank you so much !

I am very much indebted to you Sir, for this gesture !

Once again, thank you very much !

Warm Wishes & Regards,
Pammalar.

Quote:

---

Originally Posted by vasudevan31355

http://www.sadmuffin.net/cherrybam/g...lations013.gif http://www.sadmuffin.net/cherrybam/g...lations012.gif

நம் அன்பு மாடரேட்டர்கள், அன்பு முரளி சார், மற்றும் அன்பு ராகவேந்திரன் சார் ஆகியோரின் ஆசீர்வதங்களினாலும்,முயற்சிகளாலும் திரி நாயகர் பம்மலார் அவர்களுக்கு முரளி சார் பதிந்த பிறந்தநாள் வாழ்த்துக்களோடு இந்தத் திரியின் புதிய பாகம் (Current Discussions) தொடங்கப்பட்டிருப்பது சாலப் பொருத்தம். சதா சர்வகாலமும் நடிக தெய்வத்திற்கே தொண்டு செய்வதைக் கடமையாகக் கொண்ட நம் பம்மலாருக்கு நடிகர் திலகத்தின் ஆசிகள் பூரணமாக உண்டு என்பதை இந்நிகழ்வு ஆணித்தரமாக நிரூபணம் செய்கிறது. ஆவணத் திலகத்திற்கு கிடைத்துள்ள பெருமையை எண்ணி மனம் பூரிப்படைகிறது. நடிகர் திலகத்தின் பரிபூரண ஆசிகளோடு அவர் எல்லா வளமும் பெற்று வாழ்வாங்கு வாழ்வாராக என்று நம் அனைவர் சார்பாகவும், நமது திரியின் சார்பாகவும் அவரை நெஞ்சார வாழ்த்துகிறேன்.

அன்புடன்,
வாசுதேவன்.

---

டியர் வாசுதேவன் சார்,

"எதிர்பாராதது" பதிவு தங்களிடமிருந்து எதிர்பார்த்ததுதான் ! வழக்கம் போல் அசததல் !

'பிறமொழிகளில் எதிர்பாராதது' பதிவு அட்டகாசம் !

அதியற்புத மனம் படைத்த தங்களின் உயர்ந்த உள்ளத்திலிருந்து, வான்மழை போலக் கொட்டும் பாராட்டுமழைக்கும், தங்களின் நெஞ்சார்ந்த வாழ்த்துக்களுக்கும் எனது இதயபூர்வமான எண்ணிலடங்கா நன்றிகள் !

அன்புடன்,
பம்மலார்.

Quote:

---

Originally Posted by parthasarathy

There cannot be a more fitting tribute than this to Mr. Pammalar, who has been doing glorious service to NT and his Fans in this thread.

Thanks Mr. Raghavendar for your suggestion and thanks to Mr. Nov & Mr. Murali.

Regards,

R. Parthasarathy

---

Dear Parthasarathy Sir,

My whole-hearted thanks to you !

Warm Wishes & Regards,
Pammalar.

டியர் பார்த்தசாரதி சார்,

தங்களின் அன்பான பாராட்டுக்களுக்கு எனது பணிவான நன்றிகள் !

"நீதி", 'குமுதம்' விமர்சனததை தாங்கள் படித்து களிப்புற்றது என் பாக்கியம் !

அன்புடன்,
பம்மலார்.

Quote:

---

Originally Posted by mr_karthik

அன்புள்ள பம்மலார் சார்,

1954-ம் ஆண்டில் வெளியான 'எதிர்பாராதது' திரைப்பட பொக்கிஷப்பதிவுகள் அனைத்தும் அருமை. நீங்கள் பிறப்பதற்கு பத்தொன்பது ஆண்டுகளுக்கு முன்னர் வெளியான இந்த ஆவணங்களை நீங்கள் சேகரித்து வழங்குவதைப்பார்க்கும்போது, பண்டைய இலக்கிய நூல்களை ஓலைச்சுவடிகளில் இருந்தவற்றைத் தேடித்தொகுத்து தமிழ்கூறும் நல்லுலகுக்கு வழங்கிய தமிழ்த்தாத்தா உ.வே.சாமிநாதைய்யர் அவர்களின் தொண்டே நினைவுக்கு வருகின்றது.

அவர் செய்தது தமிழன்னைக்குச்செய்த திருத்தொண்டு. நீங்கள் செய்து வருவது ஈடில்லா தமிழ்க்கலைஞன் நடிகர்திலகத்துக்கு செய்து வரும் திருத்தொண்டு. இரண்டிலுமே உயர்ந்து நிற்பது தியாகமும், சேவையுமே. உலகெங்கிலும் வாழும் நடிகர்திலகத்தின் ரசிகக்கண்மணிகள் மனம் மகிழ வேண்டுமென்பதற்காக தங்களை வருத்திக்கொண்டு நீங்கள் செய்து வரும் சேவைக்கு ஈடு இணையே இல்லை. அந்த வரிசையில் ஒரு மைல்கல் கல்தான் இந்த 'எதிர்பாராதது' விளம்பரப்பொக்கிஷங்களும், அபூர்வ நிழற்படமும்.

இயக்குனர் ஸ்ரீதரின் எழுத்தோவியத்தில் உருவான இவ்வரிய காவியம், பின்னர் பல்வேறு மொழிகளிலும் தயாராகி பெருவெற்றி கண்ட விவரங்களை நமது வாசுதேவன் சார் அருமையாக எடுத்தியம்பியுள்ளார்.

அப்போதைய நிகழ்வுகளை அறிய இத்தகைய ஆவணங்கள் எவ்வளவு பேருதவியாக இருக்கின்ற என்பதற்கு ஒரு உதாரணம், அதில் குறிப்பிடப்பட்டுள்ள திரையரங்குகளின் வரிசை. சென்னையில் மட்டும் 5 திரையரங்குகளின் வெளியானது மட்டுமல்ல, ஒரே ஏரியாவிலுள்ள இரண்டிரண்டு தியேட்டர்களில் வெளியாகியிருப்பதுதான். சித்ராவும் காமதேனுவும் ஒரே ஏரியா அரங்குகள். தீபாவளி, பொங்கல் போன்ற பண்டிகை நாட்களில் ஏராளமான படங்கள் வெளியாகும்போது, அண்ணாசாலைப்பகுதியில் தியேட்டர் கிடைக்காதபோது மட்டுமே காமதேனுவில் புதிய படம் வெளியிடப்படும். அப்படி காமதேனுவில் வெளியாகும் படம், அண்ணாசாலை தியேட்டர்களில் வெளியிடப்படாது. ஆனால் 'எதிர்பாராதது' சித்ரா, காமதேனு இரண்டு அரங்குகளிலுமே புதிய வெளியீடாக வெளியாகியுள்ளது.

அதுபோல வடசென்னைப்பகுதியில் பிராட்வே அரங்கும், பாரத் அரங்கும் நடந்து செல்லும் தூரத்திலேயே உள்ளன. (1972-ல் ஒரு ரம்ஜான் தினத்தன்று பிராட்வேயில் 'தங்கதுரை' படத்துக்கு டிக்கட் கிடைக்காமல், நாங்கள் ஐந்தாறு பள்ளி மாணவர்கள் நடந்தே போய் 'பாரத்'தில் ஓடிக்கொண்டிருந்த படத்தைப் பார்த்தோம்). ஆனால் அவ்வளவு அருகருகே உள்ள இரண்டு தியேட்டர்களிலும் 'எதிர்பாராதது' வெளியாகி அசத்தியிருக்கிறது. இவையெல்லாம் தங்களின் ஆவணப்பொக்கிஷங்கள் மூலம் மட்டுமே அறிய சாத்தியமாகிறது.

அதற்காக எங்கள் அனைவரின் நன்றிகளையும் தெரிவிப்பதுடன், தன்னலமற்ற தங்கள் சேவை தொடர வாழ்த்துகிறோம். ராமஜெயம் சார் சொன்னதுபோல, தங்களைப்போன்ற தூய ரசிகக்கண்மணிகள் எந்த ஒரு கலைஞருக்கும் கிடைக்கமாட்டார்கள் என்பது உண்மை.

---

டியர் mr_karthik,

'தமிழ்த்தாத்தா' உ.வே.சா. போன்ற மாபெரும் தமிழ் மூதாதையர்களின், மூதறிஞர்களின் பெரும் திருத்தொண்டுடன் இந்த எளியேனின் சிறுதொண்டினை ஒப்பிடும் தங்களின் உயர்ந்த உள்ளத்துக்கு எனது உயர்வான நன்றிகள் ! அவர்கள் எங்கே, இந்த எளியவன் எங்கே ! எனினும், தூய்மையே உருவான தங்களின் பெருந்தன்மை நிறைந்த இதயத்திலிருந்து தாங்கள் வழங்கும் உச்சமான பாராட்டுக்களை ஏற்றுக்கொள்வதே பண்பு, மரபு என்பதன் அடிப்படையில் தங்களது இந்த இணையில்லாப் பாராட்டுதல்களை சிரமேற்கொள்கிறேன். தங்களுக்கு எனது இருகரம் கூப்பிய, சிரந்தாழ்த்திய பணிவான பலகோடி நன்றிகள் !

"எதிர்பாராதது" பதிவில் தாங்கள் அளித்த அரிய விவரங்களுக்கும் அற்புத நன்றிகள் !

அன்பு கலந்த ஆனந்தக்கண்ணீருடன்,
என்றும் உங்கள் பம்மலார்.

டியர் mr_karthik,

"வெற்றிக்கு ஒருவன்" மினி ஆய்வுடன் கூடிய நினைவலைகள் மிக அருமை ! அதென்னமோ தெரியவில்லை, தாங்கள் மலரும் நினைவுகளில் மூழ்கும்போது எங்களையெல்லாம் அந்தக்காலகட்டத்திற்கே அழைத்து சென்றுவிடுகிறீர்கள் ! அது தங்களுக்கு கைவந்தகலை, இக்கலை எல்லோருக்கும் வாய்க்காது.

தாங்கள் "கண்ணே கண்மணியே", "வெற்றிக்கு ஒருவன்" ஆன தகவலைத் தெரிவித்ததும் என் நினைவில் சட்டென்று உதித்தவை:

- "வயது பதினாறு ஜாக்கிரதை", "காலமெல்லாம் காத்திருப்பேன்" என்று மாறி கடைசியில் "ஊட்டி வரை உறவு" என்ற உன்னதப் பெயரைப் பெற்றது.

- "தெய்வமகன்" திரைக்காவியத்திற்கு முதலில் சூட்டப்பட்ட பெயர் "உயிரோவியம்".

- "சாப்பாட்டு ராமன்", "ராமன் எத்தனை ராமனடி" ஆனார்.

- "ஹீரோ 72", "வைர நெஞ்சம்" என மாற்றப்பட்டது.

- "திசைகள் திரும்பும்", "ரிஷிமூலம்" என்று ஆனது.

இன்னும் இதுபோன்ற பெயர்மாற்றங்களை உள்ளடக்கி ஒரு பட்டியல் போடலாம்.['சிந்தனைச் சிற்பி'யான வாசு சார் இதுகுறித்து சிந்திக்கத் தொடங்கிவிட்டது மனக்கண்ணில் தெரிகிறது.]

பெருவெற்றிக்காவியமான "ரிஷிமூலம்", சென்னை சாந்தி, கிரௌன், புவனேஸ்வரி ஆகிய மூன்று அரங்குகளில் மட்டும் 100 நாட்களைக் கடந்தது. மதுரையில் இக்காவியம் 'சினிப்ரியா' அரங்கில் 62 நாட்கள் ஓடி வெற்றி பெற்றது.

தங்களின் இந்த அதிரடி அசத்தல் பதிவுக்கு எனது பாராட்டுக்களுடன் கூடிய நன்றிகள் !

அன்புடன்,
பம்மலார்.