Quote:
உலகம் ஒரு நாடக மேடைதான். இறைவனின் இயக்கத்தில் நாமெல்லாம் பொம்மலாட்ட நடிகர்களே!சர்க்கஸ் கோமாளிகளின் slapstick கோமாளித்தனமும் நாம் கவலை மறந்து களித்திடவே!
நீர்க்குமிழி வாழ்க்கையில் உள்ளம் செய்யும் கோமாளித்தனங்களை எப்படி வகைப்படுத்துவது ?!படிப்பினால் பதவிகளால் பணத்தால் குணத்தால் பண்பால் அன்பால் அறிவால் ...எத்துணை சர்க்கஸ் ட்ரபீஸ் தாவுதல் போல நிலையற்ற ஏற்றத்தாழ்வுகள்? பணமிருந்தும் படிப்பில்லையேல் படித்த மனைவியின் கண்களுக்கு கணவனும் கோமாளியே !!!
அதிகம் பிரபலமாகாத நகைச்சுவை நடிகர்களுக்கும் பாடல் கருத்தினை மையப்படுத்திட screen space அளித்து பதைபதைப்பான பரிதவிப்புடன் தர்மசங்கடம் சேர்ந்த சோர்ந்த மௌனமான உடல்மொழியிலே தனது பாத்திரத்தின் மன உளைச்சல்களை வெளிப்படுத்துவதில் உச்சம் காணும் நடிகர்திலகத்துடன் குறைவற்ற நடிப்பினை நிறைவாக நல்கிடும் ராஜசுலோச்சனா!!
வாழ்க்கைப் புதிருக்கு ஒரு வகையான பொருள் பொதிந்த பாடல் வரிகள்......படித்தால் மட்டும் போதுமா....
அழுகிற கூட்டத்தின் நடுவில் சிரிப்பவர் கோமாளி.......அறிவற்ற கூட்டம் அருகில் இருந்தால் அறிஞனும் கோமாளி .....