Nadigar Thilagam : The Greatest Actor of the Universe & The One & Only BO Emperor

[quote=raghavendra;966397]இந்த மக்களின் ரசனையைப் புரிந்து கொள்ள முடியவில்லை. திருப்பித் திருப்பி சில படங்களைத் தாண்டி அந்த வட்டத்தைத் தாண்டி வருவேனா என்கிறார்கள். மிகவும் பிரபலமான படங்களைக் காட்டிலும் இன்னும் சிறப்பான நடிப்பை பல படங்களில் நடிகர் திலகம் வெளிப் படுத்தி இருப்பார். அவற்றையெல்லாம் வெளிக் கொணர்ந்து அடுத்த தலைமுறைக்கு அவருடைய நடிப்பின் பல பரிணாமங்களைக் காட்ட வேண்டியது ரசிகர்களாகிய நமது கடமை. அந்த வரிசையில் அதிகம் பிரபலமாகாத ஒரு படத்தின் பாடலை இங்கே நாம் பகிர்ந்து கொள்வோமா. படம் பிரபலமாகவில்லை என்று சொல்வதைக் காட்டிலும் சந்தடி சாக்கில் வந்து சென்று விட்ட படம் என்று வேண்டுமானால் சொல்லலாம். காரணம் வெற்றிக் கூட்டணியின் கடைசி படம். பீம்சிங் நடிகர் திலகம் கூட்டணியில் வெளிவந்த படம். சன்பீம்ஸ் தயாரிப்பில் வெளிவந்த பாதுகாப்பு அருமையான படம். மற்ற பீம்சிங் படங்களுக்கு எந்த விதத்திலும் சற்றும் குறையாத படம். விறுவிறுப்பு சற்றே குறைந்த காரணத்தால் எடுபடவில்லை எனலாம்.

இந்தப் படத்தைப் பற்றிப் பின் ஒரு சந்தர்ப்பத்தில் விரிவாக அலசுவோம். இப்போது இதில் நடிகர் திலகத்திற்கு அமைந்த அட்டகாசமான பாடல். பாடகர் திலகம் சௌந்தர்ராஜன் குரலில் திரை இசைச் சக்கரவர்த்தி விஸ்வநாதன் இசையில் கவியரசரின் வரிகளுக்கு உயிரூட்டுகிறார் நடிகர் திலகம்.

சோலோ பாடலான இதில் என்ன பெரிசாக செய்யப் போகிறார் என நினைப்பதற்கு இடம் தராமல் இதிலும் நுணுக்கமான விஷயங்களைப் புகுத்தி இருப்பார் நடிகர் திலகம். வெவ்வேறு தோற்றங்களில் வரும் போது அந்தப் பாத்திரங்களின் குணாதிசயங்களை வெளிப்படுத்தி இருப்பது மிகச் சிறப்பு. கோட் சூட் அணிந்து பணக்கார வாலிபனாக வரும் போது அந்தக் காலத்தில் அந்த வாலிபனுக்கே உரிய பணத்திமிரும் அவனுக்கே இயல்பாக சற்றே இருக்கும் ஜாக்கிரதை உணர்வையும் ஒரு சேர உணர்த்தி இருப்பார். ஒரு மண்டபத்தின் மேல் அவர் நிற்க ஜெயலலிதா கீழே இறங்கி சுற்றி வந்து மேலே ஏறி திரும்ப மண்டபத்திற்கு வரும் காட்சியில் ஜாக்கிரதை உணர்வோடு ஒரு கை அந்த மண்டபத்தின் தூணைப் பிடித்திருக்க மற்றொரு கை ஜெயலலிதாவின் கையைப் பிடித்திருக்க அதனை அவர் பற்றியவாறு சுற்றி வருவார். அதே போல் கச்சை கட்டி வரும் காட்சியில் அவர் வேகமாக படி யிறங்க நம்மவர் மிகவும் நிதானமாக நளினமாக இறங்குவது, அதே போல் படகில் லூங்கி கட்டி வரும் போது, அதிலும் ஒரு நாகரீகத்தை வெளிப் படுத்தி கடலோரமாக நிதானமாக இருவரும் நடந்து வருவர். இந்த நளினத்தை அவர் கடைப் பிடிக்கக் காரணம் அந்தப் பாடலில் மெல்லிசை மன்னர் புகுத்தியிருக்கும் அதே பாவனைதான். டி.எம்.எஸ். குரலிலும் அந்த மென்மை, நளினம் இவையெல்லாம் பிரதிபலிக்க இவர்களை நாம் தூக்கி சாப்பிட வேண்டும் காட்சியை நிறுத்த வேண்டும் என்கிற தொழில் பக்தியை இந்த பாடலிலும் காட்டி யிருப்பார்.

இத்தனைக்கும் இது ஒரு கனவுப் பாடல் என்பது குறிப்பிடத் தக்கது. கனவுப் பாடல் தானே என்று இஷ்டத்திற்கு பாத்திரத்திற்குப் பொருந்தாத உடைகளை அணிந்து பார்ப்பவர்களை பயமுறுத்தும் கண்றாவி கலரையெல்லாம் உடுத்தாமல் அவர் நடித்திருப்பது அவருடைய நடிப்பின் ஆழத்தை உணர்த்துவதாகும்.

அதிகமாக எழுதி விட்டோனோ. பாடலைப் பார்ப்போமே..

அன்புள்ள திரு. ராகவேந்தர் அவர்களே,

நடிகர் திலகத்தின் அற்புதமான, நளினமான நடிப்பைத் தாங்கிய "பாதுகாப்பு" படப் பாடலைப் பதிந்ததற்கு நன்றி.

என்னைப் பொறுத்த வரை, என்னுடைய பாடல் ஆய்வுக் கட்டுரையின் இரண்டாவது பகுதியில், நடிகர் திலகத்தின் வித்தியாசமான மிகச் சிறந்த நடிப்பைத் தாங்கி வந்த பாடல்களை எழுதிக் கொண்டிருக்கிறேன். அதாவது, நடிகர் திலகத்தின் புதிய முதல் முயற்சி மற்றும் வித்தியாசமான முயற்சிகள். முதல் பாடல் ஆய்வுக் கட்டுரை "நடிகர் திலகத்தின் படங்களில் சிரஞ்சீவிப் பாடல்கள்" - இதில், இடம் பெற்ற பத்து பாடல்களும், நடிகர் திலகம் மட்டுமின்றி, மற்ற எல்லா கலைஞர்களின் கூட்டு முயற்சியால் வெற்றி பெற்று, இன்றும் மக்களை ஆகர்ஷிக்கும், பேசப்படும் பாடல்கள்.

இந்த இரண்டாவது பகுதியில், இது வரை, 6 பாடல்களைப் பற்றி எழுதி விட்டேன். "சக்கப் போடு போடு ராஜா", "கா...கா...கா", "சுந்தரி சௌந்தரி", "பனி படர்ந்த மலையின் மேலே" என்று 4 பாடல்களைக் கிட்டத்தட்ட ஒரு வருடத்திற்கு முன்னர் எழுதி, அண்மையில் மீண்டும் தொடர்ந்து எழுதி, "நல்லவன் எனக்கு நானே நல்லவன்" மற்றும் "நெஞ்சிருக்கும் எங்களுக்கு" பாடல்களையும் எழுதி இருக்கிறேன்.

இனி மேலும், இது போன்ற வித்தியாசமான முயற்சிகளையும், எல்லோரும் அறிந்த அவரது படைப்புகளையும், என்னுடைய பார்வையிலிருந்து எழுதுவேன். அதன் நோக்கமே, எல்லோரையும் போல நடிகர் திலகத்தின் திறமைகளையும், பங்களிப்பையும் இன்றைய இளம் தலைமுறையினருக்கும் எடுத்துச் செல்வது மட்டுமின்றி, ஆத்மத் திருப்திக்காகவும் தான்.

அன்புடன்,

இரா. பார்த்தசாரதி

டியர் சாரதி,
தங்களுடைய அன்பான பாராட்டுக்கு என் உளமார்ந்த நன்றிகள்.

Quote:

---

இனி மேலும், இது போன்ற வித்தியாசமான முயற்சிகளையும், எல்லோரும் அறிந்த அவரது படைப்புகளையும், என்னுடைய பார்வையிலிருந்து எழுதுவேன். அதன் நோக்கமே, எல்லோரையும் போல நடிகர் திலகத்தின் திறமைகளையும், பங்களிப்பையும் இன்றைய இளம் தலைமுறையினருக்கும் எடுத்துச் செல்வது மட்டுமின்றி, ஆத்மத் திருப்திக்காகவும் தான்.

---

நிச்சயம் முழுக்க முழுக்க வரவேற்கத் தக்கதே. தங்களுக்கு கிடைத்துள்ள பாராட்டுக்களே இதனைப் பறை சாற்றும், அடியேன் உள்பட. நான் ஏற்கெனவே சொன்னது போல் தங்களிடமிருந்து தொடர்ந்தும் அடிக்கடியும் இது போல் பதிவுகளை எதிர்பார்க்கும் நமது அன்பர்களில் நானும் ஒருவன். தொடருங்கள்.

அன்புடன்

Hi,

Saw Enn Thambi last night again, NT looked so lean, superb favourite scenes, NT reading book(White Pyjama), Sattai scene, Sword fight,many stills are always circulating in Sivaji books

Also Thalaivar rajini in Chandramukhi would have same style which NT did while sword fight

Vasu sir,

In your action episode pl include this sword fight, its superb, comes around 7 minutes

After a very long time

Thangaikaga movie is running in Delite theatre , 2 shows daily

Dear Ragulram,
As said earlier, please go through the previous parts of NT thread. Mr. Vasu Sir has already posted the fight scene in reference from En Thambi in NT Thread Part 10 on June 30, 2012.

Quote:

---

நடிகர் திலகத்தின் ஸ்டைல் சண்டைகாட்சிகள் (வீடியோ தொடர்) 3.

படம்:வெளிவந்த ஆண்டு: 1968

தயாரிப்பு: சுஜாதா சினி ஆர்ட்ஸ்.

நடிகர் திலகம் மோதும் வில்லன்: கே.பாலாஜி

இயக்கம்: ஏ.சி.திருலோகசந்தர்.

'என் தம்பி' திரைக்காவியத்தில் இடம் பெற்ற அனைவரையும் மூக்கின் மேல் விரல் வைக்க வைத்த கத்திச் சண்டை. நீண்ட நாட்களுக்குப் பிறகு நடிகர் திலகத்தின் அனல் பறக்கும் கத்தி வீச்சு. அதுவும் படு ஸ்டைலாக. தம்பி வேண்டுமென்றே சண்டைக்கு அழைத்தவுடன் மறுத்து ஒதுங்குவதும், பின்னர் தம்பியின் கொலை வெறியை எண்ணி தற்காப்பின் பொருட்டு கொஞ்சம் கொஞ்சமாக தன்னை ஸ்திரப் படுத்திக் கொண்டு பின்னர் புகுந்து விளையாடுவதும் வார்த்தைகளினால் வர்ணிக்க முடியாது.

கத்திச் சண்டை தொடங்கும் போது அந்த கோட்டை படு ஸ்டைலாக கழற்றும் லாவகம்...(இந்த இடத்தில் பின்னணி இசையில் கொடி நாட்டிப் பின்னிஎடுத்திருப்பார் எம்.எஸ்.வி).

கத்தியை எடுத்து முத்தம் கொடுப்பது போன்ற பாவனயில் நிற்கும் அந்த standing pose...

முதலில் தன் தம்பி மூர்க்கத்தனமாகத் தன்னைத் தாக்கத் தொடங்கி தன்னை கொலை செய்யுமளவிற்கு போய் விட்டவுடன் அதிர்ந்து, அடுத்த கணமே தம்பியாவது... மண்ணாவது...என்று தன் பாதுகாப்புக்காக அவனைத் தள்ளி விட்டு விட்டு புருவங்களை ஏற்றி படுஅலட்சியமாக அவனை எதிர்கொள்ளும் விதம்...

பின் சிரித்துக் கொண்டே தம்பியின் வாள் வீச்சை எதிர்கொண்டு, அவனைத் தவிடுபொடியாக்கி, தம்பியின் கத்தியும் தன் கைக்கு வந்தவுடன் அந்தக் கத்தியைத் தீட்டுவது போல தன் கத்தியில் ஒரு உரசு உரசி, கத்தியை அவனிடம் தூக்கிப் போடும் லாவகம்.

விஷம் தோய்ந்த கத்தியை அவன் தன்னைக் கொல்லப் பயன்படுத்தியுள்ளான் என தெரிந்து, அதிர்வுற்று, தம்பியிடம், "விஸ்வம், நீ மாறவே மாட்டியாடா?...என்று வேதனைப்பட்டு திரும்புவது.

என்று நடிகர் திலகத்தின் ஸ்டைல் சாம்ராஜ்ஜியம் கொடிகட்டிப் பறக்கும் அற்புத சண்டைக்காட்சி.

ஒரு இடம் கூட 'டூப்'போடாமல் தலைவர் அசத்திய கத்திச்சண்டை.

கத்தியை எடுத்து நடிகர் திலகம் ஸ்டைலாக நிற்கையில் தியேட்டர்களில் விண்ணைப் பிளந்த ஆரவாரத்தையும்,கரகோஷத்தையும் தட்டிச் சென்ற, நடிகர் திலகம் ரசிகர்களால் வாழ்நாள் முழுதும் மறக்க இயலாத (மற்ற ரசிகர்களையும் வியக்க வைத்த) சூப்பர் சண்டைக்காட்சியாயிற்றே! ஏன்! நடிகர் திலகமே ரசித்து மகிழ்ந்த பெருமையைப் பெற்ற சண்டைக் காட்சியாயிற்றே!

முதன்முறையாக இணையத்தில் உங்களுக்காக

---

for your reference the video is given here again:

http://www.youtube.com/watch?v=YJfmd...mwh4-gNJWeCCdg

PAmmalar sir
here is manidhanum deivamagalam for you
http://www.youtube.com/watch?feature=player_embedded&v=RGr56osYmVA

Dear Rajesh,
Thank you for the movie link of MANIDANUM DEIVAMAGALAM

இன்றைய தேதியிட்டு [14.10.2012] வெளிவந்துள்ள தினத்தந்தி நாளிதழில் சினிமா கேள்வி பதில் பகுதியில் இடம் பெற்றுள்ள கேள்வி-பதில் ஒன்று-

Quote:

---

குருவியாரே, சிவாஜி கணேசனின் பழைய படங்கள் மீண்டும் 'ரவுண்டு' கட்டுகிறதே... அதற்கு என்ன காரணம்? (எம்.வாசுகி, புதுக்கோட்டை-2)
காலத்தால் அழிக்க முடியாத கதையம்சத்தையும், நடிப்பாற்றலையும் தவிர, வேறு எந்த காரணமும் இல்லை!

---

இன்றைய 'தினத்தந்தி'

தொடர்ந்து வெற்றிநடை போடுகிறது

http://i1087.photobucket.com/albums/...rt%20-2/th.jpg