Printable View
செந்தில்வேல்
தலைமுறைகளைக் கடந்து நிற்கும் அவதார புருஷனின் உன்னதங்களை உங்களுக்கே உரிய சிறப்பான வடிவில் இங்கு பகிர்ந்து வருவது உள்ளபடியே மகிழ்ச்சியாகவும் மன நிறைவாகவும் உள்ளது. அடுத்த தலைமுறை மட்டுமல்ல, அதற்கு அடுத்த பல தலைமுறைகள் சிலாகித்து மகிழ ஏராளமான விஷயங்களை நடிகர் திலகம் அளித்துள்ளதும், அதற்கு இன்னும் பல தலைமுறைகளில் அதைப் பற்றிப் பலர் எழுதுவர் என்பதை உணர்த்தும் விதமாக உங்கள் பதிவுகள் விளங்குவதும் நெஞ்சுக்கு நிம்மதி அளிக்கும் நிறைவான விஷயங்கள்.
உளமார்ந்த பாராட்டுக்கள்.
ராகவேந்திரா சார்
மிக்க நன்றி
தங்களின் பாராட்டுகளுக்கு.
பேஸ்புக்கில் தலைவருடன் நீங்கள் இருக்கும் புகைப்படம் பார்த்தேன்.
அரிய படம்.அருமை.
நான் என்றுமே பீடத்தில் வைத்து வணங்கும் திரைக் கதை,வசனகர்த்தா ,இயக்குனர் கே.எஸ்.ஜியின் மறைவு என்னை மிக துயரத்தில் ஆழ்த்தியுள்ளது. இவரை போல ஒருவர் தமிழ் திரையுலகுக்கு கிடைக்க மாட்டார்.ஆயிரம் ஸ்ரீதர்கள் ,பாலசந்தர்கள் வரலாம். ஆனால் ஒரு கே.எஸ்.ஜி இனி தோன்ற வாய்ப்பே இல்லை.
நடிகர்திலகத்தின் மீது அபார பக்தி கொண்டவர்.நடிகர்திலகம் மட்டுமே நடிகர் என்ற சொல்லுக்கே தகுதியுள்ளவர் என்று நேரடி சந்திப்புகளிலும்,பேட்டிகளிலும்,கூறி வந்தவர். இறுதியாக மறதி நோய் ஆட்கொண்ட நாட்களிலும் ,நடிகர்திலகம் மேக் அப்புடன் காத்திருப்பார் ,நான் போக வேண்டும் என்று கூறி வந்ததாக முரளி சொன்ன ஞாபகம்.
நடிகர்திலகத்துடன் ,அவர் சம்பந்த பட்ட படங்கள்.
வசனகர்த்தா.
1)தெய்வ பிறவி,
2)படிக்காத மேதை.
3)எல்லாம் உனக்காக .
வசனம்,இயக்கம்.
1)கை கொடுத்த தெய்வம்.
2)செல்வம்.
3)பேசும் தெய்வம்.
4)குலமா குணமா
5)படிக்காத பண்ணையார்.
பாடல்கள் மட்டும்.
1)எதிர்பாராதது.
2)அமர தீபம்.
3)உத்தமபுத்திரன்.
அன்னாரின் ஆத்மா சாந்தி அடைய உண்மை ரசிகனாக பிரார்த்திக்கிறேன். இயக்குனர் மகேந்திரன் கூட இவரின் தீவிர ரசிகர்.
நன்றி
திரு .ராகவேந்திரா அவர்களுக்கு,
(திரி14ல் ராகவேந்திரா சார் எழுதியது)
சாதனைக்கென்றே பிறந்த மாமன்னன்...
நடிகர் திலகம் சிவாஜி கணேசன் மய்யத்தை மட்டும் விட்டு வைப்பாரா என்ன..
36 தலைப்புகள்...*
24.01.2005 தொடங்கி இன்று வரை பத்து ஆண்டுகளில் இந்தப் பயணம் படைத்துள்ள வரலாறு.. மலைக்க வைக்கும் வரலாறு..
தொடர்ந்து பத்து ஆண்டுகள் இடைவெளியின்றி இயங்கி சாதனை படைத்துள்ளது, நடிகர் திலகத்தின் ரசிகர்களின் மிகப் பெரிய வெற்றியாகும்.
சமீப காலத்தில் திரியில் ஏற்படுத்தப்பட்ட வடிவமைப்பு மாற்றத்தினால் ஒவ்வொரு பாகமும் 400 பக்கங்கள் என்னும் போது இதனுடைய தாக்கம் இன்னும் அதிகமாகும்.
முப்பதிற்கும் மேற்பட்ட தலைப்புகளில் மக்கள் தலைவரின் மகத்தான வரலாறு பகிர்ந்து கொள்ளப்பட்டுள்ளது.
இன்று வரை அநைத்து பாகங்களுக்கும் சேர்த்து கிட்டத்தட்ட 58 லட்சம் (11.02.2015 வரை)பார்வையாளர்களை நடிகர் திலகம் திரியின் பல்வேறு பாகங்கள் கவர்ந்துள்ளன என்பதிலேயே அவருடைய ஆளுமை உள்ளங்கை நெல்லிக்கனி போல் புலப்படும்.
பல்வேறு தலைப்புகளில் ஆய்வுகள், பல்வேறு கோணங்களில் அவருடைய நடிப்பைப்பற்றிய திறனாய்வுகள், அவருடைய சமுதாய பங்களிப்பு, நேர்மையான அவருடைய அரசியல் வாழ்க்கை.. கர்ணனைப் போல் வலது கை தருவதை இடது கை அறியாத கொடையுள்ளம், தேசியவாதியாக, தன்னலமற்ற தொண்டனாக என அவரின் வாழ்க்கையின் திறந்த புத்தகத்தில் ஒவ்வொரு பக்கமும் புரட்டிப் பார்த்து அலசிய ஒவ்வொரு ரசிகரின் எழுத்து வன்மை..
இவ்வாறு பல்வேறு வகையில் வரலாறு படைத்திட்ட நடிகர் திலகம் திரி, இம்மய்யம் திரியின் திலகமாகவும் விளங்குவதில் வியப்பேது...
குறிப்பாக நடிகர் திலகம் திரியின் உச்சகட்ட சாதனை, பம்மலார், வாசு உள்ளிட்ட அனைத்து நண்பர்கள் ஒருங்கிணைந்து படைத்த நடிகர் திலகம் திரி பாகம் 9... கிட்டத்தட்ட பத்து லட்சம் பார்வையாளர்கள்.. இன்னும் தொடர்ந்து கொண்டுள்ளது. முடிந்து இரண்டரை ஆண்டுகளான பின்னும், இன்று வரை இத்திரி தொடர்ந்து பார்வையாளர்களை ஈர்த்து வருகிறது என்றால்..
அதில் பம்மலார் மற்றும் வாசு இருவரின் பங்கு மகத்தானது என்பதில் சிறிதும் ஐயமில்லை.*
வரும் நாட்களில் வரும் பாகங்களில் இவர்கள் இருவரும் மீண்டும் தொடர்ந்து பங்காற்றி இந்த ஐம்பத்தெட்டு லட்சம் பார்வையாளர்கள் என்பதை ஒரு கோடி என்கிற இலக்கை தாண்ட வைக்க தோள் கொடுப்பார்கள் என்ற நம்பிக்கையுடனும் வேண்டுகோளுடனும்
பாகம் 18ஐ ஆவலுடன் எதிர்நோக்குகிறேன்.
திரி 9ல் பங்கெடுத்தவர்கள்விவரம்.
http://i1065.photobucket.com/albums/...pspvcchi9a.png
http://i1065.photobucket.com/albums/...psrkdtycs5.png
http://i1065.photobucket.com/albums/...ps1simajsi.jpg
http://i1065.photobucket.com/albums/...psidpyxzdf.jpg
தரிசனம்-1. இரு மலர்கள்.
---------------------------
தொடர்கிறது...
-----------------
சுந்தரின் வீட்டிற்கு, சாந்தி மிகப்
பெரிய பலம்.
வறட்சியும், வெப்பமும் வாட்டும் இடத்தின் கொடுஞ்
சூழலை, ஒரு மழை மாற்றி
விடுவதைப் போல...
துன்பங்களை தொடர்ந்து
தாங்கிய நெஞ்சத்தின் தளர்வை,
ஒரு நம்பிக்கை தகர்த்து விடுவதைப் போல...
சுந்தரின் தந்தை, சுந்தர் குறித்தும், அவனது எதிர்காலம்
குறித்தும் கொண்டிருக்கும்
கவலைகளை மாற்றுபவளாகத்
திகழ்கிறாள்...சாந்தி.
அவரது மன வறட்சியைப்
போக்கும் மாமழை சாந்தி.
அவரது நெஞ்சம் தளராமல்
பார்த்துக் கொள்ளும் நம்பிக்கை
சாந்தி.
ஒரு இரவு.
சுந்தரின் தந்தை சிவக்கொழுந்து
தன் வீட்டு ஊஞ்சலில் அமர்ந்து
கொண்டு, தனது நண்பரிடம்
பேசிக் கொண்டிருக்கிறார்.
அப்போது அந்த நண்பரும் கூட
சிவக்கொழுந்துவின் தங்கை
மகள் சாந்தியை, சுந்தருக்கு
மணமுடித்து வைக்கும்படி
யோசனை தெரிவித்துப்
போகிறார்.
சிவக்கொழுந்து, சாந்தியிடம்
"சாப்பிட்டியா" என்று கேட்க,
"இல்ல மாமா.. நான் அத்தான்
வந்தவுடனே சாப்பிடறேன்"
என்கிறாள் சாந்தி.
அந்நேரம் பார்த்து சுந்தர் உள்ளே
வர, சாந்தி மலர்கிறாள்.
உற்சாகமாய் விசிலடித்துக்
கொண்டு, எதையோ வென்ற
சந்தோஷ முகமாய் ராஜநடை
போட்டு வரும் அந்தத்
திருவுருவத்தின் வருகை,
சாந்திக்கு மட்டுமா மகிழ்வு?
இதே போல் வெற்றி நடை
போட்டு அய்யன் திரையுலகில்
நுழைந்த 1952-ல் அகிலத்துக்கே தானே மகிழ்வு?
------------------
புன்னகை அரசி, நடிகர் திலகத்திற்கு உணவெடுத்துப்
போகும் அந்தக் காட்சி, அந்த
"சாந்தி" கதாபாத்திரத்தின் ஒட்டு மொத்த குணாதிசயங்களை ஒரே நேரத்தில் விளக்குவதாய்
அமைகிறது.
தனக்காக வெகுநேரம் இரவுணவு உண்ணாமல் காத்திருக்கும் அத்தை பெண்ணைக் கண்டிக்கிறதாய் இந்தக் காட்சியில் வேறொரு அவதாரம் எடுத்திருக்கிறார்..
நடிகர் திலகம்.
சத்தமிட்டுச் சிரித்தாலும், விழி
அகட்டிப் பார்த்தாலும், ஏற்ற
பாத்திரத்திற்கு உயிரூட்ட
தனது கற்பனைப்படி அந்தக்
கலையரசர் எது செய்தாலும்,
மிகை நடிப்பென்று எக்காளம்
செய்து, அலட்சியப்படுத்திய
அதிமேதாவிகளையெல்லாம்
உட்கார்த்தி வைத்து இந்தக்
காட்சியைப் போட்டுக் காட்ட
வேண்டும்.
"வாங்...க" என்று கே.ஆர்.விஜயாவைக் கிண்டலாய்
அழைக்கும் அழகை...
ஒரு பொய்க் கோபத்துடன்
தன் பின்னே வருமாறு நடந்து
கொண்டே
கே.ஆர். விஜயாவிற்கு சைகை
காட்டும் அழகை...
பளீரென்று திரும்புகையில்
முதுகில் கே.ஆர்.விஜயா
கொண்டு வரும் சாப்பாட்டுத்
தட்டு இடிக்க, செல்லக்
கோபத்துடன் முறைக்கும்
அழகை...
நாற்காலியில் அமர்ந்து கொண்டு கே.ஆர்.விஜயாவிடம்
தன் ஒரு உள்ளங்கை விரித்து,
மற்றொரு கையை மூடிக்
கொண்டு குத்திக் குத்தி, "நான்
யாரு" என்று கேட்கும் அழகை..
தன்னைக் கண்டு பயப்படுவது
ஏனென்று கேட்டதற்கு, சின்ன
வயசில் தான் குறும்பு செய்தால்
அவர் தலையில் குட்டியதால்
ஏற்பட்ட பயம் இன்னும்
நீடிப்பதாக கே.ஆர்.விஜயா
கூறும் சிறுபிள்ளைத்தனமான
காரணத்தைக் கேட்டு "கடகட"வென சிரிக்கும்
அழகை...
"நீ சாப்பிட்டியா" என்று கேட்க,
முதலில் "சாப்பிட்டு விட்டேன்"
என்று சொல்லி விட்டு, பின்
"இதோ..சாப்பிடறேன்" என்று கே.ஆர்.விஜயா பயந்தோடிய
பின், சிரித்துக் கொண்டே
"அபிஷ்டு" சொல்கிற அழகை..
அந்த அதிமேதாவிகள் பார்க்கப்,
பார்க்க அவர்களது மூஞ்சிகள்
போகிற போக்கைப் பார்க்க
வேண்டும்.
-------------
வாழ்க்கையில் தனக்குக்
கிடைத்த அத்தனையையும்
விட உயர்வாக,தன் அத்தான்
தனக்குக் கிடைக்க வேண்டுமென்று விரும்புகிறது
சாந்தியின் மனம்.
அவனுக்காகவே தான் பிறந்து
வந்தேன் என்று அந்த உயிர்
ஆனந்தத்தில் மிதக்கிறது.
ஆடிப் பாடி களிக்கிறது.
வெள்ளைச் சிரிப்பொலி, வெள்ளி மணி ஒலியை மிஞ்ச
சந்தோஷக் கூத்தாடுகிறது.
" பிறந்து வந்தேன் நூறு முறை
மன்னவன் கை சேரும் வரை
தவமிருந்தேன் கோடி முறை
தேவன் முகம் காணும் வரை"
-கனவிலும், நினைவிலும்
மாமன் மகனுடனே வாழும்
ஒரு பெண்ணின் சிந்தனையாய்
எத்தனை அழகான வரிகள்?
காவியக் கவிஞரை இன்னுமொருதரம் நன்றியோடு
நினைத்துக் கொள்கிறோம்.
நெஞ்சினிக்க மாமனைப் பாடிய
பின், நம் செவியினிக்க வீணை
மீட்டுகிறாள்.
கதவு திறந்து வரும் மாமனுக்கு
மருமகள் கலைமகளாகத்
தெரிகிறாள். நெஞ்சு நிறைந்த
சந்தோஷத்தில் அவளிடம்
பேசுகிறார். தன் மகனை
அவள்தான் மணந்து கொண்டு
நல்வழிப்படுத்த வேண்டும்
என்று வேண்டுகிறார். அன்பில்
நெகிழ்ந்த அவளும் ஆனந்தக்கண்ணீர் சொரிகிறாள்.
மாமன் பாதம் பணிகிறாள்.
-----------------
அவளது ஆனந்தம் கலந்த
கண்ணீர், அழுகைக் கண்ணீராக
வெகு சீக்கிரமே மாறப் போவதை அங்கே தூரத்தில்
கடற்கரையில் அரங்கேறும்
காதற் காட்சியொன்று அறிவிக்கிறது.
அங்கே, கடலில் ஆட்டம் போட்டு விட்டு வந்த சுந்தரை
"கிடைத்த கொஞ்ச நேரத்திலும்
என்னைப் பிரிந்து போவதா?"
என்று கண்டித்தபடியே ஒரு
அன்னை போலே அவனுக்குத்
தலை துவட்டுகிறாள்..உமா.
அம்மா தலை துவட்டுகையில்
குறும்பு செய்யும் குழந்தை
போலே ..நாக்கைத் துருத்திக்
கொண்டு அவளிடம் வேடிக்கை
செய்கிறான்..சுந்தர்.
காதலியைப் பிரிந்து நொடிப்
பொழுதும் தன்னால் இருக்க
முடியவில்லை என்பதை
அவளிடம் வெளிப்படுத்தும்
அந்தக் காட்சியில் மீண்டும் நடிகர் திலகம் நம் இதய
தேசத்தை வென்று அரியணை
ஏறுகிறார்.
"என்னால பேச முடியல..
அழணும் போல இருக்கு.."
என்று விசும்பி அழும் போது
விசிலடிக்கத் தெரியாத ரசிகன்
மிகவும் வேதனைப்படுவான்.
குழந்தைகளின் அழுகை விநோதமானது. அழுவதற்கான
நிஜமான காரணம் ஒருபுறமிருக்க, சமாதானப்படுத்துகையில்
அழுகை இன்னும் பெரிதாகும்.
குழந்தையாய்ப் பாவித்து, "என்
கண்ணுல்ல.. என் செல்லம்ல.."
என பத்மினியம்மா சமாதானப்
படுத்துகையில், இன்னும்
பெரிதாகும் அழுகையுடன்,
பத்மினியின் கழுத்தில் புதைந்து
விசும்பும் நடிகர் திலகத்திடம்
மீண்டும் ஒரு குழந்தையைப்
பார்க்கிறோம்.
நடிப்பதன்றி வேறொன்றறியாக்
குழந்தை.
திரைக்குப் பின்னே நடிக்கத்
தெரியாத குழந்தை.
(...தொடரும்...)
ஆதவன் ரவி
இருமலர்கள் பதிவு
ஒரு புத்தகமே போடலாம் எனும் அளவுக்கு பதிவுகள் அமையும்
என்று நினைக்கிறேன்.(அந்தக் காலங்களில் வந்த திரைப்பட கதை வசனம் புத்தகங்கள் போல்.)
பாராட்டுக்கள்.
நன்றி... செந்தில்வேல் சார்.
நீங்கள் சொன்னதைப் போல
ஒரு புத்தகம் போல இத்தனை
நீளமாய் நான் எழுதுவதற்கு, இம்மாதிரி எழுத வேண்டும்
என்கிற என் ஆவல் தவிர்த்து
இன்னொரு காரணமும் உண்டு.
மதிப்பிற்குரிய வாசு சார், முரளி
சார், அப்புறம் தாங்கள்..
எல்லோரும் பத்து வரி எழுதினால், பத்தையும் கண்களில் ஒற்றிக் கொள்கிற
மாதிரி எழுதி விடுகிறீர்கள்.
நூறு வரி எழுதுவோமே..
பத்தாவது தேறாதா என்கிற
நப்பாசை எனக்கு.
ரவி
நினைத்தோம் மகிழ்கிறோம்.. இரு மலர்கள் படத்திற்கு மட்டுமே தனியாக ஆயிரம் பதிவுகள் தேவைப்படும் போல.. தங்களின் உன்னதமான எழுத்தில் இரு மலர்கள் நமது இதய தெய்வத்தின் அர்ச்சனைப் பூக்களாக வடிவெடுத்து அன்றாடம் அர்ச்சிக்கப் படுகின்றன.
அந்த வித்யாபதி பூந்தோட்டத்து மலர்களைத் தொடுத்தார்.
இந்த ரவியோ கற்பனைத் தோட்டத்து மலர்களைத் தொடுத்தார்.
அந்த வித்யாபதி அகர முதல எழுத்தெல்லாம் பாடினார்.
இந்த ரவி அகில முழுதும் தலைவர் புகழ் பாடுகிறார்.
பாராட்டுக்கள்.
நடிப்பு தெய்வத்தின் 'காவல் தெய்வம்' மீள்பதிவு (புதிய அங்கத்தினர்களுக்காக)
http://i1087.photobucket.com/albums/...31355/2-93.jpg
திரையுலகைக் காத்த 'காவல் தெய்வம்' ஒரு ஆய்வு. (நடிகர் திலகத்தின் பகுதி மட்டும்)
அதுவரை வெளிவந்த நடிகர் திலகத்தின் காவியங்களில் நடிப்பில் பிரளயம் செய்த சரித்திர பெருமை பெற்ற படம்.
"கொஞ்ச நேரமே வந்தாலும் அந்த சாமுண்டி என்னை அதிகமாகத்தான் ஆட்டிப் படைத்து விட்டான்"
என்று அந்த சாமுண்டி பாத்திரத்தைப் பற்றி நடிகர் திலகமே பெருமிதம் கொண்ட கர்ஜனைக் காவியம். இனி சாமுண்டியைப் பற்றி...
http://i1087.photobucket.com/albums/.../maramyeri.jpg
சாமுண்டி கிராமணி ஒரு மரம் ஏறி. பனை மரம் ஏறி 'பதநீர்' இறக்கும் தொழில் அவனுடையது. குணம் புடம் போட்ட தங்கம். யார் வம்புக்கும் போகாமல் தான் உண்டு, தன் தொழில் உண்டு, தன் அன்பு மகள் உண்டு என்று வாழ்பவன். சாணரன் ஆனாலும் தன்மானமிக்கவன். தன்னுடன் மரம் ஏறும் சக தொழிலாளியிடம் கூட அவன் ஏறும் மரத்தில் இருக்கும் குருவிக்கூட்டைக் கலைத்து விடாதே என்று சொல்லும் இளகிய மனம் கொண்டவன். மனைவியை இழந்தவன். மகளுக்காக உயிரை சுமப்பவன்.
ஊர்ப் பெரிய மனிதர் இருவரின் கழுகுப் பார்வையில் பட்டு விடுகிறாள் சாமுண்டியின் மகள். சாமுண்டி தொழிலுக்குப் போய் இருக்கும் நேரத்தில் மகளின் கற்பு சூறையாடப்படுகிறது. காமப் பிசாசுகளின் காம வெறியாட்டத்தால் கற்பிழந்து காலனுக்குப் பலியாகிறாள் காவிய மகள்.
வீடு திரும்பும் சாமுண்டி கயவர்களைக் கண்டு விடுகிறான். என்ன நடந்தது என்று தெரியாமல் ஆனால் என்னவோ நடந்து விட்டது என்பதை மட்டும் புரிந்துகொண்ட சாமுண்டி வீடு நுழையும் முன் ஒருவனைப் பிடித்து விடுகிறான். இன்னொருவனோ தப்பித்து விடுகிறான். பிடித்தவனைப் பிடித்தபடியே வீட்டுக்குள் நுழைந்து பார்த்தால்...
http://i1087.photobucket.com/albums/...5/athirchi.jpg
மகள் மானத்தை பலி கொடுத்து, அலங்கோலமாக சின்னாபின்னாபடுத்தப்பட்டு மரணத்தை தழுவியிருக்கிறாள். சடுதியில் புரிந்து கொண்டு உறைந்து போய் விடுகிறான் சாமுண்டி. அவன் வாழ்வே அவன் கண்ணெதிரில் நாசமாகக் கிடக்கிறது. கோபத்திலும், வெறியிலும், கட்டுக்கடங்கா உணர்ச்சியிலும் பிடித்தவனை கண்டந்துண்டமாக வெட்டி மகளுக்கு பலி கொடுக்கிறான். கதறுகிறான்... துடிக்கிறான்... துவள்கிறான்.
காவல் துறை கைது செய்து கூண்டில் ஏற்றுகிறது. கோர்ட் ஆயுள் தண்டனை விதிக்கிறது. விதியின் தீர்ப்பு. சாய்ந்த பனைமரமாய் சருகாய் கருகிப் போனது அவன் வாழ்க்கை.
http://i1087.photobucket.com/albums/.../kolaiveri.jpg
ஒருநாள்... எதிர்பாராத திருப்பம். தன் மகளை நாசப்படுத்திய இன்னொருவன் தான் இருக்கும் ஜெயிலுக்கே தண்டனை அனுபவிக்க வருவதைப் பார்த்து விடுகிறான் சாமுண்டி. கூண்டில் அடைக்கப் பட்ட சிம்மமாய் கர்ஜிக்கிறான். அங்கும் இங்கும் கூண்டில் அலை பாய்கிறான். கொலை வெறியோடு எரிமலை ஆகிறான்.
ஜெயிலில் உள்ள சக கைதி கேசவன் தச்சுப் பட்டறையில் வேலை செய்யும்போது கம்பி அறுக்கும் ரம்பத்தை கொண்டு வந்து சாமுண்டியிடம் கொடுத்து தப்பித்துப் போக சொல்கிறான்.
http://i1087.photobucket.com/albums/...appiththal.jpg
தப்பித்துப் போகவா விருப்பப்பட்டான் சாமுண்டி? அவன் மனம் முழுதும் ஒரே எண்ணம்... ஒரே சிந்தனை... பழி..பழி..பழி.. பழி தீர்... மகளைக் கெடுத்தவனை பழி தீர்...
ஒரு இரவு வேளையின் நடுநிசியில் ஜெயில் கம்பியை அறுத்து தப்பிக்கிறான் சாமுண்டி. கால்களில் பூட்டப்பட்டுள்ள விலங்கு சத்தம் காவலர்களுக்கு தெரியாமல் பூனை போல மெதுவாக அடியெடுத்து வைக்கிறான். ஜெயிலுக்குப் பக்கத்தில் தெருக்கூத்து நடக்கிறது. என்ன நாடகம் தெரியுமா?.. இரண்ய விலாசம்... பிரகலாதா நாடகம்.
என்ன ஒரு பொருத்தம்! அங்கே நாராயணன் தூணிலிருந்து நரசிம்மமாய் வெடித்துக் கிளம்ப, இங்கே நமது சிம்மம் ஜெயிலில் இருந்து துடித்துக் கிளம்ப, அங்கே இரணியனை நரசிம்மன் குடலைக் கிழித்து துவம்சம் செய்ய, இங்கே சாமுண்டி கயவன் உறங்கும் சிறைக் கம்பியை அறுத்து அவனது குடலை உருவி நாசம் செய்ய...
எல்லாம் முடிந்துவிட்டது. ஆனால் யாரும் நெருங்க முடியவில்லை.. சிங்கத்தின் உறுமல் நிற்கவில்லை...கோபம் தணிய வில்லை. அன்பே வடிவான ஜெயிலரின் சாந்தமான கண்களின் தீர்க்கமான கருணைப் பார்வையினால் சாந்தமடைகிறான் சாமுண்டி. பழி தீர்ந்தது...வெறி தணிந்தது... இனி நிம்மதி... மனதில் எந்த பாரமும் இல்லை...லேசானது...கொலைக்குற்றத்துக்கு தூக்கு தண்டனை... சந்தோஷமாக எதிர்கொள்கிறான். விரைவில் தன் மனைவி கமலத்திடமும் மகள் சிவகாமியிடமும் ஐக்கியமாகி விடுவான் நம் சாமுண்டி.
http://i1087.photobucket.com/albums/...1355/pazhi.jpg
சாமுண்டியாக சரித்திர நாயகர். கேக்கணுமா...சும்மா அதம் பறக்காதா!...
தலையில் பின்னால் அள்ளி முடியப்பட்ட பெரிய கொண்டை... முகத்தின் இருபக்கமும் மேல்நோக்கி முறுக்கிவிடப்பட்ட முரட்டு மீசை... இடுப்பில் சாணரர்கள் அணியும் கச்சை... கச்சையில் கட்டப்பட்ட அருவாப் பொட்டி... அதில் செருகியிருக்கும் அருவாகத்தி... அருவாவை சுற்றியிருக்கும் கிட்டிக் கயிறு... மரம் ஏற தளவாடிக்கயிறு சகிதம் சாமுண்டி கிராமணியாக நம் சிங்கத்தமிழன். மரம் ஏறும் சாணரக் குலத்தோர் கெட்டார் போங்கள்.
சாணரர்களுக்கே உரித்தான அந்த கம்பீர நடை... அந்தப் பணிவு... அடக்கம்... அதே சமயம் தன்மானத்தை விட்டுக்கொடுக்காத கவரிமானின் குணம்... கள் இறக்கச் சொல்லி தூண்டிவிடும் களவானிகளின் மேல் எரிச்சல், கோபம்... மகளின் மேல் மட்டற்ற பாசம்... மகள் கெடுக்கப்பட்ட நிலையில் பொங்கி எழும் பிரளய நிலை... அதிர்ச்சியில் உறைந்து நிலைதடுமாறி மகளின் பிணத்தின் மேல் விழுந்து மகளை வாரியணைத்து கதறி அழும் சோகம், வெறி கொண்ட வேங்கையாகி மகளைக் கெடுத்த ஒருவனை வெட்டிச் சாய்க்கும் வேகம்... சிறையில் தன்னுடன் சக கைதியாய் இருக்கும் சிவக்குமார் தன் கதையைக் கேட்கச் சொல்லி கேட்கும் போது "கத கேக்குறியா...என் கதையைக் கேக்குறியா" என்று குமுறி மகளின் மேல் உள்ள வாஞ்சையை வர்ணிக்கும் விதம்... தான் பழிவாங்கத் துடிக்கும் கயவன் தன் எதிரிலேயே தான் இருக்கும் சிறையில் அடைக்கப்பட கொண்டு போவதை எதிர்பாராமல் பார்த்து அதிர்ச்சியுற்று, அவன்தானா என்று நன்கு உற்று நோக்கி, பார்வையாலேயே நன்கு ஊர்ஜிதம் செய்த பின்னர் செய்வதறியாது சிறையிலேயே சிங்கம் போல சிலிர்த்து, ஜெயில் கம்பிகளைப் பிடித்தபடியே அவனை கிரகிக்கும் விதம்... அங்கும் இங்குமாக அலைபாய்ந்து நடக்கும் பட்டவர்த்தனமான பழி உணர்ச்சி... நாகேஷ் ரம்பத்தை கொடுத்தவுடன் ஏதோ பம்மலாரின் பொக்கிஷம் கிடைத்தது போன்ற சந்தோஷ வெறி... இரணியன் கூத்து நடக்கும் போது கம்பியை நைசாக அறுத்து தப்பிக்கும் விதம்... (ஆஹா... கம்பியை அறுத்து முடித்தவுடன் ஏற்படும் கைவலியைக் கூட கைகளை உதறிவிட்டவாறே காட்ட தெய்வமே! உன்னால் மட்டுமே முடியும்) கால்களில் பூட்டப்பட்ட விலங்குகளினூடே சத்தமில்லாமல், சந்தடியில்லாமல் அடிமேல் அடியெடுத்து வைக்கும் விவேகம்... O.A.K.தேவர் உறங்கும் சிறை அறையின் கம்பிகளை அறுத்து உள்ளே நுழையும் லாவகம்... உள்ளே நுழைந்தவுடன் நம்முடைய இலக்கை அடைந்து விட்டோம் என்ற பரிபூரண திருப்தியை முகத்தில் வெளிப்படுத்துதல்... கண்களில் கனல் கக்கும் வெறி... உச்சந்தலை வரை ஏறியிருக்கும் கோபம்... நாலு கால் பாய்ச்சலில் தாவி நரியைப் பிடிக்கும் சிங்கத்தின் வெறி... வில்லனை நார் நாராய் கிழித்து வெறி அடங்காமல் தொடர் உறுமல்... ஜெயிலர் எஸ்.வி. சுப்பையாவின் கருணைப் பார்வையில் படிப்படியாக கோபம் குறைத்து சாந்தம்... நோக்கத்தை வெற்றிகரமாக செயல்படுத்தி விட்ட திருப்தியை அழகாக நடையிலேயே வெளிப்படுத்தும் பாங்கு... தூக்குதண்டனையின் முதல்நாள் இரவு அநியாயமாக உயிரைவிடப் போகிறோமே என்ற சாதாரண மனிதனின் ஆதங்க வெளிப்பாடு ... தனிமை வாட்டும் சோகம்... அதை மறக்க சக கைதிகளை பாட்டு பாடச் சொல்லி கேட்கும் பரிதாபம்... பாட்டுபாட சக கைதிகள் மதங்களின் பெயரை சொல்லி மறுக்கும் போது,"அட ஏண்டா பாவிகளா இங்க வந்து கூட சாதி மதம்ணு பேசிகிட்டு" என்று சலிப்புக் குரல் கொடுத்து... பின் தானே "பொறப்பதும் போறதும் இயற்கை...சிலர் புகழ்வதும், இகழ்வதும் செயற்கை" என்று வருத்தம் மேலிடப் பாடி முடிக்கும் சோகம்... தூக்கு மேடைக்கு போகும் போது மிக அமைதியாக கைதிகளிடம் விடை பெற்று "நான் என் சிவகாமிகிட்டே போறேன்" என்று தன்னைத்தானே தேற்றிகொள்ளும் பக்குவம்... ஏதாவது பேச வேண்டும் என்பதற்காக இறுதி மூச்சை விடப்போகும் போது "ஐயா"...என்று குரல் எதிரொலிக்க கூக்குரலிடும் பரிதாபம்...
நடிப்புக் கயிற்றால் உலகத்தைக் கட்டிப் போட்ட கண் கண்ட கடவுளே! உன் பக்தனாக நாங்கள் என்ன தவங்கள் செய்திருந்தோமோ தெரியவில்லை.
அன்புடன்,
வாசுதேவன்.
நினைப்போம்.மகிழ்வோம்-104.
"வியட்நாம் வீடு."
துவக்கக் காட்சி.
விசேஷ காலங்களில் மனிதனுக்கு இனம் புரியாத
கூடுதல் சந்தோஷம் கிட்டும்.
இதை மெய்ப்பிக்கிற விதமாய்
தன் வீட்டுக் கிரகப் பிரவேச
நிகழ்வுக்கு வருபவர்களைத்
தன் சம்மந்தி வி.எஸ்.ராகவன்
வரவேற்பதைக் கிண்டலடித்து,
உரிமையுடன் அவர் இடுப்பில்
கிச்சுகிச்சு மூட்டி விளையாடுவது.
நினைப்போம்.மகிழ்வோம்-105.
"முரடன் முத்து".
"தாமரைப் பூக்குளத்திலே"
பாடல்.
பாடல் முடியும் தருவாயில்
மற்ற எல்லாம் மறந்த காதல்
மகிழ்வில், தேவிகா எதிரில்
ஆட, ஒரு சின்னப் பாறை மீது
நின்று கொண்டு ஆடும்
ஆட்டமும்,
பலத்த காற்றுக்கு வேட்டி
விலகி விடாதபடிக்கு,ஆட்டத்தோடு ஆட்டமாய்
அதையும் சரி செய்து கொள்வதும்.
நினைப்போம்.மகிழ்வோம்-106.
"பாட்டும் பரதமும்".
நடன நிகழ்ச்சிக்கு தலைமை
ஏற்க அழைக்க வந்த பள்ளித்
தலைமையாசிரியரான காது
கேளாத சாமிக்கண்ணு "ஒங்க
அப்பா ஆரம்பிச்சு வச்ச பள்ளிக்
கூடம்." என்று சொன்னதையே
சொல்ல...
தொழில் சம்மந்தமான வேறொரு தொலைபேசிப் பேச்சையும்,சாமிக்கண்ணுவின் " ஒங்க அப்பா ஆரம்பிச்சு வச்ச
பள்ளிக்கூடம்" ஒப்பித்தலையும்
ஒரே நேரத்தில் சமாளிக்கும்
சாமர்த்திய வேகம்.
வாசு சார்
எத்தனை முறை மீள்பதிவு செய்தாலும் ஒவ்வொரு முறையும் சுவையாகவும் புதிதாகவும் இருக்கும் சிறப்பு வாய்ந்த எழுத்துக்கள் தங்களுடையது. காவல் தெய்வம் விதிவிலக்காகி விடுமா என்ன.
படிக்கப் படிக்க தலைவரின் மேன்மை மேலும் அதிகரித்துக்கொண்டே போகிறது.
மிக மிக மிக மிக மிக...... அரிய பொக்கிஷம்......
நடிகர் திலகத்தின் ஒவ்வொரு ரசிகருக்கும் அரிய பொக்கிஷம்...
சேமித்து வைத்துப் பார்த்துப் பார்த்து நெஞ்சில் மகிழ வேண்டிய பொக்கிஷம்...
காத்திருங்கள்...
காலத்தால் அழியாத கலை தெய்வத்தின் சாதனை மகுடம். பார்க்கப் பார்க்கப் பரவசமூட்டும் அபூர்வ நிழற்படம். தமிழ் சினிமாவின் பெருமையை உலகெங்கும் 1959லேயே பறைசாற்றிய உலக மகா நாயகனின் உன்னத நிகழ்வு.
வீரபாண்டிய கட்டபொம்மன் திரைப்படத்திற்காக சிறந்த நடிகர் விருதினை ஆசிய ஆப்பிரிக்க திரைப்பட விழாவில் நடிகர் திலகம் பெற்ற பெருமை மிகு நிகழ்வைப் பறைசாற்றும் நிழற்படம்.
ஆசிய ஆப்பிரிக்க திரைப்பட விழாவில் பெற்ற சிறந்த நடிகருக்கான விருதுடன் நடிகர் திலகம் காட்சியளிக்கும் அபூர்வ நிழற்படம்.
ஒவ்வொரு ரசிகருக்கும் இது பொக்கிஷமன்றோ.
அனைவருக்கும் பொதுவான வேண்டுகோள். இந்நிழற்படத்தில் எந்த விதமான எழுத்துக்களையும் வாட்டர்மார்க்காகவோ அல்லது வேறு குறிப்புகளுக்காகவோ பதிக்க வேண்டாம்.
http://i872.photobucket.com/albums/a...psrv4bpyrq.jpg
[QUOTE=vasudevan31355;1268647]நடிப்பு தெய்வத்தின் 'காவல் தெய்வம்' மீள்பதிவு (புதிய அங்கத்தினர்களுக்காக)
http://i1087.photobucket.com/albums/.../maramyeri.jpg
(. மரம் ஏறும் சாணரக் குலத்தோர் கெட்டார் போங்கள்)
—------------------------------------------------------------
இந்த ஸ்டில்லைப் பார்த்தால் யார் தான் அதை மறுப்பார்கள்.நீங்கள் பதிவிட்ட போட்டோக்கள் அத்தனையும் அட்டகாசம்.
மீள்பதிவாக இருந்தாலும் அதிலிருந்து யாரும் மீள முடியாத பதிவு.
்படம் பார்த்த திருப்தி.
பொக்கஷப்போட்டோக்களை தேடிப்பிடித்து பதிவிடும் ராகவேந்திரா அவர்களுக்கு நன்றி
from Facebook
இன்று(16/11/15) காலை sun TV யின் சூரிய வணக்கம் நிகழ்ச்சியில் சிறப்பு விருந்தினராக உயர்திரு டாக்டர் சீதாராமன் CEO Deha bank USA அவர்கள் கலந்து கொண்டு மீண்டும் நம்மை மகிழ்ச்சியில் ஆழ்த்தினார்,
நடிகர்த்திலகத்தின் திரைப்படங்கள் பார்த்ததால் தான் எண்ணால் இந்த நிலையை அடைய முடிந்தது, என்றும்,அவர்தான் என்க்கு உந்துசக்தி என்று அவர் கூறியதும் நடிகர்திலகதின் திருவிளையாடலில் இருந்து வசனங்களையும் ராஜ ராஜ சோழன் பட " தென்றலோடு உடன் பிறந்தாள்' பாடலை நடிகர்திலகத்தின் தமிழ் மொழி உச்சரிப்பு என்று பாடியதும்
இறுதியாக நிகழ்ச்சி தொகுப்பாளர் கேட்ட நீங்கள் அடைந்த உயரிய பெருமையாக எதை சொல்வீர்கள் என்ற வினாவிற்கு " நடிகர்திலக்தின் பிறந்த நாள் விழா சிறப்பு விருந்தினராக பங்கேற்று சிறப்பித்தது " அதுவே என அவர் பதில் அளித்தபோது. என்னை அறியாமல் ஒரு கர்வம் கூடுகிறது
அத்தனை விருதுகளும் சின்னதாய் நிற்கQuote:
Originally Posted by RAGHAVENDRA
ஒரே ஒரு விருது மட்டும் விண்ணைத் தொட்டு நிற்கிறதே.
ஓ! அதுதான் வி.சி.கணேசன் என்ற விலைமதிப்பில்லா விருதோ!
கோடி நன்றிகள் ராகவேந்திரன் சார் தலைவரின் இந்த அபூர்வ நிழற்படத்திற்கு இல்லை இல்லை நிஜப்படத்திற்கு.
Dear all,happy to join all of you after a long gap.Though I have been following the thread i haven't posted.Now I will be posting replies to the writings of all stalwarts and specially i thank Senthilvel sir,Aathavan ravi and Raghavendra sir whose support made me to come to this thread.I feel each one of you belong to my caste and I will be happy to be in the last row with clapping hands for anyone who praises Nadigar Thilagam and wont mind in waiting for my opportunity.Dont get shocked for mentioning caste,I mean we all belong to Nadigar Thilagam fans caste.I am not generous and become a short minded man when somebody talks ill of Nadigar Thilagam and I dont hesitate in removing their name from my friends list.
Sunday evening was very pleasant as I saw Vellai Roja full movie in SUNLIFE (courtesy,my children ,who allowed me after many requests and they also enjoyed the same.it was very difficult to accept the movie is around 30years old)
Raghavendra Sir,precious photo sir.Thanks
Dear Vasudevan Sir,excellent SAAMUNDI.Many movies are there which I have missed or not seen after becoming an adult.Kaaval Deivam is one such but your review had kindled my eager to watch the movie.Thank you sir.
ரவிச்சந்திரன்
தாங்கள் கூறியது மிகச் சரி, நாம் அனைவரும் ஓரினம். பொதுவாக அனைவரும் ஒரே Blood Group என்பேன். எல்லோரும் B POSITIVE, B NEGATIVE, O POSITIVE, O NEGATIVE, A POSITIVE, A NEGATIVE எனப் பல்வேறு ரத்த வகையைச் சார்ந்தவர்களாயிருப்பார்கள். ஆனால் நாம்சிவாஜி என்னும் Blood Group சார்ந்தவர்கள். அவர் தான் நம் ரத்தத்திலேயே கலந்து விட்டவராயிற்றே.
Dear Gopal sir,your words about KSG is very true.Recently few months back ,I heard the olichitram of Padikkaadha Medhai,in Suryan FM.Even just by hearing the dialogues ,i was in tears.That was the power of KSG(Nadigar thilagam "s voice need no mention)
வாசு சார்
தங்கள் பாராட்டிற்கு நன்றி.
அந்த படத்தை உற்றுப் பார்த்தீர்களானால் இன்னொன்று புலப்படும்.
அத்தனை விருதுகளும் கை உயர்த்தி அவரை வணங்குவதைப் போல் தோற்றமளிக்கிறதன்றோ..
விருதுகள் வணங்கும் வித்தகனாயிற்றே நம் மக்கள் தலைவர்..
Dear Raghavendra Sir,absolutely. Sagodharan word formed from SAGA+UDHARAN(udharam endraal vayiru).Though we are sons of different mothers,we are
Sagaudhirargal SAGA+UDHIRAM(raththam)
Thank you
The Supreme Court granted time till October 2016 to TN Govt for the shifting of NT Statue.
திரு பொன் ரவிச்சந்திரன் அவர்களே
நடிகர்திலகத்தின் படங்களை பற்றிய ஆய்வு உங்கள் பார்வையில் விரைவில் வரும் என்று
எதிர்பார்க்கிறேன்+ஆசைப்படுகிறேன்.
http://i1110.photobucket.com/albums/...aar/OVU1-1.jpg
தமிழ் சினிமா சரித்திரத்தில் ஒரே நாளில் இரு படங்களை பல முறை வெளியிட்டு அதில் இரு முறை தலா இரு படங்கள் வீதம் நான்கு படங்கள் நூறு நாள் கொண்டாடிய சாதனை புரிந்த ஒரே கதாநாயகனின் வெற்றிப் புன்னகை
தீபாவளி - சிவாஜி ரசிகனின் சிறந்த நாள் - 4
தொடர்ச்சி...
திராவிட அரசியல் சுனாமியை எதிர்கொண்டு தாங்கியது மட்டுமல்லாமல் அதே திராவிட ஆட்சியில் சினிமா சுனாமியாய்ப் பொங்கி எழுந்து ஒரே நாளில் இரண்டு படங்களை வெளியிட்டு இரண்டுமே மகத்தான வெற்றி பெற்ற அந்த தீபாவளி .. 01.11.1967.... தமிழ் சினிமா வரலாற்றிலும் சிவாஜி ரசிகர்கள் நெஞ்சினிலும் ஆழப் பதிந்து விட்டது.
அன்று 01.11.1967 அன்று எதிர்பார்ப்பு அதிகம் இருந்தது ஊட்டி வரை உறவு படத்திற்கே..பல மூத்த ரசிகர்கள் மணிஜே சினி புரொடக்ஷன்ஸ் மேல் மிகவும் கோபமாக இருந்தனர். அதற்கு முன்னரும் ஒரே நாளில் இரு படங்கள் வந்துள்ளன. என்றாலும் நடிகர் திலகம் உச்சகட்ட புகழுடன் திகழ்ந்த இந்த கால கட்டத்தில் இரு படங்கள் ஒரே நாளில் வெளி வருவது முதன் முறையாக ரசிகர்கள் நெஞ்சில் சற்று கலக்கத்தை ஏற்படுத்தியது. அது அன்றைய சூழ்நிலையில் நியாயமான கலக்கமாகவும் பட்டது.
சாந்தியில் எள் போட்டால் எண்ணெயாய் விழும் எனச் சொல்வார்களே அது போல கூட்டமென்றால் அவ்வளவு கூட்டம். பட்டாசு, வாண வேடிக்கை, ரசிகர் மன்ற அளப்பரை எல்லாம் திருவிழா போல ஜொலித்தன. என்றாலும் ரசிகர்கள் பக்கத்திலேயே வெலிங்டனிலும் சென்று குவிந்து விட்டனர். மேட்னி ஷோ முடிந்து மாலையில் வரும் ரசிகர்கள் முகத்தையே பார்த்த வண்ணம் ஆவலோடு காத்திருந்தோம்.. எனக்கு ஊட்டி வரை உறவு படத்திற்கு மட்டும் முதல் நாள் மாலைக்காட்சிக்கான டிக்கெட்டு கிடைத்தது.
எனவே முதல் நாள் பகல் முழுதும் சாந்தி வெலிங்டன் என தியேட்டர் கொண்டாட்டத்தில் மூழ்கி விட்டோம்.
வெலிங்டனில் அலங்காரம் செய்ய வாய்ப்புக் கம்மி. பேனர் மற்றும் கட்அவுட் தியேட்டர் முகப்பின் மேல் பக்கத்திலேயே வைக்கப்படும். உள்ளே டிக்கெட் கவுண்டர் இருக்குமிடம் அருகே சற்று இடம் உண்டு அங்கு மட்டும் நாம் டெகரேஷன் செய்து கொள்ளலாம். எனவே வெலிங்டன் தியேட்டர் எதிரே சாலையில் நீளமான கொம்புகளை நட்டு வைத்து அங்கிருந்து முகப்பின் உச்சியில் கொடிகளையும் தோரணங்களையும் கட்டி விடுவார்கள்.
சாந்தியில் கொண்டாட்டங்களைப் பார்த்து விட்டு சுமார் 5 மணி வாக்கில் வெலிங்டனுக்கு வந்தோம். சற்று நேரத்தில் வெலிங்டனில் மணி அடித்தது. படம் முடியப் போகிறது என்பதற்கான அறிகுறி.. பரபரப்பு, டென்ஷன், கூடிக்கொண்டே போகிறது.. கதவு திறக்கிறது. மக்கள் வெளியே வருகிறார்கள்..
ஆஹா.. ஒரே வினாடி தான்.. படம் பார்த்து விட்டு வந்தவர்கள் மட்டுமின்றி எங்கள் முகத்திலும் ஆயிரம் வாட்ஸ் பல்பு ஒளிர்வது போல பிரகாசம்.. ரசிகர்கள் ஓ... எனக் கூச்சலிட்டுக்கொண்டே வந்தனர். படம் சூப்பர். நூறு நாள் நிச்சயம். தலைவரின் ஸ்டைல் க்ளாஸ்... நாளைக்கே இன்னொரு தரம் பார்க்கப் போகிறேன் என்றபடியெல்லாம் ரசிகர்கள் உற்சாகக் குரல் கொடுத்துக் கொண்டே வந்தனர். அதுவும் எதிர்பாராத இன்ப அதிர்ச்சி என்று மாதவிப் பொன்மயிலாள் பாடலை சிலாகித்துக் கொண்டே வந்தனர். சற்றுப் பொறுத்து விட்டு சில வயதான தம்பதிகள், மூத்தவர்களிடம் பேச்சுக் கொடுத்தோம்.. எல்லோரும் ஒருமித்த குரலில் சொன்னது ... படம் சூப்பர்.. சிவாஜி சிவாஜி தான்.. அவரை எவனாலும் பீட் பண்ண முடியாது..
எங்கள் உற்சாகத்திற்கு கரையேது.. அவ்வளவு தான் வெலிங்டன் தியேட்டர் வாசலே இரண்டாகி விட்டது. ரோடிலேயே பட்டாசு வெடித்து மகிழ்ச்சி ஆரவாரம் கொண்டாடினோம்.
இப்போது வேறு டென்ஷன்... சாந்தி ரிஸல்ட் எப்படி...உடனே ஓடினோம்.. அதற்குள் சாந்தியிலும் படம் முடிந்து விட்டிருந்தது. வாசலில் உள்ள பஸ் ஸ்டாப் ஜேஜே என இருந்த்து. உள்ளே கால் வைக்கக் கூட முடியவில்லை. சீக்கிரம் இருண்டு விட்ட படியால் விளக்கையெல்லாம் ஏற்றி விட்டிருந்தார்கள். ஹவுஸ்ஃபுல் போர்டு எங்களை உற்சாகமாய் வரவேற்றது. ஏழு மணி வரை ரிசர்வேஷன் என்பதால் படம் விட்டு வந்தவர்களில் பலர் மீண்டும் பார்ப்பதற்காக ரிசர்வேஷன் க்யூவில் நின்று கொண்டார்கள். அப்போதே தெரிந்து விட்டது. இதுவும் சூப்பர் ஹிட் என்று. இருந்தாலும் அங்கே இருந்த பல ரசிகர்களிடம் பேச்சுக் கொடுத்தோம். பலரும் படத்தைப் பார்த்து விட்டனர் என்றாலும் அதிலும் மெஜாரிட்டி வெலிங்கனுக்கு சென்று விட்டனர். மீதம் இருந்த நண்பர்களிடம் கேட்ட போது எல்லோருமே சந்தோஷமாக இருந்தனர். படம் சூப்பர். கொஞ்சம் கூட போரில்லை. நல்ல காமெடி. அங்கு ரிஸல்ட் எப்படி எனக் கேட்டனர். நாங்கள் இருமலர்கள் ரிஸல்ட் பற்றி சொன்னோம்..
அவ்வளவு தான் இரு படங்களும் நூறு நாள் என்பது முதல் நாளிலேயே தெரிந்து விட்டது.
உற்சாகம் கரைபுரண்டோட ஷோவுக்கு நேரமான படியால் உள்ளே ஓடினோம். நல்ல வேளை நியூஸ் ரீல் தான். நாங்கள் உள்ளே போய் அமர்ந்து கொஞ்ச நேரத்திலேயே படம் ஆரம்பித்து விட்டது.
அவ்வளவு தான்.. அதற்கப்புறம் இந்த உலகையே மறந்து விட்டோம். கூடவே இருமலர்கள் ஹிட்டான சந்தோஷமும் சேர்ந்து கொள்ள தலைவரின் சூப்பர் டூப்பர் ஸ்டைலில் ஊட்டி வரை உறவு மக்களைப் பரவசப்படுத்த ஒரே அதகளம் தான். குறிப்பாக புது நாடகத்தில் பாட்டில் குனிந்து நடக்கும் ஸ்டைல், ஹேப்பி பாட்டில் கை தட்டும் ஸ்டைல், அங்கே மாலை மயக்கம் பாட்டில் வெள்ளை உடையில் கம்பீரமாக நிற்கும் போஸ் என காது ஜவ்வு கிழியும் வண்ணம் ரசிகர்களின் உற்சாகக் குரல் தான். தேடினேன் வந்த்து பாட்டில் சிகரெட் ஸ்டைலுக்கு ஆரம்பித்த கைதட்டல் படம் முழுதும் ஓயவேயில்லை.
பலருடைய கணிப்பும் தவறவில்லை. தமிழ் சினிமாவின் தன்னிகரில்லா சாதனைக்கு 01.11.1967 அன்றே நடிகர் திலகம் வித்திட்டு விட்டார்.
தீபாவளி சிவாஜி ரசிகனின் சிறந்த நாள் என்பதற்கு அன்றைய தினம் ஒரு அத்தாட்சியாக அமைந்து விட்டது.
.... தொடரும்....
http://i1110.photobucket.com/albums/...GEDC4926-1.jpg
http://i1110.photobucket.com/albums/...DC4925-1-1.jpg
http://i1110.photobucket.com/albums/...GEDC4927-1.jpg
http://i1110.photobucket.com/albums/...GEDC4924-1.jpg
தரிசனம்-1. இரு மலர்கள்.
---------------------------
தொடர்கிறது...
---------------
அழும் குழந்தையை தேற்றும்
வேலையைச் செய்யும் போதே
அன்னை அதனைப் பிரிந்து
செல்ல வேண்டியிருப்பதை
நாசூக்காகச் சொல்வதைப்
போல..உமா, தனக்கும் சுந்தருக்குமான காதலைத்
திருமணமாக்க தன் அண்ணனின் அனுமதி கோரும்
பொருட்டு தான் ஊருக்குச்
செல்லவிருப்பதாகவும்,
அண்ணனின் அனுமதி கிடைத்து விட்ட நல்ல செய்தி
தாங்கிய தனது கடிதம், அக்டோபர் 10 ந் தேதி சுந்தரை
வந்தடையும் என்று உறுதி
சொல்லி அழுத பிள்ளையைச்
சிரிக்க வைக்கிறாள்.
----------------
இங்கே அழுத உயிர் சிரிக்க..
அங்கே சுந்தரின் வீட்டில்
சிரித்த உயிர் அழுகிறது.
வெகு தற்செயலாக சுந்தரின்
நாட்குறிப்பைப் படிக்க நேர்ந்த
சாந்தி, தன் அத்தான் சுந்தருக்கும், உமாவுக்குமான
ஆழமான காதலைத் தெரிந்து
கொள்கிறாள்.
அழுகிறாள்.
அத்தானுடன் அவளிருப்பதாய்
அவள் இதயத்துள் தீட்டிக்
கொண்ட ஆசை ஓவியங்களை
அவளது கண்ணீரே கரைத்து
அழிக்கிறது.
---------------
அலுத்துக் களைத்து இரவில்
வீடு திரும்பும் மாமாவை,
தினமும் இரவில் களைத்து
வருவது குறித்து கனிவுடன்
விசாரிக்கிறாள்.
அவளுக்கும், சுந்தருக்கும்
மணமுடிக்கும் பொருட்டு
தான் வேலை செய்து சம்பாதிக்கச் செல்வதாக மாமன் சொல்ல..
அவரது எண்ணம் பொய்க்கப்
போகிற யதார்த்தம் தெரிந்து
அவரைப் பரிதாபமாய்ப்
பார்க்கிறாள்.. சாந்தி.
சாந்தியை மணந்து கொள்ளும்
விஷயத்தில் சுந்தரின் முடிவைத் தெரிந்து கொள்ள
சிவக்கொழுந்து உறுதி காட்ட..
சாந்தி தவிக்கிறாள்.
இன்று என்னவானாலும் சரி..
சுந்தர் வீடு திரும்பியவுடன்
அவனது முடிவைத் தெரிந்து
கொள்வதென சிவக்கொழுந்து
திடமாயிருக்கும் போதா
சுந்தர் வீடு திரும்ப வேண்டும்?
மெல்ல மெல்ல..சாந்தியை,
சுந்தர் மணக்க வேண்டும்
எனும் தன் விருப்பத்தைத் தெரிவிக்கும் தந்தையிடம்
தன் காதலைச் சொல்ல முடியாமல் தவிக்கும்
நடிகர் திலகத்தின் நடிப்பில்
வெட்கி, அவருக்குக் கிட்டாத
உயரிய விருதுகள் தலைகவிழ்கின்றன.
மகன் சொல்லும் மழுப்பலான
பதில்களால் சந்தேகமுற்ற
தந்தை விடாமல் கேள்விகளால்
துளைக்க, தான் வேறொரு
பெண்ணை விரும்புவதாய்
ஒரு வழியாய்ச் சொல்லி விட,
உள்ளத்தின் ஆத்திரத்தையெல்லாம் கைக்கு
கொண்டு வந்து மகனை
அறைந்த பின்னும் மனசாறாத
தந்தை, மகனின் காதலியால்
மகனே அழியப் போவதாய்
கடுஞ்சொல் பேச..
கண்களில் மளமளவென்று நீர்
திரள, வேதனையுடன் தன்
தந்தையை நோக்கி "யாருன்னே
தெரியாத பொண்ணைப் பத்தி
ஏன் கேவலமாப் பேசுறீங்க?"
என்று குரல் கம்ம கேட்கும்
சுந்தர் கதாபாத்திரத்திற்கு
யார் இப்படிப்
பொருந்துவார்கள்..
நடிகர் திலகம் போல.
--------------
உமா கிளம்பி விட்டாள்.
சுந்தர், பரிசுப் பொருளோடு
வழியனுப்ப வந்து விட்டான்.
இனிமேல் நிரந்தமாகப் போகிற
தங்கள் பிரிவை, தற்காலிகமானதென்று எண்ணிக் கொண்ட இரண்டு
அப்பாவி உயிர்களின் கண்ணீரும், நம்பிக்கையும்,
ஏக்கங்களும் அந்த ரயிலடி
இரைச்சலை மீறி சத்தப்படுகின்றன.
இதயத்தின் வடிவங் கொண்டதாய், மூடி திறந்தால்
உருவங் காட்டும் கண்ணாடியைப் பரிசளிக்கிறான்..சுந்தர்.
சொல்லும் போது சுருக்கமாகத்
தெரியும் பிரிவு, அனுபவிக்கக்
கொடியது.
இதனை உணர்ந்து கொண்ட
சுந்தர், உமாவிடம் வேகமாகக்
கேட்கிறான்.
"நானும் இப்படியே உன் கூட
ரயிலேறி வந்துடவா?"
உமாவின் பிரிவு தாங்கா மனம்
பதிலுக்குப் பதிலாக வேறொரு கேள்வியை வீசுகிறது.
"அதுக்குப் பதிலா..இப்படியே
என்னை ஒங்க வீட்டுக்குக்
கூட்டிட்டுப் போயிடுங்களேன்."
கூட்டிப் போய் விடலாம் என நினைத்து வரும் சந்தோஷம்,
அப்படியெல்லாம் கூட்டிப்
போய் விட முடியாது என்கிற
யதார்த்தத்தில் துளிர்க்கிற
கண்ணீர்..
கண்ணிமைக்கும் நேரத்துக்கும்
குறைவான கால வித்தியாசத்தில்,இரண்டையும் ஒரே முகத்தில் கொண்டு வர வேண்டும்.
அப்படியெல்லாம் நடிப்பதற்கு
உகந்த அந்த ஒரே
கலைஞனுக்கு நாம் நன்றி சொல்ல வேண்டும்.
அதற்கு, அந்த நடிகர் திலகம்
வாழும் அந்த சொர்க்கம்
நோக்கி கைகூப்ப வேண்டும்.
(...தொடரும்...)
Quote:
Originally Posted by raghavendra;1268798[quote
எத்தகைய திறமைமிக்க நடிகரும் கனவில் கூட நினைத்து பார்க்க முடியாத சாதனை -
தன்னுடைய திறமையின் மீது எந்த அளவுக்கு நம்பிக்கை இருந்தால் இத்தகைய சாதனையை நிகழ்த்தி இருப்பார் நடிகர்திலகம் -
ஒரே நாளில் தன்னுடைய இரண்டு படங்களை துணிச்சலாக வெளியிட்டு அந்த இரண்டு படங்களும் 100 நாள் ஓடியது (அதுவும் இரண்டு முறை) - இது அசுரத்தனமான சாதனை என்பதோடு மட்டுமல்லாமல் மனிதனால் நிகழ்த்த முடியாத சாதனை - தெய்வப்பிறவியால் மட்டுமே முடிந்தது
ராகவேந்திரன் சார்,
ஏ.வி.எம்.ராஜன், மஞ்சுளா நடித்த 'டாக்டரம்மா' திரைப்படத்தில் தேங்காய் சீனிவாசன், மஞ்சுளா இடம் பெற்ற ஒரு காட்சியில் நமது தலைவரின் 'வீரபாண்டியக் கட்டபொம்மன்' காவியத்தின் போஸ்டர் இடம் பெற்றுள்ளதைக் காணலாம்.
http://i66.tinypic.com/2vcj8fs.jpg
muthuraman manjula illayo doctoramma?Quote:
Originally Posted by vasudevan31355
நினைப்போம்.மகிழ்வோம்-107.
"நவராத்திரி".
தொழுநோயாளியாய் வருபவரிடம் அவரது உதவி
பெற்று வளர்ந்த மருத்துவர்
நன்றி பாராட்டும் காட்சி.
அவரது நினைவாக வைத்துள்ள
அவரது புகைப்படத்தையே
காட்டி, " அய்யா ..இந்த
போட்டோல இருக்கிறது யாருன்னு பாருங்க" என்பார்..
மருத்துவர்.
"கண் பார்வை தெரியவில்லை"
என்று சொல்லி, மருத்துவர்
போன பிறகு, கண் குழித்து,
கண்களுக்குக் குடை போல
கைகள் வைத்து, மிக முயன்று
அந்தப் புகைப்படத்தைப்
பார்ப்பது.
நினைப்போம்.மகிழ்வோம்-108.
"பாபு."
"வரதப்பா" பாடல்.
மேரியம்மா கேரியரின் எறா
பத்மநாபன் வீட்டுக் குழம்பில்
கிடப்பதைப் பாடுகையில்
சிரிக்கும் கள்ளமிலாச் சிரிப்பு.
நினைப்போம்.மகிழ்வோம்-109.
"ஊட்டி வரை உறவு."
"ஹேப்பி" பாடல்.
புன்னகை அரசி பாடியபடியே
அழகாய்த் தன் தோள்கள்
ஒடித்து ஆட..
அதை அப்படியே உள்வாங்கி
இன்னும் அழகாய் தோள்கள்
ஒடித்து ஆடும் அழகு.
இல்லைஜி! ஏ.வி.எம்.ராஜன், மஞ்சுளா, தேங்காய், அசோகன் பிரதான பாத்திரங்கள்.Quote:
Originally Posted by rajeshkrv
ஏ.வி.எம்.ராஜன், மஞ்சுளாவிற்கு 'கண்கள் மலரட்டுமே' என்ற பாடலும் உண்டு. பாலா, சுசீலாம்மா பாடி இருப்பார்கள். 'செல்வங்கள் ஓடி வந்தது' என்று இசையரசி பாடுவாரே. அதுவும் ராஜனிடம் குடித்துவிட்டு நடிப்பது போல மஞ்சுளா பாடுவது.
உங்கள் சந்தேகத்திற்காக இதோ என் டி.வி.டியிலிருந்து இமேஜ்.
http://i67.tinypic.com/nqzpyb.jpg