-
உயிருக்குப் போராடியவரைக் காப்பாற்றிய சரத்குமார்!
சினிமாவில் மட்டும் தான் பக்கத்திற்கு பக்கம் வசனம் பேசுவார்கள், பொது வாழ்க்கையில் சமூக அக்கறை சினிமாக் காரர்களுக்கு இல்லை என்ற பொதுவான இணையக் கருத்தை சரத்குமார், கருணாகரன், விஷால் உள்ளிட்டோர் உடைத்து வருகிறார்கள்.
நேற்று கருணாகரன் தனது ஒவ்வொரு படத்திலும் தான் வாங்கும் சம்பளத்தில் ஒரு லட்சத்தை ஏழை விவசாயிகளுக்கு கொடுக்க இருப்பதாக முடிவு எடுத்து ட்விட்டரில் பகிர்ந்தார். அதே போல் விஷால் கேரளாவில் தெரு நாய்கள் கொலை செய்யப்படுவதை கண்டித்து போராட்டம் நடத்தினார்.
இப்போது சரத்குமார் நெல்லை செல்லும் வழியில் ஒருவர் விபத்துக்குள்ளாகி உயிருக்கு போராடிய நிலையில் சுற்றி இருந்தவர்களை விலக்கிவிட்டு விபத்துக்குள்ளான நபரை தன் காரிலேயே மருத்துவமனைக்கு கொண்டுச் சென்று காப்பாற்றியிருக்கிறார்.
நிஜத்திலும் நாங்கள் ஹீரோக்கள் என ஹன்சிகா குழந்தைகளை தத்தெடுத்து வளர்ப்பது, சூர்யாவின் அகரம், அஜித் தன் வீட்டில் வேலை செய்வோருக்கு வீடுகள் கட்டித் தருதல், மம்முட்டியின் மரம் நடும் சவால், விஜய் ரசிகர்களின் குடும்பங்களுக்கு தொழில் செய்ய உதவுதல், ராகவா லாரன்ஸின் ஒரு கோடி திட்டம் என சமூக அக்கறை கொஞ்சம் அதிகமாகி வருவது பாராட்டுக்குரியவை.
-
Another movie-watching spree(my kin are fishing out old movies worth watching) with my dear and near ones:
Thoroughly enjoyed watching "yuththam sey"! A classic!
"raaman thEdiya seethai" was a wholesome entertainer!
Absolutely bowled over by "rowthiram"! An idealistic marvel-my cup of tea!
Sat dazed after watching "pEraaNmai"! No words enough to praise this awesome movie! Everything about the movie-story, dialogue, acting-was wonderful. Spun around all fields of interest and necessity-political, economical, social, moral, patriotical and technological. A very intelligent and interesting movie. The statements-many they were-made by the level-headed, patient and charming hero are nuggets of pure gold! I was put off by the 'naughtiness' of the girls in the early scenes of their appearance but later gave them unstinted admiration for their mettle and grit and good sense!
-
சரத்குமார் - ராதிகா மகளுக்கு திருமண நிச்சயதார்த்தம் - கிரிக்கெட் வீரர் அபிமன்யு மிதுனை மணக்கிறார்
சென்னை: சரத்குமார்- ராதிகா நட்சத்திர தம்பதியின் மகள் ரேயானுக்கும், பெங்களூருவைச் சேர்ந்த கிரிக்கெட் வீரர் அபிமன்யு மிதுனுக்கும், வருகிற 23ம் தேதி சென்னையில் திருமண நிச்சயதார்த்தம் நடைபெறுகிறது.அகில இந்திய சமத்துவ மக்கள் கட்சியின் தலைவர் நடிகர் சரத்குமார்-ராதிகா சரத்குமாரின் மகள் ரேயான். இங்கிலாந்தில் உள்ள லீட்ஸ் பல்கலைக்கழகத்தில் விளையாட்டு நிர்வாகத்தில் முதுகலைப் பட்டம் பெற்ற இவர், சென்னையில் உள்ள ராடான் டிவியின் துணைத்தலைவராக பதவி வகித்து வருகிறார். தற்போது இவருக்கு திருமணம் உறுதி செய்யப் பட்டுள்ளது.
பெங்களூருவை சேர்ந்த அபிமன்யூ மிதுனை ரேயான் மணக்க இருக்கிறார். அபிமன்யூ இந்திய கிரிக்கெட் அணியின் இளம் வேகப்பந்து வீச்சாளராக விளையாடி வருகிறார். ஐ.பி.எல். தொடரில் மும்பை இந்தியன்ஸ் அணிக்காக அபிமன்யூ விளையாடி வருகிறார்.இவர்களது திருமண நிச்சயதார்த்த நிகழ்ச்சி வருகிற 23ம் தேதி (புதன்கிழமை) காலை 10 மணிக்கு சென்னையில் நடைபெற உள்ளது. அன்றைய தினம் திருமண தேதி குறித்து முடிவு செய்ய இருக்கிறார்கள்.இது பெற்றோர்களால் ஏற்பாடு செய்யப்பட்டுள்ள திருமணம் ஆகும்.
-
கணவரைப் பிரிந்தார் ரம்யா: வேலையில் கவனம் செலுத்த முடிவு
http://tamil.thehindu.com/multimedia...a_2543805f.jpg ரம்யா உடன் கணவர் அப்ரஜித் | கோப்பு படம்
சமீத்தில் திருமணமான ரம்யா, தனது கணவரைப் பிரிந்துவிட்டதாகவும், பணியில் கவனம் செலுத்த முடிவு செய்திருப்பதாகவும் தனது ட்விட்டர் பக்கத்தில் தெரிவித்திருக்கிறார்.
தொலைக்காட்சி வர்ணனையாளராகவும், நிகழ்ச்சிகள் தொகுத்து வழங்குவதில் மிகவும் பிரபலமானவர் ரம்யா. அவருக்கும் அப்ரஜித்துக்கும் 2014ம் ஆண்டு பிப்ரவரி மாதம் திருமணமானது. திருமணத்துக்கு பிறகு நிகழ்ச்சிகள் தொகுத்து வழங்கிக் கொண்டிருந்தார் ரம்யா.
சில நாட்களுக்கு முன்பு ரம்யாவும் அவருடைய கணவரும் பிரிந்து விட்டதாக தகவல்கள் வெளியாகின. ஆனால், இது குறித்து ரம்யா கருத்து எதுவும் தெரிவிக்காமல் இருந்தார்.
இந்நிலையில் ரம்யா தனது ட்விட்டர் பக்கத்தில், "ஆம். எனது திருமண பந்தம் முறிந்தது. இது இருவரும் இணைந்தே எடுத்த முடிவு. இந்த அறிவிப்பின் மூலம் வீண் வதந்திகளுக்கு முற்றுப்புள்ளி வைக்க விரும்புகிறேன்.
எனது ஊடக நண்பர்கள், நலன் விரும்பிகள் என அனைவரிடமும் ஒரு தாழ்மையான வேண்டுகோளை முன்வைக்கிறேன். திருமண பந்த முறிவு எனது தனிப்பட்ட பிரச்சினை. மேலும், அது மிகவும் உணர்வுப்பூர்வமானது. எனவே, எனது தனிப்பட்ட சுதந்திரத்துள் யாரும் அத்துமீறி பிரவேசிக்க வேண்டாம் எனக் கேட்டுக் கொள்கிறேன்.
இரு குடும்பங்கள் சம்பந்தப்பட்ட இப்பிரச்சினையை இத்தோடு விட்டுவிடுங்கள். இப்போது எனது கவனம் எல்லாம் வேலையின் மீதே இருக்கிறது. என் பணி நிமித்தமாக உதவும் அனைவருக்கும் எனது நன்றியைத் தெரிவித்துக் கொள்கிறேன்" எனக் கூறியுள்ளார்.
-
-
வெனிஸ் பட விழாவில் 'விசாரணை'க்கு 'மனித உரிமை சினிமா' விருது
வெற்றிமாறன் இயக்கத்தில் உருவாகி இருக்கும் 'விசாரணை' படத்துக்கு வெனிஸ் திரைப்பட விழாவில், மனித உரிமைகளுக்கான சினிமா' என்ற பிரிவில் விருது கிடைத்துள்ளது. தினேஷ், சமுத்திரக்கனி, ஆனந்தி உள்ளிட்ட பலர் நடிக்க, வெற்றிமாறன் இயக்கத்தில் தயாராகி இருக்கும் படம் 'விசாரணை'. தனுஷ் மற்றும் வெற்றிமாறன் இணைந்து தயாரித்திருக்கிறார்கள். இப்படத்தின் அனைத்து உரிமைகளையும் லைகா நிறுவனம் பெற்றிருக்கிறது. தமிழகத்தில் இன்னும் இப்படம் வெளியாகவில்லை.
படத்தின் பணிகள் அனைத்துமே முடிந்துவிட்டதால், உலக திரைப்பட விழாக்களில் அனுப்ப திட்டமிட்டார்கள். முதலவாதாக வெனிஸ் திரைப்பட விழாவில் திரையிட 'விசாரணை' தேர்வானது. இவ்விழாவில் திரையிட தேர்வான முதல் தமிழ் படம் 'விசாரணை' என்பது குறிப்பிடத்தக்கது. வெனிஸ் திரையிடலில் இயக்குநர் வெற்றிமாறன், தினேஷ், சமுத்திரக்கனி உள்ளிட்ட படக்குழுவினர் கலந்து கொண்டார்கள்.
இந்தத் திரைப்பட விழாவில், ஆம்னஸ்டி இன்டர்நேஷனல் - இத்தாலி பிரிவு அமைப்பின் 'மனித உரிமைகளுக்கான சினிமா' என்ற விருதை விசாரணைத் திரைப்படம் வென்றுள்ளது. இந்தத் தகவலை, இப்படத்தின் குழு தெரிவித்தது.
http://tamil.thehindu.com/multimedia...1_2546224a.jpg
இது குறித்து ஆம்னஸ்டி இன்டர்நேஷனல் - இத்தாலி பிரிவின் செய்தித் தொடர்பாளர் ரிகார்டோ நவுரி கூறும்போது, "இந்தப் பிரிவில் பல்வேறு நாடுகளைச் சேர்ந்த படங்கள் கலந்துகொண்டன. அவை அனைத்துமே மனித உரிமைகளைப் பேசும் படங்களே. எனினும், விசாரணை படம் தனித்துவம் மிகுந்தது.
விசாரணைக் கைதியாக இருந்து தற்போது சமூகப் போராளியாக இருக்கும் ஒருவரது அனுபவத்தை மிக அழுத்தமாகச் சொல்லியிருக்கிறது விசாரணை. இந்தியாவில் உள்ள காவல் நிலையங்களில் மனித உரிமை மீறல்களையும், கொடுமைகளையும் இப்படம் பதிவு செய்துள்ளது" என்று அவர் கூறியுள்ளார்.
-
இயக்குநர் ஆவதற்காக நடிப்பைத் துறந்தேன்: இயக்குநர் பிரேம் சாய் நேர்காணல்
http://tamil.thehindu.com/multimedia...a_2546145f.jpg 'தமிழ்ச் செல்வனும் தனியார் அஞ்சலும்' படத்தில் ஜெய் மற்றும் யாமி கவுதம் | உள்படம்: இயக்குநர் பிரேம் சாய், படம்: எல்.சீனிவாசன்
பொதுவாக நாடக நடிகர்கள் சினிமாவில் நடிப்பதற்குதான் வருவார்கள். ஆனால் கொஞ்சம் வித்தியாசமாக நாடக நடிகராக இருந்து திரைப்பட இயக்குநராக மாறியிருக்கிறார் பிரேம் சாய். ஜெய், யாமி கவுதம் நடிக்கும் ‘தமிழ் செல்வனும் தனியார் அஞ்சலும்’ படத்தை இயக்கி வருகிறார். படத்தின் இறுதிக்கட்ட பணிகளில் இருந்த அவரைச் சந்தித்தோம்.
ஒரு காலத்தில் பிரபல நாடக நடிகராக இருந்த நீங்கள், பின்னர் நடிப்பதை நிறுத்தியது ஏன்?
நான் நாடகங்களில் நடிப்பதை நிறுத்தி 10 ஆண்டுகள் ஆகிறது. நாடகங்களில்தான் என்னுடைய பயணம் தொடங்கியது. பல ஆண்டுகாலம் தமிழ் மற்றும் தெலுங்கு தொலைக்காட்சி நாடகங்களில் நடித்தேன். தெலுங்கில் என் நடிப்புக்காக இரண்டு முறை நந்தி விருதுகள் வென்றிருக்கிறேன். அப்போது இங்கே தமிழக அரசு விருதுகள் கிடையாது. என்னுடைய தேதிகள் இருந்தால் தொலைக்காட்சியில் ஸ்லாட் கொடுப்பார்கள் என்ற காலம் இருந்தது. ஒரு கட்டத்தில் அடுத்தது என்ன என்ற கேள்வி எழுந்தது. இயக்குநராக விரும்பினேன். 2004-05ல் இயக்குநர் ஆவதற்காக நடிப்பதை நிறுத்திவிட்டேன். ஷூட்டிங்கில் க்ளாப் போர்டு அடிப்பது, மக்கள் கூட்டத்தை தள்ளி நிற்கச் சொல்வது போன்ற பணிகளைப் பார்த்தேன். நடிப்புத் துறையில் இருந்து விலகி இந்த துறைக்கு வந்தேன். கெளதம் மேனன் கூட என்னை நடிக்கச் சொன்னார், ஆனால் நான் முடியாது என்று மறுத்துவிட்டேன். என்னைப் பொறுத்தவரை நடிப்பு என்பது முடிந்துபோன ஒன்று. இப்போது நான் எடுத்த முடிவுக்காக சந்தோஷப்படுகிறேன்.
இயக்குநர் பிரபுதேவாவிடம் நீங்கள் பணியாற்றி உள்ளீர்கள். அந்த வாய்ப்பு எப்படி கிடைத்தது?
ஒரு கட்டத்தில் நான் பார்த்த சம்பவங்களை கதையாக எழுதத் தொடங்கினேன். நான் எழுதிய ஒரு கதை தெலுங்கில் குறும்படமாக வெளிவந்தது. அதைப் பார்த்துவிட்டு பிரபுதேவா என்னை அழைத்தார். அவரிடம் நான் பணியாற்றினேன்.
‘தமிழ் செல்வனும் தனியார் அஞ்சலும்’ எந்த மாதிரியான கதைக் களம்?
வாழ்க்கையில் எந்த ஒரு பிரச்சினையும் இல்லாமல், சந்தோஷமாக இருக்க வேண்டும் என்று நினைக்கிற ஒரு சாதாரண மனிதனின் கதை இது. பொதுவாக கொரியர் கொண்டுவரும் பையனிடம் நாம் அதிகம் பேச மாட்டோம். அவரும் பேச மாட்டார். ஒரு வாரம் தினமும் கொரியர் அலுவலகம் சென்று அவர்களிடம் பேசினேன். அந்த அனுபவங்களை வைத்து எழுதப்பட்டதுதான் ‘தமிழ் செல்வனும் தனியார் அஞ்சலும்’. அதே நேரத்தில் இது உண்மைக் கதையும் இல்லை. கெளதம் மேனன் சாரிடம் இப்படத்தின் கதையைக் கூறினேன். அவர் இதை தயாரிக்க ஒப்புக்கொண்டார்.
உங்களது முதல் படம் இவ்வளவு தாமதமாகும் என்று நினைத்தீர்களா?
யாருமே தன்னுடைய படம் தாமதமாக வர வேண்டும் என்று நினைக்க மாட்டார்கள். பெரிய இயக்குநர்கள், நடிகர்களின் படத்துக்கே காலதாமதம் ஏற்படுகிறது. மக்கள் திரையில் எனது படத்தைப் பார்த்து கைதட்டும்போது என்னுடைய எல்லா பிரச்சினைகளும் காணாமல் போய்விடும் என்று நம்புகிறேன்.
இயக்குநர் பிரபுதேவாவிடம் இருந்து என்ன கற்றுக் கொண்டீர்கள்?
24 மணி நேரமும் சினிமாவைப் பற்றியே நினைக்கும் மனிதர் பிரபுதேவா. சினிமாவைத் தவிர வேறு எதுவுமே அவருக்குத் தெரியாது. நேரம்காலம் பார்க்காமல் உழைப்பார். தூங்கவே மாட்டார். அவரிடம் இருந்து கடின உழைப்பைக் கற்றுக்கொண்டேன்.
-
விவாகரத்து கோரி கன்னட நடிகர் சுதீப் மனு: மனைவிக்கு ரூ.19 கோடி ஜீவனாம்சம் வழங்க ஒப்புதல்
http://tamil.thehindu.com/multimedia...p_2546115f.jpg மனைவி பிரியாவுடன் சுதீப்.
நடிகர் சுதீப் விவாகரத்து கோரி பெங்களூரு குடும்ப நல நீதிமன்றத் தில் மனு தாக்கல் செய்துள்ளார். தனது மனைவி பிரியாவுக்கு ரூ.19 கோடி வழங்கவும் சம்மதம் தெரிவித்துள் ளார்.
நடிகர் சுதீப் கன்னடத்தில் பல்வேறு படங்களில் நடித்து முன்னணி நடிகராக இருக்கிறார். 'நான் ஈ' படத்தில் நடித்ததன் மூலம் தமிழ், தெலுங்கு, இந்தி உள்ளிட்ட மொழிகளிலும் பிரபலமானார். தற்போது விஜய் நடிப்பில் வெளியாக இருக்கும் 'புலி' படத்தில் முக்கிய வேடத்தில் நடித் துள்ளார்.
இவர் 2001-ம் ஆண்டு கேரளாவை சேர்ந்த பிரியா ராதாகிருஷ்ணன் என்பவரை திருமணம் செய்தார். கடந்த 14 ஆண்டுகளாக சேர்ந்து வாழ்ந்த இந்த தம்பதிக்கு 11 வயதில் 'சான்வி' என்ற மகள் இருக்கிறார். இதனிடையே கருத்து வேறுபாட்டின் காரணமாக சுதீப் தம்பதி பிரிந்து வாழ்வதாக கூறப்படுகின்றது.
இந்நிலையில் சுதீப் மற்றும் அவரது மனைவி பிரியா ராதாகிருஷ்ணன் பெங்களூரு குடும்ப நல நீதிமன்றத்தில் விவாகரத்துக் கோரி நேற்று முன் தினம் மனு தாக்கல் செய்துள்ளனர்.
சுதீப் தனது விண்ணப்பத்தில், ‘‘மனைவி பிரியா ராதாகிருஷ்ணனு டன் சேர்ந்து வாழ விருப்பம் இல்லை. தனது மகள் சான்வி மனைவியோடு வாழ்வதில் ஆட்சேபம் இல்லை. மனைவிக்கும், மகளின் வளர்ப்புக்கா கவும் ஜீவனாம்சமாக ரூ. 19 கோடி வழங்குகிறேன்'' என தெரிவித்துள் ளார். இது தொடர்பாக சுதீப் தனது ட்விட்டர் பக்கத்தில், ‘‘பிரச்சினை களை எதிர் கொள்ளாமல் ஓட மாட்டேன். கருத்து வேறுபாடு இயல்பானது. எனது தனிப்பட்ட வாழ்க்கையை பொது தளத்தில் பேச விரும்பவில்லை'' என பதிவிட்டுள்ளார்.
-
ஆஸ்கர் பட்டியல்...அணிவகுக்கும் தென்னிந்தியப் படங்கள்!
தொடர்ச்சியாக இந்த வருடம் இந்தியா சார்பாக கலந்துகொள்ள உள்ள ஆஸ்கர் பரிந்துரைப் பட்டியலில் தென்னிந்திய படங்கள் வரிசையாக இடம்பிடித்து வருகின்றன. சமீபத்தில் மணிகண்டன் இயக்கத்தில் உருவான ‘காக்கா முட்டை’ படம் ஆஸ்கர் பட்டியலில் இணைந்தது.
இதனையடுத்து ராஜமௌலி இயக்கத்தில் பிரம்மாண்டமாக உருவாக்கப்பட்ட ‘பாகுபலி’ படமும் ஆஸ்கர் இந்தியப் பரிந்துரைப் பட்டியலில் இணைந்துள்ளது.
இதனையடுத்து சிறந்த தமிழ் படத்திற்கான தேசிய விருது உள்ளிட்ட பல விருதுகளை வெளியாவதற்கு முன்னரே பெற்ற ‘குற்றம் கடிதல் படமும் தற்போது ஆஸ்கர் பரிந்துரைப் பட்டியலில் இணைந்துள்ளது. மேலும் குற்றம் கடிதல் செப்டம்பர் 28ம் தேதி வெளியாகும் என படக்குழுவினர் தற்போது அறிவித்துள்ளது குறிப்பிடத்தக்கது.
-
சூர்யா படத்துக்கு இவ்வளவு விலையா?
சூர்யா இப்போது நடித்துக்கொண்டிருக்கும் படம் 24. விக்ரம்குமார் இயக்கும் இந்தப்படத்தின் படப்பிடிப்பு நடந்துகொண்டிருக்கிறது. விரைவில் பாடல்காட்சிகளைப் படமாக்க போலந்து போகவிருக்கிறார்கள்.
இந்தப் படத்தின் தெலுங்குஉரிமையை தெலுங்கு நடிகர் நிதின் வாங்கியிருக்கிறார் என்று முன்பே சொல்லப்பட்டது. அவர் இந்தப்படத்தின் தெலுங்கு உரிமைக்காக சுமார் இருபது கோடி கொடுக்க ஒப்புக்கொண்டிருப்பதாகச் சொல்லப்படுகிறது. இது இதுவரை இல்லாத அளவு பெரியதொகை என்றும் சொல்லப்படுகிறது.
சூர்யாவின் எல்லாப்படங்களுமே தமிழில் வெளியாகும்போதே தெலுங்கிலும் வெளியாகும். கடைசியாக வெளியான மாஸ் மற்றும் அஞ்சான் ஆகியவை சரியாகப் போகாதநிலையிலும் சூர்யா படம் இவ்வளவு விலைக்குப் போயிருப்பது எல்லோரையும் வியப்பில் ஆழ்த்தியிருக்கிறது.
சூர்யா மட்டுமின்றி இயக்குநரும் தெலுங்கில் புகழ்பெற்றவர் என்பதாலும் அவருடைய முந்தைய படங்கள் வெற்றிகரமாக ஓடியிருக்கின்றன என்பதாலுமே இவ்வளவு விலை கொடுக்கப்பட்டிருப்பதாகவும் சொல்லப்படுகிறது.