Nadigar Thilagam Sivaji Ganesan - Part 6

வணக்கம் நண்பர்களே,
நடிகர் திலகத்தின் பக்தர் குழுவின் கடை நிலை தொண்டர் அடி பொடியார்களில் நானும் ஒருவன். இங்கு வந்து குவியும் எண்ணற்ற விஷயங்களை ஆழ்ந்து ரசித்து படிக்கும் பக்தர்களில் நானும் ஒருவன். மற்றவர்களை போல் எழுத ஆசை இருந்தாலும் ஞானம் இல்லாததால் கடலோரம் நின்று காற்று வாங்கும் ரசிகர்களில் நானும் ஒருவன். இருந்தும் எனக்கும் அவ்வப்போது எழுத ஆசை தோன்றும். ஆனால் என்ன எழுதுவது, எதை எழுதுவது என்று தெரியாததால் ஆசை நிராசையாகி விடும். என் மனதை மிகவும் கவர்ந்த படங்களை பற்றி எழுதலாம் என்றால் இங்கு அதை ஏற்கனவே எழுதி விட்டார்கள். சகோதரி சாரதாவுடனோ, சகோதரர் முரளியுடனோ போட்டியிட முடியுமா.
இருந்தும் ஆசை யாரை விட்டது. சமீபத்தில் என்னை மிகவும் கவர்ந்த ஒரு படத்தை 25 ஆண்டுகளுக்கு பின் மீண்டும் காணும் வாய்ப்பு கிடைத்தது. ஏனோ தெரியவில்லை பார்த்தால் பசி தீரும் படத்தின் மீது அப்படி ஒரு காதல். எனது பள்ளி காலத்தில் பார்த்த படம் அது. ஒரு முறை பார்த்த பின் என்னை பல முறை பார்க்க வைத்த படம் . இனி எனது பார்வையில் பார்த்தால் பசி தீரும்.

பார்த்தால் பசி தீரும்

பீம்சிங்கின் ப வரிசை படங்களில் மிக சிறந்த படங்களில் ஒன்றான இப்படம் இரண்டாம் உலக போருடன் ஆரம்பிக்கும். பிரிட்டிஷ் இந்திய ராணுவத்தை சேர்ந்த விமானிகளான வேலுவும்(ஜெமினி) பாலுவும் (ந.தி) அசாம் எல்லையில் ஜப்பானியர்களை எதிர்த்து போரிடும் வேளையில் அவர்களது விமானம் குண்டடிபட்டு எரிந்து அசாம் காட்டு பகுதிகளில் விழுந்து விடும். மிகவும் அடி பட்ட வேலுவை தூக்கி கொண்டு பாலு துரத்தி வரும் எதிரிகளை மீறி 50 மைல்களை கடந்து இந்த்ரோமாவின்(சாவித்திரி) வீட்டிற்க்கு கொண்டு வந்து புகலிடம் கோருவார். அவர்கள் இந்தியாவை சேர்ந்தவர் என அறிந்து கொண்டு பாஷை தெரியாவிட்டிலும் அவர்களுக்கு ஆதரவு கொடுத்து வேலுவை சிசுருஷை செய்து காப்பாற்றுவார்கள் இந்த்ரோமாவும் அவரது தந்தையும். மெதுவாக நினைவு திரும்பும் வேலு தன் உயிரை காப்பாற்றிய பாலுவை தன் சகோதரனாகவே ஏற்று கொள்கிறான். தமது படை இருக்கும் இடத்தை திரும்ப அடையும் முயற்சியில் பாலு ஈடுபடும் நேரத்தில் வேலுவுக்கும் இந்த்ரோமாவுக்கும் இடையில் காதல் அரும்புகிறது. ஆரம்பத்தில் அதை விரும்பாத பாலுவும் அதற்க்கு தனது ஆசியை தரும் வேளையில் ஜப்பானிய வீரர்கள் அந்த கிராமத்தை சோதனையிட வருகிறார்கள். வேலுவை ஒரு பெரும் கூடைக்குள் ஒளித்து விட்டு தானும் மறைந்து கொள்ளும் பாலு, அவர்கள் அக்கூடையை நோக்கி செல்லும் போது தன்னை வெளி காட்டி ஓடி செல்கிறான். ஓடுபவனை துரத்தும் வீரர்கள் அவனை நோக்கி சுட குண்டடிபட்டு தரையில் விழும் பாலுவை காப்பாற்ற முடியாமல் கதறி அழுகிறான் வேலு.

பாலு இறந்ததாகவே கருதி வாடும் வேலுவிற்க்கு இந்த்ரோமாவின் காதல் ஆறுதல் தருகிறது. அவளை இந்திரா என்று அழைக்கும் அவன் அவளுக்கு தமிழ் கற்று கொடுக்கிறான். (அன்று ஊமை பெண்ணல்லோ பாடல்) . அவர்களது சாதி முறைப்படி திருமணம் முடிந்த மறுநாளே பிரிட்டிஷ் இந்திய ராணுவத்தினரால் வேலு மீண்டும் போருக்கு அழைத்து செல்ல படுகிறான். கதறி அழும் இந்திராவை சமாதன படுத்தும் வேலு வெகு சீக்கிரம் வந்து அவளை தன்னுடன் அழைத்து செல்வதாக வாக்கு கொடுத்து போருக்கு செல்கிறான்.

கருவுற்று இருக்கும் இந்திரா வேலுவின் வரவை எண்ணி காத்திருக்கும் வேளையில் ஜப்பானிய விமானங்கள் வீசும் குண்டு வீச்சில் அவர்களது கிராமமே அழிந்து போகிறது. அவளை தேடி வரும் வேலுவின் கண்களில் அழிந்த அக்கிராமம் தென்பட அவனது உலகம் இருண்டு போகிறது. அவள் இறந்து விட்டதாக கருதி கண்ணீர் விட்டு கதறுகிறான் அவன்.

காலம் பறக்கிறது. ஜப்பானியர்களால் சுடப்பட்டு கால் ஊனமுற்ற பாலு அவர்களால் நேத்தாஜியின் இந்திய தேசிய ராணுவத்தில் ஒப்படைக்க படுகிறான். அவர்களுடன் சேர்ந்து பிரிட்டிஷாரை எதிர்த்து போரிட்டவனை கைது செய்து கூண்டில் ஏற்றும் அரசாங்கம் அவனை விடுதலை போராட்ட வீரன் என்று விடுதலை செய்கிறது. டில்லியில் சிறிது நாள் தங்கும் வேளையில் ஒரு பேப்பர் விற்கும் தமிழ் சிறுவனை சந்திக்க நேரும் பாலு அவன் தாயையும் சந்திக்க நேர்கிறது. தனக்கு ஆதரவாக இருந்த தந்தையை இழந்து தவிக்கும் கண்ணிழந்த அப்பெண்மணி சில வருடங்களுக்கு முன் தன்னை காப்பற்றிய இந்த்ரோமா என அறிந்து அதிர்சிக்குலாகும் பாலு அவள் தனது நண்பன் வேலுவின் மனைவி என்று அறிந்து மேலும் அதிர்ச்சி அடைகிறான். பாலுவை அவனது குரல் மூலம் அறிந்து கொள்ளும் இந்திரா அவன் காலில் விழுந்து அடைக்கலம் கேட்கிறாள். திக்கி தெரியாமல் தவிக்கும் அவளையும் அவளது சிறு மகன் பாபுவையும் (கமல்) அழைத்து கொண்டு வேலுவை தேடி சென்னைக்கு புறப்படுகிறான் பாலு.

Sivan.K sir,

We all know well about your valuable contributions for this thread in previous parts, and previous pages.

Now we are eagerly waiting for your beautiful analysis about the beautiful movie 'PARTHAAL PASI THEERUM' a true story for the friendship.

Those who are blaming NT with the word 'Over Acting', MUST see this film, then automatically will change their openion.

....and now the thread is yours.

டியர் சிவன்K,
மனோரஞ்சித மலர் நாம் எந்த மணத்தை உள்ளுணர்வில் எண்ணுகிறோமோ, அந்த மலரின் வாசம் வீசுமாம். அதைப் போலத் தான் நடிகர் திலகத்தின் படங்களும். அவரவர் எண்ணங்களுக்கேற்ப, அவரவர் பார்வைக்கேற்ப புதிய புதிய கோணங்களில் புதுப் புது பரிணாமங்களில் பரிமளிக்கும். அதனால் எந்தப் படத்தையும் நாம் எத்தனை முறை பார்த்தாலும் ரசித்தாலும் விமர்சித்தாலும் புதிய வடிவமும் கருத்துக்களும் கிடைக்கும். எனவே நீங்கள் உங்களுக்குத் தோன்றும் கருத்துக்களை உங்கள் பார்வையில் எழுதலாம். தலைமறை கடந்த பார்வைகளில் நடிகர் திலகத்தின் படங்கள் புதுப்புது ஆய்வுகளில் மிளிர்ந்து கொண்டேயிருக்கும்.

டியர் பம்மலார்,
கீற்றுக் கொட்டகை தொடங்கி மல்டிப்ளெக்ஸ் வரை என்று புதுத் திரியே தொடங்கும் அளவிற்கு தகவல்களை வாரி வாரி வழங்கிவரும் உங்களை தகவல் வள்ளல் என்று அழைக்கலாம் என்று விரும்புகிறேன். அனைவரும் நிச்சயம் ஆமோதிப்பர் என எண்ணுகிறேன்.

ராகவேந்திரன்

Quote:

---

Originally Posted by RAGHAVENDRA

டியர் பம்மலார்,
கீற்றுக் கொட்டகை தொடங்கி மல்டிப்ளெக்ஸ் வரை என்று புதுத் திரியே தொடங்கும் அளவிற்கு தகவல்களை வாரி வாரி வழங்கிவரும் உங்களை தகவல் வள்ளல் என்று அழைக்கலாம் என்று விரும்புகிறேன். அனைவரும் நிச்சயம் ஆமோதிப்பர் என எண்ணுகிறேன்.

ராகவேந்திரன்

---

முதல் ஆளாக நான் ஆமோதிக்கிறேன், ராகவேந்தர் சார்.

பம்மலார் சார்,

சென்னை காஸினோ தியேட்டரில் நமது நடிகர்திலகத்தின் சாதனைகளை மட்டுமல்லாது, மக்கள்திலகம், காதல் மன்னன், புதுமை இயக்குனர்... என அனைவரது சாதனைகளையும் பட்டியலிட்டு விட்டீர்கள்.

ஒருவர் தனது வலைப்பதிவில், நம்முடைய இந்த த்ரெட்டை பார்வையிட்டது பற்றிக் குறிப்பிட்டிருந்தார் 'சிவாஜி ரசிகர்கள், அவர்களது அபிமான நடிகரது சாதனைகளை மட்டுமல்லாது, ஒட்டுமொத்த தமிழ்த்திரையுலக சாதனைகளையே விரல் நுனியில் வைத்திருக்கிறார்கள்' என்று. அதைப்படித்தபோது என் நினைவுக்கு வந்தவர்கள் இந்த த்ரெட்டில் ஆட்சி செய்யும் ஐவர் குழு.

நன்றி, கார்த்திக். நீங்கள் படித்த அந்த வலைப்பதிவின் இணைப்பை இங்கே கொடுத்தால் அனைவரும் அதைப் படிக்கலாம். அந்த அன்பருக்கும் நமது நன்றி உரி்த்தாகட்டும். இதில் ஐவர், அறுவர் என்ற எண்ணிக்கைக்கே இடமில்லை. இது அனைவருக்குமே பொருந்தும். நான் ஒரு முறை ஒரு நண்பரிடம் பேசிக் கொண்டிருந்த போது சொன்னேன். நமக்கு இசையை ரசிக்கக் கற்றுக் கொடுத்தது மெல்லிசை மன்னர், கலையை ரசிக்கக் கற்றுக் கொடுத்தது நடிகர் திலகம் - குறிப்பாக நடனத்தைச் சொல்ல வேண்டும். நடிகர் திலகத்தின் நடிப்பைப் பார்த்துப் பார்த்து ரசித்த கண்களுக்கு பரத நாட்டியம் எளிதாக ரசிக்க முடிகிறது, அதன் நுணுக்கங்களும் பெரிதளவு புரிகிறது. அப்படி சமீபத்தில் பார்த்த ஒரு பரத நாட்டியத்தில் ஆடிய குழந்தையின் நாட்டியத்தில் அக் குழந்தையின் முகபாவங்கள் அருமையாக இருந்தன. முத்திரைகள் புரிந்தன. அப்பொழுது தான் நடிகர் திலகத்தின் அருமை நமக்குப் புரிய வருகிறது. ஆம் அத்தனை இலக்கணங்களையும் தன்னுடைய நடிப்பின் மூலம் நமக்குப் புரிய வைத்த, தெளிய வைத்த ரசிக்க வைத்த நடிகர் திலகத்தின் ரசிகர்கள் எதையும் எடுத்தெறிந்து விட மாட்டார்கள். அனைத்தையும் அலசி ஆய்ந்து அதன் முடிவில் தொடக்கத்திற்கே வருவார்கள் - ஆம் முதலும் தொடக்கமுமான அந்த முடிவு, நடிகர் திலகத்தைப் போல் நடிப்பின் இலக்கணத்தை வகுத்த்வர் எவரும் இல்லை. இந்த முடிவினைத் தொடக்கமாக வைத்து ஆய்ந்து அதே முடிவிற்கே முடிவில் வருவது இவரிடம் மட்டுமே முடியும்.
நடிகர் திலகத்திற்கு அஞ்சலி செலுத்திய ராஜ் டி.வி.யின் நெடுந்தகட்டில் பார்த்திபன் அவர்கள் கூறியது இங்கே நினைவு கூறத்தக்கது.
இரண்டு வெள்ளைத் தாள்கள், நடுவே கார்பன் வைத்து எதை எழுதினாலும் அது பின்னே உள்ள பிரதித் தாளில் அப்படியே விழும். ஆனால் அதே காகிதத்தில் நடிப்பு என்ற சொல்லை எழுதினால், அது சிவாஜி என்று தான் கீழே உள்ள தாளில் பதியும் என்றார். எவ்வளவு ஆழமான கருத்து. பாராட்டுக்கள் பார்த்திபன்.

1970களில் காஸினோ திரையரங்குகளைப் பற்றி பம்மலார் எழுதியது உண்மை. காரணம் அப்போது அங்கு திரையிடப் பட்ட ஆங்கிலப் படங்களுக்குக் கிடைத்த அமோக வரவேற்பே காரணம். அது மட்டுமல்ல. அத் திரையரங்கின் அமைப்பும் முக்கியமான காரணம். அதுவுமன்றி எப்போது போனாலும் ஒழுங்கு வரிசையில் நின்று டிக்கெட் வாங்கி உள்ளே போன ரசிகர்களும் காரணம். அப்படி பல முறை பல படங்களைப் பார்த்தவர்களில் நானும் ஒருவன். திரையரங்கு அமைப்பு என்பதில் இருக்கைகளின் அமைப்பும் அடக்கம். மிகவும் குறைந்த கட்ட்ண வகுப்பில் போனாலும் கூட வசதியாக பாடம் பார்க்க அமைக்கப் பட்ட அரங்கு காசினோ. ஆம், திரைக்கு முன்னர் இருக்கக் கூடிய முதல் வரிசைக்கும் திரைக்கும் குறைந்த பட்சம் 50 அடி இடைவெளி இருக்கும். அந்தத் திரையரங்கில் விளம்பரங்கள், செய்திப் படங்கள் முடிந்த வுடன் அந்த பாரமவுண்ட் லட்சினை தோன்றும் பொழுது அந்த அமைதியான ஒலியற்ற தன்மை அனைவரையும் மெய் மறக்கசசெய்யும். உடனே நீண்ட வெட்ட வெளியுடன் தோன்றும் மேற்கத்திய கௌபாய் படங்கள் நம்மை அந்த உலகத்திற்கே இட்டுச் செல்லும். இப்படிப்பட்ட அமைதியான சூழல், ஆரவாரமற்ற ரசிகர் கூட்டம், ஒளிப்பதிவிற்கு சிறப்பாக கைதட்டும் ரசிகர்கள், எவ்வளவு நீண்ட நேர வசனக் காட்சியானாலும் பொறுமையாகக் கேட்டு ஆங்கில அறிவை வளர்த்துக் கொண்ட தலைமுறை, இப்படி கிட்டத் தட்ட ஒரு பத்து ஆண்டுகளுக்கு காஸினோ திரையரங்கு பெரும்பாலானவர்களை ஆங்கிலத்தில் புலமைபெற வைத்தது என்றால் மிகையில்லை. அதனாலேயே அங்கு பெரும்பாலான ஆங்கிலப் படங்கள் திரையிடப் பட்டன, மறுபக்கம் ஓடியனிலும் மேற்கத்திய படங்கள், குளோபில் ஜேம்ஸ் பாண்ட் படங்கள், சபையர் திரையரங்கில் பிரம்மாண்ட மான படங்கள் , இடையிடையே நியூ எல்பின்ஸ்டோனிலும் ஆங்கிலப் படங்கள் என வெளியான போதும் கூட காஸினோவுக்கு தனி மவுசு இருந்தது. அப்படிப்பட்ட காஸினோ திரையரங்கின் எண்ணற்ற ரசிகர்களில் நடிகர் திலகமும் ஒருவர். வெள்ளிக் கிழமையானால் இரவுக் காட்சியில் அவரைப் பார்க்கலாம்.
பல மறக்க முடியாத ஆங்கிலப் படங்களை தந்த காஸினோவை என்றைக்கும் மறக்க முடியாது.
வாய்ப்புக்கு நன்றி

ராகவேந்திரன்

திரு.சிவன்கே,

"பார்த்தால் பசி தீரும்" தொடக்கமே களை கட்டி விட்டது.

திரு.காவேரிக் கண்ணன், திரு.ஜேயார், திரு.கார்த்திக்,

பாராட்டுக்கு நன்றி!

டியர் ராகவேந்திரன் சார்,

இந்த எளியேனையும் பெருமைப்படுத்திய தங்களுக்கு நன்றி!

காஸினோ அரங்கம் குறித்த கூடுதல் தகவல்கள் அசத்தல்!

அன்புடன்,
பம்மலார்.

ஒய்.ஜி. விழா - 2

விழா மேடையை விழாத் தலைவர் முதல்வர் கலைஞர், விழா நாயகன் ஒய்.ஜி., திருமதி.ஒய்ஜிபி, இயக்குநர் சிகரம் கே.பாலசந்தர், கலைஞானி கமல், கவிப்பேரரசு வைரமுத்து ஆகிய பிரமுகர்கள் அலங்கரித்தனர். மேலும், விழா மேடையை அமரர் ஒய்ஜிபி, அமரர் நடிகர் திலகம் ஆகியோரது திருவுருவப் படங்களும் அலங்கரித்தன. தன்னைப் பெற்ற தந்தைக்கும், தான் பெற்ற தந்தைக்கும் ஒய்ஜி அவர்கள் மலர் தூவி வணங்கினார். தமிழ்த்தாய் வாழ்த்துடன் விழா இனிதே துவங்க, திரு.ஒய்ஜியின் மகள் திருமதி.மதுவந்தி அருண் வரவேற்புரை நல்கி விழா நிகழ்வுகளைத் தொகுத்தளித்தார். முதல் நிகழ்வாக, UAA குழுவின் கல்தூண்களாக விளங்கியவர்கள் கௌரவிக்கப்பட்டார்கள். விழா மேடையை அலங்கரித்தவர்களுக்கு நினைவுப் பரிசுகள் வழங்கப்பட்டன. பின்னர் சிறப்பு விருந்தினர்கள் ஒவ்வொருவராக சிறப்புரையாற்றினார்கள். இறுதியில் விழாத் தலைவர் பாராட்டுரை வழங்கினார். ஏற்புரையை விழா நாயகன் ஒய்ஜி இனிதே நல்கினார்.

(விழா உரைகளில், நமது நடிகர் திலகம் குறித்து கூறப்பட்ட செய்திகள் மட்டும் கொடுக்கப்பட்டுள்ளன)

விழா உரைகள்
-------------------
இயக்குநர் சிகரம் கே.பாலசந்தர் அவர்களின் சிறப்புரை:
"சிவாஜி நடித்த வியட்நாம் வீடு நாடகத்தை, நான் சென்னை எழும்பூர் மியூசியம் ஹாலில் பார்த்தேன். அப்படியே அந்த நாடகத்தில் ஐக்கியமாகி கட்டுண்டு போனேன். நாடகம் முடிந்து எல்லோரும் கிளம்பிப் போய் விட்டார்கள் (நாடகக் குழு உட்பட). நான் அப்படியே அந்த ஹாலில், நாற்காலியில் உட்கார்ந்திருந்தேன். அந்த அளவுக்கு நாடகம் என்னை முழுவதுமாக பாதித்திருந்தது. ஹால் காவலாளி என்னைத் தட்டி எழுப்பி இவ்வுலகுக்கு வரச் செய்தார். பிரஸ்டீஜ் பத்மநாப ஐயர் சிவாஜியையும், கதாசிரியர் சுந்தரத்தையும் பார்க்க விரும்பினேன். அவர்கள் எப்போதோ கிளம்பிப் போயிருந்தார்கள். பின்னர், ஒரு நிறைவான நாடகத்தை கண்டு களித்த திருப்தியோடு வீடு திரும்பினேன்.

சமீபத்தில், வியட்நாம் வீடு நாடகத்தை மேடையேற்றப் போவதாகவும், அதில், தான், சிவாஜி நடித்த பிரஸ்டீஜ் பத்மநாப ஐயர் பாத்திரத்தில் நடிக்கப் போவதாகவும் ஒய்ஜி என்னிடம் கூறிய போது நான் என்ன பதில் கூறினேன் தெரியுமா?! 'ஒய்ஜி, நீ இந்த நாடகத்தில், இந்தப் பாத்திரத்தில் வெற்றியடைய வேண்டுமானால், இதில் சிவாஜி நடித்ததை மறந்து விடு. அவரை இமிடேட் செய்து, அவரைப் போல் யாராலும் நடிக்க முடியாது. நீ இயன்ற அளவுக்கு உன் பாணியிலேயே நடி. அது தான் நல்லது' என்று கூறி அனுப்பினேன். நாடக அரங்கேற்றத்தன்று நானும் சென்றிருந்தேன். முதன்முதலில் இந்நாடகத்தைப் பார்த்த போது ஏற்பட்ட அதே அனுபவம், மீண்டும் ஏற்பட்டது. இன்றும் அதே நிலை தான். நான் எப்பொழுது பார்த்தாலும் சரி, வியட்நாம் வீடு என்னைக் கட்டிப் போட்டு விடும் நாடகம்."

தொடரும் .....

அன்புடன்,
பம்மலார்.

காலை வணக்கம் எல்லோருக்கும் . 4 நாட்கள் சென்னையில் இல்லை இன்று காலை சென்னை வந்தேன் வந்தவுடன் நமது forum ஓபன் செய்தேன் ஏப்ரல் 28th திரி 45 பக்கங்கள் இன்று அது 49 எத்தனை தகவல்கள் திரு பம்மலர் அவர்களுக்கு மிக்க நன்றி நெல்லையில் திரையிடப்பட்ட நம்மவரின் திரை காவியங்கள் பற்றி எழுதி இருந்தார் நினைவுகள் சிறகடித்து பறக்கின்றன், நெல்லை பூர்னகலவில் மன்னவன் வந்தானடி தொடர்ந்து 34 காட்சிகள் அரங்கு நிறைந்து ஓடி கொண்டிருந்தது 35 வது காட்சி tuesday இரவு கட்சி housefull ஆகவில்லை. ரசிகர் மன்றதிலிருண்டு மிச்ச டிக்கெட் வாங்கி எல்லோர்ருக்கும் கொடுத்தார்கள் . அப்போது நெல்லை மாவட்ட mgr மன்ற செயலாளர் திரு திரவியராஜ் (இம்பீரியல் பாட்டரி
சர்வீஸ் owner ) அவர்கள் வந்து சிறபிதர்கள்.
உத்தமன் இறுதி நாள் இரவு காட்சி அதே நெல்லை பூர்னகலவில் 'தேவன் வந்தானடி ஒரு தீபம் கொண்டாடி காதல் கொண்டானடி பல கட்டிலும் கொண்டாடி' பாடல் once மோர்
kettu operator oali parapinar migavum inimaiyana நினைவுகள் . thai thirai padathi pattri ezhudi irunden thiru murali/ragavender/saradha madem avargal melum adhu pattri ezhudinal suvai aaga irukkum

Guys,

On the weekends (Sat. and Sun.) by 6 hours I have watched following thalaivar NT movies

1. SivandhaMann
2. Gauram
3. Rajapat Rangadurai
4. Sivagamin Selvan
5. Sorgam
6. Deepam

Watched only NT scenes and songs.

Well, come back to "Thanga Surangam" re-released in Chinthamani theater, Madurai. TS released after gap of 10 years and very very big (60 feet) cutout of Sivaji (introduction scene, NT with cap and suitcase) and lots lots of garland. GoldStar Sivaji wing has posters for this movie and all Madurai fans had posters like new movie and collection is unbelievable, it has run for 2 weeks in Chinthamani.

Cheers,
Sathish

Quote:

---

Originally Posted by gkrishna

' thai' thirai padathi pattri ezhudi irunden thiru murali/ragavender/saradha madem avargal melum adhu pattri ezhudinal suvai aaga irukkum

---

Krishnan,

already our Raghavendar sir and saradha mam wrote about the movie 'தாய்' in the earlier pages of this part 6.

சிவாஜிக்கு பெரிய ரசிகன் யார்?-கமல்ஹாஸன்
http://thatstamil.oneindia.in/movies...ni-sivaji.html

Quote:

---

Originally Posted by NOV

watched Karnan once again on Vellithirai. eththanai thadavai paarththaalum thigattaatha mahaa kaaviyam.
saththiyamaa sollren, innoruththen porandhu varanum.....

---

இன்னொருத்தரெல்லாம் பொறந்து வர முடியாது ..நடிகர் திலகம் தான் பொறந்து வரணும் 8-)

கேள்வி பிறந்தது! நல்ல பதில் கிடைத்தது! - 3

கே: நான் ஏமாந்தவன் என்று சிவாஜி வருத்தப்படுகிறாரே? (உஷா செந்தில், கூந்தளிர்)

ப: தேவையில்லை. நம் காலத்தில் அரசியலில் நேர்மை காத்த ஒரே மனிதர் சிவாஜி. பதவியில் இருப்பவர்கள் கூட ஊட்ட முடியாத தேசப்பற்றை, பதவியில் அமராத போதும் தமிழக மக்களுக்கு உணர்த்தியவர். தொழிலில் ஈடுபாடு, நேரந்தவறாமை, திறமையை வெளிப்படுத்துவதில் 100க்கு 110 சதவிகிதம் முயற்சி ஆகியவை சிவாஜியின் வாழ்க்கையிலிருந்து மற்றவர்கள் கற்க வேண்டிய பாடங்கள். இந்தப் பொருள் பொதிந்த வாழ்க்கையைப் பற்றி சிவாஜிக்கு இப்படி ஒரு எண்ணம் தேவையல்ல.

(ஆதாரம் : கல்கண்டு, 24.8.1995)

அன்புடன்,
பம்மலார்.

பார்த்தால் பசி தீரும்

வேலுவை தேடி சென்னை வந்த பாலு, வேல் அண்ட் கோ வில் வேலை செய்யும் சக்ரபாணி(தங்கவேலு) வீட்டிற்கு குடியிருக்க வருகிறான். வீட்டில் குடியிருக்க இடம் குடுத்த சக்ரபாணி தனது கம்பனியிலேயே பாலுவிற்கும் வேலை தேடி தருவதாக சொல்கிறான். அவனது பேச்சை கேட்டு மறுநாள் அந்த கம்பனி செல்லும் பாலுவை வெளியில் இருக்க வைத்து, முதலாளியிடம் நண்பனுக்காக வேலை கேட்க போகிறான் சக்ரபாணி. சிபாரிசை அடியோடு வெறுக்கும் வேல் அண்ட் கோ வின் முதலாளி வேலு, ஆம் நமது பழைய நண்பன் வேலு தான், முதலில் மறுத்தாலும் பின்பு வேலை தேடுபவர் ஒரு எக்ஸ் சர்வீஸ்மான் என தெரிந்து தன்னை மறுநாள் வந்து பார்க்க சொல்லி அவசரமாக வெளியில் போகிறான். வேலு வெளியே போவதை பார்த்த பாலு, அவன் யார் என்று சக்ரபாணியிடம் தெரிந்து கொண்டு அவனது வீடு விலாசத்தை வாங்கி அவனை சந்திக்க செல்கிறான். போகும் வழியில் வீட்டிற்க்கு ஓடி போய் தங்கையிடம் வேலுவை கண்டாகி விட்டது, அவனை தான் காண போகிறேன் என்ற விஷயத்தை சொல்ல, மகிழ்ச்சி கடலில் மிதக்கிறாள் இந்திரா.

அவசர வேலையை முடித்து கொண்டு தனது பங்களாவிற்கு திரும்பும் வேலுவை வரவேற்கிறாள் அவனது மனைவி ஜானகியும் (சௌகார்), மைத்துனி சரோஜாவும்(சரோஜாதேவி). சரோஜா காலேஜில் படிக்கும் அழகிய இளம் பெண், ஆட்டத்திலும் பாட்டத்திலும் மிகுந்த ஆசை கொண்டவள் (பார்த்தால் பசி தீரும் பாடல்). மகன் குமாருடன் (கமல்) பேசி கொண்டிருக்கும் வேளையில் வாசலில் நுழையும் பாலுவை அடையாளம் கண்டு கொண்ட வேலு அவனை அப்படியே வாரி அனைத்து கொள்கிறான். வேலுவையும் அவனது குடும்பத்தையும் கண்ட பாலுவின் மனதில் பெரும் அதிர்ச்சி. வேலுவின் மேல் வெறுப்பு வளர்கிறது. மனைவியிடம் காப்பி கொண்டு வர சொல்லிவிட்டு பாலுவை தனது அறைக்கு அழைத்து செல்லும் வேலு, அவனிடம் மனம் திறந்து பேசுகிறான். தான் இந்திராவை காதலித்து மணமுடித்தது. உடனே அவளை பிரிந்தது, திரும்பி வந்து தேடிய போது அவளும் அவள் கிராமமும் அழிந்து மண்ணோடு மண் ஆகி போனதும், மனைவி இறந்த துயரம் தாங்காமல் திரும்பி சென்னை வந்ததும், தந்தையின் வருபுறுத்தலால் இதய நோயாளியான, அத்தை மகள் ஜானகியை மணம் புரிய நேரிட்டதையும் சொல்லி வருந்தினான் வேலு. வேலுவின் மேல் தவறில்லை என்று புரிந்து கொண்ட பாலு, மெதுவாக இந்திராவும் அவனது மகன் பாபுவும் தன்னுடன் தான் சக்ரபாணி வீட்டில் இருக்கிறார்கள் என்று கூற, வேலு பைத்தியம் பிடித்த நிலைக்கு ஆளாகிறான். அவர்களை பார்க்க துடிக்கும் வேலுவை, ஜானகியின் நோயை கூறி கட்டுபடுத்தும் பாலு, இதற்க்கு ஒரு வழி கண்டு பிடிப்பதாகவும் அது வரை இது யாருக்கும் தெரிய வேண்டாம் என சத்தியம் வாங்கி கொள்கிறான். சக்ரபாணி அழைத்து வந்த ஆள் பாலு தான் என்று மகிழும் வேலு, பாலுவின் கால் ஊனத்தை பார்த்து துடித்து போகிறான்.

கணவன் வரப்போகிறான் என்று எண்ணி தன்னை அலங்கரித்து கொள்ளும் இந்திரா (அன்று ஊமை பெண்ணல்லோ பாடல்) காலடி சப்தம் கேட்டு ஆசையுடன் ஓடி வர, அவளை வேதனை படுத்தும் செய்தியை தருகிறான் பாலு. தான் வேறு யாரையோ வேலு என்று எண்ணி ஏமாந்து அவளையும் ஏமாற்றி விட்டதாக சொல்லி மன்னிப்பு கேட்கும் அவனை தேற்றுகிறாள் அந்த பேதை.

Thanks Mr. karthik, Ragavendra sir, Pammalaar sir. ellam unga aasaeervaadham thaan

எம் தந்தை
http://www.youtube.com/watch?v=da89d...eature=related

ராகவேந்தர் சார்,

1972-ஐ மறக்கவே கூடாது. ஆனால் நான் மறந்து விட்டேன். நினைவுப்படுத்தியதற்கு நன்றி.

சுவாமிக்கு தகவல் திலகம் என்று ஏற்கனவே அளித்து விட்டேன் பட்டம்.

சிவன்,

நான் வெகு நாட்களாக நினைத்துக் கொண்டிருந்தேன். இந்த திரியில் உங்களின் பங்களிப்பு வந்து நிறைய நாட்களாயிற்றே என்று. அந்த குறை நீக்கி அமர்களமாக கதையை கூற ஆரம்பித்திருக்கிறீர்கள். படத்தைப் பற்றிய விமர்சனத்தை ஆவலுடன் எதிர்பார்கிறேன்.

சுவாமி,

ஒய்.ஜி.எம் நிகழ்ச்சி வர்ணனை நன்றாக இருக்கிறது.

சத்யா,

இந்த திரியில் உங்கள் முதல் பதிவே, அது ஓரிரு வரிகளே ஆனபோதும், முத்தாய்ப்பான பதிவாக அமைந்து விட்டது.

சதீஷ்,

உங்களுக்கு ஞாபகம் இருக்கும் என நினைக்கிறேன். தங்கச் சுரங்கம் சிந்தாமணியில் வெளியானபோது [1985 ஆகஸ்ட் 16 ] அதற்கு முதல் நாள்தான் முதல் மரியாதை குருவிலும் மதுவிலும் வெளியானது. ஆனால் பெரும்பாலான ரசிகர்கள் சிந்தாமணிக்குதான் வந்திருந்தார்கள்.

அன்புடன்

பார்த்தால் பசி தீரும்

மறுநாள் வேளையில் சேரும் பாலுவிற்கு பெரும் அதிர்ச்சி. குமாஸ்தாவின் இடத்தில் அமரும் அவனை தன்னுடைய பார்ட்னராக ஆக்கி மகிழ்கிறான் வேலு. பாலுவின் குணத்திலும் கம்பீரத்திலும் மயங்கி அவனிடம் தன மனதை பறி கொடுக்கும் சரோஜா அவனை தன் கல்லூரியில் நடக்கும் விழாவிற்கு அழைக்கிறாள். நாட்டியம் ( இசை மட்டும் தான் பாடல் இல்லை) முடிந்த பின் பாலுவை அவன் வீட்டில் விடும் வேலு அங்கு ஒரு சிறுவன் பாலுவை அப்பா என்று அழைப்பதையும், வீட்டு வாசலில் நிற்கும் இந்திரா அவனை ஏறெடுத்து பாராததையும் எண்ணி புழுங்குகிறான். மறுநாள் ஆபிசில் வேலுவின் கோவத்தை கண்டு பாலு, இந்திராவின் கதையை கூறுகிறான். கண்ணிழந்து அகதியாய் டில்லியில் தன்னால் காப்பாற்ற பட்ட இந்திரா தன் தங்கையை போல் என்றும், அவளது வாழ்விற்காக தான் எதையும் தியாகம் செய்ய தயார் என்பதையும் விளக்குகிறான். ஏற்கனவே பாலுவிடம் பெரும் கடமைப்பட்ட வேலு இதை கேட்டு அவன் மேல் இன்னும் அன்பை சொரிகிறான். இந்திராவை பார்க்க துடிக்கும் வேலுவை பாலுதான் அவ்வப்போது கட்டு படுத்தி வைக்கிறான்.

நாளாக நாளாக பாலுவின் மேல் சரோஜாவிற்கு காதல் பெருகுகிறது(யாருக்கு மாப்பிள்ளை யாரோ பாடல்). இரு தலை கொள்ளி எறும்பாக தவிக்கும் வேலுவின் காரில் ஒரு நாள் இந்திரா வந்து விழ, அதை தாங்காமல் இரவில் அவளை காண வரும் வேலுவை மீண்டும் அவனது வீட்டில் கொண்டு விடும் பாலுவை சற்று சந்தேக கண்ணோடு பார்க்கிறாள் ஜானகி. தனக்கு திருமணமாகவில்லை என்று சொல்லும் பாலு தன் வீட்டில் ஒரு குருட்டு பெண்ணையும் ஒரு சிறுவனையும் வைத்து இருப்பது அவளுக்கு ஒரு ஐயத்தை ஏற்படுத்துகிறது. மனைவிக்கு தெரியாமல் தனது சொத்தில் பாதியை பாலுவின் பெயரில் எழுதி, அதை இந்திராவிற்கும் பாபுவிற்கும் கொடுக்குமாறு கொடுக்க, பெரும் தயக்கத்திற்கு பிறகு ஏற்று கொள்கிறான் பாலு. தன் மகன் குமார் படிக்கும் பள்ளியிலேயே பாபுவையும் சேர்க்க செய்கிறான் வேலு.

சரோஜாவின் பால் காதல் பாலுவின் மனத்திலும் படர்கிறது (கொடி அசைந்ததால் காற்று வந்ததா பாடல்). பள்ளி நண்பனான பாபுவை தன் வீட்டிற்கு கூட்டி வரும் குமார், தன் தாயிடம் பாலுவின் மகன் என அறிமுகம் செய்ய ஜானகியின் மனதில் ஐயம் வேர் விட்டு வளர்கிறது. குடும்பத்தோடு சினிமா பீச் செல்ல தயாராகும் வேலு பாபு மரத்தில் இருந்து விழுந்து காயப்பட்ட செய்தி கேட்டு ஓடுவது ஜானகியின் மனதில் கோவத்தையும் பாலுவின் பால் வெறுப்பையும் அதிகரித்தது. அமைதியாக சென்ற தன் வாழ்வு பாலுவின் வரவால் சீரழிந்தது என்று அவனிடம் வெறுப்பை பொழிகிறாள். காயப்பட்ட பாபுவை கையில் ஏந்தி வாழ்வின் நிலைமையை எண்ணி பாடுகிறான் (பிள்ளைக்கு தந்தை ஒருவன் பாடல்).

சரோஜாவின் காதலை அறிந்த ஜானகி அதை எதிர்க்கிறாள். வீட்டிற்கு வரும் பாலுவை வார்த்தைகளால் எரித்து கொட்டும் ஜானகி அவன் வரவால் தான் அவள் குடும்ப அமைதி ஒழிந்தது என்று சாடுகிறாள். மனம் கலங்கி செல்கிறான் பாலு ( உள்ளம் என்பது ஆமை பாடல்). பாலுவிற்கு பரிந்து வரும் சரோஜாவிடம், தனது ஐயத்தை சொல்கிறாள் ஜானகி. அக்காவின் வார்த்தையை கேட்டு பாலுவின் வீட்டிற்கு செல்லும் சரோஜா அங்கே பாபு பாலுவை அப்பா என்று அழைப்பதை தவறாக புரிந்து கொண்டு, பாலுவின் மேல் வெறுப்படைந்து வீடு திரும்புகிறாள். அவள் பின்னாலே உயிலை எடுத்து கொண்டு செல்கிறான் பாலு. நடந்ததை பாபுவின் மூலம் அறிந்த இந்திராவும் அங்கு செல்கிறாள். உயிலை அவர்களிடம் கொடுத்து விட்டு ஊரை விட்டு விலகி போக முடிவெடுக்கும் பாலு அங்கு வரும் இந்திராவை கண்டு திகைக்கிறான். தன் முன் யார் இருக்கிறார்கள் என்று அறியாத இந்திரா அவர்களிடம் தன் கதையை கூறுகிறாள். புனிதமான உறவை களங்க படுத்த வேண்டாம் என்று கெஞ்சும் இந்திராவை பார்க்க முடியாமல் தன்னை வெளி படுத்தி கொள்கிறான் வேலு. கதை கேட்ட உடனே உண்மை புரிந்து கொண்ட ஜானகி, இதயவலியால் அவதிபடுகிறாள். தான் இறப்பது திண்ணம் என்று உணர்ந்த ஜானகி, தன் மரணத்துக்கு பிறகு தன் கண்களை இந்திராவிற்கு பொருத்துமாறு கூறி அவர்களை இணைத்து மறைகிறாள்.

பார்த்தால் பசி தீரும்- ஒரு அலசல்

நட்புக்காக வாழும் ஒரு சிறந்த மனிதனின் கதை இது. நடிகர்திலகம் ஒரு மிகை நடிகர் என்று கூறுவோர் முகத்தில் கரியை பூசும் மிதமான ஆழமான நடிப்பு. பாடி லாங்க்வேஜ் என்றால் என்னவென்று இப்படத்தில் அவரது நடிப்பை பார்த்து புரிந்து கொள்ளலாம். படத்தை ஓவர் டாமினேட் செய்யாமல் ஜெமினிக்கும் நிறைய வாய்ப்புகள் கொடுத்து இருப்பார். விமான ஓட்டிகளில் தலைமை விமானி ஜெமினி, ந.தி. துணை விமானி தான். அந்த ஓவராலும் (போர் விமானி சீருடை) அந்த பழங்காலத்து தொப்பியும் அவருக்கு மிக பாந்தமாக இருக்கும். அந்த கம்பீர நடை, பின்பு கால் ஊனமுற்று விந்தியபடி நடக்கும் நடை அழகு, அது அவரால் மட்டும் தான் முடியும்.

குற்றவாளி கூண்டில் ஏறி, நேதாஜியின் புகழ் பாடும் நேரத்தில் பெருமிதம், ஜெமினியை தமிழ்நாட்டு காதல் மன்னா என்று அழைக்கும்போது ஏளனம், காயம் பட்ட கமலை கையில் வைத்து பாடும் போது ஆற்றாமை, சாவித்திரிக்கு நம்பிக்கை கொடுத்து பின் அதை நிறைவேற்றமுடியாமல் போகும் போது ஏற்படும் தவிப்பு, குடும்பத்தோடு வாழும் ஜெமினியை பார்க்கும் போதும் ஏற்படும் கோபம், திருட்டுத்தனமாக வரும் ஜெமினியை வீட்டில் கொண்டு விட்டு அவருக்கு புத்திமதி சொல்லும்போது கட்டும் முதிர்ச்சி, நடையில் கம்பீரம், கண்களில் கருணை என்று அனைத்தையும் கண்களாலேயே காட்டி இருப்பார்.

வேலுவாக ஜெமினி, அவர் நடித்த படங்களில் மிக சிறந்த ஒன்றாக இதை கருதலாம். காதல் காட்சிகளிலும், பின்பு இருதலை கொள்ளி எறும்பாக தவிக்கும் இடங்களிலும் வெளுத்து வாங்கி இருப்பார்.

சாவித்திரி பற்றி கூறவே வேண்டாம். குதூகலமான இந்த்ரோமாகவும், கண்ணிழந்த இந்திராவாகவும் நடிப்பை பிழிந்து தள்ளி இருப்பார். பாசமலர், கை கொடுத்த தெய்வம், நவராத்திரி போன்ற படங்களை போல் இப்படத்திலும் ந. தி. க்கு இணையாக நடித்து இருப்பார்.

சௌகார் ஜானகிக்கு டைலர் மேட் பாத்திரம் இது. வெகு பொசசிவான மனைவி பாத்திரம் அவருக்கு. இப்பாத்திரத்தை அவரை விட வேறு யாராலும் சிறப்பாக செய்து இருக்க முடியாது.

சரோஜாதேவிக்கு இப்படத்தில் அதிக வாய்ப்பில்லை. கொடுத்த பாத்திரத்தை செவ்வனே செய்து முடித்துள்ளார்.

கமலுக்கு இரண்டாவது படம், இரட்டை வேடம். லாப்படி பேசும் பாபுவிற்கு குமாரை விட வாய்ப்புகள் அதிகம். அதிகம் வராவிட்டாலும் படம் முழுதும் வியாபித்து நிற்பது அவரது நடிப்பு திறமையை அன்றே வெளிப்படுத்தியது. தங்கவேலுவுடன் காமெடி சீன்களிலும் வெளுத்து வாங்கி இருப்பார் அவர்.

தங்கவேலு, சரோஜா, c .k .சரஸ்வதி காமெடிக்காக வரும் ஊறுகாய்கள். இதில் சி.கே .சரஸ்வதி மிகவும் அடக்கி வாசித்து இருப்பார். உருளும் கண்கள் இதில் இருக்காது. மருமகளிடம் சதா சண்டையிடும் ஒரு நல்ல மனம் கொண்ட மாமியாராக வருவார்.

ஏவீஎம் வெளியீட்டில் வந்த படம் இது. நடிகர்கள் என்று பார்த்தால் 10 பேருக்கு மேல் கிடையாது. படத்தையே 10 காட்சிகளாக பிரித்து விடலாம். படத்தில் வில்லனே கிடையாது. பீம்சிங்கின் படங்களில் தவறாமல் வரும் எம்.ஆர். ராதா இதில் கிடையாது. ஏ.சி. திருலோகசந்தர் கதையில் ஆருர்தாஸ் வசனம் கோடையில் சாப்பிடும் தயிர்சாதமும் மாவடுவும் போல. மெல்லிசை மன்னர்களின் இசையில் மொத்தம் ஏழு பாடல்கள். பின்னணி பாடியவரோ மூன்றே பேர் தான். டி.எம்.எஸ். சுசீலா, ஏ.எல்.ராகவன்.
இந்த மொத்த பதார்த்தங்களை ஒரு தேர்ந்த சமையல்காரர் போல் சுவையாக சமைத்திருப்பார் பீம்பாய்.

கவியரசர் இப்படத்தில் தனது கற்பனை குதிரையை தட்டி விட்டு இருப்பார். மெல்லிசை மன்னர்களும் அவரது ரசனைக்கேற்ப மெட்டமைத்து இருப்பார்கள். கொடி அசைந்ததும் காற்று வந்ததா, காற்று வந்ததும் கொடி அசைந்ததா ஒன்றே போதுமே அந்த அதீதமான கற்பனை வெள்ளத்தை நாம் பாராட்ட. காட்சிக்கு தகுந்தாற்போல் பாடல்கள் இப்படத்தில் வருவது ஒரு சிறந்த விஷயம். பிள்ளைக்கு தந்தை ஒருவன் பாடலின் வேதனை நம்மை உருக்கும். கணவனை எண்ணி இந்திரா பாடும் அன்று ஊமை பெண்ணல்லோ நம்மை அப்படியே அழ வைக்கும். தமிழ் வாத்தியார் ஜெமினியின் அன்று ஊமை பெண்ணல்லோ நம்மை ஆட வைக்கும். எத்தனை முறை கேட்டாலும் தெவிட்டாத அமுதம் இப்பாடல்களும் அதன் இசையும்.

கணேசரின் அருளால் என்னால் இயன்ற வரை எழுதி விட்டேன். பிழை இருந்தால் பொருத்தருள்வீராக.

வாய்ப்புக்கு நன்றி

Thanks Murali. I will certainly try to contribute more in future

Murali,

You are right, "Mudhal Mariyathai" released both in Guru and Madhu theatres and at Madhu, MM run for 88 housefull days and I have been there for couple of days to check the crowd and met many NT fans there.

Sivan, your skills matching with Saradha sister, I could see each scene of "Parthaal Pasi Therum" in your writings. PPT, one of NT movie's DVD I don't own. I will buy this movie soon.

Murali, just curious are you from South Gate area in Madurai and not sure whether I have met you in Sundays at NT's movies released theatre.

Pammallar, your writing is excellent, plesae keep make us happy by giving new NT's details.

Saradha sister, no writing from your side for some time.

I am looking for film review of following movie

1. Justice Gopinath (very average movie or...)
2. Naam Iruvar (NT's 250 movie)
3. Tharma Raja
4. Vetrikku Orugan

Cheers,
Sathish

NT - A tribute from Singapore
http://video.google.com/videoplay?do...33588006801092

Thanks Sivank for Parthal Pasi Theerum

It's a nice movie. NT's 75th. AVM-ACT-NT-Beemsingh-Arurdoss combo. The narration of the movie style was probably similar to old english movies

Oru B&W parkira feeling varathu. Marubadium parka thoondum padam.

Saroja Devi loves NT a handicapped soldier.

Songs are honey. Ithil varum oru padal Kodi asainthathum back ground reminds Puthiya Paravai Chitu kuruvi mutham koduthu. May be similar location.

பா.ப.தீ. = விமர்சனம் அற்புதம்

Quote:

---

Originally Posted by sivank

பார்த்தால் பசி தீரும்- ஒரு அலசல்

நட்புக்காக வாழும் ஒரு சிறந்த மனிதனின் கதை இது. நடிகர்திலகம் ஒரு மிகை நடிகர் என்று கூறுவோர் முகத்தில் கரியை பூசும் மிதமான ஆழமான நடிப்பு. பாடி லாங்க்வேஜ் என்றால் என்னவென்று இப்படத்தில் அவரது நடிப்பை பார்த்து புரிந்து கொள்ளலாம். படத்தை ஓவர் டாமினேட் செய்யாமல் ஜெமினிக்கும் நிறைய வாய்ப்புகள் கொடுத்து இருப்பார்.

---

பார்த்தால் பசி தீரும் மட்டுமல்லாமல், மோட்டார் சுந்தரம் பிள்ளை போன்ற பல படங்களிலும் அண்டர்பிளே செய்திருப்பார். அவரது நடிப்பின் தன்மை எப்போதுமே இயக்குனரின் விருப்பத்துக்கும் தேவைக்கும் தகுந்த அளவே இருக்கும். நுணுக்கமான ரசனை உள்ளவர்கள் இதனை அறிவர். மற்றபடி மிகை நடிப்பு என்று சொல்பவர்களில் பலர் படத்தை முழுமையாகப் பார்க்காமல் தொலைக்காட்சியில் துண்டு காட்சியை பார்த்து கருத்து சொல்பவர்களாகவோ அல்லது படம் வெளி வந்த காலகட்டத்தின் திரைமொழியை கருத்தில் கொள்ளத் தவறியவராகவோ இருப்பார். தங்கள் அபிமான நடிக்ர் சிவாஜி போல பன்முகத் தன்மையுடய பாத்திரங்களில் நடிக்கும் திறனற்று இருப்பதை மறைக்க சிவாஜி நடிப்பு மிகை நடிப்பு என்று சொல்லும் ஒரு சிலர் உள்ளனர் - என் நண்பர்கள் ஒரு சிலர் கூட.

டியர் சிவன்.K,

உங்களின் 'பார்த்தால் பசிதீரும்' பட ஆய்வுக்கட்டுரை மிக மிக அருமை. படத்தை இன்னொருமுறை பார்த்தது போலிருந்தது. கதை விளக்கமும், கடைசியில் கொடுத்த திறனாய்வும் மிக அருமையாக அமைந்திருந்தது.

சமீபத்தில் நமது நண்பர் மோகன் (ரங்கன்) நமது திரியில் சமீபகாலமாக திரைப்பட விமர்சனக்கட்டுரைகள் வருவதில்லையென்று குறைபட்டிருந்தார். அவரது குறையை மட்டுமல்ல, நம் அனைவரின் ஏக்கத்தையும் தீர்த்து விட்டீர்கள். தொடர்ந்து உங்களின் இதுபோன்ற அற்புத விமர்சனங்களை எதிர்பார்க்கிறோம்.

சின்ன டிப்ஸ்: மூன்று நான்கு பாகங்கள் வரக்கூடிய விமர்சனமானால், முதலில் நான்கு இடங்களை அடுத்தடுத்து ரிசர்வ் செய்து வைத்துக்கொண்டு, ஒவ்வொரு இடமாக எடிட் செய்து பதித்தால், விமர்சனம் துண்டு துண்டாக நிற்காது. இடையிடையே மற்றவர்களின் பதிவுகள் வந்தாலும் இடையூறு இருக்காது. (என்னுடைய 'எங்கிருந்தோ வந்தாள்' விமர்சனம் இப்படி துண்டு துண்டாக அமைந்தபின் வந்த ஞானோதயம் இது :lol: ).

Thanks Saradha. I will certainly keep in mind what you suggested

Thanks Sankara, Mahesh, Goldstar, Bala

சிவன்,

படத்தின் திரைக்கதையை போலவே திறனாய்வையும் இன்னும் கொஞ்சம் பெரிதாக எழுதியிருக்கலாமோ என்று ஒரு எண்ணம். காரணம் எழுதிய விதம் சுவராஸ்யம். அது மட்டுமல்ல நமக்கு எப்போதும் நடிகர் திலகத்தைப் பற்றி எவ்வளவு பேசினாலும் எவ்வளவு எழுதினாலும் போதாது அல்லவா. இது போல் மேலும் பல படங்களின் திறனாய்வுகள் உங்கள் தூரிகையிலிருந்து வெளிவரட்டும்.

மகேஷ்,

அழகாக எழுதியிருக்கிறீர்கள். உங்கள் நடையில் ஒரு நல்ல flow இருக்கிறது. நீங்களும் படங்களைப் பற்றிய விமர்சனம் எழுதலாம்.

Sathish,

I don't belong to South Gate area. We lived in the heart of the town off Town hall road during my school and college days. The chances of we having met are very remote because during mid 80s, I had moved away from Madurai due to occupational reasons and later came back only in the late 90s.

அன்புடன்

இதை எழுதிக் கொண்டிருக்கும் இந்த இரவு நேரத்தில் இசை அருவி மற்றும் ஜெயா சானல்களில் பாடல்கள் ஒளிப்பரப்பாகிக் கொண்டிருக்கின்றன. அருவியில் தத்துவ சோகப் பாடல்கள் என்றால் ஜெயாவில் சந்தோஷ டுயட்கள். மொத்த படங்கள் கூட வேண்டாம். பாடல்களைப் பார்த்தாலே எவ்வளவு வெரைட்டி?

போனால் போகட்டும் போடா

பூமாலையில் ஒரு மல்லிகை

படைத்தானே படைத்தானே

நீ வரவேண்டும் என எதிர்பார்த்தேன்

சட்டி சுட்டதடா

இதயம் இருக்கின்றதே

ஆறு மனமே ஆறு

உலகம் இதிலே அடங்குது.

பார்க்க பார்க்க கேட்க கேட்க என்றும் இனிப்பவை அன்றோ இவை!

டியர் முரளி,
நானும் இந்த நிகழ்ச்சிகளைப் பார்த்துக் கொண்டிருந்தேன். அனைத்துப் பாடல்களும் நெஞ்சை அள்ளிக் கொண்டு போகின்றன.
நெஞ்சை அள்ளும் நேரத்தில் நெஞ்சை நெகிழ வைக்கும் ஒரு துயர செய்தியைப் பகிர்ந்து கொள்ள வேண்டியிருக்கிறது.
நமது இளைய திலகம் பிரபு தென்சென்னை மாவட்ட நிர்வாகியும் தீவிர சிவாஜி ரசிகருமான திரு தாமு எ தாமோதரன், 04.05.2010 அன்று திடீரென்று மாரடைப்பால் காலமானார். காலையில் பார்த்த சாரதி கோயிலில் பிரம்மோத்ஸவத்தை முன்னிட்டும் நடிகர் திலகத்தின் மண நாளையொட்டியும் அன்னதானம் வழங்கி, நிகழ்ச்சியை மேற்பார்வையிட்டு விட்டு மற்ற நிகழ்ச்சிகளுக்காக ஏற்பாடு செய்வதற்காகவும் தொடர்புடைய மற்ற காரியங்களுக்காகவும் வீட்டுக்கு வந்திருந்திருந்தவருக்கு கடுமையான மாரடைப்பு ஏற்பட்டு இயற்கை எய்தியுள்ளார்.
அவரது மறைவு அவரது குடும்பத்திற்கு மட்டுமின்றி, பிரபு ரசிகர் மன்றங்களுக்கும் நண்பர்களுக்கும் இளைய திலகம் பிரபு அவர்களுக்கும் பேரிழப்பாகும்.
அவர் நம்முடைய ஹப்பிற்கு தொடர்பில்லாதவர் என்றாலும் இங்கே அவருடைய நண்பர்கள் யாராவது இருக்கக் கூடும் என்பதால் தகவலுக்காக இங்கே தரப்பட்டிருக்கிறது.

அவரது ஆன்மா சாந்தியடைய இறைவனை வேண்டுகிறோம்.

ராகவேந்திரன்

திரு.தாமு அவர்களின் மறைவுக்கு எனது இதயபூர்வமான அஞ்சலி. அவரது ஆன்மா சாந்தியடைய இறைவனைப் பிரார்த்திக்கிறேன். அவரது பிரிவால் வாடும் அத்துணை பேருக்கும் எனது ஆழ்ந்த அனுதாபங்கள்.

பம்மல் ஆர்.சுவாமிநாதன்.

கேள்வி பிறந்தது! நல்ல பதில் கிடைத்தது! - 4

கே: சிவாஜி தம் வீட்டிற்கு அன்னை இல்லம் என்று பெயர் வைத்திருப்பதேன்? (மைத்ரேயி நடராஜன், மதுரை)

ப: அவர் தன் அன்னையிடம் மிகவும் பக்தி கொண்டவர். அவரது அன்னையார் தான் அவரது வளர்ச்சிக்குக் காரணமானவர். அன்னை மாரியம்மனிடம் சிவாஜிக்கு அளவற்ற பக்தி உண்டு. இரண்டுக்கும் பொருத்தமாக அன்னை இல்லம் என்று தன் இல்லத்துக்கு பெயரிட்டிருக்கிறார்.

(ஆதாரம் : பேசும் படம், ஜனவரி 1970)

அன்புடன்,
பம்மலார்.

ஒய்.ஜி. விழா - 3

விழா உரைகள் (தொடர்ச்சி.....)
-------------------------------------------
(விழா உரைகளில், நமது நடிகர் திலகம் குறித்து கூறப்பட்ட செய்திகள் மட்டும் கொடுக்கப்பட்டுள்ளன)

கவிப்பேரரசு வைரமுத்து அவர்களின் சிறப்புரை:
"கடந்த 60 ஆண்டு கால தமிழக வரலாற்றில், தமிழினத்துக்கு தமிழ் மொழியைக் கற்றுக் கொடுத்த பேராசான்கள் இருவர் - ஒருவர் கலைஞர், இன்னொருவர் சிவாஜி. ஆம்! தமிழர்களுக்கு தாய்மொழியாம் தமிழைக் கற்றுக் கொடுத்தவை - கலைஞரின் விரல், சிவாஜியின் குரல். இதை எவரும், எங்கும், என்றும் மறுக்க முடியாது.

கலைஞரும், சிவாஜியும் நட்புக்கு இலக்கணம் வகுத்தவர்கள். நான் சிவாஜியுடன் சில வருடங்கள் தான் பழகியிருக்கிறேன். அவருடன் பழகிய அந்த இனிய தருணங்களை, நினைவுகளாக அசை போடும் போது, நான் என்னை மறந்து எங்கோ சென்று விடுகிறேன். எனக்கே அப்படி என்றால், கடந்த அரை நூற்றாண்டு காலத்துக்கும் மேலாக, அவருடன் நெருங்கிப் பழகிய கலைஞருக்கு எப்படி எல்லாம் இருக்கும் என்று பார்த்துக் கொள்ளுங்கள். சிவாஜிக்கு எத்தனையோ பேர் எத்தனையோ விதமான பாராட்டுக்களை வழங்கியிருக்கலாம். ஆனால், கலைஞரின் ஒரு செய்கை அளித்த பாராட்டைப் போல் அவருக்கு வேறு எவரும் வழங்கியிருக்க முடியாது. ஒரு முறை. தனது இல்லத்தில் தனது அறையில், கலைஞர் அவர்கள் தொலைக்காட்சியில் ஒரு சிவாஜி படத்தைப் பார்த்துக் கொண்டிருந்தார். தொலைக்காட்சிப் பெட்டிக்கும், அவருக்கும் உள்ள இடைவெளி கிட்டத்தட்ட 12 அடிகள். சிவாஜியின் நடிப்பில் அப்படியே மெய்மறந்து படத்தைப் பார்த்துக் கொண்டிருந்தார். ஒரு கட்டத்தில், சட்டென்று எழுந்தவர், அந்த 12 அடிகளையும் கடந்து, தொலைக்காட்சித் திரைக்கு அருகே சென்று சிவாஜியின் உருவத்தை தொட்டுத் தடவி 'நீ தான்யா நடிகன். உலகத்திலேயே தலைசிறந்த நடிகன்' என்று பாராட்டி சிவாஜியின் திரை பிம்பத்துக்கு முத்தமும் கொடுத்தார். இதை விட சிவாஜிக்கு உச்சமான பாராட்டு வேறென்ன இருக்க முடியும். திரையில் வருவது, சிவாஜியின் பிம்பம் என கலைஞரின் உள்ளம் நம்பும். இருப்பினும், அதையும் மீறிய பாராட்டு. தனது நெருங்கிய நண்பன் தலைசிறந்த நடிகன் என்கின்ற பூரிப்பில், பெருமிதத்தில் நட்பினால் வழங்கப்பட்ட பாசப் பாராட்டு.

சிவாஜியுடன் தனக்குள்ள நெருக்கத்தைப் பற்றி, ஆழமான நட்புறவைப் பற்றி, எவ்வளவோ முறை எத்தனையோ சம்பவங்களை என்னிடம் கலைஞர் அவர்கள் கூறியிருக்கிறார். அதில் இரண்டை மட்டும் இன்று இந்த விழாவில் கூறுகிறேன்.

பராசக்தி படம் வெளிவந்து இரவோடு இரவாக (ஒரே இரவில்) சிவாஜி, வெள்ளித்திரையின் உச்சத்திற்கே போய் விட்டார். அடுத்து அவர் நடித்துக் கொண்டிருந்த பணம் திரைப்படத்தில் அதுவரை அவருக்கு பணம் பட்டுவாடா செய்யப்படவில்லை. பணம் படத்திற்கும் வசனம் கலைஞர் தான்.

'பணத்திற்கு பணம் வாங்கினாயா, கணேசு' - இது கலைஞர்.

'இல்லை மூனாகனா, இனிமேல் தான் கேட்க வேண்டும்' - இது சிவாஜி.

'எவ்வளவு கேட்கப் போகிறாய்' - கலைஞர்.

'ஒரு பத்தாயிரம் ரூபாய் கேட்கலாம் என்று இருக்கிறேன்' - சிவாஜி.

'அட என்னப்பா நீ, இவ்வளவு குறைத்துக் கேட்கிறாய். உன் திறமை, உன் மதிப்பு உனக்கே தெரியவில்லையே! இன்னும் அதிகமாகக் கேள்' என்று கூறி தன் ஆருயிர் நண்பனுக்கு பணம் சம்பாதிக்கும் வழியையும் பாங்குறக் காட்டினார் கலைஞர். இதைக் கலைஞர் என்னிடம் கூறிய போது அவர்களது நட்பின் ஆழம் என்னை வியக்க வைத்தது.

இன்னொன்று கலைஞர்பால் சிவாஜி வைத்திருந்த அழியாத அன்பைப் பறைசாற்றும். ஒருமுறை சங்கரன் கோவிலில் நாடகம் நடத்தி முடித்து விட்டு நள்ளிரவில் சிவாஜியும், கலைஞரும் அங்கிருந்து கிளம்புகிறார்கள். கலைஞருக்கோ கடுமையான வயிற்றுவலி. அவரால் எதுவுமே செய்ய முடியவில்லை. ஒரு அடி கூட எடுத்து வைக்க முடியவில்லை. சிவாஜி பார்த்தார். தனது ஆருயிர் நண்பனுக்கு மின்னல் வேகத்தில் முதலுதவி புரிந்து வலியிலிருந்து விடுதலைப் பெறச் செய்தார். அப்படி என்னதான் செய்தார் சிவாஜி. அவர்கள் இருவரும் இருந்த அந்த இடத்திற்கு மிக அருகில் ஒரு பெரிய நீர்த்தொட்டி பெருமளவு நீருடன் காணப்பட்டது. அந்த நீர்த்தொட்டியிலே அப்படியே கலைஞரை அலேக்காகத் தூக்கி, 'தொபகடீர்' என்று போட்டு விட்டார் சிவாஜி. சில நிமிடங்கள் நீரில் இருந்த கலைஞர், சிவாஜியால் மீண்டும் நிலத்துக்கு கொண்டு வரப்பட்டார். அவரது வயிற்றுவலி பறந்து போயிருந்தது. சிவாஜியின் கைவைத்தியம் கலைஞருக்கு பலித்தது. கலைஞரிடம் அவர் வைத்திருந்த அன்புக்கு இதைவிட வேறென்ன சான்று வேண்டும்!

சிவாஜி நடித்த வியட்நாம் வீடு நாடகத்தை அவரது சீடர் ஒய்ஜி நடிப்பதே ஒரு மிகப் பெரிய சவால். ஒய்ஜியின் வெற்றிகரமான இம்முயற்சிக்கு மனமார்ந்த பாராட்டுக்கள்! சிவாஜிக்கு ஒய்ஜி செய்யும் தலைசிறந்த அஞ்சலி இது. ஒரு மனிதன், மாமேதையாகத் திகழ்ந்து மறைந்த இன்னொரு மனிதனை, எண்ணத்தால் நினைக்கலாம். பேச்சால் நினைவுபடுத்தலாம். எழுத்தால் நினைவுபடுத்தலாம். செயலால் நினைவுபடுத்தலாம். இன்னும் எத்தனையோ வகைகளில் நினைவைப் போற்றலாம். ஆனால், ஒய்ஜி, இவை எல்லாவற்றுக்கும் மேலாக, தனது மானசீக குருவான சிவாஜியை, தனது உடலால், அங்க அசைவுகளால், தனது நடிப்பால் நினைவு கூர்கிறார். சிவாஜியின் நினைவை இதைவிட சிறந்த முறையில் வேறு எவரும் போற்ற முடியாது. இதை விட உன்னதமான அஞ்சலியை அந்த மகாகலைஞனுக்கு வேறு எவரும் செலுத்த முடியாது. ஆம்! உண்மை. ஒய்ஜிமகேந்திராவின் உன்னத நடிப்பில், அவரது உடல் அசைவுகளில் நாம் சிவாஜியைக் காண்கிறோம். சிவாஜியை மறந்து விட்டு, அவரது நடிப்பை மறந்து விட்டு இந்நாடகத்தை நாம் பார்க்க முடியாது. அந்த அளவுக்கு, சிவாஜி என்கின்ற காவியக் கலைஞன் நம் அனைவருக்குள்ளும் வியாபித்திருக்கிறார். இந்நாடகத்தின் மூலம் நமக்கு மீண்டும் சிவாஜியை நினைவூட்டிய பொன்விழா நாயகன் ஒய்ஜிமகேந்திரா அவர்கள், இதுபோல் மென்மேலும் பற்பல சாதனைகளைப் புரிய வேண்டும் என என் மனதார அவரை நான் வாழ்த்துகிறேன்."

தொடரும் .....

அன்புடன்,
பம்மலார்.

Joe,

I have watched tribute to Sivaji from Singapore, excellent. Host is very simple and very real like us, just comparing so called big TVs and killing our Tamil. We must appreciate host interviewing different people and getting new details of NT from each one of them. I have watched this video for couple of times and still not boring, I will watch again and gain for few more times this week.

In Australia, I meet lots of Srilankan Tamils and they all simply love our NT's movies and some time old NT movies shown at Srilankan Tamils community gathering.

Cheers,
Sathish

திரு தாமு அவர்களின் மறைவுக்கு அஞ்சலிகள்.


சிவன்கே அவர்களின் பார்த்தால் பசி தீரும் - திரைக்கதை, திறனாய்வு அலசல் - ரசித்து ருசித்தேன். பாராட்டும் நன்றியும்.


பம்மலார் வழங்கும் கேள்வி -பதில்களும்
உரைத்தொகுப்புகளும் - கோயில் பிரசாதங்களாய் வணங்கி அருந்துகிறேன்.
நன்றி அய்யா.

இன்றைய 05.05.2010 சிங்கத் தமிழன் நிகழ்ச்சியுடன் சி.வி.ஆர் - மனோ சந்திப்பு நிறைவடைந்துள்ளது. இனி வரும் வாரங்களில் வேறு பிரபலங்கள் பங்கேற்கக் கூடும்.
இன்று சி.வி.ஆர். மிகுந்த மன நெகிழ்ச்சியுடன் காணப் பட்டார். நடிகர் திலகம் மறைய மாட்டார் என்று நம்பிக்கையுடன் இருந்ததாகவும் ஆனால் அந்த நம்பிக்கை பொய்த்து வி்ட்டதாகவும் கூறினார்.
பிரபுவின் திரையுலகப் பிரவேசம், மகன்-தந்தை உறவை தொழிலில் ஈடுபடுத்தாமல் அவருக்கு ஈடாக நடிக்க வேண்டும் என்று நடிகர் திலகம் நடித்ததை நினைவு கூர்ந்தார். மற்றும் ஒன்ஸ் மோர் படத்தில் நடிக்க வைத்ததைப் பற்றியும் சிலாகித்துக் கூறினார்.

முத்தாய்ப்பாக அவர் கூறிய ஒரு நடந்த நிகழ்ச்சி மிகவும் புல்லரி்க்க வைத்தது. 81வது பிறந்த நாள் நிகழ்ச்சிக்காக சேலம் சென்ற பொது ஒரு இளைஞனைப் பார்த்ததாகவும் அவர் 25 முறை நேர்காணல் சென்றும் எதுவும் பயனில்லை என்று வருந்தியதாகவும் சொன்னார். உடனே அவர் அந்த இளைஞனிடம் சொன்னாராம் - வருத்தப் படாதே, இந்த நேர்காணலை நீ நிச்சயம் பங்கேற்க வேண்டும். நிச்சயம் உன்னுடைய தகுதியைப் பற்றிக் கேட்பார்கள். அப்போது நீ சொல்ல வேண்டியது, நான் குறைந்தது 50, 60 சிவாஜி படங்களைப் பார்த்திருக்கிறேன் என்று சொல் என்றாராம். பின்னர் மறுமுறை அந்த இளைஞனைச் சந்திக்க நேர்ந்த போது அந்த இளைஞன் மிகவும் மகிழ்ச்சியுடன் இவருக்கு நன்றி நவின்றானாம். சி.வி.ஆர். அவர்கள் காரணம் கேட்ட போது, அந்த இளைஞன் - நீங்கள் சொன்னது போன்றே நான் சிவாஜி படத்தைப் பார்த்தது பற்றி சொன்னேன். உடனே எனக்கு வேலை கிடைத்து விட்டது என்றானாம். சி.வி.ஆர் அந்த இளைஞனை வாழ்த்தினாராம். பின்னர் அந்த இளைஞனுக்கு வேலை கொடுத்த நிர்வாகியிடம் கேட்டாராம். அதற்கு அந்த நிர்வாகி சொன்னாராம். சிவாஜி படங்களில் 50, 60 படங்களைப் பார்த்திருக்கிறான் என்றால் நிச்சயம் அவருடைய நற்குணங்கள் அவனிடம் குடி புகுந்திருக்கும் . ஏனென்றால் அவர் படங்களைப் பார்த்து அவருடைய நற்குணங்கள் என்னிடம் குடி கொண்டுள்ளன. அதே போல் இந்த இளைஞனும் ஒழுங்காக வேலைக்கு நேரத்தோடு வருவான் என்று கூறினாராம்.
இந்த சம்பவத்தைக் கூறிவிட்டு, நடிகர் திலகம் எவ்வளவு பெரிய மகான் என சிலாகித்தார் சி.வி.ஆர்.

நடிகர் திலகம் மகான் என்பதில் ஐயம் உண்டோ

ராகவேந்திரன்

டியர் முரளி சார், ராகவேந்திரன் சார்,

பல்கலைக்கழகங்களாகிய தாங்கள் வழங்கிய பட்டங்களுக்கு எனது இரு கரம் கூப்பிய, சிரம் தாழ்த்திய பணிவான நன்றிகள்!

திரு.சிவன்கே,

பார்த்தால் பசி தீரும் - திரைக்கதை, திறனாய்வு - எல்லாமே பிரமாதம். தங்களது அழகிய எழுத்து நடை, மீண்டும் ஒரு முறை இக்காவியத்தைக் கண்டு களித்த திருப்தியை ஏற்படுத்தியது.

பாராட்டுக்களுக்கு மிக்க நன்றி திரு.கிருஷ்ணாஜி, திரு.காவேரிக்கண்ணன், திரு.சதீஷ்.

Mr.Joe, Thanks a lot for the stupendous links!

அன்புடன்,
பம்மலார்.

கேள்வி பிறந்தது! நல்ல பதில் கிடைத்தது! - 5

கே: நடிகர் திலகம் அமெரிக்கா போகிறாரே, அவருக்கு ஆங்கிலம் தெரியுமா? (மிஸ்.பியூலா எலிசபெத், கோவை)

ப: இதையே அவருக்கு ஆங்கிலத்தில் எழுதிக் கேளுங்கள். அழகாக அவரிடமிருந்து ஆங்கிலத்திலேயே பதில் வரும்!

(ஆதாரம் : பேசும் படம், நவம்பர் 1961)

அன்புடன்,
பம்மலார்.

"சிவகாமி உமையவளே முத்துமாரி
உன் செல்வனுக்குக் காலமுண்டு முத்துமாரி
மகராசன் வாழ்கவென்று வாழ்த்து கூறி
இந்த மக்களெல்லாம் போற்ற வேணும் கோட்டையேறி"

என்று அன்னை மாரியம்மனிடம் பக்திப் பெருக்குடன் முழங்கிய மூக்கையா சேர்வைக்கு நாளை (6.5.2010) 39வது ஜெயந்தி!

பட்டிக்காடா பட்டணமா

6.5.1972 (ஸ்திர வாரமான சனிக்கிழமை)

156வது காவியம் (132வது கருப்பு-வெள்ளைக் காவியம்)

மதுரை சென்ட்ரல் சினிமாவில் கோலாகல வெள்ளி விழா (26 வாரங்கள்)

9 அரங்குகளில் 100 நாட்களுக்கு மேல்

கிட்டத்தட்ட திரையிட்ட சகல ஊர்களிலும் 50 நாட்களுக்கு மேல்

ஒரு கோடி ரூபாய் மொத்த வசூல் ஈட்டிய ஒரே தமிழ் கருப்பு-வெள்ளைக் காவியம்

இன்னும் எத்தனை எத்தனையோ சாதனைகள்! எண்ணினால் எண்ணிலடங்கா!! எழுதினால் ஏட்டிலடங்கா!!!

உலக கருப்பு-வெள்ளை சினிமாவின் நிரந்தரப் பெருமை, பட்டிக்காடா பட்டணமா.

சத்தியத்திற்கும் நாளை (6.5.2010) 35வது ஆண்டு ஆரம்ப விழா!

அன்புடன்,
பம்மலார்.

Patti Kada Pattanama vil annan anintha cooling glass appo romba famous.

Nalvazthu nan solluven nalla padi vazga vendru

B'lore la intha padathukku romba nalla varaverpu endru ennudaya college professor solluvar.

aramabame super pattu-ambigaie easwariye
ennai alavandu koil konda kumguma kari

patti thoti engum ella koil vizhavilum intha pattu speaker la poduvanga-

kudumi uncle endru JJ koopiduvathu azagu

Iyakunar PMadhavan thantha super padam!