தமிழ்நாடு அரசும், இண்டோ சினி அப்ரிசேஷன் அமைப்பும் இணைந்து நடத்தும் 13து சென்னை சர்வதேச திரைப்பட விழா வருகிற டிசம்பர் 10ம் தேதி முதல் 17ந் தேதி வரை 8 நாட்கள் நடக்கிறது. இதில் சுமார் 60 நாடுகளைச் சேர்ந்த 150க்கும் மேற்பட்ட படங்கள் திரையிடப்பட இருக்கிறது. இந்தப் படவிழாவில் தமிழ் படங்களும் போட்டியிடும், தேர்ந்தெடுக்கப்படும் படத்திற்கு விருதுகள் வழங்கப்படும். இதுகுறித்து சர்வதேச பட விழாவின் இயக்குனர் இ.தங்கராஜ் விடுத்துள்ள அறிக்கையில் கூறியிருப்பதாவது:
13வது சென்னை சர்வதேச திரைப்பட விழா வருகிற டிசம்பர் மாதம் 10ந் தேதி முதல் 17ந் தேதி வரை நடக்கிறது. இதில் போட்டி பிரிவில் கலந்து கொள்வதற்கான தமிழ் படங்கள் வரவேற்கப்படுகிறது. 2014 அக்டோபர் 16ந் தேதி முதல் 2015 அக்டோபர் 15ந் தேதிக்குள் தணிக்கை சான்று பெற்ற திரைப்படங்களை அனுப்பலாம்.
ஆங்கிலத்தில் சப் டைட்டில் போடப்பட்டு இரண்டு டிவிடி காப்பி அனுப்ப வேண்டும். அனுப்ப வேண்டிய கடைசி நாள் நவம்பர் 7ந் தேதி. அனுப்ப வேண்டிய முகவரி: இண்டோ சினி அப்ரிசேஷன் அலுவலகம், எண் 4, இரண்டாவது மாடி, ஈ பிளாக், ஜெமினி பார்சன் அப்பார்ட்மெண்ட், கதீட்டரல் கார்டன் சாலை, சென்னை 6. மேலும் விபரங்களுக்கு 914428212652 என்ற தொலைபேசி எண்ணில் தொடர்பு கொள்ளலாம். இவ்வாறு தங்கராஜ் தனது அறிக்கையில் தெரிவித்துள்ளார்.