ராகவேந்திரன் சார் ...நீங்கள் நடிகர் திலகம் என்ற கண்ணாடி ஒன்றை வைத்து, அதன் முலமே அரசியல் உலகைக் காண்பவர் என்பதைத் தவிர வேறு அரசியல் சார்பற்றவர் என்பது இந்த திரியைத் தொடர்ந்து படித்துவரும் எனக்குத தெரியும்.
இதற்க்கு சான்றாக சிலை திறப்பு விழா நிகழ்வுகளை அடிப்படையாகக் கொண்டு மு.க. மீது செய்யப்பட்ட விமரிசனங்களைக் கண்டித்தும், அவரை ஆதரித்தும் நீங்கள்
இந்தத் திரியில் எழுதிய பல பதிவுகளே உள்ளன. ( அப்போதெல்லாம் நான் உங்களை தி.மு.க என்று நினைத்திருந்தேன் என்றால் பார்த்துக்கொள்ளுங்களேன்) .
நடிகர் திலகத்தின் புகழ் பாட ஒரு வெப் சைட் நடத்திவரும் உங்களுக்கு நன்றி சொல்ல ஒவ்வொரு சிவாஜி ரசிகனும் கடமைப் பட்டுள்ளான். உங்களுடைய அனுபவம், எழுத்தாற்றல் போன்றவை நிச்சயம் இந்த திரிக்குத் தேவை. எங்களில் யாரும் தவறு செய்தாலும் சுட்டிக்காட்டி திருத்த வேண்டிய அளவுக்கு அனுபவம் உடைய நீங்கள் உணர்ச்சி வசப்பட்டு முடிவெடுக்கக் கூடது.
உங்கள் மனம் புண்பட்டதற்கு எல்லோரின் சார்பாகவும் நான் வருத்தம் தெரிவித்துக் கொள்கிறேன். தயவு செய்து தொடரவும்.
நமது நண்பர்களில் ஒரு சிலருக்கு சிறு வேண்டுகோள் . கருத்துக்களை பதில் கருத்துக்களால் எதிர் கொள்வதோடு நிறுத்தாமல், எழுதியவர் மீது தனி நபர் விமர்சனம் செய்வதை தயவு செய்து இந்தத் திரியில் தவிர்க்குமாறு கேட்டுக் கொள்கிறேன்.
