Printable View
திரு ராகேஷ் சார்,
தங்களுக்கு இனிய பிறந்த நாள் நல்வாழ்த்துக்கள். தாமதமாக வாழ்த்துவதற்கு மன்னிக்கவும்.
திரு முரளி சார்,
தங்களின் இது போன்ற நீண்ட கட்டுரையை படித்து எவ்வளவு நாட்களாகிவிட்டது, மணியனின் உண்மையான முகத்தை ஆதாரத்தோடு உலகுக்கு உணர்த்தியதற்கு நன்றிகள் பல கோடி.
திரு வாசுதேவன் சார்,
இத்தனை இசைக்கருவிகளை திரையில் வாசித்தது நம்மவரின் சாதனை என்றால் அத்தனையையும் ஒன்று விடாமல் தேடி பிடித்து இங்கு பதிவேற்றம் செய்தது தங்களின் சாதனை,மிக்க நன்றி .
அன்புள்ள வாசுதேவன் சார்,
உங்களின் 'இசைக்கருவிகளுடன் இணையில்லாக்கலைஞன்' தொகுப்பு கண்டு அசந்து போனேன். எங்கிருந்தெல்லாம், எப்படியெல்லாம் தேடியெடுத்து வந்திருக்கிறீர்கள் என்பதற்கு, அந்தந்த ஸ்டில்களின் மூலைகளில் இடம்பெற்றிருக்கும் எம்ப்ளங்களே சாட்சியாக விளங்குகின்றன. எந்த ஒரு வீடியோ நிறுவனத்தையும், எந்த ஒரு டிவி சேனலையும் விடவில்லை போலிருக்கிறது.
முதலில், நடிகர்திலகம் இத்தனை ப்டங்களில் இத்தனை இசைக்கருவிகளை இசைத்திருக்கிறார் என்று உங்களுக்கு நினைவுக்கு வந்தது ஒரு ஆச்சரியம், அவை எங்கெங்கே கிடைக்கும் என்று தேடிக்கொணர்ந்தது அதைவிட ஆச்சரியம். இவையெல்லாம் பார்த்துவிட்டு மறந்து விட்டுப்போவதற்கு அல்ல, பொக்கிஷமாய்ப் பாதுகாப்பதற்கு என்று சொல்லாமல் சொல்லி விட்டீர்கள். நீங்கள் சொல்வதற்கு முன்பே நாங்கள் பாதுகாத்து விட்டோம். பின்னே?. இன்னொருமுறை கிடைக்காத அரிய வாய்ப்பு அல்லவா?.
நான் ஒரு பல்கலைக்கழகத்தின் துணை வேந்தராயிருந்தால், நேற்றே நீங்கள் 'டாக்டர்' ஆகியிருப்பீர்கள். இருந்தாலும் 'நடிகர்திலகத்தின் தீவிர ரசிகன்' என்பது பல டாக்டர் பட்டங்களுக்கு சமம் அல்லவா?.
என்ன ஆச்சரியம்?. நெய்வேலி சுரங்கத்தில் நிலக்கரி மட்டும் கிடைப்பதாகத்தான் இத்தனை நாளும் நினைத்துக் கொண்டிருந்தேன். வாசுதேவன் போன்ற தங்கக் கட்டிகளுமா கிடைக்கின்றன?.
Quote:
என்ன ஆச்சரியம்?. நெய்வேலி சுரங்கத்தில் நிலக்கரி மட்டும் கிடைப்பதாகத்தான் இத்தனை நாளும் நினைத்துக் கொண்டிருந்தேன். வாசுதேவன் போன்ற தங்கக் கட்டிகளுமா கிடைக்கின்றன?
பொன்னெழுத்துக்களில் பொறிக்க வேண்டிய வரிகள்..
அன்பு கார்த்திக் சார்,Quote:
'நடிகர்திலகத்தின் தீவிர ரசிகன்' என்பது பல டாக்டர் பட்டங்களுக்கு சமம் அல்லவா?.
தங்கள் வானளாவிய வாழ்த்துக்களுக்கும், பாராட்டுக்களுக்கும் என் சிரம் தாழ்ந்த நன்றிகளைத் தெரிவித்துக் கொள்கிறேன். தங்களைப் போல அன்பானவர்களின் நல்லாசியும், நட்பும், நம் காவிய நாயகரின் அருளாசிகளும் துணை இருக்கும் பட்சத்தில் எந்த சாதனைகள் வேண்டுமானாலும் செய்து சாதிக்கலாம் என்பதை பணிவோடும் அடக்கத்தோடும் தெரிவித்துக் கொள்கிறேன். நீங்கள் கூறியது நூற்றுக்கு இருநூறு சதவீதம் சரியே. அவரின் ரசிகன் என்ற பெருமையை விட மேலாக வேறு எதுவுமே உலகத்தில் நமக்கில்லை.
அன்பு நன்றிகள் சார்.
அன்புடன்,
வாசுதேவன்.
டியர் ராகவேந்திரன் சார்,
என்னுடைய பாசமான நன்றிகள் சார். இதற்கெல்லாம் மூல காரணகர்த்தாவே நீங்கள்தான். அதற்காக என்றென்றைக்கும் தங்களுக்கு கடமைப் பட்டுள்ளேன். நன்றிகள் சார்!
தங்களின்,
அன்பு வாசுதேவன்.
அன்புள்ள முரளி சீனிவாஸ் சார் & சாரதா மேடம்,
மணியன் என்ற மனிதனின் மறுபக்கத்தை தெளிவுறக்காட்டியதற்கு மிக்க நன்றி. எல்லோருடைய ஆதங்கமும் ஒன்றே ஒன்றுதான். அவர்களிருவரும் நெருக்கமாக இருப்பதற்காக, சம்மந்தமேயில்லாத நடிகர்திலகத்தை எதிரியாகப் பாவித்து, பழிவாங்கும் எதிர் நடவடிக்கைகளில் ஈடுபட்டது ஏன் என்பதுதான். ஒருவேளை இப்படியெல்லாம் செய்தால்தான் நமது நட்பு நீடிக்கும் என்று 'சிலரால்' மணியன் நிர்ப்பந்தப் படுத்தப்பட்டாரா?. அப்படிச்செய்தால் அதற்குப்பெயர் நட்பா?. இல்லை, பச்சை வியாபாரப்புத்தி.
வாசுதேவன் கேட்டது போல, ஒரு அப்பாவிப் பசுவைச்சுற்றி இத்தனை வரிப்புலிகளா?. ஒருபக்கம் நா.பார்த்தசாரதி (நா.பா) என்பவன் இவரைத்தாக்கி ஒரு நாவலே எழுதினான். இன்னொருபக்கம் ராண்டார்கய் என்பவன் வரலாறுகளை மாற்றி, தரம் தாழ்ந்து எழுதியிருக்கிறான். ஏன்?. அப்படியென்ன அவர்கள் தின்னும் சோற்றில் இவர் மண்ணை அள்ளிப்போட்டாரா?. அடப்பாவிகளா, சூது வாது தெரியாத ஒரு அப்பாவித்தமிழனை காரணமேயில்லாமல் எப்படியெல்லாம் குறி வைத்து தாக்கியிருக்கிறீர்கள்?. இதனால் நீங்கள் அடைந்த லாபம் என்ன?. ('இதயம் பேசுகிறது' பத்திரிகை எரிப்புப் போராட்டத்தில் கலந்துகொண்டு போலீஸாரிடம் தடியடி வாங்கிய விவரத்தை ஏற்கெனவே இங்கு சொல்லியிருந்தேன்). 'பூனைக்கு யார் மணி கட்டுவது?' என்ற அநியாயக்கட்டுரை எழுதியவர் இன்றைக்கு சோற்றுக்கே லாட்டரி அடிப்பதாகக்கேள்வி. தெரிந்தவர்களிடமெல்லாம் பணம் கேட்டுக்கொண்டிருக்கிறாராம். ஒரு இணையதளத்தில் படித்தேன்.
அப்பாவைப்போலவே பிள்ளைகளும் மன்னிக்கும் உயர்ந்த குணம் கொண்டவர்களாக விளங்குவதால்தான் இன்றைக்கும் 'அன்னை இல்லம்' பொலிவோடு விளங்குகிறது.
செல்லுலாய்ட் திலகத்தின் செப்டம்பர் சித்திரங்கள் (தொடர்ச்சி)
http://en.600024.com/images/profile/.../rajarishi.jpg
ராஜ ரிஷி
வெளியான நாள் 20.09.1985
தயாரிப்பு - பைரவி பிலிம்ஸ்
இயக்கம் - கே. சங்கர்
திரைக்கதை, உரையாடல் - ஏ.எஸ்.பிரகாசம்
இசை - இளையராஜா
ஒளிப்பதிவு - எம்.சி.சேகர், சிறப்பு ஒளிப்பதிவு - ரவிகாந்த் நகாய்ச்
படத்தொகுப்பு - கே.சங்கர், வி.ஜெயபால்
நடனம் - சுந்தரம்
நடிக நடிகையர் - நடிகர் திலகம் சிவாஜி கணேசன், இளைய திலகம் பிரபு, கே.ஆர். விஜயா, லட்சுமி, நளினி, ராதிகா, மற்றும் பலர்
பாடல்கள் - வாலி, புலமைப்பித்தன்
1. மான் கண்டேன் மான் கண்டேன்
2. ஆடையில் ஆடும்
3. சங்கரா சிவ சங்கரா
4. மாதவம்
5. அழகிய கலைநிலவே
இனிமையான பாடல் மான் கண்டேன் - இளைய திலகம் பிரபு, நளினி
http://www.youtube.com/watch?v=5Z5Uf...eature=related
அன்புடன்
Dear Mr. Vasudevan
Kindly send me our N.T. Photos (NOT FEW), but as many as you can please....
E-mail: mgguruswamy@gmail.com
JAIHIND
M. Gnanaguruswamy
டியர் ராகவேந்திரன் சார்,
"கல்யாணியின் கணவன்" ,"ராஜ ரிஷி" பதிவுகள் கலக்கல் ! பாராட்டுக்கு நன்றி !
டியர் வாசுதேவன் சார்,
வழக்கம் போல் "கல்யாணியின் கணவன்" ஸ்டில்ஸ் Superb !
டியர் mr_karthik,
நமது வாசுதேவன் அவர்கள், நமது நடிகர் திலகம் "பராசக்தி" மூலம் திரையுலகில் புயலெனப் புகுந்ததுபோல், நமது நடிகர் திலகம் திரியில் புகுந்திருக்கிறார் என்று கூறினாலும் அது மிகையன்று !
அன்புடன்,
பம்மலார்.
அன்புள்ள சாரதா,
என் பதிவை படித்து அதற்கு பதிலுறுத்ததற்கு நன்றி. உண்மையைச் சொன்னால், நீங்கள் என் பதிவை படித்தது எனக்குத் தான் மிக மிக மகிழ்ச்சி. முன்பொரு சமயம் "படிக்காத மேதை" கதாபாத்திரத்தை நான் அனுபவித்து அலசியிருந்ததை, அதே அளவு உணர்வுடன் ரசித்தவர்கள் நீங்கள். என்னைப் போலவே ரசிக்க இன்னொருவர் என்ற உண்ர்வு எழுந்தது.
நீங்கள் எல்லோரும் இங்கு பங்களிக்கும் விதம் சிகரத்திற்கு ஒப்பானது. நான் சிறு அணில் போல. எனக்கு எழுத தெரிந்ததும் ரசிப்பதும் சில(பல) நேரம் வார்த்தைகளில் கொட்டி விட முடிவதில்லை. குறிப்பாக ஏதேனும் ரசிக்கும் கதாபாத்திரங்கள் நினைவு கூர்ந்தால் நிச்சயம் பகிர்வேன். "பாபு" திரைப்படம் நடிகர் திலகத்தின் கை வண்ணத்தில் நான் மிகவும் ரசித்த ஒன்று. என்றேனும் அதை மறுபடியும் காண நேர்ந்தால் பகிர்ந்து கொள்கிறேன்.
சுதா உங்களுக்கும் நன்றி.